Møteinnkalling Komité for næring, miljø og kultur Møtetid: 18.03.2009 kl 14:00 Møtestad: Kommunestyresalen Medlemer som ikkje kan møta, må melda frå til Kundetorget tlf 5349 6645 eller e-post: post@stord.kommune.no Varamedlemer møter berre etter nærare avtale. Sakene med vedlegg ligg til gjennomsyn i Sekretariatet. ORIENTERINGAR: Fanari AS v/caterine Cameron Hugloprosjektet v/reidun Myklebust Stord, 11.03.2009 Fredrik Litleskare leiar Anne Bekkenes møtesekretær Side 1
Side 2
SAKER TIL HANDSAMING PS 11/09 Referat og meldingar NMK 2009 PS 12/09 Deltaking i Earth Hour 28. mars 2009 PS 13/09 Stord Hamnestell- investering i landstraumanlegg PS 14/09 Avtale mellom Stord kommune og Ottar Grødem Side Side 3
Side 4
Arkivref: 2009/13-2714/2009 / Saksh.: Anne Bekkenes Saksframlegg Saksnr Utval Møtedato 11/09 Komité for næring, miljø og kultur 18.03.2009 REFERAT OG MELDINGAR NMK 2009 1. Godkjenning av møteboka 11.02.2009../. 2. Administrativt vedtak av 17.02.09. Oppstartprosess Endring av minsteareal for tildeling av fellingsløyve på hjort i Stord kommune../. 3. Søknad til Livoglyst-program Bu og skaparlyst på Huglo, Stord kommune../. 4. Brev, dat. 10.02.09 frå Film & Kino. Informasjon om digitaliseringen av norske kinoer../. 5. Verksemda ved Stord folkebibliotek i 2008. Hovudtal og oversyn../. 6. Åpne bibliotek Halmstadkonferansen 22.-24.04.09 i Bergen. Side 5
Arkivref: 2009/438-2408/2009 / K21 Saksh.: Turid Verdal Saksframlegg Saksnr Utval Møtedato 12/09 Komité for næring, miljø og kultur 18.03.2009 DELTAKING I EARTH HOUR 28. MARS 2009 Framlegg til vedtak: Stord kommune støttar tiltaket Earth Hour og sluttar seg til aksjonen og bed om at einingar i kommunen, næringsliv og innbyggjarar støttar aksjonen ved å slokke lyset ein time laurdag 28.mars, kl. 2030-2130. Side 6
Rådmannen, 27.02.2009 Dokumentoversyn Trykte vedlegg: 1. Brev til kommunane frå WWF Utrykte vedlegg: 1. Klima- og energiplan for Stord kommune, 2008. Bakgrunn Revidert Klima- og energiplan for Stord kommune vart vedteken på kommunestyremøte 20.11.2008. Planen er eit reiskap som tek heilskapsomsyn i saker som vedkjem energi og klima i Stord kommune. Eit av delmåla i planen er knytt til handlingsskapande arbeid, og som eit ledd i oppfølging av planen ønskjer Stord kommune å vera med på kampanjen Earth Hour som har invitert Stord kommune til å Slukk lyset i en time lørdag 28. mars klokken 20.30 og bli med på en global klimamarkering uten sidestykke i historien!. Kva er Earth Hour (EH): Earth Hour er verdas største miljøkampanje og i Noreg eit samarbeidsprosjekt mellom WWF, kommunar, næringsliv og organisasjonar. Kampanjen er ei symbolsk handling verden over der målsetninga er å sette søkelyset på global oppvarming og nødvendigheita av omfattande klimatiltak. Earth Hour er eit verds omspennande kampanje som i 2009 vert arrangert for tredje gong. I 2008 deltok om lag 50 millionar menneske. Målet til Earth Hour i 2009 er at dei skal få med seg ein million deltakarar frå Noreg. I Noreg deltek ei rekke byar og kommunar, saman med LO, NHO, IKEA, Tine, Gjensidige med fleir. Klimaendringane er en trussel mot menneska og miljø over hele kloden. Earth Hour handlar om å gi ein global utfordring eit globalt svar. Ved å slå av lyset i berre ein time, vert ein med på den største og mest spektakulære klimakampanjen gjennom tidane - ein kampanje som skal inspirera regjeringar, byar, bedrifter og enkeltpersonar til innsats mot den globale oppvarminga. Når verdas politikarar møtes i København i desember 2009, er det for å inngå ein global klimaavtale. Under Earth Hour kan folk flest på en enkel og symbolsk måte vise politikarane at vi