Nissedal kommune - Kviteseid kommune Interkommunalt plankontor Einar Sundet 3853 VRÅDAL Dykkar ref: Vår ref: Saksbeh: Arkivkode: Dato: 04/01486-5 Sveinung Seljås, 35 04 84 30 KVITESEID-12/9 21.06.2005 sveinung.seljas@nissedal.kommune.no Reviderte reguleringsføresegner - Sundet hyttegrend. Her får du reviderte føresegner for hyttefeltet ditt. Det er nå svært viktig at desse blir levert ut til eventuelle tomtekjøparar/eigedomsmeklarar, slik at det ikkje oppstår tvil om kva som gjeld for feltet. Med venleg helsing Sveinung Seljås -plansjef Kopi: - Utg.skriv - Saksmappa Postadresse: 3855 Treungen Telefon: 35 04 84 00 Bankgiro: 2714 07 00016 E-mail: info@nissedal.kommune.no Telefaks: 35 04 84 10 Org.nr. 964 964 343
7 REGULERINGSFØREMÅL OG FØRESEGNER I medhald av Plan- og bygningslova av 14. juni 1985, nr. 77 med revisjonar, (PBL), jf. 22-26, er det utarbeidd reguleringsplan for del av gnr. 12 bnr. 6 ved Vråvatn i Kviteseid kommune. Reguleringsplanen bygger på føringar nedfelt i gjeldande kommuneplan og strategisk næringsplan for Kviteseid. Plankartet har målestokk 1 : 1000. Planområdet er avgrensa som vist med reguleringsgrense på plankartet. Stadfesta reguleringsplan er bindande for arealbruk, deling, bygge- og anleggsverksemd innan planområdet. Verknader av reguleringsplan følgjer av PBL 31. Reglane for vederlag for tap ved reguleringsplan går fram av PBL 32. 7.1 Reguleringsføremål Planområdet er inndelt i reguleringsområde med følgjande føremål jf. PBL, 25: Byggeområde ( 25, nr. 1) utbyggingsområde for fritidsbustader/hytter Landbruksområde ( 25, nr. 2) område for skogbruk og jordbruk Spesialområde ( 25 nr. 6) kommunaltekniske anlegg interne vegar frisiktliner friluftsområde, land friluftsområde, vatn Fellesområde ( 25 nr. 7) parkering grøntstruktur
7.2 Reguleringsføresegner 1: Planområdet Reguleringsføresegnene gjeld for området synt med reguleringsgrense på plankartet datert 06.11.1998. Innanfor grensa skal areala nyttast som vist på planen og omtalt i føresegnene til det einskilde føremål. 2: Felles føresegner a) Opparbeiding av veg skal skje samstundes med opparbeiding av dei einskilde hyttefelta. Hovudanlegg for vatn og avlaup skal leggjast i same trasé som samleveg og leggjast ned samstundes med opparbeiding av veg. Utbygging i området som er avsett til byggjeområde kan ikkje finne stad før tilkomstvegar, fellesparkering, vassforsyning, avlaupsanlegg, straumforsyning og ordningar for renovasjon er etablert. b) Felles vatn-, straum- og avlaupsanlegg skal leggast ved opparbeiding av felles tilkomstvegar. Det kan og oppførast mindre konstruksjonar for avfall, oppslagstavler o.l. i samband med fellesareal. c) Bygg skal plasserast innanfor dei gjevne byggegrenser på tomta. Plassering og utforming av bygningar og andre varige konstruksjonar på den einskilde tomta skal godkjennast av kommunen. d) Ubebygde delar av tomta skal haldast i orden og gjevast ei tiltalande utforming. e) Alle bygningar og andre faste konstruksjonar skal ha ei tiltalande ytre. Kommunen skal sjå til at bygningen si form, fasade, vindauge-inndeling, materiale, farge og murar/pilarar harmonerer med den omkringliggjande naturen. Taktekkinga skal ha ein matt farge. Bygningane bør fargesettast med jordfarger. Pastellfargar skal ikkje nyttast på fasade. f) Køyring i samband med anleggsverksemd skal skje på vegtraseane. Der det er naudsynt med transport utanom vegar skal dette skje på frosen mark. g) Etter kvart byggetrinn skal området ryddast og gis ein funksjonell og estetisk tilfredsstillande avslutning. Ubygde delar av utbyggingsområda skal gjevast ei tiltalande utforming og evt. ei skånsam opparbeiding. 3: Hyttebyggjing, H1,H2, H3, H4 a) Byggeområda H1, H2, H3 er avsett til bygging av hytter/fritidsbustader. På H4 kan det oppførast utleigehytter. b) H1,H2, H3 og H4 skal byggjast slik at det gir eit harmonisk og heilskapleg preg ut mot Vråvatnet. Møneretninga på hyttene i H1, H2 og H3 skal som hovudregel fylgje strandlinja rundt neset. Hyttene skal elles liggje innanfor det gjevne punktet på den einskilde tomta. I H4 skal hyttene liggje innanfor dei gjevne byggjegrensene. c) Kvar tomt kan byggast med eit samla bebygd areal (BYA) ikkje over 170 m². Ein føreset at kravd minsteavstand til nabobebyggelse kan overhaldast. Det kan setjast opp inntil tre frittståande bygg pr tomt. Bygningane skal ha saltak (min 25, maks 40 grader). Mønehøgda målt frå nytt terreng skal ikkje overstige 6,80 m. Tilbygg/anneks skal ha same takvinkel som hovudhytta. Bod/anneks/badstove, carport mv. kan byggjast i samanheng med hyttekroppen eller som mindre einingar, men dette inngår i totalt BYA for tomta. d) Det vert ikkje høve til å påføre omkringliggjande terreng større inngrep ved fjerning av vegetasjon, sprenging eller planering utover det som er naudsynt for å oppføre bygningane. e) Kvar tomt skal ha tilgang til ein biloppstilllingsplass på tomta og ein plass på fellesareal som må kunne brøytast om vinteren. f) Utforming og plassering av lèveggar skal vere slik at dei ikkje reduserer kvaliteten på uteopphaldsplassen til naboen.
