Innhold 1 Innleiing... 3 2 Hovudmål og resultatmål for kollektivtrafikken... 4 3 Takst, informasjon og marknad... 5 3.1 Takst og billettering... 5 3.2 Informasjon... 6 3.3 Marknadsføring og profilering... 7 4 Haldeplassar... 8 5 Rutestruktur... 10 5.1 Båtruter... 11 5.1.1 Kystekspressen Kristiansund - Trondheim... 12 5.1.2 Romsdalsruta... 12 5.1.3 Nordøyruta... 12 5.1.4 Hareidruta og Langevågruta... 12 5.2 Bussruter... 13 5.2.1 Ekspressbusstilbodet Kristiansund Molde Ålesund Ørsta/Volda... 13 5.2.2 Regionale ruter... 14 5.2.3 Distriktsruter... 15 5.2.4 Ruter i byområde... 16 6 Bestillingstransport... 17 7 Fylkeskryssande reiser... 18 7.1 Fly... 18 7.2 Jernbane... 19 7.3 Båt... 19 7.4 Buss... 19 7.4.1 Kollektivtilbod til Austlandet... 20 7.4.2 Kollektivtilbod til Vestlandet... 20 7.4.3 Kollektivtilbod til Sør Trøndelag/Trondheim... 20 8 Samarbeid, innkjøp og organisering... 21 8.1 Samarbeid... 21 8.2 Anbod... 21 8.3 Innkjøp av kollektivtransporttenester... 22 Revidert utkast mai 2012 til Kollektivstrategi for Møre og Romsdal 2012 2021 Side 2
1 Innleiing Samferdsel er eit fagområde som krev langsiktig arbeid, og vi treng strategiar for kollektivtrafikken for å kunne få til heilskaplege og gode løysingar til det beste for innbyggjarane våre. Samferdselsutvalet i Møre og Romsdal har bedt om at det blir utarbeida ein kollektivstrategi. Kollektivstrategien skal bidra til at vi kan arbeide målretta mot hovudmåla for kollektivtrafikken. Kollektivstrategien skal vere eit viktig innspel til arbeidet med fylkesplanen for Møre og Romsdal, og for satsingsområde samferdsel. Samferdsel er tatt inn som nytt satsingsområde i fylkesplanarbeidet frå 2013, og arbeidet med handlingsprogram samferdsel har starta. Handlingsprogram samferdsel skal innehalde resultatmål for dei oppgåvene som høyrer til, også kollektivtrafikk. Vi har derfor valt å utarbeide seks resultatmål for kollektivtrafikken. Disse vil bli brukt i handlingsprogram samferdsel og det vidare arbeidet med fylkesplanen. Resultatmåla er samla i kapittel 2. Kapitla 3-7 inneheld strategiar for dei ulike resultatmåla. Denne oppbygginga er tilpassa den komande prosessen med fylkesplanen og handlingsprogram samferdsel. Hovudmålet inneheld utfordringar innan fire fokusområde, universell utforming, trafikktrygging, miljø og samordna ressursbruk. For å oppnå viktige målsettingar om auka bruk av kollektivtransport, eit tilbod til alle, samordna ressursbruk gjennom samarbeid, og miljømål har vi utarbeidd resultatmål som har tilhøyrande strategiar. Samferdselsutvalet har vore styringsgruppe for strategien og har fått informasjon undervegs. Det har også kome innspel frå samferdselsutvalet om kva dei meinte var viktig fokus. Samordning av transporttilbod og korrespondanse innan rutetrafikken var spesielt viktige område som var nemnt. Rambøll Management Consulting vart innleidd til å lage ein grunnlagsrapport for denne strategien, og deira rapport er vedlegg til kollektivstrategi for Møre og Romsdal. Dette vedlegget kan lastast ned på våre nettsider www.mrfylke.no/samferdsel/planarbeid/strategier. Samarbeidet med Vestlandsrådet gjennom Transportplan Vestland og tilhøyrande Handlingsprogram 2012 2015, og samarbeidet med fylka i Midt-Norge gjennom Regional Transportplan for Midt-Norge er også viktig grunnlag for denne strategien. Regional energi og klimaplan har føringar som vi har tatt med inn i arbeidet, og målsettingar og strategiar frå den gjeldande Fylkesdelplan transport for Møre og Romsdal 2002 2011 er vidareført og tilpassa. Landets første bussrute Molde Batnfjordsøra Norges første bussrute vart etablert i 1908 og gikk på strekninga Molde Batnfjordsøra. Befolkningsgrunnlaget på denne strekninga var lite, så det var ikkje derfor landets første bussrute vart etablert akkurat her. Årsaka var at ved å tilby buss på denne strekninga, så kunne ein unngå den berykta Hustadvika når ein skulle frå Møre til Austlandet. Ruta vart kombinert med Rørosbanen gjennom Østerdalen mot Austlandet, og med dampbåt frå Kristiansund til Trondheim. BILDE AV DEN FØRSTE BUSSEN Revidert utkast mai 2012 til Kollektivstrategi for Møre og Romsdal 2012 2021 Side 3
