VOLDA KOMMUNE Utval: Formannskapet Møtestad: Møterom A, Volda rådhus Dato: 23.01.2012 Tid: 14:00 MØTEPROTOKOLL Faste medlemer som møtte: Namn Funksjon Representerer Arild Iversen Leiar KRF Jorunn Aske Medlem V Helge Hamre Medlem V Roald Arnold Espset Medlem FRP Odd Arne Folkestad Medlem FERJELISTA Jørgen Amdam Medlem AP Gunnar Strøm Medlem SV Faste medlemar som ikkje møtte: Namn Funksjon Representerer Ragnhild Aarflot Kalland Medlem SP Eivind Nævdal-Bolstad Nestleiar H Varamedlemer som møtte: Namn Møtte for Representerer Lars Peder Barstad Roald Espset i PS 8/12 FRP Jan Heltne Eivind Nævdal-Bolstad H Odd Harald Sundal Ragnhild Aarflot Kalland SP Frå administrasjonen møtte: Namn Stilling Jarle B. Krumsvik Rådmann Per Ernst Lundberg Sakshandsamar Nina Kvalen Sakshandsamar Barn og unge sin representant i plansaker, Geoffrey Armstrong, hadde meldt forfall.
SAKLISTE Saksnr. PS 1/12 PS 2/12 PS 8/12 PS 3/12 Sak Godkjenning av innkalling og sakliste Godkjenning av møteprotokoll frå forrige møte Kulturhusprosjektet - prolongering av avtale med prosjektleiar Høyringsuttale om mottakstilbodet for asylsøkjarar PS 4/12 Busetjing og integrering av flyktningar i perioden 2012-2014 PS 5/12 PS 6/12 PS 7/12 PS 9/12 PS 10/12 Knardal Maskin AS - Lager og oppstillingsområde Næringstomter i Furene Tildeling Ferjesambandet Lauvstad-Volda Eigarstrategi Tussa Kraft AS - Arbeidsgruppe Konseptval for E 39 Skei - Ålesund- Høyring PS 11/12 Oppfølging av punkt 24 - Kommunestyresak 131/11 PS 12/12 PS 13/12 PS 14/12 Interkommunalt tenestesamarbeid - løn og økonomi Godkjenning av arkivplan for Volda kommune Arbeidsgjevarkontroll- kjøp av tenester PS 1/12 Godkjenning av innkalling og sakliste Ingen hadde noko å merke til innkallinga. Lars Barstad var innkalla som vara i PS 8/12. Saka vart difor flytta til starten av møtet. Orienteringssaker: Odd A. Folkestad ynskte ei orientering om framdrifta av innføringa av lesebrett.
Det vert seminar for politikarar 16. og 17. februar på Nordfjordeid hotell. Gunn Berit Gjerde frå KS står ansvarleg for den faglege opplæringa. Scana Volda vert i høve 100 års jubileet foreslått til fylkesprisen for årets bedrift. Saklista med endring vart samrøystes vedteken. PS 2/12 Godkjenning av møteprotokoll frå forrige møte Møteprotokollen frå forrige møte, 15.12.2011, vart samrøystes vedteken. PS 8/12 Kulturhusprosjektet - prolongering av avtale med prosjektleiar Avtale med Kulturhusplan DA av 25.3.11 vert prolongert til 1.7.12 på same vilkår; men med honorar inntil kr. 500.000,- Dekning: Redusere avsetning Kulturhusfond 2012 med tilsvarande beløp. Roald Espset reiste spørsmål om han var ugild. Han tok ikkje del i handsaminga av og røystinga over spørsmål om ugildskap. Då ugildskapen var kjend på førehand, var Lars Barstad innkalla som vara, og han tok sete. Vedtak vedk. ugildskap: Roald Espset vart samrøystes kjend ugild. Odd A. Folkestad kom med nytt forslag til vedtak: Volda kommune tek sjølve over ansvaret som prosjektleiar for kulturhusprosjektet med verknad frå så snarleg som mogleg. Det vart røysta alternativt mellom framlegget til Odd A. Folkestad og tilrådinga frå administrasjonen. Framlegget til Odd A. Folkestad fekk ei røyst (Folkestad) og fall. Administrasjonen si tilråding fekk 8 røyster og vart vedteke. Vedtak i Formannskapet - 23.01.2012 Avtale med Kulturhusplan DA av 25.3.11 vert prolongert til 1.7.12 på same vilkår; men med honorar inntil kr. 500.000,- Dekning: Redusere avsetning Kulturhusfond 2012 med tilsvarande beløp. Lars Barstad gikk og Roald Espset tok sete.
