Arkivref: 2014/73-647/2015 Saksh.: Merete Refstie Hageberg Saksnr Utval Møtedato 1/15 Forvaltningsstyret 29.01.2015 DETALJREGULERING FOR GNR/BNR 34/1 M. FL., LITLABØ MASSEDEPONI - 1. GONGSHANDSAMING Framlegg til vedtak: Forvaltningsstyret vedtek i medhald av 12-10 og 12-11 i Plan- og bygningslova å leggje forslag til detaljregulering for gnr/bnr 34/1 m.fl., Litlabø massedeponi ut til offentleg ettersyn. Saksprotokoll i Forvaltningsstyret - 29.01.2015 Vedtak Forvaltningsstyret vedtek i medhald av 12-10 og 12-11 i Plan- og bygningslova å leggje forslag til detaljregulering for gnr/bnr 34/1 m.fl., Litlabø massedeponi ut til offentleg ettersyn. Handsaming Samrøystes godkjend.
Rådmannen, 13.01.2015 Dokumentliste S 13.01.2015 Detaljregulering gnr/bnr 34/1 m.fl., Litlabø massedeponi - 1. gongshandsaming I 08.01.2014 Akvator AS Tinging av oppstartsmøte for reguleringsplan. Massedeponi Litlabø, gnr. 34/1,2,3 U 04.02.2014 Akvator AS Oppstartsmøte for detaljregulering gnr/bnr 34/1 m.fl., Litlabø massedeponi U 18.03.2014 Akvator AS Planavgrensing Litlabø I 19.03.2014 Akvator AS Oppstartsmelding, detaljregulering Litlabø massedeponi U 20.03.2014 Akvator AS Svar til oppstartsmeldinga I 20.03.2014 Akvator AS Melding om oppstart av detaljregulering og offentleg høyring av planprogram - frist for merknader: 6. mai 2014 I 14.05.2014 Hordaland Fylkeskommune Fråsegn I 16.05.2014 Akvator AS Innspel til oppstartsplan og planprogram I 20.05.2014 Akvator AS Fråsegn synfaring I 26.05.2014 Akvator AS Detaljregulering for gnr/bnr 34/1 m. fl., Litlabø massedeponi. Endring plangrense I 28.05.2014 Akvator AS Melding om endring av plangrense for oppstart av detaljregulering og offentleg høyring av planprogram I 16.06.2014 Åge Sørensen Merknad til plan U 18.06.2014 Åge Sørensen Sak: Detaljregulering for gnr/bnr 34/1 m fl, Litlabø massedeponi I 12.08.2014 Akvator AS Detaljplan for gnr/bnr 34/1 mfl, massedeponi Engelsen. Planprogram S 19.08.2014 Detaljregulering gnr/bnr 34/1 m.fl., Litlabø massedeponi - fastsetjing av planprogram X 08.09.2014 Særutskrift - Detaljregulering gnr/bnr 34/1 m.fl., Litlabø massedeponi - fastsetjing av planprogram N 22.09.2014 fakturagrunnlag Fakturagrunnlag - Detaljregulering gnr/bnr 34/1 m.fl., Litlabø massedeponi I 19.12.2014 Akvator AS Planframlegg til 1. gangshandsaming I 13.01.2015 Akvator AS Rev. planframlegg til 1. gangshandsaming Vedlegg Planomtale, datert 13.01.2015 Føresegner, datert 13.01.2015 Plankart, datert 13.01.2015 Snitt/profil, datert 16.11.2015 Innleiing (bakgrunn for saka) På vegne av tiltakshavar Engelsen Anlegg AS har Akvator AS utarbeida og sendt inn forslag til detaljregulering for gnr/bnr 34/1 m.fl., Litlabø massedeponi. Føremålet med planarbeidet er å utvikle området for massedeponi og masseuttak. Det vart halde oppstartsmøte med planmynde i kommunen 04.02.2014. Området er vist som område for bygningar og anlegg i kommuneplanen, med krav om regulering. Før tiltak vert sett i verk må det gjerast nærare vurderingar av konsekvensar for vassdrag, spesielt med omsyn til forureiningsfare. Det vart difor kravd planprogram og konsekvensutgreiing. Melding om oppstart av planarbeid og utlegging til offentleg ettersyn av framlegg til planprogram vart kunngjort og sendt ut 20.03.2014. Det vart gjort justering av plangrensa i ettertid og ny kunngjering vart sendt ut 28.05.2014. Det kom inn 10 merknader/uttaler som er oppsummert og kommentert i vedlagte planomtale. Planprogrammet vart vedteke 04.09.2014, i sak PS 33/14. Dette gjer greie for føremålet med detaljreguleringa, planprosessen og opplegget for medverknad, behovet for utgreiingar av planen sin verknad for miljø og samfunn og for korleis dette arbeidet skal gjennomførast. 2 av 5