2 Hovudmål og resultatmål for kollektivtrafikken Det skal bli lettare for folk å reise kollektivt innanfor tenlege rammer for trafikktrygging, miljø og samfunnet sin ressursbruk Hovudmålet inneheld utfordringar på fire gjennomgåande område, og som vil bli følgd av resultatmål og strategiar gjennom heile dokumentet. Tilgjenge: Her er det spesielt viktig å arbeide for eit kollektivtilbod til folk med svak mobilitet, og å oppfylle krava til universell utforming. Trafikktrygging: Trafikktrygging må ivaretakast i alt samferdselsarbeid. Nullvisjonen i NTP må ligge til grunn. Miljø: Av omsyn til utfordringar med aukande trafikk, miljøulemper og press på areal og infrastruktur er det viktig å arbeide for eit betre kollektivtilbod. Ressursbruk: Det er viktig å få mest mogleg igjen for kvar krone som blir nytta til kollektivtransport, samstundes som god kvalitet og tilgjenge blir teke omsyn til. Resultatmål kollektivtrafikk: Kapittel 3: Rask og enkel billettering, riktig takstnivå, samt tydeleg, god og lett tilgjengeleg informasjon om kollektivtilbodet samanlikna med 2012 Kapittel 4: Ved endringar i trafikkmønster og vegutbygging skal haldeplassane ha tenlege fasilitetar, og samtidig bidra til effektiv framføring av kollektivtrafikken og redusert krusedullkjøring 1 Kapittel 5: Ekspressruta Volda Ørsta-Ålesund-Molde-Kristiansund skal være navet i kollektivtilbodet i fylket. Fleire ruter skal knytast opp mot ekspressruta Kapittel 5: Kollektivtrafikkandelen skal aukast til 20 prosent i Ålesund og 15 prosent i Molde og Kristiansund Kapittel 6: Nye bestillingsruter skal etablerast for å betre kollektivtilbodet i distrikta. Bussruter i områder med lågt trafikkgrunnlag skal leggast ned eller gjerast om til bestillingstransport Kapittel 7: Den totale reisetida for fylkeskryssande kollektivreiser skal reduserast 1 Krusedullkøyring brukast beskrivande om løysingar der bussen må køyre langt vekk frå traseen for å hente kundane, gjerne med store svingar. Revidert utkast mai 2012 til Kollektivstrategi for Møre og Romsdal 2012 2021 Side 4
3 Takst, informasjon og marknad Resultatmål: Rask og enkel billettering, riktig takstnivå, samt tydeleg, god og lett tilgjengeleg informasjon om kollektivtilbodet samanlikna med 2012 Du kan ha fleire forskjellige produkt på Kollektivkortet. Dette kan vere periodekort, ungdomskort og i tillegg kan kortet ha ein verdidel, kor du kan sette inn pengar du seinare kan bruke til å kjøpe rabatterte billettar for. (www.kollektivkortet.no) www.kollektivkortet.no 3.1 Takst og billettering Takstpolitikken i Møre og Romsdal skal byggje på følgjande strategiar: Rask og enkel billettering Vi vil tilby elektroniske kollektivkort med høgare rabattsatsar enn før billettsal andre stader enn i bussen, som til dømes internet, telefon, billettautomatar og anna Takstar skal brukast som verkemiddel for auka kollektivandel innan dei økonomiske rammene for drift av kollektivtrafikken Takstane må vere så lave at fleire ønskjer å reise kollektivt. Summen av billettinntekter og budsjettmidlar må kunne finansiere eit tilstrekkeleg og effektivt kollektivtilbod. For at kollektivtrafikken skal kunne konkurrere med privatbilen, må utviklinga av det generelle takstnivået ikkje ligge over utviklinga i drivstoffprisen. Takstar skal brukast som verkemiddel gjennom samarbeid i bypakkane Kommunar kan i stor grad ha innverknad på kollektivtrafikken. Dette gjeld særleg i byområda. Vi ønskjer å inngå eit forpliktande samarbeid med kommunar og andre om bypakkar som mellom anna har som mål å styrke kollektivtrafikken i byområda. Dette gjeld både tiltak for betre framkome for kollektivtrafikken samt restriksjonar på bruken av privatbil. I denne samanheng kan vi vurdere ei særskilt tilpassing av takstnivået i området for å få optimal effekt av ei samla pakke med tiltak. Revidert utkast mai 2012 til Kollektivstrategi for Møre og Romsdal 2012 2021 Side 5
3.3 Marknadsføring og profilering Møre og Romsdal fylkeskommune er i ferd med å anbodsutsette busstransporten i fylket. Det er vedtatt i fylkestinget at vi skal ha bruttoanbod. Dette betyr at det er fylkeskommunen som har inntektsansvar, og dermed også inntektsrisikoen. Ansvar for marknadsarbeid og profilering følgjer den som har inntektsansvar. For å ta dette ansvaret på alvor må vi ha klare planer og retningsliner for korleis vi sikrar inntektene våre. Vi skal utarbeide ein eigen tiltaksplan for marknadsføring. Denne skal vere ferdig innan 2013. Tiltaksplanen skal inkludere informasjonstiltak, standardiseringstiltak og presisere kva slags kanalar som skal nyttast for å marknadsføre kollektivtilbodet. Vi skal få utarbeidd eit profileringsprogram som skal brukast i anbodspakkar, på terminalar og haldeplassar med vidare. Profileringsprogram for Møre og Romsdal fylkeskommune skal vere klart i god tid innan neste anbod innan kollektivtrafikk. Vi skal evaluere kvalitet på tilbod og leveranse. Ved bruk av marknadsundersøkingar skal vi skaffe oss kunnskap om marknaden og kundane sine behov. Denne kunnskapen skal nyttast i arbeidet med å vidareutvikle kollektivtrafikken. (Foto: Møre og Romsdal Fylkeskommune) Revidert utkast mai 2012 til Kollektivstrategi for Møre og Romsdal 2012 2021 Side 7
