Bustadsosial handlingsplan. for. Ulstein kommune

Bustadsosial handlingsplan for Ulstein kommune 2009 2013 Vedteke i kommunestyresak 21/2010 Sak nr 2007/611, dokument nr 1958 /2010 Side 1

Innhald FORORD... 3 1. BAKGRUNN FOR UTGREIINGA... 4 2. OMTALE AV KOMMUNEN... 5 3. KARTLEGGING AV VANSKELEGSTILTE PÅ BUSTADMARKNADEN... 10 4. DEN KOMMUNALE BUSTADMASSEN OG UTNYTTINGA AV DENNE... 15 5. KOMMUNEN SITT TILBOD TIL VANSKELEGSTILTE... 17 6. KOMMUNEN SIN BRUK AV LÅNE- OG TILSKOTSORDNINGAR... 21 7. KOMMUNEN SI ORGANISERING AV BUSTADOPPGÅVENE... 25 8. HANDLINGSPLAN... 27 Side 2

Forord Ut frå signal frå sentralt hald, har Husbanken dei siste åra oppmoda kommunane om å utarbeide bustadsosiale handlingsplanar. Den første bustadsosiale handlingsplanen vart vedteke for perioden 2005 2009. Prosjektgruppe for rullering av planen vart peika ut av rådmannen 9. Januar 2009. Den bustadsosiale handlingsplanen skal vere ein reiskap for at vanskelegstilte grupper lettare skal kunne skaffe seg ein eigna bustad. Planen omhandlar bustader og bustadtiltak for grupper av befolkninga som på grunn av sosiale, medisinske, fysiske og/eller økonomiske forhold har vanskar med å skaffe seg, og bli buande i, ein tilfredsstillande bustad. Plandokumentet omfattar først ein omtale av korleis stoda er i Ulstein kommune i dag og korleis, ut i frå den statistikk som ligg føre, utviklinga kan verte dei næraste åra. I plandelen vert det presentert resultat frå ei undersøking av husstandar i Ulstein kommune som har vanskar med å skaffe seg eigna bustad. Deretter presenterer ein dei verkemiddel som kommunane har til rådvelde i bustadpolitikken. Til slutt kjem ein gjennomgang av dei tiltak som det vert tilrådd at ein set i verk, saman med ei oversikt over organisering av den bustadsosiale politikken. Prosjektgruppa har vore samansett av dei etatane som i særleg grad har oppgåver og ansvar knytte til bustadpolitikken; teknisk etat, NAV Ulstein, omsorgsetaten og Ulstein Eigedomsselskap KF (UEKF). I tillegg til ein frå rådmannskontoret. Gjennomføringa av handlingsprogrammet og tiltak som krev finansiering, skal skje gjennom økonomiplan og årsbudsjett. Fagavdelingane i kommunen har ansvaret for oppfølging av planen for dei aktuelle tiltaksområda og sette i verk tiltak innanfor gjeldande økonomiske rammer. Ulsteinvik 10. desember - 2009 Marit Botnen Arnfinn Rørvik Anne Karin Osnes Rune Urke Kari Janne Ringstad Verner Larsen Omsorgssjef / prosjektleiar Bustadkonsulent Leiar NAV Ulstein Leiar UEKF Brukarrepresentant Assisterande rådmann Side 3

1. Bakgrunn for utgreiinga Normalisering og integrering er ei viktig overordna målsetting for norsk velferdspolitikk, også på lokalt plan. Dette vert mellom anna understreka av Boligutvalet som la fram innstillinga si i 2002 (NOU 2002: 2). Eit viktig verkemiddel i dei seinare åra, for å nå desse måla, har vore å gi utsette grupper tilgang til eigen bustad. Vanskeligstilte på boligmarkedet er de som av en eller annen grunn er uten bolig, lever med ustabile boforhold eller har vanskeligheter med å bli boende i bolig. (jf. NOU 2002: 2). Å få tilgang til eigen bustad har vore eit viktig verkemiddel i ansvarsreforma for psykiske utviklingshemma. Det har også vore sentralt i arbeidet med både unge bustadsøkarar og i satsinga for å styrke eldre sin livskvalitet (jf. St. meld. nr. 49 (1997-1998) Om boligetablering for unge og vanskeligstilte og St. meld. nr. 50 (1996-97) handlingsplan for eldreomsorga). Gjennom reformene innanfor psykiatri og rusomsorga har kommunane møtt dei same utfordringane (jf. St. prp. nr. 63 (1997-98) Om opptrappingsplan for psykisk helse 1999-2006). Det same gjeld også når kommunen seier ja til å busette flyktningar (jf. Stamsø, 1999). Eigen bustad er viktig for personleg tryggleik og identitet (jf. Thyness, 2005). Det handlar ikkje berre om ein stad å vere. Det handlar også om å høyre til og om nettverk. Den overordna visjonen for norsk bustadpolitikk kjem mellom anna fram av St. meld. nr. 23: 2003-2004, Om Boligpolitikken: Legge til rette for ein velfungerande bustadmarknad. Skaffe bustadar for vanskelegstilte på bustadmarknaden. Auke talet på miljøvennlege og universelt utforma bustadar og buområde. Desse mål skal gjennomførast på kommunalt plan og av kommunale organ. Kommunen sitt ansvar for å skaffe bustad til dei vanskelegstilte på bustadmarknaden går fram mellom anna av sosialtenestelova 3-4. Det er viktig at kommunen utarbeider sin eigen bustadsosiale plan, som er forankra i dei utfordringar som den enkelte kommune står overfor. Gjennom ein slik plan er siktemålet: Å auke kunnskapen om bustadbehovet i kommunen i dag og i framtida. Å betre grunnlaget for styring av kommunen sin bustadpolitiske utvikling. Å auke kunnskapen om og legge grunnlaget for ei meir målretta og betre utnytting av statlege verkemiddel. Skaffe bustadar for vanskelegstilte på bustadmarknaden. Ein bustadsosial handlingsplan krev eit nært samarbeid mellom fleire kommunale instansar saman med eksterne organ, som til dømes Husbanken. Planen skal synleggjere befolkningsstrukturen i kommunen og kva for utvikling ein kan vente seg. Det er vesentleg at den bustadsosiale planen er knytt opp mot andre aktuelle planar. Samstundes ønskjer ein å gjere det tydeleg kva ansvar dei ulike kommunale organa har. Vidare ønskjer ein at den bustadsosiale planen gjer greie for dei låne- og tilskotsordningar som finst når det gjeld bygging, kjøp eller utbetring av bustadar. Side 4

