Husflidskonsulenten i Møre og Romsdal

ÅRSMELDING 2017 Husflidskonsulenten i Møre og Romsdal

Innhald: Organisasjonskart, fylket Strategisk plan 2015-2018 Arbeidsoppgåver: Tiltak: Raudlista Ullialt, sentralt, regionalt-lokalt Kursutvikling / kurslærarkurs Ung Husflid, sentralt, regionalt-lokalt Samarbeidspartnarar og tiltak: Møre og Romsdal Husflidslag, Landstemne 2018 Lokale husflidslag i Møre og Romsdal Husflidsbutikkane og husflidshandverkarar i fylket Fylkeskommunen Andre Drift Avslutning og vegen vidare Husflidskonsulenten i Møre og Romsdal fylke er tilsett i 100 % stilling i Norges Husflidslag. Gjennom Møre og Romsdal Husflidslag gir Møre og Romsdal Fylkeskommune økonomisk tilskot til stillinga. Husflidskonsulenten har kontorlokale i Rasmus Rønnebergsgate 1, 6002 Ålesund. Telefon: 915 34 117 E-post: moreogromsdal@husflid.no Organisasjonskart, fylket per 31.12.2017 Norges Husflidslag ca 24 000 medlemmer Møre og Romsdal Husflidslag 1278 medlemmer Lokale husflidslag 29 lokallag Husflidsbutikkar 4 butikkar Husflidshandverkarar 8 husflidshandverkarar

Strategisk plan 2015 2018, vedteken på Landsmøtet i Harstad - juni 2014 Visjon Verdiar Aktivitet Hovudmål Arbeidsområde Husflid formar framtida Tradisjon, kvalitet, skaparglede Ivareta, formidle og fornye husflidstradisjonane Husflid skal vere levande som kultur og næring i Norge Opplæring, næringsutvikling og synleggjering Dette skal vi oppnå gjennom: OPPLÆRING: Mål: Auke kompetansen fagleg og organisatorisk Vi skal særleg arbeide med truga teknikkar Vi skal ha fokus på økologi og verdikjede i materialane Vi skal sikre fornying og nytenking Vi skal auke born og unge sin kunnskap og dugleik innan husflid Vi skal arbeide med styrking av offentleg utdanning innan handverksfaga våre NÆRINGSUTVIKLING: Mål: Sikre utøving og sal av husflidshandverk i Norge Vi skal betre rammevilkåra for næringsutøvarar Vi skal styrke merkevara husflidshandverk Vi skal bevisstgjere produksjons- og salsledd som kulturnæringar SYNLEGGJERING: Mål: Auke bevisstheita om husflid i samfunnet fagleg og politisk Alle kultur-, utdannings- og næringspolitikarar skal kjenne arbeidet vårt. Vi skal utvikle formidling i digitale kanalar. Vi skal gjennomføre landsomfattande satsingsområder som involverer fleire eksterne samarbeidspartnarar. Produkt frå norske sauar

Arbeidsområde: Opplæring Mål: Auke kompetansen fagleg og organisatorisk Strategi: Vi skal særlig arbeide med truga teknikkar Raudlista. Skildring av tiltaket: Dette prosjektet er Norges Husflidslags dugnad for vår felles immaterielle kulturarv. Mange av dei tradisjonelle husflidsteknikkane og kunnskapen kring desse, kan vere i ferd med å gå tapt om vi ikkje fører det vidare til nye generasjonar. Husflidskonsulenten vil inspirerer og oppmode husflidslaga til å velje seg ein lokal trua teknikk som dei kan arbeide med og formidle vidare. Resultat: Tiltaket rullar vidare i lokallaga, og i 2017 har 13 av 29 husflidslag arbeid med eller arbeider med raudliste-tiltaket. Av desse har fleire halde temakveldar og / eller kurs utan lærar i valte tema. Heller få lokallag har dokumentert valte raudliste-teknikkane eller tema. Raudlista på nettet. http://www.husflid.no/fagsider/roedlista/fylkeslag_lokallag_og_teknikker Husflidskonsulenten har bidrege til å få stoff og materiell om strikketeknikkar knytt til Stasvotten (prosjekt i 2015-16) på nettet, om lokale strikkevariantar på tommelkile, felling av vott og flossbroderi på vott. Konsulenten har skaffa til veie film om krøllsålar laga av Aslaug Valved, Innfjorden. Rauma Husflidslag dokumenterte dette arbeidet ca på 1980 talet. Filmen er no under vidare arbeid og vil bli lagt på nettet i løpet av 2018. Voll Husflidslag har levert dokumentasjon om Flossateppe. Dette er blitt vidareformidla, og resultatet kjem på nettet i nær framtid. Flossateppe i vevstolen

