Ullensvang herad. Møteinnkalling Eldrerådet

Ullensvang herad Møteinnkalling Eldrerådet Møtedato: Møtestad: Møtetid: 01.09.2011 Heradshuset Kl. 15:45 INFORMASJON OM MØTET 01.09.11 Leiar for helse og velferd Torbjørn Reisæter vil kort informere om Hardangerrådet sitt arbeide for eldre og om Eldre-milliarden. FORFALL OG ANNA INFORMASJON Den som har lovleg forfall, eller er ugild i nokon av sakene, må melda frå så snart råd er, tlf. 53 67 15 00 slik at varamedlem kan kallast inn. Varamedlemer møter etter nærare innkalling. Dokument som ikkje er tilsende, kan du få kopi av på heradshuset. Dokument som ikkje er offentlege, vil berre verta sende til dei faste medlemene. Forfall meldt frå følgjande medl. Parti Følgjande varamedl. vert innkalla Parti Sakliste Sak nr. Saktittel 023/11 Godkjenning av møtebok 26.05.11 024/11 Meldingar 025/11 Bevaring av gjenstandar på Bu museum 026/11 Gåvemidlar i omsorgstenesta, disponering og endring av fullmakter 027/11 val av representant til arbeidsgruppe ny Helse- og omsorgsplan Ullensvang herad 24.08.11 Kåre Ystanes Leiar Linn Østerbø sekretær Side 1 av2

Side 2 av2

Ullensvang herad Sakspapir Styre, utval, del. vedtaksmynde. Eldrerådet SAKSGANG Møtedato 01.09.2011 Avgjerd av: Saksansv.: Linn Merete Østerbø Arkiv: Utv/sak nrobjekt: GODKJENNING AV MØTEBOK 26.05.11 Rådmannen sitt framlegg til vedtak: Møteboka vert godkjent slik ho ligg føre. Saksnr 023/11 J.post id. 11/8889 Sakshands. LOST Arkivsaknr 11/1051-1

Ullensvang herad Sakspapir Styre, utval, del. vedtaksmynde. Eldrerådet Avgjerd av: Saksansv.: Linn Merete Østerbø SAKSGANG Møtedato 01.09.2011 Saksnr 024/11 Arkiv: Utv/sak nr- J.post id. 11/8888 Sakshands. LOST Arkivsaknr 11/1050-1 MELDINGAR Refererte skriv og meldingar: Nr Dok.ID T Dok.dato 1 11/7521 I 11.07.2011 2 11/5432 S 19.05.2011 Avsendar/Mottakar Tittel Hordaland fylkeskommune Rådmannen sitt framlegg til vedtak: Meldingane vert tekne til orientering slik dei ligg føre. Årsmelding 2010 fra Hordaland Fylkeseldreråd Framlegg frå underutval

Ullensvang herad Sakspapir Styre, utval, del. vedtaksmynde. Råd for funksjonshemma Eldrerådet Ungdomsrådet Formannskapet Endeleg vedtak i: Formannskapet Saksansv.: Sveinung Dukstad SAKSGANG Møtedato 26.05.2011 26.05.2011 27.05.2011 05.09.2011 Arkiv: N-022 Objekt: Saksnr 025/11 022/11 026/11 Sakshands. SDUK SDUK SDUK SDUK J.post id. 11/5432 Arkivsaknr 11/720-1 FRAMLEGG FRÅ UNDERUTVAL Saksutgreiing: Her kan det enkelte underutval gi framlegg til eigne saker. Tilråding frå det enkelte underutval vert lagt fram for formannskapet som fattar vedtak om det skal utarbeidast eiga sak. Rådmannen sitt framlegg til vedtak: Saka vert lagt fram utan framlegg til vedtak. 26.05.2011 ELDRERÅDET ER-022/11 TILRÅDING: Eldrerådet tilrår at fylgjande saker vert utarbeida av administrasjonen: Brev frå heradet til alle i Ullensvang som har fylt 75 år Brevet bør gi tilbod om vitjing frå heradet der ein kan drøfte livssituasjonen til vedkomande med tilbod om hjelp om ein treng det. Grannahjelp / Frivilligheitssentral Eldrerådet viser til brev av 18. april 2011 til heradet v/ordføraren om denne saka. 26.05.2011 RÅD FOR FUNKSJONSHEMMA RFU-025/11 TILRÅDING:

Råd for funksjonshemma tilrår at fylgjande saker vert utarbeida av administrasjonen: Utforming av badelaguna i Kinsarvik Råd for funksjonshemma krev at ny badelaguna i Kinsarvik skal vera universell, visar til gjeldane lovverk om universell utforming.

Ullensvang herad Sakspapir Styre, utval, del. vedtaksmynde. Eldrerådet Formannskapet Heradsstyret Endeleg vedtak i: Heradsstyret Saksansv.: Sveinung Dukstad SAKSGANG Møtedato 01.09.2011 05.09.2011 26.09.2011 Arkiv: N-255 Objekt: Saksnr 025/11 J.post id. 11/7302 Sakshands. SDUK SDUK SDUK Arkivsaknr 11/860-4 BEVARING AV GJENSTANDAR PÅ BU MUSEUM Dokumentliste: Nr T Dok.dato 1 3 2 Avsendar/Mottakar Tittel I 01.06.2011 Trude Hoflandsdal Letnes Bu museum I 23.06.2011 Hardanger og Voss Vedk. samlingane på Bu museum museum U 23.06.2011 Hardanger folkemuseum Bevaring av gjenstandane på Bu museum. Restriksjonar i avtale om Bu museum Vedlegg: - Avtale om overdraging av Bu museum av 1979 - Brev frå Hardanger og Voss Museum om samlingane på Bu museum - Rapport frå Bevaringstenestene om Bu museum Saksutgreiing: I 1978 vart Bu museum med Aamund K. Bu sine samlingar overdrege til kommunane Ulvik, Granvin, Ullensvang, Eidfjord og Odda. Kommunane v/hardanger folkemuseum overtok eigedomen med bygningar, og tok samtidig driftsansvaret for museet og samlingane. Ifylgje avtalen kan kommunane ikkje selja eller overdra Bu museum. Hardanger og Voss museum har no kontakta Ullensvang herad vedkomande samlingane på Bu museum, med bakgrunn i ein gjennomgang og analyse av tilstanden til samlingane. Ifylgje museet viser rapporten at tilhøva og tryggleiken ved museet er svært dårleg, rapporten tilrår at samlingane vert flytta til meir eigna lokale. Museet meiner at omsynet til samlinga tilseier at gjenstandane må flyttast til eit godkjent magasin allereie hausten 2011. Vurdering: Det er vedlagt ein grundig rapport frå Bevaringstenestene ved Museumssenteret i Hordaland. Den er tydeleg på at gjenstandane i Aamund K Bu si samling ikkje vert oppbevart på ein tilfredsstillande måte, bygningane som inneheld samlingane er pr. i dag ikkje innretta slik at

