Årsmelding 2015
INNHALD Kort om Sognekraft s. 3 Vi er i gang s. 5 Hovudtal s. 6 Verdiskaping s. 8 Viktige hendingar i 2015 s. 9 Eigarstruktur, styret og admininistrasjon s. 10 Årsmelding frå styret s. 12 Resultat s. 23 Balanse s. 24 Kontantstraumanalyse s. 26 Notar s. 27 Revisjonsmelding s. 39 2
Årsmelding for 2015 KORT OM SOGNEKRAFT Konsernet si kjerneverksemd er produksjon, distribusjon og sal av energi. Sognekraft AS vart etablert i 1947. Selskapet eig og driftar vasskraftverk med ein årleg produksjon på vel 570 GWh, samt eit fjordenergianlegg i Sogndal. Sognekraft driftar og forvaltar eit straumnett på 1835 km med nær 9 000 kundar i kommunane Vik, Balestrand, Leikanger, Sogndal og Frønningen i Lærdal kommune. Selskapet sel årleg 400 GWh straum til sluttkundar. Gjennom Sognenett tilbyr konsernet fiber, internett, TV og kommunikasjonsløysingar i Sogn, og ved utgangen av 2015 vart det levert fiber til 2550 kundar i Sogn. Sognekraft er eit integrert selskap der dei ulike forretningsområda produksjon, nett, marknad og administrasjon er organisert i seksjonar. Sognekraft sitt hovudkontor er i Vik i Sogn, med lokale avdelingar i Sogndal, Balestrand og Årøy. I 2015 hadde konsernet nær 100 tilsette inkludert 6 lærlingar. Sognekraft har som ambisjon å vekse innan produksjon av fornybar energi og er i gang med, og har konkrete planar om, fleire store utbyggingsprosjekt i regionen dei komande åra. Sognekraft er, og skal vere, ei drivkraft i Sogn. - set krefter i sving 3
4
VI ER I GANG 2015 vil for alltid vere eit merkeår i Sognekraft AS si historie. Vi har stolte tradisjonar for å realisere store og nyskapande prosjekt. Slik som i 1957 og -58 då vi opna Refsdal kraftverk og bygde ferdig Sognefjordspennet, verdas lengste fjordspenn. I 1983 vart nye og banebrytande Årøy kraftverk ferdigstilt. 2015 var året då vi starta opp storsatsinga vår på bygging av nye kraftverk langsmed Sognefjorden. Utbygginga av seks småkraftverk kring Fjærlandsfjorden er godt i gang, og markerer såleis starten på det som skal doble storleiken på Sognekraft sin kraftproduksjon i løpet av få år om vi får realisert alle planane vi har. Vi ventar på grønt lys for å byggje ut Leikanger kraftverk, Feios kraftverk og Offerdal kraftverk tre store kraftverk. I tillegg skal vi byggje ut ei rekkje mindre kraftverk og modernisere og effektivisere fleire av dei vi allereie eig og driv i dag. Det er utfordrande, det er spennande og det er ekstremt travle tider vi har starta på. Men det er slik vi vil ha det, det er dette vi har kjempa for og rigga organisasjonen for dei siste åra. Det er difor vi har nær eitt hundre medarbeidarar i organisasjonen vår no, ei dobling av talet på tilsette i løpet av ti år. No er vi endeleg i gang med det vi har rusta oss for! Samstundes med at vi skal byggje nye kraftverk og auke produksjonen av rein energi, må vi også syte for at energien kjem trygt og sikkert fram dit den skal. I etterkant av uvêret Dagmar på tampen av 2011, der Sognekraft var eitt av kraftselskapa som vart hardast råka av store øydeleggingar på straumnettet, har vi gjort ein enorm innsats for å reparere, byggje om og førebyggje liknande hendingar. Berre til skogrydding langsmed linjene og til utviding av ryddebeltet har vi brukt mange millionar kroner. Når vi no byggjer nye linjer, gjer vi det for framtida. Vi har teke inn over oss at klimaet er i endring, og at ekstremvêret som kjem med ujamne mellomrom vert stadig meir ekstremt. Det kostar sjølvsagt meir å byggje meir robust og kraftig, men på lang sikt meiner Sognekraft at dette vil løne seg. Vi i kraftbransjen er vant til å tenkje langt fram i tid. Både kraftverka vi byggjer og linjenettet vi rustar for framtida skal kome dei neste generasjonane til gode. For å fullføre jobben vi har starta på treng vi gode og dyktige medarbeidarar. Desse har vi på laget vårt, og nye kjem stadig til. Sognekraft er ei moderne og dynamisk kunnskapsverksemd, med dedikerte medarbeidarar som likar å skape gode resultat, som likar å løyse utfordringar saman med andre og på tvers av fagområde. Vi aukar aktiviteten på alle forretningsområda våre. Til dømes har vi tredobla volumet på kraftsal dei siste åra, vi har rulla ut fiber i høgt tempo i Sogn for Sognenett, der vi er største eigar. I dag framstår Sognenett som ei fullvaksen og svært kompetent verksemd, ei dotter å vera stolt av! I Vadheim kjøpte vi, og tok over, ei av dei eldste industrikraftprodusentane i landet, Dyrnesli kraftverk. Her har vi sett i gang eit omfattande program for oppgradering og vidareforedling av stolte industritradisjonar. Det er utruleg inspirerande og motiverande å leie denne offensive verksemda. Terje Bakke Nævdal Adm. direktør - set krefter i sving 5
HOVUDTAL Def 2015 2014 2013 2012 2011 Resultat Sum driftsinntekter 264 275 350 243 265 Brutto driftsresultat (EBITDA) 1 85 107 156 90 135 Driftsresultat (EBIT) 53 78 129 66 110 Resultat før skatt 46 72 122 58 106 Årsresultat 26 40 65 36 44 Kontantstraum Netto kontantstraum frå drift 2 34 105 84 6 97 Investeringar 157 330 73 68 24 Avskrivingar og nedskrivingar 32 29 34 26 25 Betalt utbytte 29 42 34 34 30 Balanse Eigendelar 1343 1444 1035 782 748 Eigenkapital 399 367 375 336 254 Sysselsett kapital 3 1219 1230 862 645 538 Frie likviditetsreservar 4 155 386 281 110 113 Renteberande gjeld 821 863 487 309 284 Netto renteberande gjeld 5 733 557 284 182 138 Nøkkeltal økonomi Eigenkapitalavkastning 6 6,9 10,8 18,3 12,1 17,1 Avkastning sysselsett kapital 7 7,4 8,6 18,8 12,6 21,2 Totalrentablitet 8 3,1 4,7 9,3 6,8 7,6 Eigenkapitalandel 9 30 25 36 43 34 Netto renteberande gjeld/ebitda 8,6 5,2 1,8 2,0 1,0 Nøkkeltall HMT Tal tilsette pr 31.12 98 91 79 70 70 Tal årsverk pr 31.12 80 80 68 61 61 Sjukefråvær 4,5 4,9 2,8 3,6 4,7 H1 verdi 10 31 22 22 16 8 H2 verdi 11 40 29 22 16 8 Nøkkeltal drift Vasskraftproduksjon, verkeleg i GWh 12 633 583 529 523 609 Vasskraftproduksjon, årsmiddel i GWh 12 574 573 515 515 515 Områdepris NO5, øre/kwh 17,6 22,7 29,2 21,7 35,8 Forbruk i eige område i GWh 251 237 260 252 239 Volum seld kraft til sluttbruk i GWh 387 346 347 266 142 Tal nettkundar 8873 8628 8538 8353 8 213 Nettkapital (NVE-kapital) 13 239 222 208 179 176 Definisjonar: 1) Driftsresultat før avskrivingar og nedskrivingar 2) Netto kontantstraum frå operasjonelle aktivitetar 3) Eigenkapital + renteberande gjeld 4) Betalingsmidlar og unytta bankrammer, ekskl. bundne midlar 5) Renteberande gjeld bankinnskot, kontantar o.l 6) Årsresultat/ Gjennomsnittleg eigenkapital 7) Resultat før skatt + rentekostnader)/gjennomsnittleg sysselsatt kapital 8) Resultat før ekstra ordinære postar -skattekostnad + rentekostnader)/gjennomsnittleg totalkapital 9) Eigenkapital/totalkapital 10) Skader med fråvær pr mill. arbeidstimar 11) Skader med og utan fråvær pr mill. arbeidstimar 12) Alle produksjonstal er før pumping og tap 13) Avkastningsgrunnlag for utrekning av inntektsramma. Fastsett av NVE. 6
