Visjon og verdiar ei blå framtid Vedtatt på årsmøtet:
Innleiing Stranda Fotball er historisk ein av Sunnmøre sine største klubbar. Frå starten av det nye årtusenet var Stranda Fotball den aller største og hadde i overkant av 30 lag påmeldt i serien. Ein ser også at fotballen på Stranda står meget sterkt, og vi har i overkant av 90% av barn og unge innom og prøver seg på trening hos oss. Vi har ein prosentdel på rundt 75% både hos jenter og gutar som spelar aktivt i barneklassene våre. Dette er truleg i Noregstoppen, og er noko som ein bør etterstreve å oppretthalde, ja kanskje auke. Desse tala har ikkje komet tilfeldig. Stranda Fotball har vert bevist på kva eins misjon er, og har prøvd å etterleve dette. Alle styrer i klubben frå starten på det nye milleniet har definert oss som ein breiddeklubb, alle våre sponsorar og støttespelarar, det same. Det er breidda som er vårt mål, det å kunne skape eit sunt og godt oppvekst miljø i trygge idrettsrammer er det vi lever for å levere. I dette dokumentet kalla Visjon og verdiar ei blå framtid har vi i styret samanfatta og satt ord på kva det er vi i Stranda Fotballen jobbar for. Vi har tru på at vi gjennom å jage våre draumar, er med på å påverke Stranda samfunnet og gjer nettopp Stranda til den beste plassen å bu, og ein fantastisk plass å vokse opp. Klubben har definert ein visjon, ei setning som definerar oss. Dette er det vi jagar i alle ledd i klubben, frå trenarar til styrerom. Vi har også gjennom våre målsetjingar laga oss ein del målbare parameter for å kunne kvalitetssikre om vi er på rett vei i forhold til vår visjon. Og til sist har vi prøvd å formulert nokre verdiar, desse skal hjelpe oss i kvardagen, og sørgje for at det vi står for er sameinig med korleis vi agerar og opptrer og sett ord på kva kvalitetar ein forventar og dyrkar i klubben. Desse må gjennomsyre klubben og det arbeidet vi held på med. Det er styret sin jobb å redigere dette dokumentet, men endringar kan kunn gjerast gjennom vedtak på årsmøte og godkjenning på Stranda Idrottslag sitt årsmøte. Strategidokument Stranda Fotball 2
Klubben sin visjon Stranda Fotball sin visjon er tufta på vårt ynskje om å være ein breiddeklubb som skaper trygge og gode rammer i vårt lokalsamfunn. Vår suksess blir ikkje målt gjennom kampresultat men gjennom kor mange som deltek. Vi veit at hovud mandatet vi har fått frå vårt lokal miljø er at vi skal skape gode oppvekst vilkår, der vi gjennom fotballen sitt vakre spel er med på å skape trygge, gode, kjekke og sunne medmenneske. Stranda Fotball skal vere eit fellesskap for individuell og kollektiv utvikling i eit trygt og godt miljø. Vi er av den hellige overtydinga at det er gjennom gode og trygge miljø dei beste idrettsutøvarane i Noreg kjem frå. Dei aller fleste verdsstjernene våre er skapt under trygge rammer og i samarbeid på tvers av idrettane. Vi har mange eksemplar på dette alt i frå Rune Bratseth til Therese Johaug. Lokalt er vår eigen Bjarne Solbakken eit klasse eksempel på dette. Difor er vi sikre på at gjennom eit hovudfokus på breidde, der gjenggangsmelodien er miljø, så skal vi klare å vere med på å kunne skape gode idrettsutøvarar men først og fremst gode mennesker. Strategidokument Stranda Fotball 3