dei egnar seg som museumslokale. Som eit resultat av dette, er gjenstandane i samlingane utsett for risiko og stor slitasje. Rådmannen ser ingen grunn til å tvila på hovudkonklusjonen i rapporten, og ser at det må gjerast strakstiltak for å unngå at gjenstandane i samlinga vert utsett for meir slitasje og elde. Det som er utfordringa er at når Hardanger folkemuseum på vegne av kommunane Ulvik, Granvin, Eidfjord, Odda og Ullensvang overtok Bu museum med Aamund K Bu sine samlingar, vart det gjort avtale om at samlinga skulla verta verande på Bu. Dersom museumsdrifta på Bu vert avslutta og samlinga vert flytta, fell eigedomsretten til bygningane på Bu museum attende til Amund K Bu sine arvingar. Avtalen som vart gjort i 1978 ligg som vedlegg til denne saka. Rådmannen meiner at omsynet til samlingane tilseier at samlingane på kort sikt må lagrast ein meir eigna stad. For å oppfylla avtalen frå 1978 meiner rådmannen at det må vera heilt klart at flyttinga er mellombels, og at samlinga må førast attende til Bu så snart råd er. Føresetnaden for ei mellombels flytting må vera at det samtidig vert sett i verk arbeid for å sikra at det kjem på plass godkjente museumslokale på Bu, slik at samlingane kan førast attende og stillast ut så snart råd er. Dersom ei mellombels flytting skjer innafor desse føresetnadene, meiner rådmannen at dette ikkje vil vera noko brot på avtalen om overdraging av Bu museum. For å få på plass godkjente museumslokale på Bu er det to mogelegheiter 1) Ei omfattande renovering og ombygging av bygningane på Bu museum 2) Eit nybygg på Bu som tilfredsstiller krav til oppbevaring av samlingane etter Aamund K Bu Som det framgår av brevet frå Hardanger og Voss museum, er det planar om å føra opp eit nytt bygg på Bu i tilknyting til den nye rasteplassen. Det er starta eit interkommunalt prosjekt der kommunane Granvin, Ulvik, Eidfjord og Ullensvang ser på mogelegheiter rundt Hardangerbrua. Planar om nybygg ved rasteplassen vert no vurdert i dette prosjektet. Eit slikt bygg, kombinert med noverande bygningar på Bu museum, kan lyfta Aamund K Bu sine samlingar fram i ljoset på ein langt betre måte enn i dag. Rådmannen har allereie gitt ein positiv uttale til Hardanger og Voss museum, men med atterhald om at dette er ei sak som må handsamast politisk i alle kommunane. Rådmannen sitt framlegg til vedtak: Ullensvang herad meiner at Bu museum og Aamund K Bu sine samlingar er ein viktig del av Hardanger og Voss museum, og ynskjer at samlinga vert lagra slik at den ikkje vert utsett for unødig risiko, slitasje og elde. Ullensvang herad meiner at ei mellombels flytting av Aamund K Bu sine samlingar ikkje strir mot avtalen frå 1978. Det er ein føresetnad at det straks vert sett i verk arbeid med å etablera eigna lokale på Bu slik at samlinga kan førast attende og stillast ut så snart råd er.

Ullensvang herad Sakspapir Styre, utval, del. vedtaksmynde. Eldrerådet Formannskapet Heradsstyret Endeleg vedtak i:heradsstyret Saksansv.: Håkon Grønsdal SAKSGANG Møtedato 01.09.2011 05.09.2011 26.09.2011 Arkiv: N-804 Objekt: Saksnr 026/11 Sakshands. HGRO HGRO HGRO J.post id. 11/8233 Arkivsaknr 11/435-3 GÅVEMIDLAR I OMSORGSTENESTA, DISPONERING OG ENDRING AV FULLMAKTER Dokumentliste: Vedlegg: Ingen. Saksutgreiing: Omsorgstenesta har opp gjennom åra fått fleire pengegåver. For nokre av gåvene til Omsorgstenesta aust / Bråvolltunet som er mottekne dei siste åra må det takast nærare standpunkt til korleis pengane skal brukast. Vidare må det fastsetjast kven som har fullmakt til å disponera midlane, og det er aktuelt å sjå på om eldre vedtak som gjeld fullmakter bør endrast. Gåvemidlane som er omfatta av denne saka inngår i heradet sin rekneskap, og det har kvart år i tilknyting til rekneskapen vore laga notat som viser korleis midlane er disponert i rekneskapsåret, og kor mykje som kan nyttast seinare. Denne saka omfattar ikkje gåver som tidlegare har vore gitt til konkrete føremål, og der pengane er nytta fullt ut til føremålet. Heradet administrerer òg fire sjølveigande legat som går etter stiftingslova, eitt av dei gjeld omsorgstenesta aust. Saka omfattar ikkje dette legatet. Oversyn over midlane Fond til heimesjukepleien / gåve frå Ingebjørg Ulsnes (balansepost 2.5110.305). Saldo 31.12.2010 kr 1 080 869. Av dette kan i 2011 nyttast kr 206 341. Retningsliner for bruk av gåva er sist vedteke av heradsstyret sak 79/1988: Inntil ¾ av avkastinga kan nyttast, ¼ skal leggjast til kapitalen. Disponible renter som ikkje vert tekne ut eitt år, skal kunna takast ut seinare år.

