EID KOMMUNE FØRESEGNER TIL REGULERINGSPLAN FOR NORDØYRANE NORD FOR FARGARELVA. Revidert: 24.06.03.. Rådmann/Ordførar
PLANOMTALE Reguleringsendringa gjeld i hovudsak omregulering frå campingplass til bustadformål. Reguleringsendringa har vore varsla. Førehandsmerknadar til planarbeidet har kome inn. Illustrasjonsplan for Fjordtun Bustadfelt er utarbeidd og dannar grunnlaget for omreguleringa. Illustrasjonsplanen er ikkje bindande, men skal vere retningsgjevande for utbygginga. Planen viser 3 tun med 2-, 3-, og 4-roms husvære. Kvar bueining får carport og frittliggande utebod. I tun 1 vert det oppført felles naust i tilknytning til småbåthamna. For kvart tun vert det oppført eit bosshus. Det vert lagt opp til ein utbyggingsrekkefølgje i illustrasjonsplanen der tun 1 med småbåthamn er 1. byggetrinn. Deretter følgjer tun 2 og tun 3 i 2. og 3. byggetrinn. Illustrasjonsplanen skal følgje reguleringsplanen som vedlegg. Samla areal innanfor planområdet er om lag 38 da. Området for bustadar (B) utgjer om lag 17 da, bensinstasjon (S1) om lag 6,7 da og bevertning (S2) om lag 2 da. Planområdet for endringa er delt inn i følgjande føremål: BYGGEOMRÅDE: - Bustadar. B. - Bensinstasjon. S1. - Bevertningsformål (restaurantdrift). S2. OFFENTLEG TRAFIKKOMRÅDE: - Køyreveg. - Gangveg. SPESIALOMRÅDE - Frisiktsone - Friluftsområde. - Friluftsområde sjø. - Småbåthamn. - Vegetasjonssone. - Miljøstasjon. - Trafostasjon. - Kommunalteknisk anlegg. FELLESOMRÅDE - Felles veg - Felles brygge.
REGULERINGSFØRESEGNER. 1. FELLES FØRESEGNER 1.1 Unntak frå planen: Det faste utval for plansaker kan tillate mindre vesentlege unntak frå planen dersom det ligg føre særlege grunnar 1.2 Privatrettslege avtalar: Reguleringsplanen med tilhøyrande føresegner gjeld framfor privatrettslege avtalar som er i strid med planen eller føresegnene 1.3 Utbyggingsplan (Illustrasjonsplan) Det vert krevd detaljert utbyggingsplan (illustrasjonsplan) for bustadområdet B med fellesareal i samband med byggemelding. Utbyggingsplanen skal vise arealbruk, utforming, plassering og høgder. Planen skal også vise leikeområde for born. Endringar i høve godkjent utbyggingsplan skal handsamast av det faste utval for plansaker. Før bruksløyve vert gjeve må i hovudsak alle tiltak etter godkjend utbyggingsplan vere opparbeidd. 1.4 Utbygging bustadområde B: Nybygg skal plasserast i samsvar med godkjent utbyggingsplan. Båthus, carport og bosshus kan plasserast utanfor byggegrense mot veg. Området for bustadar kan fyllast opp til om lag cote 2,80. Bustadane kan oppførast i 2 etasjar med høgde topp tak maks cote 9,50. BYGGEOMRÅDE. 2. BUSTADAR. 2.1 Maks utnyttingsgrad BYA = 35 %. Området kan utbyggast med inntil 50 bustadeiningar. Maks gesimshøgde 6,5m i forhold til gjennomsnittleg planert terreng. Bygning skal ha skråtak med einsidig fall (pulttak) med takvinkel min. 5 grader, maks 10 grader. 2.2 Materialbruk i fasadar skal vere tre og glas. Taktekking av papp / folie. 2.3 Parkeringsdekning skal vere min. 1,25 bil pr. bustadeining. 2.4 I bustadområdet skal der etablerast ein gangveg frå S2 til Felles brygge langs formålsgrensa til friluftsområdet. 2.5 Det skal dokumenterast at grenseverdien for støy (50 dba) for nye bustader ikkje vert overskriden ved fasade eller i bustadnære opphaldsområde. Det skal i motsett fall byggast støyskjerm langs støykjelda, og/eller bygningskonstruksjonar skal stette krava i NS8175.
I område der anna støyskjerming ikkje er effektiv, skal det leggast til rette for privat plass for utandørs opphald ved sida av kvart hus eller vernast med lokal skjerm (6-8 meter lang) inntil kvart hus eller som brystning på balkong eller liknande, ca 1,8 meter høg og med gjennomsiktig øvre del for lys og utsikt. 3. BENSINSTASJON. 3.1 Området er avsett til drift av bensinstasjon / verkstad. 3.2 Maks utnyttingsgrad BYA = 25 %. 4. BEVERTNING. 4.1 Området er avsett til drift av bevertningsstad (restaurant). 4.2 Maks utnyttingsgrad BYA = 30 %. OFFENTLEGE TRAFIKKOMRÅDE. 5. GANGVEG. 5.1 Gangvegar er vist i planen med formålsbredde 3,5 m. SPESIALOMRÅDE. 6. FRISIKTSONE. 6.1 Innanfor frisiktsone kan det ikkje oppførast anlegg eller beplantast med tre/busker som overstig ei høgde på 0,5 m over vegbane. Unntak er trafikkskilt og liknande med diameter mindre enn 30 cm. 7. FRILUFTSOMRÅDE. 7.1 Området skal vere tilgjengeleg for ålmenta for rekrasjon. Anlegg og tiltak som hindrar fri ferdsle, er ikkje tillate. Tiltak i tråd med formålet, som tilrettelegging for bading og friluftsliv, er tillate. 8. FRILUFTSOMRÅDE I SJØ. 8.1 Sjøområdet skal vere tilgjengeleg for ålmenta. 9. SMÅBÅTHAMN. 9.1 I småbåthamn kan utførast mudringsarbeid for å oppnå tilstrekkeleg djupne. 9.2 Det kan leggast ut flytebrygger.
10. VEGETASJONSSONE. 10.1 Området skal vere tilsådd og beplantast med busker og tre. 11. KOMMUNALTEKNISK ANLEGG. MILJØSTASJON. Området skal nyttast til mottaksstasjon for kjeldesortert uorganisk hushaldningsavfall. 12. KOMMUNALTEKNISK ANLEGG. 12.1 Det kan oppførast kommunalteknisk anlegg i området avsett i planen. 13. TRANSFORMATORSTASJON. 13.1 I planen er avsett areal for eksisterande trafostasjon. FELLESOMRÅDE. 14. FELLES VEG 14.1 Fellesområda omfattar felles vegar FV A og FV B, og er felles for bustader B, bensinstasjon S1, bevertningsformål S2 og Eid kommune. 14.2 FV A og B følgjer eksisterande vegtrase. FV A er vist med vegformålsbreidde 8m og FV B er vist med 6m vegformålsbreidde. 14.3 Snuplass skal anleggast som vist på planen. 14.4 Avkøyringar er vist med avkøyringspilar 15. FELLES BRYGGE. 15.1 Brygge er felles for bustadane i Fjordtun bustadfelt. Bryggefront skal vere i mura naturstein eller ha front av treverk. 15.2 Sjøtrapper skal utførast i betong eller mura naturstein.