Årsmelding for 2015 - set krefter i sving 7
VERDISKAPING Gjennom snart 70 år har Sognekraft forvalta nokre av dei viktigaste ressursane vi har, og er med på å gje kraft til lokalsamfunnet både i form av arbeidsplassar, energiforsyning, sponsing og nyskapingsevne. Sognekraft ynskjer å vere ein lokal medspelar. Vi er opptekne av å fylgje med i samfunnsutviklinga, samtidig som vi leverer viktige produkt på ein berekraftig og trygg måte. Samfunnsrekneskapet viser kva verdiar som er skapt gjennom innsats av arbeidskraft, kapital, kunnskap og teknologi, og korleis desse vert fordelt på dei ulike interessegruppene som har bidrege: Tilsette får sin del av verdiskapinga gjennom løn og sosiale ytingar Eigarane får sin del gjennom utbytte samt tilbakehaldne overskot Lånegivarane har krav på verdiskaping gjennom renter på lån Stat og kommune får sin del gjennom skattar og avgifter som selskapet betalar inn I tillegg får innbyggjarane sin del gjennom støtte og sponsing til frivillige lag, organisasjonar og arrangement. Kredittytarar 17 MNOK Lokal medverknad Sognekraft støttar gode tiltak innan kultur og idrett, med vekt på breiddetiltak retta mot barn og unge. I vårt geografiske område vert dette mellom anna synleggjort med Sognekraft-logoen på draktryggen til nær alle miniputtar og aldersfastlagde lag. Vi er og ein stor støttespelar innan andre kulturfelt, og ynskjer vere med og skape grobotn for sunne interesser og aktivitetar. Slik bidreg vi til å setje krefter i sving, til beste for einskildindivid og lokalsamfunn. Tilsette 47 MNOK Skatt og avgifter til stat og kommune 52 MNOK Eigarar 26 MNOK Sogndal Fotball har gått i bresjen for ei utbygging som samlar idrett, forsking og utdanning på Fosshaugane Campus. Dette arbeidet er ei drivkraft i utviklinga av lokalsamfunn, skule og næringsliv i Sogn. Sognekraft støttar dette arbeidet og Sogndal Fotball er Sognekraft sin største enkeltsponsoravtale. 8
Årsmelding for 2015 VIKTIGE HENDINGAR I 2015 Starta bygging av 6 kraftverk i Fjærland I juni kjøpte Sognekraft konsesjonane for 6 kraftverk langs Fjærlandsfjorden, og starta bygginga i juli. Dei 6 kraftverka som skal byggjast er Lidal, Romøyri, Jordal, Hatlestad, Berge og Bjåstad, og har ulike datoar for ferdigstilling i 2017 og 2018. Samarbeid med Sunnhordaland Kraftlag Gjennom samarbeid med Sunnhordaland Kraftlag (SKL) har vi etablert ei portefølje av kraftverk utanfor eigen region. Nydalselva Kraft som Sognekraft og SKL eig 50 % kvar av, kjøpte Indrebø kraft og Helgheim Kraft i Jølster Kommune. Ny kommunikasjonsplattform Vi lanserte nye nettsider med universell utforming, tilpassa alle digitale plattformer. Samstundes styrka vi satsinga vår i sosiale media. Fiber aukar Sognekraft held fram den storstila satsinga på fiberutbygging i Sogn, og auka kundegrunnlaget i fjor med 25 %. Fleire av utbyggingane er gjort i godt samarbeid med den einskilde kommune. Tidenes beste kundeundersøking Sognekraft har over lengre tid målt tilfredsheit og lojalitet blant kundane våre i regionen. I 2015 oppnådde vi det beste resultatet nokonsinne i omdøme-, kundetilfredsheits-og kundelojalitetsundersøkinga. Resultatet er godt over gjennomsnittet i bransjen. Ny områdekonsesjon Vi fekk fornya områdekonsesjon for heile forsyningsområdet vårt (Vik, Leikanger, Sogndal, Balestrand og Frønningen i Lærdal). Idriftsetjing av Sogndal transformatorstasjon I samband med den nye 420 kv-linja til Statnett som endar i Sogndal, har Sognekraft etablert eit nytt sterkt koblingspunkt i nettet. Det nye anlegget sikrar eit sterkare og betre straumnett til nordsida av Sognefjorden. Dette gjer oss meir robuste til å møte ekstremvêr og andre ytre påkjenningar. Vidareføring av fjordenergianlegg I 2014 opna vi vårt prisbelønna fjordenergianlegg i Sogndal, som utnyttar energi frå fjorden til varme og kjøling. I 2015 vart anlegget vidare utbygt. Innvilga konsesjonar Etter lang sakshandsamingstid fekk vi endeleg innvilga konsesjon på Fardal Kraftverk i Sogndal kommune. Rehabilitering av Vikfalli Damanlegget på Målset er forbetra og det er bygt nytt linjenett på Vikafjellet. - set krefter i sving 9
KONSERNSTRUKTUR Selskap der Sognekraft har eigardel er merka med grønt Konsernleiinga Terje B. Nævdal Adm.direktør Berit Larsen Administrasjonssjef Grunde Engan Økonomisjef Harald Stadheim Nettsjef Trude Undebakke Marknadssjef Jacob Hornnes Produksjonssjef 10
Årsmelding for 2015 Styret Erling Stadheim Styreleiar Atle Neteland Nestleiar Agnes Landstad Styremedlem Geir Arve Sandvik Styremedlem Laura Kvamme Styremedlem Torbjørn Wolff Menes Arbeidstakarrepresentant, styremedlem Kåre Fosse Arbeidstakarrepresentant, styremedlem Eigarar - set krefter i sving 11
ÅRSMELDING FRÅ STYRET Konsernet Sognekraft Konsernet si kjerneverksemd er produksjon, distribusjon og sal av energi. Sognekraft byggjer og driftar også fibernett, leverer varme og kjøling frå fjordenergi i tillegg til produkt og tenester knytt til kjerneverksemda. Gjennom Sognenett tilbyr konsernet fiber, internett, TV og kommunikasjonsløysingar i Sogn. Morselskapet Sognekraft AS vart stifta i 1947, og sette i drift sitt fyrste kraftverk i 1957. Sognekraft sitt eldste noverande kraftverk, gamle Årøy kraftverk, vart sett i drift allereie i 1943. Sognekraft har såleis lang og solid erfaring med å produsere og forsyne sogningar med fornybar energi. Målt etter produksjon og lengda på linjenettet er Sognekraft det tredje største energikonsernet i Sogn og Fjordane. Sognekraft er eigd av kommunane Vik, Sogndal, Leikanger, Luster og Balestrand, samt BKK og Luster Energiverk. Morselskapet si forretningsadresse er i Vik i Sogn. Strategi og rammevilkår Langsiktig verdiskaping Sognekraft