2. Omtale av kommunen 2.1. Folketalsutviklinga Ulstein kommune hadde den 1.1. 2009 eit folketal på 7052. Folketalsutviklinga i kommunen vil vere avgjerande for t.d. etterspurnaden etter byggjeklare tomter, skule- og barnehageutbygging. Utviklinga i folketalet er eit resultat av fødselsoverskot og flytteoverskot. Næringslivet er direkte og indirekte svært viktig for utviklinga. Spesielt flytting har variert i takt med gode / mindre gode utsikter for næringslivet. Folketalsutviklinga i kommunen dei siste åra, og prognosar for dei næraste åra etter tre ulike alternativ går fram av tabellen. Tradisjonelt har den reelle utviklinga i Ulstein kommune lagt over SSB si prognose for høg vekst. Oversikten viser at folketalsutviklinga i kommunen har vore positiv. I perioden 1990-2008 har ein hatt ein folketilvekst på 22,7 %. I denne perioden har folketalet auka gjennomsnittleg med 76 personar pr. år. Dersom ein legg til grunn tala frå SSB (med 7,5 % vekst fram til 2015) vil folketalet dei neste 7 åra i gjennomsnitt auke med 73 personar pr. år. I samfunnsdelen av Figur 1Folketalet - utvikling fram til 2008 og prognosar vidare kommuneplanen for perioden 2009 2020 har vi lagt til grunn at kommune skal planlegge for ei jamn auke i folketalet på 1 % pr år i planperioden. Side 5

I perioden fram til 2030 viser forventa utvikling ein vekst i folketalet opp til 7 809 i 2020 og vidare til 8 559 i 2030. Det skjer og ei endring i fordelinga mellom aldersgrupper i kommunen. Figuren viser den prosentvise fordelinga mellom ulike aldersgrupper i kommunen og utviklinga i desse. Figuren illustrerer klart den endinga vi vil vi få i aldersgruppene frå 67 år og oppover, men den skjuler det faktum at alle grupper vil auke i absolutte tal fordi folketalet i kommunen aukar. Dei reelle tala er vist i tabellen. 2.2 Utviklinga i næringslivet Utviklinga i næringslivet har stor innverknad på Ulstein samfunnet, både arealmessig og økonomisk. Dei store næringane i kommunen er innanfor industri, varehandel og offentlege og private tenesteytande næringar, og det er desse som aukar mest. Spesielt stor auke er det i bank, forsikring, og private/offentlege tenesteytingar. Sysselsetjinga innan jordbruk minkar. Side 6

Figuren viser tilsette fordelt på næring 4. kvartal 2007. Figur 2 Sysselsette etter arbeidsstad 4 kvartal 2007 Kleven Verft, Ulstein Verft, Rolls-Royce og fleire mindre verksemder, som ligg langt framme med sine produkt, gjer Ulsteinvik til eit regionalt og nasjonalt tyngdepunkt innanfor maritim industri. Trekkrafta frå dei store i dette miljøet er ei god hjelp og ein viktig føresetnad for mange verksemder. Næringslivet i kommunen er svært eksportretta, og dermed utsett for internasjonale konjunktursvingingar. Varehandel og tenesteyting er store, og aukande, sektorar. Mykje bruk av innleidd utanlandsk arbeidskraft fører til høgt press på bustadmarknaden i regionen. I perioden 1.1. 30.09 2008 var det registrert 1975 utanlandske arbeidstakarar i Ulstein kommune. I kommunane Hareid, Ulstein, Herøy og Sande var det registrert totalt 3068 personar. 2.3 Bustadutviklinga Utviklinga av folketal og aldersstruktur i kommunen vil vere avgjerande for etterspurnaden etter bustader og byggjeklare tomter. Aktiviteten i næringslivet er den faktoren som har størst innverknad på denne utviklinga, og dermed på bustadmarknaden. Medan folketalet har auka jamt, har talet på nye bustader variert mykje år for år. I diagrammet nedanfor er det vist korleis reell bustadutvikling har vore i kommunen frå 1990 framstilt ved nye, ferdigstilte bueiningar. Side 7

Inkludert i talet for bueiningar er og einingar i brakkeriggar. I tala for 2007 er t.d. brakkeriggen på Kleven med 140 bueiningar. 2. 4 Bustadstruktur, utbygging og arealutnytting Bustadstrukturen i kommunen er tradisjonelt dominert av einebustader. Det er relativt få sjølveigar-leilegheiter eller burettslagsleilegheiter og såkalla ungdomsbustader. Vi ser ei klar endring dei siste åra med auka bygging av sjølveigar-leilegheter i sentrum, etablering av burettslag for 60+ og auka utbygging av felt med tett utnytting. Ein del eldre har dei siste åra flytta til mindre leilegheiter, noko som har frigjort einebustader. Det er viktig at utbyggingsområda består av ein variert busetnad, som kan ivareta dei ulike ønskja vedrørande val av bustad. Dette vil over tid gi ei meir differensiert bustadmasse. Vi ser ein klart størst etterspurnad etter tomter i Ulsteinvik sentrum og i indre Dimna/Hasund. Val av lokalisering er særskilt viktig for eldrebustader og ungdomsbustader. Det er aktuelt med bustad over næringsareal i sentrum og fleirbustadhus med ulike funksjonar. I samfunnsdelen av kommuneplane 2009 2020 er det lagt til grunn at kommunen skal planlegge for ei auke i folketalet på 1 % årleg i snitt. Dette tilsvarer om lag 70 personar. Historisk sett ver dette lavt anslått. Reknar ein 2,5 personar i snitt på ei hushaldning er behovet om lag nye 30 husvære årleg. Fleire faktorar gjer at dette biletet må nyanserast. Fødselstala går ned medan folkeveksten i 2008 var på 1,53%. Held denne utviklinga fram står vi i åra fråmover overfor auka innflytting. Alderssamansetninga i kommunen endrar seg og. Med ei større gruppe eldre vil behovet for mindre og sentrumsnære bueiningar auka. Det er grunn til å tru at det langsiktige behovet for bustader ligg noko høgre enn desse 30 truleg ein stad rundt 40 / 45 bueiningar årleg. Ser vi på tala dei siste fem åra er gjennomsnittet for bueiningar som er i bruk 109 pr år. Dette er spesielt høgt og noko av grunnene er knytt til utanlandske arbeidstakarar og brakkeriggar. I perioden 1.1 30.09 2008 var det registrert 10.750 utanlandske arbeidstakarar i Møre og Romsdal. 1975 av desse eller 18,4 % arbeidde i Ulstein. Tek ein med kommunane Hareid, Herøy og Sande var talet 2843. Sett opp mot folketalet i desse fire kommunane pr 31.12.2008 utgjer dette 12,5 %. Ser vi isolert på Ulstein kommune utgjer det 28%. Ein del av denne arbeidskrafta bur på brakkeriggar på verftsområda, men mange er leigetakarar i den private leiemarknaden. Situasjonen i bustadmarknaden er difor pressa. Side 8

Av større felt reserver i Ulsteinvik er det eit areal som er regulert for bustadførmål, men der utbygging ikkje er starta (Felt 1 i kart for arealdelen av kommuneplanen). Området har om lag 50 tomter. Utanom sentrumskrinsen er det ledige tomter i kommunale felt. Felt 1 Det er ligg føre godkjende reguleringsplanar i Ulsteinvik sentrum for utbygging av næringsareal og bustader ved Sjøgata. Prosjektet har 67 bueiningar. Der er fleire områder som er under regulering mellom anna på Skeide og arbeidet med arealdelen av kommuneplanen er starta opp. Planprogrammet er godkjent sommaren 2008 og målsettinga er å ha ferdig planen innan utgangen av 2009. Side 9

