Kvam herad Sakspapir SAKSGANG Styre, utval, komite m.m. Møtedato Saksnr Sakshands. Nærings-, plan- og bygningsutvalet 05.05.2015 034/15 TROBRA Avgjerd av: Saksh.: Trond Inge Brakestad Arkiv: N-504, PLANID-20150003 Objekt: Arkivsaknr 15/419-4 Søknad om oppstart av reguleringsplan for gnr 33 bnr 195 mfl. Bustader på Valland Samandrag: Det er fremja ynskje om å starte opp detaljreguleringsplan på gnr. 33, bnr. 195 mfl. På Valland. Føremålet med planen er å regulere eit bustadområde med leilegheiter.. Planområdet er skissert til å vere om lag 11,4 da, og omfattar dagens drivhus og tilhøyrande uteareal på Valland. Kommuneplanen syner arealet som område for erverv, og bustadføremålet vil vere i strid med den overordna planen. Saka vert lagt fram for NPB-utvalet for premissavklaring. Rådmannen sitt framlegg til vedtak: Kvam Nærings-, plan- og bygningsutval gjev løyve til oppstart av detaljreguleringsplan for gnr. 33 bnr. 195 mfl på Valland. Følgjande premiss vert knytt til planarbeidet: 1. Området skal utviklast til eit reint bustadområde utan detaljhandel, kontor eller arealkrevjande næringar. 2. Området skal utviklast med høg arkitektonisk kvalitet der det vert teke gode omsyn til stadeigne kvalitetar og kulturlandskapet. Området skal ikkje byggjast ut med typiske sentrumsbygg som leilegheitsblokker med store samanhengande volum/fasadar. 3. Området skal ha gode felles uteareal, og gode koplingar mot gang- og sykkelvegen og andre turvegar. 4. Det må gjennomførast analyse av trafikkstøy, og eventuelle avbøtande tiltak må innpassast i reguleringsplanen. Informasjon: - Vedtaket er ikkje eit enkeltvedtak etter forvaltningslova 2 og har dermed ikkje klagetilgang. Vedtaket er å sjå på som ei premissavklaring. - Om forslag til regulering vert avvist av Nærings-, Plan- og Bygningsutvalet skal forslagstillar underrettast ved brev. Jf. plan- og bygningslova 12-11 er det kun avslag av forslag i samsvar med kommuneplanens arealedel el. områderegulering som kan krevjast framlagd for heradstyret.
- Part i saka har med visse unntak rett til å gjera seg kjent med dokument i saka jf. Forvaltningslova 18 og 19. Spør Kvam herad om innsyn i dokument på saka, eller bruk tenesta Innsyn via Kvam herad sine heimesider. 05.05.2015 Nærings-, plan- og bygningsutvalet Svein Stuve ba utvalet handsame om han er ugild i saka Framlegg i høve gildskap: Svein Stuve er gild i saka Røysting: Framlegg i høve gildskap vart samrøystes vedteke Vedtak i høve gildskap: Svein Stuve er gild i saka Saka vart handsama med 10 utvalsmedlemer Framlegg til vedtak frå utvalsleiar: Rådmannen sitt framlegg til vedtak Røysting: Framlegg til vedtak vart samrøystes vedteke NPB-034/15 Vedtak: Kvam Nærings-, plan- og bygningsutval gjev løyve til oppstart av detaljreguleringsplan for gnr. 33 bnr. 195 mfl på Valland. Følgjande premiss vert knytt til planarbeidet: 1. Området skal utviklast til eit reint bustadområde utan detaljhandel, kontor eller arealkrevjande næringar. 2. Området skal utviklast med høg arkitektonisk kvalitet der det vert teke gode omsyn til stadeigne kvalitetar og kulturlandskapet. Området skal ikkje byggjast ut med typiske sentrumsbygg som leilegheitsblokker med store samanhengande volum/fasadar. 3. Området skal ha gode felles uteareal, og gode koplingar mot gang- og sykkelvegen og andre turvegar. 4. Det må gjennomførast analyse av trafikkstøy, og eventuelle avbøtande tiltak må innpassast i reguleringsplanen. Informasjon: - Vedtaket er ikkje eit enkeltvedtak etter forvaltningslova 2 og har dermed ikkje klagetilgang. Vedtaket er å sjå på som ei premissavklaring. - Om forslag til regulering vert avvist av Nærings-, Plan- og Bygningsutvalet skal forslagstillar underrettast ved brev. Jf. plan- og bygningslova 12-11 er det kun avslag av
forslag i samsvar med kommuneplanens arealedel el. områderegulering som kan krevjast framlagd for heradstyret. - Part i saka har med visse unntak rett til å gjera seg kjent med dokument i saka jf. Forvaltningslova 18 og 19. Spør Kvam herad om innsyn i dokument på saka, eller bruk tenesta Innsyn via Kvam herad sine heimesider. Liste med vedlegg som det er referert til eller sitert frå i saksframstillinga: Dok.dato Tittel 27.03.2015 Notat frå oppstartsmøte 07.04.2015 Premissavklaring Valland.pdf