Saksutgreiing (fakta, saksopplysningar) Omtale av planområdet Planområdet er om lag 60 daa stort, og ligg i skogsområdet nord-aust for Nedre Litlabø. Området ligg like ved Fylkesveg 67, Gruvevegen, som vil vera hovudtransportåra til planområdet. Arealet er registrert som særs viktig landbruksområde i Stord kommune. I samband med planutforminga og auka detaljering er det gjort to mindre justeringar av plangrensa, dette på bakgrunn av tilpassing til eksisterande terreng og ei betre avslutning av området når anleggstida er over. Planstatus Området er avsett til andre typar bygningar og anlegg (masseuttak /massedeponi) (I24) og LNF i gjeldande kommuneplan for Stord 2010 2021. Det er i kommuneplanen sagt at bruken må regulerast nærare gjennom føresegner. Omtale av planforslaget Området vert regulert til kombinert byggje- og anleggsformål (uttak og deponi), andre særskilt angjevne bygningar og anlegg (anleggsområde), veg og grøntstruktur. Innanfor kombinert byggje- og anleggsformål (masseuttak/deponi) skal det drivast uttak og deponi av massar. Interne drifts- og anleggsvegar kan etablerast ved behov. Ved ferdigstilling av området med masseuttak skal området fyllast med massar og tilpassast til utfylt deponiområde. Hellingsgraden skal vera tilfredsstillande med omsyn til maskinell slått/grasproduksjon for etterbruk, maks 1:5. Med bakgrunn i snitt og masseberekningar er det planlagt at det totalt vert fylt ut om lag 185 000 m 3 med masser, medan det er planlagt å ta ut om lag 65 000 m 3. Innanfor området vist til anleggsområde kan det mellomlagrast massar og utstyr, området er i dag opparbeida. Område for grøntstruktur skal fungera som ein buffer mot tilgrensande areal. Vegetasjonen innanfor formålet skal i all hovudsak ikkje rørast, og skal fungera som skjerming med omsyn til mellom anna innsyn og støy. Det er regulert inn kryssløysing med siktsoner i samsvar med krava frå Statens vegvesen, det er og regulert intern veg inn i området. På denne skal det setjast opp bom som sperrar tilkomsten. Bommen skal vera låst i alle tidsrom utan aktivitet innanfor driftsområdet. Tiltaka innanfor planområdet er ikkje til hinder for planlegging og etablering av gang- og sykkelveg langs strekninga i framtida. Vurdering Krav om konsekvensutgreiing Det er vedteke eit planprogram for detaljreguleringa. I planprogrammet er det gjort greie for kva områder som skal konsekvensutgreiast. Konsekvensutgreiinga er gjort i samsvar med forskrift om konsekvensutgreiing. Det er vurdert moglege avbøtande tiltak eller retningslinjer/føringar for å redusere dei negative konsekvensane. Tema som er vurdert i utgreiinga er landskap, friluftsliv og grøne interesser, naturmiljø/naturmangfald, kulturmiljø/kulturminne, landbruk og samfunn og infrastruktur. Det er vurdert at planen vil få ein liten negativ konsekvens for naturmangfaldet og samfunn og infrastruktur. For samfunnssikkerheit og beredskap er planen vurdert til å ha akseptabel risiko. Dette under føresetnad av at dei avbøtande tiltaka som er nemnde vert gjennomført. Konsekvensar for samfunnet Planen legg til rette for masseuttak og deponi. Området har god lokalisering i høve kort transportavstand til område med større utbyggingar. Den korte avstanden, samt at tipp og uttak kan skje på same stad vil gje ein miljøgevinst i form av redusert utslepp frå tungtransport. Auke av tungtransport på Fv. 67 vil gje ein negativ konsekvens sidan det ikkje er tilrettelagt med gangog sykkelveg langs vegen. 3 av 5