3. Kartlegging av vanskelegstilte på bustadmarknaden 3.1 Metode og gjennomføring Kartlegginga av vanskelegstilte på bustadmarknaden vart utført i samsvar med rettleiingsmateriellet slik gjør vi det frå Husbanken. Kartlegginga vart gjennomført i mars 2009 av fagavdelingane innan NAV Ulstein, pleie og omsorg, flyktningkontoret og Ulstein Eigedomsselskap KF (UEKF). Kartlegginga vart samordna av teknisk etat / bustadkontoret. Kartlegginga av vanskelegstilte på bustadmarknaden i Ulstein omfatta 48 husstandar (mot 35 i år 2003), og var basert på at husstandane oppfylte minst eitt av dei følgjande kriteria: at husstanden er utan eigen eigd eller leigd bustad. at husstanden har eit leigeforhold som står i fare for å opphøyre. at husstanden har ein ueigna bustad. at husstanden har store bistands- eller oppfølgingsbehov som krev annan bustad eller særleg oppfølging for å behalde noverande bustad. Det var og ein føresetnad at kartlegginga berre skulle omfatte personar som hadde vore i kontakt med hjelpeapparatet eller mottatt tenester dei siste 6 månadene. Alle persondata vert sletta etter gjennomføringa og godkjenninga av planen i kommunestyret. Opplysningane om husstandane er registrert med den informasjonen som var tilgjengeleg på registreringstidspunktet. Opplysningar om behov for bustad eller tiltak er tenesteytar si vurdering. Nokre registreringar er litt mangelfulle og resulterar i at fleire tabellar har registreringar med manglande informasjon. Når det gjeld kartleggingsmetoden og utvalskriteria bør ein vere merksam på at kartlegginga berre gir eit øyeblikksbilde av kven dei vanskelegstilte er. Situasjonen er i stadig endring og ein kan ikkje sjå bort frå mørketal i høve vanskelegstilte på bustadmarknaden. Dette vert forsterka av at Ulstein kommune kvart år har ei tilflytting og har som intensjon å verte bukommune for asylsøkjarar som har fått løyve til opphald i landet. Begge desse forholda gjer at talet på vanskelegstilte i Ulstein kommune i dag kan vere høgare enn det som kjem fram i undersøkinga. Samstundes må ein kunne hevde at undersøkinga har avdekka eit minimumsbehov, som den bustadsosiale planen kan ta utgangspunkt i. Med basis i dei tilhøva som undersøkinga avdekker, vert det synleggjort eit behov for ulike bustadsosiale tiltak. Ein kan legge til grunn at dersom ikkje tiltak vert sett i verk, vil situasjonen kunne verte meir dramatisk over tid. 3.2 Kven er dei vanskelegstilte? Kva viser undersøkinga? Kartlegginga av vanskelegstilte på bustadmarknaden i Ulstein omfatta 48 husstandar, noko som tilsvarar om lag 0,7 % av folketalet i kommunen pr. 01.01.2009. Undersøkinga syner at dei 3 største gruppene som har vanskar på bustadmarknaden er psykiatrisk langtidspasientar, psykisk utviklingshemma og rusmisbrukarar. Etter dette kjem funksjonshemma, sosialt vanskelegstilte og flyktningar som er i ferd med å etablere seg i kommunen for første gang, sjå tabell 3.2.1. Side 10

Tabell 3.2.1. Primærkjenneteikn Sosialt vanskeligstilt 8 % Rusmiddelmisbruk er 13 % Annen funksjonshemming 8 % Målgruppe 1. kjennetegn Ikkje data 2 % Økonomisk vanskeligstilt 2 % Flyktning1. gangsetablert 6 % Fysisk funksjonshemmet 9 % Flyktning tilflyttet 6 % Psykiatrisk langtidspasient 25 % Psykisk utviklingshemmet 21 % Rulleringa av bustadsosial handlingsplan og registreringa av vanskelegstilte i mars 2009 syner eit litt anna resultat enn registreringa gjort februar 2003. Den største skilnaden er fleire registrerte grupperingar i 2009 og at registrerte vanskelegstilte relatert til rus, psykisk utviklingshemma og 1. gangs etablerte flyktningar er %-vis noko mindre i 2009 enn 2003. Delen av psykiatriske langtidspasientar har %-vis auka noko. Gruppene psykiatri og psykisk utviklingshemma utgjer dei 2 største gruppene vankelegstilte målt i prosent. I dag utgjer psykiatri den største grupperinga. I 2003 var det grupperinga rus. Ein kan stille seg spørsmålet om personar, som tidlegare primært var knytt til rusproblem, no etter kvart primært har vorte knytte til gruppa psykiatri og eventuelt sosialt vanskelegstilte. I 2003 utgjorde gruppa psykiatri om lag 23 % av dei registrerte. I 2009 utgjer denne gruppa 25 %. I tillegg kjem grupperinga sosialt vanskelegstilte, som har auka frå 0 % i 2003 til om lag 8 % i 2009. Dersom ein skal få ei djupare forståing av kva bustadproblem vanskelegstilte har, og kva tiltak som bør settast i verk, må ein ta omsyn både til kva alder brukarane har, sivilstand, og kva bustadtilhøve dei har på undersøkingstidspunktet. Av tabell 3.2.2 ser vi at fleirtalet av dei som har vanskar med å skaffe seg ein eigna bustad, er i aldersgruppa 20-34 år. Dette gjeld for dei fleste problemgruppene. Den nest største gruppa er 35-49 år. Gruppa born under 16 år er også relativt stor, og problema her er knytt til ulike former for funksjonshemmingar. Side 11

Soleis ser vi at den gruppa som slit med å skaffe seg ein eigna bustad, er innbyggjarar som har mange år igjen her i kommunen. Samla omfattar desse 3 aldersgruppene 35 husstandar. Tabell 3.2.2. Alder og målgruppekjenneteikn / problemtype Tabell 3.2.3 syner type husstand / sivilstanden til dei har som har vanskar på bustadmarknaden. Tabellen syner at 19 av dei er husstandar med born. Dette tilsvarar om lag 40 % av dei totalt registrerte vanskelegstilte husstandane. I 2003 utgjorde denne gruppa berre om lag 17 % av dei totalt registrerte vanskelegstilte husstandane. (NB - det er alderen til den registrerte som er vist). Tabell 3.2.3. Alder og type husstand / sivilstand Tabell 3.2.4 syner at av dei undersøkte husstandane år 2009 var det berre 2 som eigde den bustaden som dei budde i. Dette er ei halvering frå år 2003. I alt 18 vanskelegstilte budde saman med sine foreldre. I denne gruppa finn vi at fleirtalet er psykisk utviklingshemma eller har anna funksjonshemming. Dei aller fleste vanskelegstilte bur kommunalt eller hos foreldre. Side 12