ønskjer ein ansvarlig klimapolitikk. Gjennomføring Tidspunkt for gjennomføring: Laurdag 28.03.2009 klokka 20:30 21:30. Kommunen vil i dette tidsrommet slokke lysa på sentrale bygg, som t.d. rådhuset, og vil gjennom tiltak på forhand medverka til at også befolkning og næringsliv i kommunen deltar. For ytterlegare informasjon sjå nettsida: www.earthhour.no Konklusjon Rådmannen i Stord meiner Earth Hour er et positivt tiltak for å sette fokus på klimautfordringane verden står ovanfor og støttar deltaking for Stord kommune i Earth Hour 28.03.2009. Framlegg til vedtak Stord kommune støttar tiltaket Earth Hour og sluttar seg til aksjonen og bed om at einingar i kommunen, næringsliv og innbyggjarar støttar aksjonen ved å slokke lyset ein time laurdag 28.mars, kl. 2030-2130. 2 av 3 Side 7
3 av 3 Side 8
Arkivref: 2009/509-2820/2009 / P20 Saksh.: Jarle Peder Nakken Saksframlegg Saksnr Utval Møtedato 13/09 Komité for næring, miljø og kultur 18.03.2009 STORD HAMNESTELL- INVESTERING I LANDSTRAUMANLEGG Framlegg til vedtak: 1. Komiteen vedtek å investere i oppgradering av landstraumanlegg ved Nattrutekaia og eit 220 voltsuttak ved Ventekaia for til saman kr 130 000 2. Investeringsbudsjettet til Stord Hamnestell vert endra slik: Utgift Inntekt Landstraumsanlegg kr 130 000 Bruk av investeringsfond kr 130 000 Side 9
Rådmannen, 10.03.2009 Dokumentoversyn Trykte vedlegg: Utrykte vedlegg: Bakgrunn / faktisk opplysningar På nattrutekaia er det i dag eit 220 volts straumanlegg. Det er eit stort behov for å ha tilbod til farty med 360 400 volts straumanlegg om bord slik at dei får kopla seg til straum frå land når dei ligg ved nattrutekaia. Når fartøya ikkje får kopla seg til landstraum nyttar dei eigne anlegg for å produsere straum. Båtane går då med hjelpemotorane i gang når dei ligg ved kaia. Dette har medført klagar frå naboar som vert sjenert av motorstøy og forureining frå anlegga. Dette anlegget vart ikkje prioritert i investeringsbudsjettet til Hamn i komande økonomiplanperiode. Årsaka til dette er den økonomiske stoda til Hamn med store underskot som må dekkjast inn. Rekneskapen for 2008 er no kjent, denne gir eit driftsresultat på vel 2,4 mill kr. Det står att 0,6 mill kr av akkumulert underskot som må dekkast inn i 2009. Dette resultatet var vesentleg betre enn det som er lagt til grunn i økonomiplanen. I tillegg til ovannemnte anlegg er det trong for eit 220 volts uttak ( skåp ) på ventekaia for brønnbåtane. Vurdering Ved å foreta oppgradering av anlegget frå 220 volt til 400 voltsuttak på nattrutekaia vil Hamnestellet i større grad kunne levere straum til båtane som ligg til kai. Ei slik investering vil føre til mindre luftforureining frå båtane ved at dei kan kople ut hjelpemotorane. Støyforureininga frå båtane som ligg til kai vil og bli vesentleg mindre når dei kan nytte straum frå land. Dei konfliktane som tidvis har vore i forhold til naboane vil bli mindre. Kostnadane med omformar frå 220 til 400 volt og uttak vil koma på omlag kr 70.000,- inkl. arbeid. Omformaren vert montert i eige skåp som kan flyttast og koplast til alle 125 amper 220 volt uttak. Eit 220 volt uttak (skåp) på ventekaia for brønnbåtane vil koma på om lag kr 60.000,- Totalkostnad med denne investeringa er estimert til om lag kr.130.000,-. Som nemnt er det ikkje sett av midlar i økonomiplanen til Hamnestellet til dette. Hamnestellet har dei siste åra selt eigedommar. Inntektene av dette er sett av til investeringsfond som pr 31.12.2008 utgjorde kr 4.171.000. Av dette er kr. 2 950 000 disponert i budsjettet for 2009 og kr 900 000 skal disponerast i 2010. Det er då att kr 321 000 på fondet. Investeringa vil