sin visjon er å vere ei drivkraft i Sogn. Dette betyr at Sognekraft sin aktivitet knytt til selskapet si kjerneverksemd skal bidra positivt i regionen med god lønsemd og utvikling. Sognekraft sin strategi for å oppnå langsiktig verdiskaping er lønsam organisk vekst. Den viktigaste satsinga er utvikling av ny kraftproduksjon og utbygging av eit moderne og framtidsretta nett. Det er eit mål å doble selskapet sin kraftproduksjon før 2020, samanlikna med nivået i 2010. Fornying av straumnettet vert samordna med utbygging av ny kraftproduksjon i regionen. Sognekraft legg stor vekt på samarbeid og alliansebygging med andre selskap i regionen og bransjen. Samarbeid gir synergiar og effektiv utnytting av kompetanse, og målet er å gjere konsernet endå betre rusta til å tilby lønsame tenester i Sogn. Rammevilkår og eksterne trendar Klima og satsing på fornybar energi har prega energipolitikken dei seinare åra. Det har vorte tydelegare at det kan komme til å bli eit kappløp fram mot 2021 for å setje i drift produksjon som får tildelt elsertifikat. Den auka produksjonen har medført overkapasitet spesielt i Sør Norge, men også i Norden. Dette medfører at kraftprisprognosane for dei neste åra er låge. Vidare har det vakse fram ei stigande uvisse om korleis prisane på elsertifikat etter 2021 vil utvikle seg. I Europa er kraftmarknadene påverka av utflating i etterspurnaden og at vekst i fornybar produksjonskapasitet har medført eit mindre behov for anna kraftproduksjon. Som følgje av dette er kraftprisane på kontinentet moderate og prisen for CO2-utslepp stadig fell til lågare nivå. Det er forventa at det grøne skiftet, med fokus på klimavenleg energi, over tid vil medføre ein auka etterpurnad etter fornybar energi. Reiten-utvalet la fram sin rapport i mai 2014 med råd om framtidig organisering av kraftnettet i Norge. Utvalet var tydelege på at dei oppfatta ei uheldig samanblanding av rollar i vertikalintegrerte selskap. NVE følgde i ettertid opp dette med konkrete pålegg i samband med endring av kontrollforskrifta, og Olje- og energidepartementet sende på høyring eit lovforslag om krav til selskapsmessig og funksjonelt skilje mellom nettverksemd og anna verksemd. I mars 2016 vart energilova endra, der blant anna selskapsmessig og funksjonelt skilje vart innført. Formelt betyr krav om selskapsmessig skilje at nettverksemda skal vere organisert som ein eigen sjølvstendig juridisk einheit, skilt frå anna verksemd. Kravet om funksjonelt skilje inneber at personar i leiinga i nettføretaket ikkje kan delta i leiinga i føretak som driv anna verksemd innanfor kraftforsyning. Morselskap skal ikkje gje instruksar til nettføretak om den daglege drifta eller nettinvesteringar. Det vart samtidig vedtatt ei utvida overgangsordning på fem år. Skattegrunnlaget for grunnrenteskatt innafor kraftproduksjon vart i 2015 endra, ved at grensa for anlegg som er underlagt grunnrenteskatt vart vedteken auka til 10 MVA, med verknad frå 1. januar 2015. Denne endringa fekk direkte verknad for eit av Sognekraft sine kraftverk, Dyrnesli kraftverk, samt for verdien av fleire av dei andre kraftverka i Sognekraft si produksjonsportefølje. I desember 2014 la Scheel-utvalet fram si innstilling til framtidig skattesystem. For kraftselskapa sin del kan det få stor verknad at grunnrenteskatten er føreslege auka til 40%, medan selskapsskatten er føreslege redusert. Saman med auken i innslagspunktet for grunnrenteskatten kan dette medføre at det vert meir økonomisk lønsamt å bygge mindre installert effekt i kvart anlegg. NVE har vedteke å innføre automatiske straummålarar (AMS) til alle sluttkundar i Norge innan 1.januar 2019. Dette inneber at det vert montert straummålarar som automatisk sender forbruks- og driftsdata frå sluttbrukar av straum tilbake til nettselskapa. Førebuing til innkjøp av nye målesystem og utstyr til dei automatiske straummålarane pågår for fullt i bransjen, og det er etablert samarbeid i store konstellasjonar på tvers av selskap og regionar. Sognekraft er med i eit samarbeidsprosjekt der 27 selskap, med om lag 750 000 målepunkt, har inngått ein gjensidig forpliktande avtale og samarbeid om innføring og drift av AMS. Validér AS er desse selskapa sitt felleseigde driftsselskap. Felles nordisk og etterkvart europeisk sluttbrukarmarknad er eit utviklingstrekk som har bakgrunn i EU sin målsetjing om å skape ein harmonisert sluttbrukarmarknad for energi. Eit viktig moment i dette er å samle kundekontakten hjå ein aktør i verdikjeda, såkalla «kundesentrisk modell». På nordisk nivå har 12
Årsmelding for 2015 det vore arbeidd med utgreiing av ulike alternativ, og det går mot ein marknadsmodell der kraftleverandøren får ansvaret for tilnærma all kundekontakt, og der samfakturering av nett og kraft hjå kraftleverandøren vert obligatorisk. Dette vil medføre nye og endra roller for alle aktørane i kraftbransjen. Statnett fullfører i 2016 bygginga av ny 420 kv-linje mellom Ørskog i Møre og Romsdal og Sogndal. I tillegg er det planlagt fleire mellomlandssamband og innanlandske tiltak i sentralnettet. Framdrift i tiltaka betyr svært mykje for Sognekraft sine inntekter framover, ettersom det til tider eksisterer betydelege skilnader mellom ulike prisområde. Sognekraft ligg i eit prisområde med mykje produksjon, og det er viktig at det er tilstrekkeleg kapasitet til å frakte produsert energi fram til forbrukar. Kraftprisar Samtlege analysemiljø har nedjustert sine prognosar for framtidige kraftprisar, sjølv om ulike syn på utvikling i prisdrivarar gir litt sprik i resultata. Kraftprisen vert bestemt av utviklinga i ulike faktorar både på tilbods- og forbrukssida. Takten på nedfasing av kjernekraft i Sverige og Tyskland spesielt, vil ha mykje å seie for prisane framover. I tillegg vert dei og påverka av utviklinga i dei globale brenselprisane, europeiske kraftprisar og prisar på CO2. I det korte biletet har ein også utslag som vert påverka av vêret og fysiske flaskehalsar i straumnettet. Prognosen for systempris viser i reelle prisar ei relativt flat utvikling fram mot 2020, for så å stiga fram til 2035. Finansmarknaden er blitt strammare, og det er stadig viktigare å finne løysingar som gir eit akseptabelt risikobilete når ein skal føreta investeringar. Det er meir krevjande å gjennomføre investeringar