Detaljreguleringsplan for Vangsnes ROS- analyse Sauda kommune 01. mars 2016
Innhald 1. Føremål og omgrep... - 3-1.1 Føremål...- 3-1.2 Omgrep...- 3-2. Vurdering av mogelege uønska hendingar... - 3-2.0 Planføresetnadar... - 3-2.0.0 Planområdet...- 3-2.1 Farekategoriar for vurdering av mogelege uønska hendingar...- 4-2.2 Naturgitte tilhøve... - 5-2.2.1 Ras/ skred...- 5-2.2.2 Geoteknikk...- 5-2.2.3 Flaum...- 5-2.2.4 Ekstrem nedbør...- 7-2.2.5 Ekstrem vind...- 7-2.3 Infrastruktur...- 8-2.3.1 Vegar...- 8-2.3.2 Trafikkstøy...- 9-2.3.3 Ulukke i kryss og med gåande/ syklande...- 9-2.3.4 Skipstrafikk...- 10-2.3.5 Industri og næringsliv i nærområdet, samt ureining og støy knytt til desse...- 10-2.3.6 Transport av/ ulykke med farleg gods...- 11-2.3.7 Brann og eksplosjon...- 11-2.3.8 Innsatstid og kapasitet for naudetatane...- 11-2.3.9 Stråling...- 12-3. Analyse og konklusjon... - 13-3.1 Kriteria for rangering av sannsyn... - 13-3.2 Kriteria for rangering av konsekvens...- 13-3.3 Risikomatrise... - 14-3.4 Akseptkriterium... - 14-3.5 Uønska hendingar med mogelege førebyggjande tiltak...- 15-3.6 Konklusjon...- 16 - - 2 - Epost areal@omega.no
1.Føremål og omgrep 1.1 Føremål Føremålet med risiko- og sårbarhetsanalysar er å utarbeida eit grunnlag for planleggingsarbeidet slik at beredskapsmessige omsyn kan integrerast i den ordinære planlegginga, og at det kan gi betre grunnlag for beredskaps- og kriseplanlegging i samfunnet. 1.2 Omgrep Risiko uttrykker den faren som uønska hendingar representerer for menneske, miljø, økonomiske verdiar og samfunnsviktige funksjonar. Risiko er eit resultat av sannsynet for (frekvensen) og konsekvensane av uønska hendingar (DSB) Sårbarhet er eit uttrykk for eit system si evne til å fungera og oppnå måla sine når det blir utsett for påkjenningar (DSB) Sannsyn er eit uttrykk for kor hyppig ei hending kan ventast å inntreffa. Vurderinga må byggja på kjennskap til lokale tilhøve, røynsler, statistikk og anna relevant informasjon. Konsekvens er mogeleg verknad av ei hending. 2.Vurdering av mogelege uønska hendingar 2.0 Planføresetnadar 2.0.0 Planområdet Det er planlagt delvis ny frontfasade mot sjø, med høve for oppgradering og tilrettelegging for ålmenn bruk langs kystlina. Dagens bruksføremål er i hovudsak vidareført, samtidig som det er gitt høve for å føre opp ny ambulansestasjon kombinert med bustader, samt å leggje til rette for ny kaifront med småbåthamn sør for hurtigbåtkaien. Sauda kommune har vurdert og konkludert med at tiltaket ikkje skal konsekvensutgreiast. - 3 - Epost areal@omega.no
2.1 Farekategoriar for vurdering av mogelege uønska hendingar I plankartet vil område med potensiale for risiko synast med omsynssone. ROS- analysen er utført i samsvar med «Veileder for kommunal risiko- og sårbarhetsanalyser» utgitt av Direktoratet for sivilt beredskap (2010), Norsk Standard 5814:2008, «Veiledning om tekniske krav til byggverk» utgitt av Direktoratet for byggkvalitet (2010) og Fylkesmannen i Rogaland sin mal for ROS- analysar i arealplansamanheng. Sauda kommune har ikkje utarbeidd overordna ROS- analyse eller vedteke eigne akseptkriteriar. Omega Areal AS vil difor nytte eigne akseptkriterium og