føre til auke i driftsutgiftene i form av avskriving av anlegget med kr 13 000 pr år. I tillegg kjem rentekostnaden ( tapte renteinntekter ) av investeringa med om lag 3-4 000 kr pr år utifrå ei rente på 3%. Hamnestellet vil kunne selje meir straum slik at noko av dei årlege utgiftene kan dekkast av dette. ( margin mellom innkjøpspris og sal av straum ) Konklusjon Rådmannen vil med vekt på miljøomsyna tilrå at hamnestellet får investere i eit 400 voltsanlegg og eit nytt uttak for brønnbåtane på ventekaia for inntil kr 130 000. Finansiering ved bruk av fond. Framlegg til vedtak: 1. Komiteen vedtek å investere i oppgradering av landstraumanlegg ved Nattrutekaia og eit 220 voltsuttak ved Ventekaia. 2. Investeringsbudsjettet vert endra slik: Utgift Landstraumsanlegg kr 130 000 Inntekt Bruk av investeringsfond kr 130 000 2 av 3 Side 10
3 av 3 Side 11
Arkivref: 2008/657-2676/2009 / 611 Saksh.: Reidun Myklebust Saksframlegg Saksnr Utval Møtedato 14/09 Komité for næring, miljø og kultur 18.03.2009 AVTALE MELLOM STORD KOMMUNE OG OTTAR GRØDEM Framlegg til vedtak: Komité for næring, miljø og kultur godkjenner avtalen mellom Stord Kommune og Ottar Grødem datert 11.03.09 om opprydding, tilplanting og økonomisk oppgjer etter hogsten i friområde i Prestegardsskogen. Side 12
Rådmannen, 06.03.2009 Dokumentoversyn Trykte vedlegg: Framlegg til avtale mellom Stord kommune og Ottar Grødem Bakgrunn for saka Vinteren 2007/2008 gjennomførte Ottar Grødem hogst av granskog på om lag 25 dekar i Prestegardsskogen. Området er regulert som friområde og i samsvar med reguleringsvedtektene skal det innhentast godkjenning for kommunen før det vert sett i verk hogst. I tillegg til eige område var det og hogge 5 da skog og eit område på ca 5 da langs helsesportløypa på nordsida. Begge deler eigd av Stord kommune. Som følgje av denne hogsten vart det til dels mykje vindfall på sørsida av løypa. Etter at det var hogge i området utan kommunen sitt samtykke, vart det 14.03.08 sendt brev til O Grødem frå kommunen, som gjorde greie for kommunen sine krav til ansvar, opprydding, erstatning og tilplanting. Grødem beklaga at han hadde hogge på kommunal eigedom. Han skriv at hogsten på eige areal besto av nesten utelukkande 60 70 år gamal granskog der det i forkant var påvist råte i deler av bestanden. Han meiner at hogsten var naudsynt ut frå ei forvaltningsmessig vurdering. Etter ein del korrespondanse i mars/april vart ein i mai 2008 einige om å gjennomføra ei synfaring, som av ymse årsaker vart gjennomført først i september 2008. På synfaringa vart ein einig om korleis området skulle ryddast og tilplantast. Rydding er starta opp i tråd med dette. I oktober vart det oversendt frå kommunen forslag til avtale med m.a. krav til økonomisk kompensasjon. Utgangspunktet har heile tida vore at kommunen skulle haldast økonomisk skadeslaus. Kommunen har fått oppgjer for tømmeret. På møte 26.02.09 har partane gått gjennom alle sider av saka og har som utgangspunkt at partane innan ei veke vil få på plass ei omforeint avtale som omfattar økonomisk oppgjer, rydding og tilplanting. Det ligg no føre ein forslag til avtale mellom Stord kommune og Grødem. Avtalen vert med dette lagt fram til politisk godkjenning. Avtalen sikrar opprydding, avtale om tilplanting og at kommunen vert halde økonomisk skadeslaus. Med oppfølging av avtalen meiner rådmannen at saka kan sjåast som oppgjort og avslutta. Framlegg til vedtak Komité for næring, miljø og kultur godkjenner avtalen mellom Stord Kommune og Ottar Grødem datert 11.03.09 om opprydding, tilplanting og økonomisk oppgjer etter hogsten i friområde i Prestegardsskogen 2 av 2 Side 13