Statens vegvesen. Sakshandsamar/telefon: Astrid Eide / Vår dato: Vår referanse: 15/

Statens vegvesen Til: Kopi: Klepp kommune, sentraladministrasjonen, Postboks 25, 4352 KLEPPE Statens vegvesen Franka Regina Häussler Irene Hegre Sakshandsamar/telefon: Astrid Eide / 51911735 Vår dato: 29.01.2016 Vår referanse: 15/204219-2 Plan 8170 Fv.507 Orre - Hå grense. Vurdering av alternative løysningar med gangog sykkelveg på austsida av Nordsjøvegen nord for Vik tettstad o.a. Det vart halde eit møte med Klepp kommune den 5.1.2016 med bakgrunn i at hovudutval for lokal utvikling utsette handsaming av plansaka siste gong i møte den 24.11.2015 som sak 103/15. Utsetjingsvedtaket vart fatta fordi politikarane i utvalet ynskjer at Statens vegvesen skal sjå nærmare på konsekvensane med ei alternativ løysing der gangog sykkelvegen vert lagt på austsida av fv.507 i staden for på vestsida av vegen på strekninga mellom Orrevegen (profil 0) og profil 2500 sør for Vik tettstad. Det er og ynskje om at Statens vegvesen vurderer ei forenkla løysing med smalare gangog sykkelveg og smalare trafikkdelar på strekning som har fartsgrense 60 km/t. Det er og ynskje om å få oversikt over kva gevinst ein vil få med omsyn til inngrep i jordbruksjord ved å fjerna steingardar sør for Vik tettstad. Spørsmålet om fjerning av steingardar vil kommunen ta direkte opp på ny med Rogaland fylkeskommune. Statens vegvesen sitt planforslag viser samanhengande gangog sykkelveg på vestsida av fv.507 på heile den 4700 m lange planstrekninga frå Orrevegen og sør til kommunegrensa mot Hå kommune. Dette meiner vi er den tryggaste løysinga. Ein annan grunn for dette valet var at løysinga ville føra til redusert bruk av dyrka jord til gangog sykkelvegen. Det er og best å føra gangog sykkelvegen vidare nordover på vestsida av fv.507 ein gong i framtida av omsyn til eit verneverdig bygg på austsida av vegen ved Orre kyrkje. Det er og mange brukarar av gangog sykkelvegen som bur i Vik tettstad som vil sleppa å kryssa fv.507 for å koma til og frå gangog sykkelvegen om den ligg på vestsida av vegen. Vegstrekninga er skuleveg. I dette notatet vert Statens vegvesen sitt planforslag kalla alternativ A. I dette notatet vert fordeler og ulemper med fleire alternativ vurdert opp mot Statens vegvesen sitt alternativ A. Postadresse Telefon: 02030 Kontoradresse Fakturaadresse Statens vegvesen Lagårdsveien 80 Statens vegvesen Region vest firmapost@vegvesen.no 4010 STAVANGER Landsdekkende regnskap Askedalen 4 6863 LEIKANGER Org.nr: 971032081 9815 Vadsø

2 Alternativ A2: Lik alternativ A med g/s-veg på vestsida av vegen, men med 3,0 m grøft og utan steingardvern sør for profil 2400. Klepp kommune skal sjølv drøfta denne løysinga med Rogaland fylkeskommune. Alternav B1: Gang- og sykkelveg på austsida av vegen nord for profil 2550 og 3,o m brei grøft som trafikkdelar. Gang- og sykkelvegen er lik alternativ A sør for profil 2550. Alternativ B2: Gang- og sykkelveg på austsida av vegen nord for profil 2550 og med 1,5 m brei trafikkdelar avgrensa med kantstein langs køyrevegen og langs gangog sykkelvegen. Gang- og sykkelvegalternativet er likt alternativ A sør for profil 2550. Trafikkdelar Generelt I handbok N101 om rekkverk og vegens sideterreng står det at der anlegg for gåande og syklande går langs veg med fartsgrense 50 eller 60 km/t, bør det vera ein trafikkdelar på minst 1,5 m mellom veg og anlegg for gåande og syklande (vegkant til vegkant). Sjå figur 3.12 a. Det går og fram at veggrøfter ikkje bør vera smalare enn 3,0 m og at skråningane i veggrøfta ikkje må væra brattare enn 1:3. Det må og takast