Tabell 3.2.4 Målgruppe og noverande busituasjon / butilhøve Tabell 3.2.5 syner ei vurdering av kva type bustadbehov og bustadtiltak som kan vere aktuelt for dei ulike registrerte grupperingane av vanskelegstilte. Tabellen syner at av dei 48 registrert vanskelegstilte, bør 34 få seg annan bustad. Behovet for type bustader varierar frå ordinære bustader til samlokaliserte bustader med døgnpersonale. Tabell 3.2.5 Vanskelegstilte grupper og type bustadbehov Tabell 3.2.6 syner ei vurdering av kva type oppfølgingsbehov som kan vere aktuelt for dei ulike registrerte grupperingane av vanskelegstilte. Side 13

Tabell 3.2.6 Vanskelegstilte grupper og type oppfølgingsbehov Tabell 3.2.7 syner kva inntektsnivå dei ulike registrerte grupperingane av vanskelegstilte har i høve å kunne få til dømes bustadtilskot og bustønad i Husbanken. Inntektsgrensene for å få bustadtilskot og bustønad er strengare enn for startlån. Tabell 3.2.7 Vanskelegstilte grupper og inntektsnivå i høve bustadtilskot og bustønad Samla teiknar dette eit bilete som syner at kommunen har utfordringar framfor seg. Dei husstandane som har vanskar på bustadmarknaden er unge, mange er einslege, men det er også store grupper par og einslege med born i husstanden. Andre hovudtrekk er; psykiatriske langtidspasientar, psykisk utviklingshemma, rusmisbrukarar, flyktningar og funksjonshemma. Svak økonomi er elles ofte eit gjennomgåande problem. Dei fleste av desse husstandane har problem med å skaffe seg ein eigna bustad på eigen hand. Dei vil dels ha vanskar med å orientere seg i dei søknadar som må fyllast ut, og dels vil dei ha ein økonomi som kan gjere kjøp av eigen bustad vanskeleg. Soleis vil eit fleirtal av desse husstandane truleg vere best hjelpt med ein kommunal bustad dei kan få leige som langtidsleige. Ein del kan truleg likevel hjelpast til å etablere seg i eller behalde / få tilpassa eksisterande eigen bustad via Husbanken sine låne- og tilskotsordningar. Side 14

4. Den kommunale bustadmassen og utnyttinga av denne Kommunen er i dag eigar av bustadar som allereie er øyremerka bestemte grupper av innbyggarar. Ein har bustadar for psykisk utviklingshemma og for eldre. I tillegg har ein under planlegging/bygging bustadar for menneskje med psykiske helseproblem (sjå tabell 5.1). Ein har og bustadar for utleige i Ringen, Holsekerveien og Hofset. I Anholen har ein også nokre tenestebustadar (sjå tabell 5.1). Tabell 4.1 Kartlegging av bustadmasse pr. mars 2009 Bustadføremål Antal Plassering Husnummer Merknad Status Ungdomsbustadar 6 Hofsetråsa 82a+b,88a+b,98a+b Utleigd Flyktningbustadar 11 Hofsetråsa Anholen 18,20,22,78,94 3b,5b,7b Utleigd Osnesveien 42b,46b Bjørndalvegen 17 Framleige Tenestebustadar 3 Anholen 1, 3a,5a Utleigd Utleige 1 Anholen 7a Utleigd Utleige 2 Holsekerveien 5a,5c Utleigd Utleige 1 Holsekerveien 5b Utleigd Utleige 1 Holsekerveien 88 Kjøpt hus 09 Utleigd Utleige 1 Holsekerveien 5d Utleigd Utleige 3 Gjerdegata 10 Juni 09 Utleigd Utleige 3 Petterbakken Mai 09 Utleigd Utleige 4 Høddveien 2a,2b,4a,4b Utleigd Utleige 10 Ringen 10a+b,11,12,14,16,17, Utleigd 18,20,22 Utleige 5 Støyleråsa 13,15,17,19,21 Utleigd Omsorgsbustadar 6 Ulshaug 1 a,b,c,d,e,f,g Utleigd Bustadar psyk utv. 5 Prost Ankers gt. 41a+b+c+d+e Utleigd Bustadar psyk utv. 4 Petterbakken 14a+b+c+d Utleigd Bustadar psyk utv. 4 Vikebakkvegen 4a+b+c+d Utleigd Bustadar psyk utv. 3 Støyleråsa 7,9,11 Utleigd Aldersbustadar 16 Øvre 3-19 Utleigd Ulshaugen Omsorgsbustadar leilegh. 12 Ulshaugen 301,312,201-214 (-3) Utleigd 101-108 Aldersbustadar 20 Ulshaugen Utleigd Omsorgsbustadar leilegh. 2 Hovstøylvegen 27a+b Utleigd Avlastningsbustadar 2 Hovstøylvegen 25a+b Utleigd Omsorgsbustadar leilegh. 21 Alvehaugen 1-11,501-510 Utleigd Sjukeheimen 42 Alvehaugen Utleigd Bueiningar til saman 188 Samla inneber dette at hovuddelen av den kommunale bustadmassen allereie er disponert for eldre eller psykisk utviklingshemma. Grupper som unge og nyetablerte eller andre med særlege bustadbehov, og som ikkje kan finansiere ein bustad, har kommunen i dag problem med å kunne hjelpe. Innanfor omsorg har ein ei venteliste på omsorgsbustader som omfattar nær 40 søkarar. Mange av bebuarane i omsorgsbustadane vert buande svært lenge i bustaden sin. Dette er i tråd med vedtekne målsettingar i Ulstein kommune. Nokre av dei eldste Side 15

omsorgsbustadane er dermed ikkje godt nok tilpassa behova til dei som i dag bur der. Dette gjeld nokre små bueiningane på Ulshaugen og dei 16 bueiningane på øvre Ulshaug. Side 16

