Dato: 06. desember 2012 Kl.: 13.00-15.45 Stad: Fylkeshuset, fylkesutvalsalen rom 367 Hordaland Saknr.: 295/12-316/12

HORDALAND FYLKESKOMMUNE MØTEBOK Fylkesutvalet Dato: 06. desember 2012 Kl.: 13.00-15.45 Stad: Fylkeshuset, fylkesutvalsalen rom 367 Hordaland Saknr.: 295/12-316/12 MØTELEIAR Fylkesordførar Tom-Christer Nilsen til kl. 15.35 Fylkesvaraordførar Mona Hellesnes under sak 307/12, sak 314/12 og frå kl. 15.35-15.45. DESSE MØTTE Grung, Ruth (A) Selsvold, Astrid F. (A) Søviknes, Terje (FRP) Ulvund, Inger Signe (FRP) Nilsen, Tom-Christer (H) til kl. 15.35 Strømme, Mona Røsvik (H) Kallevåg, Inge Reidar (H) til kl. 15.40 Eriksen, Birthe (H) Nyborg, Torill Selsvold (KRF) Bondhus, Benthe (SP) Oen, Aud Karin (SV) Hellesnes, Mona Haugland (V) Malones, Marte (A) Beckham, Christopher Ray (A) Hjemdal, Silje (FRP) FORFALL Valle, Sveinung (A) Nøss, Nils-Olav (A) Njåstad, Helge Andre (FRP) DESSUTAN MØTTE Fylkesrådmann Paul M. Nilsen Kst. regionaldirektør Matti Torgersen Kst. seksjonsleiar i opplæringsavdelinga, Birthe A. Haugen Samferdselssjef Anne Iren Fagerbakke Fylkeskultursjef Anna Elisa Tryti Fylkestannlege Arne Åsan Økonomidirektør Johnny Stiansen Informasjonssjef Stanley Hauge Seniorrådgjevar Gro Stien Thorvaldsen som sekretær 1

MERKNADER TIL INNKALLINGA Ruth Grung påpeikte at varamedlemer ikkje hadde fått tilsendt u.off. saksdokument. Ut over dette var det ingen merknader til innkallinga. GODKJENNING AV SAKLISTA Sakene 297/12 og 304/12 vart behandla først. Deretter vart sakene behandla i rekkjefølgje. Fylkesordføraren varsla om at det ville kome ei tilleggssak, sak 316/12. Ut over dette vart saklista godkjend utan merknader. YMSE Fylkesordføraren opplyste at han har motteke underskriftslister frå Askøy AUF og Sosialistisk ungdom om «Sikring av Askøybroen NÅ!» og frå elevar ved Bergen handelsgymnasium om «Redd BHG!» OPEN TIME Aud Karin Oen viste til oppslag i media om Hordaland Teater og ei utgreiing frå Kultur Vest, og bad om å få informasjon om status. Fylkesvaraordføraren svarte at det vil verte vurdert om fylkesutvalet kan få orientering frå Kultur Vest på nyåret. Torill Selsvold Nyborg etterlyste informasjon om status for arbeidet med ny hamneplan. Samferdselssjefen svarte at fylkesutvalet vil få orientering om status for prosessen i neste møte. Mona Hellesnes sette fram slikt oversendingsforslag a): «Fylkesutvalet ber fylkesordføraren ta kontakt med KS Hordaland og be om at lærlingeplassar i kommunane blir eit prioritert arbeidsområde for KS.» Mona Hellesnes sette fram slikt oversendingsforslag b): «Fylkesutvalet er oppteken av at regionen har eit godt tilbod til utanlandsk arbeidskraft og deira familiar. Den internasjonale skolen er ein viktig del av dette. Ber fylkesordføraren ta kontakt med Bergen kommune og den internasjonale skolen for å drøfta vilkår for skolen framover.» Det var 13 representantar til stades. Hellesnes sine forslag a) og b) vart samrøystes vedtekne oversende til fylkesordføraren. Delegerte saker 33/12 og 34/12 vart refererte. 2

MELDINGAR Periode: 21. november 2012-06. desember 2012 Nr. Arkivsak Referatsakstittel 262/12 201009132-165 Innspill frå Etne Frp 263/12 201112091-11 Rapport frå generalforsamling i CPMR 2012 264/12 201111378-3 Planleggingsmidlar for 0 - alternativet mellom Skånevik og Håland / E134 265/12 201209374-1 Korrigering av Hordaland i tal nr. 2, 2012 266/12 201003266-25 Angåande fastlandssamband for Lerøy og Bjelkarøy - svar frå fylkesordføraren 267/12 200507791-158 Belønningsordningen for betre kollektivtransport og mindre bilbruk i byområdene 268/12 201207356-5 Bompengefritak for kollektivtransport i rute 269/12 200800350-197 Bremseproblem for bybana 270/12 201208989-1 Regjeringens forslag til statsbudsjett for 2013 - kulturdepartementet 271/12 201000016-15 Flesland kai - status opprusting 3

SAKNR. 295/12 GODKJENNING AV MØTEBOK - FYLKESUTVALET 21.-22.11.2012 Fylkesrådmannen sitt forslag vart samrøystes vedteke. Møteboka frå fylkesutvalet 21.-22-11-2012 vert godkjent. 296/12 REKNESKAPSRAPPORT PR. OKTOBER 2012 Fylkesrådmannen sitt forslag vart samrøystes vedteke. Fylkesutvalet tek rekneskapsrapporten pr. oktober 2012 til orientering. 297/12 SKOLEBRUKSPLAN FOR HORDALAND FYLKESKOMMUNE 2012-2025 - DEL 1 - SKOLESTRUKTUR PÅ VOSS OG I DELAR AV BERGEN SENTRUM Ruth Grung sette fram slikt forslag: «Nytt framlegg til pkt. 1b: Fagtilbodet og dimensjonering av Nye Voss Gymnas vert som vist i tabell i saka, men med følgjande endring: Medium og kommunikasjon vert vidareført som utdanningsprogramtilbod til ungdom i indre Hordaland. Det er viktig at ungdomar i alle regionane i fylket har eit reelt val av utdanning. Alternativ til pkt. 6 i opphavleg innstilling: For å auke kvaliteten på opplæringa og skape meir robuste skolar held dagens tilbod om vaksenopplæringa fram ved Bergen Katedralskole og ved Årstad videregående skole. Samspelet mellom vaksenopplæring og ordinær vidaregåande opplæring styrker læringsmiljøet, aukar fleksibiliteten og har positiv effekt på elevmiljøet. Fylkesutvalet ber om at fylkesrådmannen til møtet i mars legg til grunn at eit tilsvarande vaksenopplæringstilbod vert etablert i tilknyting til ein annan vidaregåande skole i stor- Bergen. Alternativ til pkt. 7 i opphavlig innstilling: Bergen Katedralskole får utvida vgs-tilbodet til 7 parallellar på ST og innføringsklassar som vist i saksutgreiinga. Nytt punkt: BHG vert seld. Det vert bygd nye klasserom og lærararbeidsplassar på arealet ut mot Kong Oscarsgt. ved Bergen katedralskole der brakkene står i dag. Nybygget vert finansiert ved sal av BHG, i tillegg til 35 mill. som er sett av til oppussing av BHG. Føresetnaden er at HFK og Bergen kommune inngår ein liknande avtale som ved Tanks vgs.» Ruth Grung sette fram slike oversendingsforslag: a) «Ber fylkesrådmannen til saka i mars fremje forslag om korleis Bergen Tekniske fagskole kan lokaliserast slik at den styrker eksisterande vidaregåande skolar i Bergensregionen, slik som Bergen Maritime i maritime fag. Dei aktuelle skolane bør inngå samarbeidsavtale med Høgskolen i Bergen. Det er aukande behov for kompetanse i bygg-, energi- og 4

