Føresegner Detaljregulering for Sand sentrum nord Suldal kommune Dato: 15.05.2018 Rev.: 23.10.2018 Dei regulerte områda er vist med reguleringsgrense på plankartet. Innanfor dei regulerte områda skal arealbruken vera som det går fram av plankartet. Desse føresegnene utgjer saman med plankart datert 15.05.2018, revidert 23.10.2018, reguleringsplan for området. Føremålet med reguleringsplanen er å avklare trafikkløysingar kring Bekkjatorget, bruk av nærliggjande areal, og bruk av tidlegare ferjefil med tilliggjande areal. 1 Arealet innanfor plangrensa har følgjande føremål i samsvar med plan- og bygningslova I. Bygningar og anlegg (Pbl 12-5 nr. 1) Feltkode - Sentrumsføremål, S 1130 - Øvrige kommunaltekniske anlegg, KT 1560 II. Samferdsle og teknisk infrastruktur (Pbl 12-5 nr. 2) - Veg, V 2010 - Køyreveg, KV 2011 - Fortau, F 2012 - Gatetun, GT 2014 - Gangareal, GG 2016 - Sykkelparkering, SP 2082 - Parkeringsplass, P 2080 - Kombinerte føremål for kai med gangareal, KF 2800 III. Grøntstruktur (Pbl 12-5 nr. 3) - Grøntstruktur, G 3001 IV. Bruk og vern av sjø og vassdrag, med tilhøyrande strandsone (Pbl 12-5 nr. 6) - Ferdsel, VFS 6100 - Småbåthamn, SM 6230 1
V. Omsynssoner (PBL 12-6) - Frisikt, H140 140 - Flaumfare, H320 320 VI. Bestemmelseområde (PBL 12-7) - Bestemmelseområde, # 1 2
2 Felles føresegner 2.1 Om det vert gjort funn av automatisk freda gjenstandar eller konstruksjonar under arbeid med tiltak i planområdet, må arbeidet straks stoggast og kulturminnestyresmakt varslast for nærare gransking, jf. Kulturminnelova 8, 2. ledd. 2.2 I samband med godkjenning av byggjesøknad må det kunne dokumenterast hygienisk trygt og nok drikkevatn for bygningar med varig opphald. Avlaup for vatn og kloakk må koplast på det kommunale nettverket. 2.3 All ny framføring av vass- og avløpsanlegg, tele- og elektriske kablar innanfor byggjeområda skal leggjast i jordkabel. 2.4 Ved planlegging og utbygging bør det leggjast til rette for klima- og energitiltak i samsvar med Klima- og energiplan for Suldal kommune 2012-17 (2013). 2.5 Tiltak som fell inn under hamne- og farvasslova sine føresegner skal godkjennast av rette hamnemynde. 2.6 Universell utforming skal vera eit berande kvalitetsprinsipp, og uterom og areal for gåande og syklande skal så langt som råd vera tilpassa for bevegelses-, orienterings- og miljøhemmande. 3 Bygningar og anlegg (Pbl 12-5 nr. 1) 3.1 Sentrumsføremål, S generelt 3.1.1 Føremålet kan omfatte forretning, servering, tenesteyting og/ eller kontor. 3.1.2 Areal for renovasjon til lagring av avfall, skal vera plassert innomhus eller avskjerma med innhegning tilpassa øvrige fasadar. 3.1.3 Det skal leggjast til rette for 1.0 parkeringsplass pr. bueining under 50 m2 BRA, 1.5 parkeringsplass pr. bueining over 50 m2 BRA, og 1.5 parkeringsplass pr. 100 m2 golvflate for kontor, servering, forretning og tenesteyting. Areal for parkering kan skje innanfor område avsett til sentrumsføremål, S eller innanfor område avsett til parkering. Parkering for bustadar kan også skje utanfor sjølve planområdet, innan rimeleg gangavstand, maks 500 meter frå bygget. For kvar bueining må det dokumenterast med avtale at parkeringsdekning er i tråd med kravet. 3.1.4 Der ikkje anna er vist på plankartet, er byggegrensa samanfallande med føremålsgrensa. Byggegrenser gjeld og som byggegrense mot sjø. 3.1.5 Særskilt for felt S1 I 2. etasje og oppover kan det tillatast etablering av bustadar. Kvar bueining skal ha minimum 7 m2 privat uteareal pr. bueining. Privat areal kan vere balkongar, terrassar og liknande. Føremålsgrensa og byggjegrensa samanfell, og området kan nyttast fullt ut, 100% BYA. Maksimal mønehøgd er kote +11 for S1. Ved nybygging/ombygging skal eksisterande byggestil med sjøhuspreg vidareførast. Bygningar skal ha saltak. Fasadane i første etasje skal brytast opp med store vindauge/inngangsparti. 3