på tradisjonell måte, og samtidig sikre gjennomføringsevne via trygge finansieringsløysingar. Sognekraft har ein organisasjon som evnar godt å identifisere og forstå utviklingstrekk i omgjevnadene, slik at ein får sett i verk strategiar som adresserer muligheitene og truslane desse gir. Nettleige Til liks med 2014 har Sognekraft hatt høvesvis høg nettleige i 2015, noko som har fleire årsaker. Sognekraft var eit av dei nettselskapa som vart hardast råka av orkanen Dagmar på tampen av 2011, med omfattande skader og øydeleggingar på nettet. Utbetringa av desse skadane og øydeleggingane resulterte i dei ekstraordinære kostnadene som førte til auka nettleige for kundane våre i 2014 og 2015. I etterkant av Dagmar innførte sentrale styresmakter også eit nytt regelverk som medførte at nettselskap som hadde mindreinntektsaldo (uteståande pengar hjå nettkundane), fekk ein tidsfrist på seg til å ta inn denne saldoen. Ein kan sjå på dei to siste åra som eit krafttak der selskapet saman med kundane har gjort eit stort og tungt løft. Dette har gjort oss langt betre rusta til å møte tilsvarande ekstremvêrsituasjonar som Dagmar i framtida. Det er rydda vekk store mengder skog frå traseane, og linjenettet er styrka vesentleg. Sognekraft reduserte nettleigeprisen monaleg våren 2016. Førebuing til ny investeringsfase Auka aktivitet og volum gjennom utbygging av nye lønsame kraftprosjekt er det viktigaste satsingsområdet til Sognekraft. Ein har i dag bygd opp ein betydeleg drifts- og utbyggingskompetanse på ny kraftproduksjon, ved mellom anna å auke opp bemanninga på dette feltet med fleire stillingar. Det blir arbeidd med langsiktige finansieringsløysingar og risikohandtering. Utbyttepolitikk Utbytte frå Sognekraft tilfører eigarane verdiar som kjem fellesskapet til gode. Det er eit mål for selskapet å ha ei lønsemd som gir grunnlag for å betale utbytte. Samtidig har selskapet planar om store investeringar i lønsam fornybar energi og fornying av linjenettet som skal medføre auka verdiskaping. Dette har høg prioritet blant eigarane. For å oppnå tilfredsstillande lånevilkår, er det viktig at utbyttepolitikken er forutsigbar og tydeleg. Det er vedteke eit nivå der 70% av årsresultatet frå Sognekraft AS vert utbetalt som utbytte. Marknad og omdømme Prisar, produksjon og forbruk Den norske produksjonen vart på 143,4 TWh i 2015. Dette er 1,8 TWh høgare enn i 2014 og 4,5 TWh lågare enn produksjonsrekorden frå 2012. Trass i at året totalt sett har vore mildare enn normalt auka kraftforbruket i Norge med 2,7 TWh, samanlikna med 2014. Forbruksauken kom hovudsakleg på våren og forsommaren, som ein konsekvens av det kjølege vêret i mai og juni. Noreg var nettoeksportør i alle kvartal i 2015 og enda med ein nettoeksport på 14,8 TWh noko som er 0,9 TWh lågare enn i 2014. Mildt vêr og mykje nedbør bidrog til at ressurssituasjonen i Noreg var god gjennom heile 2015. I løpet av året kom det 31,5 TWh meir nedbør og 23 TWh meir tilsig enn normalt. Den gjennomsnittlege kraftprisen i Sognekraft sitt prisområde, vart på 17,6 øre/kwh, den lågaste på 15 år. Til samanlikning vart prisen i 2014 på 22,7 øre/kwh. Etter ein kald vår og forsommar, med unormalt sein snøsmelting, låg den norske magasinfyllinga godt under normalen ved inngangen av juni. Høgt og jamt tilsig bidrog til at magasinfyllinga auka raskt gjennom sommaren, og nådde historisk maksimum fleire stader i landet ved utgangen av tredje kvartal. Juli vart månaden med lågast gjennomsnittspris i 2015, 8,0 øre/kwh. Ein mild haust, og ein våt og regnfull desember, bidrog til at ressurssituasjonen forbetra seg ytterlegare gjennom fjerde kvartal. Ved utgangen av 2015 enda den norske magasinfyllinga på 82,5 %, noko som er 12,9 prosentpoeng over normalen og over historisk maksimum. - set krefter i sving 13
Omdømme Energibransjen sine omdømmemålingar syner stadig framgang. Viktige årsaker til omdømmeløftet er mellom anna at straumkundane stolar meir på prispolitikken i energinæringa, dei har større tillit til informasjonen dei mottek, og betre inntrykk av næringa som innovativ og nytenkjande. Sognekraft gjennomfører regelmessig kundeundersøkingar og følgjer utviklinga i kundane sine attendemeldingar tett. Selskapet sine resultat stadfester bransjen sin framgang og syner endå betre resultat enn bransjen elles. Hausten 2015 gjennomførte selskapet ei ny kundeundersøking, som synte ytterlegare framgang, på både tilfredsheit og lojalitet, samt eit omdømmeresultat som generelt ligg godt over bransjegjennomsnittet. Konsernet har gjennom fleire år arbeidd målretta med kundekontakt og kommunikasjon, profil og merkevarebygging. Innsatsen har gjeve resultat i form av stadig betre resultat på alle områda. Sognekraft har vore hardt ramma av uvêr dei siste åra og mange kundar har vore utan straum. Dei ekstreme vêrsituasjonane har gjeve selskapet høve til å vise kva vi er gode for, og kundane sine attendemeldingar tyder på at vi har handsama utfordringane på ein god måte. Ein ser at når ekstraordinære hendingar får verknad for kundane, er informasjonsbehovet stort. Sognekraft nyttar Facebook som ein supplerande informasjonskanal både når det gjeld omtale av daglegdagse oppgåver og i meir krevjande situasjonar med større straumutfall. Dette er ein effektiv kanal både for krisehandsaming og omdømmebygging. Det er ei målsetting at AMS-utrullinga også skal bidra til å styrke omdømmet til energinæringa. Tilliten til den nye teknologien er høg. Dei aller fleste meiner at målaravlesinga vert like god eller betre med dei nye målarane. Dei som allereie har tilgang til automatiske straummålarar er dei mest positive og dette forsterkar seg over tid. Sognekraft si verksemd Sognekraft er organisert i fire forretningsområde; produksjon, nett, kraftsal til sluttkundar og andre forretningsområde. Produksjon Konsernet eig Årøy kraftverk i Sogndal og Dyrnesli kraftverk i Vadheim, er medeigar i Statkraft Vikfalli med 12 %, eig 50 % av aksjane i Nydalselva kraftverk og Indrebø kraftverk i Jølster samt 10 % av aksjane i Svelgen Kraft Holding AS. Produksjonen i 2015 var på 633 GWh, som er fordelt slik: Totalt inst. effekt Sognekraft sin årsproduksjon i GWh Kraftverk MW Middel 2015 2014 Årøy 94 349 378 384 Vikfalli (12%) 180 97 108 120 Dyrnesli* 7 49 55 4 Svelgen (10%) 124 69 79 72 