- Tilleggsakliste Kultur- og ressursutvalet Dato: 31. oktober 2013 kl. 12.00 Stad: Fylkeshuset INNHALD TILLEGGSAKLISTE - Kultur- og ressursutvalet... 2 Tilskot til utgreiing av lokalisering av Hordaland Teater i Bergen sentrum... 3
TILLEGGSAKLISTE - Kultur- og ressursutvalet Saknr. Arkivsak Saktittel 114/13 201200217-13 Tilskot til utgreiing av lokalisering av Hordaland Teater i Bergen sentrum 2
SAKNR. 114/13 MØTEDATO 31.10.13 Saksgang Møtedato Saknr Saksordførar Kultur- og ressursutvalet 31.10.13 114/13 Fylkesutvalet 31.10.13 255/13 Tilskot til utgreiing av lokalisering av Hordaland Teater i Bergen sentrum Forslag til innstilling, sjå saksframlegg. 3
Kultur- og idrettsavdelinga Arkivsak 201200217-13 Arkivnr. 644 Saksh. Skaar, Ronny, Haugland, Tone Stedal Saksgang Kultur- og ressursutvalet Fylkesutvalet Møtedato 31.10.2013 31.10.2013 TILSKOT TIL UTGREIING AV LOKALISERING AV HORDALAND TEATER I BERGEN SENTRUM SAMANDRAG I tråd med tidlegare vedtak, arbeidar Hordaland Teater no heilt konkret med å få til ei lokalisering i Bergen sentrum. Teateret har difor trong for ekstra midlar til nærare utgreiing i samband med dette. Som det er peikt på i tidlegare saker, vil flytting av Hordaland Teater til sentrum gje auka utnytting av driftsmidlar og kapasitet. Det vil og truleg medføra publikumsauke, då ein fast spelestad i sentrum vil synleggjere og profilere teateret meir markant. Tilhøva vil og ligga betre til rette for at teateret står fram som ei aktuell nynorsk scene og vidareutvikla samarbeidet med Det Norske Teater og Sogn og Fjordane Teater. Fylkesrådmannen rår til at Hordaland teater får ei ekstraløyving på kr 500.000 til slik utgreiing. Ei slik løyving vil gjera teateret i stand til å leige inn naudsynt kompetanse til gjennomføring av prosjekteringsarbeid. Fylkesrådmannen gjer framlegg om følgjande vedtak: FORSLAG TIL INNSTILLING Fylkesutvalet ser positivt på prosessen som er starta og løyver kr 500.000 til utgreiing av lokalisering av Hordaland Teater i Bergen sentrum. Budsjettet vert endra slik: budsjettpost 10.400.715.04.14700 Hordaland Teater aukar med kr 500.000 budsjettpost 10.720.200.00.14900 Tilleggsløyvingskonto fylkesutvalet går ned med kr 500.000 Rune Haugsdal fylkesrådmann Anna Elisa Tryti fylkeskultursjef 4
FYLKESRÅDMANNEN, 29.10.2013: Hordaland Teater vedtok i sin plan av 15.desember 2011 at dei ønskjer å flytte heile verksemda si frå Stend til Bergen sentrum. Det er også utarbeidd notat frå Hordaland Teater «Ny base for Hordaland teater i Bergen sentrum». I dette notatet vart det kort gjort greie for teateret si historie fram til i dag, dei ulike ulempene ved den noverande plasseringa, og korleis ei flytting av teateret òg vil styrka dei moglegheitene teateret kan få i framtida. Då Hordaland fylkeskommune er største eigar i teateret, bad Hordaland Teater om at fylkeskommunen vurderte ei tilslutning til desse planane. Dette vart lagt fram i sak 77/12 i Kultur- og ressursutvalet 21.08.2012 og i sak 192/12 i Fylkesutvalet 28.08 2012. Fylkesutvalet fatta slikt vedtak: 1. Fylkesutvalet støttar at Hordaland Teater arbeider for å flytte si verksemd til Bergen sentrum, eventuelt i samarbeid med andre aktørar. 2. Hordaland fylkeskommune skal bidra aktivt i prosessen med å utgreie spørsmålet om ei eventuell flytting av Hordaland teater, herunder bistå i arbeidet med å finne ei alternativ lokalisering av teateret, både på kort og lang sikt. 3. Kultur- og ressursutvalet føreset at dei nye planane ikkje vil ha konsekvensar i forhold til vedtektene og føremålsparagraf for teateret, og vil eventuelt. handsame dette i eiga sak seinare. Ein ser det som viktig at teateret held fram med å ha fokus på å vere eit turnéteater og på produksjonar for barn og unge. I tråd med intensjonane, arbeidar Hordaland Teater no heilt konkret med å få til lokalisering i Bergen sentrum. Teateret har difor trong for ekstra midlar til nærare utgreiing i samband med dette. Hordaland Teater har også visjonar om å verte ein det av eit evt. nynorsk kulturforum i Bergen. Det vart tilrådd 200 000 kr i støtte gjennom Kulturelt utviklingsprogram 2012 til utgreiing av dette. Kultur Vest var prosjektansvarleg på oppdrag frå Hordaland Teater. Rapporten er avlevert til teateret. Som det er peika på i tidlegare saker, vil flytting av Hordaland Teater til sentrum gje auka utnytting av driftsmidlar og kapasitet. Det vil og truleg medføra publikumsauke, då ein fast spelestad i sentrum vil synleggjere og profilere teateret meir markant. Tilhøva vil og ligga betre til rette for at teateret står fram som ei aktuell nynorsk scene og vidareutvikla samarbeidet med Det Norske Teater og Sogn og Fjordane Teater. Fylkesrådmannen har streka under at Hordaland Teater er eit sjølvstendig aksjeselskap og at det er dette selskapet som må stå ansvarleg for evt. flytting til sentrum. Hordaland fylkeskommune, som største eigar, har altså gjennom fleire vedtak stilt seg positiv til desse planane på prinsipielt grunnlag. 5