PS 3/12 Høyringsuttale om mottakstilbodet for asylsøkjarar Volda kommunestyre gir fråsegn om NOU 2011:10: I velferdsstatens venterom. Mottakstilbudet for asylsøkere, i samsvar med saksutgreiinga under. Formannskapet v/ordføraren kom med nytt framlegg til vedtak: Volda kommune sluttar seg til saksutgreiinga frå administrasjonen og ber om at hovudpoenga vert konkretiserte før oversending til høyringsinstans. Framlegget frå formannskapet vart samrøystes vedteke. Tilråding frå formannskapet - 23.01.2012 til kommunestyret: Volda kommune sluttar seg til saksutgreiinga frå administrasjonen og ber om at hovudpoenga vert konkretiserte før oversending til høyringsinstans. PS 4/12 Busetjing og integrering av flyktningar i perioden 2012-2014 1. Volda kommune inngår ein fleirårig og forpliktande samarbeidsavtale med Integrerings- og mangfoldsdirektoratet (IMDi) om busetjing og integrering av 25-35 flyktningar kvart år i perioden 2012-2014, inkludert einslege mindreårige. 2. Volda kommunestyre vedtek Handlingsprogram for busetjing og integrering av flyktningar i Volda kommune 2012-2014 og føringane i denne, slik den ligg framlagt. 3. Kommunestyret løyver kr. 6.mill. til kjøp/bygging av bustader til busetjing av flyktningar. Utgiftene vert å finansiere ved låneopptak, bustadtilskot frå Husbanken og husleigeinntekter. Tilrådinga frå administrasjonen vart samrøystes vedteken. Tilråding frå formannskapet - 23.01.2012 til kommunestyret: 1. Volda kommune inngår ein fleirårig og forpliktande samarbeidsavtale med Integrerings- og mangfoldsdirektoratet (IMDi) om busetjing og integrering av 25-35 flyktningar kvart år i perioden 2012-2014, inkludert einslege mindreårige. 2. Volda kommunestyre vedtek Handlingsprogram for busetjing og integrering av flyktningar i Volda kommune 2012-2014 og føringane i denne, slik den ligg framlagt. 3. Kommunestyret løyver kr. 6.mill. til kjøp/bygging av bustader til busetjing av flyktningar. Utgiftene vert å finansiere ved låneopptak, bustadtilskot frå Husbanken og husleigeinntekter.
PS 5/12 Knardal Maskin AS - Lager og oppstillingsområde På bakgrunn av tidlegare politiske vedtak vedk. bruken av byggeklart næringsareal på øvre Rotset (gnr. 30 nr. 196), kan søknaden frå Knardal Maskin AS ikkje komast i møte. Tilrådinga frå administrasjonen vart samrøystes vedteken. Vedtak i formannskapet - 23.01.2012: På bakgrunn av tidlegare politiske vedtak vedk. bruken av byggeklart næringsareal på øvre Rotset (gnr. 30 nr. 196), kan søknaden frå Knardal Maskin AS ikkje komast i møte. PS 6/12 Næringstomter i Furene - Tildeling 1. I samsvar med kart vedlegg 9 og 10 tildeler formannskapet tomter i næringsområdet i Furene slik: tomt nr. 1 til Gillen AS tomt nr. 3 til Hjelle Maskin AS deler av tomt nr. 4 til Husbygg AS (ca. 3 da). tomt nr. 5 til Furbygg AS tomt nr. 6 til Furene Næringsbygg AS tomt nr. 7 til Pål og Hogne Grebstad (Nøyaktig tomteareal vert fastsett ve nærare oppmåling.) 2. For tomtene 1,2,3 vert innteikna felles veggrunn fordelt på søkjarane i høve tomtestorleik, og dei om soknar til vegen må sjølve og i felleskap stå for opparbeiding av vegen 3. Tomteprisen er sett til kr. 190,- pr. kvm. Prisen vert justert i samsvar med SSB konsumprisindeks med utgangspunkt i indeks pr. 15. 7.07. I tillegg kjem tilknytings-avgifter for vatn og avlaup og kostnad med oppmåling/ tinglysing og byggesaksgebyr. 4. Tilbod om tildeling vert elles gjort på dei vilkår som går fram av gjeldande salsvilkår og reguleringsføresegner. Søkjarane må ved påskrift stadfeste at dei aksepterer desse. Punkt 2 og 11 i salsvikåra skal inn som hefte i skøyte.