tekniske fag og større grad av gjennomgåande karrieremuligheiter. b) Ber fylkesrådmannen til saka i mars foreslå at Media og kommunikasjon blir lokalisert til to vidaregåande skolar i Bergensregionen, slik at vi får eit sterkare fagmiljø som er i stand til å gi opplæring i fagets eigenart slik som design, bilete, lyd, data osb. c) Universitetet i Bergen har eit av verdas sterkaste marine forskingsmiljø. Fylkeskommunen har ambisjon om å bli leiande på kompetanse. Det er derfor ønskjeleg at den nye skolen på Nygårdstangen inngår eit samarbeid om opplæring i marine fag.» Mona Røsvik Strømme sette fram slikt forslag: 1. «Pkt. 3: Endring: Fylkestinget vedtek følgjande vedk. Amalie Skram vgs, Bjørgvin vgs og Tanks vgs når Amalie Skram vgs vert teken i bruk ved skolestart hausten 2014: Bjørgvin vgs og Tanks vgs vert lagt ned. 2. Nytt pkt. d: BHG sine tilbod på Service og samferdsel (SS) vert flytta til Amalie Skram vgs, og Medium og kommunikasjon (MK) vert vidareført som eit programfag ved same skule. 3. Nytt pkt. g: BHG vert ikkje lagt ned. ST vert vidareført for ein periode på 3 år. Dersom det gode søkjargrunnlaget og søkjeresultat varar ved, vert skulen oppretthalden. 4. Pkt. 6 nytt: Bergen Katedralskole får ikkje tilbygg, men får etablert nye pedagogarbeidsplassar ved ombygging i eksisterande bygg. Tidsplan for byggjeprosjektet vert fastlagt i saka i mars 2013. Tilbodet med internasjonal baccalaureate vert vidareført. 5. Pkt. 9 (nytt): Det vert vurdert å få på plass ein samarbeidsavtale med Høgskolen i Bergen og/eller Universitet i Bergen og Norges Handelshøskole etter same modell som på Nordahl Grieg vgs.» Aud Karin Oen sette fram slikt forslag a): «Forslag til vedtak: SVs 11 punkt for ein god vidaregåande skule i Hordaland Framlegget til skulebruksplan er distriktsfiendtleg og vil føra til meir fråfall, pendling og hybelbuing. Det er ikkje teke nok omsyn til elevane, til lokalt næringsliv eller kommunane i framlegget. Me spør oss om ikkje ideologiske prinsipp ligg til grunn for mykje av innstillingane til skulenedlegging og samanslåingane i skulebruksplanen. Vart det laga eit kart, for så meisle ut terrenget etterpå? Hordaland SV har laga eigne prinsipp for kva som skal til for å få gode vidaregåande skular i Hordaland. Her er Hordaland SVs alternative overordna prinsipp for den vidaregåande skulen i Hordaland: 1. Den vidaregåande skulen i Hordaland skal vera eigd og driven av Hordaland fylkeskommune. 2. Den vidaregåande skulen skal vera gratis for alle. Dersom elevar skal bu på hybel, vil dette verta ei ekstrautgift som ikkje alle foreldre /elevar har råd til. Dette kan føra til at elevar vert hindra i å ta den utdanninga dei ønskjer. Elevar som bur på hybel mister oppfølging frå foreldra i skulekvardagen. 3. Ingen skal måtta bu på hybel for å gå på vidaregåande skule. I distrikta må tilrettelagt opplæring, innføringsklassar og vaksenopplæring ikkje verte konsentrert til færre skular enn i dag. Innføringsklassar for minoritetsspråklege må vere i skulemiljøet 5

dei minoritetsspråklege skal inn i, for å gjera integreringa av elevane lettare. Leigemarknaden for bustader er vanskeleg. 4. Fråfallet i vidaregåande skule må reduserast. Å redusera fråfallet er god økonomi. Fråfallet kostar samfunnet mellom 5 og 10 milliardar pr. årskull på landsbasis. På same vis som innan helsesektoren må ein snu utviklinga frå reparasjon til førebygging. Å sikra at elevar fullfører vidaregåande skule er eit av det mest samfunnsøkonomiske tiltaket ein kan gjera. 5. Alle elevar skal ha rett til eit godt arbeidsmiljø fysisk og psykisk. Bygningane skal vera universelt utforma og ha eit godt inneklima og utemiljø. Skulegongen skal ikkje vera prega av mobbing eller seksuell trakassering. 6. Alle elvar skal ha rett til å gå på nærskulen sin. Bustadadresse og interesse skal vera viktigaste kriterium for inntak, ikkje karakterar. Karakterstyrt inntak fører til at ein må skyssa elevar som ikkje har gode nok karakter til å koma inn på nærskulen sin. 7. Klima og miljøperspektivet må ivaretakast i planen. Ein sentralisert skulestruktur fører til meir reising i rushtida. Samling av tilbod i Bergen sentrum vil auka trykket i ein allereie pressa bykjerne. Det ligg an til overkapasitet og sentralisering av tilbod i sentrum. Dette og fordi alle dei private tilboda er der i tillegg til dei offentlege. 8. Elevar som treng spesialundervisning skal få undervisning på nærskulen sin. Dei må integrerast nærmiljøet sitt og ikkje samlast i store institusjonsliknande spesialskular. Det er særs viktig at denne elevgruppa ikkje får for lang reisetid og må bu vekke frå heimen. 9. Vaksenopplæringa og fagopplæringa må vera desentralisert. Tilbodet må vera der behovet og næringslivet er. Det må vera mogleg å etterutdanna seg samstundes som ein går i arbeid. Det er svært viktig for rekruttering av kvalifisert arbeidskraft til næringslivet i distrikta at dei vidaregåande skulane får halda fram med same breidda i utdanningsprogramma som i dag. Dette aukar også sjansen for at elevane vil verta buande i heimekommunen sin i framtida. 10. Fire parallellar må ikkje vera eit krav i distrikta. Her må ein bruka andre kriterium, ikkje minst med tanke på å rekruttera til eit framtidsretta næringsliv som i stor grad er lokalisert utanfor Bergen. Dersom lærlingane forlet distrikta kan det vera vanskeleg å få dei attende. 11. Reduksjonen i talet på vidaregåande skular i Hordaland må først og fremst gjerast i sentrale strok der dette minst mogeleg skaper avstandar/vanskar for elevar og tilsette.» Aud Karin Oen sette fram slikt forslag b): «Sak om vaksenopplæringssentra vert utsett til ein vedtek heile planen under eitt.» Oen sitt forslag b) om utsetjing fekk 1 røyst (SV) og fall. Saka vart behandla. Grung sine oversendingsforslag a), b) og c) vart samrøystes vedteke oversendt til fylkesrådmannen. Oen sitt forslag a) fekk 1 røyst (SV) og fall. Strømme sitt forslag fekk 4 røyster (H) og fall. Grung sitt forslag fekk 7 røyster (A, SV, SP, KrF) og fall. 6

