VOLDA KOMMUNE SAKSDOKUMENT Sakshandsamar: Per Ernst Lundberg Arkivsak nr.: 2013/1006 Arkivkode: N02 Utvalsaksnr Utval Møtedato Formannskapet RUTEENDRINGSPROSESSEN 2014 - TILLEGGSFRÅSEGN Administrasjonen si tilråding: (vil verte lagt fram i møtet) Vedleggsliste: 1. Brev frå samferdselsavdelinga av 2. Nettbuss sitt brev av 15.11.13 3. Endringsforslag ferjerute 10 Uprenta saksvedlegg: Samandrag av saka: Samferdselsavdelinga har bede om fråsegn i høve konkrete endringar i høve ruteendringsprosessen 2014. Fråsegnsfristen er 10.12.13. Forslag til vedtak vil verte fremja seinast i formannskapet sitt møte. Saksopplysningar: Formannskapet hadde føre ei generell sak om Ruteendringsprosessen for 2014 i møtet 29.8.13, sak 134/13, og gjorde då slikt vedtak: Volda formannskap viser til sine tidlegare vedtak om ruteendringsprosessar, sist vedtaka i sakene 194/12 og 28/13, og held fast på desse. Vidare viser formannskapet til referat frå møte med samferdselsavdelinga/fergeseksjonen 14.6.13, vedk. ferjerutene Lauvstad-Volda og Folkestad-Volda. Volda kommune vil be om at ferjerutene Volda Folkestad, etter kl. 20 og fram til kl 24, får korrespondanse med Timeekspressen frå Ålesund.
Det ligg nå føre konkrete endringsforslag frå Nettbuss som omfattar Timeekspressen og rutene til Nordfjordeid, Ulsteinvik og Stryn, jfr. vedlegg 2. Når det gjeld Timeekspressen legg dei opp til at denne frå Volda køyrer til Åse sjukehus og snur der, slik at dei som skal vidare til Ålesund sentrum må byte buss på Åse og gå på Timeekspressen frå Kr.sund som går vidare til Ålesund. Elles tenkjer dei seg ei arbeidsdeling med bussane frå Ålesund, slik at Voldabussen tek alt frå Sjukehuset og Kristiansundbussen køyrer ekspress frå Høgskolen til Moa via Lerstad. Dei gjer elles framlegg om ein ny ettermiddagsavgang frå Ålesund kl 1530. Denne bor ha eit bra inntektspotensiale sidan avgangane kl 1530 og 1630 frå Moa har kapasitetsproblem. For å få logistikken på opplegget til å gå i hop, vil det også verte ein ny kveldsavgang frå Volda kl 1945 til Moa. Ein avgang som i dag snur på Moa kl 1015/1030 kan forlengast til Sjukehuset. Laurdagar er det til dels dårlege korrespondansar på Moa nordover fordi strekninga Ålesund Molde Kristiansund har avgangar med 1 1/2times mellomrom. Dersom rutene frå Volda til Ålesund vert tilnærma dette opplegget, vil dei kunne redusere talet på avgangar frå 10 til 8 og ha ei årleg innsparing på 6.895 km. Seks av desse avgangane vil måtte gå heilt til Ålesund Rutebilstasjon. For søndagane skisserer dei eit alternativt opplegg der dei reduserer med ein avgang (kl 1445 frå Volda og kl 2100 frå Ålesund samt at dei snur seks av ti avgangar på Sjukehuset Når deg gjeld ruta frå Nordfjordeid til Volda er denne også sett i samanheng med ekspressbussrutene, og i brevet frå Nettbuss skissere dei sine forslag slik: Rutene på denne strekninga er for ein stor del knytt opp mot tilførsle til/samband frå ekspressruter på Nordfjordeid. Kvivsvegen gjer at Nordfjordeid er ein omveg for reiser austover. Dei nye rutene mellom Volda og Stryn gir med eit unntak ikkje noka reisetidsinnkorting for reisande inn på ekspressbussane. Som eit minimum meiner vi ein må betre sambandet til NX147 sin dagavgang mot Oslo og v.v.. Døme 1:Ein passasjer t.d. frå Ørsta m5 ta lokalbuss til Volda, ferje til Folkestad, minibuss til Hjelle før han kjem på ekspressbussen. Pensjonistar med bagasje utgjer mykje av kundegrunnlaget, og vi får klagar på kor tungvindt det er å slepe med seg bagasje over på ferja. Døme 2: Oslobussen er framme i Stryn kl 1810. Reisetid til Volda er i underkant av ein time med bil. Busspassasjeren må reise vidare til Nordfjordeid, ta buss vidare kl 1930 og er forst framme i Volda kl 2030. (Altså to timar 20 min) Vi føreslår følgjande tiltak om morgonen: Vi legg ned