Midsund kommune Arkivsak: - Arkiv: 144 Saksbeh: Dato: Saksframlegg Rullering av trafikktryggingsplana forslag til plan Utvalsak Utval Møtedato 14/2 Planutvalet 27.01.2014 Forslag til vedtak: Planutvalet godkjenner forslaget til trafikktryggingsplan og vedtek at planen skal leggjast til offentleg ettersyn i 6 veker. Samrøystes vedtak i Planutvalet - 27.01.2014 Planutvalet godkjenner forslaget til trafikktryggingsplan og vedtek at planen skal leggjast til offentleg ettersyn i 6 veker.
Saksutgreiing: Bakgrunn: Gjennom Kommunal planstrategi for Midsund kommune (sak 13/30) har Midsund kommunestyret vedtatt at trafikktryggingsplanen skal rullerast i løpet av 2014. Viktige tema for rulleringa er gangvegar, gatelys, busslommer og andre generelle tiltak på veg. Planen skal fokusere både på fysiske og haldningsskapande tiltak knytt opp i mot trafikkopplæring. Gjennom arbeidet med planen har det blitt halde møte med foreldrearbeidsutvala (FAU) på skulane og med dei tilsette i barnehagane. Det har vorte sett inn annonse og artikkel om planarbeidet i Øyavis, samt vore lagt ut informasjon på kommunens heimeside der det har vore mulig å sende inn forslag til tiltak i plana. Slik har kommunen sikra at folk har hatt mogelegheit til å medverke i prosessen. Forslaget til plan skal no ligge ute til offentleg ettersyn. Utgreiing: Målet med trafikktryggingsplana er å få eit godt styringsreiskap for trafikktryggingsarbeidet, samt å auke kommunens innsats på dette feltet. Frå 2001 vart det for å kunne søke og få økonomisk tilskot til trafikktryggingstiltak sett krav om at alle kommunar måtte ha ein trafikktryggingsplan. Midsund kommune utarbeida ein trafikktryggingsplan for fyrste gong i 2001. Plana vart so rullert og vedtatt 21.november 2004 i sak 04/038. Planen vart vedtatt som ein kommunedelplan etter plan og bygningslova frå 1985. Den nye planen som skal gjelde frå 2014 til 2017 skal vedtakast som ei temaplan og vere forankra i kommuneplanens samfunnsdel Midsund 2020 frå 2011 (sak 11/62). Ei temaplan skal vise korleis kommunen skal handle og prioritere dei neste fire åra. Planen skal ha ein oppdatert handlingsplan som skal vise kommunens prioriteringar og gjennomføring av tiltak. Trafikktryggingsplanen skal kunne brukast som ramme for å søke om midlar til trafikktryggingstiltak frå Statens Vegvesen og Møre og Romsdal fylke. Planen vil også bli brukt aktivt hos administrasjonen og politikarane for mellom anna utarbeiding av det årlege budsjettet/økonomiplane. Trafikktrygging skal vere eit tema som skal vurderast i alle kommunale planar i tida framover. Vurdering: Gjennom den første innspelfasen har det kome inn 9 merknader til planarbeidet. Dei innkomne innspela har blitt vurdert og kommentert. Innspel 1: Peggy og Torstein Jenset Lous Kjem med innspel om følgjande tiltak: o Ønskjer tilbake fareskiltet om born langs vegen på Sør-Jenset og i tillegg eit skilt for merking av gardstun. o Søkjer om 60-sone på Jenset ettersom det vil bli nye born i området Rådmannens kommentar Oppsetting av skilt og endring av fartsgrenser er noko som må diskuterast med Statens Vegvesen. Innspel 2: Benjamin Leirvik
Kom med innspel om følgjande tiltak o Ønskjer veglys ved Magerøykrysset. Det finnast ikkje nokon form for belysning i krysset eller frå deira heim og det vil vere eit god tiltak for kommunens yngste bebuarar. Innspelet vil bli vurdert gjennom ei prioritert liste over veglys i kommunen. Innspel 3: Vidar Heggdal Kjem med innspel om følgjande tiltak o Kjem med forslag om at det er på tide å gjere noko for gåande og syklande for strekninga Bukta- Tangen og meiner det bør kome gangveg på strekning. Innspelet er tatt til følgje og vil bli tatt med i prioriteringa. Innspel 4: Torunn Heggdal Stølen Kom med følgjande innspel