Innstillinga punkt 1 vart samrøystes vedteken som innstilling til fylkestinget. Innstillinga punkt 2 vart samrøystes vedteken som innstilling til fylkestinget. Innstillinga punkt 3 vart samrøystes vedteken som innstilling til fylkestinget. Innstillinga punkt 4 vart samrøystes vedteken som innstilling til fylkestinget. Innstillinga punkt 5 vart samrøystes vedteken som innstilling til fylkestinget. Innstillinga punkt 6 vart vedteken som innstilling til fylkestinget mot 7 røyster (A, SV, SP, KrF). Innstillinga punkt 7 vart vedteken som innstilling til fylkestinget mot 7 røyster (A, SV, SP, KrF). Innstillinga punkt 8 vart samrøystes vedteken som innstilling til fylkestinget. Innstillinga punkt 9 vart samrøystes vedteken som innstilling til fylkestinget. Innstillinga punkt 10 vart samrøystes vedteken som innstilling til fylkestinget. INNSTILLING TIL FYLKESTINGET 1. Fylkestinget vedtek følgjande vedkomande skole- og tilbodstruktur på Voss: a) Det skal som tidlegare bestemt etablerast to vidaregåande skolar på Voss; Nye Voss gymnas og Nye Voss vgs. Fagtilboda på Nye Voss vgs skal samlokaliserast på Skulestadmoen. b) Fagtilbod og dimensjonering på Nye Voss gymnas vert som vist i tabell i saksutgreiinga. Dette inneber m.a. at musikktilbodet vert oppretthalde. Studiespesialisering (ST) vert utvida til 2 fulle parallellar. Påbyggingskurs til generell studiekompetanse (PÅ) vert plassert på gymnaset, medan Elektrofag (EL) og Grupper for særskilt tilrettelagt opplæring (TO) vert plassert på Nye Voss vgs. Medium og kommunikasjon (MK) vert eit programfag (Medium og informasjonskunnskap) på Vg2 studiespesialiserande ved Nye Voss gymnas. Restaurant og matfag (RM) vert plassert på Nye Voss vgs. c) Dimensjonering av yrkestilboda på Nye Voss vgs vert gjort i saka i mars 2013. 2. Skoleutbygginga på Voss vert gjennomført slik: a) Fylkestinget ber fylkesrådmannen sjå om det er råd å ta gymsalen ut av totalenterprisen med oppstart så snart som råd. Informasjon vert gjeve fram imot endeleg vedtak. Det er naudsynt å få framdrift i samlokaliseringa, då Vossaskulane og befolkninga i regionen no har venta lenge nok på iverksetjing av vedtaka kring ny skulestruktur på Voss. b) Fase 1: Byggje gymsal, klasserom, lærararbeidsplassar og leggje til rette for EL og TO-lokalar på Nye Voss vgs. Planlagt ferdig: Hausten 2015. c) Fase 2: Rehabilitering og utbygging av Nye Voss gymnas. Planlagt ferdig: Hausten 2017. d) Fase 3: Full samlokalisering av nye Nye Voss vgs på Skulestadmo ved å byggje nye verkstader til erstatning for Bryn. Tidsplan må avklarast i saka i mars 2013. 3. Fylkestinget vedtek følgjande vedkomande Amalie Skram vgs, Bjørgvin vgs, Bergen Handelsgymnasium (BHG) og Tanks vgs når Amalie Skram vgs vert teken i bruk ved skolestart hausten 2014: a) Bjørgvin vgs, BHG og Tanks vgs vert lagt ned. b) Bjørgvin vgs avdeling Kyrre vert vidareført som ei avdeling under Bergen Katedralskole. c) Bjørgvin vgs sine tilbod på Service og samferdsel (SS) og ST, samt Tilrettelagt gruppe innanfor service og samferdsel (HT-gruppene), vert flytta til Amalie Skram vgs. Helse- og oppvekstfag (HO-tilboda) vert flytta til Årstad vgs. d) BHG sine tilbod på ST og SS vert flytta til Amalie Skram vgs, og MK vert vidareført som eit programfag ved same skule. 7

e) ST-tilbodet på Tanks vgs vert flytta til Amalie Skram vgs. f) Amalie Skram vert dimensjonert for 1091 elevar fordelt på ST, SS, PÅ og TO som vist i tabell i saksutgreiinga. Toppidrett symjing inngår i ST. Om toppidrett skal utvidast på bekostning av tilbodet ved Tertnes vgs vert vurdert i saka i mars 2013. 4. Bergen tekniske fagskole sine Kvardagsliv og arbeidstreningsgrupper (HTH og HTA- grupper) i Margaretastredet vert vidareført under Amalie Skram vgs. 5. Lønborg vgs vert oppretthalde til Åsane vgs er samla i nytt skulebygg. Fagtilboda ved Lønborg vgs vert då overført til Åsane vgs. Tidsplan vert fastlagt i saka i mars 2013. 6. Samstundes med at BHG vert lagt ned, vert det oppretta eit vaksenopplæringssenter for Stor- Bergen med hovudbase i skolen sine lokale i Kalfarveien. Senteret vil organisere VO-kurs og ha opplæringstilbod på skolar i heile Stor-Bergen. Senteret vert organisert som ei avdeling under Bergen Katedralskole. 7. Når vaksenopplæringa vert flytta til Kalfarveien, får Bergen Katedralskole utvida vgs-tilbodet til 7 parallellar på ST og innføringsklassar som vist i saksutgreiinga. Tilbodet med International Baccalaureate (IB) vert vidareført og vurdert utvida med ein parallell. Det vert føresett at ein ikkje går ut over totaltalet parallellar fastsett i planen. Skolen får ikkje tilbygg, men får etablert nye pedagogarbeidsplassar ved ombygging i eksisterande bygg. Tidsplan for byggjeprosjektet vert fastlagt i saka i mars 2013. 8. Fylkestinget vedtek følgjande for Årstad vgs: a) Bygg- og anleggsteknikk-tilbodet (BA) vert lagt ned frå skoleåret 2013/14 slik at byggjeprosjektet ved skolen kan vidareførast. BA-tilbodet vert dekt av ulike skolar i alle naboregionane. b) Tabell i saksutgreiinga som syner dimensjonering av utdanningsprogram og programfag vert lagt til grunn for den vidare planlegginga av byggjeprosjektet på skolen. Det kan verte mindre justeringar i fagtilbod og dimensjonering i saka i mars 2013. c) Årstad vgs vert knutepunktskole for helsefagopplæring. Skolens strategiske plassering mellom Bergen sine omsorgsinstitusjonar, nærleik til Haukeland sjukehus/helse Bergen HF og Høgskolen i Bergen bør kunne utnyttast til å inngå samarbeidsavtalar som løftar det faglege miljøet. 9. Fylkeskommunen sine omstillingsreglar må leggjast til grunn ved nedlegging, samanslåing og oppretting av nye skolar, og flytting/endring av utdanningstilbod. Det må setjast av nok tid og økonomiske ressursar for å få til gode omstillingsprosessar. 10. Det bør vurderast å få på plass ein samarbeidsavtale med Høgskolen i Bergen og/eller Universitet i Bergen og Norges Handelshøgskole etter same modell som på Nordahl Grieg vgs. 298/12 NY ELEV PC-ORDNING - PRIVATEIGDE ELEVMASKINER Marte Malones sette fram slikt forslag: «Alternativ til punkt 1,2 og 3: Dagens elev-pc-ordning vert vidareført, og fullfinansiert av fylkeskommunen.» 8

