Sakshandsamar: Helle Holte Bruland Arkivsaksnr: 16/1084 Journalpostnr: 17/13587 Styre, råd, utval Sak nr Møtedato Utval for plan og miljø 041/2018 31.05.2018 Ungdomsrådet 033/2018 28.05.2018 Råd for seniorar og menneske med nedsett funksjonsevne 029/2018 28.05.2018 GBNR - 117/3 - Nordtveit - 2.gongshøyring av detaljregulering for Selvågen hyttefelt Rådmannen sitt framlegg til vedtak: Fusa kommune legg framlegg til detaljregulering for Selvågen hyttefelt ut til høyring og til offentleg ettersyn, med følgjande tillegg i føresegnene: «3.2.2. Gangveg mellom tomt 2 og tomt 3 skal opparbeidast med inntil 2,5 meter breidde, slik at brannbil kjem til sjø. Gangvegen kan stengast med grind/ bom slik at den ikkje vert nytta til parkering.» «2.3.6. Det kan etablerast enkle lunner til båtopptrekk framføre nausta. Båtopptrekk skal ikkje støypast, og ferdsel i strandsona skal ivaretakast i størst mogeleg grad. Det skal ikkje etablerast kaiar framføre nausta.» «2.3.7. Naust kan settast opp over 180 cm over gjennomsnittleg havnivå, eller dimensjonerast slik at dei toler påkjenning av stormflo. Nausta skal ikkje innreiast for varig opphald» «6.2.1. Området skal vera ope for ålmenta.» «6.2.2. Det kan etablerast enkle lunner til båtopptrekk framføre nausta, jamfør føresegn 2.3.6.» Vedtaket er heimla i plan- og bygningslova 1-1, 12-10 og 12-11. Utval for plan og miljø 31.05.2018: Handsaming: Uttaler frå ungdomsrådet og senior- og funksjonsrådet vart lagt fram i møtet. Rådmannen sitt framlegg vart samrøystes vedteke.
UPM- 041/2018 Vedtak: Fusa kommune legg framlegg til detaljregulering for Selvågen hyttefelt ut til høyring og til offentleg ettersyn, med følgjande tillegg i føresegnene: «3.2.2. Gangveg mellom tomt 2 og tomt 3 skal opparbeidast med inntil 2,5 meter breidde, slik at brannbil kjem til sjø. Gangvegen kan stengast med grind/ bom slik at den ikkje vert nytta til parkering.» «2.3.6. Det kan etablerast enkle lunner til båtopptrekk framføre nausta. Båtopptrekk skal ikkje støypast, og ferdsel i strandsona skal ivaretakast i størst mogeleg grad. Det skal ikkje etablerast kaiar framføre nausta.» «2.3.7. Naust kan settast opp over 180 cm over gjennomsnittleg havnivå, eller dimensjonerast slik at dei toler påkjenning av stormflo. Nausta skal ikkje innreiast for varig opphald» «6.2.1. Området skal vera ope for ålmenta.» «6.2.2. Det kan etablerast enkle lunner til båtopptrekk framføre nausta, jamfør føresegn 2.3.6.» Vedtaket er heimla i plan- og bygningslova 1-1, 12-10 og 12-11. Råd for seniorar og menneske med nedsett funksjonsevne 28.05.2018: Handsaming: Følgjande framlegg fremja av Eirin Bergheim vart samrøystes vedteke: Senior - og funksjonsrådet tar saka til orientering. RAAD- 029/2018 Vedtak: Senior - og funksjonsrådet tar saka til orientering. Ungdomsrådet 28.05.2018: Handsaming: Fusa ungdomsråd tok saka samrøystes til etterretning. UNG- 033/2018 Vedtak: Fusa ungdomsråd tek saka til etterretning.