Nydalselva (50 %)* 5 9 11 3 Indrebø (50%) 1 1 2 - SUM 574 633 583 * Berre deler av året i 2014 Fyllingsgraden i vassmagasina var 89 % ved utgangen av året, mot 74 % ved inngangen til året. Ny vasskraft Utvikling av ny vasskraftproduksjon er den viktigaste satsinga for å oppnå langsiktig verdiskaping i Sognekraft. Det er gjennom dei siste 15 åra lagt ned eit stort arbeid for å sikre konsernet fallrettar og utvikle nye vasskraftprosjekt fram mot konsesjon. Elsertifikatmarknaden som vart etablert i 2012 tilfører kraftproduksjon ekstrainntekter som betrar lønsemda dei 15 fyrste åra etter oppstart. Produksjonen må starte opp innan utløpet av 2021 for å bli inkludert i ordninga. Lang sakshandsamingstid og nye føresetnader som har kome til undervegs, har medført at tidsløpet fram mot 2021 vert stramt. Det er pårekneleg at prisen på entreprenørtenester vert påverka av at mange utbyggingsprosjekt kjem til realisering samtidig. Avgjerder om investering vert fatta når endeleg vurdering av lønsemd er utført. Konsesjonsvilkår, oppdaterte investeringskalkyler og finansiering er nødvendige premissar. Det vert arbeidd med både tradisjonelle og ikkje-tradisjonelle løysingar for finansiering og prissikring, frå obligasjons- og banklån til bygging med utleige. I mai signerte Småkraft AS og Sognekraft ein prinsippavtale om realisering av kraftverka Hatlestad, Romøyri, Berge, Bjåstad, Lidal og Jordal langs Fjærlandsfjorden, der Sognekraft overtek kraftverkskonsesjonar, grunneigaravtalar samt alt utvikla underlag samband med prosjektering. Den 1. juni signerte partane avtale om utbygging av kraftverka, der Sognekraft står som byggherre og Småkraft AS som totalentreprenør. Total årsproduksjon er rekna til 113 GWh, etter at kraftverka er ferdigstilte i 2017/2018. 14
Årsmelding for 2015 Kraftverk Kommune GWh Status Eigarar Feios Vik 95 Konsesjon gitt, konsesjonssøkt nettløysing og endra Sognekraft 70 % plassering av kraftstasjon Leikanger Leikanger 180 Innstilling om konsesjon gitt frå NVE til OED Sognekraft 100% Offerdal Årdal 101 Konsesjonssøkt Sognekraft 80 % Nyasetdalen Vik 6 Konsesjon gitt Sognekraft 100 % Kråkeelvi Balestrand 13 Konsesjon gitt, klage sendt Sognekraft 100 % Brekka Balestrand 12 Konsesjon avslått, klage sendt Sognekraft 100 % Fardalselvi Sogndal 8 Konsesjon gitt Sognekraft 100 % Fjærlandsprosjekta Sogndal 113 Under bygging (Lidal, Romøyri, Jordal, Hatlestad, Berge og Bjåstad) Sognekraft 100 % Energi frå Sognefjorden Sognekraft produserer fjordenergi til varme og kjøling til bygningsmasse i Sogndal. Anlegget er delvis finansiert med tilskot frå Enova og det er lagt til rette for utviding av anlegget etter kvart som ny bygningsmasse kjem til. Økonomiske resultat Forretningsområde produksjon oppnådde eit driftsresultat på 39 MNOK for 2015, samanlikna med 60 MNOK for 2014. Høgare produksjon har delvis kompensert for ein nedgang i kraftprisane på 22 %. - set krefter i sving 15
Nett Sognekraft leverer straum til nær 9000 kundar i Sogn, frå Mannhiller i aust til Lånefjorden i vest. Lengda på nettet er på 1835 km, fordelt på ulike spenningsnivå. I 2015 utgjorde forbruket 251 GWh, som er 5,9 % meir enn året før. Sognekraft fekk fornya områdekonsesjon i august månad som varer fram til 2045. Nettanlegg Tal km Høgspent luftnett 66 kv 100 Høgspent luftnett 22 kv 322 Høgspent kabelnett 22 kv 174 Lågespent luftnett 682 Låspent kabelnett 557 Sum km 1 835 Fornyar nettstruktur Sognekraft har teke ei aktiv rolle i å sjå til at muligheitene for samarbeid og fornying av kraftnettet i konsernet sitt konsesjonsområdet vert nytta. Sognekraft samarbeider med utbyggar og Statnett om fornying av straumnettet, slik at deler av eksisterande nett vert erstatta med nytt nett med auka overføringskapasitet og betre driftsstabilitet. I desember 2015 vart Sogndal transformatorstasjon ferdigstilt og tilknytta Statnett sin nye sentralnettstasjon (420 kv) i Sogndal. Denne stasjonen vert nytt innmatingspunkt mot Sognekraft sitt regionalnett på nordsida av Sognefjorden. Sogndal transformatorstasjon er lokalisert nær regionssenteret, og vil dermed bidra til å auke leveringstryggleiken til det største forbrukspunktet i Sognekraft sitt konsesjonsområde. Det er sendt søknad om konsesjon for bygging av ny transformatorstasjon i Feios og Refsdal i Vik kommune. Sistnemnde stasjon legg til rette for strukturendring i sentralnettet ved spenningsoppgradering frå 300 til 420 kv. Ein kan vere godt nøgd med vedlikehaldsarbeidet som er utført på straumlinjene dei siste åra. Stormen «Tor» i januar 2016 medførde ikkje feil på regionalnettet, noko som tyder på at målet ein har sett seg om å ha eit regionalnett som ikkje skal bli sett ut av drift grunna trefall, er innfridd. Den økonomiske verknaden av straumbrot er betydeleg, gjennom at kompensasjon for ikkje levert energi (KILE) vert fråtrekt inntektsramma. I første kvartal vart det generert ein del KILEkostander, grunna store nedbørsmengder og temperatur rundt frysepunktet kombinert med kraftig vindm noko som medførde ising på straumnettet som resulterte i mykje feil på luftnettet. KILEkostnaden for januar månad vart på ca 1,1 mill kroner. Også i mars månad vart KILE kostnaden høg grunna vind- og snølast på nettet. Mengda «ikkje levert energi» i 2015 var ca 30 % mindre enn i 2014, men likevel vart kompensasjonen for ikkje levert energi (KILE) høgare. Dette skuldast at KILE-satsen fekk ei kraftig oppjustering i 2015. KILE for 2015 og 2014 fordelte seg slik mellom varsla avbrot og ikkje varsla avbrot: MNOK 2015 2014 Varsla brot 0,6 0,5 Ikkje varsla brot 2,6 2,2 Sum 3,2 2,7 Økonomiske resultat Driftsresultatet for nettverksemda i 2015 vart på 4,2 MNOK, omtrent uendra frå 2014. Høg inntektsramme både i 2012 og 2013 har medført at Sognekraft hadde ein saldo på mindreinntekt på ca 30 MNOK ved inngangen til 2015. Mot slutten av 2015 var saldoen redusert til 2 MNOK. Overføringstariffen vil som fylgje av at mindreinntekta er kravd inn, verte redusert med verknad frå 2. kvartal 2016. Det er starta opp arbeid med bygging av nettanlegg for mottak av straumproduksjonen frå seks småkraftverk lokalisert langs Fjærlandsfjorden. Samla investeringar i 2015 utgjorde 38,5 MNOK, der bygging av Sogndal transformatorstasjon utgjer ein betydeleg del. Sognekraft leverer Å halde i drift eit vel fungerande straumnett er ei av dei viktigaste samfunnsoppgåvene, og Sognekraft tek dette på største alvor. Konsernet har ein beredskapsorganisasjon som er operativ 24 timar i døgeret året rundt. For å redusere risikoen for uventa straumbrot har ein gjennom fleire år brukt mykje ressursar på intensiv skogrydding. Kraftlinjer som kryssar gjennom plantefelt med barskog er spesielt utsette for trefall ved sterk vind. Nødvendig breidde på ryddebelte har vore undervurdert og tiltak med fjerning av tre utanfor ryddebeltet er gjennomført. Det har vore spesiell fokus på sikring av regionalnettet der desse linjene kryssar plantefelt av grantre, og i tillegg har det vore fokus på å sikre distribusjonsnettet mot trefall i område som er vanskeleg tilgjengeleg spesielt i vinterhalvåret. 16
