Fjell kommune Arkiv: 504 Saksmappe: 2017/ /2017 Sakshandsamar: Linn Cecilie Martinson Dato: SAKSDOKUMENT

Fjell kommune Arkiv: 504 Saksmappe: 2017/438-560/2017 Sakshandsamar: Linn Cecilie Martinson Dato: 10.01.2017 SAKSDOKUMENT Utvalsaksnr Utval Møtedato 3/17 Komité for plan og utvikling 17.01.2017 8/17 Kommunestyret 26.01.2017 82/17 Kommunestyret 26.10.2017 Detaljregulering for Angeltveitvegen gnr. 23, bnr. 6 m.fl. - Angeltveit Slutthandsaming Tiltakshavar: Einar Angeltveit Samandrag av saka: Ard arealplan AS har på vegne av Einar Angeltveit utarbeidd framlegg til detaljregulering for Angeltveitvegen gnr. 23 bnr. 6 m. fl. Angeltveit. Planområdet er om lag 20 dekar, og ligg på Angeltveit, om lag 1,5 kilometer frå Ågotnes sentrum. Føremålet med planarbeidet er å leggja til rette for bygging av totalt 50 bustadeiningar, i form av einebustader og konsentrerte bustader med tilhøyrande infrastruktur, felles grøntareal og leikeplass. I arealdelen til kommuneplanen 2015-2026 er området sett av til bustad, med krav om felles planlegging. Planframlegget er i samsvar med overordna plan. Rådmannen tilrår at planforslaget vert godkjend, med dei innarbeida endringane som går fram av saksutgreiinga. Innstilling: Komité for plan og utvikling tilrår: I medhald av plan- og bygningslova 12-10 godkjenner kommunestyret at framlegg til detaljregulering for Angeltveitvegen gnr. 23 bnr. 6 m. fl. Angeltveit, med plankart datert 20.12.2016, føresegner datert 20.12.2016 og planskildring datert 20.12.2016, vert godkjend med dei endringane som kjem fram av saksutgreiinga. Straume, den 10.01.2017

Steinar Nesse Rådmann Berit Karin Rystad Plan- og utbyggingssjef Handsama i Komité for plan og utvikling - 17.01.2017: Arealplanleggjar Linn Cecilie Martinson orienterte om planen. Framlegg frå Helge Nilsen, KrF: Paragraf 3.12 i reguleringsføresegnene, vedkomande rekkefølgjekrav om utviding av det smale partiet på Landrovegen Fv 211 ved brua over elva på Angeltveit, vert teken ut av føresegnene. Framlegget frå Helge Nilsen vart samrøystes vedteke. Innstillinga vart deretter samrøystes vedteken. Tilråding i Komité for plan og utvikling - 17.01.2017: Komité for plan og utvikling tilrår: 1. I medhald av plan- og bygningslova 12-10 godkjenner kommunestyret at framlegg til detaljregulering for Angeltveitvegen gnr. 23 bnr. 6 m. fl. Angeltveit, med plankart datert 20.12.2016, føresegner datert 20.12.2016 og planskildring datert 20.12.2016, vert godkjend med dei endringane som kjem fram av saksutgreiinga. 2. Paragraf 3.12 i reguleringsføresegnene, vedkomande rekkefølgjekrav om utviding av det smale partiet på Landrovegen Fv 211 ved brua over elva på Angeltveit, vert teken ut av føresegnene. Handsama i Kommunestyret - 26.01.2017: Framlegg frå Henning Ekerhovd: Saka vert utsatt med bakgrunn i foreslåtte endringer i føresegnene? Framlegget frå Henning Ekerhovd vart vedteke med 24 mot 10 røyster (mindretal FrP, SL og V) Desse hadde ordet i saka: Henning Ekerhovd, Helena Morland Hansen, Daniel Victor Hansen, Svein Bergh Vedtak i Kommunestyret - 26.01.2017: Saka vert utsett med bakgrunn i foreslåtte endringar i føresegnene. Handsama i Kommunestyret - 26.10.2017: Fellesframlegg frå Arbeidarpartiet og Høgre v/henning Ekerhovd (AP):

1. Punkt 2 i innstillingen fra KPU strykes 2. Som nytt punkt 2 vert foreslått: Med omsyn til punkt 3.12 i føresegnene skal det reknast som sikra utført om det vert inngått utbyggingsavtale mellom utbyggjar og Fjell kommune. Det er ein føresetnad at utbyggjar skal gje eit bidrag som samsvarer med det som er vanleg for planar i området. Korrigert framlegg frå Arbeidarpartiet og Høgre v/ om at siste setning i nytt punkt 2 vert stroken. Framlegg frå Daniel-Victor Sandvik (FrP): Saka vert utsett og sendt tilbake til komite for plan og utvikling for kvalitetssikring og formulering av nytt vedtak. Framlegg om