omsyn til snøbrøyting og snølagring når ein planlegg gangog sykkelveg. Terrengtilhøva er slik innafor planområdet at det ikkje er naudsynt med vegrekkverk nokon stad. I denne plansaka er det ein 1400 m lang strekning kor fartsgrensa er fastsett til 60 km/t. Det er mellom profil 1650 og profil 3050. Resten av planstrekninga har fartsgrense 70 og 80 km/t. I handbok N100 står det: For at det skal kunna etablerast gangog sykkelveg, er det sett krav til at det bør væra gangog sykkelveg der det er potensiale for minst 50 gåande og syklande på strekninga pr. døger. I handbok N100 er grunnane for 3,0 m brei trafikkdelar der fartsgrensa er større enn 60 km/t forklart med desse punkta: Figur 3.12 frå handbok N101 Minste trafikk-skilje utan rekkverk mellom bilveg og gangog sykkelveg Fanga opp villfarne køyrety Hindra at gåande eller syklande «ubetenksomt vrimler» ut i køyrebanen Plass til snø Plass til drenering Plass til kablar

3 Dersom gangog sykkelvegen skal skifta side ved profil 2400 sør for Vik tettstad som i alternativ B1 og B2, vil om lag 900 m av strekninga på austsida av fv.507 ha 60 km/t fartsgrense. Av handbok N100 går det og fram at det ikkje er ynskjeleg med rekkverk mellom veg og gangog sykkelveg. Dette er forklart ut frå fleire grunnar: Bilar som treff rekkverk kan bli kasta tilbake i vegen og inn i frontkollisjon. Rekkverk kan gjera det vanskeleg å setja bil ut av køyrebanen ved naudstopp. Rekkverk kan hindra sikt i kryss og i høgrekurvar. Rekkverk er farlege for MC-førarar, uansett utforming. Smal trafikkdelar og rekkverk kan gje meir vindtrykk og sølesprut for gåande/syklande. Smal trafikkdelar og rekkverk kostar meir å byggja og drifta og vert ein stad for ugras og søppel. I handbok N100 er det krav om at breidda på gangog sykkelveg bør vera minst 3,0 m, inklusiv 25 cm brei, ikkje asfaltert skulder på begge sider av gangog sykkelvegen når talet på gåande og/eller syklande per time er lågare enn 15. Om talet på syklande er meir enn 15 per time, må breidda på gangog sykkelvegen inklusiv skuldrar, aukast frå 3,0 til 3,5 m. Statens vegvesen reknar med at talet på syklande og gåande langs fv.507 vil verta større enn 15 i maksimaltimen i eit normalt døger og ha eit potensiale for meir enn 50 gåande og syklande på strekninga per døger. Dette inneber at gangog sykkelvegen må planleggjast med 3,5 m breidde, inklusiv vegskuldrar. Trafikktryggleik Viss gangog sykkelvegen vert lagt på austsida av fv.507 nord for profil 2400, vil den kryssa Vassvegen, Vikvegen, Ergavegen og 9 jordbruksavkøyringar til fv.507. Radarmålingar ved Åsevegen der fartsgrensa er 60 km/t viser at ein svært stor del av dei køyrande held uroande høgt fartsnivå på denne staden. På vestsida av vegen nord for profil 2400 er det mange fleire avkøyringar på vestsida av vegen enn på austsida. Avkøyringane langs vestsida av vegen ved Vik tettstad ligg svært tett. Her er det heile 7 avkøyringar på ein 400 m lang strekning. Alle avkøyringane er med å skapa trafikkfarlege situasjonar både for køyrande og mjuke trafikantar anten gangog sykkelvegen vert lagt på vest- eller austsida av Nordsjøvegen. Nordsjøvegen (fv.507) er skuleveg og derfor ferdast skuleborn langs vegen. Då busetnaden er spreidd langs vegen, er det mange stader der mjuke trafikantar kryssar Nordsjøvegen. Nokre politikarar i Klepp kommune sitt Utval for lokal utvikling meier at det kan være trafikkfarleg at gangog sykkelvegen vert lagt på vestsida av fv.507 forbi Vik tettstad der