Tilrådinga frå administrasjonen vart samrøystes vedteken. Vedtak i formannskapet - 23.01.2012: 1. I samsvar med kart vedlegg 9 og 10 tildeler formannskapet tomter i næringsområdet i Furene slik: tomt nr. 1 til Gillen AS tomt nr. 3 til Hjelle Maskin AS deler av tomt nr. 4 til Husbygg AS (ca. 3 da). tomt nr. 5 til Furbygg AS tomt nr. 6 til Furene Næringsbygg AS tomt nr. 7 til Pål og Hogne Grebstad (Nøyaktig tomteareal vert fastsett ve nærare oppmåling.) 2. For tomtene 1,2,3 vert innteikna felles veggrunn fordelt på søkjarane i høve tomtestorleik, og dei om soknar til vegen må sjølve og i felleskap stå for opparbeiding av vegen 3. Tomteprisen er sett til kr. 190,- pr. kvm. Prisen vert justert i samsvar med SSB konsumprisindeks med utgangspunkt i indeks pr. 15. 7.07. I tillegg kjem tilknytings-avgifter for vatn og avlaup og kostnad med oppmåling/ tinglysing og byggesaksgebyr. 4. Tilbod om tildeling vert elles gjort på dei vilkår som går fram av gjeldande salsvilkår og reguleringsføresegner. Søkjarane må ved påskrift stadfeste at dei aksepterer desse. Punkt 2 og 11 i salsvikåra skal inn som hefte i skøyte. PS 7/12 Ferjesambandet Lauvstad-Volda 1. Formannskapet viser til brev av 13.12.11 frå Ferjegruppa (Dravlausbygda/Innselsetbygda Grendautval, Lauvstad/Velsvik Grendautval og Rovde), og støttar opp om dei synspunkt som der kjem fram. Formannskapet ber om at samferdselsavdelinga/vegvesenet tek omsyn til desse synspunkta i samband med kravsspesifikasjonane for neste anbodsperiode. 2. Formannskapet viser elles til sine vedtak i sakene 150 og 151/11: "Det er eit krav om at ferjetilbod/rutefrekvens på ferjestrekninga Volda-Lauvstad vert oppretthalde i ny utlysing." og "Når det gjeld anbudspakkar sjå side 31 i den framlagde Regionale Transportplanen, vil det vere eit krav frå Volda kommune at trafikktala for ferjestrekninga Folkestad-Volda pr. 31.12.2011 vert lagt til grunn for utlysinga for ferjefrekvens på dag- og nattid for heile komande anbudsperiode."
