saksframlegg Dato: Referanse: Vår saksbehandlar: 30.09.2015 62957/2015 Eivind Vartdal Ryste Saksnr Utval Møtedato Regional- og næringsutvalet 20.10.2015 Tilskot til rekruttering, likestilling og kompetanseheving i landbruket - 2. utlysing 2015 Bakgrunn Møre og Romsdal fylkeskommune har 26. januar 2015 i brev frå Landbruks- og matdepartementet fått tildelt ei ramme på 1 480 000 kroner til å støtte tiltak som kan bidra til rekruttering, likestilling og kompetanseheving i landbruket. Målet med ordninga er: å bidra til rekruttering og kompetanseheving av næringsutøvere som kan ivareta og styrke verdiskapingen i landbruket regionalt. Landbruks- og matdepartementet ber om at følgjande område vert prioriterte: Tiltak som kan styrke rekruttering til landbruksnæringen. Tilskudd til kompetansehevende tiltak innenfor tradisjonelt landbruk og bygdenæringer, og støtte til etter- og videreutdanningstilbud for næringsutøvere i landbruket. Tiltak som bidrar til å styrke rekrutteringen til landbruks- og gartnerutdanningen i programområde naturbruk i den videregående skole, og til høgere utdanning i landbruksfag. Møre og Romsdal fylkeskommune har 11. februar 2015 sendt brev til relevante aktørar innan landbruksnæring, organisasjonar og forvaltning og informert om ordninga. Det er i 2015 søknadsfristar, 1. mai og 15. september. Innan første søknadsfrist kom det inn 9 søknader, der det i regional- og næringsutvalet sitt møte 2. juni 2015 vart delt ut til saman 1 047 000 kroner til 6 prosjekt, medan 3 søknader fekk avslag. Etter at ubrukte midlar er dratt inn frå tidlegare prosjekt, står det no att inntil 754 320 kroner til utdeling i 2015. Innan fristen 15. september er det kome inn 3 søknader: Nr Søkjar Prosjekt Totalkostnad Søknadsbeløp 1 TINE SA Styrke 1 338 000 200 000 mjølkeproduksjonen i Molde og Rauma 2 Norsk Potetskolen 3 050 000 50 000 Landbruksrådgivning kompetanseheving i potetproduksjonen 3 Landbruk Nordvest Avløysarkurs for 43 000 10 000 nybyrjarar SUM 4 431 000 260 000
Vurdering TINE: Mjølkeprosjekt i Molde og Rauma TINE har tidlegare gjennomført to treårige prosjekt for å styrke mjølkeproduksjonen i kommunane Averøy, Gjemnes, Sunndal, Aure, Halsa, Surnadal og Rindal. Innhaldet i prosjekta har vore å tilby alle mjølkeprodusentane eit gratis besøk av ein rådgivar frå TINE. Poenget med det besøk har vore å avklare vidare planer for mjølkeproduksjonen, og avdekkje behov for hjelp til utvikling. Der det har vore aktuelt har prosjektet gjennomført strategisamtalar og planlagt ein utviklingsprosess. Deretter har det vore opp til den enkelte produsent å kjøpe seg dei tenestene som trengst for å gjennomføre utviklingsprosessen. Prosjektet har oppnådd god respons, mellom 60 og 70 prosent av mjølkeprodusentane gjekk vidare til strategisamtalar og ein utviklingsprosess etter det første besøket. No har mjølkeprodusentane i Molde og Rauma tatt initiativ til å starte opp eit mjølkeprosjekt i sine kommunar. Mål med dette arbeidet er: at minst halvparten av dei 65 mjølkeprodusentane set i gang ein strategiprosess som sikrar eller utvidar deira produksjon at nye produsentar startar opp med mjølkeproduksjon at dei som vel å slutte med mjølk startar opp med anna lønsam næringsverksemd på garden Aktivitetar i prosjektet vil vere kommunevise oppstartmøte der alle mjølkeprodusentar får informasjon om prosjektet. Deretter vil rådgivarar frå TINE besøke alle 65 produsentane for å motivere til, og avklare vidare utviklingsarbeid. Kostnader i søknaden Prosjektleiing 255 t * 1150 kr/t 294 000 Kontorhald 20 000 Oppstarts- og oppfølgingsmøter 15 000 Opplæring og møter 45 t*1150 kr/t 60 000 Vegvalsbesøk 80 bruk, 320 t *1150 kr/t 368 000 Strategibesøk 56 bruk, 224t * 1150 kr/t 258 000 Kjøretid 216 t * 1150 kr/t 249 000 Reisekostnad, bil og ferje 74 000 SUM 1 338 000 Planlagt finansiering Fylkesmannen, BU-midlar 600 000 45 % Kommunane Molde og Rauma 200 000 15 % TINE, eigeninnsats 338 000 25 % Møre og Romsdal fylkeskommune 200 000 15 % SUM 1 338 000 TINE opererer med høge timeprisar i prosjektet. Det er ført opp til saman 856 arbeidstimar i prosjektet, og det er brukt ein timesats på 1150 kroner per time. Til samanlikning er prisen for ordinær rådgiving 695 kroner per time for ein mjølkeprodusent, i følgje TINE sine medlemsider på nett. Det er ikkje forklart i søknaden kvifor TINE brukar ein timepris i prosjektet som er 65 prosent høgare enn pris ut til kunde.
