Saksframlegg. Saksnr Utvalg Type Dato 035/18 Plan- og. PS samfunnsutvalet

Saksframlegg Saksnr Utvalg Type Dato 035/18 Plan- og PS 29.08.2018 samfunnsutvalet Sakshandsamar Arkiv ArkivsakID Heidi Dyrøy ARP - 20180101, K2 - L12 18/1061 Offentleg ettersyn av Privat detaljreguleringsplan Evja - GBN 202/465 mfl - forretning/industri/kontor Planid 20180101 Framlegg til vedtak: 1. Plan- og samfunnsutvalet godkjenner at framlegg til Privat detaljreguleringsplan Evja - GBN 202/465 mfl - forretning/industri/kontor, planid 20180101 med planomtale datert 01.07.2018, ROS-analyse, føresegner og plankart datert 16.08.2018 vert utlagt til offentleg ettersyn i samsvar med PBL 5-2, 12-10 og 12-11, med følgjande endringar:/tillegg Endringar i planomtalen: 1. Planomtalen må endrast slik at endringar i krav til parkering vert innarbeidd både skriftleg og i illustrasjonane. Endringar i føresegnene 1. 2.11 er omarbeidd til å samsvare med ny sentrumsplan. 2. Ny setning i 4. strekpunkt under 3.11: Det kan byggjast parkeringskjellar under bygget. 3. Nytt strekpunkt under 3.1: Ved parkering av bilar på bakkeplan på sørsida av bygget kan det maksimalt være 1 plass pr 100 m2 BRA. Parkeringsplassen skal opparbeidast med eit parkmessig preg med beplanting for å dempe verknaden mot vegen. Beplantinga skal være tilpassa allèen langs Rv5/Leirvåggata. Endring punkt 3.3 med kursiv: o_gtd er offentlig område for turdrag. I området er det anlagt tur/gangveg. Denne skal tilretteleggast slik at den og skal kunne nyttast som tilkomst for utrykkingskøyretøy. Områder med inngrep skal ordnast til, tilplantast og det skal nyttast stadlege masser som topplag på grøfter. Nytt kulepunkt 5.3: o_gtd skal være opparbeidd i samsvar med plan godkjent ved rammeløyve, jfr 5.4-2. kulepunkt. Nytt kulepunkt 5.4: Flora kommune v/bygg og Eigedom skal ha godkjent plan for kvalitetsheving og tilrettelegging av o_gtd som turveg og tilkomst for utrykkingskøyretøy. Det må gjennomførast ei vurdering i høve trafikktryggleik for gåande- og syklande ved auka trafikk i krysset mot Rv5 før slutthandsaming. 2. Administrasjonen skal før sluttbehandlinga i Plan- og samfunnsutvalet sørgje for at innhaldet i planen og framstillinga av den blir digitalisert og kvalitetssikra mot tilgrensande planar, og at

eventuelle mindre suppleringar og justeringar blir gjennomført. 3. Ved godkjenning av Privat detaljreguleringsplan Evja - GBN 202/465 mfl - forretning/industri/kontor, planid 20180101 tek ein sikte på å oppheve følgjande planar, inkludert alle seinare planendringar, delplanar og tilhøyrande føresegner: Evja, Gbnr.202/501,452, Forretning/Industri med meir, planid 20080120 4. Ved godkjenning av Privat detaljreguleringsplan Evja - GBN 202/465 mfl - forretning/industri/kontor, planid 20180101 tek ein sikte på å tilpasse ny plan til, og oppheve delar av følgjande planar, inkludert alle seinare planendringar, delplanar og tilhøyrande føresegner: Evja, planid 19850104 Dette dokumentet er elektronisk godkjent og har difor ingen signatur. Plan- og samfunnsutvalet - 035/18 PSUV - handsaming: Retting i framlegg til vedtak:3.1: Ved parkering av bilar på bakkeplan på sørsida kan de maksimalt være 1 1/2 plass pr 100m2 BRA. Framegg til vedtak vart samrøystes vedteke. PSUV - vedtak: 1. Plan- og samfunnsutvalet godkjenner at framlegg til Privat detaljreguleringsplan Evja - GBN 202/465 mfl - forretning/industri/kontor, planid 20180101 med planomtale datert 01.07.2018, ROS-analyse, føresegner og plankart datert 16.08.2018 vert utlagt til offentleg ettersyn i samsvar med PBL 5-2, 12-10 og 12-11, med følgjande endringar:/tillegg 2. Endringar i planomtalen: Planomtalen må endrast slik at endringar i krav til parkering vert innarbeidd både skriftleg og i illustrasjonane. 3. Endringar i føresegnene 2.11 er omarbeidd til å samsvare med ny sentrumsplan. Ny setning i 4. strekpunkt under 3.11: Det kan byggjast parkeringskjellar under bygget. Nytt strekpunkt under 3.1: Ved parkering av bilar på bakkeplan på sørsida av bygget kan det maksimalt være 1 1/2 plass pr 100 m2 BRA. Parkeringsplassen skal opparbeidast med eit parkmessig preg med beplanting for å dempe verknaden mot vegen. Beplantinga skal være tilpassa allèen langs Rv5/Leirvåggata. Endring punkt 3.3 med kursiv: o_gtd er offentlig område for turdrag. I området er det anlagt tur/gangveg. Denne skal tilretteleggast slik at den og skal kunne nyttast som tilkomst for utrykkingskøyretøy. Områder med inngrep skal ordnast til, tilplantast og det skal nyttast stadlege masser som topplag på grøfter.