metode for rangering av sannsyn og konsekvensar i samsvar med dei nemnte rapportane. Det er laga ei sjekkliste ut i frå liste med farekategoriar der det er vurdert om kategoriane er aktuelle å kartleggje for det aktuelle planområdet eller ikkje. Hending/ situasjon Aktuelt? Naturgitte tilhøve Ja Nei Er området utsett for eller kan planen medføre risiko for: Ras/ skred (steinsprang, snø, sørpe og lausmasseskred) Geoteknikk (bergartar, lausmassar og stabilitet) Flaum (elv, bekk) Ekstrem nedbør (stormflo, høgvasstand, store bølgjer og stigning av havnivå) Ekstrem vind Skog- og grasbrannar Menneskeskapte tilhøve Ja Nei Kan planen få konsekvensar for eller kan planområdet verta påverka av: Vegar Trafikkstøy Ulukke i kryss og med gåande/ syklande Skipstrafikk Industri og næringsliv i nærområdet, samt ureining og støy knytt til desse Transport av/ ulukke med farleg gods Brann og eksplosjon Innsatstid og kapasitet for naudetatane Dambrot Stråling (høgspent linje, radon) Terrengformasjon (naturlege terrengformasjonar som utgjer spesiell fare) - 4 - Epost areal@omega.no
2.2 Naturgitte tilhøve 2.2.1 Ras/ skred Steinsprang, snø, sørpe og lausmasseskred frå naturleg terreng Det er ikkje registrert skredhendingar innafor planområdet. Aktsemdkarta for snøskred og for steinsprang syner heller ikkje innafor planområdet, men ligg lenger oppe i fjellsida. NGI har vurdert snø- og steinskredfaren nærare i eigne aktsemdkart, men desse råkar heller ikkje planområdet. Det same gjeld jord- og flaumskredkarta til NGU. NGI snø- og steinskredkart (brun dekkande skravur) og NGU jord- og flaumskredkart (kvit/brun skravur). Kjelde: www.nve.atlas.no 2.2.2 Geoteknikk Bergartar, lausmassar og stabilitet Vangsnes ligg på eit relativt flatt område på omtrent kote +2. Heile området ligg under marin grense, og med lausmassar av elveavsetning og delvis fyllmasse mot nordaust. Desse går over mot bart fjell i sjø. Tidlegare arbeid i området har ikkje avdekka stabilitetstilhøve som krev vidare utgreiing. 2.2.3 Flaum Elv, bekk Nordelva og Storelva møtes i utlaupet langs austsida av planområdet, og inngår i utarbeidd flaumsonekart av NVE, rapport 8/2007. Denne syner at delar av planområdet vil verta råka av ein 200- års flaum. - 5 - Epost areal@omega.no
Flaumsonekart for 200- års flaum. Kjelde: www.nve.no Vasstanden i tverrprofil01 er 2.1 meter jf. kartet. Nye bygningar må planleggjast og byggjast over vasstanden ved forventa 200- årsflaum, i tillegg til eit klimapåslag. NVE legg til grunn at det skal tilføyast 40 cm i verdiane deira, og vert her totalt på kotenivå 2.5. Gjeldande kommuneplan har føresegner om at bygningar mot sjø skal førast opp på minimum kotenivå 2.5. Det vert i hovudsak planlagt for bygningar innafor tryggleiksklasse F2, der gjentaksintervallet for ein 200- års flaum skal leggjast til grunn for høgdeplasseringa av bygg. Då det i tillegg vert planlagt for ambulansestasjon, har dette ein samfunnsviktig funksjon og ligg under tryggleiksklasse F3 for flaum med gjentaksintervall 1/1000. Flaumrapporten til NVE har ikkje gjort berekningar for flaum med gjentaksintervall mindre enn 1/500 i sin rapport. Område for oppføring av ambulansebygget ligg ytst