Styremøte fredag 13. mai 2011 Me kallar inn til styremøte i Regionrådet Nordhordland IKS Tid: Fredag 13. mai kl 1000-1200 (vert avslutta med lunsj saman med representantskapet før representantskapsmøtet kl 1230) Stad: Nordhordland folkehøgskule, Frekhaug Sakliste: 17/11 Mogleg samarbeidsprosjekt for å etablera magasin for musea og andre samlingar i Nordhordland. 18/11 Borgerundersøkelsen endeleg oppmoding til kommunane. 19/11 K-fondet: Søknad frå Nordhordlandspakken AS om overføring på 200 000 kr. 20/11 K-fondet: Kontingent for medlemskap Kystvegen Ålesund-Bergen 21/11 Møteplan hausten 2011 22/11 Etablering av plangruppe for framtidig organisering og prioriteringar i Nordhordland Utviklingsselskap IKS (Region Nordhordland) 23/11 Meldingar/eventuelt Med helsing Regionrådet Nordhordland IKS Håkon Matre Styreleiar Elin F. Styve Dagleg leiar
Regionrådet Nordhordland IKS 17/11 Mogeleg samarbeidsprosjekt for å etablera magasin for musea og andre samlingar i Nordhordland Bakgrunn Museumssenteret i Hordaland (MuHo) vurderer eit nybygg på Sletta eit museumsbygg for Vestnorsk Utvandringssenter (VUS). Her skal det mellom anna vera både visningssenter og magasin. MuHo har, mellom anna i samband med høyringsprosessen for Regional plan for museum 2011-2015, foreslått at det i samband med dette prosjektet også vert sett nærare på ei utviding av bygget til å inkludera ein magasinfunksjon for musea og andre samlingar i Nordhordland. I møte mellom Museumsutvalet og MuHo i forkant av høyringsmøtet for museumsplanen vart innspelet uformelt drøfta, og det vart frå Museumsutvalet si side gitt uttrykk for at dette var ein interessant tanke å få ei nærare vurdering av. Ideen om eit magasin i tilknyting til eit nybygg ved VUS vart også presentert i høyringsmøtet for museumsplanen 31. mars. Vidare prosess MuHo har planar om å koma i gang med prosjektering av nybygget i juni, og har meldt at dei innan den tid ønskjer ei attendemelding frå nordhordalandskommunane om interessa for å eventuelt få utgreidd eit felles magasin som mogeleg tillegg til VUS-prosjektet. Dette er eit tilhøve som den einskilde kommune må ta stilling til på sjølvstendig grunnlag, og ein uttale bør føreliggja seinast i første halvdel av juni. Vert det meldt positiv interesse frå kommunane, vil fellesmagasin inngå i dei utgreiingane som MuHo skal gjera i samband med eit tenkt nybygg ved VUS. Når alle tilhøve rundt investerings- og driftsopplegg er avklåra, vil kommunane få eit nærare definert opplegg å ta stilling til. MuHo ønskjer, om mogeleg, å få saka utgreidd i løpet av sommaren. I så fall kan det kanskje i løpet av hausten 2011 verta aktuelt for kommunane å vurdera eit nærare utgreidd prospekt. Vurdering Som nemnt har Museumsutvalet gitt uformelt signal til MuHo om at vi finn ideen om eit fellesmagasin som del av VUS-prosjektet interessant. Nokre av grunnane til dette: 1. Magasinet kan etablerast som del av eit større prosjekt, og kostnadane kan dermed verta på eit anna nivå enn om det eventuelt skal etablerast fellesmagasin som eige tiltak 2. Det er truleg lettare å få ekstern investerings- og driftsstøtte ved ei fellesetablering med VUS/MuHo