Pengane skal nyttast til nytte og hugnad for dei som er innskrivne i pleie- og omsorgstenesta utanfor institusjon, eller til hjelpemidlar / utstyr for dei som arbeider og dei som treng hjelp innafor denne tenesta. Etter framlegg frå tillitsvalde i pleie- og omsorgstenesta, tek pleie- og omsorgssjefen og helse- og sosialsjefen avgjerd om korleis midlane kan nyttast. Helse- og sosialstyret (no formannskapet) får melding ein gong per år om korleis midlane er nytta. Fond for Utneheimen (balansepost 2.5110.300). Saldo 31.12.2010 kr 658 970. Av dette kan i 2011 nyttast kr 33 538. Retningsliner for bruk av gåva er sist vedteke av heradsstyret sak 105/1984: 75% av avkastinga kan nyttast, og skal setjast av til eigen brukskonto, dvs kunna nyttast seinare år. Resten skal leggjast til kapitalen. Styret for sjukeheimen, som no er formannskapet, tek avgjerd om bruk av midlane. Anna og Svein Børves gåvefond (balansepost 2.5110.310 / 2.5300.310). Saldo 31.12.2010 kr 731 410. Av dette kan i 2011 nyttast kr 196 585. Fondet vart oppretta ved testamente frå 1934, for Ullensvang gamleheim. Retningsliner: Kapitalen skal vera urørleg, og 1/5 av renteinnkoma skal leggjast til kapitalen medan resten skal nyttast til drifti av gamleheimen. Fullmakt til å disponera midlane var opprinneleg lagt til heradsstyret, men er ved vedtak av heradsstyret i sak 54/1984 lagt til styret for heimen som no er formannskapet. Vedtektene vert tolka slik at disponible renter som ikkje vert nytta eitt år, skal kunna nyttast seinare år. Formannskapet har i sak 108/09 vedteke at kr 159 746 av avkastinga som står til rådvelde vert nytta til innkjøp av nye møblar til Bråvolltunet og sansestova. Gåva etter Marita J. Tveisme (balansepost 2.5110.312). Saldo 31.12.2010 kr 1 125 626. Heile gåva kan nyttast, sjå nedanfor. Den testamentariske gåva på kr 755 223,68 frå Marita J. Tveisme som døydde den 17.08.1999 skal tilfalla Bråvolltunet og skal nyttast til hyggje for dei gamle som oppheld seg der. Heradsstyret handsama i sak 41/2000 den 26.06.2000 retningsliner for korleis gåva skulle nyttast. Bl.a. fekk oppvekst- og levekårsutvalet fullmakt til å fatta vedtak i saka. Formannskapet vedtok i sak 108/09 at heile gåva skulle nyttast til Glasoverbygget ved Bråvolltunet. Dette prosjektet er under bygging i 2011 slik at gåva vil bli brukt fullt ut i år. Gåva etter Johan O. Espe (balansepost 2.5110.311). Saldo per 31.12.2010 var kr 406 207. Av dette er kr 300 000 disponert til Glasoverbygget ved Bråvolltunet gjennom vedtak i formannskapet i sak 108/09. Heradsstyret handsama i møte den 13.12.1999 sak 135/99 korleis gåva skulle nyttast. Mykje av dette er gjennomført, men på ein del punkt berre delvis eller med mindre beløp enn vedteke. Anonym gåve 2008 til Bråvolltunet (balansepost 2.5110.314). Saldo 31.12.2010 kr 1 058 042. Av dette kan i 2011 nyttast kr 46 320. Ullensvang herad fekk den 17.03.2008 ei anonym gåve på 1,0 million kroner. Heradsstyret godkjende i møte 30.06.2008 i sak 066/2008 retningsliner for bruk av pengane, i samsvar med gjevaren sitt ønske:

10% av den årlege avkastinga vert lagt til hovudstolen. 90% av den årlege avkastinga skal vera eit sosialt bidrag til bebuarane tilknytt Bråvolltunet, der dei i høgtider kan få t.d. ein blom, litt ekstra god mat og tilhøyrande drikke. Rådmannen har fullmakt til å ta standpunkt til når og korleis avkastinga av pengane skal nyttast, med høve til vidare delegasjon. Om ein finn det tenleg, kan deler av årets avkasting nyttast same året avkastinga gjeld for. Det skal kvart år utarbeidast oversyn over korleis avkastinga har vore nytta. Rådmannen har i brev av 15.08.2008 delegert si fullmakt til pleie- og omsorgsleiar aust. Anonyme gåver i 2009 og 2010 til Bråvolltunet (balansepost 2.5110.315). Gåve 1: Saldo 31.12.2010 kr 265 665 Gåve 2 og 3: Saldo 31.12.2010 kr 1 017 062 Bråvolltunet fekk to store pengegåver i 2009 på kr 250 000 og kr 500 000, og ei på kr 500 000 i 2010. Formannskapet eller heradsstyret har ikkje tidlegare gjort noko særskilt vedtak i samband med gåvene. For gåve nr. 1 er det ingen bindingar på bruken. For gåve nr. 2 og 3 ligg det føre gåvebrev med same tekst: Eg tenkjer meg at pengane kan nyttast til innbu og utstyr i Sansarhuset som no skal byggjast / er under bygging. Men og andre trivselstiltak for dei eldre som bur her, ut over det heradet ser seg råd til. Dagsturar i området kan vera eit slikt tiltak. Gåva skal ikkje nyttast til ordinær drift. -----. Gåvene er unytta og er sett av til gåvefond. Renter er lagt til frå dato heradet mottok gåvene. Testamentarisk gåve i 2011 til Bråvolltunet Bråvolltunet fekk den 28. juli 2011 overført ei testamentarisk gåve på kr 221 897 etter Endre Fresvik som døydde hausten 2010. I testamentet er det ingen bindingar på bruken av gåva, anna enn at pengane skal tilfalla Bråvolltunet. Vurdering For dei gåvene det ikkje ligg føre vedtak eller retningsliner frå før, må heradsstyret ta standpunkt til kor mykje av sjølve gåvene som kan nyttast. Dersom ikkje heile gåvene skal nyttast, er det nødvendig å ha retningsliner for korleis forvaltninga skal vera for seinare år. Ein vanleg modell er at ein bestemt prosent av den årlege avkastinga skal leggjast til hovudstolen, og at resterande kan nyttast føremålet. Det er ein sjølvfølgje at gåvemidlane skal nyttast i samsvar med det gjevaren har ønskt, og i alle fall til særskilte tiltak ut over dei vanlege løyvingane i budsjetta. Så bør ein ha eit opplegg som er nokolunde enkelt og greitt å praktisera for ettertida. Sistnemnde omsyn tilseier at flest mogleg av midlane som ikkje vert brukte direkte, bør samlast i eitt gåvefond med like reglar, så framt dette let seg gjera innanfor det gjevarane har ønskt med gåvene. Rådmannen føreslår at gåvene som Bråvolltunet har motteke frå og med 2009 og resten av gåva etter Johan O. Espe, til saman om lag 1,6 millionar kroner, vert slegne saman til eitt gåvefond. Vidare at ein kan nytta midlar frå dette fondet i 2011 og seinare år til føremål i samsvar med gjevarane sine ønske, så langt pengane rekk. Altså slik at ein for desse gåvene også kan bruka av sjølve gåvene og ikkje berre deler av avkastinga. Fullmakt til å disponera gåvemidlane bør vera likt for alle, og det bør vera ein enkel saksgang. Vår vurdering er at saker som dette bør delegerast til rådmannen, med høve til å delegera