Innstillinga vart vedteken som innstilling til fylkestinget med 9 røyster mot 6 røyster (A, SV, SP) for Malones sitt forslag. INNSTILLING TIL FYLKESTINGET 1. Noverande elev-pc-ordning med fylkeseigde pc-ar vert fasa ut og erstatta av ei ordning med privateigde elevmaskiner. 2. Ny ordning vert etablert til skolestart i 2013-2014, og ordninga skal vere fullt etablert seinast innan utgangen av 2016. 3. Føremonane med privateigd pc er størst ved innføring av ope nett, og det er ei målsetjing å få dette på plass ved dei vidaregåande skulane så snart som råd. 4. Ope nett vert innført så snart endeleg budsjett er vedteke. 299/12 ØKONOMISK HANDLEFRIDOM II Inge Reidar Kallevåg sette på vegner av H, Frp og V fram slikt forslag: «Fylkestinget godkjenner den framlagde tiltaksplanen som grunnlag for vidare arbeid. Fylkestinget vil ta stilling til dei einskilde tiltaka i samband med budsjetta for dei komande åra eller som einskildsaker. Inntekter frå reklame på transportmidlar på 5 mill. kr må takast ut av prosjektet. I forslag til budsjett for 2013 frå H, Frp og V er desse midlane tenkt nytta til ei styrking av kollektivtilbodet i fylket, og kan med det ikkje nyttast som auka inntekter i dette prosjektet.» Aud Karin Oen sette fram slikt forslag: «Forslag til nytt punkt: Spesialundervisninga vert skjerma for nedskjeringar, særleg elevar med rett til eit 4.og 5. opplæringsår.» Astrid F. Selsvold sette fram slikt forslag: «Tillegg: Ap går i mot reduksjon av tilskot til fylkesidrettsanlegg og kulturbygg og vil heller redusere den auka støtta til musea med 2 millionar.» Oen sitt forslag fekk 6 røyster (SV, SP, A) og fall. Selsvold sitt forslag fekk 5 røyster (A, SP) og fall. Innstillinga punkt 1 fekk 6 røyster (A, SP, SV) og fall. Innstillinga punkt 2 fekk 6 røyster (A, SP, SV) og fall. Innstillinga punkt 3 fekk 7 røyster (A, SP, SV, KrF) og fall. Innstillinga punkt 4 fekk 7 røyster (A, SP, SV, KrF) og fall. Innstillinga punkt 5 fekk 7 røyster (A, SP, SV, KrF) og fall. Innstillinga punkt 6 fekk 6 røyster (A, SP, SV) og fall. Kallevåg sitt forslag vart vedteke som innstilling til fylkestinget mot 7 røyster (A, SV, SP, KrF). INNSTILLING TIL FYLKESTINGET Fylkestinget godkjenner den framlagde tiltaksplanen som grunnlag for vidare arbeid. Fylkestinget vil ta stilling til dei einskilde tiltaka i samband med budsjetta for dei komande åra eller som einskildsaker. 9

Inntekter frå reklame på transportmidlar på 5 mill. kr må takast ut av prosjektet. I forslag til budsjett for 2013 frå H, Frp og V er desse midlane tenkt nytta til ei styrking av kollektivtilbodet i fylket, og kan med det ikkje nyttast som auka inntekter i dette prosjektet. 300/12 KLIMAPLANENS HANDLINGSPROGRAM FOR 2013 Aud Karin Oen sette fram slikt forslag: «Forslaget om oljefyr frå fylkestinget må inn i klimaplanen.» Terje Søviknes sette på vegner av Frp og H fram slikt forslag: «Tilleggspunkt til innstillinga: Punkt 5.14 «Differensierte bompengar» utgår frå handlingsprogrammet.» Ruth Grung sette fram slikt forslag: 1. «Fylkesutvalet meiner det er kritikkverdig at fylkeskommunen har hatt ei markant auke av Co2-utsleppa stikk i strid med vedtekne mål om reduksjon. 2. Trolleybussar bør nemnast som verkemiddel.» Ruth Grung sette fram slikt oversendingsforslag: 1. «Kommunikasjonsstrategien (tiltak 1.3) må også omtale tiltak som set innbyggjarane betre i stand til å ta i bruk energitiltak i eigen bustad. Det er vanskeleg for vanlege folk å orientere seg om ulike støtteordningar og ny kunnskap. 2. Tiltak 4.4 Klima- og energieffektiv bygging skal vere sentralt i byggfaga i vidaregåande opplæring, bør prioritere etterutdanning av lærarar framfor en skoledag på HIB. Viser til fylkesutvalvedtak om kompetanseplan. 3. Tiltak 1.4 om effekt av klimatiltak utgår og bør heller adresserast nasjonalt. 4. Tiltak 1.8 om å utarbeide eit opplegg for en klimadag i vidaregåande bør gå til ein skole eller FAU framfor å lyse det ut eksternt for at konsulentbransjen skal ta det. 5. Tiltak 4.3 regionalt samarbeid om energieffektivisering. I tillegg til regionråda bør HiB inviterast til å delta. Dei forskar og utdannar innan energi, klima, bygg og planlegging. 6. Pilotprosjektet «heilt elektrisk» har fått millionstøtte frå Transnova og Innovasjon Norge. Det vert sett av 1 million frå klimafondet som del av den fylkeskommunale støtta for at prosjektet kan starte opp. 7. Ber om at fylkesrådmannen ved neste rullering løftar opp nokre få saker som vert prioriterte og dermed kan synleggjerast som satsingsområde framfor å spreie ressursane på så mange små tiltak.» Aud Karin Oen sette fram slik protokollmerknad: «SV er og uroa over auken i Co2-utslepp, men så lenge auken er på kollektivtransport, må det sjåast i eit anna lys. Ein må heller ha fokus på drivstoffa til bussane og at dei vert meir miljøvenlege.» 10

