Vågå kommune Teknisk Bibbi Sandbu Tveterveien 53 1344 HASLUM Delegert vedtak Vår ref. Dykkar ref: Saksbehandlar Dato 2014/407/27/ Laila Nersveen 03.03.2016 61293615 Søknad om dispensasjon for riving av eksisterande uthus og oppføring av nytt uthus, gnr. 187 bnr. 1 fnr. 527, som ligg innanfor Stuttgonglie naturreservat Saksopplysning: Bibbi Sandbu har søkt om å få rive eksisterande uthus og erstatte dette med eit nytt uthus. Det nye uthuset skal førast opp i tradisjonell byggestil med saltak og tilnærma likt utsjåande som det eksisterande uthuset. Eksisterande uthus har eit bygd areal på 12,5 m² og nytt uthus har eit bygd areal på 14.19 m². Sandbu har i e-post 8. mars 2016 kome med ønskje om å kunne nytte snøskuter/traktor til innkøyring av materiell til nytt uthus. Innkøyring vil skje rett over påske. Eigedom gnr. 187 bnr. 1 fnr. 527 ligg innanfor Stuttgonglie naturreservat som vart verna ved kong. res. 11.12.2015. Figur 1: Rosa sirkel syner fritidseigedom gnr. 187 bnr. 1 fnr. 527 som ligg ved Nedre Birisjøtjern som tidlegare var omfatta av Birisjølia landskapsvernområde, som no er endra til Stuttgonglie naturreservat. Postadresse Telefon: 61 29 36 00 Bank 2085.07.70000 Edvard Storms veg 2 Telefaks: 61 29 36 01 Org.nr.: 939 607 706
Side 2 av 5 Ifølgje verneforskrifta til Stuttgonglie naturreservat er formålet med verneformålet følgjande: «Formålet med naturreservatet er å bevare et stort, økologisk variert og godt arrondert skogområde med gammel, sammenhengende og stedvis urskogpreget furu-naturskog som har en stor forekomst av gamle, meget store kraggfuruer med rike, sjeldne og sårbare skorpelavsamfunn knyttet til grove tørrgreiner. Videre er formålet med naturreservatet å bevare et område med særlig betydning for biologisk mangfold i form av naturtyper, økosystemer, plante- og dyrearter og naturlige økologiske prosesser. Naturreservatet har en rik og særpreget lav- og karplanteflora på bergvegger som delvis er påvirket av fosserøyk fra Sjoa. I tillegg har området en del sjeldne og sårbare arter vedboende sopp, en rik mykorrhizasoppflora, en artsrik karplanteflora samt forekomst av ulvelav. Det er god variasjon i furuskogtyper med rikmyr og innslag av rikere vegetasjonstyper. Naturreservatet inneholder et helt, lokalt nedbørfelt, har en verdifull økologisk gradient fra innsjø og elv til høgfjell og har stor verdi for landskapet. Det er en målsetting å beholde verneverdiene i best mulig tilstand, og eventuelt videreutvikle dem.» Ifølgje 7 e) kan forvaltningsstyresmakten etter søknad gje dispensasjon til mindre tilbygg til og ombygging av eksisterande bygningar. Ifølgje verneforskrifta 7 r) kan forvaltningsstyresmakten gje løyve til naudsynt motorferdsel med beltekøyretøy på snødekt mark eller luftfartøy, for transport av ved, material, varar og utstyr til eksisterande hytter. Bilde som viser eksisterande uthus:
Side 3 av 5 Kopi av teikning vedlagt søknad om tiltak, som viser planlagt nytt uthus: Vurdering: Det omsøkte tiltaket er tenkt utført innanfor Stuttgonglie naturreservat som vart oppretta ved kong. res. 11.12.2015. Stuttgonglie naturreservat er ei samanslåing av eksisterande verneområde Stuttgonglie, Birisjølia og Styggemyra, samt ei utviding av verneområdet. Det er Vågå kommune som er forvaltningsstyresmakt for naturreservatet. Bibbi Sandbu søkt om tilsvarande søknad i 2014, men det nye uthuset var da planlagd med pulttak og elles i ein annan byggestil enn det gamle. Søkjer fekk avslag på søknaden i delegert vedtak BY-125/14, datert 30.10.2014. Avslaget var grunngjeve med at bygget skal ligge innanfor eit verneområde der det det ikkje kan eksperimenterast med ny arkitektonisk utforming. Oppføring av bygningar som ikkje er i tradisjonell byggjestil er eit tiltak som klart kan endre landskapets art og karakter vesentleg. Slik set er det ikkje høve til å gje dispensasjon etter verneforskrifta. Søkjar klage på vedtaket og kommunen opprettheldt vedtak i HTLN-møte 30.01.2015. Klaga vart stadfesta av miljødirektoratet i brev datert 08.09.2015. Søkjar har sendt inn ein ny søknad om dispensasjon, som er lik opphavleg søknad som vart sendt inn i 2014, men no er ny bygning tenkt oppført i tradisjonell byggestil. Da søknaden vart behandla i 2014 vart søkjar informert om at eksisterande uthus kan erstattast med eit nytt uthus i same byggestil og utforming. Kommunen var den gangen i kontakt med Fylkesmannen munnleg og utvidinga vart vurdert til å vere såpass lita at den ikkje ville ha vesentleg betydning. Slik sett har det allereie vore signalisert at det kan bli gitt løyve til tiltaket som det no søkjast om dispensasjon til. Området har sidan behandlinga i 2014 og 2015 fått endra vernestatus. Området har gått frå å vere eit landskapsvernområde til å bli eit naturreservat. Naturreservat er det strengaste områdevernet som finnast i Noreg og det skal difor ikkje vere ein kurant sak å fråvike verneforskrifta. Ettersom omsøkt bygg er i tradisjonell byggestil og det er i omtrent same storleik som det eksisterande