4 det er mange avkøyringar med stor trafikk med store lastebilar og store jordbruksmaskiner. Politikarane meiner at dette momentet taler for at gangog sykkelvegen bør leggjast på austsida av fv.507 i staden for på vestsida, sjølv om dette inneber at gangog sykkelvegen då må skifta side i området ved profil 2400 og sør for verneverdig hus på gnr. 40, bnr. 2 ca. 80 m nord for Orrevegen. Normalt ynskjer Statens vegvesen å byggja gangog sykkelvegane om lag i same høgd som tilgrensande veg. Terrengtilhøva på staden har ingen ting å seia for om gangog sykkelvegen vert lagt på aust eller vestsida av fv.507 nord for profil 2400 i søre enden av Vik tettstad. VILKÅR VED VAL AV ALTERNATIV B1 ELLER B2 Alle avkøyringar på austsida av fv.507 for eigedomane 40/9, 25, 40/5, 27, 40/45, 40/46 og 40/10 må stengjast og all trafikk leiast ut på Nordsjøvegen via bakanforliggjande vegnett og Ergavegen. Stengingane er vist med raude streker på figur 1. Figur 1 Stenging av avkøyringar til fv.507 nord for Ergavegen

5 Skal det verta plass til gangog sykkelveg langs austsida av fv.507 og få samla avkøyringane for gnr. 37, bnr. 37 og gnr. 39, bnr. 31, er det naudsynt å leggja om fv.507 på ein om lag 250 m lang strekning over jordbruksarealet på vestsida av vegen på eigedommane gnr. 39, bnr. 1 og gnr. 39 bnr. 7 slik som skissert på figur 2. Figur 2 Dette inneber også at 3 bustadhus må køyra på ein 75 m lang strekning på gangog sykkelvegen for å kunna samla alle dei tre avkøyringar på austsida av vegen i ein felles avkøyring. Det er svært ynskjeleg frå Statens vegvesen si side å redusera talet på avkøyringar til fv.507 spesielt på denne strekninga som har fartsgrense 80 km/t. Dersom gangog sykkelvegen skal leggjast på austsida av fv.507, er det samstundes ynskjeleg å betra krysset mellom Vikvegen og fv.507 slik at Vikvegen kjem meir vinkelrett inn på Nordsjøvegen enn den gjer i dag. Samstundes må jordbruksavkøyringa frå gnr. 39, bnr. 7 direkte ut på fv.507 stengjast og i staden leggjast over vestre del av eigedomen gnr. 39, bnr. 10 fram til Vikvegen. Døme på slik justering av vegkrysset er skissert i figur 3. Figur 3

6 Avkøyring frå bustadhuset på gnr. 39, bnr. 3 direkte til fv.507 ved profil 2200 må stengjast og køyretrafikk til og frå eigedomen aksepterast på ein 60 m lang strekning av gangog sykkelvegen sør for Vassvegen. Sjå figur 4. Køyretrafikken på gangog sykkelvegen til og frå dette eine huset er akseptabelt om gangog sykkelvegbreidda vert auka litt på strekninga mellom bustadhuset og Vassvegen. Figur 4 Figur 5 Dersom gangog sykkelvegen skal skifta side ved profil 2400 sør for Vik tettstad, vil det vera naturleg å byggja undergang under fv.507 rett sør for bustadhuset på gnr. 39, bnr. 5 slik som skissert på figur 5. I dette området ligg det dyrka jordbruksarealet på vestsida av fv.507 lågt i høve til høgda på fv.507. Undergangsrampa vil soleis ikkje føre til stort inngrep i jordbruksjorda på vestsida av vegen, men undergangsrampa på austsida av vegen vil føra til noko meir inngrep i jorda enn om undergangen ikkje vert bygd. Undergangen vil auka kostnadene med tiltaket, men anlegget vert sikrare for mjuke trafikantar. Rogaland fylkeskommune må gjennomføra sjaktgravingar på austsida av fv.507 for å finna ut om det er ikkje synlege / ikkje kjende kulturminne under bakkenivå på heile den 2550 m lange planstrekninga sør for Orrevegen om gangog sykkelvegen skal planleggjast på austsida av fv.507 frå Orrevegen og sør til profil 2550 etter alternativ B1 eller B2. Det er berre gjennomførd slike granskingar på vestsida av fv.507 i samband med reguleringssaka. Slike granskingar er kostbare og tidkrevjande. Arkeologane har og avgrensa tid i sesongen når veret er lagleg for slikt arbeid.