Saksframstilling: Vedtaksmynde: Utval for plan og miljø Saksdokument: Planomtale for detaljregulering av Selvågen hyttefelt 15.02.2017 Plankart for detaljregulering av Selvågen hyttefelt 15.01.2018 Føresegner for detaljregulering av Selvågen hyttefelt 07.02.2018 Vedlegg: Sjå nederst i saka Utførande konsulent sin oppsummering med endringar til planframlegg 09.02.2018 Utførande konsulent sitt merknadsskjema etter første høyring og offentleg ettersyn Fusa kommunen sin oversending av merknader etter første høyring og offentleg ettersyn UPM-vedtak 30.03.2017 Fusa kommune Første høyring og offentleg ettersyn av detaljregulering for Selvågen hyttefelt Uttale frå Statens vegvesen Uttale frå Hordaland fylkeskommune Uttale frå Fylkesmannen i Hordaland Uttale frå Direktoratet for mineralforvalting Uttale frå Noregs vassdrags- og energidirektorat Uttale frå Erling Berge Uttale frå Asbjørn Løno Ikkje vedlegg: Rettleiing, kommentarar og anna korrespondanse Historikk og endringar i planframlegg Detaljregulering for Selvågen hyttefelt har vore på høyring og til offentleg ettersyn i perioden 31.03.2017 16.05.2017. Det kom inn 7 høyringsuttalar(sjå vedlegg). Etter høyringsperioden er planframlegget endra så mykje at rådmannen meiner planen må leggjast ut på ny høyring og til offentleg ettersyn - før saka kan meldast opp til godkjenning. Det planframlegget som no vert lagt fram til endeleg godkjenning er ikkje i tråd med det som tidlegare vart vedteke av utval for plan og miljø i Fusa kommune - og som sidan vart lagt på høyring og til offentleg ettersyn. Det føreliggjande framlegget inneheld dei endringane som høyringsinstansane stilte krav om i sine uttalar - samt auke i storleik på naust. Det er òg kome fram i saka at partane var av den oppfatning at det skulle byggast 10 naust på 30 m2. Kommunen har vore tydelege på at arealet ikkje er sett av til naust men til fritidsbustader, landbruk, natur og friluftsliv, og til bruk og vern av sjø og vassdrag. Ved første høyringsrunden i 2017 la forslagstillar fram ei føresegn med følgjande ordlyd: «2.3.1 Naust kan oppførast som fellesnaust med max 30 m² pr. eining og max mønehøgd 5 meter. Innanfor byggjelinjene skal det byggjast 3 + 2 naust i rekker, med til saman 10 einingar med max %BYA60%.»
Denne føresegna kunne ikkje rådmannen akseptera, då dette ville innebere at ein skulle kunne byggje 10 naust på 30 m2 på eit areal kor ein berre hadde drøfta halvparten. Ved oppstart planarbeid drøfta ein fellesløysingar for eit mogeleg naustområde, og ikkje ei utbygging som innebar 10 private naust. I og med at planområdet ikkje er sett av til naust i KPA meinte administrasjonen at dette vart eit for stort inngrep utan å gjennomføra konsekvensutgreiing. Men - sidan det var satt av areal til naust i den eldre reguleringsplanen for området, ønskte Fusa kommune å finna føremålstenlege løysingar for hytteeigarane i denne oppdaterte planen. Ein valde då å stilla seg positiv til fellesløysingar. Sakshandsamar drøfta ordlyden i føresegna med utførande konsulent. I denne dialogen fekk sakshandsamar inntrykk av at ordlyden om 10 naust var feil, og at ein ønskte 5 fellesnaust. Føresegn om naust vart då endra og sendt på høyring som synt i vedtak i UPM 30.03.2017: «2.3.1. Naust skal oppførast innanfor byggegrensene og i rekker på 3 + 2. Kvart naust kan ha ei BYA inntil 30 m2 og ha mønehøgde inntil 5 meter. Nausta kan nyttast som fellesnaust.» Etter høyringsperioden kom det inn 7 merknadar. Hordaland fylkeskommune støttar kommunen i at føresegna om naust må endrast og seier dei er positive til felles naustmiljø. Statens vegvesen påpeikar endringar i føresegn 1.1. om byggegrenser mot fylkesveg, og i 1.3.4. som gjeld sikttilhøve ved avkøyrsle - dette er teke til etterretning i det føreliggjande