5. Kommunen sitt tilbod til vanskelegstilte 5.1 Legetenesta I Ulstein består helsetenesta av legetenesta, helsestasjon og jordmortenesta. Helsetenesta er sentral når det gjeld å vurdere særskilte behov i samband med rehabilitering eller tilpassing av bustad etter alvorleg sjukdom eller ulykke. Helseetaten samarbeider då nært med omsorgsetaten, som driv ei rehabiliteringsavdeling på Alvehaugen og som har ansvar for oppfølging i heimane ved behov for rehabilitering. 5.2 Omsorgstenesta Omsorgstenesta er ei lovpålagd teneste og gir nødvendig pleie og omsorg på grunnlag av enkeltvedtak til menneske med rett til helsehjelp. Omsorgsetaten er ikkje berre eldreomsorg. I tillegg til å gi pleie og omsorg til alle aldersgrupper og ved dei fleste plager/sjukdomar, omfattar omsorgstenestene eit særskilt rettleiings- og butilbod til demente, menneske med psykiske helseplager, rusproblem, psykiske utviklingshemma og rehabilitering. I samband med den aukande satstinga på psykiatri har ein for fleire år sidan hatt tilsett psykiatrisk sjukepleiar. Omsorgstenesta i Ulstein kommune er delt i fire soner. Vi har 42 sjukeheimsplassar og 25 omsorgsbustadar på Alvehaugen. I tillegg har vi 18 omsorgsbustadar på Ulshaugen, der 6 av dei spesielt er til menneske med store psykiske helseproblem og 36 aldersbustadar. Omsorgsetaten disponerer også 15 omsorgsbustadar for psykisk utviklingshemma. 4 i Prost Ankers gate, 4 i Petterbakken, 4 i Vikebakkvegen, og 3 i Støyleråsa. Om lag 40 personar står i dag på venteliste for alders- / omsorgsbustad. I tilknyting til sjukeheimen er det bygd 15 omsorgsbustadar. I tillegg er det bygd av 20 leilegheiter for aldersgruppe 60 og oppover i privat regi på Ulshaugen. Trass i den utbygginga av omsorgsbustadar for eldre som ein har hatt dei siste åra, har ein framleis mange på venteliste. Frå kommunen si side meiner ein at ein no vil vere nøydd til å satse på bygging av bustadar for menneske med psykiske helseproblem og andre aktuelle grupper (unge funksjonshemma og rusmisbrukarar). Derfor meiner ein at det kan vere høve for private interesser å bygge omsorgsbustadar. Det bør då leggast opp til ein fleksibel ordning i form av sameige, utleige eller sjølveige. Det syner seg at mange eldre i Ulstein kan ønske seg ein mindre og enklare bustad. Nokre gir uttrykk for at dei ønskjer å eige bustaden sjølv, medan andre klart vil vere avhengig av ei leige- eller sameigeløysing. 5.3 Sosialtenesta Sosialteneste er i dag ein integrert del av NAV Ulsteinvik. Sosialtenesta sitt formål er; a) å fremme økonomisk og sosial tryggleik, betre levevilkåra for vankelegstilte, bidra til auka likeverd og likestilling og førebygge sosiale problem. b) å bidra til at den enkelte får høve til å leve og bu sjølvstendig og til å ha ei aktiv og meiningsfylt tilvære i fellesskap med andre. Kommunen har eit lovpålagt ansvar for å hjelpe vanskelegstilte på bustadmarknaden. Dette vert regulert av sosialtenestelova 3-4; Boliger til vanskeligstilte; Side 17

Sosialtjenesten skal medvirke til å skaffe boliger til personer som ikke selv kan ivareta sine interesser på boligmarkedet, herunder boliger med særlig tilpassing og med hjelpe- og vernetiltak for dem som trenger det på grunn av alder, funksjonshemming eller av andre årsaker. I tillegg vert sosialtenesta sitt engasjement også regulert av sosialtenestelova 4-5: Midlertidig husvære; Sosialtjenesten er forpliktet til å finne midlertidig husvære for dem som ikke klarer det selv. Sosialtenesta, i samarbeid med bustadkontoret og UEKF, administrerar hjelp i form av lån, tilskot og utleige av bustader, til vanskelegstilte personar som treng bustad. Bistanden strekker seg frå generell rådgiving til meir konkrete hjelpetiltak. Det betyr at sosialtenesta; medverkar til å skaffe bustad til vanskelegstilte. gir økonomisk sosialhjelp til dekning av bu utgifter. gir i fleire tilfeller garanti for depositum. hjelper til med gjeldsrådgiving. hjelper til med å skaffe mellombels husvære. Sosialtenesta er i kontakt med familiar som er vanskelegstilte i forhold til bustadmarknaden. Dei brukarane som tenesta er i kontakt med, har ulike hjelpebehov. Det er likevel enkelte trekk som går igjen i denne gruppa; eit stort tal av sosialtenesta sine brukarar synest å bu i mellombelse husvære, ofte sokkelleilegheiter. fleire av dei har i løpet av kort tid mange flyttingar bak seg. 5.4 Rehabilitering av rusmisbrukarar Kommunen har ei lovpålagt plikt til å hjelpe personar med rusproblem. Stabil busituasjon er svært sentralt og nødvendig i rehabilitering av rusmisbrukarar. Dei er ofte i den situasjon at det er vanskeleg å kome inn på den ordinære leigemarknaden. Eit stabilt butilbod er nødvendig for å oppnå god rehabilitering. Enkelte brukarar treng døgnkontinuerleg oppfølging i kortare eller lengre tidsrom. Kommunale bustadar vert då nødvendig for å kunne følgje opp desse brukarane best mogleg. Det vert i desse dagar tilsett ein sosionom med særleg ansvar og oppfølging av rusmisbrukarar. 5.5 Rehabilitering av menneske med psykiske helseproblem Kommunen har mange brukarar med psykiske problem. Mange av desse brukarane vil i periodar ha behov for tett oppfølging frå omsorgstenesta. Nokre av dei vil og trenge hjelp i form av miljøarbeidar i heimen. Fleire av desse brukarane har hatt psykiske helseproblem sidan ung alder. Mange har ikkje vore i arbeid, og har difor eit dårleg pensjonsgrunnlag. Dette gjer at dei vil ha store problem med å skaffe seg bustad, enten den er leigd eller dei ønskjer å eige sjølv. Omfanget av oppfølginga vil variere frå person til person. For enkelte vil oppfølginga vare over fleire år og døgnet rundt. Mot denne bakgrunn vil mange av desse personane kunne ha stor nytte av ein kommunal bustad/omsorgsbustad. Side 18

