Postadresse Njøsavegen 2 6863 Leikanger Besøksadresse Fjordsenteret 5745 Aurland Kontakt Sentralbord: +47 57 64 30 00 Direkte: +47 57643129 fmsfpost@fylkesmannen.no www.nasjonalparkstyre.no/naroyfjorden Vik Røde Kors Hjelpekorps Vår ref. 2013/5411-0 432.2 Dykkar ref. Dato 23.02.2017 Delegeringssak Delegert vedtak Kjentmannskøyring for Vik Røde Kors Hjelpekorps i Nærøyfjorden landskapsvernområde I medhald av delegeringsreglement vedteke av Nærøyfjorden verneområdestyre 30.11.2015, vert det gjort fylgjande vedtak: Nærøyfjorden verneområdestyre gjev Vik Røde Kors Hjelpekorps løyve til kjentmannskøyring i 2017-2019 i samsvar med øvingsplan. Løyve er gjeve med heimel i verneforskriftene for Nærøyfjorden landskapsvernområde og naturmangfaldlova 48 fyrste ledd og fyrste alternativ. Løyvet gjeld med fylgjande vilkår: Løyvet gjeld for åra 2017, 2018 og 2019. Det kan køyrast to turar frå Målsete til Fresvikbreen. Ein tur/retur i februar/mars og ein tur/retur i april. Det kan nyttast inntil 4 snøskuterar pr. tur. Det skal ikkje køyrast kjentmannstur etter fredagen i palmehelga det enkelte året. Under køyring skal det takast generelle omsyn til andre interesser og naturverdiar i området. Dersom det er villrein i området under køyring, må det takast særskilt omsyn for ikkje å uroa dyra. Politiet varslar SNO gjennom utsending av køyreordre for kvar kjentmannstur. Desse vil også danne grunnlag for rapport til forvaltninga. Saksopplysningar Dokument som bakgrunn for saka: Søknad om kjentmannskøyring i Nærøyfjorden landskapsvernområde og Stølsheimen landskapsvernområde frå Vik Røde Kors Hjelpekorps 13.02.2017 Øvingsplan for Vik Røde Kors Hjelpekorps 2017-2019 Godkjenning av øvingsplanen av Lensmann i Vik 13.02.2017 Retningslinjer om redningstjenestens bruk av snøscooter i utmark og i verneområder, 31.01.2013 MD Uttale frå Nordfjella og Fjellheimen villreinnemnd, 22.02.2017 Søknaden vert vurdert etter: Forskrift for Nærøyfjorden landskapsvernområde av 08.11.2002 Landskapsvernområde Nærøyfjorden verneområdestyre
Naturmangfaldlova av 19. juni 2009 Forvaltningsplan for Nærøyfjorden, rapport nr. 1-2008 Vik Røde Kors Hjelpekorps søkjer om kjentmannskøyring i sitt beredskapsområde i perioden 2017-2019. Planen omfattar kjentmannstur for medlemer for å sjekke føre- og snøforhold i potensielle aksjonsområde. Innan for Nærøyfjorden landskapsvernområde har dei planlagt to kjentmannsturar til Fresvikbreen. Øvingsplanen som er lagt fram omfattar berre aktivitet innanfor verneområde i Nærøyfjorden landskapsvernområde og Stølsheimen landskapsvernområde. Øvingsplan for Vik Røde Kors Hjelpekorps. Kopi frå søknad. Side 2 av 6
Kart med køyretrase. Kopi frå søknad. Søknaden Vik Røde Kors Hjelpekorps har sendt til verneområdestyre er sendt frå Sogn og Fjordane Røde Kors. Det er ikkje lagt med tilrådingar til øvingsplanen frå regionalt eller nasjonalt nivå i Røde Kors. I tilrådingar frå nasjonalt nivå i andre område i Sogn og Fjordane, viser Røde Kors til ein auke i talet på aksjonar, og at publikum ventar ein rask, effektiv, målretta og tidsmessig aksjon i naudsituasjonar. Dei vermessige forholda er ofte dårlege under aksjonar, og Røde Kors har strenge sikkerheitsreglar for alle mannskapa sine. Det krev at det aldri skal vera mindre enn 2-3 snøskutrar i fylgje, og opptil 4-8 snøskutrar i same fylgje i dårleg ver. Lensmannen i Vik har ingen merknader til øvingsplanen til Vik Røde Kors Hjelpekorps. Etter opplysningar frå politiet i Sogn og Fjordane, skriv politiet ut køyreordre til Røde Kors for kvar tur. Kopi av denne sender politiet til lokalt SNO, kommune og forvaltar. Lovgrunnlaget Kjentmannsturane skal vera ein del av ein øvingsplan godkjent av politiet, jf. «Retningslinjer om redningstjenestens bruk av snøscooter i utmark og i verneområder» datert 31.01.2013 MD. Kjentmannskøyring skal behandlast etter den generelle dispensasjonsregelen i naturmangfaldslova 48: «Forvaltningsmyndigheten kan gjøre unntak fra et vernevedtak Side 3 av 6
dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensyn til vesentlige samfunnsinteresser gjør det nødvendig». Verneområdestyret skal etter retningslinjene vurdera søknaden etter fyrste alternativ, «ikke er i strid med vernevedtakets formål, og ikke kan påvirke verneverdiene nevneverdig..». Føremålet i Nærøyfjorden landskapsvernområde er definert i verneforskrifta 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til fjell i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter». Etter naturmangfaldlova (nml.) 7 skal prinsippa i 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka. Vurdering Verneområdestyret kan berre gje dispensasjon til kjentmannskøyring i verneområde, og det er berre kjentmannsturane i verneområdet i øvingsplanen som er vurdert. Friluftsliv skal kunne utøvast i verneområda samtidig som naturverdiane vert ivaretekne. Den førebyggjande redningstenesta er viktig for sikkerheita ved allmennheita