Ved etablering av venterom nordvest i bygningen skal dette ha fasadar med store vindaugsflater på nord- og vestsida, slik at det vert godt utsyn til både hurtigbåtstopp sør for Torget, og til busstopp på Bekkjartorget. 3.1.6 Særskilt for felt S2 Feltet omfattar delar av bygningen på gnr. 103 bnr. 239, og området anses som ferdig utbygd. Oppgradering og fasadeendring av eksisterande bygg kan tillatast der dette estetisk er i tråd med byggjestilen i nærområdet. 3.2 Øvrige kommunaltekniske anlegg, KT 3.2.1 Området omfattar kommunalt anlegg for vatn, avlaup og elektrisitet. 4 Samferdsle og teknisk infrastruktur (Pbl 12-5 nr. 2) 4.1 Samferdsle generelt Ved opparbeiding av samferdselsanlegga innanfor området, skal det nyttast materialar som er tilpassa og i harmoni med materialane som er brukt i Gata og på Torget. Materialar til belegning, møblering og belysning skal vere av god kvalitet. 4.2 Veg, V 4.2.1 Områda omfattar offentlege vegareal. 4.3 Køyreveg, KV 4.3.1 Offentlege avkøyrslar til offentlege parkeringsplassar. 4.4 Fortau, F 4.4.1 Områda omfattar offentlege fortau. Innanfor dette arealet skal det ikkje setjast opp gjenstandar som kan vere til hinder for gåande og syklande. 4.5 Gatetun, GT 4.5.1 Området skal utformast på gåande og syklande sine prinsipp. Oppstillingsplassar for bil skal føregå som anvist på plankartet, og med belegning/merking som understreker slik bruk. Belegning, møblering og belysning er viktige verkemidlar som kan nyttast for å få eit tydleg lesbart og trafikksikkert område. 4.5.2 Områda skal utformast og møblerast slik at tilkomst er sikra til varemottak/ utlevering ved eksisterande bygningar, saman med nødvendig tilkomst for utrykkings- og servicekøyretøy. 4.5.3 Det kan i områda gis løyve til mindre midlertidige bygg og tiltak (installasjonar, paviljongar, telt o.l.). 4.5.4 Innanfor felt o_gt1 skal det etablerast snuplass for buss, med køyrelinjer og radius slik det går fram av plankartet. 4.6 Gangareal, GG 4.6.1 Området omfattar offentleg gangareal. Innanfor dette området kan det setjast ut gatemøblement, plantekassar, sykkelparkering og liknande, der dette ikkje kjem i konflikt med frisikt og ferdsel for gåande. Det kan og etablerast bed for planting av tre eller annan vegetasjon innanfor området. 4
4.6.2 Materialbruken skal vere av god kvalitet og utforming. 4.7 Sykkelparkering, SP 4.7.1 I området skal det setjast av minst 7 stk. offentlege sykkelparkeringsplassar. 4.8 Parkeringsplass, P 4.8.1 Innanfor områda er det avsett areal til offentleg parkering. 4.9 Kombinerte føremål for kai med gangareal, KF 4.9.1 Område KF1 omfattar kombinert føremål for gangareal langs kai. Arealet skal utformast som ein hamnepromenade i forlenging av promenaden langs Torget. Sykkelparkering og leskur ved hurtigbåtstopp kan tillatast oppført. 4.11.1 Langs med området avsett til ferdsel i sjø, skal kaien kunne disponerast til bauganløp for hurtigbåt/skyssbåt. Det må ikkje leggast opp til tiltak som er til hinder for dette. Kailinja må vere dimensjonert for slik bruk, og kan tilretteleggast med fenderverk og moglegheit for fortøying. 5 Grøntstruktur (Pbl 12-5 nr. 3) 5.1 Grøntstruktur, G 5.1.1 Areal for offentleg grøntstruktur. Enkeltståande tre og andre installasjonar som ikkje hindrar særleg sikt kan tillatast. 5.1.2 I felt o_g2 kan det tillatast oppføring av aktivitets- og leikeplassutstyr for tilrettelegging av leik og opphald i sentrum. 6 Bruk og vern av sjø og vassdrag, med tilhøyrande strandsone (Pbl 12-5 nr. 6) 6.1 Ferdsel, VFE 6.1.1 Området er sett av til ferdsel i sjø for småbåtar og hurtigbåt/skyssbåt. 6.2 Småbåthamn, SM 6.2.1 Området er sett av til småbåthamn, og kan leggjast til rette med flytebryggjer/utriggarar. 7 Omsynssoner (PBL 12-6) 7.1 Frisikt, H140 7.1.1 Innanfor områda skal det vere fri sikt i ei høgd på 0.5 m frå primærvegen sin køyrebane. 7.2 Flaumfare, H320 7.2.1 Området omfattar areal med fare for overfløyming som følgje av stormflo/ havnivåstiging og bølgjepåverknad. Alle nye bygningsdelar og infrastruktur under kote + 2.7 skal difor kunne tole sjøvatn. På grunn av usikkerheit knytt til bølgjepåverknad, kan det tillatast oppført bygningar under kote + 2,7 dersom det kan dokumenterast tilstrekkeleg sikkerheit mot bølgepåverknad. Med omsyn til havnivåstigning og stormflo kan det likevel ikkje byggast lågare enn kote + 1,8. 5
8 Bestemmelseområde (PBL 12-7) 8.1 Bestemmelseområde, # 8.1.1 Innafor område #1, #3 og #5, kan det tillatast ei utkraging av bygningskonstruksjonen for etablering av terrasse i 2.etasje. 8.1.2 Innafor område #2 og #6 kan det byggjast takoverbygg tilknytt butikklokala. 8.1.3 Område #4 omfattar veg, V5, i bru over veg, V2, i tråd med utsnittet på reguleringsplan. 9 Rekkjefølgjekrav 9.1 Før det vert gitt løyve til tiltak innanfor samferdselsføremåla skal det lagast ein teknisk plan for veg, avkøyrslar, snuareal for buss, vatn og avlaup. Teknisk plan skal godkjennast av Suldal kommune. 9.2 Før nye tiltak knytt til fylkesveg 690 vert sett i gang, skal det føreligga teknisk plan for utforming av tiltaka. Teknisk plan skal vere godkjent av Statens vegvesen. 6