3. Eit magasin i fellesregi med MuHo vil vera basert på naudsynt fagleg innsikt og kompetanse, noko som bør sikra eit solid resultat 4. Eit driftsopplegg der MuHo har hovudansvaret verkar både fagleg trygt og rasjonelt I denne omgang er det snakk om å gje ein intensjonsuttale. Først når prosjektet er ferdig utgreidd vil det verta ei konkret sak å ta stilling til. Framlegg til vedtak: Styret i Regionrådet Nordhordland IKS finn innspelet frå Museumssenteret i Hordaland om etablering av eit fellesmagasin i samband med mogeleg nybygg ved Vestnorsk Utvandringssenter interessant, og rår kommunane til å melda positiv interesse for ei nærare utgreiing direkte til Museumssenteret. Regionrådet Nordhordland IKS 18/11 Borgarundersøkelsen endeleg oppmoding og tilbod til kommunane Etter ein gjennomgang tidlegare i vår konkluderte rådmannsgruppa med at det kunne tilråast å oppmoda kommunane om å delta i Borgerundersøkelsen til Sentio Research, for å kartleggja innbyggjarane si oppfatning av kvar sine kommunar og regionen totalt sett. Undersøkinga vil danna eit godt grunnlag for informasjon i samband med både kommunestrukturprosjektet og felles satsingar i regionen. I drøftingsmøtet 11. mars var det semje om å sjå dette i samanheng med kommunestrukturprosjektet og eventuelt finna midlar i dette prosjektet til å tilby kvar kommune delfinansiering av undersøkinga. Styreleiar er i dialog med fylkesmannen om midlar. Signala er eintydig positive, men ein veit ikkje kva for sum prosjektet får KRD har meld tilbake til Fylkesmannen. Dette vil ta noko tid. Borgerundersøkelsen kostar 37 000 for kvar kommune. Det er forventa at støtta frå Fylkesmannen og KRD vil bidra til at prisen vert redusert med minst ein tredjedel for kommunane. Dette vil kommunane kunna få tilbake når tildelinga til kommunestrukturprosjektet er gjeven. Dersom undersøkinga vert gjennomført før kommunevalet i 2011, vil det liggja føre samla data om alle kommunane og heile regionen i løpet av hausten. Framlegg til vedtak: Styret i Regionrådet Nordhordland IKS oppmodar kommunane om å gjennomføra Borgerundersøkelsen i mai/juni eller seinast i august 2011.
Regionrådet Nordhordland IKS 19/11 K-fondet: Søknad frå Nordhordlandspakken AS om overføring på 200 000 kr. Styreleiar i Nordhordlandspakken melder at det er trong for driftskapital for å drive aksjeselskapet etter lova, og i tillegg utbetala honorar til innleigd fagperson, siv.ing Helge Hopen. Han arbeider no med å styrke kollektivdelen i samferdselspakken. I tillegg vil han stå for utforming av den endelege bompengesøknaden som forhåpentleg kan handsamast i Stortinget i løpet av 2013. Kapitalbehov: Ein ser situasjonen slik at det er behov for kr. 1,1 mill i driftskapital fordelt med kr. 600 000 i 2011 og 500 000 i 2012. Ein tenkjer seg slik fordeling av driftskapital frå aksjonærane : Regionrådet Nordhordland IKS kr.400 000 (til saman 2011 og 2012) Hordaland Fylkeskommune kr.400 000 Bergen Kommune kr. 300 000 ( kr.100 000 i 2010, 2011 og 2012) Nordhordlandspakken AS bed om at Regionrådet IKS handsamar saka positivt og overfører kr. 200.000. Vurdering: Det står i dag 1 668 346 i ubundne midlar på K-fondet. Dette er midlar som primært skal gå til infrastrukturtiltak. Arbeidet med Nordhordlandspakken er for tida det viktigaste samferdsletiltaket for regionen. Sjå vedlegg Framlegg til vedtak: Styret i Regionrådet/K-fondet er positive til å styrka driftskapitalen i Nordhordlandspakken, og løyver 200 000 kroner frå K-fondet til dette. Regionrådet Nordhordland IKS 20/11 K-fondet: Kontingent for medlemskap Kystvegen Ålesund-Bergen. Regionrådet er medlem i foreninga Kystvegen Ålesund-Bergen, som krev medlemsavgift for 2011 på 10 000 kroner. Medlemsavgifta er tidlegare løyvd frå K-fondet. Sjå vedlegg Framlegg til vedtak: Styret i Regionrådet/K-fondet løyver 10 000 kroner frå K-fondet til betaling av medlemsavgifta til Kystvegen Ålesund- Bergen.