4 Haldeplassar Resultatmål: Ved endringar i trafikkmønster og vegutbygging skal haldeplassane ha tenlege fasilitetar, og samtidig bidra til effektiv framføring av kollektivtrafikken og redusert krusedullkjøring. Haldeplassane kan delast inn i fleire kategoriar, og ulike kategoriar vil ha ulike behov for fasilitetar: Kategori 1: Haldeplass med stor trafikk der det er behov for omstiging. Denne kategorien vil vere lokalisert i område med høg befolkning. Her har vi trafikkterminalar med innandørs venteromsfasilitetar, toalett, oppbevaringsboksar og publikumsinformasjon, gjerne i samarbeid med kiosk eller turistinformasjon. Kategori 2: Haldeplass med mindre trafikk. Det er lagt til rette for å skifte frå ei line til ei anna. Her kan vi ha venteromsfasilitetar. Kategori 3: Haldeplassar med låg trafikk. Disse er ulikt utforma, det kan vere med eller utan overbygd venteområde. Val av tilbod på haldeplassane skal vurderast på bakgrunn av nye rutemønster, talet på omstigingar, trafikkmønster, passasjertal, informasjon og anna. Justering av tilbodet i knutepunkt i samband med universell utforming, endringar i reisemønster, nye tekniske løysingar for informasjon og anna skal vurderast Der trafikkmønster endrar seg som følgje av nye samferdselsprosjekt, ruteomlegging og anna vil det vere nødvendig å foreta ei konkret vurdering av kva tilbod vi skal ha. Strategiar: Haldeplassar skal skiltas etter vegnormen, og dei skal være merkte med namn slik at dei kan identifiserast for å gje ruteinformasjon. Haldeplassar med mange påstigande passasjerar skal prioriterast for overbygd venteareal. Vi skal ha få og gode knutepunkt. Trafikkterminalar skal være reine og ha opningstider tilpassa rutenes opningstider og dei reisande sine behov. Haldeplassar skal knytast til vegnettet på ein måte som hindrar krusedullkøyring og sikrar krav til trafikktryggleik. Det skal leggast til rette for parkering for sykkel/bil ved haldeplassar etter behov Kollektivtrafikkterminalar Ut i frå dagens trafikkmønster og reisemønster har vi etablert dei trafikkterminalane vi ønskjer. Disse ønskjer vi å oppretthalde. Lokalisering av trafikkterminalane i Molde og Ålesund sentrum skal vurderast i samband med arbeidet med bypakkane. I samband med utvikling av nye måtar for ruteinformasjon og billettsal for kollektivtrafikken kan det vere aktuelt å redusere bemanning eller å drifte terminalane utan bemanning. Vi har inngått samarbeid og leieavtalar med lokale drivarar / eigarselskap av terminalane. Vi ønskjer avtalar som sikrar god lokalisering og stabile kostnader. Revidert utkast mai 2012 til Kollektivstrategi for Møre og Romsdal 2012 2021 Side 8
(Alle foto: Møre og Romsdal fylkeskommune) Revidert utkast mai 2012 til Kollektivstrategi for Møre og Romsdal 2012 2021 Side 9
5 Rutestruktur Resultatmål: Ekspressruta Volda Ørsta-Ålesund-Molde-Kristiansund skal være navet i kollektivtilbodet i fylket. Fleire ruter skal knytast opp mot ekspressruta. Resultatmål: Kollektivtrafikkandelen skal aukast til 20 prosent i Ålesund og 15 prosent i Molde og Kristiansund Kollektivtilbodet skal knyte saman fylket og gi løysingar for skolereiser, arbeidsreiser og fritidsreiser. Gjennomgåande ekspressbusstilbod, regionale ruter, distriktsruter og bestillingstransport skal knyte saman fylket slik at alle får eit tilbod. I samband med vesentlege endringar i trafikkgrunnlaget skal det vere fleksibilitet og rom for tilpassingar av tilbodet. Båtruter, tog og flyplassar skal koplast til fylket sitt gjennomgåande ekspressbusstilbod. Figuren viser forslag til framtidig rutestruktur: Revidert utkast mai 2012 til Kollektivstrategi for Møre og Romsdal 2012 2021 Side 10
5.1 Båtruter I Møre og Romsdal har vi fire fylkesinterne båtruter, og ei fylkeskryssande rute. Rutene er viktige samband for arbeidspendling inn mot byane, og eit viktig tilbod til distrikta. Karta viser hurtigbåtstrekningane våre på Sunnmøre og i Romsdal: Fylkesinterne ruter (Kjelde: Konkurransegrunnlag.Hurtigbåtruter i Møre og Romsdal 01.01.2009 31.12.2014.) Fylkeskryssande rute (Kjelde: Plan og analyseavdelinga, Møre og Romsdal fylkeskommune.) Revidert utkast mai 2012 til Kollektivstrategi for Møre og Romsdal 2012 2021 Side 11