utsetjing frå Daniel Victor Sandvik fekk 4 mot 30 røyster og fall. (mindretal FrP): Det vart gjennomført punktvis votering: Punkt 1 i tilråding frå komite for plan og utvikling vart samrøystes vedteke. Punkt 2 i tilråding frå komite for plan og utvikling vert samrøystes foreslått stroke. Korrigert framlegget frå AP og H om nytt punkt 2, der siste setninga vert stroke, vart røysta over og punktet vart samrøystes vedteke. Desse hadde ordet i saka: Henning Ekerhovd, Brit Ediassen, Daniel-Victor Sandvik, Odd Bjarne Skogestad, Svein Bergh, Ingunn Stenehjem og Ernst Einarsen. Rådmannen v/einar Lunde svara på spørsmål. Vedtak i Kommunestyret - 26.10.2017: 1. I medhald av plan- og bygningslova 12-10 godkjenner kommunestyret at framlegg til detaljregulering for Angeltveitvegen gnr. 23 bnr. 6 m. fl. Angeltveit, med plankart datert 20.12.2016, føresegner datert 20.12.2016 og planskildring datert 20.12.2016, vert godkjend med dei endringane som kjem fram av saksutgreiinga. 2. Med omsyn til punkt 3.12 i føresegnene, skal det reknast som sikra utført om det vert inngått utbyggingsavtale mellom utbyggjar og Fjell kommune. Dokument vedlagt saka: A. Plankart, datert 20.12.2016 B. Føresegner, datert 20.12.2016 C. Planskildring, 20.12.2016 D. Illustrasjonsplan E. Samla merknader og kommentarar frå tiltakshavar

Saksopplysningar: Ard arealplan AS har på vegne av Einar Angeltveit utarbeidd framlegg til detaljregulering for Angeltveitvegen gnr. 23 bnr. 6 m.fl. Angeltveit. PlanID: 20150012. Føremålet med planarbeidet er å leggja til rette for bygging av totalt 50 bustadeiningar, i form av einebustader og konsentrerte bustader. Planstatus Planområdet er i arealdelen til kommuneplanen 2015-2026, sett av til framtidig bustad med krav om felles planlegging. Planområdet overlappar mindre delar av vegareal i kringliggjande detaljreguleringsplanar; Angeltveit Vest planid: 20060038 og Fv211 Angeltveit-Landro, Vegutbetring planid: 20030006. Planområdet Planområdet er på om lag 20 dekar, og ligg på Angeltveit, om lag 1,5 kilometer frå Ågotnes sentrum. I tilgrensande område er det hovudsakleg spreidd einebustadstruktur, nyare bustadfelt og naturområde. Tilkomst til eksisterande bustader innanfor planområdet er frå den kommunale vegen Angeltveitvegen. Ein av dei eksisterande bustadene har tilkomst frå Fv211, Landrovegen. Både Landrovegen og Angeltveitvegen er opparbeidd etter gjeldande reguleringsplan. Det er ikkje registrert viktige kulturelle verdiar innanfor planområdet, men det er registrert nokre Sefrak- bygg og steingardar. Planframlegget Planen legg til rette for oppføring av 50 nye bustadeiningar innanfor formåla BKS og BFS. I tillegg kan det potensielt koma fleire bustader, dersom bruken av telestasjonen vert avvikla. Planen opnar for ulike typar bustader, både einebustader, tomannsbustader, rekkehus og leilegheiter. BFS1: Tre einebustadtomter. BFS2: Fire einebustadtomter. BFS3: Sju einebustadtomter. For BFS1-3 er det satt ei utnyttingsgrad på 30 % BYA for bustadeiningar som har tomtestorleik mellom 500 m 2 og 800 m 2, 25 % BYA for tomtar over 800m 2 og 35 % BYA for bustadeiningar med tomtestorleik mindre enn 500 m 2. Maksimal byggjehøgd for einebustadtomtene, er ni meter over gjennomsnittleg planert terreng. BKS1: Konsentrerte bustader med totalt seks bustadeiningar. Utnyttingsgraden er 40% BYA. Maksimal byggjehøgde er sju meter over gjennomsnittleg terreng. BKS2-3: Konsentrerte bustader med totalt seks bustadeiningar. Utnyttingsgraden er 40% BYA. Maksimal byggjehøgde er 10 meter over gjennomsnittleg terreng. Parkering er lagt til kjellar. BKS4: Konsentrerte bustader med totalt 12 bustadeiningar. Utnyttingsgraden er 40% BYA. Maksimal byggjehøgde er 10 meter over gjennomsnittleg terreng. Parkering er lagt til kjellar. Bustadbygga innanfor BKS2-4 skal plasserast inn i terrenget slik at inngang vert i 2. etasje.

