Austevoll kommune Møteprotokoll Formannskapet Møtestad: Kommunestyresalen Møtedato: 21.01.2016 Møtetid: 16:30-19:00 Sak nr: 001 006/2016 Følgjande medlemmar møtte Anja Heggholmen Håvard Endre Waage Renate Møgster Klepsvik Grethe Drønen Ringdal Joon Raymond Haugland Liv Bente Fagerbakke Storebø Morten Storebø Audun Instefjord Forfall meldt Helge Andre Njåstad Følgjande varamedlemmar møtte Edvard J. Stangeland Parti Ap Ap FrP H H H H KrF Parti FrP Parti Sp Møteleiar Frå adm. møtte Utlevert i møtet Orientering Merknader Innkalling Ordførar Morten Storebø Rådmann Helge Skugstad, kommunalsjef Ruth Larsen og konst. kommunalsjef Jofrid Troland. Astrid Fagerbakke møtte som sekretær. Rådmannen orienterte om aktuelle saker som administrasjonen arbeider med etter at budsjettet for 2016 vart vedteke. Ingen merknader Ingen merknader Morten Storebø Ordførar Grethe Drønen Ringdal Joon Raymond Haugland Liv Bente F. Storebø Anja Heggholmen Håvard Endre Waage Renate Møgster Klepsvik Audun Instefjord Edvard J. Stangeland
Sakliste Sak nr Tittel 001/16 Godkjenning av møtebok 002/16 Politisk kvarter 003/16 Referatsaker 004/16 Sjøtroll Havbruk AS - endring av lokalitet 11543 Buholmen 005/16 Representant i Oppnemningsutvalet for konfliktrådsmeklarar 006/16 Løyving av sponsormidlar til Austevoll IK Skøytegruppa
001/16: Godkjenning av møtebok Møteboka frå møte i formannskapet vert godkjent slik ho ligg føre. 002/16: Politisk kvarter Handsaming: Ordføraren orienterte om: Ordførar og rådmann var i møte med IMDI der det bl.a. var formidla vedtak gjort i kommunestyret med omsyn til mottak av flyktninger til Austevoll, bl.a. kor mange flyktninger kommunen skal ta i mot. Inntil 20 flyktninger i 2016, dette må tilpassast etter kvart. Det var drøfta korleis ein i praksis skal gjennomføra integreringa. Kommunen har tidlegare motteke 9 flyktningar og pga. familiegjenforening vil talet auka til 12 i løpet av 2016. Sak vedk. søknad frå privatperson om asylmottak i Austevoll var og omtalt i møte. Det var teke opp kva gruppe flyktningar kommunen skal ta i mot. Det har med kva evne kommunen har og kva forhold som er i kommunen i forhold til å ta imot spesielle grupper. Einslege mindreårige flyktningar kan vera aktuelt dersom det er private som kan ta imot desse (fosterfamiliar). Prosessane i forhold til arbeidet fortsetter, samarbeid med IMDI. Stilling som flyktningkonsulent og frivilligkoordinator er lyst ut. Rådmannen orienterte om: Hovudsatsinger 2016: Nye satsingsområder - Flyktninger - Læring- og habilitering - Omsorgsbustader - Flytteprosessar - Budsjett 2016 Investering - Omsorgsbustader - Kommunehus - Gravplass Bekkjarvik - Svømmebasseng Innkjøp - Ny avtale med Bergen kommune - Nye rammeavtaler - Info om avtaler på kvalitetssystemet Ny organisasjonsmodell frå 01.01.2016 Fortsatt tverrfaglig samarbeid Nye stillinger