Naturmangfald Området består av myr og barskog med høg bonitet. Det er ikkje registrert viktig biologisk mangfald som naturtypar eller viltområde/lokalitetar innanfor eller i nærleiken til planområdet. Det er registrert ein trekkveg for hjort nord-vest for planområdet. Det er grunn til å tru at myra er eit viktig habitat for insekt. Eksisterande kunnskapsgrunnlag er vurdert til å vera tilstrekkeleg jf. naturmangfaldlova 8. Den samla belastinga for økosystema innanfor planområdet og influensområdet vil auka, men då hovudsakleg grunna avrenning som følgje av inngrep og endringar i området. Rådmannen meiner at planen er vurdert tilfredsstillande etter prinsippa i 8 til 12 i Naturmangfaldlova. Kulturminne Det er ikkje kjennskap til automatisk freda kulturminne eller andre verneverdige kulturminne innanfor planområdet. Det er ingen kjente element innanfor planområdet som klassifiserer området som viktig kulturlandskap og/eller miljø. Potensiale for funn innanfor området er av Hordaland fylkeskommune vurdert til å vera lågt. Landskap og terreng Tiltaket vil endre landskapet sin karakter gjennom sprenging og fylling. Området vert endra frå å vera eit vanleg skogs- og myrområde utan inngrep, til eit anleggsområde i driftsfasen og etter avslutta prosjekt eit jordbruksområde. Ved ferdigstilt prosjekt skal deponiet tilpassast eksisterande terreng. Høgdedraga vil verta teke vare på og tiltaket vil ikkje ha silhuettverknad. Grøntstruktur Områda som er regulert til grøntstruktur er tenkt som buffer mot tilgrensande areal. Vegetasjonen skal behaldast og områda skal fungera som skjerming med omsyn til mellom anna innsyn og støy. Det er elles ikkje lagt inn grøntstruktur i området med tanke på friluftsaktivitetar og liknande. Området er eit anleggsområde der tiltakshavar skal føretaka naudsynt sikring slik at eventuelle farlege område vert utilgjengelege for ålmenta. Barn og unge Det er ikkje synlege spor etter bruk og aktivitetar i området i dag. Det er ikkje registrert at tiltaksområdet vert nytta av barn og unge. Området er ikkje vurdert til å vera eit interesseområde med omsyn til denne gruppa. Universell utforming Det vert lagt til grunn prinsippet om tilgjenge for alle, og TEK 10 sine krav gjeld for området. Planområdet vil ikkje ha funksjonar som krev særskild tilpassa løysingar. Friluftsliv/ Folkehelse Det er ikkje lagt til rett for friluftsliv innanfor planområdet. Området i og kring planområdet vert i dag nytta som jaktterreng under hjortejakta. Då hjorten med sannsyn vil endra sitt bruksmønster i og kring området kan tiltaket få konsekvensar for jaktutøvinga. Erfaringar frå andre anleggsområde er at hjorten er tilpassingsdyktig og ein antar at konsekvensane for jaktutøvinga vil verta låg. Planområdet er ikkje nytta til turområde utanom i tilknyting til hjortejakt. Det er likevel store friluftsområder og turområder i nærområde til planen, og tiltak innanfor planen kan indirekte påverka friluftslivet gjennom lyd frå drifta av anlegget. Landbruk Store delar av planområdet er myrlendt og lite brukbart til landbruksføremål slik det er i dag, og vert ikkje nytta i gardsdrifta. Det står ein del skogressursar i området og barskogen er av høg bonitet. Planen vil ikkje hindre uttak av skog i området, men lette tilgangen gjennom tilkomst til området. Ein liten del av planområdet nærast Fv. 67 er definert som fulldyrka jordbruksareal. Arealet har i fleire år vore unytta då