5.6 Busetting av flyktningar Der er eit vedtak frå kommunestyremøtet den 11.12.2009 om at vi skat ta i mot 15 flyktningar i 2009, inkludert familiesameining. For perioden 2010 2012 er talet om lag 20 inkludert familiesameining. Føresetnaden for auken opp til 20 er at det vert auka stillingsressursar. For å oppfylle vedtaket, og under føresetnad av at dei fleste av desse flyktningane gjeld barnefamiliar, må kommunen i perioden årleg skaffe til veie 4-6 husvære for flyktningar. I 2009 er det kjøpt ein bustad for ein større familie. Av dei som vi no får spørsmål om å busette er i større grad hushaldningar på ein eller to personar. Dersom dette vert trenden framover er det behov for små bueiningar i første omgang og deretter behov for større einingar ved familiesameining. Det er oppretta asyl- /flyktningmottak i Ulstein. Det er allereie eit stort press på marknaden for private utleigehusvære. Det er tvilsamt om det vil verte nok ledige kommunale flyktninghusvære til dette føremålet kvart år og kommunen må derfor pårekne å måtte skaffe fleire bustader til busetting av nye flyktningar. Flyktninghusværa bør ligge sentrumsnært i høve kommunikasjonsmiddel, offentlege tenester, butikk, skule og barnehage. Det bør vurderast både å bygge nye og å leige inn private husvære. 5.7 Psykisk utviklingshemma Kommunen har eit større antall psykisk utviklingshemma enn det ein finn i ander kommunar på same storleik. Dette heng saman med at ein før ansvarsreforma i 1992 hadde ein institusjon for psykisk utviklingshemma og at dei hadde rett til å busette seg i kommunen. Samstundes får kommunen kvart år ansvar for nye innbyggarar som er psykisk utviklingshemma. Dei fleste av desse bur saman med familiane sine, men vil etterkvart ha behov for ein eigen bustad. 5.8 Bustadlause I Ulstein kommune vil det til ein kvar tid vere innbyggarar som må reknast som bustadlause. Dette er personar som ikkje har eigen bustad, eller ikkje har økonomi til å leige seg ein bustad. Ein del av dei dette gjeld bur hos næraste familie eller hos vennar. Ofte ser vi også at dei lever i ei usikker og omskifteleg tilvære. Fleire av desse personane er menneske med rusproblem, ofte også med andre alvorlege psykiske helseproblem (dobbeldiagnose). Nokre gongar er dette også menneske som har vore i fengsel for rusrelatert kriminalitet eller vold. Vi ser at dette er folk som nærmiljøet har vanskeleg for å ta imot og integrere. Derfor opplever dei gjerne sterke utstøytingsmekanismar frå nærmiljøet. Skal desse personane får ein sjanse til å etablere seg i eigen bustad, må det i starten skje via eit kommunalt tilrettelagt tiltak. 5.9 Bustadbehov hos vanskelegstilte innbyggarar. Samla må ein konstatere at denne gruppa består mellom anna av følgjande innbyggarar: 1) Familiar og mindre husstandar som vil vere kommunale leigetakarar over lang tid. 2) Personar som treng gjennomgangsbustad. 3) Personar som har behov for mellombels bustad. Side 19

Det behov for bustad til denne målgruppa som vi har i dag, er følgjande dersom dette skal dekkast av kommunale bustader Utforming av bustadene bør vere med livsløpsstandard. Dei må vere husbankfinansiert. Dersom kommunen kan få til ein differensiert bustadbygging, er sannsynlegheita større for at innbyggarar som har vanskar med å få innpass i den ordinære bustadmarknaden, kan klare seg sjølve etter ei tid. 5.10 Andre målgrupper Ungdom Jamvel om ungdom som gruppe ikkje er med i kartlegginga må ein i dette planarbeidet ta omsyn til at her og finst andre vanskelegstilte enn dei som er kartlagde på det tidspunktet då undersøkinga vart gjort. Ein må og vurdere tiltak for unge bustadsøkjande/ førstegangsetablerarar på bustadmarknaden. I rettleiingsmateriellet frå Husbanken står utbyggingsavtalar omtala som eit eigna og aktuelt verkemiddel for å få gjennomført handlingsplanen. Utbyggingsavtalar er retta mot private utbyggjarar og skal sikre mellom anna; at kommunen får ein rett til å tildele bustader, eventuelt kjøp av tomter eller bustader innanfor utbyggingsområdet. at utforming av bygningane vert slik at dei er eigna for ulike brukargrupper med spesielle behov (funksjonshemma m. fl.). at storleik og utforming vert slik at bustadene vert rimelege nok for førstegangsetablerarar, for eksempel ved at dei tilfredsstiller Husbanken sine rammer for finansiering. det vert her vist til at fleire kommunar nyttar utbyggingsavtalar i denne samanheng. Side 20

6. Kommunen sin bruk av låne- og tilskotsordningar Administreringa av Husbanken sine låne- og tilskotsordningar er lagt til bustadkontoret. Bustønadordninga er lagt til NAV Ulstein (tidlegare sosialetaten). Ulstein kommune har pr. mars 2009 følgjande økonomiske verkemiddel via Husbanken, for å hjelpe husstandar til å skaffe seg eigne bustader, eller til å verte buande i bustaden sin: Til å skaffe seg bustad Startlån Bustadtilskot til etablering Grunnlån 1 Til å verte buande i bustad Startlån Bustadtilskot til utbetring / tilpassing Prosjekteringstilskot 2 Bustønad I tillegg har kommunen høve til å yte økonomisk sosialhjelp via NAV til buutgifter. Det vil vere ein fordel om både publikum og alle dei som har med vanskelegstilte personar på bustadmarknaden å gjere kjenner til dei låne- og tilskotsordningar m.m. som eksisterar. Ufordringa er å nå ut med den informasjonen til dei som treng den. Kommunen brukar Husbanken sitt til ein kvar tid gjeldande regelverk. I tillegg kjem kommunale utfyllande retningslinjer for startlån og bustadtilskot (etablering og utbetring/tilpassing), som vart reviderte og godkjende i kommunestyret 16.04.2009. 6.1 Låneordningar 6.1.1 Grunnlån Grunnlånet skal i følgje Husbanken fremje gode kvalitetar i nye og eksisterande bustader, skaffe bustader til vanskelegstilte og husstandar i etableringsfasen, samt sikre naudsynt bustadforsyning i distrikta. Grunnlån kan til dømes gjevast til: Oppføring av nye bustader, garasjar m.m. som naturleg høyrer til i eit bumiljø. Utbetring av eksisterande bustadmasse og ombygging av anna bygningsmasse til bustader. Kjøp av utleigebustader for prioriterte grupper. Barnehagar Studentbustader Omsorgsbustader, sjukeheimsplassar og lokale for omsorgstiltak Grunnlån kan unntaksvis gjevast til kjøp og utbetring av brukt bustad, men er ingen erstatning for startlån. Kommunane (kommunale eigedomsføretak) kan ta opp grunnlån til å finansiere utleigebustader for vanskelegstilte, som sjølv ikkje er i stand til å eige eigen bustad. Søknader om grunnlån skal søkjar (både privatpersonar og entreprenørar) sende direkte til Husbanken, som handsamar søknadene og tildelar grunnlån. 1 Grunnlån Søknad sendast direkte til Husbanken, som handsamar søknaden og tildelar lån. 2 Prosjekteringstilskot Søknad sendast via kommunen vidare til Husbanken, som handsamar søknaden og tildelar prosjekteringstilskot. Side 21