For hurtigbåtrutene har vi følgjande strategiar: Vi skal ikkje opprette fleire hurtigbåtsamband. Hurtigbåtane skal korrespondere med anna kollektivtrafikk. Gode pendlartilbod skal prioriterast. Ved nye anbod skal det krevjast meir miljøvennlege båtar. 5.1.1 Kystekspressen Kristiansund - Trondheim Ruta skal oppretthaldast, og det blir utlyst anbod på strekninga i løpet av 2012. Vi skal ha eit rutetilbod som er betre tilpassa ekspressruta Kristiansund Ørsta/Volda. 5.1.2 Romsdalsruta Med Tresfjordbrua vil distansen frå Vikebukt til Vestnes bli redusert frå 24 kilometer til ca 5 kilometer, og dette krev nye transportløysingar. Aktuelle alternativ kan vere: 1. Hurtigbåten blir oppretthaldt mellom Molde og Helland. Busstilbodet frå Åndalsnes til Vikebukt blir vidareført til Helland. Stiv rutetabell Molde - Helland kan opne for raskare framføring for dei reisande på ekspressruta Kristiansund Ørsta/Volda ved at passasjerane brukar hurtigbåten over fjorden. 2. Hurtigbåtruta blir lagt ned. Kontrakten Hurtigbåtruter i Møre og Romsdal 01.01.2009 31.12.2014 opnar for å seie opp kontrakten for hurtigbåtruta Molde Helland Vikebukt når Tresfjordbrua blir realisert. Ein føresetnad for dette er at det blir sett inn busstilbod Vikebukt - Helland - Furneset. Dette alternativet vil vere eit viktig bidrag til å oppnå måla i Regional energi og klimaplan om redusert CO2-utslepp frå kollektivtrafikken. 5.1.3 Nordøyruta Fylkestinget har vedtatt (T-12/05) finansieringsopplegg for Nordøyvegen. Driftstilskot til Nordøyruta er ein del av finansieringsplana, og dette betyr at hurtigbåtruta må leggjast ned når vegen opnar. Sjå også punkt 5.2.2.2. 5.1.4 Hareidruta og Langevågruta Disse rutene bidrar til redusert trafikk på vegane i området, og skal oppretthaldast. Kapasitet skal vurderast i neste anbodsrunde. Revidert utkast mai 2012 til Kollektivstrategi for Møre og Romsdal 2012 2021 Side 12
5.2 Bussruter Vi deler Møre og Romsdal inn i 4 regionar, der Ørsta/Volda er sentrum for Ytre, søre Sunnmøre, Ålesund er sentrum for Indre, nordre Sunnmøre, Molde er sentrum i Romsdal inkl. Eide og Gjemnes, mens Kristiansund er sentrum på Nordmøre. Ekspressruta Kristiansund Ørsta/Volda betener alle regionane. For å betre ressursbruken vil vi ta bort gjennomgåande rutetilbod dersom dette kan medverke til høgare lokal rutefrekvens. Takting / samordning av rutene kan og vere med på å gi eit betre tilbod med god ressursutnytting. Til dømes kan dette gjerast på strekninga Sunndalsøra Molde og Sunndalsøra Kristiansund. Illustrasjon frå TØI rapport 887/2007 Takting av ruter på knutepunkt Liner med lågt belegg kan med fordel mate tyngre liner. Innsparingane i ressursinnsatsen kan brukast til å auke frekvensen. Sjølv om det er ein omstigingskostnad for passasjerane, vil auke i talet avgangar langt på veg vege opp for dette. 5.2.1 Ekspressbusstilbodet Kristiansund Molde Ålesund Ørsta/Volda Denne ruta er hovudtraseen for kollektivtrafikk gjennom Møre og Romsdal. Ruta har timefrekvens, rask framføringstid og faste rutetider. Det er høg standard på bussane, med toalett, regulerbare stolar og rullestolheis. Stabil ruteplan gjer at andre tilbod blir stadig betre tilpassa. Det resterande kollektivnettet i fylket skal mate denne ruta. Auka trafikk på vegane og endring i ferjetilbodet er utfordringar for stabil drift av ruta. For å vidareutvikle produktet vil vi: Utvide opningstida. Standardheving på haldeplassar, knutepunkt og terminalar i samarbeid med Statens vegvesen. Innføre korresponderande avgangar til og frå Ålesund Lufthamn, Vigra. Ha fri nettverkstilgang på bussane. Samarbeide med Statens vegvesen for å sikre at avgangs- og ankomsttider til riksvegferjene bygger opp om eit stabilt rutetilbod på ekspressruta. Alternativt kan ruta brytast ved at vi bruker hurtigbåten over Romsdalsfjorden. Timekspressen blei starta opp i 2005 som eit gjennomgåande tilbod frå Volda i sør til Kristiansund i nord. Det var viktig med gjennomgåande bussar med reisetid som konkurrerte med privatbilen. Tilbodet skulle bygge opp under ein felles bo- og arbeidsmarknad, og bidra til mindre biltrafikk. Revidert utkast mai 2012 til Kollektivstrategi for Møre og Romsdal 2012 2021 Side 13
