Referat frå styremøte 6. og 7. desember 2012 på Hotell Norge Bergen. Til stades: Finn Hoff, Liv-Julie Wågan, Jørn Haugli Lunde, Jorulf Refsnes, Gjermund Stuve og Elin R. Haugen. Frå adm: Frode Alfarnes og Romar Skeie Olsen. Sak 54/12 Godkjenning av protokoll frå førre styremøte Protokoll frå førre styremøte er godkjent Sak 55/12 Rekneskap per 30. november Frode Alfarnes orienterte. Det er budsjettert med kr 367 000,- i underskot, medan det ser ut til at vi hamner på eit overskot på ca kr 380 000,-. Dei største avvika er kurs, kr 20 000,- i pluss medlemskontingent, kr 70 000,- i pluss forsikring kr 120 000,- i pluss varekostnad kr 90 000,- meir enn budsjett løn ligg an til ca kr 10 000,- mindre enn budsjett driftskostnadar kr 300 000 mindre enn budsjett, då vi ikkje er kome skikkeleg i gong med WebTemp årsmøte kr 50 000,- meir pga ekstrakostnader med jubileum Elles har det vore mindre utbetalt til fusjonar i forhold til budsjett. Vi ventar framleis på fleire reiserekningar etter haustsamlingane, men det ser ut til at vi hamnar på rundt kr 100 000,- under budsjetterte kostnadar. Skatten vert rundt rekna kr 115 000,- med dette resultatet. På balanse sida har vi eit tap på fordringar på kr 30 000,- grunna manglande innbetaling frå Bindal Avløysarlag. Styret ville vita om administrasjonen hadde gjort seg nokre tankar rundt pensjonsordninga. Frode Alfarnes svarte at administrasjonen vil avvente og sjå kva som skjer i løpet av 2014 då det kjem nye pensjonsordningar på marknaden. Willis vil då hjelpe oss med dette
NLT-Hordaland vart bedt om å sende utgifter dei har hatt i samband med WebTemp til NLT. Rekneskap pr. 30. november er teke til etterretting Sak 56/12 Kvalitetskrav lag Finn Hoff orienterte Styret diskuterte saka og kom fram til nokre punkt som skal vera med i det vidare arbeidet i tillegg til dei som ligg i sakspapira: Alle lag skal ha internkontroll Alle lag bør ha heimeside Alle lag skal nytta NLT logo og NLT profil generelt Laga må rapportere til NLT etter fristane Kvalitetskrava skal liggje til grunn for kåring av årets lag. Kåringa skal skje ved å vektlegg krava med poeng. Det laget med høgast poengsum vert årets lag. Under vektlegginga vil laga og få poeng for; å ha bedriftshelseteneste, tilgjenge administrasjon (i samband med stillingsprosent), vervekampanjeeffekten laget har hatt, og for å vera knytt til ein arbeidsgjevarorganisasjon. Det skal opprettast ein komité som set ned punkt til kvalitetskrav. Styreleiar, Dagleg leiar og ein representant frå vervegruppa er valt til representantar i komiteen. Komiteen tek med seg innspela styret har diskutert seg fram til i denne saka. Sak 57/12 Møteplan lag Frode Alfarnes orienterte Det er vedteke at alle medlemslag skal få tilbod om besøk av NLT i løpet av dei neste tre åra. Laga er delt inn i kategori 1, 2 og 3, der dei laga som er i kategori 1 skal få invitasjon om besøk fyrste året, nokre lag har vi allereie vore hos og dei er satt i kategori 3. Vi sender ut brev til styret i laga der vi inviterar oss sjølve til styremøte, årsmøte eller anna møte som er av interesse for laget. Viktig at alle styremedlemene kjem med same bodskap, presentasjonar vert laga i forkant. Det må undersøkjast på førehand om det er spesielle problemstillingar det einskilde lag vil ta opp. Møtene vert så godt det lar seg gjera delt inn geografisk slik at det ikkje vert altfor lange reiser. Styremedlemene skal i god tid få møte- og reiseplan slik at dei har høve til å bytte innbyrdes. Administrasjonen utarbeider presentasjonar og set opp møteplan basert på vedteken plan.