7 Oppsummering av konsekvensar med alternativ B1 og B2, sett i høve til alternativ A Alternativ A Forbruk av dyrka mark Planlagt gangog sykkelveg på vestsida av fv.507 frå Orrevegen og sør forbi Vik tettstad vil føra til følgande inngrep i eigedomane på den 2550 m lange strekningen sør for Orrevegen: Inngrep i jordbruksjord med steingardar nord Vik tettstad: 11100 m² Inngrep i bustadeigedom gnr. 39, bnr. 44: 192 m² Inngrep i skogsareal nord for fotballbanen: 2862 m² Inngrep i fotballbaneområde: 724 m² Inngrep i eigedomar i Vik tettstad: 5137 m² Inngrep i jordbruksareal sør for Vik tettstad /til pel 2550: 1200 m² Sum inngrep (3,5m bred g/s-veg+3,0 m bred rabatt): 21215 m² Desse areala er rekna som jordbruksareal i alternativ A Samla forbruk av dyrka jord er altså 11,1 daa + 1,2 daa = 12,3 daa Ved å leggja gangog sykkelvegen på vestsida av fv.507, vil gangog sykkelvegen kryssa i alt 20 jordbruksavkøyringar til fv.507 på strekninga nord for profil 2550. Alternativ B1 Forbruk av dyrka mark Ved å leggja gangog sykkelvegen på austsida av fv.507 frå profil 0 ved Orrevegen til profil 2550 sør forbi Vik tettstad, vil ein få dette inngrepet: Inngrep i dyrka jord: (3,5m brei g/s-veg inklusiv skuldre+3,0 m bred grøft): 19525 m² Omlegging av fv.507 mellom profil 1140 og profil 1380 1200 m² Sum inngrep i dyrka jord 20725 m² Det vil altså verta (20725-11100 1200) m² = 8425 m² større inngrep i dyrka jordbruksjord i alternativ B1 enn i alternativ A når ein ser jorda på vestsida av fv.507 som om den er dyrka der det ligg steingardar. I alternativ B1 vert det inngrep i dyrka jordbruksjord og ikkje inngrep i skog, bustadtomt, fotballbane og diverse areal i Vik tettstad slik som i alternativ A. Andre jordbrukstilhøve Alternativ B1 fører ikkje til inngrep i gardsbruket gnr. 40, bnr. 1 vest for kryss med Orrevegen der det er eit gardsrom aust for ein driftsbygning. Gardbrukaren / eigaren ynskjer ikkje at gardsrommet skal verta redusert i storleik på grunn av gangog sykkelveg på vestsida av fv.507. Alternativ B1 kjem ikkje i konflikt med denne eigedommen.