Side 4 av 5 bygget meiner rådmannen at det bør ligge for rette til å gje dispensasjon. Det er lite truleg at bygget vil endra landskapets art og karakter vesentleg. Det er positivt at transport av materiell til bygging av nytt uthus er tenkt transportert inn på vinterføre. Transport på vinterføre gir mindre belastning på naturmiljøet enn transport på barmark. Vågå kommune har vore positiv til å tillate motorferdsel i samband med byggeaktivitet og slik rådmannen ser det vil transporten ikkje vere i konflikt med verneformålet. Søknaden er vurdert etter miljørettslege prinsipp som følgjer av naturmangfaldlova 8-12: 8. (kunnskapsgrunnlaget): Kunnskapsgrunnlagt er vurdert å vere godt nok. Det er ferdsel i det aktuelle området i dag ettersom det er oppkøyrt skiløype langs den gamle Griningsdalsvegen innanfor naturreservatet og ein kjenner ikkje til negative verknader på naturmangfaldet grunna dette. 9. (føre-var-prinsippet): Det er ikkje vurdert å liggje føre risiko for alvorleg eller irreversibel skade på naturmangfaldet som følgje av tiltaket ettersom transport skal foregå på snødekt mark. 10. (økosystemtilnærming og samlet belastning): Samla belastning er ikkje vurdert å vere skadeleg for naturmiljøet. Tiltaket har avgrensa omfang. 11. (kostnadene ved miljøforringelse skal bæres av tiltakshaver): Viss det oppstår vesentleg terrengskadar skal marka settast i stand av søkjar. Det kan ikkje køyrast dersom vèrtilhøva ikkje tillet det og det blir tydelege køyrespor i marka. 12. (miljøforsvarlige teknikker og driftsmetoder): Tiltaket skal gjennomførast etter gitte vilkår, og ut frå dette er det vurdert som forsvarleg for naturmiljøet. Løyvehavar har ansvar for å utvise aktsemd for å unngå skader i marka. Vedtak: Med heimel i verneforskrifta for Stuttgonglie naturreservat 7e blir det gjeve dispensasjon til riving av eksisterande uthus og oppføring av nytt, som vist på teikning A2 versjon D. Uthuset skal plasserast på same stad som eksisterande uthus står oppført. Det blir lagt vekt på at uthuset er planlagt i tradisjonell byggestil, har omtrent same storleik som eksisterande og skal plasserast på same stad som eksisterande uthus. Det er difor lite truleg at tiltaket vil ha nokon negativ verknad for kulturlandskapet og verneområdet. Med heimel i verneforskrifta for Stuttgonglie naturreservat 7e blir det gjeve løyve til motorferdsel med snøskuter til å transportere inn og ut materiell i samband med bygging av nytt uthus. Løyvet gjeld frå påske og så lenge føre varar i 2016. Vilkåret for løyvet går fram under: Transporten skal skje etter eksisterande skiløyper der det er mogleg. Det skal nyttast leigekøyrer som har godkjend løyve. Sjå på kommunen si heimesida for å finne godkjende leigekøyrarar: http://www.vaga.kommune.no/tenester/natur-og-miljo/ Det skal utvisast særleg aktsemd da traseen ligg innanfor Stuttgonglie naturreservat. Køyring skal skje omsynsfullt og skånsamt for natur og dyreliv og slik at det ikkje blir skader og sår i terrenget. Dersom det likevel skulle vise seg å bli uventa køyreskadar i marka, skal løyvehavar pynte opp att dette etter avslutta transport. Jf. motorferdselslova 10 må søkjar ha innhenta grunneigar sitt samtykke til køyring før køyretransport kan skje. Det er Statskog som er grunneigar i området og Vågå kommune er kjent med at dei har ingen merknader til transporten.
Side 5 av 5 Vedtaket kan påklagast til Miljødirektoratet. Klagefristen er 3 veker rekna frå den dagen da brevet kom fram til påført adressat. Det er tilstrekkeleg at klaga er postlagt innan fristen. Klaga skal sendast skriftleg til den som har fatta vedtaket (Vågå kommune), opplyse om vedtaket det blir klaga over, den eller dei endringar som er ønskelege, og grunnen for klaga. Dersom du klagar så seint at det kan vera uklart for oss om du har klaga i rett tid, må du gje opp når denne meldinga kom fram. Med helsing Laila Nersveen Plan- og miljørådgjevar