Månadsbrev for Rosa september 2014 Oppsummering/ evaluering av september Språkutvikling Omsorg Ser at borna no stort sett er trygge både på rutinane, dei andre barna og dei vaksne på avdelinga. Dette fører og til at dei viser meir av seg sjølv som dei unike individa dei er. Ein del av dykk har ellers fått kjenne på at barnehageoppstart også kan bety sjukdom. Slett ikkje uvanleg at dei som er nye i barnehagen får med seg det meste av det som går av sjukdom. Viktig at de overheld dei reglane som gjeld vedr. sjuke barn i barnehagen slik at vi unngår langvarige epidemier. De har kanskje og merka at barna er meir slitne og at barnehagedagen er meir krevande for barnet enn dagen heime. Barnehagedagane er travle og fylt med ei mengd inntrykk som barna skal fordøye, og dette kan igjen føre til at søvnvaner og søvnbehov vert endra. Viktig at vi samarbeider om dette slik at barna får best mulege dagar både i barnehagen og heime. Kjekt at familiehusa no er på plass. Barna har stor glede både av å sjå på sitt eige hus og dei andre sitt. Mange blir og trøysta av å få sjå mor og far på biletet, medan andre nok kan kjenne litt på saknet når dei ser bileta. I denne perioden har vi hatt brannøving for alle i barnehagen. Alarmen gjekk medan vi var ute, og det gjekk fint å samla barna uten at dei vart redde. Marianne har vore ansvarleg for felles sangsamling i aulaen. Dette er kjent for dei «gamle» barna, og dei er flinke til å delta. Kjekt å sjå at også dei nye barna kosa seg og hadde glede av dette. Flott at såpass mange hadde høve til å kome på foreldremøte. Ser fram til eit godt samarbeid med dykk foreldre. Dei som er i prosjektgruppa, har no kome godt i gang med Bravo. Vi gjennomfører to økter av dette kvar føremiddag. Litt forvirring før barna vert kjende og trygge på rutinane, men eit spennande prosjekt å vere med på. Gjennom heile dagen pratar vi og set ord på det vi gjer saman med barna. Elles brukar vi mykje song, rim, regler og biletbøker. Barnehagelova seier at «barnehagen skal i samarbeid og forståelse med hjemmet ivareta barnas behov for omsorg». Vidare seier Rammeplanen at «barn har rett til omsorg og skal møtes med omsorg.» Omsorg skal prega alle situasjonane i kvardagslivet og koma til uttrykk når barna leikar og lærer, i stell, måltid og påkledning. Omsorg er å syte for at barnet har gode måltid og at det har fått på seg nok kle når det skal ut. Det er å tørke tårer og gi eit trøystande fang. Det er å vere der for å ordne opp i konflikter og sjå til at barnet ikkje skadar seg. Denne type omsorg er heilt grunnleggande, men omsorg er og noko meir. Omsorg handlar og om å gi rom for gode relasjoner mellom personalet og barna og om relasjonar og omsorga barna viser kvarandre. Gode relasjoner mellom barn og vaksne er avhengig av vaksne som ser
og er interessert i enkeltbarnet. Vaksne må vere nysgjerrige på barnet og vise vilje til å forstå. Barn skal få oppleve at dei vert møtt på ein omsorgsfull måte. Det krev vaksne som er lyttande til barna sine innspel og reaksjonar, og er engasjerte i det enkelte barn sin trivsel og utvikling. Vi ynskjer å sjå og forstå det unike i kvart enkelt barn. Nyare forsking viser at sjølv små barn er sentrale aktørar i barnehagen sitt omsorgsmiljø. Små barn er både empatiske, viser ansvar og involverer seg i andre menneske sitt liv. Det er viktig at vi som vaksne bekrefte desse handlingane og gir positiv respons til barna når dei viser omsorg for kvarandre. Prosjektarbeid Turar På veggen vår har vi hengt opp tekst, tal og bilete knytt til «Geitekillingen som kunne telje til ti». Med utgangspunkt i dette snakkar vi om dyra som er med i eventyret. Nokre av borna har og mala dyr frå forteljinga. Vi vil halde fram å jobbe på denne måten også i tida framover Etter kvart prøver vi å få til ein fast turdag i veka saman med Grøn. Dette vil i utgangspunktet mest vere for dei største. Mål og innhald for oktober Held fram med «Geitekillingen som kunne telje til ti» Markerer FN-dagen med felles samling i aulaen. Øve på å kle av oss sjølv og drikke av kopp. Månadens sangar: Med krøllet hale Familie på fem Ting å hugse på Minner om planleggingsdagen måndag6.oktober. Barnehagen er då stengd Anna informasjon Telefonnummeret direkte til Rosa er 57685781. Fint om de hugsar å gi beskjed før kl. 8.45 dersom barnet ikkje kjem i barnehagen Frå veke 42 får vi barnehagelærarstudent på avdelinga. Denne skal vere her i fire veker. Er no i gang med å finne tidspunkt for gjennomføring av utviklingssamtale med dykk foreldre.
Maling kan brukast til å lage dyra som geitekillingen har med seg i skuta. Vips, så har Theo mala ei gris. Flotte familiehus som blir flittig studert
Både inne og ute ser vi at barna viser omsorg og interesse for kvarandre på ulik måte. Bøker og sangkort er fengande og fine som utgangspunkt for læring av språk.
Mykje fryd og glede i uteleiken