Målsetjingar For å oppfylle vår visjon har vi sett oss nokre målsetjingar. Å måle suksessen i forhold til denne visjonen er vanskeleg men vi prøvar å definere det gjennom desse målsetjingane: 1. Vi ønskjer at 75 % av alle barn under 13 år skal spele fotball. Både jenter og gutar. 2. Vi ønskjer at alle barn og unge skal ha vert på ei trening med Stranda Fotball. 3. Vi ønskjer at den som ikkje er aktiv søkjer seg til andre roller i fotballfamilien. 4. Vi ønskjer kontinuitet på trenar og leiarsida. 5. Vi ønskjer at spelarar frå naboklubbane våre ser på oss som den naturlege klubben å gå til, når dei sjølv manglar tilbod i moderklubben sin. 6. At Stranda Fotball stille lag i alle SFK sine årsklasser. Vi føler at ved å nå desse måla kan vi med tryggleik kunne påstå at vi har skapt eit trygt og godt miljø, for individuell og kollektiv utvikling. Mykje vil iallfall tyde på det. Vi burde kanskje hatt målsetjingar som gjekk på talet på aktive ungdommar og unge vaksne. Kanskje om dommarar. Vi burde kanskje definert kva kontinuitet vil sei, og kanskje tidfesta kor lenge ein må delta for å vere ein kontinuitetsbærer. Men dette er ein start, så får vi evaluere dette ved utgangane av året. Strategidokument Stranda Fotball 4
Klubbens verdigrunnlag KUNNSKAP LOJALITET -Stranda Fotball skal vere ein kunnskapsbasert klubb. - Barn & unge kan forvente å lære i SF - Våre trenarar og leiarar skal søkje kunnskap gjennom kurs og samlingar i regi av SFK. -Som medlem i Stranda Fotball er ein lojal overfor dei verdiar og visjonar klubben har definert. -Som medlem i Stranda Fotball er ein god og lojal kollega, som søker samarbeid og utvikling i lag med resten av fotballfamilien. ANSVAR RESPEKT -Vi har som medlem i SF eit ansvar for å representere klubben på ein god måte. - SF er ein dugnadsklubb, vi har alle eit ansvar for å utvikle klubben. - Vi har alle eit ansvar for å gjer klubben til ein stad for trivsel og utvikling. Her snakkar vi med, ikkje om. - Det handlar om respekt for mennesket. -I Stranda Fotball respekterer man slutningane som er tatt. - Fair play er viktig både på og utanfor bana. Er du KLAR for Stranda Fotball? Strategidokument Stranda Fotball 5
Kunnskap: Vi meinar at Stranda Fotball må bli ein kunnskapsbasert klubb, kor ein som individ søkjer å utvikle og lære seg om dei nye tinga gjennom kursing. Fotballen er som alt anna i rivande utvikling og det krev input frå forskjellige hold for å hengje med. Det er mange grunnar for klubben å leggje til rette for utdanning. Undersøkingar i fotball Noreg tydar på at trenarar som har kursing igjennom NFF har mindre fråfall enn dei som ikkje har. Vidare er det jo viktig å kunne mest mogleg om faget sitt. For fotball har blitt eit fag. Gjennom kunnskapen gjer ein treningane meir interessant for både seg sjølv og spelarane, og dette førar også til at ein får større glede av hobbyen sin. Slik får vi behalde trenarane lenger, og dermed sikrar vi kontinuitet. Den same argumentasjonen kan ein bruke på leiar sida. Vi må gjere det å sitje i styre og utval til noko anna enn eit pliktår. Vi må sørgje for at leiinga og andre i organisasjonen får input frå andre i same situasjon og gjennom det sikre det evige engasjementet. Når det gjeld dei aktive, så må dei kunne forvente å lære noko gjennom det å vere aktiv i vårt miljø. Kanskje det ikkje er heilt openbart for dei sjølve kva for ein kunnskap dei drar med seg, anna enn den reint fotballmessige. Men dei viktigaste lærdommane dei får er sosialisering, gleda av å være aktiv, ansvarslæring og liknande. Dette skaper karakter og karakter skaper suksess. Lojalitet: Lojalitet er viktig. Vi er ein klubb som jobbar mot eit felles mål, da er det viktig at alle er lojale i forhold til dei avgjerslene som blir tatt på klubben sine vegner av dei