Nytt kulepunkt 5.3: o_gtd skal være opparbeidd i samsvar med plan godkjent ved rammeløyve, jfr 5.4-2. kulepunkt. Nytt kulepunkt 5.4: Flora kommune v/bygg og Eigedom skal ha godkjent plan for kvalitetsheving og tilrettelegging av o_gtd som turveg og tilkomst for utrykkingskøyretøy. Det må gjennomførast ei vurdering i høve trafikktryggleik for gåande- og syklande ved auka trafikk i krysset mot Rv5 før slutthandsaming. 2. Administrasjonen skal før sluttbehandlinga i Plan- og samfunnsutvalet sørgje for at innhaldet i planen og framstillinga av den blir digitalisert og kvalitetssikra mot tilgrensande planar, og at eventuelle mindre suppleringar og justeringar blir gjennomført. 3. Ved godkjenning av Privat detaljreguleringsplan Evja - GBN 202/465 mfl - forretning/industri/kontor, planid 20180101 tek ein sikte på å oppheve følgjande planar, inkludert alle seinare planendringar, delplanar og tilhøyrande føresegner: Evja, Gbnr.202/501,452, Forretning/Industri med meir, planid 20080120 4. Ved godkjenning av Privat detaljreguleringsplan Evja - GBN 202/465 mfl - forretning/industri/kontor, planid 20180101 tek ein sikte på å tilpasse ny plan til, og oppheve delar av følgjande planar, inkludert alle seinare planendringar, delplanar og tilhøyrande føresegner: Evja, planid 19850104

Saksopplysingar: Kva saka gjeld: Det vert lagt fram planframlegg for gbnr 202/456 mfl på Evja med sikte på å få oppført ny Coopbutikk på Evja. Handsaming av detaljreguleringsplanen skal samkøyrast med handsaming av rammeløyve i samsvar med plan- og bygningslova 12-15. Planforslaget Forslag til < Privat detaljreguleringsplan Evja - GBN 202/465 mfl - forretning/industri/kontor, planid 20180101 er motteke frå Sporstøl Arkitektar AS på vegne av Ada Florø AS. Planforslaget som skal behandlast, består av plankart i målestokk 1:1000 i A2 datert 16.08.2018 reguleringsføresegner datert 16.08.2018 planbeskriving datert 01.07.2018 ROS-analyse datert 16.08.2018 Formålet med reguleringa Føremålet med planen er å legge til rette for ny Coop-butikk på Evja, gbnr 202/456. Planen avklarar plassering til nybygg, bygningsvolum, byggehøgder, utbetring av tilkomst frå Skudalsvegen (Rv 5) og tilrettelegging av tilhøyrande uteareal og anlegg. Eigedomsforhold Heimelshavarar i området er: Navn Gnr Bnr Ada Florø AS (Forslagstiller) 202 465 og 506 Ullaland Bygg Og Næringsutleige As 202 479 Vest elektro AS 202 480, 481 og 587 Janko Bilrep AS 202 502, 504 og 626 Florø Rør Eigedom AS 202 501, 502, 503,504 og 627

