Møteinnkalling Utval : Verneområdesty re for Nærøyfjorden Møtesta d: Vossestølen Hotell, Voss, Oppheim Dato: 04.09.2012 Tidspunkt : 10:00 Eventuelt forfall må meldast snarast på tlf. 99499753. Vararepresentantar møter etter nærare beskjed.
Saksliste Utval s- saksnr ST 36/12 ST 37/12 ST 38/12 ST 39/12 ST 40/12 Innha ld Lukk a Ar kiv - saksnr Godkjenning av innkalling og dagsorden Underskrift av protokoll frå forige møte Nærøyfjorden verneområde - namn på verneområdestyre Nærøyfjorden landskapsvernområde - løyve til endra plassering av informasjonstavler på Stigen. Nærøyfjorden landskapvernområde - søknad om fiskebru ved elvehølen Støa ii Nærøydalselva ST 41/12 Nærøyfjorden landskapsvernområde - økonomisk støtte til benk ved Fresvikstølen Engi ST 42/12 Nærøyfjorden landskapsvernområde - økonomisk støtte til måling av hovudhuset på Styvi gnr bnr 2012/3490 2007/3698 2012/3238 2012/3508 2012/3591 RS 3/12 Midler til forvaltningsknutepunkt 2012 2011/4757 RS 4/12 Supplerende tildelingsbrev på miljøområdet 2012 Orientering Tilskot til landbruksdrift på Styvi Bestillingsdialogen for 2013, orientering v/kristoffer Ullern Hansen, SNO Orienteing om rasvoll ved Skjerpi i Nærøydalen Orientering om skjøtselsplan for Dyrdal og Nedbergo Oppfylging av arbeidet med førebygging av Styviselva Eventuelt 2011/4757
ST 36/12 Godkjenning av innkalling og dagsorden ST 37/12 Underskrift av protokoll frå forige møte
VERNEOMRÅDESTYRET FOR NÆRØYFJORDEN Saksframlegg Arkivsaksnr: 2012/3490-0 Saksbehandler: Anbjørg Nornes Dato: 22.08.2012 Utval Utval sak Møtedato Verneområdestyre for Nærøyfjorden 38/12 04.09.2012 Nærøyfjorden verneområde - namn på verneområdesty re Innstilling frå forvaltar Namn på verneområdestyret for verneområda Nærøyfjorden landskapsvernområde, Bleia Storebotnen landskapsvernområde, Bleia Naturreservat, Nordheimsdalen naturreservat og Grånosmyrane naturreservat er verneområdestyret for Nærøyfjorden. Saksopply sninger Verneområdestyret skal vedta namn på verneområdestyre. Namnet som er vedteke er det offisielle namnet på verneområdestyret, og skal nyttast i profilmateriale for verneområdet. Profilane for dei norske verneområda vert forvalta av Direktoratet for naturforvaltning.
VERNEOMRÅDESTYRET FOR NÆRØYFJORDEN Saksframlegg Arkivsaksnr: 2007/3698-0 Saksbehandler: Anbjørg Nornes Dato: 17.08.2012 Utval Utvalsak Møtedato Verneområdestyre for Nærøyfjorden 39/12 04.09.2012 Nærøyfjorden landskapsvernområde informasjonstavler på Stigen. - løyve til endra plassering av Innstilling frå forvaltar Verneområdestyre for Nærøyfjorden gjev Nærøyfjorden Verdsarvpark løyve til å endra plasseringa av 2 informasjonstavler, frå kaien ved Stigen til utsiktspunkt ved tunet på garden Nedste Stigen, gnr. 53 bnr. 2. Løyvet er gjeve med heimel i verneforskrifta 3 pkt. 1.3 c), og gjeld med fylgjande vilkår: Løyvet til oppsetting av informasjonstavlene vert gjeve etter same vilkår som i løyve gjeve av Fylkesmannen i Sogn og Fjordane arkvisaksnr. 2007/3698-432.2. Informasjonstavlene skal setjast inn mot fjellveggen for ikkje og skjerma for utsikta til fjorden, etter avtale med grunneigar. Me gjer merksam på at tiltaket må godkjennast og avklarast med grunneigar på Nedste Stigen. Saksopply sning ar Dokument som bakgrunn for saka: Søknad frå Nærøyfjorden Verdsarvpark om godkjenning for endra plassering av informasjonstavle på Stigen, datert 16.07.2012 Nærøyfjorden landskapsvernområde løyve til oppsettinga av informasjonstavler, Fylkesmannen i Sogn og Fjordane, datert 18.05.2010 Søknaden vert vurdert etter: Forskrift om vern av Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden 2007 Naturmangfaldlova av 19.juni 2009
Fylkesmannen i Sogn og Fjordane gav Nærøyfjorden Verdsarvpark løyve til oppsetting av 2 informasjonstavler ved kaien til Stigen. I ettertid har grunneigarane på Nedste Stigen, Hege Strømme og Dee Cunningham, planlagt ein kvileplass i nærleiken av tunet på garden. Denne plassen meiner dei vil vera ein fin for plassering av informasjonstavlene. Dei ynskjer og plassera tavlene inn mot fjellveggen, for å unngå at tavlene skal skjerma for utsikta, og verta dominerande i landskapet. Vurdering Forvaltar viser til Fylkesmannen sin vurdering i samband med løyve til oppsetting av informasjonstavlene saksnr. 2007/3698-432.2, og legg denne til grunn for tilrådinga. Oppsettinga av informasjonstavler er i tråd med forvaltningsplan for Nærøyfjorden, og skjøtselsplan for Stigen. I løyvingsbrevet frå Fylkesmannen er det uttalt: Fylkesmannen meiner at arbeidet med informasjonstavler og merking av stiar er viktig både som identitetsskapande tiltak og for bruken av området med friluftsliv og naturbasert reiseliv. Ny plassering av tavlene ved tunet på Nedste Stigen i samband med kvileplassen, er ein god plassering for og gje informasjon om området til besøkjande. Ved og plassera tavlene inn mot fjellveggen, vil ikkje tavlene skjerma for utsikta, eller dominera i landskapet. Forvaltar tilrår gjennomføring av tiltaket.
VERNEOMRÅDESTYRET FOR NÆRØYFJORDEN Saksframlegg Arkivsaksnr: 2012/3238-0 Saksbehandler: Anbjørg Nornes Dato: 16.08.2012 Utval Utvalsak Møtedato Verneområdestyre for Nærøyfjorden 40/12 04.09.2012 Nærøyfjorden landskap svernområde - søknad om fiskebru ved elvehølen Støa i Nærøy dalselva Innstilling frå forvaltar Verneområdestyret for Nærøyfjorden gjev grunneigarane på Skjerpi på gnr. 60 bnr. 1, 2 og 3 løyve til oppsetting av fiskebru med nødvendig tilkomst på stor stein i elvehølen Støa i Nærøydalselva. Løyvet er gjeve med heimel i verneforskrifta for Nærøyfjorden 3, pkt. 1.3 f) og gjeld med fylgjande vilkår: Fiskebrua med tilkomst skal setjast opp på ein skånsam måte for naturen, og med minst mogleg inngrep i landskapet. Dersom grunnlaget for løyvet vert endra, eller omsynet til naturmiljøet på eit seinare tidspunkt til seier det, kan verneområdestyre krevja at fiskebrua med tilkomst skal fjernast, og området tilbakeførast til den tilstanden som var når tiltaket vart sett i gang. Me gjer merksam på at dette løyvet berre gjeld tilhøvet etter verneforskrifta. Søkjar må sjølv innhenta andre nødvendige løyve frå Aurland kommune. Saksopply sning ar Dokument som bakgrunn for saka: Søknad frå grunneigarane på Skjerpi om løyve til adgangsvandring i elvehølen Støa i Nærøydalselva, datert 13.08.12 Spørsmål frå grunneigar Lene Hagen om fiskebru i Nærøydalselva, datert 12.07.12 Søknaden vert vurdert etter: Forskrift for Nærøyfjorden landskapsvernområde av 08.11.2002
Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Grunneigarane på Skjerpi har sett opp ei fiskebru på ein stein i elvehølen Støa i Nærøydalselva. Fiskebrua er sett opp på ei strekning av elva som ligg innanfor Nærøyfjorden landskapsvernområde. Fiskebrua er sett opp for og gjera fiskeplassen i Støa lettare tilgjengeleg, og for og gjera fiskeplassen tryggare for fiskarane. I søknaden frå grunneigarane på Skjerpi vert det opplyst, og dokumentert med bilde, at det har vore gjort tiltak for og betra tilkomst for fiske ved elvehølen Støa tidlegare år. Forvaltar var på synfaring i Nærøydalselva 03.07.2012. Grunneigarane opplyste til forvaltar at dei var i god tru om at tiltaket ikkje var søknadspliktig når dei sette opp fiskebrua. Grunneigar på andre sida av elva, Lene Hagen, er i mot tiltaket, og meiner det er skjemmande på naturen, og øydelegg for deira fiske på motsatt side av elva. Ho meiner i tillegg det ikkje har vore noko fiskebru på denne staden tidlegare. Ut frå bilde som er sendt frå grunneigarane på Skjerpi, viser det at det har vore ulike tiltak ved og på den store steinen i Støa tidlegare. Vurdering Nærøyfjorden landskapsvernområde er verna mot alle inngrep eller tiltak som vesentleg kan endra eller verke inn på landskapets art eller karakter jf. verneforskrifta for Nærøyfjorden landskapsvernområde 3 punkt 1.1. Forvaltningsstyresmakta kan gje løyve til oppføring av nye bruer og klopper jf. 3 punkt 1.3 f). På fleire stader langs elva er det sett opp bruer og ramper for og betra tilkomsten for fiske i elva. På steinen i Støa viser det merke etter tiltak som er gjennomført tidlegare. Tiltaket er eit mindre fysisk inngrep, og vil i liten grad endra landskapet. Sekretariatet vurderer difor ikkje tiltaket i strid med verneforskrifta 3, og at det kan gjevast løyve til tiltaket etter verneforskrifta 3 punkt 1.3 f). Tiltaket er eit tryggingstiltak for fiskarane, i tillegg til at det gjev betre tilgang til fiskeplassen i Støa. Elveeigarlaget i Nærøydalen har strengt regulert fiske ved at all hofisk skal setjast ut att i elva. Vassdragsregulering i tilføringselva Jordalselva fører til låg vassføring i elva i periodar. Dette har ført til dålege oppvekstvilkår for ungfisk av laks i elva. Elveeigarlaget har difor innført dei strenge fiskereglane i elva. Elvehølen i Støa er vanskeleg og forsera med fisk på kroken, og det er fare for at snøre slitnar, og fisken forsvinn med krok og snøre. Fiskeforvaltar hjå Fylkesmannen i Sogn og Fjordane har vurdert tiltaket til og vera positivt for å kunne hjelpa på å unngå skade på fisk som skal setjast ut att i elva. Sekretariatet vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om elva i området er kjent gjennom forvaltningsplan for Nærøyfjorden. Kunnskapen om laks og sjøaure i vassdraget er kjent gjennom NINA-rapport 476 (2010) og driftsplan for Nærøydalselva. Fiske er strengt regulert gjennom fiskereglar for Nærøydalselva. 9 Føre-var-prinsippet: Kunnskapen om området er bra, og føre-var-prinsippet er tillagt liten vekt. Likevel er det teke med som vilkår at fiskebrua kan fjernast dersom tilhøvet til naturmiljøet på eit seinare tidspunkt tilseier det. 10 Økosystemtilnærming og samla belastning: Fiskebruer og tilkomstbruer er sett opp på fleire stader langs Nærøydalselva. Slike tiltak har vore nytta i lang tid for og betra tilgangen på fiske. Det aktuelle tiltaket vert ikkje
vurdert til og gjera den samla belastninga på området vesentleg større enn dei tiltaka som alt er i området i dag. 11 Kostnadane ved miljøforringing skal berast av tiltakshavar: Tiltakshavar har sjølv teke kostnadane med fiskebrua og må bera kostnadane med opprydding, dersom det er trong for opprydding i tilknyting til fiskebrua. Fiskebrua med tilkomst skal vera oppført på ein måte som gjer den minst mogleg synleg gjennom måten den er sett opp på, og med materialbruk og fargeval. 12 Miljøforsvarlege teknikkar og driftsmetodar: Boltar er skrydd fast i steinen, og det er nytta materiale av jern og tre i bru med rekkverk. Dette er materiale som er vanleg nytta i området, og er det som er mest forsvarleg til denne type bru. Arbeidet med brua er vurdert til og vera gjennomført på ein miljøforsvarleg måte. Konklusjon: På bakgrunn av vurderingane etter naturmangfaldlova 8 til 12, og verneforskrifta for Nærøyfjorden landskapsvernområde, meiner sekretariatet tiltaket kan gjennomførast.
VERNEOMRÅDESTYRET FOR NÆRØYFJORDEN Saksframlegg Arkivsaksnr: 2012/3508-0 Saksbehandler: Anbjørg Nornes Dato: 17.08.2012 Utval Utval sak Møtedato Verneområdestyre for Nærøyfjorden 41/12 04.09.2012 Nærøyfjorden landskapsvernområde Fresvikstølen Engi - økonomisk støtte til benk ved Innstilling frå forvaltar Verneområdestyret for Nærøyfjorden gjev Fresvik Bygdalag inntil kr. 7000 i økonomisk støtte til kjøp av to benker. Benkane skal plasserast ved stølen Engi, ein av innfallsportane til Nærøyfjorden landskapsvernområde. Løyvinga står ved lag ut 2012. Midlane vert dekka av budsjettpost tiltaksmidlar. Det må innhentast nødvendige løyve til tiltaket frå grunneigarar på staden, og Vik kommune. Saksopply sning ar Dokument som bakgrunn for saka: Søknad om tiltaksmidlar frå Fresvik Bygdalag, datert 16.08.12 Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Fresvik Bygdalag søkjer om tiltaksmidlar til kjøp av to benker som dei ynskjer og plassera ved stølen Engi i Fresvik. Dei ynskjer og plassera benkane ved sida av steinen med verdsarvplata i bronse. Benkane skal kjøpast inn frå ein snikkar i Fresvik. Pris pr. benk er ca. kr. 3500. Benkane er i massiv tre. Prisen inkluderer transport og montering. Bygdalaget utfører eigeninnsats med tilrettelegging av plassen.
Vurdering Stølen Engi og plassen der benkane skal plasserast, er utanfor grensa for Nærøyfjorden landskapsvernområde. Plassering av benkane vert difor ikkje vurdert etter verneforskrifta for Nærøyfjorden landskapsvernområde. Sekretariatet vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen om området er kjent gjennom forvaltningsplan for Nærøyfjorden, og informasjon som er utarbeida til bruk i Nærøyfjorden Verdsarvområde. 9 Føre-var-prinsippet: Det er god kunnskap om område og tiltaket, og føre-varprinsippet er difor tillagt liten vekt. 10 Økosystemtilnærming og samla belastning: Tilrettelegging med benkar ved informasjonsplakaten vil ikkje medføra auka belastninga på området, men medverka til betre tilrettelegging av informasjonen ved innfallsporten til verneområde. Nærøyfjorden Verdsarvpark planlegg ein innfallsportal ved parkeringsplassen ved Engi. Bygdalage bør samkøyra planane om oppsetting av benkane med Verdsarvparken. 11 Kostnadane ved miljøforringing skal berast av tiltakshavar: Ved tilrettelegging med benkar, vil det føre til at besøkjande nyttar plassen som kvileplass. Fresvik Bygdalag har ansvar for vedlikehald av benkane og halda plassen i orden. 12 Miljøforsvarlege teknikkar og driftsmetodar: Benkane som er planlagt innkjøpt, er i tre, og høver fint i landskapet. Konklusjon: På bakgrunn av vurderingane etter naturmangfaldlova 8 til 12, rår forvaltar verneområdestyret til å løyve inntil kr. 7000 i økonomisk støtte til tiltaket.