Regionrådet Nordhordland IKS 21/11 Møteplan hausten 2011 Fredag 16. september Fredag 21. oktober Nordhordlandstinget fredag 11. november Styremøte og evt representantskap 2. desember Framlegg til vedtak: Styret i Regionrådet Nordhordland IKS vedtek den framlagde møteplanen for hausten 2011. Regionrådet Nordhordland IKS 22/11 Etablering av plangruppe for framtidig organisering og prioriteringar i Nordhordland Utviklingsselskap IKS ( Region Nordhordland ) Bakgrunn Det er trong for å etablera ei planleggingsgruppe som kan vera med og leggja hovudlinjene for aktiviteten frå 2012, når den nye selskapsforma trer i kraft. Dagleg leiar ønskjer denne gruppa som sparringspartnar i arbeidet med tiltak og prioriteringar i høve strategiplanen for det nye selskapet, og i utviklinga av idéar til tiltak og prosjekt som det må søkjast midlar om i ein tidleg fase. I det neste halvåret før ny selskapsform er det trong for å arbeida med o Behovsdrøftingar kring det regionale innsatsområdet o Prioritering av tiltak, ønske og idéar o Søknader til ulike instansar knytt til gjennomføring av prosjekt o Formell gjennomgang av selskapsomdanninga i kontakt med Brønnøysund o Skiping av styre i det komande selskapet Rådmannsgruppa gjekk i møte 6. mai inn for at Martin Kulild, Øistein Søvik og Christian Fotland dannar denne gruppa saman med styreleiar Håkon Matre. Sjå vedlegg Framlegg til vedtak Styret tek saka til orientering.
Regionrådet Nordhordland IKS 23/11 Meldingar/eventuelt. - Blant anna ein presentasjon av utfordringane med å imøtekoma forventningane om tildeling av pengar til ulike formål som ikkje fell inn under næringsfonda sine statuttar.
Til Nordhordland Regionråd Vår ref. Dykkar ref. Dato: EHj Nils M Aadland Florø: 06.05.2011 KONTINGENT FOR 2011 Vi er godt i gang med 2011 og har behov for å få innbetalt kontingent for inneverande år. Styret skal bestemme tid og stad for årsmøtet som skal haldast i løpet av 1. halvår. Årsmelding og rekneskap for 2010 vert sendt ut før årsmøtet. For kommunane er det vedteke slik kontingent: kr 10.000,- + kr 1,- pr innbyggjar. For Nordhordland Regionråd IKS er dette avtalt til kr 10.000,- som vi bed om å få innbetalt til kto nr 3705.17.69946 Med helsing Kystvegen Ålesund Bergen Eivind Hjellum Sekr. www.kystvegen.com Kystvegen Ålesund Bergen sekretariat: Flora kommune Markegt 51, 6900 Florø, tlf 57 75 60 00 - eivind.hjellum@flora.kommune.no Vanylven kommune, Rådhuset, 6143 Fiskåbygd, tlf 70030000 - per.brandal@vanylven.kommune.no www.kystvegen.com
Til leiar for rådmannsgruppa i Nordhordland, Christan Fotland Kopi til styret i Regionrådet Nordhordland IKS Knarvik 14. april 2011 ETABLERING AV PLANLEGGINGSGRUPPE FOR NYTT IKS 2012 Det er trong for å etablera ei planleggingsgruppe som kan vera med og leggja hovudlinjene for aktiviteten frå 2012, når den nye selskapsforma trer i kraft. Dagleg leiar ønskjer denne gruppa som sparringspartnar i arbeidet med tiltak og prioriteringar i høve strategiplanen for det nye selskapet, og i utviklinga av idéar til tiltak og prosjekt som det må søkjast midlar om i ein tidleg fase. I det neste halvåret før ny selskapsform er det trong for å arbeida med o o o o o Behovsdrøftingar kring det regionale innsatsområdet Prioritering av tiltak, ønske og idéar Søknader til ulike instansar knytt til gjennomføring av prosjekt Formell gjennomgang av selskapsomdanninga i kontakt med Brønnøysund Skiping av styre i det komande selskapet Dagleg leiar ser for seg ei etablering av gruppa med 2-3 rådmenn og evt dagens styreleiar, og med minst eitt møte før sommarferien - helst tidleg i mai. Til hausten må me ha minste tre møte. Gruppa legg fram planar og framlegg overfor styret til drøfting og vedtak etter kvart som arbeidet utviklar seg. Styret sine prioriteringar og strategiplanen for Regionrådet er sjølvsagt førande for arbeidet i den planlagde gruppa. MVH Elin F. Styve