5.2.2 Regionale ruter Regionale ruter er dei viktigaste rutene innanfor kvar region. Rutene går inn mot byane i regionen samtidig som dei mater den gjennomgåande ekspressruta på gode knutepunkt. 5.2.2.1 Ytre og søre Sunnmøre I samband med etableringa av det nye knutepunktet på Garnes skal det etablerast eit samordna tilbod i distriktet med busstilbod til og frå Hareid, samordna med hurtigbåt. Gjennomgåande bussrute med timefrekvens på strekninga Fosnavåg-Hareid. Korresponderande ruter med same frekvens til Ørsta/Volda og Larsnes/Årvik frå Garnes. Gjennomgåande rutetilbod frå Måløy til Ålesund tas bort og erstattast med anna tilbod. 5.2.2.2 Indre og nordre Sunnmøre Betra lokalt tilbod til Geiranger Valldal Stranda Stordal samordna med ekspressruta Volda-Kristiansund på Sjøholt. Halvtimes frekvens Sjøholt Ålesund, vekselvis om Valle (ekspressruta) og Skodje. Nordøyvegen skal knyte Nordøyane til fastlandet og erstatte to ferjeruter og hurtigbåtrute. Med den nye vegen blir det behov for 6-10 bussavgangar dagleg til og frå øyane, og eit auka tilbod Brattvåg Ålesund spesielt på laurdag og søndag. Revidert utkast mai 2012 til Kollektivstrategi for Møre og Romsdal 2012 2021 Side 14
5.2.2.3 Romsdal Åndalsnes - Molde Ferje Sølsnes - Åfarnes 15 min. 36 avgangar på kvardagar, 817 500 PBE i 2011, nr 5 i fylket 10 bussavgangar på kvardagar Pendlarar Rauma Molde 235 Pendlarar Molde Rauma 71 Fræna - Molde 12 bussavgangar på kvardagar. Pendlarar Fræna Molde 1418 Pendlarar Molde Fræna 314 Åndalsnes Skysstasjon. Foto Leif J Olestad Auka busstilbod på strekninga Åndalsnes Molde. Busstilbod Åndalsnes - Vestnes og utvida lokalt rutetilbod i Vestnes blir samordna med ekspressbussruta Volda-Kristiansund når Tresfjordbrua opnar. Timesfrekvens Elnesvågen Molde. Auka tilbod med buss annakvar time Sunndalsøra- Molde samordna med tilbod Kleive og Eidsvåg. 5.2.2.4 Nordmøre Strekning Avg. Ma-fre Avg Lør Avg Søn Sunndalsøra-Kristiansund 5 2 3 Tingvoll-Kristiansund 6 2 3 Bremsnes - Kristiansund 16 8 7 Aure - Kristiansund 6 1 1 Bilde frå nordmøre Auka tilbod på Rv 70 (om Tingvoll) mellom Krifast og Ålvundfossen. Ta bort gjennomgåande tilbod Aure-Kristiansund, og auke talet avgangar på strekninga Aure-Sandvik(Smøla)-Tømmervågen, med korrespondanse Seivika-Kristiansund. 5.2.3 Distriktsruter Distriktstransporten omfattar transport med buss til grunnskolar, vidaregåande skolar, høgskolar og pendlartransport. Det er stor variasjon i tilbodet. Dette kan ha samanheng med busetnad, skolestruktur, arbeidsmarknad og opparbeida rutetilbod. Tilbodet kan ikkje være like godt over alt, men: Alle skal ha eit tilbod inn til kommunesenteret minst ein gong i veka. Det vil seie at ordinære rutetilbod, skoleskyss eller bestillingstransport skal sørgje for at alle kan kome seg til næraste kommunesenter ein gong i veka. Det skal være dagleg forbindelse mellom kommunesenter og regionsenter. Distriktsruter skal knytast mot regionale ruter i effektive knutepunkt. Effektive pendlarruter skal bidra til redusert vekst i biltrafikken inn mot dei største byane. Revidert utkast mai 2012 til Kollektivstrategi for Møre og Romsdal 2012 2021 Side 15
For å nå måla skal vi Samordne skoledagar og skolefridagar i grunnskole og vidaregåande skole. Saman med kommunar og skolar tilpasse start- og sluttid for skolane for å få gode og rasjonelle skoleruter innanfor akseptable rammer for kvalitet på skoleskyssen. Bruke buss der det trengs buss, og maxi-taxi/drosje der dei er store nok. Samarbeid buss/drosje skal vere med å sikre grunnlaget for lokale tilbod. 5.2.4 Ruter i byområde Det er vekst i folketal og trafikk i alle bykommunane. Størst auke er det i Ålesund med omliggande kommunar. Dei tre største byane har starta eit arbeid med søknad om bypakkar med bompengeringar der trafikkproblema søkast løyst med vegutbygging, gang- og sykkelvegsatsing og auka kollektivtilbod. Fylkeskommunen er deltakar i denne prosessen både som vegeigar og som ansvarleg for kollektivtilbodet. Det er gjengs oppfatning at ein ikkje kan bygge seg ut av trafikkproblema, og at ei satsing på gang- og sykkelvegar og auka kollektivtilbod må til for å redusere trafikkveksten og skape bymiljø som fremmar trivsel og vekst. Å auke busstilbodet vil aleine berre føre til auka kostnader til kollektivtrafikk og fleire bussar med lavt belegg på vegane. For å bremse opp for biltrafikken må kommunane bidra med: Restriktiv parkeringspolitikk med sterkt redusert gateparkering Arealplanlegging som sikrar gode og effektive busstrasear Tydelege haldeplassar med leskur/overbygg