avgangen frå Folkestad kl 0615 til Nordfjordeid og frå Nordfjordeid kl 0900 til Folkestad. (Sparer 74 km pr dag) Avgang frå Folkestad kl 0812 vert endra til avgang frå Volda kl 0825 og kjem til Nordfjordeid kl 0915 i korrespondanse med Sjukehusbussen til FOrde og vidare til Bergen (ikkje fleire km, men to ferjeoverfartar. Det vert sett opp rute frå Volda kl 0825 til Kjøs bru for korrespondanse med dagavgang til Oslo. Retur frå Kjos Bru kl 0910 til Volda 1000. medfører at tilbodet Nordfjordeid- Volda er oppretthalde. Ny produksjon pr dag: 84 km og to ferjeoverfartar for minibuss.
Netto årleg produksjonsauke: 2.550 km Siktemålet med å splitte trafikk mot Oslo og Bergen i Volda i staden for Hjelle/Eid er at vi då får samla inn trafikk frå heile Søre Sunnmøre samt frå Ålesund. Vårt selskap loyrer ein dagleg avgang frå Forde kl 1645 (Rute 150/430) til Alesund (laurdag til Orsta). Bussen har samband frå Bergen som er i Forde allereie kl 1600. Bussen har også 30 min ståtid på Nordfjordeid grunna innkomande samband frå Oslo/Måloy og posisjonering for ferje frå Folkestad. (Bergenspassasjerar til Sunnmore har dermed 75 min opphald undervegs). Kvivsvegen har opna eit hove til å revurdere framføringa av denne bussen og redusere reisetidene med ein time anten det gjeld reiser Bergen - Ålesund eller Oslo - Volda. Ved 5 setje fram avgangen til frå Førde kl 1625 (Korrespondanse på Skei kl 1720 frå Oslo) kan bussen ta ferje ein halv time for frå Anda, går direkte vidare frå Eid kl 1835 og køyrer via Kjøs der det vert samband frå Oslo og ankomst Volda kl 1945. Bussen vil gå vidare til Moa/ Sjukehuset etter "ny avgang" jf.r punktet om TIMEkspressen. Ei framsett avgangstid vil resultere i at sambandet frå M5loy vert dårlegare. Vi meiner det er rett at ein prioriterer reisetida på E39 framfor å oppretthalde alle samband, men i skuleåret er det mykje helgependling søndag kveld til Volda/Ålesund. Vi må derfor tilby ein avgang på søndagar i skuleåret frå Nordfjordeid kl 1930 til Folkestad. Køyrelengda mellom Eid og Volda er slik: Via Stigedalen: 37 km + ferje Via Kjøs bru: 72 km Tids- og trase-endringa vil gi ein samla meirproduksjon på 14.296 km på årsbasis og 363 sparte ferjeoverfartar. Ruta Volda- Ulsteinvik kommenterer dei slik: På skuledagar er trafikken med avgangen kl 0715 til Volda/Ørsta aukande og vi er i ferd med å nå kapasitetsgrensa. Ein kunne derfor vurdere ein morgonavgang til, men i og med at Garnesprosjektet vert realisert i ruteperioden har vi ikkje føreslått noko. Avgangen frå Volda kl 2040 er sett opp for å korresponderer med rute 150 (351) frå Førde (med samband frå Oslo/Bergen). Viss denne avgangen vert flytt fram med 55 min vil vi også måtte justere avgangstid for siste avgangen til Ulsteinvik. Det vil ikkje verte endringar i km av dette. Vedlagt brevt frå Samferdselsavdeling ligg også eit forslag om endring av ferjeruten på rute 10 Volda- Folkestad. Vurdering og konklusjon: I den generelle saka om Ruteendringsprosessen som var opp til handsaming i august (sitert innleiingsvis) viser formannskapet til vedtak i sakene 194/12 og 28/13. Vedtaka i desse sakene lyder slik: 1. Då det er eit overordna politisk mål å få fleire til å nytte offentlege transport, må fylkeskommunen sitt budsjett til kjøp av bussruter aukast monaleg. Volda formannskap forventar at staten, som har sett opp dei overordna måla, vil bidra til dette. 2. Volda formannskap krev at ingen lokalruter vert endra til ugunst for lokalsamfunna i høve dagens tilbod, men heller betra. 3. Formannskapet viser elles til vedtak i sakene 151/11 og 162/12 vedk. utviding av Timeekspressen til/frå Nordfjord og ruter gjennom Eiksundsambandet. Formannskapet vil presisere at utvida tilbod her ikkje må innfriast ved forringing av det eksisterande kollektivtilbodet mellom Folkestad og Eid.