og "For ferjerute Volda-Folkestad er det eit krav at vedkomande utlysing skal trafikktala som gjeldande på 31.12.2011 leggast til grunn, og at rutefrekvensen både på dag- og nattid minst vert oppretthalden." Jorunn Aske reiste spørsmål om Odd A. Folkestad var ugild. Odd A. Folkestad tok ikkje del i handsaminga av og røystinga over spørsmål om ugildskap. Vedtak vedk. ugildskap: Odd A. Folkestad vart samrøystes kjend gild. Odd A. Folkestad tok sete. Pkt. 1 i tilrådinga frå administrasjonen vart samrøystes vedteke. Pkt. 2 i tilrådinga frå administrasjonen fekk 0 røyster og fall. Vedtak i Formannskapet - 23.01.2012: Formannskapet viser til brev av 13.12.11 frå Ferjegruppa (Dravlausbygda/Innselsetbygda Grendautval, Lauvstad/Velsvik Grendautval og Rovde), og støttar opp om dei synspunkt som der kjem fram. Formannskapet ber om at samferdselsavdelinga/vegvesenet tek omsyn til desse synspunkta i samband med kravsspesifikasjonane for neste anbodsperiode. PS 9/12 Eigarstrategi Tussa Kraft AS-Arbeidsgrupe Formannskapet vel.som medlem i arbeidsgruppa som skal vurdere eigarstrategi i Tussa Kraft AS, med.. som varamedlem. Odd Harald Sundal kom med framlegg om Helge Hamre som representant i arbeidsgruppa. Jan Heltne kom med framlegg om Odd A. Folkestad som representant i arbeidsgruppa. Det var skrifteleg røysting over kandidatane. Helge Hamre fekk 5 røyster og vart valt som medlem i arbeidsgruppa. Odd A. Folkestad fekk 4 røyster og vart varamedlem. Vedtak i Formannskapet - 23.01.2012 Formannskapet vel Helge Hamre som medlem i arbeidsgruppa som skal vurdere eigarstrategi i Tussa Kraft AS, med Odd A. Folkestad som varamedlem.
PS 10/12 Konseptval for E 39 Skei - Ålesund- Høyring 1. Volda kommunestyre støttar opp om Vegvesenet si tilråding om konseptval for E 39 strekninga Skei- Ålesund på kort og lang sikt, slik det går fram av kap. 11.3 i konseptvalutgreiing dat. oktober 2011(konsept SV K-10 og VÅ K-4). 2. Volda kommunestyre stadfestar formannskapet sine vedtak i sakene 150/11 og 151/11, møte 5.12.11, om bompegefinansiering av Voldatunnel og kryssing Ørstafjord i ein bypakke. Dette etter nærare drøftingar/avtale med Ørsta kommune og vegvesenet. 3. Kommunestyret vil nok ein gong peike på at det må til strakstiltak i Volda sentrum høve forventa trafikkauke gjennom sentrum når Kvivsvegen opnar, i påvente av ny Voldatunnel. 4. Kommunestyret seier seg glad for og støttar opp om fylkestinget sitt vedtak i sak T- 98/11, møte 13.12.11, der det er føresett at det framleis skal vere høg frekvens på sambandet Volda - Folkestad etter at Kvivsvegen blir opna, og at tida for overtaking for ferjestrekinga må avklarast med staten. Det er eit krav frå Volda kommunestyre at ved ny anbodsutlysing skal trafikktala for strekninga gjeldande pr. 31.12.2011 leggast til grunn, og at rutefrekvensen på dag- og nattetid minst vert oppretthalde. Odd A. Folkestad kom med nytt framlegg til vedtak: 1. STREKNINGA ÅLESUND SKEI a. Strekninga Volda Skei: For strekninga Volda Skei, meiner Volda kommune at ei kombinasjonsløysing av SV-K6/SV-K7 vil vere den beste løysinga. Etter Volda kommune si meining er det lagt ein alt for høg tilleggskostnad på ei bruløysing bygd etter SV-K6 samanlikna med tilsvarande bygging av SV-K7. At SV-K6 vil medføre nedlegging av ei stamvegferje er det heller ikkje teke omsyn til. b. Strekninga Volda Ålesund: Statens vegvesen har ikkje funne