på Vågsneset, og det er mindre truleg at omfanget ved overflauming av elva vil ha innverknad i dette området då elva vil jamne seg ut med sjøen i utlaupet. Nordelva ligg under verneplan for Åbøvassdraget (2005, NVE) då elva vert sett på som eit restfelt i eit elles tungt vasskraftutbygd område, og har vernegrunnlag knytt til verdiane i det omliggjande kulturlandskapet til elva. Planlagt utbygging vil ikkje føre til større inngrep i utløpet til vassdraget enn dagens situasjon. - 6 - Epost areal@omega.no
2.2.4 Ekstrem nedbør Stormflo, høg vasstand, store bølgjer og stigning av havnivå Sør- Noreg ligg midt i vestavindbeltet og er mykje utsett for lågtrykk som kjem inn frå havet mot Sør- Noreg og vidare mot Vestlandet. Lågtrykka kan gje mykje nedbør og sterk vind. I høve til klimaframskrivingane framlagt i rapport «Klima i 2100» utgitt av Norsk klimasenter i 2009, vil nedbøren på Vestlandet auke med 18 % i 2100. Sjølv om temperaturen vil auke mellom 2 og 4 grader, i følgje same rapport og NOU 2010:10, vil det vere ein overgangsperiode der nedbøren kan auke betrakteleg, utan at temperaturen fell. Større nedbørsmengder i form av snø kan difor opptre i framtida. Havnivåstigninga kan føre til at stormflo og bølgjer strekk seg lenger inn på land enn i dag. Planområdet grensar til sjø, og må planleggast på eit slikt nivå at framtidig havnivåstigning ikkje kan gjere materielle skade. I følgje rapporten til DSB «Havnivåstigning Estimater for framtidig havnivåstigning i norske kystkommuner, 2009» kan havnivået langs norskekysten stiga mellom 40 til 80 cm innan 2100. Den største havnivåstigninga er forventa å kome på Sør- og Vestlandskysten. Det er difor viktig å korrigere minste byggjehøgd med forventa havnivåstigning i tillegg til dagens stormflo/ springflo- nivå. Slag frå bølgjer og fare for isgang kan føre til skade på materielle verdiar. Byggteknisk forskrift 7-2 set krav til tryggleik i høve til flaum og stormflo. DSB gav i mars 2015 ut ein rettleiar for handtering av havnivåstigning i kommunal planlegging, der stormflo med 100- års gjentaksintervall vert omrekna til tryggleiksklassane i TEK10 på 20-, 200- og 1000- års intervall som bør leggjast til grunn ved stadfesting av byggjehøgde. Eventuelle bygg under slikt nivå må kunne byggjast slik at dei kan tole vassinntrenging utan fare for økonomiske verdiar. I Fløgstadvika, like vest for planområdet er det i følgje sehavniva.no høgvatn v/ 1000- års intervall på 122 cm (NN54). Ved korrigering til NN2000 og med høgd for land- og havnivåstiging for Sauda, kan havnivået nå ei høgd på 138 cm. Ved kraftig lågtrykk kan havnivået stige ytterlegare 50 cm. Dette er likevel under minstekravet sett i kommuneplan på 2.5 meter, og vert lagt til grunn i den vidare planlegginga. 2.2.5 Ekstrem vind Ekstrem vind kan føre til at tre, lause gjenstandar og bygningsdelar losner og gjer skade. Ofte fell tre ut i vegen og stansar trafikken, eller veltar over hengande el- kablar som fører til straumbrot. Naturårsaker er vanskelege å gjere tiltak mot, og klimaprognosar syner til at det vil kome meir ekstrem nedbør og vind i framtida. Det er utarbeidd gode varslingssystem, og det er viktig å gjere dei tiltak som er naudsynte for å sikre materielle verdiar og menneskeliv ved ekstremvér. - 7 - Epost areal@omega.no