4. Formannskap viser til tidlegare ynskje om betre korrespondanse mellom ferjerutene i Volda og Timeekspressen, og ber samferdselsavdelinga og transportørane ta omsyn til dette ved oppsett av rutene frå 1.5.13. 5. Formannskap oppfordrar om at det vert halde rutekonferansar, der samordning av fly, ferje- og bussruter vert drøfta regionalt. 6. I høve skuleskyssen krev Volda formannskap at det er sitteplassar og setebelter til alle. Og: 1.Volda formannskap viser til sien tidlegare vedtak, sist sak 194/12, vedk. ruteendringsprosessen 2013, og held fast på desse. 2. Formannskapet finn ikkje å kunne akseptere nedlegging av rute 351 frå Eid, jfr. punkt 4 i vedtaket i sak 194/12. 3. Formannskapet ber om at fylkeskommunane snarleg legg fram planar for eit betra rutetilbod gjennom Kviven, jfr. kommentarar i saksutgreiinga. 4. Formannskapet har elles ingen vesentlege merknader til Nettbuss sine andre forslag til endringar. Slik eg ser det vil ei endring av Timeekspressen som omtalt bli ei lita ulempe for reisande til Ålesund sentrum så då må byte buss på Haldeplassen på Åse. Men eg ser det rasjonelle i forslaget. Når det gjeld endring av ruta til Nordfjord har vi har sendt det no mottekne endringsforslaget til Folkestad grendautval og Austefjord grendautval til fråsegn (og reknar med at Folkestad grendautval samordnar med dei ander grendalaga på vestsida).vi har p.t. ikkje fått noko tilbakemelding, men generelt viser eg til formannskapet sitt vedtak i sak 194/12, der det m.a. heiter: Formannskapet viser elles til vedtak i sakene 151/11 og 162/12 vedk. utviding av Timeekspressen til/frå Nordfjord og ruter gjennom Eiksundsambandet. Formannskapet vil presisere at utvida tilbod her ikkje må innfriast ved forringing av det eksisterande kollektivtilbodet mellom Folkestad og Eid. Og vidare i sak 28/13 der det heiter: Formannskapet finn ikkje å kunne akseptere nedlegging av rute 351 frå Eid, jfr. punkt 4 i vedtaket i sak 194/12. Nettbuss sitt argument om endring av rute 351, jfr. døma 1 og 2 i forslaget, og siktemålet om å splitte trafikken mot Oslo og Bergen i Volda i staden for Eid/Hjelle er at dei då får samla inn all trafikk frå Søre Sunnmøre og Ålesund. Rådmannen vil avvente å legge fram forslag til vedtak til evt. fråsegner frå grendautvala ligg føre, seinast til møtet i formannskapet. Når det gjeld forslag til endring av ferjerute 10 Volda Folkestad er det i samsvar med ynskjet frå grendautvalet, som har handsama det i møte 14.11.13. Helse og miljøkonsekvensar: Er omtalt i tidlegare saker vedk. ruteendringsprosessen Økonomiske konsekvensar: Ingen for kommunen. Beredskapsmessige konsekvensar: Er omtalt i tidlegare saker vedk. ruteendringsprosessen
VOLDA KOMMUNE Rune Sjurgard rådmann Utskrift av endeleg vedtak: Samferdselsavdelinga Grendautvala