Det er sett av eitt leikeareal på 687 m 2 (f_blk1) og eitt uteopphaldsareal på 655 m 2 (f_blk2). Desse areala skal opparbeidast som eit samanhengande bilfritt tun, og skal fungera som ein sosial møteplass for bebuarane i planområdet. Einebustadane løyser krav til to parkeringsplassar på eiga tomt. Dei konsentrerte bustadene løyser krav til to parkeringsplassar innanfor det einskilde reguleringsformålet. Parkering for dei konsentrerte bustadane i BKS1 og BKS5 skal løysast med overflateparkering, medan dei andre konsentrerte bustadane får parkering i underetasjen. Det er sikra opparbeiding av ladepunkt for el- bilar innanfor BKS1 og BKS5. For dei konsentrerte bustadane er det sikra opparbeiding av 54 sykkelparkeringar jf. 5.2.3 i føresegnene. Føresegn 2.7.3 set krav om at minst 5 % av parkeringsplassane skal utformast for rørslehemma. Planframlegget sikrar sanering av ei avkøyrsle på Fv 211, Landrovegen og ei avkjørsle i Angeltveitvegen. Avkøyrsla frå Landrovegen vert stengd når f_sv2 er ferdigstilt, jf. 3.4. All trafikk inn i planområdet vert via tilkomstvegane f_sv2 og f_sv3 frå Angeltveitvegen. Formåla f_bkt1-3 er sett av til avfallshandtering og postkassestativ. Offentleg ettersyn: Planframlegget låg ute til offentleg ettersyn i tida 07.10-18.11.2016, og det kom inn ti merknader. Det kom inn fem merknader frå offentlege instansar og fem frå private. Ei kort oppsummering av merknadene og rådmannen si vurdering av desse følgjer nedanfor. Merknadene ligg i sin heilskap som vedlegg til saka. Akons AS 1. Har varsla oppstart av planarbeid for 23/1 m.fl. Planområdet ved 23/1 m.fl. får tilkomst via Kjeldebergvegen. Meiner det er behov for å betra krysset til/ved Fv211 utover det som er vist i planframlegget. Kommunen bør vurdera om dette bør takast i detaljreguleringa/planframlegget for Angeltveitvegen eller i planarbeid for 23/1. 2. Planframlegget må ikkje hindre seinare betring av kryss mellom FV211 og Kjeldebergvegen. 3. Ber om at ein vurderer avstand mellom krysset, f_sv1 og kryss mellom o_skv2 og FV211, med omsyn til ei auke i trafikk på Kjeldebergvegen. 1. Ei ytterlegare utbetring av krysset må vera del av detaljreguleringa for 23/1 som Akons AS har starta arbeidet med. Detaljreguleringsplanen for Angeltveitvegen kan ikkje gjera vurderingar om potensielle framtidige tiltak i Kjeldbergvegen. Om det er behov for utbetringar eller endringar av krysset som følgje av ei utbygging i Kjeldebergvegen må vurderast i planarbeidet for 23/1. Planen for 23/1 må då eventuelt ta med seg den delen av Landrovegen som er naudsynt for å byggje eit tilstrekkeleg kryss for tenkt utbygging i Kjeldsbergsvegen. 2. Planframlegget for Angeltveitvegen legg ingen restriksjonar for framtidig endring av kryss mellom FV211 og Kjeldbergsvegen. Reguleringsplanen for Angeltveitvegen betrar krysset og gjer det meir trafikksikkert. 3. Reguleringsplan for Angeltveitvegen følgjer gjeldande reguleringsplan for Landrovegen. Ard arealplan as på vegne av Einar Angeltveit 1. Meiner at rekkjefølgjekravet om utviding av det smale partiet på FV 211, Landrovegen, som vart lagt til i KPU-møtet den 30.08.16, ikkje er rimeleg ut i frå den utbygginga som planen legg opp til.