8 Alternativ B1 fører ikkje til inngrep i gardsbruket gnr. 40, bnr. 4 der det er trongt med plass til gangog sykkelvegen austanom driftsbygningen på vestsida av vegen. Det er mogleg å føra gangog sykkelvegen vidare nordover fram til det verna bustadhuset på gnr. 40, bnr. 2 og så kryssa fv.507 i plan sør for dette bustadhuset i framtida og byggja gangog sykkelvegen vidare nordover på vestsida av fv.507. Dette vil føra til at låvebrua på austsida av drifts-bygningen på gnr.40, bnr. 1 ikkje treng rivast når gangog sykkelvegen skal førast vidare nordover frå Orrevegen i framtida. Løysinga fører ikkje til inngrep i areal som ligg på vestsida av fv.507 i Vik tettstada og som høyrer til gardsbruka 39/27, 39/6, 39/1, 39/3 og 39/5. Gang- og sykkelvegen vil ikkje kryssa over avkøyringane til desse gardsbruka, men avkøyringane vil likevel verta nytta av gåande og syklande som skal til og frå gangog sykkelvegen på austsida av fv.507. På vestsida av fv.507 på ein 300 m lang strekning nord for Vik fotballbane er det skogsteig med terrengtilhøve som gjer at området vanskeleg kan nyttast til jordbruksformål. Det same er tilfelle på den om lag 340 m lange strekninga i sør der Skeieskogen ligg. Dette skogsarealet er disponert til campingområde i kommuneplanen for Klepp. Skogsområda kan ikkje karakteriserast som jordbruksjord. Skogsteigane er stort sett tilplanta med Sitkagran. Denne tresorten er eit treslag som ikkje er særleg ynskjeleg i områder på Sørvest-landet. Det er difor ikkje noko som talar mot å gjera mindre inngrep i desse skogsområda på vestsida av Fv.507 etter alternativ A, sett i høve til å gjera inngrep i dyrka jord på austsida av fv.507 etter alternativ B1. Trafikktryggleik Alle avkøyringane på austsida av fv.507 nord for Ergavegen vert stengd og avkøyringar i staden lagt til bakanforliggjande veg og ut på Ergavegen, det vil seia auka trafikktryggleik. Dei tri avkøyringane som ligg mellom profil 1150 og 1300 på austsida av fv.507 vert samla i ein avkøyring. Utbetring av krysset mellom Vikvegen og Nordsjøvegen vil betra tilhøva for alle trafikantgrupper. Det vil vera positivt for køyretrafikken i fv.507 at avkøyringa for gnr. 39, bnr. 3 sør for Vassvegen vert stengd, sjølv om stenginga fører til noko bilkøyring på gangog sykkelvegen på ein kort strekning. Føremona med stenginga er mykje større enn ulempene med bilkøyring i samband med ein bustad, ein kort strekning på gangog sykkelvegen. Gang- og sykkelvegen vil berre komma til å kryssa Vassvegen og ikkje så mange avkøyringar ved Vik tettstad som tilfellet vert ved val av alternativ A. Løysinga vil difor verta tryggare for brukarane av gangog sykkelvegen, men ulempene er at det blir mange stader der gåande og syklande i Vik tettstad vil komma til å kryssa Nordsjøvegen for å komma til og frå gangog sykkelvegen. Statens vegvesen meiner at det er farlegare å kryssa Nordsjøvegen mange stader ved Vik tettstad enn et gåande og syklande kryssar avkøyringane på austsida av Vik

9 tettstad slik dei må gjera etter Statens vegvesen sitt alternativ A. 3,0 m brei grøft er ein god trafikkdelar mellom køyrevegen og gangog sykkelvegen. Grøfta fører til at det vert naudsynt plass til vedlikehald og snøbrøyting, plass til snølagring og naudsynt plass til kablar og gateljosmaster. Fv.507 må leggjast om på ein 250 m lang strekning for å få plass til gangog sykkelveg på austsida av vegen og for å få samla avkøyringar for eigedommane 39/37 og 39/31 i ein felles avkøyring med gode sikttilhøve. Dette tiltaket aukar kostnadene med gangog sykkelvegbygginga. Løysinga fører til auka forbruk av dyrka jord til vegformål, men gjer vegen sikrare der fartsgrensa er 80 km/t. Løysinga vil føra til at bebuarar i Vik tettstad vil komma til å kryssa fv.507 mange stader for å koma til og frå gangog sykkelvegen på austsida av fv.507. Det vil verta kryssingar ved profil 1880, 1990, 2050, 2130, 2220, 2280 og ikkje berre ved profil 1760 ved Vik-krossen. Dette ser Statens vegvesen som eit større problem enn at gåande og syklande må kryssa avkøyringar på vestsida av fv.507 i Statens vegvesen sitt alternativ A. Gang- og sykkelvegen vil måtta kryssa fv.507 i plan med vegen nord for Orrevegen når den ein gong i framtida skal byggjast vidare nordover på grunn av at det ikkje er plass til å føra gangog sykkelvegen vidare på austsida av Nordsjøveg forbi verna hus på gnr. 40, bnr. 2. Gang og sykkelveg på austsida av fv.507 på strekninga nord for profil 2400, vil føra til større inngrep i dyrka jord enn i alternativ A. Forbruk av dyrka jord i Alternativ B1 er 8,4 daa større enn i Alternativ A. Forbruk av dyrka jord vil altså auka med over 68 % i alternativ B1 sett i høve til Alternativ A. Det er vil vera naturleg å ha gateljos langs austsida av fv.507 i alternativ B1. Dette ser Turistvegsekretariatet som beste løysing på grunn av at lysa då ikkje vil hindra utsyn mot vest for dei som køyrer denne strekninga med Nasjonal turistvegstatus. Alternativ B2 Forbruk av dyrka mark Ved å leggja gangog sykkelvegen på austsida av fv.507 frå profil 0 ved Orrevegen til profil 2550 sør forbi Vik tettstad vil ein få dette inngrepet dersom man har 3,0 m brei grøft mellom profil 0 og profil 1650 der det er 80 km/t fartsgrense og 1,5 m brei rabatt på den 900 m lange strekninga mellom profil 1650 og profil 1550 der det er 60 km/t fartsgrense: Inngrep i dyrka jord (19525 1350) m²= 18175 m² Omlegging av fv.507 mellom profil 1140 og 1380: 1200 m² Sum forbruk av jordbruksjord: 19375 m² Det vil altså verta (19375-11100-1200) m²= 7075 m² større forbruk av dyrka jord ved alternativ B2 enn ved alternativ A.