Flora kommune 202 414, 452, 453 og 505 202 595 Forhold til overordna planar Planforslaget er i tråd med gjeldande kommunedelplan for Florø sentrum (sentrumsplanen) i Området er sett av til bygging med arealformål næring, og føresegnene stiller krav om reguleringsplan. Gjeldande reguleringsplan Planframlegget erstattar heilt reguleringsplan for Evja, Gbnr.202/501,452, Forretning/Industri med meir, planid 20080120 og delvis reguleringsplan for Evja, planid 19850104. I begge desse planane er arealet regulert til næring. Innkomne merknader til planoppstart I samsvar med føresegnene i plan- og bygningslova varsla Sporstøl Arkitektar AS alle partar som planarbeidet påverkar, om oppstarten av planarbeidet i brev 10.04.2018 og kunngjorde det i Firdaposten. Det vart sendt ut nytt varsel 25.06.2018 for å presisere at planframlegg og rammeløyve skal samkøyrast i samsvar med plan- og bygningslova 12-15. Dette varselet vart og kunngjort i Firdaposten. Det kom inn 7 fråsegner totalt. Dei følgjer saka som utrykte vedlegg. Hovudtrekka i merknadene er refererte i planomtalen. Andre aktuelle saker i området: Det pågår arbeid med rullering av Sentrumsplanen. Denne er no på 2. gongs høyring og vil bli vedteken i løpet av september 2018. Det ligg ikkje føre merknadar til no som tilseier at det vil bli gjort endringar for Evja-området. Den nye sentrumsplanen vil såleis være gjeldande for dette området før dette planframlegget vert vedteken. Det er gjort endringar i den nye sentrumsplanen, mellom anna i høve parkering som er viktige for utvikling av sentrumsområdet. I vurdering av planframlegget vert det derfor lagt vekt på løysingar i den nye sentrumsplanen som avvik vesentleg frå den eksisterande. Vurdering: Byggjeplanane

Planframlegget legg opp til oppføring av nytt bygg for Coop-butikken. Denne ligg i dag i Hjellegata. Det nye bygget skal erstatte eksisterande bygg på gbnr 202/456 og byggjast saman med bygg på gbnr 202/479. Det vil ha ei gesimshøgde på maks 8 m, og BYA for BKB1 er maks 80%. I BYA skal og parkering være medrekna. Parkering er planlagt på framsida av bygget, mot Rv5. Fasadane er planlagt med mørke plater, og glas. Bygget er planlagt plassert tett inntil eksisterande gangveg/turdrag o_gtd, og vert liggande relativt nær (4 m på det smalaste) Janco Bilrep AS sitt bygg på gbnr 202/626 For dei andre eigedomane i området er i hovudsak eksisterande situasjon vidareført i planframlegget, men det er gjort justeringar i samsvar med innkomne merknadar frå grunneigarane. Innkomne merknader Vurderinga av dei enkelte innkomne fråsegnene kjem fram av planomtalen. Administrasjonen sluttar seg til vurderingane som er gjort, og meiner dei er tilfredstillande innarbeidd i planframlegget. Naturfare og beredskap Evja-området er relativt flatt og ligg lågt. Delar ligg på fylling. Dette gjer at området er påverka av stormflo. I planframlegget er det derfor lagt inn faresone for flaum, med krav i føresegnene punkt 4.4 Administrasjonen har gjort noko tekstlege justeringar i dette punktet for å gjere det meir eintydig. Det nye bygget i BKB1 vert plassert så nært eksisterande bygg til Janco Bilrep AS at det ikkje vil være tilkomst for større utrykkingskøyrety, td brannbil på nordsida. For å ha tilfredstillande beredskap i området må det derfor lagast til ein alternativ tilkomst for utrykkingskøyretøy. Ein slik tilkomst kan opparbeidast ved at turvegen i o_gtd vert utforma slik at kan nyttast som tilkomst i ein krisesituasjon. Det må utarbeidast ein plan for ei slik opparbeiding, og før nytt bygg i BKB1 kan takast i bruk må det være tilfredstillande tilkomst for utrykkingskøyretøy kring bygget. Administrasjonen har derfor lagt inn framlegg til dette i føresegnene punkt 5.3 og 5.4 med raud skrift. Det er og gjort justering av punkt 3.3 for å opne for denne type bruk av vegen. Det er utarbeidd brannkonsept for tiltak som skal sikre tilfredstillande tryggleik mot brann ved samanbygging av nytt Coop-bygg med eksisterande bygg på gbnr 202/479, og plassering av bygget nært Janco Bilrep AS sitt bygg. Administrasjonen vurderar derfor at tryggleik mot brann er tilfredsstellande vurdert og ivareteke.