2. Peikar på at ein viktig føresetnad for eit rekkjefølgjekrav er at det må ha ei tilknyting til planområdet. Ser ikkje andre samanhengar enn at utbygginga fil gje ein auke i trafikken på Landrovegen. Utbygginga av detaljreguleringa for Angeltveitvegen vil gje ein årsdøgntrafikk på 2800 turar, noko som er ein auke på 200 turar i døgnet. Meiner dette ikkje er ei stor nok utbygging til at det kan krevjast utviding av fylkesvegen. 3. Dersom tiltakshavar skal stå for utvidinga av fylkesvegen på eigehand, vil dette føre til særs store kostnader som ikkje er i samsvar med tiltaka som vert opna for i reguleringsplanen. 4. Syner til at ei utviding av Landrovegen difor må vera ei offentleg oppgåve. 5. Med bakgrunn i argumentasjonane i merknaden, meiner tiltakshavar at rekkjefølgjekravet om utviding av det smale partiet på Landrovegen må takast ut. Rådmannen meiner rekkjefølgjekravet kan sjåast på som eit rimeleg krav, då planområdet opnar for bygging av heile 50 nye bustadeiningar. Det skal byggjast fleire bustader på andre sida av fylkesvegen, og tiltakshavar har difor moglegheit til å gå saman med andre utbyggjarar i området, og forhandla fram ei felles utbyggingsavtale for det smale partiet av fylkesvegen ved Polleidet. Ei avtale med utbyggjarar i området vil vera tenleg for alle partar, då rekkjefølgjekravet med stor sannsyn vil bli lagt på andre som ønskjer å byggja ut i området kring Angeltveit. Dersom tiltakshavar inngår ein avtale med andre utbyggjarar, er han avhengig av at dei andre områda skal byggjast ut innanfor rimeleg tid, slik at prosjektet ikkje vert satt på vent i lengre tid. Trafikktryggleik for mjuke trafikantar er allereie sikra i området med både gang- og sykkelveg/ fortau og overgangsfelt, så ei eventuell oppgradering av det smale partiet sikrar i hovudsak betre trafikkflyt. Rådmannen er samd i at ei utviding av Landrovegen i utgangspunktet er ei offentleg oppgåve. I nyleg vedteke trafikksikringsplan, er utviding av vegen frå Polleidet til Ågotnes registrert som ein del av behovslista, men er ikkje del av dei prioriterte tiltaka. Frank Kålås for Tor Kjartan Kålås: 1. Etterlyser plan for drenering av myra som ligg delvis på gnr/bnr 23/7 og 23/6. 2. Forventar opparbeiding av permanent landbruksgjerde i grensa mellom planområdet og gnr/bnr 23/7. Ønskjer at det vert klargjort kven som vil eige dette gjerdet, og dermed få vedlikehaldsansvaret. 3. Ved f_sgg4 må det opparbeidast permanent sjølvlukkande grind i grensa mellom planområdet og 23/7. 4. Tilkomst til LNF-området over innmark på gnr/bnr 23/7: Viser til friluftsloven som ikkje legg til rette for fri ferdsle over innmark heile året. Ber om at tilkomst vert flytta bort frå dyrka mark. 5. Er kritisk til byggehøgda i planområdet, særs i BKS4. Meiner at bygga er for høge då dei grensar til eit LNF-område. Meiner at det i grensa mot gnr/bnr 23/7 bør leggjast til rette for eit betydeleg mindre volumkrevjande bygg med lågare høgd. 1. VA-rammeplan viser korleis drenering i planområdet vert handtert. Reguleringsplanen legg opp til store grøne areal som vil ta unna mykje overvatn. I tillegg skal det leggjast dreneringsleidning rundt dei nye bygga, og det skal etablerast to fordrøyningsmagasin, M1-M2, som mottar takvatn og overvatn frå dei nye tette areala i planområdet. Nye overvassleidningar innanfor planområdet fører drensvatn frå bygga og andre tette flatar fram til fordrøyningsmagasina.