10 Føremonene med Alternativ B2 er dei same som for alternativ B1, men Alternativ B2 er betre enn alternativ B1 med omsyn til jordvern, men likevel dårlegare enn Alternativ A ved at: Alternativ B2 har 7,1 daa større forbruk av dyrka jordbruksjord enn Alternativ A. Alternativ B1 har 8,4 daa større forbruk av dyrka jordbruksjord enn Alternativ A. Det er lite jordbruksjord å spara med smal trafikkdelar på strekning med fartsgrense 60 km/t. Alle ulempene med smal trafikkdelar talar mot løysinga. Skal gangog sykkelvegen leggjast på austsida av fv.507 nord for profil 2400, er det difor best om alternativ B1 veljast framfor alternativ B2. Statens vegvesen kan ikkje gå inn for alternativ B2 på grunn av alle ulempene med dette alternativet. Trafikktryggleik Alternativ B2 dårlegare enn alternativ A og Alternativ B1 med omsyn til trafikktryggleik for mjuke trafikantar på grunn av at 1,5 m brei trafikkdelar er dårlegare enn 3,0 m brei veggrøft som skilje mellom gangog sykkelvege og køyreveg. Det er svært lite jordbruksjord å spara ved å velja trafikkdelar med 1,5 m breidde sett i høve til 3,0 m brei veggrøft på den 750 m lange strekninga med fartsgrense 60 km/t nord for profil 2400. Alternativ B2 med smal trafikkdelar fører til mindre lagringsplass for snø og vil gjera det vanskelegare å halda ved like gangog sykkelvegen spesielt med omsyn til snø-brøyting. Snø vert kasta inn på gangog sykkelvegen ved brøyting av køyrevegen. Dårleg vedlikehald av gangog sykkelvegen fører til redusert trafikktryggleik. Bilar som eventuelt kjem ut av kontroll, vil lettare kunna komma inn på gangog sykkelveg og skada mjuke trafikantar når det er smal skiljerabatt. Smal trafikkdelar gjer at gåande lettare kan vrimla ut i køyrebanen. Fem fylkesvegar er knytt til Nordsjøvegen (fv.507) innafor planområdet. Det er: Orrevegen (fv.247), Ergavegen (fv.255), Vikvegen (fv.261) Åsevegen (fv.261) og Saltevegen (fv.258). Alle desse vegane ligg austanom Nordsjøvegen. Alle desse vegane samt den kommunale Vassvegen nyttast av mjuke trafikantar. Dette gjer det naudsynt at Nordsjøvegen mellom anna må kryssast der desse vegane er knytt til Nordsjøvegen, viss gangog sykkelvegen vert lagt på austsida av fv.507, nord for profil 2400. Andre ulemper Smal trafikkdelar er dyrare å byggja enn grøft, og er dyrare og halda ved like då den lett kan verta skada ved brøyting av gangog sykkelvegen og køyrebanen i fv.507.