2.3 Infrastruktur 2.3.1 Vegar Planområdet inkluderer delar av dagens fv. 520 og fv. 718 Kyrkjegata, kv. 1850 og 1520 Rådhusgata, og den mindre parsellen kv. 1860. Fv. 520 ligg med ÅDT 2600 (2014) og 12% tunge køyretøy jf. vegvesenet sin kartdatabase vegkart. Fv. 718 ligg med ÅDT 400 (2014) og 7% tunge køyretøy.det er fleire busshaldeplassar på planområdet åleine, to ved fv. 520 og ein inne på planområdet ved Russerbrua. Det er eigne anlegg for mjuke trafikantar langs storparten av vegane. Veganlegg i området. Mørk gul farge: dagens fylkesveg. Øvrige lys gule anlegg: kommunale og private vegar. Grøn farge: kv. 1850, raud farge: kv. 1520 Rådhusgata, lilla farge: kv. 1860. Eksisterande busshaldeplassar og -stopp er markert med ein B. Kjelde bilete: www.vegvesen.no/vegkart - 8 - Epost areal@omega.no
2.3.2 Trafikkstøy Fylkesvegane i området er støykartlagt av Statens vegvesen for prognoseåret 2025, datert okt. 2010. Karta syner at delar av planområdet vert råka av både gul og raud støysone, og må greiast nærare ut med ein meir detaljert støykartlegging før nye bygg vert ført opp. Innandørs og utandørs støy må tilfredsstille krav i teknisk forskrift/ NS8175:2012, og rettleiar T-1442, «retningslinje for behandling av støy i arealplanleggingen». Støykart. Kjelde: www.vegvesen.no 2.3.3 Ulukke i kryss og med gåande/ syklande Det er i hovudsak opparbeidd einsidig fortau langs veganlegga på planområdet i dag. Dette bør vidareførast. Inne på området bør det planleggjast med veganlegg tilpassa bruken, og som oppmuntrar til låg fart og høg merksemd. Fleire av avkøyrslane kan verke utflytande, særskilt i område med større asfalterte flater. Å sanere desse samtidig som ein framhever køyrebanen er døme på trafikksikrande tiltak. Veganlegg må planleggjast i tråd med håndbok N100. - 9 - Epost areal@omega.no
2.3.4 Skipstrafikk Grunnstøyting kan føre til utslepp til luft og sjø som kan gi masseskadar for kommunen. Tiltak kan redusere sannsynet for at uhell skjer, der bl.a. fokus på kompetanse og utstyr, og øving for skadeavgrensande tiltak bør vektleggjast. Ei slik hending er lite sannsynleg, men skadepotensialet kan verte svært høgt. Sauda ligg inst i fjorden og havstraumane her vert dermed mindre. Det er i hovudsak skipstrafikk og annan båttrafikk knytt til lasting/ henting, og ikkje gjennomgangstrafikk som er gjeldande for området. Skadar kan ofte oppstå ved legging til kai, og det må visast stor merksemd og kunnskap ved manøvrering av større båtar og skip. 2.3.5 Industri og næringsliv i nærområdet, samt ureining og støy knytt til desse Oversikt over verksemder som held til innafor plangrensene i dag, og kor vitt desse skal vidareførast til planforslaget. Gnr./ bnr. Type verksemd Vidareførast til planforslaget? 