planframlegget. Det vert i tillegg, frå hytteeigarar i planområdet, påpeika interne løysingar som angår tilkomst til sjø og storleik på ei tomt. Rådmannen meiner dette er tilhøve som burde vore avklart igjennom medverknad med berørte partar tidleg i prosessen, før planframlegget vart sendt inn til politisk handsaming, men har ingen innvendingar mot at det eventuelt vert gjort endringar. Kommunen sendte høyringsmerknadane over til konsulenten med eit følgjebrev og vedtaket frå UPM. Sidan har kommunen motteke planframlegget på nytt frå konsulenten. Føresegna om naust er framleis ikkje endra i tråd med UPM sitt vedtak. Føresegnene om naust er derimot endra slik at det samla vert 50 m2 større utbygging av naustområdet enn varsla i høyringsperioden, framlegg til føresegn om naust lyder no slik: «2.3.1 Naust skal oppførast innanfor byggjegrensene og i rekker på 2+3. Kvart enkelt naust kan vere felles for 2 hytteeiningar. Kvart enkelt naust kan ha ein BRA inntil 40 m² og ha ei mønehøgd inntil 5 meter.» Naust, storleik og tilpassing til terreng Konsulenten ønskjer ikkje å justera framlegget i tråd med vedtaket i UPM 30.03.2017. Rådmannen påpeikar at UPM kan gjera endringar i det føreliggjande planframlegget om dei ønskjer å følgje sitt opphavelege vedtak. Planframlegget som er lagt fram for administrasjonen - og som administrasjonen legg fram til politisk handsaming no - opnar for å bygge 5 naust med innvendig bruksareal inntil BRA 40 m2, medan det som var på høyring sist opna for 5 naust med utvendig fotavtrykk inntil BYA 30 m2. Dette er ein vesentleg forskjell som gjer at vi må vera tydelege på korleis områda kring nausta skal opparbeidast. For - medan bebygd areal BYA 30 m2 avgrensar arealutnyttinga utvendig så seier ikkje bruksareal BRA 40 m2 noko om områda rundt naustbygget. Det står i føresegnene at nausta skal «sterkt terrengtilpassast» men slik ein les kotene må det sprengast ganske mykje i bakkant av nausta for å kunne etablera flater å bygge til saman 200 m2 med naustbygg på. Det er vanskeleg å sjå korleis ein skal sterkt tilpassa
naustbygga til eksisterande terreng med slik høgdeforskjell. Ein ønskjer ikkje store skjeringar i bakkant, og rådmannen vil difor minna om at planen ein no legg på høyring opnar for at nausta kan ha BRA inntil 40 m2, men at ein òg kan søka om å bygga mindre naust for å oppnå sterk terrengtilpassing slik planen legg opp til frå konsulenten sin side. Rådmannen vil presisera at føresegnene ikkje opnar for etablering av brygger eller kai framføre nausta. Slik rådmannen les planen skal nausta plasserast naturleg i terrenget slik at det ikkje vert til hinder for ålmenta å bevega seg i strandsona framføre, mellom og bak nausta. Dette er positivt. Tillegg til føresegner Forslagstillar sin argumentasjon for å auke storleiken på nausta frå 30 m2 til 40 m2 er at det skal kunne trekkast fritidsbåtar av ein viss storleik inn i nausta etter at dei er delt innvendig. Dette vil gje BRA 20 m2 til kvar hytteeigar. Føresegnene som er lagt fram opnar derimot ikkje for å etablera korkje båtopptrekk eller kran på stranda framføre nausta. Rådmannen foreslår difor at det vert teke inn ei føresegn som opnar for dette, og at den lyder som følgjer: «2.3.6. Det kan etablerast enkle lunner til båtopptrekk framføre nausta. Båtopptrekk skal ikkje støypast, og ferdsel i strandsona skal ivaretakast i størst mogeleg grad.. Det skal ikkje etablerast kaiar framføre nausta.» Det må òg takast med at nausta skal utformast og plasserast med omsyn til stormflo slik at ein kan førebyggja potensielle skadar på materiell og eigedom. Rådmannen foreslår at det vert teke inn ei føresegn som lyder som følgjer: «2.3.7. Naust kan settast opp over 180 cm over gjennomsnittleg havnivå, eller dimensjonerast