Årsmelding for 2015 Kraftsal til sluttkundar I privatmarknaden er Sognekraft ein regional aktør innan kraftsal til sluttkundar, og marknadsdelen i eige område er relativt høg. I bedriftsmarknaden har ein valt å gå breitt ut og sel kraft til større næringsliv og offentleg forvaltning på landsbasis. For å kunne tilby større næringsliv aktiv forvaltning og ulike sikringsprodukt samarbeider Sognekraft med Bergen Energi, eit selskap som leverer energitenester både i Noreg og internasjonalt. Denne strategien har vore vellykka, både med tanke på volumvekst og lønsemd. Sluttkundemarknaden er prega av sterk konkurranse og mange tilbydarar. Marginane er små og volum er difor viktig. Prisane i sluttkundemarknaden vert påverka av prisane på kraftbørsen Nord Pool, elsertifikatprisane og konkurransesituasjonen. For å redusere risikoen til eit minimum, sikrar Sognekraft alltid innkjøpspris der ein har kontraktar med garanti på fastpris. Vidare er den stadig aukande delen av spotpriskontraktar med på å dempe prisrisikoen. Det auka volumet i bedriftsmarknaden kjem frå store, anerkjende selskap samt frå offentleg sektor. Kredittrisikoen er såleis liten. Endring i rammevilkår I åra som kjem vil ein sjå store endringar i rammevilkåra for kraftsal til sluttkunde. Innføringa av automatiske straummålarar (AMS), og den nye elhuben, vil opne for nye marknadsmodellar. Målet er mellom anna ein felles nordisk, og etterkvart europeisk, sluttbrukarmarknad, der ein skal samle kundekontakten hjå ein aktør i verdikjeda, - såkalla «kundesentrisk modell». Ein vil få ein marknadsmodell der kraftleverandøren får ansvaret for tilnærma all kundekontakt, og der samfakturering av nett og kraft hjå kraftleverandøren vert obligatorisk. Dette vil medføre nye og endra roller for aktørar i kraftbransjen. Sognekraft er budd på denne omstillinga, og skal halde fram med å vere synleg og preferert leverandør for privatkundar og næringsliv i Sogn, og eit konkurransedyktig alternativ for stort næringsliv og offentleg forvaltning utanfor området vårt. Selskapet skal utviklast på grunnlag av kundane sine ynskje og behov. Det vert jobba kontinuerleg med å finne kundevennlege løysingar. Dette set store krav til fleksibilitet, kompetanse og vilje til omstilling. Økonomiske resultat Kraftsal til sluttbruk hadde eit driftsresultat i 2015 på 3,6 MNOK og omsatte for 88 MNOK. Driftsresultatet for 2014 var på 6,3 MNOK. Andre forretningsområde Dette omfattar bygging og leveranse av breidband, tradisjonell entreprenørverksemd som utbygging og drift av veglys og andre nettanlegg på oppdrag frå private og offentlege kundar samt oppmålingstenester og sal av varmepumper. Fiber Sognekraft AS har i fleire år gjort større investeringar på fiberinfrastruktur, og Sognekraft sitt dotterselskap Sognenett har den kommersielle drifta av fiberen. Sognekraft la ned fiber i fleire nye område i 2015 og auka kundegrunnlaget monaleg. Sognenett starta i 2012 den fyrste utbygginga av fiber til private heimar i Sogndal. Kundane sine vanar og etterspurnad har endra seg dramatisk etter at smarttelefonar og nettbrett har vorte allemannseige, og raskt internett har vorte høgt verdsett. Selskapet held fram si satsing i privatmarknaden i 2016. Tenesteleveranse til Statnett Sognekraft har levert betydelege underentreprenørtenester til Statnett i samband med bygginga av det store knutepunktet på Hagafjellet i Sogndal. Slike oppdrag har gitt økonomisk lønsemd, i tillegg til at det gir ein breiare kompetanse. Varmepumper Sognekraft sel og monterer både luft-luft og luft-vatn varmepumper. Marknaden for varmepumper er i ferd med å flate ut, då dekningsgraden er stor. Det har vore naudsynt å allokere ressursar til andre område i 2015, og aktivt sal har difor vore nedprioritert. Økonomiske resultat Driftsresultatet for andre forretningsområde vart på 7,1 MNOK i 2015, ein auke frå 8,3 MNOK i 2014. Alle produkt viser positive resultat. Føretaksstyring Sognekraft si føretaksstyring er heilskapleg innretta med sikte på å realisere konsernet sine langsiktige mål. Styring er basert på vedtekter, konsernet sin overordna strategi, instruksar og fullmakter vedtekne av styret. Styret sitt arbeid Styret har halde 6 styremøte i 2015. Styret har hatt fokus på iverksetjing av selskapet sin strategi, og har arbeidd spesielt med utvikling av investeringsportefølja, finansiering og førebuing til investeringsavgjerder innan ny vasskraftproduksjon og nytt linjenett. Risikostyring og internkontroll Sognekraft har etablert risikohandbok som identifiserer og dannar rammer for dei viktigaste risikofaktorane. Desse omfattar marknadsaktivitetar, finansforvaltning, rammevilkår og drift. Den finansielle risikoen er først og fremst knytt til endringar i pris og volum ved produksjon og handel av kraft, samt finanskostnader. Risikoanalyser syner at kraftpris er den faktoren som er mest avgjerande for selskapet sitt resultat. Kraftprisane vert mellom anna påverka av vêret, brenselprisar og prisar på CO2-kvotar. Vidare vil storleiken på produksjonen av kjernekraft - set krefter i sving 17