til plana o Trekker fram behovet for ein gangveg frå Ugelvika til Midsundskulen som kan knytast naturleg på den som allereie finns for å gjere skulevegen til borna tryggare. o Ønskjer busskur i området Kyrkjeplassen/Røberg bygg Gangveg frå Ugelvika til Midsundskulen kjem inn under tiltaket om gangveg Akslakleiva Fjøsbakken som er lagt inn i prioriteringslista Busskur har tradisjonelt sett vore oppsett i privat regi av naboane i området. Det skal finnes ein form for tilskot til slike tiltak ein kan søke på frå Møre og Romsdal fylkeskommune. Innspel 5: Ivar Jenset Foreslår følgjande tiltak på eksisterande gangveg frå Akslakleiva til Midsund. o Skilting som viser at det er gangveg o Ved Miljøtransport: markere skilje mellom gangveg og industriområde o Kvitt felt for innkjøring til Miljøtransport, samt vegen til Stormyra o Vegen vidare til kunstgrasbana bør vere reservert fotgjengarar o Markering av innkjørselen til Selvik bustadfelt o Det bør vere fotgjengarfelt ved kryssing av Industrivegen. o Innkjørsel til kunstgrasbanen bør være tillat berre frå innkøyrselen til Selvik bustadfelt; ikkje som no, ukontrollert frå alle kantar Foreslår fartsregulerande tiltak som fartsdumpare, automatisk fartsmåling og liknande langs vegen gjennom Midsund sentrum. Skilting og merking av gangvegar bør avklarast gjennom ei eiga skiltplan. Planen vil også inkludere vurdering av kva det skal vere fotgjengarovergangar.
Fartsregulerande tiltak på vegen gjennom sentrum vil vurderast i samband med detaljreguleringa av vegen samt ei løypande vurdering. Innspel 6: Oddny Ramsvik Kjem med ønskje om at det o Kjem veglys frå Akslakleiva og ned Krabbevikbakken o Blir gjort ein reasfaltering av Buråsvegen pga. dårlig stand og store hol i vegbana o Blir gjort noko med dei trafikkfarlege situasjonane som oppstår ved henting og bringing av born ved Midsundskulen og foreslår ein av/og påstigningslomme ved hovudveg/buss som bilane kunne køyrt innom for å sleppe av /plukke opp elevar. Veglys frå Akslakleiva og ned Krabbevikbakken vil bli vurdert gjennom oppgraderinga av Buråsvegen. Tatt til følgje og er lagt inn i prioriteringslista Trafikksituasjonen ved og rundt Midsund skule inngår no i eit oppstarta prosjekt som skal skje i 2014-2015. Prosjektet skal sjå på trafikktrygginga ved Midsund skule. Innspel 7: Ottar Håvik Påpeiker at krysset i Sør-Heggdal ved avkøyringa til kommunevegen til Tiriltoppen er uforsvarleg og uoversiktleg pga bakketopp. Ønskjer at dette utbetrast. Kommunen er svært klar over problematikken i dette krysset og peikar på at dette er noko som må diskuterast vidare med Statens Vegvesen. Innspel 8: Leif Magne Ugelvik Trekker fram vegen mellom Blåkorskrysset og innkøyrselen til byggefeltet på Bøen som er smal, uoversiktleg, krokete og mørk med fartsgrense på 80 og peiker på at det må: o Byggjast gangveg (fyrst og fremst mellom Sjukeheimen/Bøen) o Veglys sjukeheim/bøen o Fartsgrensa bør flyttast lengre innover o Utbetre krysset til Bøenfeltet som er uoversiktleg Det påpeika området er i reguleringsplanen for Midsund sentrum tatt ut på grunn av fornminne. Skal det kunne byggast gangveg i her må dette området først frigjerast slik at det kan regulerast vidare. Oppsetting av gatelys bør kome saman med bygging av gangveg. Vegen er ein fylkesveg og flytting av fartsgrensen er ei eiga sam som må diskuterast med Statens Vegvesen Krysset til Bøenfeltet er ei kjent sak for både kommunen og vegvesenet og må diskuterast vidare Innspel 9: Nord Heggdal vel v/john Hagset
Kjem med forslag om at veglysa i Nord-Heggdal må forlengast ca. 500 meter mot Jenset og ca. 800 meter mot Hagset. Innspelet vil takast inn og vurderast i forbindelse med prioriteringslista over veglys. Vedlegg (prenta): Vedlegg (uprenta): Særutskrift går til: