HÅ KOMMUNE MOTLAND SKULE Kjære foreldre/føresette ved Motland skule. Informasjon mars 2009 Informasjon Skulen sin telefon: 51798380 SFO: 98479597 1.og 3. 98479665 2. og 4. E-post: post.motland.skule@ha. kommune.no Internettadresse: www.ha.no/mot Rektor: Eivind Galtvik 51798382/41532639 Lagleiarar: Ann Merete Erga Bergljot G. Aunet Liv Årrestad Bø Vaktmeister: Erlend Høyland Sekretær: Beathe H. Fjeldheim Bibliotek: Kari Thu 51798379 Helsesøster: Ingvild Lye Skretting Tannlegekontor Nærbø:51799920 PPT: 51799770 Motland skule som praksisskule! Som de veit har vi avtale med UiS om at studentar er på skulen for å ha praksis. Dette skuleåret har vi hatt første og andreårsstudentar. I veke 11-13 kjem det 26 andreårsstudentar. Dei skal vere her frå tysdag 10. mars til fredag 27. mars. Fem av desse dagane skal dei ta over undervisning på alle trinna. Dette er ein viktig praksis for desse studentane, no får dei verkeleg kjenne på kroppen korleis det er å vere i praksis. Denne formen for praksis har Universitetet i Stavanger hatt i mange år, og tilbakemeldingane både frå studentar, elevar, foreldre og dei tilsette på skulen er gode. Det er viktig at studentane vert kjent med dei elevane dei skal undervise, derfor er dei her i åtte dagar før dei tek over skulen. Dei tek over skulen fredag 20. mars og har ansvaret for undervisninga fram t.o.m. torsdag 26. mars. I denne perioden vil lærarane ikkje vere tilgjengelege for studentane. Mange av dei andre tilsette (reinhaldere, assistentar, fagpersonar, sekretær og vaktmeister) er på skulen som vanleg når studentane er her. Det vil og vere ein kontaktperson både frå UiS og frå etatskontoret i kommunen dei fem dagane studentane er aleine om undervisninga. Vi håper dette vert gode dagar både for elevane og for studentane! Prosjekt Lesing! Skuleåret 0809 har vi ekstra satsing på lesing. Mange av dei tilsette er med i ei kursrekkje med lesesenteret med fokus på lesing. I tillegg har vi fleire lærarar som har teke etterutdanning i Meistring og utvikling som har fokus på begynneropplæring av lesing og skriving. På skulen har vi ei prosjektgruppe som er med å legg føringar på korleis vi skal arbeide med lesing framover. Vi trur det er lurt å involvere så mange som mulig i dette, derfor har vi laga arbeidsgrupper som skal dele sine erfaringar med kvarandre og med alle andre. Når studentane tek over skulen skal vi på studietur til København. Der skal vi sjå på spennande skular som har gode resultat på lesing og vi skal bruke mykje tid på å dele kunnskap med kvarandre.
Bokveka! Veka før vinterferien la heile skulen bort dei fleste fagbøkene og koste oss med biletbøkene til Bjørn F. Rørvik og Per Dybvig. Det var stor aktivitet, godt samarbeid og skaparglede på alle trinn. Historiene om Reven og Grisungen inspirerte til teikning og skriving av tekstar og songar. Det vart og laga mange flotte kunstverk. Det verka som både store og små kosa seg heile veka. Noko av det som vart laga var: 1.trinn laga store figurar av reven og grisungen. Dei heng i framleis i aulaen. 2.trinn surra flotte myggar av piperensarar. 3.trinn laga myggsprayreklame både på trykk og film. 4.og 5. trinn laga Tutomatar som var flotte i seg sjølv, og somme kunne matast med snop, rusk og anna og gav tut tilbake. Den eine tutomaten tok til og med Visakort. 6.trinn trylla med avis og tapetlim som vart flotte Snøffelhøns med prangande fjører. 7.trinn laga romantiske teaterstykke som dei viste fram på avslutninga. Vi legg opp til å ha ei bokveke kvart skuleår, omtrent på denne tida. Her er ein av dei mange flotte myggane som elevane på 2. trinn laga Her driv 4. trinn å lager tutomater På 6. trinn laga dei tøffe Snøffel høns 1.trinn laga store figurar av reven og grisungen. Desse heng i aulaen
Samarbeid med Hå kulturtorg Motland skule ønskjer å spele ei viktig rolle i lokalsamfunnet på Nærbø og i Hå kommune. Vi har eit godt samarbeid med ulike lag og organisasjonar. I siste halvdel av mars skal Hå kulturtorg sette opp to store førestillinger her. Musikalen ANNIE skal framførast 27. og 30. mars på kvelden, og som skuleførestillingar 30. og 31. mars. Saman med Nærbø musikkorps og Kulturscena i Hå vert det ABBA konsert. Det vert discokuler, glitter og glam. Frå kulturskulen deltek både songarar og dansarar. I tillegg er musikantar frå Hårock og Nærbø skulekorps og med. Desse førestillingene er 28. og 29. mars. Vi ønskjer alle deltakarane lukke til! Trafikk rundt skulen Det har vore arbeidd med å få betre flyt i trafikken rundt skulen. Dette gjeld spesielt Kviavegen. Der er det blitt betre, det er flott! Noko av problemet no er at mange av bilane har flytta seg til Bjørkevegen og Raunevegen. FAU og skulen oppmodar fortsatt alle elevane til å gå eller sykla til skulen. Viss de må nytte bil, bruk parkeringsplassen for av og påstigning. Klassekontaktar Namna på alle klassekontaktane ligg no på heimesida, så de lettare kan nå dei viss det er noko det vil ta opp med dei. SFO Minner om at fristen for å seie opp plass/endre på tilbodet før sommaren er 1. april. Ønskjer de endring frå neste skuleår er fristen 1. mai. SFO er for elevane som går i 1.- 4. klassetrinn. Årsmeldinga 2008 På heimesida finn de no årsmeldinga til skulen. Årsmeldinga seier noko om dei resultat som skulen oppnådde i 2008 og kva vi meiner var bra og kva vi må arbeide vidare med. Gå inn å les! Hallen vert stengt Som ei følgje av at Hå kulturtorg skal bruke hallen i sine oppsetningar, vert denne stengt for andre aktivitetar i perioden 16.-31. mars. Elevane kan nytte garderobane og vil ha gymtimar som oppsett. Sluttspel i handball. Motland har gode lag i handball. Både jentene og gutane var kvalifisert til sluttspel i Stavanger storhall torsdag 5. mars. Begge laga gjorde ein flott innsats, jentene vart slått ut i kvartfinalen. Gutane vann heile turneringa etter ein spennande finale med ekstraomganger. Vi gratulerer alle saman! Eivind Galtvik -rektor