tilstrekkelege avklaringar og kunnskapsgrunnlag til å kome med tilråding. Volda kommune vil difor ikkje gi fråsegn her før det kjem supplerande meiropplysningar frå Staten i saka. Når det gjeld prosjekta HAFAST og FEFAST, vil kommunen følgje nøye med i det faglege utgreiingsarbeidet som skjer her. Når dette er klart vil Volda ta stode til kva konsept/prosjekt ein vil gå for. 2. BOMPENGELØYSING VOLDATUNNEL Bompengefinansiering. Uansett kva alternativ for E39 som blir valt, vil det vere den nye E39-trafikken som gjer ein ny Volda-tunnel nødvendig. Etter gjeldande regelverk skal såleis denne heilt og fullt finansierast av staten. Sidan delprosjekt førebes ikkje er inne i gjeldane NTP, og ein i dag ikkje veit når det kan bli prioritert, kan Volda kommune vere viljuge til å
drøfte plassering av lokal bompengestasjon (2-veis) på nye E39. Denne kan plasserast anten ved innkøyrsla til Kvivsvegtunnelen på Grodås, eller der denne kjem ut i Volda kommune (Kalvatnområdet). Då vil det såleis vere bilistane som vel å køyre den nye E39-vegen som må betale bompengar. Ei slik løysing vil kunne gi årlege inntekter på om lag 50 mill. 3. NAUDSYNTE STRAKSLØYSINGAR I VOLDA SENTRUM Kommunestyret vil nok ein gong peike på at det må til strakstiltak i høve forventa trafikkauke gjennom sentrum. Sidan Statens vegvesen har signalisert at dei vil setje E39-trafikk gjennom Volda sentrum før ei løysing med ny E39-korridor/Voldatunnel er komen på plass, må vegvesenet setje i gang snarlege aktivitetar i denne samanhengen. Kostnaden med dette vil vere eit statleg ansvar. Sjå elles forventa inntekter nemnt under pkt. 2. 4. STIGEDALSVEGEN FOLKESTADFERJA a. Klassifiseringa av Stigedalsvegen. Denne må i framtida vere klassifisert som riksveg (tilsvarande som vegen mellom Lote og Måløy (rv 15) er i dag, og som den også vil bli etter at E39 blir flytta frå Stigedalen). Dette vil då og ha som konsekvens at rutene mellom Folkestad Volda til ei kvar tid må ha same frekvens både på dag-/nattid som den til ei kvar tid gjeldande NTP-standard for stamveg-/riksvegferjer. b. Ferjerutene Folkestad-Volda Kommunestyret seier seg glade for og støttar opp om fylkestinget sitt vedtak i sak T-98/11, møte 13/12.11, der det er føresett at det framleis skal vere høg rutefrekvens på sambandet Folkestad Volda etter at Kvivsvegen blir opna. Det er eit krav frå Volda kommunestyre at ved ny anbodsutlysing skal trafikktala for strekninga gjeldande pr. 31.12.2011 leggast tilgrunn, og at rutefrekvensen på dag- og nattid minst vert oppretthalden, og at desse i framtida til ei kvar tid følgjer NTP-standard eller betre. Ordførar, Arild Iversen, kom med nytt framlegg til vedtak: Pkt. 1 a) Volda kommunestyre støttar opp om Vegvesenet si tilråding i konseptvalutgreiing for E 39 Skei Ålesund for strekninga Skei Volda med konsept SV K-10 som framtidig trase. b)volda kommunestyre støttar opp om Vegvesenet si tilråding i konseptvalutgreiing for E 39 Skei Ålesund for strekninga Volda Ålesund med konsept VÅ K-4 som framtidig trase. Nytt pkt.4 Dagens E 39 Folkestad Nordfjord grense (Stigedalen) vil også i framtida vere viktig for gjennomgangstrafikken på Vestlandet og som sambindingsveg mellom Sunnmøre og store delar av Nordfjord. I beredskapssamanheng vil denne vegen vere viktig etter nedbygging av akuttfunksjonar ved Nordfjord sjukehus. Nødvendige framtidig vedlikehald og drift av vegen må difor sikrast.