Torill Selsvold Nyborg sette fram slikt forslag: «Klimaplanen bør innehalde formuleringar som synleggjer at 20 % av parkeringsplassane skal vere tilrettelagde for elbil. Til punkt 3.1: Fylkeskommunen bør tilstrebe ISO-standard 1401 på miljøsertifiseringa av eiga drift.» Innstillinga frå kultur- og ressursutvalet vart lagt til grunn for røystinga. Grung sitt oversendingsforslag vart samrøystes vedteke oversendt til fylkesrådmannen. Nyborg sitt forslag fekk 2 røyster (KrF, SV) og fall. Søviknes sitt forslag fekk 7 røyster (FrP, H) og fall. Innstillinga punkt 1 vart samrøystes vedteken som innstilling til fylkestinget. Innstillinga punkt 2 vart samrøystes vedteken som innstilling til fylkestinget. Innstillinga punkt 3 vart samrøystes vedteken som innstilling til fylkestinget. Innstillinga punkt 4 fekk ingen røyster og fall. Innstillinga punkt 5 vart vedteken som innstilling til fylkestinget mot 3 røyster (Frp). Fylkesutvalet røysta ikkje over forslaga frå Grung og Oen. INNSTILLING TIL FYLKESTINGET 1. Fylkestinget vedtek Klimaplanens handlingsprogram for 2013 slik det går fram av saka. 2. Økonomisk ramme for klimaplanens handlingsprogram for 2013 (klimabudsjettet) vert handsama i fylkesbudsjettet for 2013. 3. Fordeling av midlar frå klimabudsjettet på dei einskilde tiltaka går fram av handlingsprogrammet. Fylkesrådmannen får fullmakt til å gjere nødvendige justeringar i handlingsprogrammet. 4. Trolleybussar bør nemnast som verkemiddel. Protokollmerknad frå SV SV er og uroa over auken i Co2-utslepp, men så lenge auken er på kollektivtransport, må det sjåast i eit anna lys. Ein må heller ha fokus på drivstoffa til bussane og at dei vert meir miljøvenlege. 301/12 DELVIS BOMPENGEFINANSIERING AV ASKØYPAKKEN - SØKNAD Innstillinga vart vedteken som innstilling til fylkestinget mot 3 røyster (Frp). INNSTILLING TIL FYLKESTINGET 1. Fylkestinget godkjenner søknad om delvis bompengefinansiering av «Askøypakken» frå 27.09.2012, under føresetnad av at Samferdselsdepartementet tillet at Askøypakken kan gjenomførast uavhengig av ein eventuell komande «regionpakke» for Bergensområdet. 2. Fylkestinget ber om at det vert etablert eit bompengeselskap for Askøypakken, der fylkeskommunen har eigarmajoritet og fleirtal i styret. Fylkesutvalet får fullmakt til å teikna aksjar i selskapet og oppnemna styremedlemmer for fylkeskommunen. 3. Fylkestinget ber om at det vert oppretta eit kontaktutval med administrativ deltaking frå Statens vegvesen, bompengeselskapet for Askøypakken, Askøy kommune og Hordaland fylkeskommune med mandat å sikra framdrift, gjennomføring og tilstrekkeleg finansiering for alle investeringsprosjekt/tiltak i Askøypakken. 11

302/12 FORVALTNINGSREVISJONEN "BRUK AV DIGITALE VERKTØY OG LÆREMIDDEL I VIDAREGÅANDE SKULE" - ORIENTERING OM NYE TILTAK Ruth Grung sette fram slikt forslag: «Tillegg: a) Fylkesutvalet støttar bruk av digitale verktøy og læremiddel der det er føremålstenleg, men det er viktig at både elevar og lærarar vert tekne med på samråd om kva fag det vil gjelde for. Både elevar og lærarar ønskjer å ha gode lærebøker. Det vert etterlyst meir forskingsbasert dokumentasjon på læringseffekten ved bruk av digitale verktøy. b) Skolearena og It`s learning «snakkar» ikkje saman, og medfører mye ekstra arbeid med at lærarar må føre dobbelt og arbeide på to ulike plattformar. Det bør rettast opp snarast. Innføring av nye system eller verktøy bør prøvast ut på nokre få skolar før det vert innført for alle skolane.» Fylkesrådmannen sitt forslag vart samrøystes vedteke som innstilling til fylkestinget. Grung sitt forslag a) fekk 7 røyster (A, SV, SP, KrF) og fall. Grung sitt forslag b) vart vedteke som innstilling til fylkestinget mot 3 røyster (FrP). INNSTILLING TIL FYLKESTINGET Fylkestinget tek svara på dei åtte punkta frå forvaltningsrevisjonen «Bruk av digitale verktøy og læremiddel i vidaregåande skule» til orientering. Skolearena og It`s learning «snakkar» ikkje saman, og medfører mye ekstra arbeid med at lærarar må føre dobbelt og arbeide på to ulike plattformar. Det bør rettast opp snarast. Innføring av nye system eller verktøy bør prøvast ut på nokre få skolar før det vert innført for alle skolane. 303/12 KONSTITUERING I STILLINGA SOM FYLKESRÅDMANN Fylkesordføraren sitt forslag vart samrøystes vedteke som innstilling til fylkestinget. INNSTILLING TIL FYLKESTINGET Økonomidirektør Johnny Stiansen vert konstituert i stillinga som fylkesrådmann i tida 14.12.2012 til og med 31.01.2013. 304/12 SNØGGBÅT NORDHORDLAND - BERGEN Torill Selsvold Nyborg sette fram slikt forslag: «Fylkesutvalet er positiv til å nytta seg av opsjon på snøggbåten Bergen-Nordhordland frå hausten 2013 (ca. 12. august). Før neste møte i fylkesutvalet vert fylkesrådmannen beden om å greia ut fylgjande. 1. Kostnad for opsjonen i aktuelt tidsrom. 2. Kostnaden ved at kombikortet kostar periodekort på buss+300 kr. 3. Bakgrunnen for at pris på båt og buss Bergen-Askøy er den same, medan det mellom Nordhordland og Bergen er ein skilnad på om lag 700 kr/mnd.» Innstillinga vart vedteken med 8 røyster mot 7 røyster (KrF, A, SP, SV) for Nyborg sitt forslag. 12