der det er behov for det. Gang- og sykkelvegar som gir god tilkomst til kollektivtilbodet. Dersom byane er med og legg forholda til rette skal vi bidra med å: Arbeide for tilførsel av midlar gjennom statlege belønningsordningar. Utvikle kollektivtilbodet i samarbeid med kommunen Etablere få, men tunge kollektivlinjer med høg frekvens og utvida opningstid Gi god publikumsinformasjon med informasjonsskjermar på sentrale haldeplassar. Tilby gode pendlarruter Tilby serviceruter Ruter som blir betjent med mindre kjøretøy som er tilpassa eldre brukarar, og der service er meir viktig enn at bussen er punktleg. Revidert utkast mai 2012 til Kollektivstrategi for Møre og Romsdal 2012 2021 Side 16
6 Bestillingstransport Resultatmål: Nye bestillingsruter skal etablerast for å betre kollektivtilbodet i distrikta. Bussruter i områder med lågt trafikkgrunnlag skal leggast ned eller gjerast om til bestillingstransport. Bestillingstransport må samordnast med andre offentleg betalte transportar som til dømes tilpassa skoleskyss, TT-transport med meir. Bestillingstransport skal så langt det er råd nyttast til å mate ordinære bussruter. Samarbeid mellom aktørar Vi skal ha som mål å samordne dei transportane Møre og Romsdal fylkeskommune tilbyr. På denne måten kan bestillingstransport vere med på å oppretthalde levegrunnlaget til distriktsdrosjene. Dette er i samsvar med tilrådingar frå rapporten Evaluering av TTordninga i Møre og Romsdal, som vart utarbeidd av Rambøll Management Consulting AS i 2011. Organisering av bestillingstransporten Opprette køyrekontor med eitt felles telefonnummer. Opprette ei webside for bestillingstransport. Brukarane skal betale kontant eller med betalingskort. Vi skal ha eit forenkla takstsystem for bestillingstransport. Nye område Initiativ til nye område med bestillingstransport må kome frå lokalmiljøet. Kommunane må ha eit hovudansvar for dette. Dei lokale behova er best kjent for dei som er nærast. KID-ordninga er ei tilskotsordning som blei oppretta i 2007 og som har som føremål å styrke utviklinga av kollektivtilbodet i distrikta gjennom utprøving og formidling av erfaringar frå ulike prosjekt. Midlane kan nyttast til investeringar og drift, samt detaljutforming og planlegging av prosjekt. Nord-Trøndelag har, ved bruk av fylkeskommunale midlar og statlege støtteordningar(kid), bygd opp eit omfattande tilbod med bestillingstransport definert i to kategoriar: Med servicetransport menes bestillingsruter som går til fastsatte tider med fastsatt start- og stoppested, men med avstikkere for å plukke opp reisende som har bestillit transport. Formålet med ruten kan være transport til handlesenter, aktivitetssted, kommunesenter eller annet lokalt senter eller arrangement. Tilbringertransport er en tjeneste hvor kunden kan bli transportert til andre kollektivruter til og fra hjemmet eller bussholdeplass. For å ha rett til tilbringertransport må den reisendes hentadresse være minimum 2 kilometer fra stoppested til eksisterende kollektivtilbud, og omvendt ved returreiser. (Kjelde: www.07417.no) Revidert utkast mai 2012 til Kollektivstrategi for Møre og Romsdal 2012 2021 Side 17
7 Fylkeskryssande reiser Resultatmål: Den totale reisetida for fylkeskryssande kollektivreiser skal reduserast. 7.1 Fly Flyplassdekninga i Møre og Romsdal er god, med tre stamflyplassar og ein kortbaneflyplass. Rutetilbodet har blitt sterkt auka, og talet reisande er stigande på alle fire flyplassane. Totalt reiste 1 800 000 med fly i Møre og Romsdal i 2011 fordelt på dei fire flyplassane. Flyrutene endrast stadig, og det er ikkje mogleg å ha ei busstilbod som fangar opp alle endringar. Vi vil: Oppretthalde dagens ordningar i Ørsta/Volda, Kristiansund og Molde, der ordinære ruter betener flyplassen med faste avgangstider innanfor opningstida. Ha timesavgangar mellom Moa og Ålesund lufthamn i korrespondanse med ekspressruta Volda Kristiansund. Ha faste avgangstider frå Ålesund sentrum til flyplassen. Tilpasse tilbodet frå flyplassen til Ålesund sentrum. Utvikle gode haldeplassar ved flyplassane i samarbeid med Avinor og Statens vegvesen. Revidert utkast mai 2012 til Kollektivstrategi for Møre og Romsdal 2012 2021 Side 18