det sidan oppstart av anleggsverksemd i området har vore omdisponert og nytta som del av anleggsverksemda. Tiltaket skal ved avslutning omdisponerast til landbruksføremål, og vil gje om lag 50 daa fulldyrka mark. Skule/ barnehage Det ligg ein privat barnehage nordvest for avkøyringa til planområdet. Barnehagen er skjerma av topografien. Uteareal med leikeapparat ligg på framsida av barnehage, dette vender bort frå planområdet. Næraste skule er Litlabø skule. Denne ligg om lag 1,7 km frå planområdet. Det er ikkje gang- og sykkelveg fram til skulen. Strekninga langs Fv. 67, Gruvevegen er skuleveg for borna i området. 4 av 5
Klima og energi/forureining Det vil vera noko avrenning og støy frå planområdet. Tiltakshavar er pliktig til å følgje krav sett i forureiningslova og tilhøyrande forskrifter. Rådmannen meiner at ved gjennomføring av dei skisserte avbøtande tiltaka vil risikoen for forureining minimaliserast. Det er i føresegnene sagt at det skal takast regelmessige prøvar av overvatn frå dei deponerte massane. Det kan vera aktuelt med omlegging av bekkar som går gjennom planområdet, eventuelt å opparbeida sedimentasjonsbasseng. Veg, vatn og avlaup Planområdet ligg inntil Fv. 67, Gruvevegen. Kryssområdet er opparbeida med siktsoner i høve krav frå Statens vegvesen. Det er ikkje kommunalt vass- og avlaupsnett fram til området. Trafikk og trafikktryggleik Tiltaket innafor planområdet vil føre til ein liten auke i tungtrafikken på Gruvevegen, gjennomsnittleg 0,5 % ÅDT. Delar av fylkesvegen er noko smal og kan auke sannsynet for passeringsproblem med omsyn til møtande trafikk. Det er ikkje eksisterande gang- og sykkelveg langs strekninga, og tiltaket kan medføra auka risiko for mjuke trafikantar. Rådmannen kan ikkje sjå at det kan vera grunnlag for å krevja opparbeiding av gang- og sykkelveg på heile strekninga av Fv. 67 før ein kan få utvida tiltaksområdet. Å opparbeida gang- og sykkelveg på strekninga langs tiltaksområdet vil heller ikkje auka trafikktryggleiken i området vesentleg. Det vil vera ein fordel for gang- og sykkelvegprosjektet å få utarbeida ein heilskapleg plan der ein kan vurdera dei ulike alternativa og plassering av gang- og sykkelvegen. Kollektivtrafikk Det går kollektivtrafikk langs fylkesvegen. Det er ikkje busstopp i tilknyting til planområdet, men det er heller ikkje vurdert at tiltaket krev etablering av busstopp. Risiko og sårbarheitsanalyse (ROS-analyse) Det er gjennomført risiko og sårbarheitsanalyse. Analysen ligg som ein del av planomtalen. Det er avdekka potensiale for forureining av vatn og luft. Som avbøtande tiltak mot forureining av vatn er det skissert omlegging av bekkar, sedimentasjonsbasseng og vassovervaking. Det skal gjennomførast regelmessig prøvetaking av avrenning frå planområdet, og prøvetaking av tilførte massar som har potensiale for ureining. Tiltak mot forureining til luft vil vera vatning og/eller salting av anleggsveg, tilplanting og vegetasjonsskjerm mot støyforureining. Det vert ein liten auke i sannsyn for ulykker på tilgrensande vegar. Det kan verta ein gjennomsnittleg auke i tungtrafikken på 0,5 %. Fylkesvegen er til dels smal, men fartsgrensa er låg. Planen vert vurdert til å ha akseptabel risiko. Rådmannen føreset då at dei avbøtande tiltaka som er nemnt vert gjennomført. For nærare omtale av planområdet, planforslaget, konsekvensar og risiko- og sårbarheitsanalyse vert det vist til planomtalen med vedlegg. Konklusjon Rådmannen rår til at forvaltningsstyret vedtek å leggja planforslaget ut til offentleg ettersyn. 5 av 5