32/885 Vegareal Ja 32/424, 430 Næring/ kontor Ja 32/462 Næring/ kontor Ja 32/472 Tidlegare næring/ kontor/ lager Ja, næring/ kontor/ bustad 32/125, 146, 194, 247 Veg, busshaldeplass, taisentral, friområde, Ja snøggbåtkai/ utskipingskai 32/832 Næring/ lager Ja 32/380 Næring/ kontor Ja 32/491 Næring/ lager Ja 32/500 Næring/ lager Ja Oversikten over gir eit bilete på kva type verksemder som held til i området, samt i kva grad desse fører til ureining til luft og grunn/ sjøsedimenter. Det vert ikkje drive industri i området pr. dags dato. Snøggbåtkaien og dagens utskiping av treverk kan føre til utslepp til sjø, men i avgrensa form. Dagens verksemder innafor planområdet har ikkje slik produksjon at det fører til ureining i form av støy. Naboverksemdene i nord og vest driv med med næring og kontor, samt det er ført opp tre bustadblokker og nokre naust ytst mot sjø på naboeigedomane. I ca. 500m i luftline frå Vangsneset ligg Trædadvika med småbåthamn, med den ureining dette fører med seg. Det er lite sannsynleg at slikt utslepp i vika kan ha innverknad på tiltak i planområdet. I aust ligg smelteverket i Sauda. Det er ikkje til å unngå at slik verksemd fører til ureining til sjø og luft, særskilt i tidlegare tider før dagens krav til reinsing var til stades. - 10 - Epost areal@omega.no
Saman med denne verksemda kan det tidlegare ha vore verksemder innafor planområdet som kan ha ført til ureining til sjø som kan verke skadane på omgjevnadane ved seinare tiltak som t.d. mudring. Det er difor viktig at områda i sjø vert sjekka ut i høve til ureiningslova, og at naudsynt løyve frå Fylkesmannen vert henta inn og ev. sikringstiltak iverksett før tiltak i sjø vert sett i gong. 2.3.6 Transport av/ ulykke med farleg gods Det vert ikkje drive verksemd med farleg gods på Vangsnes i dag. Midlertidig er det registrert verksemder som av noko storleik oppbevarer/ handsamar brannfarlege stoff i kommunen, den næraste er smelteverket like over elva i aust. Eventuell ulukke med farleg gods i nærområdet vil kunne skje under transport på fylkesvegen eller på sjø. Det er eit større farepotensiale knytt til transport av farleg gods på veg fordi folk i større grad blir eksponerte for det farlege godset enn ved til dømes transport på sjø (DSB 2008). 2.3.7 Brann og eksplosjon Gjennomgang av brannstatistikken og verkemidler syner at det ofte er same type utstyr som har vore involvert i brann, og der endring i sikkerheitskrav syner å ha positiv verknad på brannstatistikken, jf. rapport «Brann med elektrisk årsak i boliger», DSB, 2010. Større informasjon og medvite kan dermed få ned sannsynet til at brann oppstår i bygningar. Det vert ikkje planlagt verksemder av særskilt brannobjekt. Det er viktig at tilstrekkeleg slokkevatn vert sikra jf. TEK10, og at gjeldande brannkrav vert heldt. 2.3.8 Innsatstid og kapasitet for naudetatane På den vestlege delen av Vangsnes ligg lennsmannskontoret. Brann- og redningsvesenet i Sauda består av 4 utrykkingsleiarar og 16 mannskap, og er samtidig kommunne sin olje- og kjemikalieberedskap og deltar i Nord- Rogaland/ Sunnhordland interkommunale utval mot akutt ureining. Brannstasjonen ligg ved Kyrkjegata, 400m frå planområdet. Sauda legesenter ligg 1.5 km frå planområdet. Innsatstid og kapasitet for naudetatane i området er dermed tilfredsstillande. - 11 - Epost areal@omega.no