VERNEOMRÅDESTYRET FOR NÆRØYFJORDEN Saksframlegg Arkivsaksnr: 2012/3591-0 Saksbehandler: Anbjørg Nornes Dato: 23.08.2012 Utval Utval sak Møtedato Verneområdestyre for Nærøyfjorden 42/12 04.09.2012 Nærøyfjorden landskapsvernområde hovudhuset på Styvi - økonomisk støtte til måling av Innstilling frå forvaltar Verneområdestyre for Nærøyfjorden gjev Bjørn Henning hov kr. 85 000 i tilskot til måling av hovudhuset på Styvi gnr.58/bnr.1. Midlane vert utbetalt frå budsjettpost tiltaksmidlar. Løyvinga står ved lagt ut 2012. Løyvet gjeld med fylgjande vilkår: Vedlikehald av bygningen skal gjennomførast etter lokal byggeskikk på staden, dvs. målast i same farge som bygningen har i dag. Arbeidet skal gjennomførast innan utgangen av 2012. Tilskotet vert utbetalt etter forvaltar har vore på synfaring og godkjent at arbeidet er sluttført. Saksopply sning ar Dokument som bakgrunn for saka: Søknad om tilskot til måling av hus på Styvi frå Bjørn Henning Hov, datert 23.08.12 Søknaden vert vurdert etter: Forskrift for Nærøyfjorden landskapsvernområde av 08.11.2002 Forvaltningsplan for Vestnorsk fjordlandskap delområde Nærøyfjorden (2007) Naturmangfaldlova av 19. juni 2009 Skjøtselsplan for Styvi
Hovudhuset på Styvi treng oppussing med ny måling og reparasjon av taket. Bjørn Henning Hov har fått tilbodspris på arbeidet frå eit målarfirma. Pristilbodet er på kr. 67 650 + mva. Hov opplyser på telefon at han vil ta kostnadane med frakt til Styvi av materiale og målarmeister/arbeidsfolk. På Styvi ligg båe gardane inne i Nærøyfjorden landskapsvernområde, og har høgare vernestatus enn andre gardar i Nærøyfjorden som ligg utanfor grensa for verneområde. Hovudhuset på Styvi gnr.58/bnr.1 er gamalt (ferdig oppsett i 1851) og eit særprega bygg i tunet der også innvendig det meste er intakt, og med det ein av dei mest verdfulle bygningane på Styvi. Kledningen på huset har ikkje vore skifta, og er den originale kledningen frå 1851. Vurdering Styvi er omtala særskilt i forvaltningsplanen for Nærøyfjorden som er særprega kulturlandskap med viktige kulturminne, opplevingsverdiar og kulturbetinga biologisk mangfald, med svært høg prioritet for skjøtsel. På denne bakgrunn er det laga ein eigen skjøtselsplan for å ta vare på desse verdiane. Bygningane er vurdert som verneverdige av kulturavdelinga hjå Sogn og Fjordane fylkeskommune. Kledningen på huset er frå 1851, og er med det ein verdi i seg sjølv. Det er difor viktig at huset vert vedlikehalde med ny måling i år. Hovudhuset er høgt med mange skråvinklar, og det medfører ekstra kostnader med målearbeidet. Det er viktig med god sikring/tryggleik for og gjennomføra arbeidet. Sekretariatet vurderer søknaden slik etter naturmangfaldlova 8-12: 8 Kunnskapsgrunnlaget: Kunnskapen i området er kjent gjennom forvaltningsplan for Nærøyfjorden, skjøtselsplan for Styvi-Holmo rapport nr. 4 1994, og synfaringar saman med representant frå kulturavdelinga hjå Sogn og Fjordane Fylkeskommune. Kunnskapen om området og tiltaket vert vurdert som bra. 9 Føre-var-prinsippet: Kunnskapen er om området er god, og føre-var-prinsippet er difor tillagt liten vekt i denne saka. 10 Økosystemtilnærming og samla belastning: Måling av huset er vedlikehaldsarbeid. Dette punktet vert ikkje vurdert som relevant i denne saka. 11 Kostnadane ved miljøforringing skal berast av tiltakshavar: Dette punktet vert ikkje vurdert som relevant i denne saka. 12 Miljøforsvarlege teknikkar og driftsmetodar: Målingsarbeidet vert utført av ein målarmeister. Dette punktet er ikkje relevant i denne saka. Konklusjon: På bakgrunn av vurderingane, rår forvaltar verneområdestyre til å løyve kr. 85 000 i tilskotet til tiltaket.
RS 3/12 Midler til forvaltningsknutepunkt 2012 RS 4/12 Supplerende tildelingsbrev på miljøområdet 2012