Økonomi - Lån Status IT Spørsmål frå Grethe Drønen Ringdal, Høgre: Austevoll kommune har avtale med Horgetun AS om leige av omsorgsbustader. Kva årstal går denne avtala ut? Kor mange omsorgsbustader står ledig pr. i dag. Svar frå rådmannen v/konst. kommunalsjef: Avtale med Horgetun går ut i 2018. For tida er det ledig 4 leiligheter på Horgetun, 1 ledig i Knivhaugane, 1 ledig i Bekkjarvik Torg og 1 bustad på Birgit-tunet som vert nytta til avklaringsbustad (teknologi). Spørsmål frå Renate Møgster Klepsvik, Frp: 1. I budsjett 2016 har ikkje fleirtalet sett av midlar til å fylgja opp kontrakt med skeiseklubben og Hanne Haugland med sponsormidlar på kr 100.000,-. For å hindra kontraktsbrot, må difor formannskapet setja av desse midlane, slik at dei kan overførast i tråd med kontrakten. Eg ber difor om at formannskapet i dag kan handsama denne saka, og løyva kr 100.000,- frå formannskapet sin ymsepost. 2. Framstegspartiet ynskjer ein opnare kommune, og foreslo difor i budsjett 2016 at òg utvalsmøta skal overførast på nett, slik at folk flest kan fylgja møta. Dette vart ikkje sett av i budsjettet som vart vedtatt, men me håpar likevel at dette kan verta ein realitet. Eg ber difor om ei sak til neste møte, med intensjon om innkjøp av mikrofonar og evt anna som trengs for å gjennomføra dette. 3. Eg ber om ei løypemelding om arbeidet med kommunereforma. 4. Ber om løypemelding om ferjer: Finansiering av B- ferja, her forstår eg ordførar er i kontakt med Hordaland fylkeskommune? Husavik- Sandvikvågferja: har det vore dialog med kommunen om status på dette sambandet og kor lenge Herlaug skal gå i denne ruta? Svar frå ordføraren: Pkt. 1 - spørsmål om handsaming av sak om sponsormidlar vert teke opp til avgjerd i slutten av politisk kvarter. Pkt. 2 - oversendelsesframlegg vert teke opp til avgjerd i slutten av politisk kvarter. 3. Det har nylig vore møte i styringsgruppa for Bjørnefjordalternativet. Det var i møte drøfta intensjonsavtale og forhandlinger om Bjørnefjordalternativet. Det er ikkje teke stilling til om Austevoll kommune skal gå inn på avtale her. Det vi bli lagt fram nærare informasjon om arbeidet med kommunereforma i neste formannskapsmøte. 4. Ordførar og varaordførar har vore i møte med Hordaland fylkeskommune tidleg i januar måned. Når det gjeld finansiering B-ferja opplyser fylkesrådmannen at dei forholder seg til inngått kontrakt der fylket tar 10 mill. og kommunen 4 mill. Næringslivet i Austevoll som forplikta seg til å ta halvparten av kommunen sin kostnad på 4 mill. har trekt seg pga. opsjon
som er teke ut. Det har vore drøftinger med fylkeskommunen og deira utgangspunkt er at dei forholder seg til avtalt spleiselag 10 + 4 mill. I drøftingane har dei langt på veg forplikta seg til å ta halvparten av delen som ikkje er finansiert, ca. 1 mill. Det er gjort vedtak om at B-ferja ikkje skal vera reserveferje når ferjer er ute av drift i andre samband, men dette gjer seg ikkje gjeldande i 2016. Sambandet Husavik - Sandvikvågferja, har ikkje vore i kontakt med fylkeskommunen eller FosenNamsos i samband med kor lenge Herlaug skal gå i denne ruta. Fortvilande at det ikkje blir fulgt opp av eigarane, fylket og FosenNamsos. Spørsmål frå Grethe Drønen Ringdal, Høgre: For å få fleire inn i arbeidslivet er det i Stortinget vedteken ei lovpålagt aktivitetsplikt for mottakarar av sosialhjelp. Det vil nå bli obligatorisk at sosialhjelp som hovud-regel skal følgjast av krav og tilbod om aktivitet. Fleire kommunar har allereie friviljug innført aktivitetsplikt. Fersk rapport frå KS viser at aktivitetsplikt fører til at fleire kjem i arbeid og færre søkjer sosialhjelp. Ber om at rådmannen orienterer om status i vår kommune, og om det er utarbeidd plan eller arbeidast med