2.3.9 Stråling Høgspent line Det er ikkje høgspent luftline i området som kan representera fare for liv og helse. Radon Alle bygningar skal vere prosjektert og utført med radonførebyggjande tiltak slik at innstrauminga av radon frå grunn vert avgrensa. Radonkonsentrasjonen i inneluft skal ikkje overstige 200 Bq/m3, jf. TEK 10, forskrift om tekniske krav til byggverk, 13-5 Radon. Følgjande skal minst vere oppfylt: Bygning berekna for varig opphald skal ha radonsperre mot grunn. Bygning rekna for varig opphald skal tilretteleggjast for eigna tiltak i byggjegrunn som kan aktiverast når radonkonsentrasjonen i inneluft overstig 100 Bq/m3. Punkta over gjeld ikkje dersom det kan dokumenterast at dette ikkje er naudsynt for å tilfredsstilla kravet om maksimal konsentrasjon på 200 Bq/m3. - 12 - Epost areal@omega.no
3.Analyse og konklusjon Kommunen har ikkje eigne skjema for ROS- analyse. Det vert difor nytta eigne akseptkriterium og metode for rangering av sannsyn og konsekvensar med utgangspunkt i rettleiingar og TEK10. 3.1 Kriteria for rangering av sannsyn Sannsynsklasse Kor ofte kan ein vente hendingar: Vekttal Svært sannsynleg Meir enn 1 hending per 20 år. 5 Sannsynleg Mindre enn 1 hending per 20år, men minst ei hending per 100 år. 4 Noko sannsynleg Mindre enn 1 hending per 200 år, men minst 1 hending per 1000 år. 3 Lite sannsynleg Mindre enn 1 hending per 1000 år, men minst 1 hending per 5000 år. 2 Usannsynleg Mindre enn 1 hending per 5000 år 1 3.2 Kriteria for rangering av konsekvens Estimert tap innan dei ulike kategoriane, menneske, natur eller ting/ bygg går på samfunnsøkonomiske tap, det svarer ikkje til personleg tap eller kjensler knytt til hendingane. Konsekvens Vekt Menneske (liv helse) Ytre miljø (luft, vatn, jord) Katastrofalt 5 Meir enn 4 døde, eller 10 alvorleg skada Kritisk 4 Inntil 4 døde, eller fare for inntil 10 alvorleg skadde personar. Alvorleg 3 Inntil 5 alvorlege personskadar, eller mange mindre personskadar, men med sjukefråver. Vesentlege helseplager og ubehag. Ein viss fare 2 Mindre skader som treng medisinsk handsaming, evt. kortare sjukefråver. Omfattande og uopprettelege miljøskadar. Omfattande og langvarige miljøskadar som krev større tiltak. Store skadar på ytre miljø, men som vil utbetrast på sikt. Mindre skadar som naturen sjølv utbetrar på kort tid. Ufarleg 1 Ingen eller små personskader. Ingen eller ubetydeleg skade. Samla verdi på materielle skadar i NOK Skadar for meir enn 100 mill kr Skadar mellom 20 100 mill kr Skadar mellom 1 20 mill kr Skader mellom 50.000-1.000.000 kr Skader for inntil 50.000kr - 13 - Epost areal@omega.no
3.3 Risikomatrise Risikomatrisa syner vurdering av risiko som produkt av sannsyn og konsekvens. Risikomatrise Svært sannsynleg 5 Sannsynleg 4 Noko sannsynleg 3 Lite sannsynleg 2 Usannsynleg 1 Sannsyn Konsekvens 5 10 15 20 25 4 8 12 16 20 3 6 9 12 15 2 4 6 8 10 1 2 3 4 5 Ufarleg Ein viss fare Alvorleg Kritisk Katastrofalt 1 2 3 4 5 3.4 Akseptkriterium Ved gjennomføring av ROS-analyse for nye utbyggingsområde skal det leggjast til grunn følgjande akseptkriterium: Ikkje akseptabelt Moglegvis akseptabelt Uakseptabel risiko. Må undersøkast gjennom meir detaljerte analyser (for eventuelt å avkrefte risiko eller avklare moglege risikoreduserande tiltak). Tiltak kan gjennomførast for å redusera risikoen. Kost- nyttevurdering av risikoreduserande tiltak. Akseptabelt Akseptabel risiko i utgangspunktet. Risikoreduserande tiltak gjennomførast når det er mogleg ut frå økonomiske og praktiske vurderingar. - 14 - Epost areal@omega.no