relevante organa. Det betyr ikkje at ein ikkje kan vere ueinig, eller stille spørsmål om reglar, ja til og med om retninga vi tar. Men at ein rettar seg etter dei så lenge dei er gjeldande og innrettar seg etter avgjersle når dei er tatt. Så er det klubben si plikt å stille relevante fora for diskusjonar om dette, og årsmøtet er såleis det viktigaste fora for desse diskusjonane. Stranda Fotball er ei open og demokratisk undergruppe i Stranda Idrottslag. Det vil sei at alle kan vere med, uavhengig av sosial status, seksuell legning, etnisitet og religion. Men det er ikkje ei menneskerett å vere med. Det vil sei at er ein illojal eller demonstrativt viser motvilje eller motarbeidar det Stranda Fotball står for, så kan klubben velje å nekte den personen å ta del i vårt fotballfamilie. Som eit eksempel så bør ein ikkje vere medlem i SV viss ein deler verdiar med Framstegspartiet. Strategidokument Stranda Fotball 6
Fotballfamilien er eit begrep som vi nyttar ofte om det samhalde og miljøet vi har skapt i Stranda Fotballen. Og det er målet vårt at vi alle opptrer i samsvar med det. Det vil for kvar enkelt sei at klubben forventar at alle som er i dette miljøet opptrer lojalt og kollegalt over for kvarandre. Vi skal søke å samarbeide godt med kvarandre og hjelpe til å få til gode løysningar på problem i samsvar med våre planverk. Ansvar: Det diffuse uttrykket klubben blir ofte brukt om forskjellig, og spesielt når noko skal ordnast eller er gale. Men klubben er oss alle. Deg og meg, styret, trenarar og spelarar. Når det gjeld å ta vare på og utvikle klubben har vi alle eit ansvar. Stranda Fotball er ein dugnadsklubb og vi har difor alle ansvaret for at den skal gå rundt. At den utviklar seg og at den blir eit god stad å være for oss alle. Det at klubben skal bli ein stad for trivsel, glede og utvikling bør vi alle ta eit ansvar for. Vi må snakke med folk og ikkje om, vi må vere positiv innstilt til kvarandre og ha eit felles ønskje om at alle skal kunne trivast i fotballfamilien. Vi må unne andre suksess og klare å glede oss over andre sine prestasjonar. Å gjennom å ta ansvaret for sin eigen væremåte på dette klarer vi å skape det gode, trygge og utviklande miljøet der vi alle trivst. Slik skaper vi eit miljø der det å ta ansvar for forskjellige oppgåver i klubben, og ikkje vere redd for å mislykkast, er naturleg. Dette skaper klubbutvikling og i ei nær framtid også suksess for oss alle både på og av bana. Stranda Fotball skal vere ein arena der det er naturleg å ta ansvar, og som klubb skal det vere naturleg for oss å stole på folk, og derfor også naturleg å gi ansvar. Respekt: Sjølve kjerneverdien i Stranda Fotball er respekt. Det å utvise respekt for kvarandre sikrar at takhøgda i klubben er romsleg. Vi må kunne respektere at andre har andre vinklingar, løysingar, meiningar og interesser enn oss. Vi må møte alle med respekt, for det er det alt handlar om, respekt for medmennesket. Det å respektere medmennesket er difor noko som må gjennomsyre det vi styrar med. Også kva vi lærer våre barn og unge. Det skal vere heilt naturleg for spelarar og trenarar frå Stranda og utvise høvisk opptreden og fair play overfor andre lags spelarar og trenara og ikkje minst i forhold til dommarar. Vi skal spele fair, og aldri gå på akkord med vår eigen Strategidokument Stranda Fotball 7
stoltheit. Vi representerar Stranda og på Stranda er vi godt oppdratt. Dette skal vises igjen, for det handlar om vår eigen sjølvrespekt. Strategidokument Stranda Fotball 8