Protokoll frå styremøte i Helse Fonna HF Tid: 28.03.2012 kl. 10.00 til kl. 16.00 Møtestad: Clarion Collection Hotel Amanda Haugesund Styremøtet var ope for publikum og presse Deltakarar frå styret Kjell Arvid Svendsen Inge Reidar Kallevåg Lasse Malvin Lesto Pål Osjord Midbøe Tove Martha Hovda Callaghan Harry Herstad Hege Haukeland Liadal (t.o.m. presentasjon av sak 26.12) Anna Rød Nyland Gunnar Birkeland Lilliann Høyvang Andreassen Hilde Christiansen Leiar Nestleiar Deltakarar frå administrasjonen Olav Klausen, konst. administrerande direktør Kjetil Lunde, konst. økonomidirektør Margareth H. Langebro, kommunikasjonssjef Ingebjørg Kismul, fungerande administrasjonssjef
Sakliste 20/12 B Godkjenning av innkalling og dagsorden for styremøte 28.03.2012 Underlag Vedlagt 21/12 B Protokoll frå styremøte i Helse Fonna 29.02.2012 Vedlagt 22/12 O Administrerande direktør si orientering Vedlagt 23/12 O Rapportering frå verksemda Vedlagt 24/12 B Styringsdokument for Helse Fonna HF 2012 Vedlagt 25/12 O Årsmelding frå pasientombod i Rogaland og Hordaland 2011 Vedlagt 26/12 O Arealplan Helse Fonna HF Vedlagt 27/12 B Styret si årsmelding og årsrekneskap 2011 Vedlagt 28/12 B Årsplan for styret i Helse Fonna 2012 Vedlagt 29/12 O Ventetid og fristbrot i Helse Fonna HF, status og tiltak Vedlagt 30/12 O Norsk pasientskadeerstatning (NPE) rapport 2011 Helse Fonna HF 31/12 Eventuelt Skriv og meldingar Vedlagt Vedlagt 20/12 B Godkjenning av innkalling og dagsorden for styremøte 29.03.2012 Det var ingen merknader til innkalling og dagsorden. 21/12 B Protokoll frå styremøte i Helse Fonna 29.02.2012 Styret godkjende og signerte protokollen frå styremøte 29.02.2012. 22/12 O Administrerande direktør si orientering Oppsummering 1. Presentasjon av doktorgradsarbeid ved Haldis Lier Økland Psykiater Halldis Lier Økland disputerte for doktorgraden ved Universitetet 24.02.2012. I styremøtet presenterte ho doktorgraden sin: Psychiatric disorders, quality of life and effect of preoperative counselling in patients who undergo bariatric surgery. 2. Høyringar Administrerande direktør viste til vedlagt notat. 3. Oversikt over tilsyns-, kontroll- og klagesaker Administrerande direktør viste til vedlagt notat. Styret tek meldingane til orientering.
23/12 O Rapportering frå verksemda Økonomi Resultat for februar månad viser eit underskot på 0,946 MNOK mot eit budsjettert underskot på 2,000 MNOK. Positivt budsjettavvik på 1,054 MNOK denne månaden. Positivt budsjettavvik på 1,122 MNOK til no per februar. Inntektene totalt denne månaden viser eit positivt avvik på 1,514 MNOK. Varekost er i balanse i forhold til budsjett. Personalkostnadene inkl. innleige av personell frå byrå viser denne månaden eit rekneskapsmessig negativt avvik på 1,009 MNOK. Andre driftsutgifter viser denne månaden samla sett eit negativt avvik på 0,115 MNOK. Behandlingsaktivitet og -kvalitet, somatikk Aktiviteten i februar er høgare enn budsjettert både for sjukehusopphald, dagbehandlingar og poliklinikk. Ventetid for alle behandla pasientar innan alle fagområde var i februar på 63 dagar. Det er lågare enn målkravet som er 65 dagar. Samla tal på fristbrot i somatikken i februar var 102 pasientar, dvs. 2 prosent av alle pasientar som har rett til nødvendig helsehjelp i februar månad. 3,1 prosent av pasientane var korridorpasientar i februar. 69 % av alle epikrisar var sende ut innan 7 dagar. Behandlingsaktivitet og -kvalitet, psykisk helsevern Aktiviteten innan BUP er lågare enn plan, men høgare enn for eitt år sidan. Liggjande til døgnbehandling i vaksenpsykiatrien er lågare enn plan. Poliklinikkaktiviteten er betre enn budsjettert. Ventetida innan psykisk helsevern for alle behandla pasientar var i februar på 60 dagar. For februar var 81 % av epikrisane for pasientar som var utskrivne, sende innan 7 dagar. For vaksenpsykiatrien var det totalt 12 fristbrot i februar, dvs. 3 % av alle som har rett til prioritert helsehjelp i februar. For BUP er det totalt 73 fristbrot i februar, dvs. 31 % av alle som har rett til prioritert helsehjelp i februar. Medarbeidar Helse Fonna har redusert med 16 brutto månadsverk frå januar til februar 2012, netto månadsverk er 9. Overtid og meirarbeid er redusert frå januar til februar 2012, men er høgare enn i 2011. I januar 2012 er den totale sjukefråværsprosenten 7,3 %. Det er lågare enn desember og lågare enn på same tidspunkt i 2011. Styret tek saka til orientering. Styret ber administrasjonen ha vedvarande fokus på personalkostnadene og arbeide kontinuerleg vidare med å oppnå budsjettmessig balanse på dette området. 24/12 B Styringsdokument for Helse Fonna HF 2012 Styreleiar viste til vedlagt styringsdokument for Helse Fonna HF 2012. Styret tek saka til etterretning. 25/12 B Årsmelding frå pasientombod i Rogaland og Hordaland 2011 Pasient- og brukarombod Rogaland, Gro Snortheimsmoen Bergfjord presenterte Årsmelding 2011 Rogaland. Pasient- og brukarombod Hordaland, Rune J. Skjælaaen presenterte Årsmelding 2011 Hordaland.
Styret tek årsmeldingane til orientering. 26/12 O Arealplan Helse Fonna HF Arealplan Helse Fonna 2020 skal danne grunnlag for helseføretaket si arealutvikling mot 2020. Dette gjeld behov for areal, arealutnytting, planlegging av oppgradering, ombygging og nybygg, samt for avvikling av lokale som ikkje lenger er formålstenlege eller nødvendige for framtidig drift. Det overordna målet har vore å etablere ein plan med perspektiv 2020 som gjev tilstrekkeleg grunnlag for å dimensjonere eit langsiktig tenestetilbod til befolkninga i Helse Fonna sitt opptaksområde. Planen omtalar dei bygningsmessige tiltaka som skal til for å realisere dette tenestetilbodet. På grunnlag av dette skal Helse Fonna HF kunne utvikle ein eigedomsmasse som gjev eit godt fundament for framtidig pasientbehandling, forsking og utdanning, møter krava om universell utforming, og gjev ein forsvarleg investerings- og driftsøkonomi. Planen skal også, saman med dei andre helseføretaka sine arealplanar, danne grunnlag for ei samla planvurdering i Helse Vest RHF. Arealplanen er utarbeidd i perioden frå august 2011 til mars 2012. Planen er utarbeidd i eit samarbeid mellom rådgjevarselskapet Hospitalitet AS med underrådgjevarar (Momentum Arkitektar AS og Multiconsult AS), to brukargrupper frå Helse Fonna HF (éi brukargruppe klinikk og éi brukargruppe intern service og forvaltning), og éi styringsgruppe frå Helse Fonna HF leidd av adm. dir. Helse Fonna HF Arealplan og moglegheitsstudie mars 2012 blei presentert i styremøte av prosjektrådgjevar Svein Petter Raknes Rådgjevarselskapet Hospitalitet AS og Michael Ramm Østgaard frå Momentum Arkitektur AS. Styret drøfta utgreiingane i arealplan og moglegheitsstudien for Helse Fonna HF og peika på at ei gjennomføring av dei skisserte planane vil gje innbyggjarane i Helse Fonna eit godt sjukehustilbod. Samstundes ønskjer styret ei utgreiing av eit samla utbyggingsalternativ. I den samanhengen må både faglege og økonomiske driftskonsekvensar vurderast. Styret ønskte også ei utgreiing om kva for tiltak som det hastar med å gjere i noverande bygningsmasse, og som uansett må setjast i verk. Styret tek saka om Arealplan Helse Fonna 2020 til orientering. Administrasjonen vil leggje fram planen for endeleg handsaming og vedtak i seinare styremøte ut ifrå dei kommentarane og endringane som styret har gjeve. 27/12 B Årsrekneskapen 2011 og styret si årsmelding for 2011 Det blei i møtet delt ut revidert utgåve av Styret si årsmelding 2011 Helse Fonna HF. Det blei i møtet delt ut Oppsummering av revisjon 2011. Presentasjon VED Ernst & Young. Siv Skjæveland Valseth Senior manager Ernst & Young presenterte Oppsummering av revisjon 2011. Styret godkjenner årsrekneskapen 2011 og styret si årsmelding for 2011. 28/12 B Styret sin årsplan 2012 Dei blei vist til vedlagd årsplan. Styret tek saka til orientering.
29/12 O Ventetid og fristbrot i Helse Fonna HF, status og tiltak I styringsdokumentet for Helse Fonna HF er det sett helsefaglege styringskrav på mellom anna ventetider og fristbrot. Målet er at det ikkje skal vere fristbrot, og at gjennomsnittleg ventetid skal vere kortast mogleg, ikkje over 65 dagar. Tiltak og styring i samband med ventetider blir også omtala i dei overordna dokumenta Plan for somatiske spesialisthelsetenester for Helse Fonna HF, Strategiplan 2009 2013 for Helse Fonna HF og Helse 2020 for Helse vest RHF. Helse Fonna rapporterer på ventetid til styret i Helse Fonna HF og Helse Vest RHF. I tillegg blir det rapportert til nettstaden Fritt sjukehusval og Norsk pasientregister. I 2011 har ventetid vore eit sentralt område for risikovurdering og rapportering til Helse Vest RHF og styret i Helse Fonna HF. Styret tek saka til orientering. 30/12 Norsk Pasientskadeerstatning (NPE) rapport 2011, Helse Fonna HF NPE er eit uavhengig statleg forvaltningsorgan som er underlagt Helse- og omsorgsdepartementet. NPE behandlar erstatningskrav frå pasientar som har blitt påført skade etter behandlingssvikt innan helsetenesta. Privat helseteneste er inkludert frå 2009. Unntaksvis blir det også gjeve erstatning sjølv om det ikkje ligg føre behandlingssvikt. Dette gjeld særleg dersom skaden er spesielt stor eller uventa, og ikkje er eit utslag av risiko som pasienten må akseptere. Styret tek saka til orientering. Skriv og meldingar Følgjande skriv og meldingar var sende ut til styret: 1. Innkalling til føretaksmøte i Helse Fonna HF 8. februar 2012 2. Protokoll frå føretaksmøte i Helse fonna Hf 8. februar 2012 3. Innkalling til føretaksmøte i Helse Fonna Hf 8. mars 2012 4. Protokoll frå føretaksmøte i Helse Fonna HF 8. mars 2012 5. Særutskrift av vedtak frå AMU Helse Fonna HF 16.03.2012 Arealplan 6. Protokoll frå drøftingsmøte etter Hovudavtalen 30, 31 mellom representantar for Helse Fonna HF og føretakstillitsvalde 7. Vedlegg til protokoll
Ref. Ingebjørg Kismul Kjell Arvid Svendsen Styreleiar Inge Reidar Kallevåg Nestleiar Lasse Malvin Lesto Hege Haukeland Liadal Pål Osjord Midbøe Anna Rød Nyland Tove Martha Hovda Callaghan Gunnar Birkeland Harry Herstad Lilliann Høyvang Andreassen Hilde Christiansen