11 Smal trafikkdelar aukar faren for sølesprut på gåande og syklande. Smal trafikkdelar gjer mindre plass til naudsynt drenering, kablar og veglysmaster. Statens vegvesen kan ikkje gå inn for smal trafikkdelar der skilta hastighet er større enn 60 km/t av omsyn til trafikktryggleiken. Trafikktryggleik må vega meir enn jordvern då det er svært lite å spara med smal trafikkdelar der fartsgrensa er 60 km/t. Steingardvern / jordvern på strekning mellom profil 2400 og profil 3670 Nokre politikarar i utval for lokalutvikling i Klepp meiner at det vert for mykje jordøyding i alternativ A (Statens vegvesen sitt planforslag) då løysinga mellom anna legg opp til vern av steingardar på den 1270 m lange strekninga mellom profil 2400 og 3670. Det er i dag fartsgrense 60 km/t på heile denne strekninga. Det er omtrent ikkje nokon gamle verneverdige steingardar på austsida av fv.507 innafor planområdet, medan det er større strekningar med fine steingardar på vestsida av Nordsjøvegen, på den 1270 m lange strekninga mellom Vik tettstad og tunet på gnr. 38, bnr. 5 ved profil 3670. Steingardane er med på å gje Nordsjøvegen særpreg som nasjonal turistvegstrekning gjennom dette typiske Jær-landskapet. Rogaland fylkeskommune og turistvegseksjonen i Vegdirektoratet kan ikkje akseptera fjerning av steingardane på vestsida av fv.507 sør for profil 2400, men dersom steingardane vert akseptert fjerna, kan gangog sykkelvegen leggjast nærmare noverande vegkant enn vist i Statens vegvesen sitt alternativ A. I så fall vil Statens vegvesen kunna akseptera ei løysing som har same standard som Alternativ A mellom profil 0 og profil 2400. Smal trafikkdelar har dei same ulempene som er omtala tidlegare i dette notatet. Med andre ord så meiner Statens vegvesen at det ikkje kan forsvarast å ha smal trafikkdelar på den 1400 m lange strekninga mellom profil 2400 og profil 3800 der det er fartsgrense 60 km/t. Ved vurdering av dette er det lagt vekt på at det er ei lang rettstrekning der mange trafikantar held til dels mykje høgare køyrefart enn skilta fartsgrensen. Her meiner Statens vegvesen at det er viktigare å ha ei god trafikksikker løysing enn å spara om lag 2,0 daa ekstra jordbruksjord viss steingardane vert fjerna. Det jordbruksarealet ein kan spara ved å fjerna steingardane er om lag like stort som meirforbruk av jordbruksjord ved å leggja gangog sykkelvegen på austsida av fv.507 nord for profil 2400. Eit anna moment i denne samanheng er at dei alternative løysingane som Statens vegvesen er bede om å vurdera, eigentleg vil føra til at reguleringsprosessen må startast på ny. Om Klepp kommune skulle gå inn for dei alternative løysingane som er vurdert i dette notatet vil gjennomføringa av tiltaket verta utsett vesentleg i tid.

12 Prøveprosjekt med bygging av gangog sykkelveg med forenkla standard I skriv frå Det kongelege Samferdsledepartement dagsett 11.11.2015 til Kommunenes Sentralforbund KS er kommunane invitert til å komma med forslag til gangog sykkelvegprosjekt kor det kan vera ynskje om forsøksordning om bygging av gangog sykkelvegar etter forenkla standard. Departementet har satt som vilkår at det berre er aktuelt å prioritera prosjekt som er kome relativt langt i planlegginga og som kan byggjast om ikkje altfor lang tid. Det er og eit vilkår at den forenkla standarden ikkje skal gå ut over trafikktryggleiken. Statens vegvesen meiner at det aktuelle gangog sykkelvegprosjektet langs fv.507 ikkje oppfyller dei krava som Samferdselsdepartementet har sett for prøveprosjekt med bygging av gangog sykkelveg med forenkla standard. Fråvik frå vegnormalane Vegdirektoratet har i skriv dagsett 21.11.2014 til Samferdselsdepartementet skrive om meir ressurs- og kostnadseffektiv utbygging av gang og sykkelanlegg. I dette skrivet konkluderast