1. Opsjon om å starte snøggbåtruta Nordhordland-Bergen med mellombels materiell frå 01.01.2013 vert ikkje utløyst. 2. Takstane for strekninga Bergen-Knarvik vert basert på 6 båtsoner. Takstane for strekninga Bergen-Frekhaug vert basert på 5 båtsoner. 305/12 DROSJELØYVE MED SÆRSKILTE MILJØKRAV Mona Hellesnes sette fram slikt forslag: «Saka vert utsett.» Hellesnes sitt forslag vart samrøystes vedteke. Saka vert utsett. 306/12 VIDEOOVERVAKING AV ASKØYBRUA FOR Å HINDRA SJØLVMORD Aud Karin Oen sette fram slikt forslag: «Saka vert utsett.» Oen sitt forslag vart samrøystes vedteke. Saka vert utsett. 307/12 MELDING OM OVERFØRING AV VAKSDALSVASSDRAGET TIL SAMNANGERVASSDRAGET - FRÅSEGN Torill Selsvold Nyborg stilte spørsmål om ho var ugild fordi ho sit i styret for BKK. Tom-Christer Nilsen opplyste at far hans er styreleiar i BKK, og stilte spørsmål om han var ugild. Nilsen og Nyborg gjekk frå under drøftinga. Fylkesvaraordførar Mona Hellesnes leidde møtet. Det var 13 representantar til stades. Fylkesutalet vedtok samrøystes at verken Tom-Christer Nilsen eller Torill Selsvold Nyborg var ugilde fordi BKK ikkje er direkte part i saka. Jf. forvaltningslova 6, 1. og 2. ledd. Det var 15 representantar til stades. 13

Astrid F. Selsvold sette fram slikt forslag: «Saka vert utsett til dei berørte kommunane har uttalt seg.» Selsvold sitt forslag om utsetjing fekk 7 røyster (A, SV, SP, Krf) og fall. Saka vart behandla. Astrid F. Selsvold sette fram slikt forslag: «Nytt punkt: Konsekvensutgreiinga må innehalde: Korleis eksisterande reguleringsmagasin vert påverka Flomtilhøve og mogleg erosjon Minstevassføring Verknad på grunnvasstilhøve og vassforsyning Verknad for lokale skatte- og avgiftsinntekt Verknad av evt. konsesjonskraft Verknad på lokal verdiskaping Is- og maritime tilhøve ved fjorden Plassering av overskotsmassar samt evt. vegar til allmenn bruk.» Fylkesrådmannen sitt forslag vart samrøystes vedteke. Selsvold sitt forslag vart samrøystes vedteke. 1. Framlegg til KU-program for overføring frå Vaksdalsvassdraget til Samnangervassdraget inneheld dei viktigaste fagemna som fylkeskommunen ønskjer å få svar på i samband med konsekvensutgreiinga for prosjektet. Fylkesutvalet vil særleg peike på at utgreiinga må ta omsyn til retningslinene frå fylkesdelplan for små vasskraftverk, og tydeleg vise alle naudsynte inngrep, i tillegg til fotoillustrasjon som viser nær- og fjernverknad av inngrep med varierande vassføring. Vidare må ein ha særleg merksemd på sumverknader av vedtekne og planlagde inngrep i området. 2. Konsekvensutgreiinga må inkludere dokumentasjon av kulturminnefagleg kompetanse basert på synfaringar. Potensiale for og grad av konflikt med kulturminne må synleggjerast og avbøtande tiltak vurderast. Alternativ til utfylling av Fossavatnet og tilkomst via Herfindal (alt. B) må utgreiast for å unngå konflikt. 3. Konsekvensutgreiinga må innehalde: Korleis eksisterande reguleringsmagasin vert påverka Flomtilhøve og mogleg erosjon Minstevassføring Verknad på grunnvasstilhøve og vassforsyning Verknad for lokale skatte- og avgiftsinntekt Verknad av evt. konsesjonskraft Verknad på lokal verdiskaping Is- og maritime tilhøve ved fjorden Plassering av overskotsmassar samt evt. vegar til allmenn bruk. 4. Fylkesutvalet peiker på at undersøkingane må gjerast slik at vassdraget kan klassifiserast etter vassforskrifta. Konsekvensutgreiinga bør klargjere om tilstanden i vassførekomsten etter 14

utbygging vil oppfylle kravet til «god økologisk status». 308/12 DIGITAL KOMMUNIKASJON SOM HOVUDREGEL - ENDRINGAR I FORVALTNINGSLOVA - HØYRING Fylkesrådmannen sitt forslag vart samrøystes vedteke. Fylkesutvalet vurderer at teksten i 16 og 17 ikkje erstattar fullt ut teksten i 15a, og vice versa, og at det må gjerast endringar i alle paragrafar. Når det gjeld endringar i 15a, er alternativ 2: «Digitalt førsteval for dei digitalt aktive» det alternativet som i størst grad vernar om brukarane sine interesser. Dette alternativet avgrensar ambisjonane om digitalt førsteval til dei som aktivt har registrert seg i det komande kontaktinformasjonsregisteret, og som ikkje har reservert seg i det planlagde reservasjonsregisteret. Når det gjeld endringar i 16 og 27, er alternativ 1 det som best vernar om brukarane sine interesser. Alternativ 1 krev at vilkåra for elektronisk kommunikasjon er oppfylt dersom mottakaren 1) sjølv har kontakta forvaltningsorganet elektronisk, 2) i løpet av de siste tolv månadene har registrert seg eller oppdatert sine opplysningar i kontaktinformasjonsregisteret og 3) ikkje har registrert seg i reservasjonsregisteret. 309/12 HØYRING - ENDRING AV AKVAKULTURLOVA Fylkesrådmannen sitt forslag punkt 1 vart samrøystes vedteke. Fylkesrådmannen sitt forslag punkt 2 vart vedteke mot 1 røyst (SV). Fylkesrådmannen sitt forslag punkt 3 vart vedteke mot 1 røyst (SV). Fylkesrådmannen sitt forslag punkt 4 vart samrøystes vedteke. Fylkesrådmannen sitt forslag punkt 5 vart samrøystes vedteke. 1. Fylkesutvalet i Hordaland stør at det kan innføras ei heimel i lova for merking av fisk. Fylkesutvalet i Hordaland går imot innføring av krav om merking før ei optimal merkeordning er etablert. 2. Fylkesutvalet i Hordaland meiner at å innføre eit krav om bruk av steril fisk no ikkje er rett før det er gjort meir forsking rundt dette temaet. 3. Fylkesutvalet i Hordaland tilrår ikkje å støtte forslaget om å innføre ei avgift for å finansiere offentleg miljøovervaking slik det ligg føre i dag. 4. Fylkesutvalet i Hordaland stør forslaget om ei meir heilskapleg miljøovervaking, men ønskjer ei meir konkretisering av lova i forskrifta slik at det vert eins oppfatning av kva som krevst av nye miljøundersøkingar i samband med søknader. Vassdirektivet har også miljøovervaking og tilpassa miljøtiltak som formål. Fylkesutvalet meiner at dette må sjåast i samanheng. 5. Fylkesutvalet i Hordaland meiner at forslaget om ein avgiftspool for havbruksnæringa ikkje kan etablerast og at ordninga må utgreiast meir før den kan innførast. 15