vidare til andre av leiarane innan omsorgstenesta. Slik som gjort i heradsstyrevedtak i sak 066/2008 for den anonyme gåva i 2008. I tillegg til det som tidlegare er vedteke å nytta til bygginga av Sansestova / Glashuset og til møblar til dette huset, har det i år vore kjøpt inn fleire nye møblar og utstyr til Bråvolltunet og det nye bygget. Dette er gjort i med tilvising til ordlyden i gåvebreva frå 2009 og 2010. Samla sum brukt til dette i 2011 vert om lag kr 850 000 eks. mva, av dette vert knapt kr 160 000 finansiert av Børves gåvefond med tilvising til tidlegare vedtak. Med så gjort vil det samanslegne gåvefondet få ein saldo på om lag kr 700 000 per 31.12.2011. Rådmannen sitt framlegg til vedtak: Gåvene til Bråvolltunet som er mottekne frå og med 2009, og unytta frå gåva etter Johan O. Espe, vert samla i eitt gåvefond med namnet Gåvefond Bråvolltunet. Avkasting av midlane skal kvart år leggjast til fondet. Retningsliner for disponering av midlane: o Både den årlege avkastinga og sjølve hovudstolen kan nyttast til føremålet. o I samsvar med gjevarane sine ønske skal deler av gåva nyttast til innbu og utstyr i Sansarhuset som er bygt ved Bråvolltunet. Men og andre trivselstiltak for dei eldre som bur her, ut over det heradet ser seg råd til. Dagsturar i området kan vera eit slikt tiltak. Gåvemidlane skal ikkje nyttast til ordinær drift. o Rådmannen har fullmakt til å ta standpunkt til når og korleis avkastinga av pengane skal nyttast, med høve til vidare delegasjon. o Det skal kvart år utarbeidast oversyn over korleis avkastinga har vore nytta. Gjeldande reglar om fullmakt til disponering for Fond til heimesjukepleien, Fond for Utneheimen og Anna og Svein Børves gåvefond vert oppheva og erstatta med følgjande: Rådmannen har fullmakt til å ta standpunkt til når og korleis avkastinga av pengane skal nyttast, med høve til vidare delegasjon. Det skal kvart år utarbeidast oversyn over korleis avkastinga har vore nytta.

Ullensvang herad Sakspapir Styre, utval, del. vedtaksmynde. Råd for funksjonshemma Eldrerådet SAKSGANG Møtedato Saksnr 01.09.2011 027/11 Endeleg vedtak i: Eldreråd/Råd for funksjonshemma Saksansv.: Gro Helen Taule Nygard Arkiv: N-101.5 Objekt: J.post id. 11/8416 Sakshands. GTAU GTAU Arkivsaknr 11/530-4 VAL AV REPRESENTANT TIL ARBEIDSGRUPPE NY HELSE- OG OMSORGSPLAN Saksutgreiing: Viser til handsaming i formannskapet i sak 052/11 vedtak: Pkt 5. I arbeidsgruppa skal det veljast 2 brukarrepresentantar, 1 vald av eldrerådet og 1 frå rådet for funksjonshemma. Arbeidsgruppa skal halde sitt første møte 26.09.11 kl. 13 1430, heradsstyresalen. Saka vert lagt fram utan framlegg til vedtak. Rådmannen sitt framlegg til vedtak:.