plan for gjennomføring av vedtak om lovpålagt aktivitetsplikt. Svar frå rådmannen: NAV Austevoll har lenge praktisert aktivitetskrav overfor mottakarar av sosialhjelp, lenge før det vart lovpålagt. Alle som søkjer må registrere seg som arbeidssøkjarar på NAV.no. NAV Sosial prøver å få dei i aktivitet, søkjer dei inn på jobbsøkjarkurs, andre NAV arbeidsmarknadskurs, har samarbeid med Austevoll ASV om praksisplasser m.m. NAV har og hatt samarbeid med vaktmeistertenesta i kommunen, der brukarar har vore saman med dei i praksisplass. For enkelte brukarar kan det vera for problematisk og stigmatiserande å få til praksisplasser hjå private verksemder. Spesielt er det tett oppfølging for dei yngste brukarane (under 30 år), og kan spesielt nemna at det er tett samarbeid med NAV Hordaland\Hordaland fylkeskommune for å fanga opp dei som droppar ut av vidaregåande skule. NAV Austevoll har fleire samarbeidsmøter med OT/PPT, der vi kallar inn desse brukarane til samtale, lagar planar og får dei i aktivitet. Arbeid med arbeidsretta tiltak er arbeidskrevjande, derfor kan det henda det tar tid før nye brukarar får plass på tiltak. Kapasiteten ved NAV Austevoll sosialteneste er årsaka til dette. NAV Austevoll sosialteneste skal ha tilsyn frå Fylkesmannen 24. og 25. februar, der tilsynet nettopp skal dreia seg om oppfølging av dei unge under 24 år. Spørsmål frå Audun Instefjord, Krf: 1. Ny veg på salthella gjennom næringsområde, har høyrt det vil kosta rundt 15 millioner å ferdigstilla vegen, er dette eit korrekt tal? Kva er neste naturlige steg for kommunen i forbindelse med fiskerihamna? 2. Vaksenopplæring i Austevoll, - korleis er etterspørselen for språkkurs blant arbeidsinnvandrarar? - har kommunen ressursar til språkkurs for både arbeidsinnvandrarar på ettermiddag/kveld, og for flyktningar som er komen og som kjem til Austevoll? - er det korrekt at arbeidsinnvandrarar sjølv betalar for språkkurs?
Svar frå rådmannen: 1. Vegen har fylkesvegstandard, så det er riktig at den vil kosta rundt 15 millionar. Det er krav om slik standard, vegen er heva og det blir ein relativ dyr veg. Flott veg ned til havna, eksisterande fylkesveg held dessverre ikkje same standard. Det er gjeninnført støtteordning i statsbudsjettet til bygging av kaier og det kan gjevast støtte med inntil halvparten av kostnaden. Fiskerihavna skal ferdigstillast i mars 2016. Vil bli fremma politisk sak. Møte m/interessenter i samband med ferdigstilling, kommunen vil invitere til møte med interessentar. Kystverket trekker seg ut i mars mnd., kommunen ferdigstiller. 2. Det er 3 stillinger i vaksenopplæringa. Austevoll kommune har ressursar og vil bli ein del av integreringsprosjektet. Må koma tilbake til spørsmålet i neste møte. Spørsmål frå Anja Heggholmen, Ap: Kva er status for arbeidet med trafikksikring ved Storebø skule. Svar frå ordføraren: Arbeidet med trafikksikringa i kommunal regi er i rute, men me har ikkje fått svar frå Hordaland fylkeskommune og Statens vegvesen om framdrift for utbetringar langs skulevegen på Hundvåkøy. Svar frå rådmannen: Er ein del reelle utfordring for elevane som kjem frå Hundvåkøysida. Kommunen må ha vegvesenet med på lag ev. må kommunen lage løysinger sjølv, så som oppsamlingsstader for bussane, lage større busslommer m.m. Rådmannen vil