2. Plangrensa følgjer eigedomsgrensa mot 23/7 i nord. Det ligg ei grøn buffersone mellom eigedomsgrensa 23/7 og planområdet på ca. 3 meter som blir liggande slik den er i dag. Eksisterande gjerde, som er plassert i eigedomsgrensa, kan opprettehaldast slik det er i dag. 3. Det er ikkje naudsynt med grind ved f_sgg4, då det er fri ferdsel til utmark, jf. 2 i friluftslova. Det er allereie etablert ei grind mellom innmark og utmark på gnr/bnr 23/7. Det er ikkje planlagd å gjera tiltak som påverkar grindas funksjon. 4. Tilkomst til LNF-området er tenkt via f_gt direkte frå Landrovegen eller gjennom planområdet og via f_sgg4 og f_gt. I dag er det mykje turaktivitet i området og mange nyttar seg av både planområdet og gnr/bnr 23/7 for å kome seg opp mot Steinafjellet og områda i nærleiken. Detaljreguleringsplanen sikrar tilgong til friluftsareala. I dag går det ein sti der f_sgg4 møter f_gt. Denne stien går vidare vestover mot Steinafjellet. 5. Det vil naturligvis bli eit markant skilje mellom planområdet og LNF- området, men samstundes er det lagt opp til ei moderat høgde på bygga. Det er sikra i føresegnene at bustadane skal tilpassast terrenget på ein god måte. BKS4 er illustrert i 3d, og viser at dei ligg godt plassert i terrenget. Det er lagt opp til parkering mot aust, delvis under bygget, og bustaddelen av bygget møter difor terrenget i vest. Bygget i BKS4 kan ikkje bli høgare enn opp til kote 45, og blir derfor ikkje særleg høgare enn dei konsentrerte bustadane på gnr/bnr 23/385. Helge Angeltveit: Viser til at det ikkje er inngått noko avtale mellom utbyggjar og grunneigar av gnr. 23 bnr. 4 om grunnavsetjing til betring av vegkryss ved Angeltveitvegen/Landrovegen. Avtaler knytt til utbygginga vert ikkje ein del av planprosessen, då detaljreguleringa ikkje omtalar/vurderer privatrettslege tema. Sameiet Angeltveithaugen: 1. Viser til eigendomen vest i planområdet, som har tilkomst frå tilkomstveg like vest for planområdet, - Utbyggar har ikkje vært i dialog med sameiget om tilknyting til sameigets private veg. - Vegen er smal og lite oversiktleg, og meir trafikk vil føre til vesentleg ulempe for eksisterande bustader og barn. 2. Krev dialog med utbyggar med tilbakemelding på følgjande: - Kvifor kan ikkje eigedomen innanfor BFS3 få tilknyting til felles veg f_sv3? - Korleis har utbyggar tenkt å kompensere for bruk av sameigets private veg? 1. Grunneigar har vegrett til den omtalte tilkomstvegen. Trafikk til ei bustadeining kan ikkje seiast å vera ein vesentleg ulempe for eksisterande bustader og barn. 2. Det er lagt opp til vegtilkomst for ein tomt i BFS3 via eksisterande veg i vest, for å unngå unødvendige vegar inn til tomta. FjellVAR: 1. Ber om at planleggjar tenkjer gjennom korleis det kan leggjast til rette for best mogleg avvikling av bosshenting. 2. Har ikkje kapasitet i dag til bortleiing/reinsing av avlaup i planområdet. Ønskjer ein tidsplan for utbygginga og eit oversyn over mengde vatn og avlaup utbygginga vil krevja. 1. Areal for avfallshandtering er lagt til eit område som gjer det lett for bossbil å koma fram og snu.