Pkt. 4 i tilrådinga vert nytt pkt. 5 Prøverøysting (punktvis): Punkt 1: Pkt. 1 i administrasjonen si tilråding fekk 0 røyster. Det vart røysta alternativt mellom pkt 1 (a og b) i framlegga frå Odd A. Folkestad og Arild Iversen. Pkt. 1 i framlegget frå Odd A. Folkestad fekk 2 røyster (Roald Espset og Odd A. Folkestad). Pkt 1 i framlegget frå Arild Iversen fekk 7 røyster. Punkt 2: Pkt. 2 i administrasjonen si tilråding fekk 7 røyster. 2 røysta imot ( Odd A. Folkestad og Roald Espset) Pkt. 2 i framlegget frå Odd A. Folkestad fekk 1 røyst (Odd A. Folkestad). 8 røysta i mot. Punkt 3: Det vart røysta alternativt mellom administrasjonen si tilråding pkt 3 og pkt 3 i framlegget frå Odd A. Folkestad. Tilrådinga frå administrasjonen fekk 8 røyster. Framlegget frå Odd A. Folkestad fekk ei røyst (Odd A. Folkestad). Nytt pkt 4: Det vart røysta alternativt mellom framlegga til Odd A. Folkestad sitt pkt 4 a og Arild Iversen nytt pkt 4. Framlegget frå Odd A. Folkestad fekk 2 røyster (Roald Espset og Odd A. Folkestad). Framlegget frå Arild Iversen fekk 7 røyster. Nytt pkt 5: Det vart røysta alternativt mellom administrasjonen si tilråding pkt 4 og Odd A. Folkestad sitt framlegg pkt 4 b. Administrasjonen si tilråding fekk 5 røyster og Odd A. Folkestad sitt framlegg fekk 4 røyster ( Helge Hamre, Roald Espset, Odd A. Folkestad og Jan Heltne). Endeleg røysting (punktvis): Punkt 1: Pkt. 1 i administrasjonen si tilråding fekk 0 røyster og fall.
Det vart røysta alternativt mellom pkt 1 (a og b) i framlegga frå Odd A. Folkestad og Arild Iversen. Pkt. 1 i framlegget frå Odd A. Folkestad fekk 2 røyster og fall (Roald Espset og Odd A. Folkestad). Pkt 1 i framlegget frå Arild Iversen fekk 7 røyster og vart vedteke. Punkt 2: Pkt. 2 i administrasjonen si tilråding fekk 7 røyster og vart vedteke. 2 røysta imot ( Odd A. Folkestad og Roald Espset) Pkt. 2 i framlegget frå Odd A. Folkestad fekk 1 røyst og fall (Odd A. Folkestad). 8 røysta i mot. Punkt 3: Det vart røysta alternativt mellom administrasjonen si tilråding pkt 3 og pkt 3 i framlegget frå Odd A. Folkestad. Tilrådinga frå administrasjonen fekk 8 røyster og vart vedteke. Framlegget frå Odd A. Folkestad fekk 1 røyst og fall (Odd A. Folkestad). Nytt pkt 4: Det vart røysta alternativt mellom framlegga til Odd A. Folkestad sitt pkt 4 a og Arild Iversen nytt pkt 4. Framlegget frå Odd A. Folkestad fekk 2 røyster og fall (Roald Espset og Odd A. Folkestad). Framlegget frå Arild Iversen fekk 7 røyster og vart vedteke. Nytt pkt 5: Det vart røysta alternativt mellom administrasjonen si tilråding pkt 4 og Odd A. Folkestad sitt framlegg pkt 4 b. Administrasjonen si tilråding fekk 5 røyster og vart vedteke. Odd A. Folkestad sitt framlegg fekk 4 røyster og fall ( Helge Hamre, Roald Espset, Odd A. Folkestad og Jan Heltne). Tilråding i formannskapet - 23.01.2012 til kommunestyret: 1. a) Volda kommunestyre støttar opp om Vegvesenet si tilråding i konseptvalutgreiing for E 39 Skei Ålesund for strekninga Skei Volda med konsept SV K-10 som framtidig trase. b)volda kommunestyre støttar opp om Vegvesenet si tilråding i konseptvalutgreiing for E 39 Skei Ålesund for strekninga Volda Ålesund med konsept VÅ K-4 som framtidig trase. 2. Volda kommunestyre stadfestar formannskapet sine vedtak i sakene 150/11 og 151/11, møte 5.12.11, om bompegefinansiering av Voldatunnel og kryssing Ørstafjord i ein bypakke. Dette etter nærare drøftingar/avtale med Ørsta kommune og vegvesenet.