Konsulenten har bidrege til at Fylkeshusflidslaget har engasjert ein person som skal dokumentere tillaging av treskrin (ein slags falsk intarsia) og tillaging av bakelsesjarn frå Stranda. Utprøving av heimevevd ullstoff i Brøste-stampa. Konsulenten har vore i kontakt med personar for stampa på Brøste i Rauma Kommune. Dei fortel at stampa der ikkje fungerer optimalt. I håp om at stampa på Brøste kan forbetrast, har konsulenten formidla kontakt til Labro-musea i Buskerud som har laga seg ei godt fungerande stampe. Nokre damer i Surnadal Husflidslag står klar til å veve opp ullstoff til bruk i stampa, så snart den blir betra og vil fungere etter ynskje. Tiltaket vidareførast i 2018. Blokktrykk på ullstoff. Sjå tiltak Ullialt Opplæring i grindvev med plukking, spalte og ekstra holrader. Rundt om i Noreg kan ein finne fagpersonar som er tradisjonsbærarar og er fagpersonar innan teknikk som heller få personar er kjent med. Dette gjeld Anne Grete Stuksrud, Lillehammer, og hennar måte å veve mønster i grindveven. Husflidskonsulenten besøkte ho saman med ein kollega, noko som førte til eit tre dagars kurs i dette tema for seks andre husflidskonsulentar. Konsulenten organiserte og var ansvarleg for gjennomføring kurset og det vidare arbeidet med grindvevopplæringa. I løpet av fyrste halvår 2018 skal oppskrifter, metode og historikk bli lagt tilgjengeleg for alle på www.husflid.no. Skrin i falsk intarsia Bakelesesjarn frå Stranda Band, plukking i grindvev

Arbeidsområde: Opplæring Mål: Auke kompetansen fagleg og organisatorisk Strategi: Vi skal ha fokus på økologi og verdikjeden til materialane Ullprosjektet Ullialt. Skildring av tiltaket Landsmøte i Norges Husflidslag vedtok i Strategisk Plan 2015-2018, å arbeide med eit landsomfattande prosjekt, og emneområdet vart norsk sau/ull/skinn. Prosjektet har fått namnet Ullialt. Husflidskonsulenten deltek i planlegginga og framdrift av prosjektet på nasjonalt plan. Innhente eigen kompetanse gjennom deltaking på arenaer initiert av andre som arbeider med sau og ull. Planlegge og gjennomføre kompetanseheving for kollegaer. Fullføre arbeidet med nasjonal sokkekonkurranse, Lett på foten. Planlegge og gjennomføre nasjonal ull-konferanse, Tydlig norsk ull Tilby og gjennomføre temakveldar for butikkane og lokale husflidslag. Utvikle nye ull-produkt bygd på lokale og regionale tradisjonar i fylket. Hovudmål: Auke bruken av og kunnskapen om norsk ull Resultat: Sentralt: Prosjektgruppa. Tiltaket har eigen prosjektleiar, og husflidskonsulenten sit i den sentrale prosjektgruppa, og er med på å drifte prosjektet gjennom planlegging og gjennomføring av tiltak etter prosjektplanen. Prosjektgruppa har hatt 6 møter i 2017. Eitt av desse møta var lagt til Nordmøre med bedriftsbesøk på Tingvoll, hos Krivi-vev, Møre Bånd og Vev, hos Felagi som trykker mønster på stoff. På tampen av året har prosjektgruppa arbeid med planlegging av tiltak og synleggjering det siste prosjektåret 2018. Kompetanseheving i organisasjonen. I samband med intern kompetanseheving innan norsk ull og skinn, har prosjektgruppa planlagt og gjennomført felles teammøter for alle husflidskonsulentane i Stavanger. Inklusiv i dette møte var tur til Granberg Garveri, Ølen, det einaste garveriet vi har igjen i Noreg.