310/12 INTENSJONSAVTALE OM ISLANDSK-NORSK SAMARBEID 2013-2014 Innstillinga vart vedteken mot 3 røyster (FrP). 1. Fylkesutvalet sluttar seg til intensjonsavtalen om islandsk-norsk samarbeid 2013-2014 i utviklinga av Vigdis International Center for Multilingualisme og Interkulturell Forståelse. 2. Ved utgangen av avtaleperioden skal resultat og vidare engasjement vurderast nærare. 311/12 GODKJENNING AV 3 PROSJEKTREKNESKAPAR INNAN SKULESEKTOREN Fylkesrådmannen sitt forslag vart samrøystes vedteke. Fylkesutvalet godkjenner prosjektrekneskapane i denne saka. 312/12 JUSTERING AV UNDERVISNINGSTILBODET FOR SKOLEÅRET 2013-2014 Mona Hellesnes sette på vegner av V, H, FrP og A fram slikt forslag: «Det vert oppretta Vg1 (Naturbruk), Klima, energi og miljø på Voss jordbruksskule frå skuleåret 2012-2014.» Ruth Grung sette fram slikt forslag: «Endringsforslag: 1. Fylkesutvalet gir sin tilslutning til at Knarvik vidaregåande skole får utvide tilbodet på TAF Elektro. Fylkesutvalet sluttar seg i hovudsak til skolens grunngjeving og at utdanninga ut over produksjonselektrikarfaget vil føre til eit halvt år lengre læretid. Fylkesutvalet viser til drøftinga skolen har hatt med elever, foreldre og bedrifter og meiner at TAF er med på å styrke rekrutteringa i yrkesfag og at dette tilbodet i liten grad konkurrerer med vanlege læreplassar i faget. Det vert føresett at avtalar om elev/ læreplass er innhenta før endeleg tilsegn vert gjeve. 2. Det vert oppretta VG2 Klima- energi- og miljøteknikk på Stord vgs. Det er større interesse for dette faget for elevane som no går på VG1 Bygg- og anleggsteknikk enn det har vore tidlegare år. Trongen for lærlingar innan dette fagområdet, særleg røyrleggjarar, er framleis stort. Fylkesutvalet ønskjer å styrkje tilbodet i fag der det er tilgjengelege læreplasser. 3. Det vert oppretta Vg1 Studiespesialiserande med Formgjevingsfag på Stord vgs. Regionen har lange tradisjonar på opplæring i formgjevingsfag. Etter kunnskapsløftet har talet på søkjarar vorte redusert. Det har vore mye uklårheit om tilbodet skulle vidareførast. Fylkeskommunen må utarbeide ein strategi for å byggje tilbodet opp på nytt over nokre år, slik at ungdom i Sunnhordland får eit breitt utdanningstilbod. Det er fleire arbeidsmoglegheiter innan kreative yrke. 4. Det vert oppretta Musikk Dans og Drama Vg1 (15 elevplassar) på Stord vgs. Det er behov for å styrke dei estetiske og kreative utdanningstilboda. Sunnhordland har eit aktivt teatermiljø og skulen har teaterscene. Fylkeskommunen bør gi fullverdig opplæring i MDD utanom Bergen. 16

5. Det vert oppretta TAF 4 årig Teknikk- og ind.prod. ved Stord vgs og Kvinnherad vgs. Det vert føresett at avtalar om elev/læreplass er innhenta før endeleg tilsegn vert gitt. 6. Det vert oppretta TAF 4 årig Elektro ved Stord vgs. Det vert føresett at avtalar om elev/læreplass er innhenta før endeleg tilsegn vert gitt. 7. Vg2 Køyretøy ved Odda vgs vert ikkje oppretta med mindre det vert dokumentert intensjonsavtale om læreplass for minst 10 elevar. 8. Frisørfag vert lagt ned på Stord vgs. Frisørfag vert oppretta ved Fitjar vgs. 9. Tilbodet om Allmennfagleg påbygging vert redusert med 30 %. Det vert oppretta tilbod til fagarbeidarar som har bestått fag-/sveineprøve. 10. Det vert oppretta tilbod om opplæring i vekslingsmodellen i byggfag på Slåtthaug videregående skole. 11. Ap sluttar seg til prinsippa til partane sitt felles vedtak i YON i desember 2011 og som vart vedteke på nytt i år om at fylkeskommunen i langt større grad må tilby ungdom undervisningstilbod i yrkesfag tilpassa tilgang på læreplassar. Det er på yrkesfag vi har størst fråfall, og betre samsvar mellom skoletilbod og læreplass vil bidra til at fleire gjennomfører vidaregåande opplæring.» Hellesnes sitt forslag vart samrøystes vedteke. Grung sitt forslag punkt 1 fekk 7 røyster (A, SV, SP, KrF) og fall. Grung sitt forslag punkt 2 fekk 7 røyster (A, SV, SP, KrF) og fall. Grung sitt forslag punkt 3 fekk 7 røyster (A, SV, SP, KrF) og fall. Grung sitt forslag punkt 4 fekk 7 røyster (A, SV, SP, KrF) og fall. Grung sitt forslag punkt 5 fekk 7 røyster (A, SV, SP, KrF) og fall. Grung sitt forslag punkt 6 fekk 7 røyster (A, SV, SP, KrF) og fall. Grung sitt forslag punkt 7 fekk 7 røyster (A, SV, SP, KrF) og fall. Grung sitt forslag punkt 8 fekk 7 røyster (A, SV, SP, KrF) og fall. Grung sitt forslag punkt 9 fekk 7 røyster (A, SV, SP, KrF) og fall. Grung sitt forslag punkt 10 vart samrøystes vedteke. Grung sitt forslag punkt 11 fekk 7 røyster (A, SV, SP, KrF) og fall. Innstillinga med dei vedtekne endringane vart samrøystes vedteken. Oppretting hausten 2013 Elevar Stud.retn. Årssteg Kode Kurs Org. stad Skolenamn 15 ID Vg2 IDIDR2---- Idrettsfag 660 Etne vgs 27 ST Vg2 SUSP2---- Studiespesialiserande 665 Stord vgs 15 TP Vg2 TPPIN2---- Industriteknologi 631 Rubbestadnes vgs 15 SS Vg2 SSSSS2---- Sal, service og sikkerheit 630 Kvinnherad vgs 15 HS Vg2 HSHEA2---- Helsearbeidarfaget 628 Odda vgs 15 TP Vg2 TPKJT2---- Køyrety 628 Odda vgs 27 ID Vg3 IDIDR3--- Idrettsfag 628 Odda vgs 12 HS Vg2 HSBUA2---- Barne- og ungdomsarbeidarfaget 635 Norheimsund vgs 17