koma med løypemelding til saka. Spørsmål frå Renate Møgster Klepsvik, Frp: Er det dialog i forhold til arbeidet med Montesorriskule i Kolbeinsvik og busstransport til skulen. Svar frå rådmannen: Pedagogisk konsulent arbeider med saka og er i dialog med Skyss. Rådmannen har ikkje detaljer om saka, men vil koma med løypemelding. Framlegg til vedtak frå Renate Møgster Klepsvik, Frp: Austevoll formannskap set av kr 100.000,- til å fylgja opp kontrakt med skeiseklubben og Hanne Haugland om sponsormidlar. Midlane vert teke frå formannskapet sin ymsepost. Røysting: Det vart samrøystes vedteke å handsama framlegg til vedtak som siste sak i møte. Oversendelsesframlegg frå Renate Møgster Klepsvik, Frp: Framstegspartiet ynskjer ein opnare kommune, og foreslo difor i budsjett 2016 at òg utvalsmøta skal overførast på nett, slik at folk flest kan fylgja møta. Dette vart ikkje sett av i
budsjettet som vart vedtatt, men me håpar likevel at dette kan verta ein realitet. Eg ber difor om ei sak til neste møte, med intensjon om innkjøp av mikrofonar og evt anna som trengs for å gjennomføra dette. Røysting: Det vart samrøystes vedteke å be rådmannen utgreie oversendelsesframlegg, sak om overføring av møtene på nett i formannskapet og utvala. Vert lagt ved møteboka med følgjande tillegg: Austevoll formannskap ber rådmannen utgreie sak om overføring av møtene på nett i formannskapet og utvala. 003/16: Referatsaker Meldingane vert tekne til etterretning slik dei ligg føre. 004/16: Sjøtroll Havbruk AS - endring av lokalitet 11543 Buholmen Austevoll kommune har vurdert søknad frå Sjøtroll Havbruk AS om justert plassering av lokalitet 11543 Buholmen 100 meter mot nord. Austevoll kommune vil etter ei heilhetsvurdering tilrå søknaden. Anlegget er lokalisert til område for akvakultur i kommuneplanen og kan nyttast til oppdrett. Austevoll kommune tilrår at søknaden frå Sjøtroll Havbruk AS vert imøtekomen. 005/16: Representant i Oppnemningsutvalet for konfliktrådsmeklarar Handsaming: Framlegg frå Frp v/renate Møgster Klepsvik: Austevoll kommunestyre peikar ut følgjande til å sitja i oppnemningsutvalet for konfliktrådsmeklarar for dei neste 4 åra: Representant: Edvard Joahnnes Stangeland, Sp Framlegg frå Høgre v/liv Bente Storebø: Austevoll kommunestyre peikar ut følgjande til å sitja i oppnemningsutvalet for konfliktrådsmeklarar for dei neste 4 åra: Vararepresentant: Anja Heggholmen, Ap
Det vart røysta over framlegget frå Renate Møgster Klepsvik som vart samrøystes vedteke. Det vart røysta over framlegget frå Liv Bente Storebø som vart samrøystes vedteke. Austevoll kommunestyre peikar ut følgjande til å sitja i oppnemningsutvalet for konfliktrådsmeklarar for dei neste 4 åra: Representant: Edvard Joahnnes Stangeland, Sp Vararepresentant: Anja Heggholmen, Ap 006/16: Løyving av sponsormidlar til Austevoll IK Skøytegruppa Handsaming: Framlegg til vedtak frå Renate Møgster Klepsvik, Frp: Austevoll formannskap set av kr 100.000,- til å fylgja opp kontrakt med skeiseklubben og Hanne Haugland om sponsormidlar. Midlane vert teke frå formannskapet sin ymsepost. Framlegget vart samrøystes vedteke. Austevoll formannskap set av kr 100.000,- til å fylgja opp kontrakt med skeiseklubben og Hanne Haugland om sponsormidlar. Midlane vert teke frå formannskapet sin ymsepost.