6.1.2 Startlån Startlånet skal bidra til at husstandar med bustadetableringsproblem skal få høve til å etablere seg og bli buande i nøkterne og gode bustader, jf. Husbanken. Låneordninga er behovsprøvd og skal medverke til at husstandar med svak økonomi, som unge i etableringsfasen, barnefamiliar, einslege forsørgjarar, funksjonshemma, flyktningar og andre vanskelegstilte husstandar, skal kunne skaffe seg eller behalde ein nøktern og eigna bustad. I samband med bustadfinansiering kan startlån gjevast til kjøp, utbetring, oppføring, refinansiering og førehandsgodkjenning. Startlån vert innlånt frå Husbanken og vidaretildelt av kommunen, på same lånevilkår. Ulstein kommune nyttar Husbanken (HB) sitt til ein kvar tid gjeldande regelverk (jf HB 7. B 13). I tillegg har kommunen eigne retningslinjer, godkjende i kommunestyret 16.04.2009, jf. arkivsak 2009/314. Ulstein kommune har ikkje noko formalisert og skriftleggjort samarbeid med dei lokale privatbankane, men samarbeidet i høve finansiering ser ut til å fungere bra. 6.2 Tilskotsordningar 6.2.1 Bustadtilskot for etablering Bustadtilskotet skal bidra til å skaffe og sikre eigna bustader for vanskelegstilte på bustadmarknaden, jf. retningslinjer i Husbanken (HB); HB 8.B.1. Ulstein kommune nyttar Husbanken sitt til ein kvar tid gjeldande regelverk. I tillegg har kommunen eigne utfyllande retningslinjer, godkjende i kommunestyret 16.04.2009 sak K 09/30 jf arkivsak 2009/314.. Ordninga er retta mot bustadlause, rusmisbrukarar, flyktningar, funksjonshemma og andre spesielt vanskelegstilte. Tilskotet vert gitt etter streng behovsprøving, der husstanden sin samla situasjon og økonomi vert lagt til grunn. I år 2008 tok Ulstein kommune sjølv over handsaminga og tildelinga av søknader for denne tilskotsordninga frå Husbanken, som fram til 2008 handsama og gjorde vedtak i desse sakene, etter tilråding frå kommunen. Det har vore og er svært avgrensa ressursar til rådvelde. 6.2.2 Bustadtilskot for utbetring / tilpassing Bustadtilskotet skal bidra til å skaffe og sikre eigna bustader for vanskelegstilte på bustadmarknaden, jf. retningslinjer i Husbanken (HB); HB 8.B.1. Ulstein kommune nyttar Husbanken sitt til ein kvar tid gjeldande regelverk. I tillegg har kommunen eigne utfyllande retningslinjer, godkjende i kommunestyret 16.04.2009 sak K 09/30, jf. arkivsak 2009/304. Side 22

Ordninga er retta mot bustadlause, rusmisbrukarar, flyktningar, funksjonshemma og andre spesielt vanskelegstilte. Det har vore og er svært avgrensa ressursar til rådvelde. 6.2.3 Prosjekteringstilskot Prosjekteringstilskot skal bidra til at husstandar med spesielle bustadbehov, særleg funksjonshemma og eldre, får høve til å skaffe seg høvelege bustadløysingar, jf. Husbanken. Søknad vert sendt via kommunen og vidare til Husbanken, som handsamar søknadene. Tilskotet vert gjeve til husstandar med minst eitt funksjonshemma medlem eller husstandar som kvalifiserar til startlån (utbetring/tilpassing) for prioriterte grupper. Tilskotet kan ytast i samband med kjøp, utbetring/tilpassing eller nybygging. 6.3 Bustønadsordninga Bustønad er ei statleg økonomisk stønadsordning som vert organisert av Husbanken og kommunane. Formålet med ordninga er å hjelpe husstandar med låge inntekter og høge buutgifter til å etablere seg eller bli buande i ein god bustad. I Ulstein er det NAV Ulstein (tidlegare sosialetaten) som administrerar bustønadsordninga, og som tek mot søknader og svarar på spørsmål om ordninga. Ordninga med bustønad vert utvida i 2009 for å nå nye grupper. 6.4 Kommunen sin bruk av låne- og tilskotsordningar 6.4.1 Bruk av startlån i Ulstein kommune: Tabell 6.4.1 Søknader startlån 2003-2008 år 2003 år 2004 år 2005 år 2006 år 2007 år 2008 Beløp til utlån (1000 kr.) 3.690 4.569 2.631 2.052 4.302 4.838 Utlånt beløp (1000 kr.) 1.121 1.941 586 2.150 3.150 2.280 Tal på søknader - * 9 6 9 8 10 Tal på innvilga søknader - * 8 3 7 8 8 Tal på avslåtte søknader - * 1 3 2 0 2 * Det manglar nokre data for år 2003. Gjennomsnittleg årleg låneforbruk i perioden 2003-2008 er om lag 1.871.000,- kr per år. Dette er relativt lågt i høve storleiken på kommunen og andre kommunar på same storleik. Utviklingstrekka hos lånsøkjarane er behov for større lån grunna prisauke på bustader og at større delar av lånemidla går til kjøp / utbetring av brukte bustader. 6.4.2Bruk av bustadtilskot for utbetring / tilpassing i Ulstein kommune: Tabell 6.4.2 Søknader bustadtilskot for utbetring / tilpassing 2003-2008 år 2003 år 2004 år 2005 år 2006 år 2007 år 2008 Beløp til tildeling (1000 kr.) 102 97 100 108 108 121 Tildelt beløp (1000 kr.) 5 87 49 80 157 203 Tal på søknader 3 7 2 2 6 7 Tal på innvilga søknader 1 5 2 2 5 7 Tal på avslåtte søknader 2 2 0 0 1 0 Side 23

Gjennomsnittleg årleg tilskotsforbruk (utbetring / tilpassing) perioden 2003-2008 er om lag 96.000,- kr per år. Forbruket vert avgrensa ut i frå tildelte tilskotsmiddel kommunen får frå Husbanken. Utviklingstrekka er behov for fleire og større tilskot for ulike grupper av vanskelegstilte. 6.5 Tapsfond Kommunen har eit tapsfond, der saldo per januar 2009 er om lag 180.000,- kr. Tapsfondet kan berre nyttast til tap på startlån og etableringslån finansiert etter 01.01.1996. Tilføring av midlar til fondet skjer ved renteinntekter og ved at kommunen kan sette av inntil 20 % av mottatte tilskotsmidlar (utbetring / tilpassing) for vidare tildeling frå Husbanken. Det har vore lite tap på vidareutlån av startlån til no. 6.6 Andre tilskotsordningar Frå 1.1. 2009 er ordninga med psykiatri midlar lagt inn i rammetilskotet for kommunane. Ordninga med øyremerka midlar er avslutta. Ordninga med tilskot til ressurskrevjande brukarar er vidareført. Formålet med ordninga er å sikre at brukarar som krev mykje ressursar får dei tilboda dei treng. Søknad om tilskot skjer årleg på grunnlag av kommune sine dokumenterte kostnadar. Side 24