Sentrumsutvikling I gjeldane sentrumsplan er det lagt til grunn at det ikkje skal opnast for meir detaljhandel på Evja. I ny sentrumsplan er dette endra til at det ikkje skal være arealintensiv næringsverksemd i dette området. Administrasjonen har vurdert tilhøvet til gjeldande plan slik at planframlegget ikkje tilfører meir detaljhandel i området, då eksisterande butikk skal flyttast. I høve ny sentrumsplan vil planframlegget være i samsvar med denne i høve arealbruk. Etter administrasjonen si vurdering vil plassering av ny Coop-butikk, slik planframlegget viser, være positivt i forhold til å binde saman sentrumsområdet og Evja. Nybygging i området vil og gje området eit meir ryddig og tiltalande preg Forureina grunn Ved utbetring av kommunalt VA-anlegg i området vart det oppdaga forureining i grunnen. Forslagsstillar vart gjort oppmerksam på dette i oppstartsmøte. Det er derfor gjennomført ei miljøteknisk grunnundersøking med tiltaksplan for forureina grunn. Det er lagt inn krav i føresegnene punkt 3.1.2 3. kulepunkt som set krav til at denne tiltaksplanen skal følgjast. Infrastruktur VA-anlegg Det er lagt nytt VA-anlegg i området, og det nye Coop-bygget vil gå over og inntil dette. Det er derfor innarbeidd rekkjefølgjekrav i føresegene om at teknisk plan skal være godkjent av Teknisk Drift før det kan gjevast rammeløyve. Veg I samband med utarbeiding av planframlegget er det gjort ei vurdering av auka bruk av avkøyrsla mot Rv5, og det er gjort ei vurdering av tilkomst for store køyretøy. Planframlegget legg opp til ei oppretting av krysset for å få vinkelrett utforming av krysset, og avkøyrsla er flytta noko mot aust for å få dette til. Det er og lagt inn rekkjefølgjekrav i føresegnene punkt 5.1 om at detaljprosjektering av kryssutforminga skal godkjennast av Statens Vegvesen før ignagsetting og før det vert bruksløyve til nytt bygg i BKB1 skal krysset være utbetra. Administrasjonen vurderar dette arbeidet som tilfredstillande i høve å ivareta trafikktryggleiken for køyrande.