2. Teke til etterretning. Fylkesmannen i Hordaland: Har ikkje merknader til planframlegget. Hordaland fylkeskommune: 1. Set spørsmålsteikn til utforminga og tilhøva mellom areal for leik og parkering. I illustrasjonsplanen er det sett av mykje areal til køyreveg og parkering, dette fører til mykje inneklemte grøne restareal som i avgrensa grad har gode kvalitetar for leik og opphald. Ber kommunen sjå på alternative løysingar for parkering slik at ein kan samla grøne areal i større område. 2. I plankartet har markeringa av H570_2 falt bort, ber om at denne vert lagt inn i plankartet. 3. Under opparbeiding av bustadfeltet skal ein å unngå inngrep i/skade på eventuelle kulturlandskapstrekk som steingardar, eldre vegar/stiar, bakkemurar, tufter m.m. 4. Gjer merskam på meldeplikta etter kulturminnelova 8, 2. ledd. 1. Leikeareal og felles uteopphaldsareal er hovudsakleg samla i eit sentralt tun. Det er sikra i føresegnene at området skal opparbeidast med gode kvalitetar. Rådmannen meiner at areala som er sett av til parkering ikkje er særleg store, og at desse i praksis kan verta ein del av inngangspartia til einbustadtomtane. Areala som vert omtalt som små grøne flekkar er tenkt nytta som privat uteopphaldsareal. 2. Omssynssone H570_2 er markert i plankartet. 3. Dette er sikra i føresegnene og gjennom det overordna plangrepet. 4. Tiltakshavar er kjend med meldeplikta. Kommunalt råd for menneske med nedsett funksjonsevne 1. Rår til at alle bustader innanfor reguleringsområdet vert bygde med universell utforming. 2. Så langt råd er, må alle gang-/sykkelvegar eller fortau og vegar etablerast med ei bredde som gjev høve til eit optimalt vintervedlikehald, dvs. minst 2,5 meter. 1. Det er ikkje sett spesifikt krav om at bustadane skal vera universelt utforma, men TEK 10 vert følgd ved utbygging. Planområdet er ikkje særs kupert, og Rådmannen meiner at det bør leggjast opp til universell tilkomst til bustadane så langt det lar seg gjera. 2. Dei to interne gangvegane er under 2,5 meter og skal ikkje kunna nyttast av bilar. Ein ser det derfor ikkje som naudsynt at vegane skal ha ei breidde på 2,5 meter. Vegane skal vera interne gangvegar/snarvegar i området. Rådmannen ser det ikkje som naudsynt å dimensjonera gangvegane for brøyting, noko som i utgangspunktet krev ein tre meter brei veg, og meiner at vintervedlikehald må løysast på andre måtar. Statens vegvesen: 1. Minner om at tekniske teikningar for avkøyrsle/kryss skal følgje med dei øvrige plandokumenta når kommunen legg detaljreguleringsplaner ut til offentleg ettersyn. 2. Plankart har behov for nokon mindre justeringar: - Avvik mellom teknisk teikning C101 og svingradius som er påført plankart. Om anna radius enn R=9 er brukt på reguleringsplankartet må dette rettast opp i. - Gangveg f_sgg1 må forlengast slik at den møter o_sf2. - Trafikkøy i kryss mellom kommunal veg og FV 211 skal berre ha arealføremål «anna veggrunn teknisk» (o_svt). - Arealføremål o_svt3 og o_svt7 må takast ut av planen og erstattast med arealføremål o_svg.

- Arealet o_svt8 som ligg ved fylkesvegn må få føremålsnamn o_svg. Anna veggrunn teknisk, der o_sf5 og o_sf2 møtast, må få føremålsnamn o_svg og fortsetta i ei bredde på 1 meter langs o_sf2. - Der anna veggrunn langs med FV 211 er vist som teknisk anlegg, skal desse visast med føremålsnamn o_svg. - f_sv1 er (jfr. Føresegn 6.1.1) tilkomstveg for eigedomar med tilkomst frå Kjeldebergvegen. Viser til Statens vegvesen sin uttale (brev av 28.06.16), varsel om oppstart av Reguleringsplan for Kjeldeberget sør- Del av gnr. 23 bnr. 1 Angeltveit. Har peika på at privat avkøyrsle i Kjeldebergvegen må leggjast om, slik at det ikkje oppstår eit X-kryss. - Reguleringsplanen for Angeltveitvegen legg ikkje opp til meir utbygging på nordaustsida av Landrovegen, og SVV ser at det ut frå dagens trafikk i Skjeldebergvegen ikkje kan settast krav om meir enn 6 x 45 meter sikt. Det er lagt opp til 10 x 60 meter sikt i planen. Kommunen må passe på at eit siktkrav ikkje kjem i konflikt med støyskjermen som er godkjent på gnr. 23, bnr. 41. 