7. Kommunen si organisering av bustadoppgåvene Ulstein kommunestyre vedtok i november 2002 å omorganisere heile kommunen sin eigedomsportefølje inn i eit kommunalt føretak Ulstein Eigedomsselskap KF (UEKF). Først og fremst gjaldt dette for all FDV (forvaltning-drift-vedlikehald) av alle kommunale bygningar, men i strategisk plan som vert vedteken hausten 2003, tok ein også med kjøp, sal og sanering. Formelt vart Ulstein Eigedomsselskap KF oppretta den 01.01.03. Same dato vart alle bygningar samt tilsette innanfor reinhald og vedlikehald overført frå Ulstein kommune, v/ teknisk etat, til føretaket. I dette låg også overføring av utleigedelen for kommunale utleigebustader. Føretaket var i operasjonell drift 01.03.03. 7.1 Forvaltning UEKF skal drive forvaltning av alle kommunen sine bygningar med unnatak av bygningane til vassverket og 2 gamle skular (Hatløya og Vattøya). Bygningane er ført over til UEKF sin balanse (ikkje grunnboksheimel). Alle bygningar vert leigde ut med basis i langsiktige leigekontraktar og brukaravtalar. Dette gjeld først og fremst alle bygningar med tenesteproduksjon som føremål. Nokre få bygningar vert leigde ut til lokalt næringsliv (utleigebygg). Bygningar med bustadføremål har todelt organiseringsansvar: 1) Alle bustader med føremål omsorg, vert leigde ut en bloc til omsorgsetaten, som står føre tildeling av den enkelte bustad. 2) Alle andre bustader vert tildelt og utleigd av UEKF, etter søknad. Alt inventar og lausøre i bygningane er leigetakars eigedom, også utleigebustader. Det er UEKF sitt ansvar å selje alternativt kjøpe bustader samt eventuell sanering. Kommunestyret godkjenner både kjøp, sal og sanering. 7.2 Drift Drift av bygningane og alle tekniske installasjonar som t.d. ventilasjon, elektro, heis, vatn og avløp samt alle branntekniske forhold, er lagt til UEKF. For nokre av bygningane er også bossrutinar lagt til UEKF. Driftinga vert utøvd av både eigne vedlikehaldsoperatørar og innleigde entreprenørar. Vedlikehaldsoperatørane har definerte primærbygg som særskilde ansvarsområde. I alle bygningar er det leigebuar sitt ansvar å sjå til at inventar og lausøyre vert drifta på ein god måte. Leigetakar kan kjøpe denne tenesta hos UEKF eller ha eigne folk som skjøttar desse oppgåvene. Side 25

7.3 Vedlikehald Alt vedlikehald på bygningane både innvendig og utvendig samt vedlikehald på eigedomane, er UEKF sitt ansvar. Vedlikehald på inventar og lausøyre er leigetakar sitt ansvar. Men leigetakar kan kjøpe desse vedlikehaldstenestene hos UEKF. Vedlikehald vert utøvd i stor grad av eigne vedlikehaldsoperatørar. Desse har eigne definerte primærbygg. Ved større tiltak vert det også leigd inn entreprenørar eller sjølvstendige næringsdrivande med nødvendig kompetanse. 7.4 Nye prosjekt Våren 2008 vart prosjektleiaransvaret for nye prosjekt overført frå Teknisk Etat til UEKF. Rollefordelinga mellom Ulstein Kommune og UEKF er dermed slik: Kommunen er den som bestiller nye prosjekt. UEKF er den som utfører nye byggeprosjekt. Det vil seie at UEKF er prosjektleiar for gjennomføringa av alle nye byggeprosjekt. Når bygget er ferdig er UEKF også den som er ansvarleg for vedlikehald og drift av bygget. 7.5 Organisering av anna Når det gjeld lån, tilskott, rådgjeving og anna forhold i samband med bustader, er dette saksfeltet lagt til bustadkontoret hos teknisk etat. All tomteplanlegging skjer frå Ulstein kommune, teknisk etat. Side 26

8. Handlingsplan I dag har vi 19 personar som bur hos føresette fleire av desse vil ha behov for ein tilrettelagt / finansiert bustad. Det er behov for bustader til 8 fleire flyktningar i 2009 og opp til 20 pr år dei neste tre åra. Auken i aldersgruppa 60 79 og i aldersgruppa 80+ medfører ein jamn auke i behov for tilrettelaget bustader i perioden fram til 2030. Behovet er truleg ein dobling av plassane i høve til noverande nivå. Det vil seie 80 120 bueingar inkludert bufellesskap spesielt tilrettelagt for demente i perioden fram til 2030. Ved utgangen av 2009 er det i underkant av 40 søkarar til omsorgsbustader som står på venteliste Vi har i dag ein ekstremt stram bustadmarknad. Vi må rekene med at denne held seg ut året 2009. Utover det er det vanskeleg å seie noko klart, men truleg vil den lette noko. Det er behov for å bygge samlokaliserte butilbod for nokre grupper av våre brukarar. Tiltak Ansvar Tidsramme 1 Kjøpe / leige av 10 12 små bueiningar med eitt UEKF 2009 / 2010 soverom Kommunestyret har i sak 09/80 gjort vedtak om å kjøpe 6 bueiningar og ha opsjon på kjøp av 6 til. 2 Vurdere oppgradering eller nybygg for 16 eksisterande omsorgsbustader på øvre Ulshaug Tiltaket må fremjast som eiga sak eller som budsjettsak. 3 Gjennomføre universelle utforming for alle kommunale byggeprosjekt og legge klare pålegg og mål om universell utforming for nybygg inn i arealdelen av kommuneplanen jfr ny Plan og bygningslov. 4 Startlån Ramma for startlån skal aukast med kr 2 mill i 2009, 2010 og 2011. Auken kan nyttast til fullfinansiering av bustad for grupper som kjem inn under bustadsosial handlingsplan. Tiltak som frigjer kommunal utleigebustad skal prioriterast. Det skal utarbeidast og godkjennast reglement for ordninga før tiltaket vert sett i verk. Ordninga skal evaluerast innan august 2011 før ein vurderer vidareføring i 2012. Tiltaket må fremjast som eiga sak eller som budsjettsak. 5 Samarbeid med private. UEKF etter bestilling frå Ulstein kommune Ulstein kommune Ulstein kommune teknisk etat. 2010/2011 2009 /2010 2009 Side 27

Tiltak Ansvar Tidsramme Kommunen skal aktivt samarbeide med private utbyggarar frivillige lag og organisasjonar eller andre aktuelle grupper for å finne framtidsretta og tenelege løysingar på dei utfordringane vi stå overfor i bustadsosial handlingsplan. 6 Gjeldsrådgjeving arbeide for at ein kan bli buande NAV-Ulstein Kontinuerleg i eigen bustad skal prioriterast 7 Ordninga med bustønad skal aktivt nyttast for å oppnå målsettingane i denne planen. NAV-Ulstein, Omsorgsetaten, UEKF Kontinuerleg 8 Korleis følgje opp i bustad tiltak NAV-Ulstein, Kontinuerleg Omsorgsetaten 9 Framtidig behov for omsorgsbustader må avklarast i ein omsorgsplan / levekårsplan seinast innan utgangen av 2010 Omsorgsetaten 2010 11 Vurdere tiltak for unge bustadsøkande førstegangsetablerarar på bustadmarknaden 11 Bygge / kjøpe bustader av ulik storleik for personar som har problem med å etablere seg på bustadmarknaden, gjerne også i krinsane, og med ei årleg evaluering av behovet. 12 Arealplanen må ta omsyn til arealbehov som framkjem av denne og andre planar, som til dømes: omsorgsbustadar og tilpassa bustadar for ulike behov. Teknisk etat 2010 UEKF etter bestilling Prosjektgruppe arealplan Kontinuerleg 2010 Side 28