Sak 58/12 Administrasjonshandbok LT Helgeland med Wenche Husby er særs interessert i å gå i gong med administrasjonshandbok-prosjektet. Styret meinte at dette er positivt og at det bør settast i gong i løpet av februar. Ved positive tilbakemeldingar frå andre lag kan eit forprosjekt starta opp i februar til neste år. Kostnader vert avgrensa til kr. 60.000,-. Sak 59/12 Webtemp Frode Alfarnes orienterte. Styret gjekk inn for at alle lag så snart som råd får tilbod om å nytta seg av WebTemp. SunPro er ikkje klart pr. i dag, men laga får velje om dei då vil bytte til Duett for å setje i gong med WebTemp Det er vert vanskeleg å krevje obligatorisk bruk av Webtemp i organisasjonen allereie frå årsskiftet, sidan endå 50% av medlemslaga våre nyttar SunPro som programleverandør.. Pilotfasen vi er i no syner at det er mykje positivt med løysinga, men at ein overgang er tidkrevjande både for oss og laga. Vi må berre arbeide for å få fleire og fleire lag til å ta i bruk Webtemp, og alle lag skal få tilbod om å setje i gang. Sak 60/12 Evaluering av haustsamlingane Evaluering vart gjennomgått Det er stort sett gode tilbakemeldingar på haustsamling, men dårleg på kurs frå leverandørane på Gardermoen. Det var einigheit i styret om at NLT ikkje vil arrangere kurs med programleverandørane fleire gonger, det er ikkje ønskeleg at NLT får risen når det er programleverandørane som ikkje leverar. Evaluering er tatt til etterretning. Sak 61/12 Jordbruksforhandlingane Tidlegare innspel vart gjennomgått. Gjermund ynskjer at ein kan få avløysaryrket inn som valfag i ungdomsskulen. Styret meinte og at då måtte grensa for å nytta ferie og fritid ned til 15 år Kostnadskompensasjon i forhold kostnadsutviklinga er naudsynt å få med. Desse punkta kom styret fram til skal vera med i innspelet frå NLT Krav som vart levert inn i fjor skal liggja i botnen Forslaget til Gjermund med valfag i ungdomsskulen Pensjonsalder frå for bonden ned til 60 år i staden for 62. (jamfør punkt. 4 tidligpensjon frå innspel i 2011)
Innspel vert utarbeidd basert på prioriteringar frå styremøtet. Dette vert så lagt ut på høyring i medlemslaga før endeleg innspel vert oversendt forhandlingspartane. Sak 62/12 Evaluering årets avløysar Finn Hoff orienterte. Saka vart diskutert. Det verkar litt tilfeldig kven som vert kåra til årets avløysar. Styret kom fram til at slik det er i dag får årets avløysar ein del lokal merksemd i media. Dersom ein skal ned til ein årets avløysar vil ein misse dette. Det vart drøfta om eit fylke som fekk årets avløysar eitt år ikkje kunne nominera årets avløysar året etter, men styret kom fram til at det var betre å ha det slik det er no med nokre endringar. Endringane vert at all nominasjon skal gjerast på eit standard skjema utforma av NLT. Forslaga til nominasjon vert å senda til NLT som sender dei vidare til valnemndene i fylka. I tillegg skal ansiennitet og punktlighet vera eit av kriteria som det skal svarast på i nomineringsskjema. Administrasjonen omarbeidar retningslinjer til årets avløysar basert på evalueringa på styremøtet.. Retningslinjer vert godkjent på eit seinare styremøte. Sak 63/12 Utkast til budsjett for 2013 Frode Alfarnes orienterte Administrasjonen må få melding frå vervegruppa om kor mykje pengar dei ser føre seg til å bruke til marknadsføring komande år. Dersom alle går inn på WebTemp i 2013 er det satt av for lite pengar til dette. Frode Alfarnes ser det