4: Landbruksområde, L1, L2 a) I landbruksområda, kan det drivast skånsam skogsdrift i samsvar med særlovgjevinga. Den delen som inneheld dyrka mark, skal nyttast til tradisjonelt jordbruk. b) Skogbeltet sør for gardstunet skal fungere som ei buffersone mot hytteområdet. Hogst i dette beltet bør difor skje skånsomt og ikkje i form av snauhoggst. 5 Spesialområde Kommunaltekniske anlegg, S1, S2, S3 a) Bygning for pumpestasjon (avløp/ vassforsyning) og reinseanlegg skal plasserast diskret i terrenget. b) Det kan opparbeidast veg av svært enkel standard til anlegga. Vegen skal ikkje verke skjemmande i landskapet, men liggje diskret og vere terrengtilpassa. c) For bygningen gjeld felles føresegner for utbygging. d) Installasjonar i samband med leidningsnettet skal ha ei diskret plassering og ei tiltalande utforming. Interne vegar a) Vegane kan opparbeidast med 3,0 m køyrebane og 0,5 m skulder på kvar side. I tillegg kjem naudsynt areal til grøft/skråning/skjering. b) Det er høve til å føre opp einsidig gateljos. Evt. ljosstolpar skal vere av tre og setjast opp i jamn rytme. Frisiktliner a) Frisiktliner er synt på plankartet (10 x 140 m) i høve til reglane i Vegnormalen. Friluftsområde - land, Fo 1 Område for friluftsliv og rekreasjon, leik og vasstilknytta aktivitet. a) Område kan tilretteleggjast for båt- og badeliv, og andre diskrete tiltak som fremmer friluftslivet og vassaktivitetar. b) Informasjonstavler kan setjast opp på sentrale knutepunkt for ferdsel. Desse skal ha ei stadtilpassa utforming og plassering med fast informasjon som vert halden vedlike og oppdatert. c) Avfallskasser kan setjast opp. 6: Fellesområde Fellesområder - parkering - Fp 1, Fp 2 Fg 1: Trafikkareal for biloppstilling for internt trafikk på H2 og H3, samt for evt. tenestebilar for tilsyn/drift av kommunaltekniske anlegg og renovasjon for samtlege hytter innanfor planområdet. Fg 2: Trafikkareal for biloppstilling for internt trafikk på H1 og H4. a) Det skal opparbeidast felles parkeringsareal med 1 biloppstillingsplass for kvar hytte. b) Parkeringsplassen skal haldast ved like slik at han ikkje skjemmer området sumartid. c) På Fp1 skal det vere avfallsmottak i form av "container" og/eller avfallsbu. Det skal vere reservert areal for vendehamar/snuplass for renovasjonsbil. d) Parkeringsplassane kan skiltast på ein diskret og stadtilpassa måte. e) Det er høve til å føre opp gateljos. Evt. ljosstolpar skal vere av tre.
Fellesområde - grøntstruktur, Fg 1 Fellesareal/ nærområde for leik og uteopphald og tilrettelagde aktivitetar. a) Avfallskasser kan setjast opp. b) Grøft for framføring av vatn-, straum- og avlaupsanlegg kan førast gjennom området. 7: Dispensasjon Med heimel i Plan- og bygningslova 7, kan kommunen gjere unntak frå desse føresegnene når særlege grunnar ligg føre. Dispensasjon kan ikkje gå ut over det Plan- og bygningslova tillet. Valle, den 06. november 1998 Plankontoret Hallvard Homme AS Hallvard Homme Revidert 27. okt. 2003 med bakgrunn i kommunestyrevedtak den 29.6.2000 Hallvard Homme Revidert 27.06.05 i samsvar med planutvalets vedtak om mindre vesentlege endringar, jfr planutvalsak 004/05, 12.01.05 Sveinung Seljås -plansjef
SAKSHANDSAMING ETTER PLAN- OG BYGNINGSLOVA: Varsel om oppstart: 5. mai 1999 Innspelsperiode: 1. gongs handsaming i det faste utvalet for plansaker: Utlagt til offentleg ettersyn: 2. gongs handsaming i det faste utvalet for plansaker: 30. mars 2000 Eigengodkjenning i kommunestyret: 29. juni 2000 Stad, Dato Sign. Stempel Vedlegg til planen: Reguleringsplankart, m = 1: 1 000, sist revidert med bakgrunn i kommunestyrevedtak av 29. juni 2000.