og kapasitetsauke innan fornybar energi bety mykje på lang sikt. Nedbørsforhold og temperatur medfører store endringar i prisar og produksjonsvolum frå år til år. Manglande transportkapasitet som fylgje av flaskehalsar i overføringsnettet, kan føre til store prisutslag og skilnader mellom kraftprisområda. Marknadsrisikoen vert styrt gjennom terminsikring av deler av framtidig produksjon. Det er etablert fullmakter, rammer og rapportering for all handel. Handelsaktiviteten vert gjort av eksterne. Det vert arbeidd med heilskaplege finansieringsløysingar som grunnlag for investering i ny vasskraftproduksjon. Sognekraft er eksponert mot valutasvingingar i samband med at euro er notasjonsvaluta på Nord Pool. Alle oppgjer for fysisk kjøp og sal av kraft er utført i norske kroner. Risiko for svingingar i valuta relatert til kraftproduksjon vert delvis kompensert for ved terminsikring. Selskapet sine lån er i norske kroner. Verknaden av endringar i rentenivået er moderat og styret vurderer renterisikoen som akseptabel ut frå selskapet sin finansielle stilling. Selskapet sin tilgang på likviditet har vore tilfredsstillande. Auka kapitalkrav for norske finansaktørar har medført at tilgjengeleg kortsiktig kapital har gått ned. Kredittrisikoen innan sal til sluttkundar og nett er liten. Risikoen innan engrossal er redusert gjennom clearing og etablerte grenser for motpartrisiko. Operasjonell risiko vert styrt gjennom prosedyrar og beredskapsplanar. Deler av risikoen er avlasta gjennom forsikring. I arbeidet med HMS vert det arbeidd målretta med instruksar samt rapportering og analyse av uønska hendingar for å redusere risikoen for skadar. I selskapet sitt kvalitetssystem, Soludyne, vert hovudprosessar dokumenterte og evaluerte. Risiko- og sårbarheitsanalyser vert utført og dannar grunnlag for tiltak som reduserer sårbarheit innafor dimensjonane HMS, økonomi og forsyningstryggleik. Det er knytt risiko til selskapet og bransjen sine rammevilkår. Dette omfattar i hovudsak spesielle skattar og avgifter for energibransjen, regulering av nettverksemda og sakshandsamingstid i konsesjonsprosessen for bygging av nye kraftverk og nettanlegg. Styret sitt tilsynsansvar vert ivareteke gjennom månadleg rapportering av selskapet sin økonomiske status og prognosar, samt rapportering av drift, økonomi og framdrift i større prosjekt i kvart styremøte. Samfunnsansvar Sognekraft sin visjon er å vere ei drivkraft i Sogn. Dette inneber at Sognekraft sin aktivitet knytt til selskapet si kjerneverksemd skal bidra positivt i regionen. Verdiar Kulturen i selskapet har gjennom ei snart 70 år lang historie vore prega av samfunnsansvar og nøkterne val, der tæring er sett etter næring. Det er svært viktig at selskapet framstår som ein påliteleg og seriøs aktør og det er definert eit sett med kjerneverdiar som er styrande for selskapet og tilsette sine handlingar: - Tryggleik - Trivsel - Påliteleg - Nyskapande Klima og miljøpåverknad Sognekraft produserer og leverer rein, fornybar energi, til beste for miljø og komande generasjonar. Fornybar energi er løysinga på både globale og lokale klimautfordringar, samstundes som behovet for kapasitet i straumnettet aukar. Vi legg stor vekt på å forvalte desse oppgåvene på ein ansvarsfull og framtidsretta måte. Sognekraft bidreg positivt til det globale miljøet gjennom ein kraftproduksjon der 100 % kjem frå fornybare kjelder. Selskapet tilbyr opphavsgaranti for 100 % rein fornybar kraft levert til både privat- og bedriftskundar. Utbygging av kraftproduksjon og bygging av kraftlinjer påverkar naturen og miljøet. Selskapet søkjer difor å ta omsyn til natur og lokalmiljø ved gjennomføring av prosjekt. Sognekraft har transportbehov som krev ein bilpark av ein viss storleik. Miljøfaktorar vert vurdert i lag med bruks- og beredskapsmessige eigenskapar ved innkjøp av køyretøy. Vasskraft og fjordenergi er reine og fornybare ressursar som bidreg til det grøne skiftet, utan utslepp som ureinar det ytre miljø. Gjennom kjerneverdiar og reguleringsføresegner syter Sognekraft for å ta omsyn til naturen i regulerte vassdrag. Den 9. oktober 2015 oppstod det ein ammoniakk-lekkasje på energisentralen på Fosshaugane Campus i Sogndal. Det vart umiddelbart sett i verk tiltak for å unngå miljø- og helseskader. Det har ikkje vore uhell som har påført miljømessige skader. I planlegging av ny kraftproduksjon er selskapet i dialog med grunneigarar og andre aktørar for å samarbeide om tiltak med felles nytteverdi i tillegg til avbøtande tiltak. 18
Årsmelding for 2015 Forsking og utvikling Å finne nye, smarte løysingar, gjennom eiga utvikling og samarbeid med andre, er prioritert i Sognekraft. Sognekraft deltek i Energi Norge sine fellesfinansierte forskings- og utviklingsprosjekt. Desse prosjekta fører til spreiing av kunnskap, metodar og verkty for auka verdiskaping og sikrar eit aktivt kunnskapsmiljø. I samarbeid med Høgskulen i Sogn og Fjordane og Vestlandsforsking, medverkar Sognekraft til eit kompetansemiljø for fornybar energi i regionen og byggjer kunnskap om samfunnsmessige vilkår for auke av produksjon og bruk av fornybar energi. Beredskap Selskapet har vaktordningar både innan nett og kraftproduksjon som er operative 24 timar i døgeret heile året. I tillegg er det etablert beredskapsavtalar med både omkringliggjande og andre bransjeaktørar som omfattar utveksling av både materiell og personell ved større kriser som til dømes ekstremvêr eller andre større hendingar. Diskriminering Sognekraft følgjer diskrimineringslova sine føresegner. Det vert arbeidd for likestilling uavhengig av kjønn, etnisitet, religion, livssyn eller funksjonsevne og konkret i samband med rekruttering, løns- og arbeidsvilkår, utviklingsmoglegheiter og tilrettelegging av arbeidsplassen for den enkelte medarbeidar. Døme på tiltak for tilrettelegging er universell utforming av administrasjonsbygg og nye nettsider. Helse, miljø og tryggleik Sjukefråværet i konsernet i 2015 var 4,5 %, som er 0,4 %-poeng lågare enn i 2014. Sjukefråværet er høgare enn måltalet og skuldast fleire tilfelle av lengre fråvær. Ved utgangen av året var det i konsernet tre arbeidstakarar sjukemeldt. Kvart sjukefråværstilfelle, som får eit lengre fråvær, vert følgt opp tett, for å få rask og god tilbakeføring til jobb. Skadefråværsfrekvensen (H1) var på 31, som er noko høgare enn 2014 med H1 på 22. Berre ein skade har hatt fråvær over lengre tid. Det blir jobba med ulike tiltak for å redusere tal skadde, dersom det er risiko i ein arbeidsoperasjon skal det iverksetjast tiltak for å nullstille den. Styret følgjer utviklinga nøye. Arbeidsmiljø og personale Konsernet hadde 98 tilsette, inkludert 6 lærlingar, ved utgangen av 2015, mot 91 i 2014. Morselskapet