det med at det må vera krav om at det skal byggjast gangog sykkelveg på strekningar der det er potensiale for minst 50 gåande og syklande på ein strekning per døger. I skrivet står det og at det bør byggjast gangog sykkelvegar langs vegar der det er høg fart. I Vegdirektoratet sitt prosjektdirektiv dagsett 26.4.2004 for «Satsingsområde Nasjonale turistvegar 2002 2015» står det mellom anna at dei einskilde turistvegprosjekt har ansvar for at det vert planlagt robuste anlegg med turistvegkvalitet og moderate vedlikehaldskostnader. Turistvegkontoret i Vegdirektoratet skal mellom anna overvaka drift, vedlikehald og vidareutvikling av strekningar med turistvegstatus. Turistvegkontoret skal «Vurdera planar for vegtiltak på godkjende og potensielle turistvegstrekningar for å sikra at dei utvalde strekningane ikkje mister kvaliteten som nasjonale turistvegar.» Dersom det i konkrete prosjekt er ønskeleg å gå ut over dei rammene vegnormalane gir, kan dette takast opp skriftleg som fråvikssak med utbyggingsavdelinga i Vegdirektoratet. Vegdirektoratet gjer vedtak om eventuelle fråvik. I fråvikshandsamingar vert det mellom anna lagt vekt på trafikktryggleik, fartstilhøve på staden og andre tilhøve. Statens vegvesen i Region vest kan ikkje sjå at det i denne saka er tilhøve som talar for fråvik frå gjeldande vegnormalar, sett i høve til jordvern eller andre tilhøve.

13 Konklusjon Rogaland fylkeskommune har ønska at alle steingardar i området skulle vernast, men har akseptert fjerning av dei dårlege steingardane som ligg nord for Vik tettstad på vilkår av at alle steingardane sør for Vik vert verna. Det er ikkje noko som tyder på at Rogaland fylkeskommune vil endra dette synet. Utbyggingsavdelinga og Turistvegseksjonen i Vegdirektoratet vil ikkje akseptera fjerning av steingardane sør for Vik tettstad. Statens vegvesen - Vegavdeling Rogaland støttar dette synet og kan difor ikkje gå inn for endring av planforslaget sør for Vik tettstad. Statens vegvesen meiner og at det vil væra best om gangog sykkelvegen langs fv.507 ikkje skifter side på strekningen mellom Hå grense og Orreelva. I saka er alle fordeler og ulemper med alternativa både når det gjeld jordvern, trafikktryggleik, driftstilhøve for gardbrukarar, Nordsjøvegen sin status som nasjonal turistveg, drifts- og vedlikehaldstilhøve for vegeigar, landskaps- og terrengtilhøve, inngrep i gardstun o.a. har Statens vegvesen kome til at ein bør velja alternativ A ved handsaming av saka i Klepp kommune Statens vegvesen kan ikkje tilrå løysing med smal trafikkdelar på nokon strekning innafor planområdet då det er svært lite jordbruksareal å vinna ved å ha slik løysing på den 750 m lange strekningen med fartsgrense 60 km/t nord for profil 2400. Statens vegvesen legg meir vekt på å få ei mest mulig trafikksikker løysing med 3,0 m brei grøft framfor å spara om lag 1,1 daa jordbruksjord på strekninga. Ein smal trafikkdelar med kantstein vil verta et framandelement på denne turistvegstrekninga. Forbruk av dyrka jord i Alternativ B1 er 8,4 daa større enn i alternativ A. Dette auka forbruket av jordbruksjord i alternativ B1 er rekna ut til å væra 68 % større enn i Alternativ A. Statens vegvesen legg vekt på dette og kan ikkje tilrå alternativ B1. Statens vegvesen kan heller ikkje tilrå alternativ B2 av omsyn til trafikktryggleiken for mjuke trafikantar. Statens vegvesen kan ikkje gå inn for løysing med fjerning av steingardar sør for profil 2400 av omsyn til vegens status som nasjonal turistveg og Rogaland fylkeskommune si fråsegn i saka. Statens vegvesen vegavdeling Rogaland kan ikkje gå inn for nokon fråvik frå gjeldande vegnormalar i denne saka. Statens vegvesen Vegavdeling Rogaland Astrid Eide Avdelingsdirektør Lisa Garpe seksjonsleiar plan- og forvaltningsseksjonen