Møre og Romsdal fylkeskommune godkjenner i slike prosjekt ein timesats på inntil 600 kroner per time. Det er same sats som blir brukt av Innovasjon Norge og Forskingsrådet. Ved bruk av den satsen ser godkjent kostnadsoverslag slik ut: Prosjektleiing 255 t*600 kr/t 153 000 Kontorhald 20 000 Oppstarts- og oppfølgingsmøter 23 000 Opplæring og møter 45 t*600 27 000 Vegvalsbesøk 80 bruk, 320 t *600 kr/t 192 000 Strategibesøk 56 bruk, 224t * 600 kr/t 134 400 Kjøretid 216 t * 600 kr/t 129 600 Reisekostnad, bil og ferje 74 000 SUM 753 000 I vurderinga av dette er det også eit viktig poeng at aktiviteten i all hovudsak er rådgiving som TINE allereie har tilbod om som betalingsprodukt i dag. Prosjektet vil gi TINE gratis marknadsføring av meir spesialiserte rådgjevingsprodukt, der vegvalsrådgjevinga fører fram til ein utviklingsprosess. TINE er dominerande på marknaden for sal av rådgjeving til mjølkeprodusentane. Det som talar for å støtte prosjektet er den nytteverdien det vil ha for mjølkeprodusentane i Molde og Rauma. Tidlegare prosjekt har vist at det å få ein gratis, uforpliktande vegvalssamtale har utløyst viktig strategi- og utviklingsarbeid hos den enkelte produsent. Å gjennomføre dette som ein aksjon i ei kommune av gangen gjer at ein får ein mobiliseringseffekt, og at det lokale produsentmiljøet blir styrka. Dette kan vere puffet mange treng for å kome ned frå gjerdet og få sett i gang bygging av ny fjøs, overføre drifta og så vidare. Mjølkeproduksjonen er berebjelken i landbruket i Møre og Romsdal, og vi bør strekke oss langt for å behalde og utvikle denne. Fylkesmannen i Møre og Romsdal har gitt muntleg tilbakemelding til TINE om at det vil bli gjeve tilskot som omsøkt frå bygdeutviklingsmidlane i 2016. Tilrådinga er at vi støttar prosjektet, men med utgangspunkt i ein 753 000 kroner, som gir eit tilskot på 100 000 kroner. Norsk Landbruksrådgivning: Potetskolen Kvalitetsproduksjon av matpotet Norsk Landbruksrådgivning er ein paraplyorganisasjon for 39 einingar som driv landbruksrådgjeving rundt i landet, med 25 000 medlemmar og 330 tilsette. I Møre og Romsdal er Landbruk Nordvest og Norsk Landbruksrådgiving Sunnmøre dei lokale aktørane. Norsk Landbruksrådgiving søkjer no om støtte til å gjennomføre eit kompetansetilbod for potetprodusentar frå heile landet Potetskolen. Tiltaket skal gje ei kunnskapsplattform til å leie, utvikle og drive eiga verksemd innan produksjon av matpotet. Kurset skal bestå av seks samlingar a 2-3 dagar, der deltakarane arbeider med eigne prosjekt mellom samlingane. Kurset vil ha eit omfang tilsvarande 30 studiepoeng på høgskulenivå. Tema vil vere jordkultur, dyrkingsteknikk, skadegjerarar, hausting, lager, produksjonsøkonomi og marknad.