som lite sannsynleg at alle hoppar på dette allereie i 2013, men får ryggdekning i styret til å ta av fri eigenkapital dersom det skulle verte naudsynt. Det er budsjettert med kr 400 000,- i underskot medan styret ynskjer å gå i null. Kr 200 000,- skal dekkast av marknadsføringsavsetting, vidare skal lønsomsettinga i laga budsjetterasthøgare. Årsmøtet for 2012 vert større og då meir kostnadskrevjande enn tidlegare, dette må inn i budsjettet. Styret meiner at ein snart må diskutere om ein skal auke bemanninga i organisasjonen med eit årsverk. Vidare ynskjer styret at det til neste styremøte skal setjast opp eit langtidsbudsjett. Administrasjon redigerer budsjett etter innstilling frå styret. Redigert budsjett vert lagt fram på styremøte i februar til godkjenning. Administrasjonen utarbeidar og eit forslag til budsjett for framtidig verksemd i NLT
Sak 64/12 Oversettingstenester Frode Alfarnes orienterte. Styret meiner at vi skal ta på oss oversettingar i dokument som alle laga har bruk for. Er det lokale dokument/skjema som ikkje gjeld alle må laga ta dette sjølve. Andre organisasjonar har mykje dokument/skjema liggjande på internett som er oversatt, t.d. Tine og NAV, dette kan og laga nytta seg av. Saka vert vurdert i samband med forprosjekt til administrasjonshandbok. Sak 65/12 Ikkje offentleg Sak 66/12 Deltaking på møter/konferansar A. Temakonferansen Her møter Frode Alfarnes og Finn Hoff B. Nasjonalt samarbeidsforum Finn Hoff deltek C. Bioforsk Ingen frå NLT deltek D. Storfekongress Ser det an til vi eventuelt får ein invitasjon E. Dyrskuen Frist for påmelding skal sjekkast opp Saka teke til etterretting Sak 67/12 Orienteringssaker A. Tilsyn frå arbeidstilsynet Oppfølging av sak 54/12 D. Etter at denne saka har vært oppe i Trøndelag har vi kontakta Arbeidstilsynet ved Laila Grødal. Det vert arbeida med å få ei lik forståing i alle avdelingar i arbeidstilsynet landet over. Slik det ser ut i dag så kan mykje av arbeidet her bli gjort sentralt. Frode Alfarnes orienterte Laila Grødal har signalisert at Arbeidstilsynet ikkje kan pålegge laga å reise ut på kvar gard, slik det er skissert i Trøndelag, men heller kartlegge kva scenario ein kan komme opp i i ulike arbeidssituasjonar. Vi ser føre oss at vi kan utarbeide dette sentralt og avtale med Laila Grødal at dette skal tolkast likt over heile landet. B. Samarbeid Bondelaget Oppfølging av sak 53/12 B. Svar frå bondelaget er kome. Bondelaget vil samarbeide med NLT og vi skal ta kontakt når vi ynskjer eit møte.
C. Agrovisjon Jorulf Refsnes orienterte NLT burde absolutt hatt stand på messa. Til neste gong ynskjer dei at torget til landbruksorganisasjonane skal utvidast. Viktig at vi er med då. D. Landbruksvikarkurs Jørn Haugli Lunde orienterte. Mange planar om landbruksvikarkurs opp til Trøndelag, nord for Trøndelag er det lite aktivitet enno. Orientering er tatt til etterretning. Sak 68/12 Brev frå Oppland Det vart diskutert om det skulle betalast noko tilbake til kursdeltakarane som var på leverandørkursa på Gardermoen. Det er beklageleg at desse kursa var så dårlege, men vi kan ikkje betale noko attende til laga når leverandørane ikkje leverer det vi forventar at dei gjere Styret har diskutert saka og beklagar dårleg utbytte på desse kursa. Styret vil ikkje betale tilbake utgifter laga har hatt i samband med kursa, men vil også i framtida arbeide for å få til best moglege kurs. Ref. Romar Skeie Olsen..