3. Kommunestyret vil nok ein gong peike på at det må til strakstiltak i Volda sentrum høve forventa trafikkauke gjennom sentrum når Kvivsvegen opnar, i påvente av ny Voldatunnel. 4. Dagens E 39 Folkestad Nordfjord grense (Stigedalen) vil også i framtida vere viktig for gjennomgangstrafikken på Vestlandet og som sambindingsveg mellom Sunnmøre og store delar av Nordfjord. I beredskapssamanheng vil denne vegen vere viktig etter nedbygging av akuttfunksjonar ved Nordfjord sjukehus. Nødvendige framtidig vedlikehald og drift av vegen må difor sikrast. 5. Kommunestyret seier seg glad for og støttar opp om fylkestinget sitt vedtak i sak T- 98/11, møte 13.12.11, der det er føresett at det framleis skal vere høg frekvens på sambandet Volda - Folkestad etter at Kvivsvegen blir opna, og at tida for overtaking for ferjestrekinga må avklarast med staten. Det er eit krav frå Volda kommunestyre at ved ny anbodsutlysing skal trafikktala for strekninga gjeldande pr. 31.12.2011 leggast til grunn, og at rutefrekvensen på dag- og nattetid minst vert oppretthalde. PS 11/12 Oppfølging av punkt 24 - Kommunestyresak 131/11 Kommunestyret tek saka til vitande. Jan Heltne kom med forslag om å utsette saka. Utsettingsforslaget vart samrøystes vedteke. Tilråding i formannskapet - 23.01.2012 til kommunestyret: Saka vert utsett. PS 12/12 Interkommunalt tenestesamarbeid - løn og økonomi Volda kommune vil delta i utgreiing med sikte på etablering av interkommunalt samarbeid om felles lønskøyring, rekneskap- og økonomitenester, skatteinnkrevjing og innfordring av kommunale avgifter og gebyr.
Rådmannen får fullmakt på vegne av Volda kommune til å godkjenne prosjektorganisering med mandat og tidsfrist. Tilrådinga frå administrasjonen vart samrøystes vedteken. Tilråding i formannskapet - 23.01.2012 til kommunestyret: Volda kommune vil delta i utgreiing med sikte på etablering av interkommunalt samarbeid om felles lønskøyring, rekneskap- og økonomitenester, skatteinnkrevjing og innfordring av kommunale avgifter og gebyr. Rådmannen får fullmakt på vegne av Volda kommune til å godkjenne prosjektorganisering med mandat og tidsfrist. PS 13/12 Godkjenning av arkivplan for Volda kommune Kommunestyret godkjenner Volda kommunen sin arkivplan slik den ligg føre på http://admin.kommune.arkivplan.no/content/view/full/49932. Arkivplan skal kontinuerleg reviderast og godkjennast i kommunestyret kvart fjerde år. Tilrådinga frå administrasjonen vart samrøystes vedteken. Tilråding i formannskapet - 23.01.2012 til kommunestyret: Kommunestyret godkjenner Volda kommunen sin arkivplan slik den ligg føre på http://admin.kommune.arkivplan.no/content/view/full/49932. Arkivplan skal kontinuerleg reviderast og godkjennast i kommunestyret kvart fjerde år. PS 14/12 Arbeidsgjevarkontroll- kjøp av tenester Volda kommune kjøper tenester vedkomande arbeidsgjevarkontroll av Nordre Sunnmøre Kemnerkontor/Ålesund kommune, tilsvarande 0,43 årsverk. Kostnadane vert finansiert innanfor budsjettramma til økonomistaben.
Tilrådinga frå administrasjonen vart samrøystes vedteken. Tilråding i formannskapet - 23.01.2012 til kommunestyret: Volda kommune kjøper tenester vedkomande arbeidsgjevarkontroll av Nordre Sunnmøre Kemnerkontor/Ålesund kommune, tilsvarande 0,43 årsverk. Kostnadane vert finansiert innanfor budsjettramma til økonomistaben. Møte slutt kl. 19:40 Rett utskrift, Volda kommune, servicekontoret 24. januar 2012 Sonja Håvik konsulent