3.5 Uønska hendingar med mogelege førebyggjande tiltak Tabell over uønska hendingar og aktuelle tiltak. Uønska hending Sannsyn Konsekvens Risiko Aktuelt tiltak/ kommentar Ras/ skred 1 1 1 Ingen behov for risikoreduserande tiltak. Geoteknikk 1 1 1 Ingen behov for risikoreduserande tiltak. Flaum 3 2 6 Nye bygningar må ikkje byggjast under kotenivå 2.5. Ekstrem nedbør 4 2 8 Kaianlegg må dimensjonerast til å tole bølgjeslag og isgang. Handtering av overvatn bør inngå som del av teknisk plan. Ekstrem vind 4 2 8 Det er utarbeidd gode varslingssystem mtp. ekstremvér. Det er viktig å gjere dei tiltak som er naudsynte for å sikre materielle verdiar. Vegar 2 3 6 Veganlegga må planleggjast og dimensjonerast med omsyn til dim. klasse og mjuke trafikkantar. Trafikkstøy 5 1 5 Innandørs og utandørs støy må tilfredsstille gjeldande krav. Ulukke i kryss og med gåande/ syklande 2 3 6 Interne veganlegg bør planleggjast med eigne anlegg for mjuke trafikantar. Skipstrafikk 2 3 6 Fokus på kompetanse og utstyr, og at øving for skadeavgrensande tiltak bør vektleggjast i kommunen mtp. skipstrafikken utanfor planområdet. Utslepp frå snøggbåttrafikken vil skje i svært avgrensa form. Industri og næringsliv i nærområdet, samt ureining og støy knytt til desse Transport av/ ulukke med farleg gods 4 2 8 Før tiltak i sjø vert sett i gong, skal løyve hentast frå rette mynde. 2 2 4 Det vert ikkje planlagt verksemder som representerer slik fare innafor plangrensene. - 15 - Epost areal@omega.no
Brann og eksplosjon 2 3 6 Naudsynt slokkevatn må sikrast. Innsatstid og kapasitet for naudetatane 1 1 1 Ingen behov for risikoreduserande tiltak. Stråling 5 2 10 Radonkonsentrasjon i inneluft må ikkje overstige gjeldande krav. 3.6 Konklusjon Tiltak med kommentarar i tabell pkt. 3.5 må innarbeidast i reguleringsplan, og eventuelt med tilhøyrande føresegner. Det er vidare ikkje noko som tilseier at det er naudsynt med andre risikoreduserande tiltak på planområdet utover det som er lagt inn i planen og vurdert nedanfor. Krav til slokkevatn må sikrast i samsvar med TEK 10, forskrift om tekniske krav til byggverk, 11-17. Nye bygningar må ikkje byggjast under kotenivå 2.5. Det bør setjast krav til utarbeiding av teknisk plan i føresegnene. Innandørs og utandørs støy må tilfredsstille krav i teknisk forskrift/ NS8175:2012, og rettleiar T-1442, «retningslinje for behandling av støy i arealplanleggingen». Radonkonsentrasjonen i inneluft skal ikkje overstige 200 Bq/m3, jf. TEK 10, forskrift om tekniske krav til byggverk, 13-5 Radon. Interne veganlegg bør planleggjast med eigne anlegg for mjuke trafikantar. Før tiltak i sjø vert sett i gong skal det gis naudsynt løyve frå Fylkesmannen som vurderer tiltaket mot ureiningslova. Kaifront og anlegg skal prosjekterast og dimensjonerast for å tole påkjenning frå vind og bølgjer. Det bør leggjast fram dokumentasjon om at anlegget er planlagt og dimensjonert av personell som har kompetanse innan fagfeltet. - 16 - Epost areal@omega.no