Kurset vil rekruttere 20 deltakarar frå heile landet. I Møre og Romsdal er det meste av potetproduksjonen, 78 prosent av arealet, konsentrert til Sunndal kommune, med Sunndalspotet som eige varemerke. Kursopplegget har ein 1 514 000 kroner, det meste knytt til løn. I søknaden er det også tatt med deltakarane sine kostnader knytt til arbeidstid, reise og opphald. Det må reknast som eigeninnsats, og blir halde utanfor her. Finansieringa er tenkt som eit spleiselag, slik: Norsk Landbruksrådgiving 78 000 Næringsaktørar 50 000 Andre fylkeskommunar 750 000 Landbruks- og matdepartementet 350 000 Studieavgift 236 000 Møre og Romsdal fylkeskommune 50 000 SUM 1 514 000 Kurset hadde søknadsfrist 1. oktober, og det vil delta potetprodusentar frå Møre og Romsdal. Produksjonsmiljøet for potet i Møre og Romsdal er lite, og det vil vere utviklande for lokale produsentar å kople seg på nettverk andre stader i landet, og hente kompetanse frå dei beste fagmiljøa. Det vil vi oppnå ved å bidra til at slike tiltak blir sett i gang på nasjonalt nivå, framfor å etablere kostbare tilbod lokalt. Vi rår til at prosjektet får tilskot som omsøkt. Landbruk Nordvest: Avløysarkurs for nybyrjarar Landbruk Nordvest er eit samvirkeføretak med 1600 medlemmar, som driv landbruksrådgjeving og avløysarformidling med heile Møre og Romsdal som nedslagsfelt. Tilgang på kompetente avløysarar ved sjukdom og ferie er eit problem i landbruket. For å bøte på dette vil Landbruk Nordvest no arrangere avløysarkurs for nybyrjarar. Kurset skal gå i Ørsta, over 8 kveldar, der halvparten er teori og resten praktisk trening i mjølking. Det er planlagt for 10 deltakarar, med gjennomføring i oktober og november. Kostnader Annonsering 6 000 Eigeninnsats 10 000 Lokale, servering 2 000 Lærarhonorar 21 000 Godtgjersle til praksisvert 4 000 SUM 43 000 Finansiering Eigeninnsats 10 000 Deltakaravgift 5 000 Studieforbundet Næring og samfunn 10 000 Møre og Romsdal fylkeskommune 10 000 SUM 43 000
Rekruttering av nye avløysarar er eit viktig tiltak. Husdyrproduksjon er ein jobb som krev beredskap døgnet rundt, heile året. For at bøndene skal kunne få fri av og til i helg og ferie, krevst det dyktige og stabile avløysarar. Vi vurderer det difor som viktig å støtte opp om opplæring av nye avløysarar. Bruk av restmidlar Viss det vert gjeve tilskot til desse tre søknadane, vil det framleis vere att 594 320 kroner på ramme for «Tilskot til rekruttering, likestilling og kompetanseheving i landbruket» for 2015. Vi vil informere aktørane i landbruksnæringa om dette, og vil opne for å ta i mot og behandle nye søknader innan utgangen av 2015. Forslag til vedtak: Møre og Romsdal fylkeskommune løyver følgjande tilskot frå ordninga «Tilskot til rekruttering, likestilling og kompetanseheving i landbruket»: Nr Søkjar Prosjekt Tilskotsbeløp Tilskotsandel 1 TINE SA Styrka mjølkeproduksjon i Molde og Rauma 100 000 13 % av 753 000 kroner 2 Norsk Landbruksrådgiving Potetskolen kvalitetsproduksjon av matpotet 3 Landbruk Nordvest Avløysarkurs for nybyrjarar 50 000 3,3 % av 1 514 000 kroner 10 000 23 % av 43 000 kroner Alle løyvingar er gjort på vilkår av fullfinansiering av godkjend totalkostnad. Ottar Brage Guttelvik fylkesrådmann Bergljot Landstad regional- og næringssjef