Sokke-konkurransen, Varm på foten. Denne vart gjennomført i 2016, men med offentleggjering av vinnarprodukta i januar 2017. Husflidskonsulenten har arbeid med å kvalitetssikre fire strikkeoppskrifter som har blitt og vil bli presentert i Norsk Husflid. Nasjonal ullkonferanse 2017, tydlig norsk ull. Gjennom heile vårhalvåret arbeide prosjektgruppa med den nasjonal ullkonferanse som var lagt til Stjørdal i april. Konferansen hadde som mål å betre kvaliteten og auke kunnskapen om og bruken av den norske ulla. Landbruksorganisasjonar, garnfabrikkantar, butikkar og andre aktørar innan same fagfeltet, var samarbeidspartar i konferansen. Konferansen var todelt med to konferansedagar med påfylgjande to dagar med husflidskurs for vidarekomande. Alle kursa var knytt til materialområde ull. Vi fekk god tilbakemelding frå deltakarane både på konferansen og kursa. Meir info om konferansen: http://www.husflid.no/fagsider/ullialt/konferanse_om_norsk_ull Frå Ullialt konferansen

Lokalt/regionalt. Kompetanseheving. Alle husflidsbutikkane og husflidslaga i Møre og Romsdal har fått tilbod om kompetanseheving innan tema norsk ull. Husflidskonsulenten har i 2017 vitja tre husflidslaga med dette tema. Regional prosjektgruppe Møre og Romsdal Husflidslag har sett ned ei regional ull-gruppe som skal arbeide med tema ull, og husflidskonsulenten er ein av personane i gruppa. I prosjektperioden 2015-2018 har gruppa har valt å arbeide med Bryllaupsvottar frå Sunndal (fullført i 2016) og blokktrykk på ullstoff som begge er tiltak både under Ullialt og Raudlista. Blokktrykk på ullstoff. I midt-noreg har vi ein sterk tradisjon med blokktrykk på ullstoff, men talet på utøvarar er få og kunnskapen om dette er heller liten. Prosjektgruppa har arbeid med å innhente kunnskap og har i samband med det, vitja Rindal Skimuseum, Rindal som har mange tekstilar og folk med kunnskap på dette feltet. I tillegg har konsulenten vore på besøk på Sverresborg Folkemuseum i Trondheim som har Nordens største samling av trykkblokker, ca 700 stk. Tidlegare har det vore ein del kontakt med utøvarar i dette faget i Møre og Romsdal og Sør-Trøndelag. Husflidskonsulenten har og vitja museet i Selbu, der ein og finn ei god samling av trykkblokker og tekstilar. I samband med ullkonferansen deltok konsulenten saman med ein person til frå prosjektgruppa, på kurs i blokktrykk på ullstoff. Kurslærarar i Stjørdal var tradisjonsbærarar frå Lesja. I Møre og Romsdal har vi spesielt to utøvarar av blokktrykk på ullstoff, Ingvild Hansen Nystad, Norddal og Anne Botn Stokke, Valsøyfjord. Saman med desse samt utøvarar frå Lesja, deltok konsulenten på samling på Lesja i november. Handverksinstituttet, Maihaugen, Lillehammer hadde tatt initiativ til dette møte. Her vart det utveksla erfaringar og kompetanse og eksperimentert med fargestoff og materiale. Dette gruppa vil ha eit nytt møte i Molde i mai -18 før Handverksinstituttet vil skrive ein endeleg rapport om tema. Tradisjonelle trykkblokker

Og i sommar har fleire i prosjektgruppa inklusiv husflidskonsulenten, jobba med å koke ut fargestoff av orebark. Dette fargestoffet vart prøvd ut på ullstoff i november med spanande resultat. Konsulenten har laga ein pover-point om blokktrykk på ullstoff. Denne var tenkt brukt på kursa som var planlagt i Møre og Romsdal i oktober og i Sør- Trøndelag i januar -18. Konsulenten skulle vere kurslærar, men begge desse kurs kom ikkje i gang. Kurset i Møre og Romsdal vart utsett og vil bli gjennomført i februar 2018. Prosjektgruppa i Møre og Romsdal vil presentere team blokktrykk på ullstoff gjennom ei utstilling under Landsmøte i Molde i juni 18. Før prosjektperioden er over, ynskjer prosjektgruppa også å lage til eit opplegg med blokktrykk på ullstoff som egnar seg for barn og unge. Tradisjonelle produkt med blokktrykk

Arbeidsområde: Opplæring Mål: Auke kompetansen fagleg og organisatorisk Strategi: Vi skal sikre fornying og nytenkning Kursutvikling og kurslærarkurs. Skildring av tiltaket Diskusjons- og samarbeidspartnar for kurs og kompetanseutviklar i Norges Husflidslag. Kurslærarkurs: Ut frå tidlegare undersøkingar ser vi at kurslærarane våre har svært stor kompetanse, men dei har høg alder. Om nokre år kan det bli vanskeleg å få tak i dyktige kurslærarar innan vårt fagområde. For å vidareformidle den kompetansen erfarne kurslærarar har, og for å inspirere andre til å bli kurslærar, arbeider Norges Husflidslag i samarbeid med Studieforbundet Kultur og Tradisjon, for å få fylkes- og lokallag til å arrangere kurslærarkurs. Resultat: Konsulenten har gjennom heile året vore samtale- og diskusjonspartnar for kurs og kompetanseutviklar i Norges Husflidslag som og deltek på deler av møta i team opplæring. I mai deltok konsulenten som representant for Norges Husflidslag på årsmøte og på 20-års-jubileum for Studieforbundet Kultur og Tradisjon i Oslo. Kurslærarkurs. Husflidskonsulenten har saman med Husflidskonsulenten i Buskerud, halde hand om tiltaket Kurslærarkurs i Norges Husflidslag. Fylkeshusflidslaget og husflidskonsulenten var saman om å planlegge og gjennomføre kurslærarkurs i februar. Konsulenten var kurslærar saman med ein representant frå Studieforbundet Kultur og Tradisjon. Kurset var arrangert i Ørsta, og dei 16 deltakarane kom frå Sogn og Fjordane og Møre og Romsdal. Møre og Romsdal Husflidslag og lokale husflidslag i fylket, arrangerte til saman 57 kurs i 2017 med til saman 1127 kurstimar og 420 deltakarar, noko som er ein nedgang frå året før. Emneområde som hadde flest kurs var tekstilområda bunad og vev. Frå kurslærarkurset i Ørsta

Arbeidsområde: Opplæring Mål: Auke kompetansen fagleg og organisatorisk Strategi: Vi skal auke born og unge sin kunnskapen og dugleiken innan husflid Ung husflid, sentralt og i Møre og Romsdal Skildring av tiltaka: Ung husflid, er namnet på husflidsarbeidet for barn og ungdom i Norges Husflidslag. Vere diskusjons- og samtalepart for barne- og ungdomskonsulenten i Norges Husflidslag. Sommerskular i husflidslaga i Møre og Romsdal, oppfølging, vere kurslærar Bruke regionale arena til kunnskapsformidling til lærarar, barn og unge: Foredrag og aktivitetsøkt på Fellesverket Dragen, Ålesund. Ung Husflidskurs, Sør-Trøndelag Resultat: Konsulenten har gjennom heile året vore samtale- og diskusjonspart for barneog ungdomskonsulenten i Norges Husflidslag. Samtalane har stort sett gått på utvikling av tilboda for barn og unge og opplæring av vaksne som skal formidle husflid til yngre generasjonar. Spinnville-veke, aktivitetsveke for barn. I fleire år har husflidskonsulenten saman med Molde Husflidslag og Romsdalsmuseet, gjennomført Spinnvill-veke, ei aktivitetsveke for barn mellom 8-12 år i Molde. I denne veka har ungane fått tilbod om husflidsog handverksaktivitetar som ulike tekstile aktivitetar, spikking, besøk på gard med dyr, turdag til ulike historiske stader, omvising på museet, forskjellige vikingaktivitetar, med meir. Aktivitetane har vore bestemt av kva lærarar og hjelparar ein har fått tak i dei ulike åra. Også i år vart ei slik veke gjennomført på Romsdalsmuseet, og husflidskonsulenten deltok i planlegginga, var ansvarleg for sine fagfelt, var kurslærar i spikking, blokktrykk og hadde aktivitetar på turdagen til Løvikremma på Aukra. 29 ungar deltok på Spinnvill veke i 2017 i Molde. Prosjektet vil bli vidareført. Fellesverket Dragen, Ålesund. Røde Kors Møre og Romsdal spurte husflidskonsulenten om å halde eit fordrag om bunadstradisjonar i Noreg samt å tilby litt opplæring i snorer og band for våre nye landsmenn. Dette vart gjennomført i desember på Fellesverket Dragen som er eit kultur og aktivitets hus for barn og ungdom i Ålesund.

Ung husflidskurs for instruktørar. Kurs for barne og ungdomsinstruktørar frå region midt-noreg, er eit samarbeidsprosjekt mellom fylkeslaga og husflidskonsulentane i Nord- Trøndelag, Sør-Trøndelag og Møre og Romsdal. Dette året var kurset lagt til Selbu med Sør-Trøndelag Husflidslag som arrangør. I 2017 var det desse husflidsaktivitetane: perlevev, biletvev, brikkevev, redesign-maskinsaum og spikking. I tillegg var det orienteringar, informasjon og ideutveksling av Ung Husflidsarbeid i lokale husflidslag samt besøk og omvising i strikkeutstillinga på museet i Selbu. Kurset hadde 28 deltakarar, men heller få personar frå Møre og Romsdal. På tross av store reiseavstandar ynskjer deltakarane å forsette dette samarbeidet over fylkesgrensene. I 2018 vil kurset bli lagt til Nord- Trøndelag. I Møre og Romsdal er det 29 lokale husflidslag, og mange av desse har tilbod for barn på ein eller annan måte. I 2016 var det 80 arrangement for barn og unge som kurs, arbeidsstuer, sommarskular eller aktivitetsdagar i eigen regi eller saman med andre. Ved årets slutt 2017 hadde Møre og Romsdal 48 barnemedlemmer (0-14 år) og 32 ungdomsmedlemmer (14-26 år). Spinnvill veke, frå Løvikremma, Aukra

Strategi: Sørge for godt internt samarbeid i organisasjonen Tiltak: Deltaking og samarbeid med fylkeslag/ lokallag Møre og Romsdal Husflidslag: Skildring av tiltaka: Styremøte og årsmøte: Husflidskonsulenten deltek på styremøte, årsmøtet og på andre arenaer initiert av eller saman med fylkeshusflidslaget. Organisasjonskurs: Samarbeid om planlegging og gjennomføring av organisasjonskurset saman med fylkeshusflidslaget. Vere kurslærar. Landsmøte 2018: Møre og Romsdal Husflidslag skal arrangere og vere vertskap for Landsmøte i Norges Husflidslag. Arrangementet er lagt til Molde i juni 2018, og ein ventar omlag 130 deltakande, både frå fylkeslag, lokale husflidslag, husflidshandverkarar, husflidsbutikkar og andre inviterte frå heile landet. I tillegg til sjølve årsmøte, vil deltakarane få tilbod om næringskonferanse, utstillingar, turar, vitje av bedrifter som produserer materiell og husflidsprodukt og få ein god presentasjon av Molde resten av fylket. Samarbeid med fylkeshusflidslaget om andre tiltak og satsingsområder. Mål: Stimulere til ulike husflidsaktivitetar i Møre og Romsdal og gje fagleg råd og rettleiing. Utveksle informasjon, samarbeide om tiltak og vere bindeledd mellom fylkeslaget, lokale husflidslag og Norges Husflidslag sentralt. Resultat: Styremøte og årsmøte: Husflidskonsulenten har delteke på 8 styremøte og på årsmøte for Møre og Romsdal Husflidslag på Stranda. Årsmøte vert nytta som ein informasjonsarena og til utveksling av erfaringar og problemstillingar med lokale husflidslag. På årsmøte var det attval av fylkesleiar som konsulenten har hatt fleire møter og jamleg kontakt med, for å bidra inn i arbeidet til fylkeslaget. Landsmøte 2018, Molde. Arbeidet med dette arrangementet er godt i gang. Husflidskonsulenten har vore med å bygge opp ein struktur for arrangementet, vore bindeledd til sentralleddet, samtalepartnar for fylkesleiar, leiar for Landsmøte-18 og andre i hovudkomiteen, gitt råd, rettleiing og info om tidlegare landsmøter, delteke på felles møter og nokre møter i hovudkomiteen. Konsulenten har ansvar for utstillinga om blokktrykk på ullstoff som er under planlegging.

Organisasjonskurs. Årleg arrangerer Møre og Romsdal Husflidslag organisasjonskurs for lokale husflidslag. Desse kursa går på omgang i fylket. I 2017 vart kurset arrangert i Spjelkavika. Deltakarane kom frå husflidslag på Sunnmøre og i Romsdal. Husflidskonsulenten hjelpte til med organiseringa av kurset og var kurslærar. Innhaldet i kurset var oppbygging av organisasjonen, vedtekter, strategisk plan, www.husflid.no, arbeidsoppgåver til fylkeslaget og om arbeid for tillitsvalde i lokale husflidslag. Tiltaket vidareførast. Frå Møre Bånd og Vev, Tingvoll

Lokale husflidslag i Møre og Romsdal Skildring av tiltaka: Husflidskonsulenten besøker lokale husflidslag rundt om i heile fylket med ulike emne. Det kan vere organisasjonsarbeid, forskjelleg fagstoff og aller helst tema som er satsingsområde i Norges Husflidslag. Husflidskonsulenten gir også husflidslaga tips og idear til arbeidstema, til kurslærarar og andre fagpersonar rundt om i fylket og bidrar elles med råd og rettleiing. Mål: Vere bindeledd mellom ulike deler av organisasjonen og bidra med informasjon og kommunikasjon med lokallaga og lokallagsmedlemmer om aktuelle arrangement og hjelpe til med spørsmål av organisasjonsmessig og fagleg karakter. Resultat: Desse husflidslaga har hatt besøk av husflidskonsulenten i 2017: Fræna Husflidslag, spikking. Ørskog Husflidslag, blokktrykk på ullstoff. Kristiansund Husflidslag, blokktrykk på ullstoff. Tingvoll Husflidslag, norsk ull. Giske Husflislag, demonstrasjon av snorer og band på haustmesse. Sula Husflidslag, jul i Noreg. Det er 29 lokale husflidslag i Møre og Romsdal. Dei fleste kommunane i fylket har eit husflidslag. Nokre av desse er svært aktive og har møte ein gong per veke. Andre husflidslag har mindre aktivitet og kan møtast td. ein gong per månad. Tal viser at det i 2016 var 594 arrangement fordelt på desse aktivitetane; temakveldar, medlemsmøte, turar, utstillingar, strikkekafear, museumsdagar, marknadsdagar og messe. I tillegg kjem kurs for for barn/ ungdom og vaksenopplæringskurs i lokallaga. Eitt husflidslag har eigen butikk som er ope heile året, mens eitt anna lag, har butikk med redusert opningstid. Nokre husflidslag har eigne grupper som knivgruppe, quiltegruppe, tregruppe, vevgruppe og/eller Ung Husflid gruppe, m.a. var det 11 husflidslag som hadde eigne vevstover, to lag med eigne treverkstader og fire med systue. To husflidslag eig lokala sine, mens resten av lokallaga i fylket anten har fast leigeavtale eller leiger lokale frå gong til gong.

Strategi: Sørge for godt internt samarbeid i organisasjonen Tiltak: Deltaking og samarbeid med husflidshandverkarar og husflidsbutikkar Husflidsbutikkane og husflidshandverkarar i fylket. Skildring av tiltaka: Konsulenten besøker dei fire husflidsbutikkane når ein er på reise i nærleiken. I tillegg bidrar ein med råd og rettleiing av fagleg karakter i telefon og på nettet til både butikkar og husflidshandverkarar. Mål: Vere bindeledd mellom ulike deler av organisasjonen og bidra med informasjon og kommunikasjon med husflidsbutikkane og handverkarar og hjelpe til med spørsmål av organisasjonsmessig og fagleg karakter. Resultat: Husflidskonsulenten har besøkt tre av dei fire husflidsbutikkane i fylket og gitt tilbod om kompetanseheving innan tema norsk ull til alle butikkane og dei tilsette. Mellom anna fekk den nasjonale prosjektgruppa Ullialt låne møtelokale av Husfliden Kristiansund, samt omvising i butikken, då prosjektgruppa hadde lagt møte sitt til Kristiansund og Nordmøre. Eigarlaget i Husfliden Ålesund hadde planlagt ein temakveld om bunad og broderi i oktober. Der deltok konsulenten litt i planlegginga og skulle halde eit kort innlegg, men dessverre vart arrangementet avlyst på grunn av lite påmelding. I samband med ei nasjonal spørjeundersøking om bunadskjøps-opplevingar, var konsulenten i kontakt med alle husflidsbutikkane i fylket. Dessverre kom spørjeskjema på feil tid av året for få ein god respons, slik at undersøkinga er utsett til 2018. Gjennom heile året har konsulenten svart på spørsmål og formidla kontakt til produsentar og husflidshandverkarar. Spørsmåla har stort sett vore av fagleg karakter forutan formidling om andre fagpersonar, produsentar, messer og utsalsstader. Krøllhårsålar

Strategi: Sørge for godt samarbeid med eksterne samarbeidspartar Tiltak: Deltaking og samarbeid med kommunar/fylkeskommunen/museum/andre Skildring av tiltaka: Sende informasjon til og delta på aktuelle arrangement initiert av fylkeskommunen. Delta på andre aktuelle arrangement og samarbeid med andre i fylket som er med på å fremje husflid og handverk. Mål: Vere bindeledd mellom organisasjonen og eksterne samarbeidspartnarar. Halde seg orientert om kva som skjer i fylket innan tema husflid og handverk og andre nærliggjande tema. Resultat: Fylkeskommunen. Husflidskonsulenten deltok på Regionalt FrivilligFORUM arrangert av fylkeskommunen.tema var: Korleis rekruttere og behalde barn og unge frå låinnteksfamiliar i aktivitetar. Møre og Romsdal Fylkeskommune gir, via Møre og Romsdal Husflidslag, økonomisk støtte til stillinga som husflidskonsulent, og konsulenten rapporterer med årsmeldinga til fylkeskommunen. Utstillinga Oppi halsen Husflidskonsulenten vart bede om å hjelpe til med på plukke ut eit utval av bilete til utstillinga Opp i halsen. Fotoutstillinga er planlagt å bli vist i Ålesund i løpet av 2018 med FylkesFOTOarkivet som arrangør. Deltaking på andre arrangement. Konsulenten har delteke på desse arrangementa: Næringskonferansen Skaperevne, - betydningen av håndverk og design i fremtiden. Arrangørar: NHO, Abelia, NHO handle, Norsk industri og Utdanningsforbundet Samling i Løfte håndverket som hadde tema om Godt håndverk, 2.0 Arrangørar: Norsk Håndverksinstitutt, Norges Husflidslag og Duodjeinstituhtta.

Drift: Fellessamlingar: Fag- og konsulentsamling: 25.-27. januar, Oslo. Husflidskonsulenten var med på planlegginga, søkte ut vaksenopplæringsmidlar og delvis losa kollegar gjennom fagsamlinga. Samlinga hadde tema Vev vel-boka, enkel veving for barn og ei økt med tema konsulentrolla og rolleforståing. Alle husflidskonsulentane deltok også saman husflidsbutikkar frå heile landet, på eit felles møte der tema husflidsnæring vart belyst. Personalsamling: 04.-05. september, Oslo. Tema: Ny strategisk plan og organisasjonsbygging. Personalhandboka og trivselsmåling. Deltaking. Teamarbeid / arbeid som teamleiar: Dei tilsette i Norges Husflidslag er delt inn i team, og husflidskonsulenten er leiar for team opplæring. Arbeidsoppgåver er mellom anna planlegging, budsjettering, rapportering, drift og personalansvar i teamet. Teamleiaren sitt ansvar er også å planleggje og gjennomføre tiltak og arbeidsoppgåver i Strategisk plan som ligg til teamet og å kommunisere desse internt og eksternt. I 2017 var det til saman 5 medarbeidarar i opplæringsteamet. Dette året har ein hatt telefonmøte ca kvar 14. dag og 5 teammøte. To av desse teammøta var saman med andre team, og dei hadde tema om norsk ull- skinn og skinnhandling og om Norges Husflidslag som opplæringsorganisasjon. Det har blitt gjennomført medarbeidarsamtalar med alle i teamet og diverse andre møter med kollegaene i teamet og andre kollegaer. I leiarteamet samarbeider teamleiaren med administrerande direktør, dei to andre teamleiarane, barne- og ungdomskonsulenten, kurs og kompetanseutviklar og leiar for fellestenesta. Teamleiaren deltek på leiarmøta og spelar ei aktiv rolle i organisasjonen si strategiutvikling. Teamleiaren rapporterer tiltak og aktivitetar i opplæringsteamet til styret ca ein gong per kvartal. Det har blitt gjennomført 5 leiarmøte i 2017 forutan telefonmøte. Konsulenten har ansvaret med oppdatering, oppfølging og eventuelt endring av timerapportertingsskjema for alle husflidskonsulentane.

Fagutvala: Norges Husflidslag har 3 fagutval, -vev, tre, og bunad/folkedrakt. I mandatet for fagutvala står det: «Norges Husflidslags fagutvalg skal holde seg godt orientert, komme med faglige råd, innspill og forslag til tiltak på fagfeltet som bør prioriteres. Fagutvalget legger en langsiktig strategi og handlingsplan for fire år, i tråd med strategisk plan. Samarbeider med Ung Husflid om tiltak og arbeidsoppgaver. Iverksetter tiltak/prosjekt.» Fagutvala ligg under team opplæring, og teamleiaren har som arbeidsoppgåve å fylgje opp og rapportere frå fagutvala Det har blitt gjennomført eitt felles møte for «tilsette» i fagutvala. Driftsrutine: Husflidskonsulenten rapporterer om ressursbruk i kroner kvar månad, ressursbruk i tid kvart kvartal og statusrapport i høve til arbeidsplan kvart halvår. Arbeidsplanen vert lagt på bakgrunn av tiltak som er vedteke i Strategisk plan på Landsmøte. Sørvis: Gjennom heile året får husflidskonsulenten mange telefonar og e-postar med spørsmål frå medlemmar, lokallag, privatpersonar, andre organisasjonar og næringsdrivande. Etter beste evne vert det gitt hjelp og svar på desse spørsmåla. Frå Krivi vev Frå Møre Bånd og Vev

Avslutning/vegen vidare: Landsmøte i Norges Husflidslag 2018 vil sette sitt preg på arbeidet i alle fall i fyrste halvdel av komande år. Det er alltid kjekt å arbeide mot eit konkret mål, og eg er overtydd om at delegatane og andre vil reise frå Molde og fylket med eit godt inntrykk og rik på opplevingar som Møre og Romsdal Husflidslag har lagt til rette før. Tema norsk ull, både med presentasjon av ullprosjektet nasjonalt og det regionale arbeidet, vil vere ein del av utstillingane under landsmøte, og som husflidskonsulenten vil arbeide med utover våren. Å grave i ein lokal tradisjon, er alltid inspirerande. Ein får eit lite innblikk i korleis ting vart gjort i tidlegare tider, og det vert høve for å ta historia fram og utvikle den vidare. Det er med på å fortelje noko om kven vi er, om lokal identitet og samhald. Tradisjonshandverk har alltid vore på vandring, og vi vonar med å trekke fram tema blokktrykk på ullstoff, at vi kan sette vår tids preg på nye produkt og lære det vidare til nye generasjonar. Husflidslaga skaper møteplassar der kvinner og også menn trivast saman, samstundes som dei får lære nye ting, utveksle erfaringar og får nye opplevingar som er med på å gje kvardagane eit rikare innhald. Dei fleste er medlem i husflidslaga fordi det gir noko til ein sjølv, men ein ser og at fleire vert meir bevisst på at om dei deler av kunnskapen sin, vil også yngre generasjonar oppleve skaparglede med tradisjonshandverka. Difor vert arbeidet med å stimulere husflidslagsmedlemmane til å bygge opp kompetanse i å formidle, ein viktig del av husflidskonsulenten sitt arbeid framover. Takk til alle som bidrar til å ivareta og utvikle husflidsrørsla i Møre og Romsdal, og ekstra takk til fylkeskommunen som gir økonomisk tilskot til husflidsarbeidet i fylket. Ålesund, 04. januar 2018 Husflidskonsulenten i Møre og Romsdal Randi Hole