slik at dei toler påkjenning av stormflo. Nausta skal ikkje innreiast for varig opphald» Føresegn «6.2.1 om friluftsområde i sjø og vassdrag seier: «For friluftsområde gjeld friluftslova 6, 7 og 8». Fusa kommune meiner at når ein regulerer eit areal til friluftsområde så gjeld heile friluftslova, ikkje berre nokre utvalde paragrafar. Rådmannen meiner det er tilstrekkeleg å regulera at området skal vera ope for ålmenta. Rådmannen foreslår at føresegn 6.2.1. vert endra til: «6.2.1. Området skal vera ope for ålmenta.» Vidare må det òg presiserast at det kan etablerast enkle lunner til båtopptrekk også i område for friluftsområde i sjø og vassdrag framføre nausta - då arealet som er sett av til naust ikkje er stort nok på sjøsida til å etablera slike lunner. Vidare foreslår difor rådmannen at det vert teke inn ei føresegn som opnar for å etablera båtopptrekk, slik at brukarane kan få båtane inn i nausta: «6.2.2. Det kan etablerast enkle lunner til båtopptrekk framføre nausta, jamfør føresegn 2.3.6.» Rådmannen meiner at det er naudsynt med desse endringane for å sikre gode byggesaksprosessar som konsekvens av planen. Auke i storleik på naust representerer eit nytt forslag, og planframlegget kan ikkje godkjennast utan at det vert lagt ut på høyring på nytt. Tillegg i føresegna sikrar at intensjonen med planen kan følgjast utan at ein må søkje dispensasjon frå planen for å til dømes byggje båtopptrekk. Intern høyring Saka har vore på intern høyring i Fusa kommune i perioden 10.04 31.04. Teknisk drift / brann melder at det ikkje er kapasitet på sløkkevatn i området, og at skogbrann er ein reell fare då det er mykje skog mellom hyttene som vil kunne leda brann frå ei hytte vidare i
feltet. Fusa kommune har ikkje tankbil til slukking, og påpeikar at for å oppnå tilstrekkeleg beredskap ved brann må vegen ned til sjøen - merka «f_gg1» - sikrast ei breidde slik at det vert tilkomst til sjø med brannbil. Alt gangareal i planen er omfatta av føresegn 3.2.1 som tillèt at gangvegane kan opparbeidast med inntil 1 meter breidde. For arealet kring «f_gg1» må dette utvidast til inntil 2,5 meter breidde. Rådmannen foreslår tillegg i føresegn som lyder: «3.2.2. Gangveg mellom tomt 2 og tomt 3 skal opparbeidast med inntil 2,5 meter breidde, slik at brannbil kjem til sjø. Gangvegen kan stengast med grind/ bom slik at den ikkje vert nytta til parkering.» Ny høyring vert fakturert etter gebyrregulativet til Fusa kommune. Rådmannen meiner planen kan leggast ut til høyring og offentleg ettersyn med dei tillegga og endringane som er lagt fram her. Vedlegg: Planomtale, detaljregulering Selvågen, 117_3, Plan-ID 1378022 10.04.2018 1241201401, 15.02.2017 Plankart, detaljregulering hyttefelt Selvågen,gnr. 117, bnr. 1378019 10.04.2018 3, Plan-id 1241201401, 07.02.2018 Føresegner, detaljregulering Selvågen Gnr.117,bnr.3,Plan- 1378017 10.04.2018 ID 1241201401, 07.02.2018 Utførande konsulent sin oppsummering av endringar i 1378016 10.04.2018 innsendt planframlegg 09.02.2018 Utførande konsulent sitt merknadsskjema etter første 1378018 10.04.2018 høyring (31.03.2017-16.05.2017) Fusa kommune sin oversending av merknader til høyring 1378023 10.04.2018 og offenlteg ettersyn (31.03.2017-16.05.2017) UPM- vedtak 30.03.2017 - Fusa kommune - Første 1378024 10.04.2018 høyring og offentleg ettersyn av detaljregulering for Selvågen hyttefelt Uttale frå Statens vegvesen 1378070 10.04.2018 Uttale frå Hordaland fylkeskommune 1378072 10.04.2018 Uttale frå Fylkesmannen i Hordaland 1378071 10.04.2018 Uttale frå direktoratet frå mineralforvalting 1378073 10.04.2018 Uttale frå Noregs vassdrags- og energidirektorat (NVE) 1378074 10.04.2018 Uttale frå hytteeigar - Erling Berge 1378075 10.04.2018 Uttale frå hytteeigar - Asbjørn Løno 1378078 10.04.2018