Avkøyrsla mot Rv5 går over gang- og sykkelvegen på Evja. Dette er den viktigaste tilkomsten for gåande og syklande som kjem frå bydelane aust for sentrum, og er lagt som hovudtrase i kommunedelplan for sykkel. Vurdering av avkøyrsla tek ikkje opp denne problemstillinga, og kva auka trafikk i denne avkøyrsla vil ha å sei for trafikktryggleiken for mjuke trafikantar er såleis ikkje utgreidd. Utbetring av krysset og betre definerte køyrebaner i området vil være positivt, men om dette er vil kompensere for auka trafikk er usikkert. Administrasjonen rår derfor til at det vert sett krav om at det må gjennomførast ei vurdering i høve trafikktryggleik for gåande- og syklande ved auka trafikk i krysset mot Rv5 før slutthandsaming Parkering I gjeldande sentrumsplan er parkeringskravet for forretning 2 plassar for bil og 3 for sykkel pr 100 m2 bruksareal. I ny sentrumsplan er kravet til bilparkering vesentleg redusert og er 0,5 plassar pr 100m2. Reduksjonen er ei følgje av at kommunen ønskjer ei dreiing mot mindre bruk av bil for å nå mål om reduksjon i utslepp av klimagassar. For effektiv utnytting av sentrumsareal er det og sett krav om at parkering ikkje skal være på gateplan. I planframlegget er parkeringskravet i gjeldande sentrumsplan innarbeidd i fellesføresegnene for heile området. Administrasjonen meiner at i og med at det er gjort grep i den nye sentrumsplanen som skal sikre betre arealutnytting i sentrum og gje reduksjon i utslepp av klimagassar vil det vere feil å legge til grunn gjeldande sentrumsplan i høve parkering for heile området. Administrasjonen meinar derfor at det generelle parkeringskravet må samanfalle med krava i ny sentrumsplan. Administrasjonen har derfor omarbeidd punkt 2.11 i føresegnene. For BKB1 er det sett krav om 2 parkeringsplassar for bil og 2 sykkelparkeringsplassar pr 100m2 salsareal. Reduksjonen i talet på sykkelparkering er grunngjeve med at dei fleste vil nytte bil ved handling. Parkeringsplassen for det nye bygget er plassert på sørsida mot Rv5 og kommunal veg, medan sykkelparkeringsplassen er plassert på vestsida av bygget, ved inngangspartiet. Sykkelparkeringa er overbygd. På oppstartsmøtet vart det signalisert at av omsyn til sentrumsutvikling var det ønskjeleg at parkeringsplassane skulle plasserast på sida av bygget eller mot nord. Dette ønskjer ikkje forslagstillar, då dei meiner at det vil redusere brukbarheita til bygget. Dei ønskjer heller ikkje å gå ned på talet parkeringsplassar for bil, då dette etter deira vurdering vil gjere butikken mindre attraktiv og gå ut over innteninga. I høve føresegnene om parkering for BKB1 meinar administrasjonen det blir feil å godkjenne ein såpass stor parkeringsplass tett på sentrum, då dette bryt vesentleg med føringane i ny sentrumsplan. Etter administrasjonen si vurdering bør parkeringskravet halverast for bil, og dersom den skal ligge på framsida av bygget må den gjevast ei meir parkmessig opparbeiding, slik at den visuelle verknaden av parkeringsplassen vert dempa. Alternativt kan parkering, eller delar av den, plasserast under bygget. Då kan ein oppnå ønska parkeringsdekning. Ny sentrumsplan set krav om parkering under bakken eller i parkeringskjellar fordi dette gjev betre arealutnytting. Det siste næringsbygget på Evja er bygd etter denne modellen, med berre eit fåtal av parkeringsplassane på bakken, og resten i parkeringskjellar. Då dette er det ønska utbyggingsmønsteret har administrasjonen lagt til ny setning i 4. strekpunkt under 3.11, slik at det vert opna for at det kan byggjast parkeringskjellar under bygget.

Grønstruktur Det nye bygget vert plassert relativt nært turvegen i o_gtd, 0,5 m på det næraste. Administrasjonen meiner at dersom ei slik plassering ikkje skal redusere kvaliteten på turvegen må det gjerast tiltak i området for å heve kvaliteten. Kvalitetsheving er innarbeidd i føresegene punkt punkt 5.3 og 5.4 saman med krav om tilkomst for utrykkingskøyretøy med raud skrift. Det er og gjort justering av punkt 3.3 for å presisere behovet for kvalitetsheving.. Konsekvensutgreiing Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast. Naturmangfaldslova I planomtalen er det gjort vurderingar i høve naturmangfaldlovs, sjå side 24. Administrasjonen meiner vurderinga er tilfredstillande og har ikkje merknadar til den. Samla vurdering: Med bakgrunn i det overståande tilrår administrasjonen å sende planforslaget Privat detaljreguleringsplan Evja - GBN 202/465 mfl - forretning/industri/kontor, planid 20180101 på høyring og leggje det ut til offentleg ettersyn med dei føreslegne endringane i føresegnene som går fram av vedtaket og med krav om at det skal gjerast ei særskilt vurdering av trafikktryggleiken for gårande og syklande i krysset mot Rv5 før slutthandsaming. Økonomiske konsekvensar: Planframlegget utløyser ikkje økonomiske konsekvensar for kommunen. Miljømessige konsekvensar: Dette er vurdert i planframlegget og vurderingane ovanfor. Aktuelle lover, forskrifter, avtalar mm: Plan- og bygningslova med tilhøyrande forskrifter.

Vedlegg: 0 PLANOMTALE regulering - Evja gnr 202-465 m fl - 16-08-18 V3 ros-analyse reguelring Evja gnr 202-465 - 16-08-19 V1 Planforslag - Evja gbnr 202-465 m fl f-i-k-16-08-18 Føresegner -planid20180101- offentleg høyring V8 Tiltaksplan grunn - Florø V9-1 brannk 18128 Coop Florø - Brannkonsept V10 rapp_tilkomst til ny COOP-vurdering av tilkomst for store køretøy H02 V11 notat_vurdering ny avkøyrsel Coop Florø Teiknigar og illustrasjonar