12 HS Vg2 HSHEA2---- Helsearbeidarfaget 635 Norheimsund vgs 12 NA Vg1 Naturbruk m/ klima, energi og miljøfag 659 Voss jordbruksskule 15 ST Vg3 STFOR3---- St.spesialiserande Formgjeving 650 Voss Husflidskule 15 NA Vg3 NALBR3---- Landbruk 659 Voss jordbruksskule 27 ST Vg2 STUSP2---- Studiespesialiserande 611 Os gymnas 27 ST Vg3 STUSP3---- Studiespesialiserande 626 Sandsli vgs 14 ID Vg2 IDIDR2--- Idrettsfag 658 Stend vgs 15 ID Vg3 IDIDR3--- Idrettsfag 658 Stend vgs 12 DH Vg3 DHKJD3F--- Kjole- og draktsyarfaget 639 Årstad vgs 7 ST Vg2 STREA2---- Internasjonal klasse Thüringen 643 Askøy vgs 8 ST Vg2 STSSA2---- Internasjonal klasse Thüringen 643 Askøy vgs 15 DH Vg2 DHFRI2---- Frisørfaget 645 Sotra vgs 15 HS Vg1 HSHSF1C--- Helse- og oppvekst (min. språklege) 656 Lønborg vgs 15 EL Vg2 ELDEL2---- Data og elektronikk 638 Åsane vgs 12 EL Vg3 ELAUT3---- Automatisering 641 Austrheim vgs 12 DH Vg2 DHDTE2---- Design og tekstil 634 Knarvik vgs 374 Oppretting hausten 2013 Nedlegging hausten 2013 Elevar Stud.retn. Årssteg Kode Kurs Org. Skolenamn stad -15 ST Vg3 STFOR3---- Studiespesialisering-formgjevingsfag 665 Stord vgs -5 TP Vg3 TPTIP4P--- Taf 4-årig Teknikk- og ind.prod (3) 665 Stord vgs -7 EL Vg3 ELELE4P--- Taf 4-årig Elektro (3) 665 Stord vgs -15 HS Vg2 HSBUA2---- Barne- og ungdomsarbeidarfaget 628 Odda vgs -6 TP Vg3 TPTIP4P--- Taf 4-årig Teknikk- og ind.prod (4) 630 Kvinnherad vgs -15 ST Vg3 STUSP3---- Studiespesialisering komprimert løp 622 Bergen handelsgym -63 Nedlegging hausten 2013 311 Endring hausten 2013 Det vert oppretta Vg1 (Naturbruk), Klima, energi og miljø på Voss jordbruksskule frå skuleåret 2013-2014. Det vert oppretta tilbod om opplæring i vekslingsmodellen i byggfag på Slåtthaug videregående skole. Endringane er innarbeidd i ovanståande tabell. Fylkeskommunen tek initiativ til eit møte mellom LO, NHO og kommunane Kvinnherad og Stord. Målet er å få oppretta TAF-linje igjen, då dette er eit viktig tilbod for næringslivet i Sunnhordland. 313/12 ENDRING I STYREVEDTEKTENE FOR HORDALAND FAGSKOLESTYRE Innstilling vart samrøystes vedteken. Styrevedtekter for Hordaland fagskolestyre vert vedteke med følgjande endring i punkt 6: 18

6. Styret opprettar ei klagenemnd med tre personar frå dei ulike fagmiljøa ved fagskulane. Klagenemnda skal handsama klager på enkeltvedtak for styret. Avgjerd om habilitet etter 6-10 og om teieplikt etter 13-13 e i forvaltningslova 10. februar 1967 gjeld for handsaming av saker, jfr. fagskulelova. Avgjerd om opptak, avsluttande vurdering, bortvisning, utestenging, utvising og andre disiplinære sanksjonar skal handsamast etter reglane om enkeltvedtak i forvaltningslova. 314/12 KONSESJONSSØKNAD FOR ALDALSELVA KRAFTVERK I SAMNANGER KOMMUNE - FRÅSEGN Torill Selsvold Nyborg gjekk frå som ugild fordi ho sit i styret for BKK. Jf. forvaltningslova 6, 1. ledd e. Tom-Christer Nilsen opplyste at far hans er styreleiar i BKK, og stilte spørsmål om han var ugild. Fylkesutalet vedtok samrøystes at Tom-Christer Nilsen var ugild, jf. forvaltningslova 6, 2. ledd. Nilsen gjekk frå under røystinga. Fylkesvaraordførar Mona Hellesnes leidde møtet. Det var 13 representantar til stades. Aud Karin Oen sette fram slikt forslag: «Hordaland fylkeskommune meiner at Aldalselva ikkje bør byggjast ut. Dette er eit verdifullt natur- og kulturområde, både med tanke på naturmangfald, friluftsliv, landbruk og kulturminne. Fylkeskommunen rår difor til at det ikkje vert gjeve konsesjon til Aldalselva kraftverk.» Innstillinga vart vedteken med 11 røyster mot 2 røyster (SV, V) for Oen sitt forslag. 1. Ut frå omfanget av ny produksjon av energi meiner fylkesutvalet i Hordaland at BKK sitt tidlegare omsøkte prosjekt for Frøland/Aldal kraftverk bør prioriterast framfor det grunneigarinitierte Aldal kraftverk. 2. Dersom konsesjonsstyresmaktene finn at BKK sitt prosjekt har arealverknader som gjer at prosjektet må reduserast i omfang, meiner fylkesutvalet at det bør vere rom for realisering av Aldal kraftverk i regi av grunneigarane. 3. Det vert stilt krav om at undersøkingsplikta etter 9 i kulturminnelova vert oppfylt i god tid før iverksetjing av tiltak. Dersom det vert avdekt konflikt med automatisk freda kulturminne, må tiltaka justerast eller eventuelt leggjast fram for Riksantikvaren som rette dispensasjonsmynde. 4. Kjende kulturminneverdiar er ikkje tilstrekkeleg opplyst i konsekvensutgreiinga. Det bør utførast ei tilleggsutgreiing av kulturminne-tema av ein med kulturminnefagleg kompetanse. 5. Avbøtande tiltak må vurderast for å sikre levetilhøva for hekkande fossekall i vassdraget. 6. Fylkesutvalet meiner det er særs uheldig at NVE har sendt to konkurrerande prosjekt på høyring til ulik tid då dette ikkje gjev ein gunstig høyringssituasjon med tanke på vurdering av totalbelasting for vassdraget og samanlikning av prosjekta. Fylkesutvalet er likevel nøgd med at prosjekta vert slutthandsama samla. 19

315/12 NY NETTOKONKURRANSE SNØGGBÅT HORDALAND Saksdokumenta er unnateke frå offentleggjering etter offentleglova 23 1. ledd Ruth Grung sette fram slikt forslag: «Endring: Funksjonskrav bør vurderast framfor alderskrav når det gjeld punkt 2 Fartøykrav.» Fylkesrådmannen sitt forslag vart samrøystes vedteke. Grung sitt forslag fekk 4 røyster (A) og fall. Nytt konkurransegrunnlag for nettoavtalar snøggbåt vert teke til orientering 316/12 GÅVE TIL AVTROPPANDE FYLKESRÅDMANN Saka vart lagt fram utan saksførelegg. Fylkesordførar Tom-Christer Nilsen sette fram slikt forslag: «Fylkesordføraren får fullmakt til å nytte kr 25.000 frå fylkesutvalet sin tilleggsløyvingskonto til avskilsgåve til avtroppande fylkesrådmann.» Nilsen sitt forslag vart samrøystes vedteke. Fylkesordføraren får fullmakt til å nytte kr 25.000 frå fylkesutvalet sin tilleggsløyvingskonto til avskilsgåve til avtroppande fylkesrådmann. Gro Stien Thorvaldsen sekretær 20