si utøving av friluftsliv. Redningstenesta har trong for å gjera seg kjent i område kor det er sannsynleg at dei skal gjennomføra oppdrag, både for å gjennomføra oppdrag på ein effektiv måte og for å sikre eigne hjelpemannskap. I retningslinjene frå departementet frå 2013 er det definert eit klart skilje mellom øvingsverksemd og kjentmannskøyring. Øvingsverksemd skal leggjast utanfor verneområda, men redningstenesta vil «..til en viss grad være avhengig av mulighet for øvingskjøring og i praksis særlig kjøring for å bli kjent («kjentmannskjøring»)». Traseane i øvingsplanen som går innafor vernegrensene og som treng dispensasjon frå verneforskrifta er ruta frå rv.13 ved Målsete til Fresvikbreen. Køyringa går inn i verneområdet i siste del av ruta, mellom Vikajdalen og Fresvikbreen. Kjentmannskøyringa fylgjer ikkje kvista turrute. Det er mest vanleg med skitur til Fresvikbreen på ettervinteren. Kunnskapen om området er kjent gjennom forvaltningsplan for Nærøyfjorden, erfaringar frå Røde Kors Hjelpekorps sine turar i området, SNO sin kunnskap om området og uttale frå villreinnemnda om villreinen sin bruk av området. Villreinnmenda har gjeve fylgjande uttale til saka: «I høve turen austover vil den gå inn til Fresvikbreen, den kjem ikkje inn i dei vinterbeiteområda dyra har nytta til hovudopphald dei siste vintrane. Området vert likevel nytta noko om vinteren, og det har vore dyr i området også no i februar månad i 2017 På turen på austsida kan det då være dyr på trekk vestover i området mellom Jordalen og Fresvikbreen. Villreinnemnda vil ikkje setje seg i mot at det vert gjeve løyve, men gjer merksam på at det kan være dyr på vinterbeite innanfor dei aktuelle rutene. Øvingsleiar lyt difor være særleg merksam. Ved møte med dyreflokkar bør ruta leggast om for å unngå å utløyse flukt. Vinden bør gå frå dyra og mot menneska i strøst mogleg grad». Side 4 av 6
Kunnskapsgrunnlaget jf. nml 8 vert vurdert som godt for å vurdera saka. Villreinen er ikkje ein del av verneføremålet i dette landskapsvernområdet, men den er ein viktig del av naturverdiane i området, og det bør visast særskilt omsyn for ikkje å uroa dyrelivet. Villreinen er meir sårbar etter lenger ut på våren ein kjem, og det nærmar seg kalvingstid. Forvaltar rår difor til at det ikkje vert opna for kjentmannsturar etter påske. I 3-års perioden øvingsplanen gjeld for, er påsken ikkje seinare enn veke 15. Snøskuterkøyringa kan og påverka andre naturverdiar. Føre-var-prinsippet jf. nml 9 er tillagt vekt ved at aktiviteten er avgrensa i tid, og det vert sett vilkår om å ta omsyn til villreinen dersom den er i området. Forvaltninga skal vurdera den samla belastninga på naturmiljøet av motorstøy i området jf. nml. 10. Lensmannen i Vik har godkjent øvingsplanen, og omfanget av kjentmannsturane er dermed definert som naudsynt motorferdsel i verneområdet. Det er ynskjeleg at kjentmannskøyringa vert gjennomført midt i veka av omsyn til friluftslivet, men sidan dette er frivillig arbeid, vert det opna for bruk av helg til kjentmannskøyring når det er naudsynt. Det er ikkje gjeve løyve til anna motorisert ferdsel i verneområdet ved Fresvikbreen. Vik Røde Kors Hjelpekorps har lagt inn i øvingsplanen at køyringa skal vera i samarbeid med nabokorps. Dette er svært positivt, og fører til betre samordning av kjentmannskøyring i området. Forvaltar vurderer den samla belastninga av motorferdsel i dette området som akseptabel. Gjennom ordninga med utskriving av køyreordre frå operasjonssentralen hjå politiet, vert oppsynet varsla og forvaltninga får oversikt over omfanget av motorisert ferdsel. Kjentmannsturane vil lite truleg føra til miljøforringing, og nml. 11 er difor ikkje vurdert i denne saka. Snøskuter er den mest aktuelle transportmetoden for eventuelt redningsoppdrag, og må difor nyttast på kjentmannsturane. Det er mykje snø i den tida det er søkt om kjentmannsturar, og det er liten fare for køyreskade på bar mark. Køyringa vil difor ikkje setja varige spor i terrenget, og vert vurdert som miljøforsvarleg til dette føremålet jf. 12. Med dei vilkåra som er sett for løyvet, og vurderingane etter nml. 8 12 og 48, meiner forvaltar kjentmannsturane ikkje er i strid med verneformålet, og ikkje påverkar verneverdiane i særleg grad. På denne bakgrunn vert det gjeve løyve til kjentmannsturarane med heimel i naturmangfaldlova 48 fyrste ledd og fyrste alternativ. Klage Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova 28. Klagen skal sendast verneområdestyret v/sekretariatet, som kan gje nærare opplysningar om klagerett og rett til og sjå saksdokument. Med helsing Anbjørg Nornes verneområdeforvaltar Etter våre rutinar er dette brevet godkjent og sendt utan underskrift Side 5 av 6
Kopi pr. e-post til: Fylkesmannen i Sogn og Fjordane Fylkesmannen i Hordaland Lensmannen i Vik SNO Aurland Vik kommune Nordfjella og Fjellheimen villreinnemnd Sogn og Fjordane Politidistrikt Side 6 av 6