3. Planføresegn: - Ordlyden i pkt. 6.6.1 må takast ut av føresegnene og erstattast med følgjande tekst: «Sideområde til offentleg veggrunn her ved FV 211, og sideområde til offentleg fortau langs fylkesvegen. Dette er område som Statens vegvesen har eigne krav til. Tiltak i desse områda skal avklarast med Statens vegvesen.» - Føresegnene pkt. 2.9.1 opnar for unntak som kan plasserast utanfor byggegrenser. Unntaka kan ikkje gjelde byggegrensa lang FV 211, dette må presiserast i den aktuelle føresegna. - Jfr. føresegnene pkt. 3.8 er det krav om opparbeiding av kryssområdet før det kan gjevast løyve til igangsetting for tiltak innanfor planområdet. For å sikre at det vert inngått ei gjennomføringsavtale mellom vegvesen og tiltakshavar bør føresegnene 3.8 supplerast med følgjande ordlyd: «Før arbeid knytt til riks- og fylkesveganlegg kan setjast i gang, skal byggeplan være godkjent av Statens vegvesen, og det må være inngått ei gjennomføringsavtale mellom vegvesenet og tiltakshavar.» 1. Tiltakshavar har sendt over teikningar for avkjørsla og kryss. 2. Justeringar i plankartet er gjort i samsvar med merknaden. 3. Merknad knytt til føresegnene er teke til etterretning og innarbeidd i planframlegget. Planområdet ligg om lag 1,5 km frå Ågotnes sentrum, og har dermed god tilknyting til arbeidsplassar og service- og aktivitetstilbod. Utbygginga er dermed med på å styrka Ågotnes som sentrum nr. to i kommunen. Barn og unge sine interesser: Rådmannen meiner at planen legg opp til gode kvalitetar for barn og unge, og er nøgd med at leikearealet og uteopphaldsarealet har ein sentral plassering i planområdet. Infrastruktur: Planframlegget sikrar sanering av ei avkøyrsle frå Fv 211 (Landrovegen) og ei avkjørsle frå Angeltveitvegen. Rådmannen meiner at planen legg opp til god tilkomst til planområdet, og er nøgd med at avkjørsla frå Landrovegen vert sanert. Rådmannen er nøgd med at det er lagt opp til gode koplingar og snarvegar i planområdet. Desse gjer det enkelt å koma seg raskt fram til ulike målpunkt, og er med på å skapa eit godt og funksjonelt bustadområde. Naturmangfald:

Det går fram av naturmangfaldlova (nml) 7 at prinsippa i 8-12 skal leggast til grunn ved utøving av offentleg mynde. Temaet var utfyllande omtalt ved 1. gangs handsaming av planen. Rådmannen kan ikkje sjå at det ved eller etter offentleg ettersyn er kome nye opplysningar som krev ny vurdering. Oppsummering: Rådmannen tilrår at planen vert godkjent med følgjande innarbeidde endringar: Plankartet: - Det er gjort mindre tekniske endringar i plankartet i samsvar med merknad frå Statens vegvesen. Føresegner: - 2.9.1: Lagt til at det kan ikkje gjerast tiltak innanfor byggegrense langs fylkesveg 211. - 3.8: Lagt til setning: Før arbeid knytt til riks- og fylkesveganlegg kan settast i gang, skal byggjeplan vere godkjent av Statens vegvesen, og det må vere inngått ein gjennomføringsavtale mellom vegvesenet og tiltakshavar. - 6.6.1 Har fått endra ordlyd: Sideområde til offentleg veggrunn, her ved fv. 211 og sideområde til offentleg fortau langs fylkesvegen, er område som Statens vegvesen har eigne krav til. Tiltak i desse områda skal avklarast med Statens vegvesen. Planskildring: - Det er gjort mindre endringar av ordlyd, knytt til endringane i plankartet jf. merknad frå Statens vegvesen. Dei føreslegne endringane er innarbeidd i reviderte plandokument: plankart datert 20.12.2016, føresegner datert 20.12.2016 og planskildring datert 20.12.2016. Endringane som er gjort etter offentleg ettersyn endrar ikkje hovudformålet eller intensjonen med planen. Etter rådmannen si vurdering kjem endringane innanfor rammene av kva som kan endrast utan nytt offentleg ettersyn. Etter kva rådmannen kan sjå er føresetnaden for å nytta eigengodkjenning i samsvar med 12-12 i plan- og bygningslova tilstade. Rådmannen meiner det reviderte planframlegget sikrar gjennomføring og etablering av ny busetnad på ein tilfredstillande måte, og vil difor tilrå at kommunestyret godkjenner detaljreguleringsplanen, med dei endringane som går fram av saka.