7.2 Jernbane Raumabanen Passasjertal totalt Derav sommartrafikk (passasjertal juni, juli og august) 2008 84 058 31 486 2009 85 621 38 244 2010 78 581 38 216 2011 76 900 38 600 Alle tal gjeld ved tellepunkt Åndalsnes Raumabanen ved Trollveggen. Foto Anunatak Sommartrafikk: Sommaren 2008 starta NSB satsinga Raumabanen som opplevelsesprodukt. Satsinga inneber turisttog i dei tre sommarmånadene med saktekjøringar og fotostopp undervegs. Gjennom fylkesdelplan transport og regional energi og klimaplan har vi sagt at vi skal arbeide for daglege avgangar på Raumabanen, og for auka satsing på jernbanen. Raumabanen må vidareutviklast som ein del av fylket sitt transportsystem Sommartilbodet på Raumabanen må samkøyrast med busstilbodet for å gje eit godt reiseprodukt på toget utan at busstilbodet blir dårlegare for pendlarane. 7.3 Båt Hurtigruta anløper fire stader i fylket, Torvik, Ålesund, Molde og Kristiansund. Hurtigbåt Kristiansund Smøla Kjørsvikbugen Trondheim: Hurtigbåten er raskaste vegen til Trondheim frå Kristiansund og ytre Nordmøre samstundes som ruta er ein viktig samanbinding av Kristiansund og omlandet med Smøla og Aure. Sjå punkt 5.1 om båtruter. 7.4 Buss Vestlandrådet si tilråding: Det er viktig å legge til rette for samanhengande og heilskapleg regionale kollektivtilbod. Det oppstår ofte organisatoriske og finansielle problem så snart ei slik rute kryssar ei fylkesgrense. Så lenge det er godt trafikkgrunnlag, blir slike ruter drevet kommersielt utan offentlege tilskot. Det kan i mange høve vere behov for slike tilbod også i meir trafikksvake regionar kor ein må inn med tilskot for å oppretthalde ruta. Vestlandsrådet har tidligare prøvd å få på plass eit slikt intercity busstilbod på Vestlandet og Midt-Noreg frå Stavanger til Trondheim. Det er eit paradoks at eit slikt tilbod må kjøpast av fylkeskommunane, medan tilsvarande regionale togtilbod mellom byar i Noreg kommer under statleg offentlege kjøp. For å få etablert eit godt fylkeskryssande busstilbod er det nødvendig med statleg bidrag til finansiering. Kollektivtilbodet skal knyte regionane saman også over fylkesgrensene. Fylkeskryssande ruter kan nyttast til å gje lokalt rutetilbod, og kan få fylkeskommunal støtte på denne delen av tilbodet. Ein føresetnad er at selskapet på delstrekninga billetterer i samsvar med fylket sine retningsliner. Revidert utkast mai 2012 til Kollektivstrategi for Møre og Romsdal 2012 2021 Side 19
7.4.1 Kollektivtilbod til Austlandet Det er fleire kommersielle busstilbod mellom Møre og Romsdal og Oslo i tillegg til at regionen har bussruter til togrutene på Åndalsnes og Oppdal. Vi vil tillate konkurrerande bussruter og konkurranse mellom buss og tog på desse forbindelsane, men vil ikkje gå inn økonomisk for å oppretthalde busstilbod. Forbindelsane til tog skal samordnast mot Åndalsnes og Raumabanen, og Tingvoll / Sunndal kan knytast opp mot Dovrebanen til og frå Austlandet på Oppdal. 7.4.2 Kollektivtilbod til Vestlandet Vi har i dag fylkeskryssande tilbod med fylkeskommunal støtte: - Ålesund Sykkylven Hellesylt Stryn - Ålesund Volda Nordfjordeid - Ålesund Hareid Syvde Måløy For å knyte regionane saman er det behov for bussruter over fylkesgrensene, og vi vil samarbeide med Sogn og Fjordane fylkeskommune for å få til eit tilbod som knyter Sogn og Fjordane til gjennomgåande ekspresstilbod i vårt fylke. Kvivsvegen opnar hausten 2012, og det blir i første omgang lagt opp til 3 avgangar dagleg mellom Stryn og Volda. Vi vil ikkje prioritere gjennomgåande samband på turar med lågt belegg som til dømes Ålesund Måløy. 7.4.3 Kollektivtilbod til Sør Trøndelag/Trondheim Det er ekspressbusstilbod på strekningane Kristiansund Halsa Surnadal Trondheim, Ålesund Molde Halsa Surnadal Trondheim og Sunndalsøra Surnadal Trondheim. Desse tilboda er samordna under merkenamnet Mørelinjen. Dette tilbodet som er samkøyrt på fleire trasear gir god flatedekning, men er samstundes tidkrevjande for dei reisande. Langrutesystemet er først og fremst eit tilbod frå by til by, og det betyr at dette tilbodet har ei anna målgruppe enn det lokale rutenettet. Langrutesystemet skal vere eit konkurransedyktig tilbod, utan for mange stopp og for mykje krusedullkjøyring, uansett trasè. Dette vil vi oppnå ved å splitte tilbodet på to trasear: Molde Bergsøya Halsa Trondheim langs E 39. o Mateordning frå Tingvoll o E39 17 km kortare enn fv 65 om Surnadal) Sunndal Surnadal Trondheim. Det er busstilbod på strekninga Aure Kyrksæterøra samordna med buss til og frå Trondheim. Hemne vidaregåande skole, Kyrksæterøra er skolestad for mange elevar frå Aure, og det viktigaste er å gi eit tilbod som høver for skoleelevane i samarbeid med Sør-Trøndelag. Tilbod frå Aure mot Trondheim bør rettast mot hurtigbåten i Kjørsvikbugen. Vi vil ikkje prioritere bussruter til tog til og frå Trondheim på Oppdal. Utviklinga av rutetilbodet til og frå Trøndelag må skje i samarbeid med Trøndelagsfylka. Revidert utkast mai 2012 til Kollektivstrategi for Møre og Romsdal 2012 2021 Side 20