Saksopplysningar: Den 26.03.2015 vart det heldt oppstartsmøte mellom planfagleg konsulent, tiltakshavar og planavdelinga i Kvam herad. Tiltakshavar og konsulenten informerte om kva arealbruk dei ynskja, og planavdelinga informerte om pågåande rullering av kommuneplanen. Føremålet med planen er å endre arealbruken frå erverv til bustad, og bygge leilegheiter i området. Tiltakshavar ynskjer at dagens drift av blomeutsal held fram, men vil ikkje regulere til forretning. Dette medfører at det ikkje kan etablerast andre verksemder i området, og at dagens blomeutsal ikkje kan utvidast etter at reguleringsplanen er vedteken. Det føreligg ikkje informasjon om kor mange bueiningar tiltakshavar ynskjer, så det vert eit viktig tema å avklare i reguleringsplanen. Planområdet ligg langs fv7 på Valland, og har 2 regulerte avkøyringar. Total storleik på planområdet er 11,4 da. Området vert nytta til veksthus og utsal av blomar og hagerelaterte varer. Det er ikkje eigen produksjon i veksthusa, og alle varer vert leverte med lastebil. Det er derfor ikkje naudsynt med ei nær kopling mellom butikk og veksthus, og det kan vere aktuelt for eigaren å flytte butikken nærare eit senterområde. Figur 1. Skissert planområde Kvam herad er i gang med rullering av kommuneplanen sin arealdel, og i den samanheng har NPB-utvalet vedteke 30 arealstrategiar som utviklinga vidare skal byggja på. Viktige prinsipp som er nedfelt i strategiane er mellom anna at det skal byggjast tett i sentrum, det skal fortettast langs gang- og sykkelvegar og byggjast vidare på eksisterande infrastruktur. Matjord skal og takast vare på gjennom eit sterkt jordvern.
Saka er vurdert etter forskrift om konsekvensutgreiingar, og den omsøkte reguleringsplanen vil truleg ikkje ha krav om konsekvensutgreiing. Krav om konsekvensutgreiing vil slå inn dersom arealet skal omdisponerast til byggjeføremål i kommuneplan. Vurdering: Planområdet ligg om lag 2,5 kilometer frå Norheimsund sentrum, og er innanfor det som er definert som 20 minutt sykkelavstand i arealstrategiane. Området ligg på same høgdenivå som sentrum, og ligg nært gang- og sykkelveg som skal byggjast. I kommuneplanen er arealet sett av til erverv til liks med dei fleste andre gartneri/veksthus i kommunen. Arealet er dermed allereie sett av til eit byggeområde, og saka inneber ikkje omdisponering av LNFareal. Rådmannen tilrår at det vert starta opp detaljreguleringsplan for området, men vel å stille nokre premiss for planarbeidet. Premissa vert stilt for å sikre ei utbyggingsform som vert i tråd med gjeldande planar og arealstrategiar. Området skal utviklast til eit reint bustadområde utan detaljhandel, kontor eller arealkrevjande næringar. Planområdet ligg om lag 2,5 kilometer frå sentrum, og det er viktig at sentrumsfunksjonar ikkje vert lagt inn i planen. Dersom området skal utviklast, så må det vere til eit reint bustadområde som ikkje dreg viktige funksjonar ut av sentrum. Området skal utviklast med høg arkitektonisk kvalitet der det vert teke gode omsyn til stadeigne kvalitetar og kulturlandskapet. Området skal ikkje byggjast ut med typiske sentrumsbygg som leilegheitsblokker med store samanhengande volum/fasadar. Bygningane må tilpassast dei lokale kvalitetane i området, samstundes som utbyggjar må vere bevisst på at det ikkje er eit sentrumsområde som skal utviklast på Valland. Planområdet ligg i eit særmerkt kulturlandskap med gardstun og einebustader. Utan å ta stilling til utbyggingsform no kan ein seie at store bustadblokker passar dårlegare inn i området enn fleire mindre leilegheitsbygg i tunstruktur. Området skal ha gode felles uteareal, og gode koplingar mot gang- og sykkelvegen og andre turvegar. Får å få til eit område med gode bukvalitetar er det viktig med gode felles uteareal som ligg skjerma frå trafikkstøy. Utearala må planleggjast slik at dei kan nyttast av både born og eldre. Eit overordna mål med planarbeid er å redusere biltrafikk og samstundes legge til rette for fysisk aktivitet som gåing og sykling. Fortetting langs gang- og sykkelvegaksane er eit viktig verkemiddel for å oppnå det målet. I dette området vil gang- og sykkelvegen liggje på motsett side av fv7, og det er viktig at reguleringsplanen syner ei god kryssing og påkopling til GSvegen. Det må gjennomførast analyse av trafikkstøy, og eventuelle avbøtande tiltak må innpassast i reguleringsplanen. Planområdet ligg nært inntil fv7, og trafikkstøy er eit tema som må utgreiast særskilt. Rådmannen legg inn som premiss av det vert nytta føretak med god kompetanse på støyvurderingar. Eventuelle avbøtande tiltak som vert presenterte i analysen må innarbeidast i reguleringsplanen.