har 78 tilsette. Totalt utgjer dei 98 tilsette 80 årsverk. Sognekraft har vore IA-bedrift sidan 2002. Selskapet samarbeider med den enkelte tilsette, dei tilsette sine organisasjonar og bedriftshelsetenesta for at det skal vere trygt å jobbe i Sognekraft og for at dei tilsette skal trivast. Det vert jamleg gjennomført undersøkingar av medarbeidartilfredsheit. Konsern Morselskap Nøkkeltal Mål 2015 2014 2015 2014 Sjukefråvær <4% 4,5% 4,9% 4,4% 2,6% Tal personskadar Null 5 4 5 4 Sjukefråværsfrekvens (H1) Null 31 22 32 26 Kortidsfråværet i konsernet har vore stabilt, og under 1%. Attraktiv arbeidsgjevar Selskapet profilerer seg som framtidig arbeidsgjevar overfor ungdom på ulike utdanningsnivå. Formålet er å synleggjere mangfaldet i bransjen og framtidig kompetansebehov og såleis vere attraktiv når det vert lyst ut ledige stillingar. Selskapet har hatt god respons på ledige stillingar og er svært populær hjå ungdom som ønskjer lærlingplass eller sommarjobb. Likestilling Andelen kvinner er på om lag 20 %, og har vore stabil dei seinare åra. Selskapet sitt kompetansebehov er frå mannsdominerte utdanningar, og bransjen har generelt sterk overvekt av menn. Det vert framleis jobba med å auke kvinnerepresentasjonen innan dei tekniske faga. To av fem toppleiarar i selskapet er kvinner. Styret har sju medlemmer, der fem er aksjonærvalde og to er valde av og mellom dei tilsette. To av fem aksjonærvalde styremedlemmer er kvinner, begge representantane valt av dei tilsette er menn. - set krefter i sving 19
Økonomiske resultat Driftsinntekter Årsresultatet for konsernet i 2015 vart på 25,9 MNOK. Kraftproduksjonen vart på 632 GWh, som er 49 GWh høgare enn året før. Områdeprisen i 2015 vart på 17,6øre/kWh mot 22,7 øre/kwh i 2014. I forhold til 2014 er hovudtala for konsernet slik, med desse endringane ( i MNOK): - Inntekter kraftsal 167-3 % - Inntekter kraftoverføring 71 +20 % - Andre inntekter 26-39 % - Driftsresultat 53-31 % Rekneskapsprinsipp og føresetnad om fortsatt drift I samsvar med rekneskapslova 3-3a, stadfestar styret at årsrekneskapen er avlagt under føresetnad om fortsatt drift og at selskapet er i ei sunn økonomisk og finansiell stilling. Der det ikkje er spesielt merka, er det konsernet som vert omtala. 2014-tal er presentert i parentes. Det er ikkje gjort endringar i rekneskapsprinsipp i 2015, og det er ikkje funne stad vesentlege hendingar etter balansedagen. Årsresultat konsern Sognekraft hadde i 2015 samla inntekter i konsernet på 264 MNOK (275 MNOK). Kraftprisen vart redusert med 23 % frå året før til eit gjennomsnitt for 2015 på 17,6 øre/kwh i vårt prisområde. Inntekter frå kraftoverføring utgjorde 71 MNOK (59 MNOK). Auken kjem i hovudsak som større inntektsramme for 2015. Kraftsal til sluttkundar viser inntekter på 88 MNOK (97 MNOK) i 2015. Reduksjonen på 9 % i forhold til året før kjem som resultat av reduserte kraftprisar. Andre driftsinntekter aukar til 49 MNOK (43 MNOK) i 2015. Auken kjem som følgje av større aktivitet innan entreprenørtenester og auka sal i Sognenett. Driftsresultat Årsresultatet for konsernet vart 25,9 MNOK (39,6 MNOK). Det er ein reduksjon på 13,7 MNOK frå 2014. Lågare kraftprisar medfører redusert resultat frå kraftproduksjon, sjølv om auka produksjon og kraftprissikring veg opp for noko av dette. Avkasting på sysselsatt kapital vart på 7,4 % (8,6%). Avkasting på totalkapitalen etter skatt vart 3,1 % (4,7). Eigenkapitalavkastinga vart 6,9 % (10,9) i 2015. Driftsresultatet for Sognekraft-konsernet vart 53 MNOK (78 MNOK). Driftsresultatet før avskrivingar (EBITDA) vart 85 MNOK (106 MNOK). Reduksjonen i driftsresultat frå 2014 til 2015 vart på 24 MNOK, og kjem i hovudsak frå kraftproduksjon og sluttbrukarsal. Trass i stor ekspansjon i Sognenett gjekk dette selskapet med eit overskot på 1,5 MNOK. 20
Årsmelding for 2015 Finanspostar Netto resultat av finanspostar vart i 2015 7,3 MNOK (-5,7 MNOK). Sertifikatmarknaden medfører lågare rentekostnad samanlikna med bank, medan auka investering har medført høgare lån. Skattar Skattekostnaden i 2015 utgjorde 19 MNOK (32 MNOK), av dette var 5,4 MNOK (12 MNOK) grunnrenteskatt. Kontantstraum og kapitalforhold Samla netto kontantstraum frå drift var 34 MNOK (105 MNOK). Investeringsaktivitetane utgjorde -155 MNOK (-328 MNOK). Finansieringsaktivitetane gav ein netto kontantstraum på -61 MNOK (335 MNOK), der netto opptak av ny gjeld utgjorde 43 MNOK og utbetaling av utbytte utgjorde -29 MNOK. Netto reduksjon i likvide midlar utgjorde 182 MNOK. Sognekraft-konsernet sin totalkapital var 1 343 MNOK (1 444 MNOK) pr. 31.12.2015 og eigen kapitalen var 399 MNOK (367 MNOK). Eigenkapitalen er i 2015 godskriven med 22 MNOK i estimatavvik knytt til pensjonar. Etter dette er bokført eigenkapitaldel på 30 % (25 %). Marknadsverdien av produksjonsanlegga er vesentleg høgare enn den bokførte verdien. Nasdaq OMX AS og unytta lånerammer på 42 MNOK. Utbytte og disponering av årets resultat Rekneskapet viser eit årsresultat på 23,8 MNOK for morselskapet og 25,9 MNOK for konsernet etter minoritetsinteresser. Morselskapet sin frie eigen kapital før avsetjing til utbytte er 257 MNOK og konsernet sin frie eigenkapital er på 271MNOK. Styret føresler eit utbytte på 16,7 MNOK for 2015. Utbyttet utgjer 70 % årsresultatet for morselskapet og vert vurdert som forsvarleg i forhold til selskapet sin soliditet og tilgang til finansiering av drift og investeringar framover. Vurderinga av soliditet og tilgang til finansiering er sett i samanheng med forventa økonomisk utvikling, mellom anna basert på resultat, kontantstraumar til/frå drift og investering samt utvikling i eigen kapital del. Styret føresler at årets overskot vert disponert slik (TNOK): Disponering av årets resultat Mor Konsern Avsett til utbytte 16 700 16 700 Overført til annen eigenkapital 7 130 9 216 Årsresultat 23 830 25 916 Netto renteberande gjeld (fråtrekt mest likvide omløpsmidlar) utgjorde 733 MNOK (557 MNOK). Kortsiktig ikkje renteberande gjeld var 102 MNOK (162 MNOK), av dette utgjorde betalbar skatt 24 MNOK (37 MNOK) og utbytte 17 MNOK (29 MNOK). Det vart i 2015 teke opp sertifikat- og obligasjonslån med løpetid frå 6 mnd til 12 mnd. Bankbehaldninga var på 67 MNOK ved utgangen av året. I tillegg kjem 46 MNOK i marginkonto hjå - set krefter i sving 21