8 Samarbeid, innkjøp og organisering Fylkeskommunen har hovudansvaret for ferjer, fylkesvegar og kollektivtransport. Mykje av suksessen innan kollektivtransport er avhengig av andre sin medverknad. Kommunane har ansvaret for arealbruk, parkeringspolitikk og utvikling av det kommunale vegnettet. Statens vegvesen har ansvaret for det overordna vegnettet og ferjetilbodet på riksvegnettet. 8.1 Samarbeid For å få mest effekt ut av dei økonomiske ressursane vi sett inn må vi samarbeide med kommunane, og det tyder at i kommunar som ønskjer å vere med på å utvikle kollektivtilbodet i sitt område kan vi i større grad setje inn tiltak. Ressursar skal setjast inn der kommunar og andre aktuelle aktørar er villig til å satse på kollektivtrafikk. o o I byane må vi ha forpliktande samarbeid mellom kommune, stat og fylkeskommune gjennom bypakkane. Dette gjeld både tiltak nemnt under kollektivtrafikk i by, og finansiering. I distrikta må vi ha eit samarbeid med kommunar, stat, drosjenæringa og andre for å få til gode løysingar for bestillingstransport Vi skal opprette kjørekontor som tar hand om dei transportane vi tilbyr. o Vi tar ikkje sikte på å ta over pasienttransportane, men vil legge til rette for at tilbodet blir så godt at fleire pasientar vel å reise kollektivt. Vi skal samarbeide med nabofylka om fylkeskryssande ruter. Vi skal samarbeide nasjonalt for vidareutvikling av publikumsinformasjon. Gjennom aktivt medlemsskap i Kollektivtrafikkforeininga 2 skal vi vere oppdatert på innkjøps- og avtaleverk knytt til kjøp av transporttenester. 8.2 Anbod Busstrafikken i Ålesund, Giske og Sula blei lyst ut på anbod i november 2010. Fylkeskommunen ønskjer å vidareføre erfaringane frå dette anbodet i nye anbod etter denne framdriftsplana: Anbodsområder Utlysing Oppstart Volum km* Averøy, Kristiansund, Aure og Smøla 2012 2013 3 000 000 - Fullstendig tabell vil bli innarbeidd så snart forhandlingane om restproduksjonen er ferdig. Ålesund, Giske og Sula** 2017 2018** 3 500 000 *) anslag, volum kan bli endra **) Oppdragsgivar kan med opsjon forlenge gjeldande kontrakt til 31.12.2020. MRFK har valt å gjennomføre bussanboda som bruttokontraktar der fylkeskommunen har ansvaret for marknadsføring og trafikkinntekter. Målet er å få eit oversiktleg kollektivsystem der 2 Kollektivtrafikkforeininga er eit nasjonalt samarbeidsfora som skal styrke kollektivtrafikktrafikken sin konkurransekraft. For meir informasjon sjå www.kollektivtrafikk.no Revidert utkast mai 2012 til Kollektivstrategi for Møre og Romsdal 2012 2021 Side 21
fylkeskommunen kan velje virkemiddel for å nå måla for aktiviteten, medan operatørane kan fokusere på kostnadseffektiv drift. Ansvaret for bussdepot vil bli tillagt operatør på same vis som i anbodet for Ålesund. Driftskontraktar skal utformast slik at framtidige operatørar blir motiverte til å arbeide på ein god måte for å nå MRFK sine kvalitetsmål for kollektivtrafikken. Det viktigaste tiltaket for eit betre miljø er langsiktig og målretta arbeid for å få fleire til å reise kollektivt. Andre tiltak kan vere vurdering av meir miljøvenlege løysingar som til dømes bruk av alternativt drivstoff, innføring av ny teknologi, fokus på køyrestil og infrastrukturtiltak. 8.3 Innkjøp av kollektivtransporttenester Samferdselsavdelinga i Møre og Romsdal varetar fylkeskommunen sitt ansvar for løyver, kollektivtrafikk, drift, vedlikehald og investering i fylkesvegar. Avdelinga er delt i stab, kollektivtrafikkseksjon og infrastrukturseksjon. I tillegg har vi ruteopplysningsteneste og drift av det elektroniske billetteringssystemet i selskapet Trafikanten Møre og Romsdal AS, eit aksjeselskap heileigd av MRFK. MRFK skal i løpet av 2013 ha gjort ei vurdering av dagens organisering, inkludert fordelar og ulemper med dei alternativa som eksisterer. Dette skal resultere i ei sak til Fylkestinget der vi tilrår kva framtidig organisering vi meiner er mest tenleg for samferdselsansvaret i MRFK. Ei slik sak skal leggast fram for Fylkestinget seinast i oktober 2013. Revidert utkast mai 2012 til Kollektivstrategi for Møre og Romsdal 2012 2021 Side 22
Revidert utkast mai 2012 til Kollektivstrategi for Møre og Romsdal 2012 2021 Side 23