OS KOMMUNE Os kommune MØTEINNKALLING Utval: PERSONAL- OG LØNSUTVALET Møtestad: Formannskapssalen Møtedato: 04.06.2003 Tid: 17.00 SAKLISTE Saksnr. Arkivsaksnr. Side Tittel 0013/03 03/00171 POLITISK KVARTER PERSONAL-OG LØNSUTVALET 04.06.2003 56 0014/03 03/00173 LEIARAVTALER FOR OS KOMMUNE 57 0015/03 03/00835 PROSJEKT SJUKEFRÅVÆR - STATUS PR. MAI 2003 67 0016/03 03/02001 STØTTEKONTAKTAR/TILSYNSFØRARAR - REVIDERING AV LØN/ARBEIDSFORHOLD 70 Medlemmer som ikkje kan møta må snarast melda frå til Os kommune, tlf. 56 57 50 00. Varamedlemmer møter berre etter særskild innkalling. Os, 27.05.2003 Eva K. Røttingen Organisasjonssjef
Sak 0014/03 MØTEBOK POLITISK KVARTER PERSONAL-OG LØNSUTVALET 04.06.2003 Saksbehandler: Eva K. Røttingen Arkiv: 033 Arkivsaksnr.: 03/00171 Saksnr.: Utval Møtedato 0001/03 Personal- og lønsutvalet 20.01.2003 0007/03 Personal- og lønsutvalet 11.03.2003 0013/03 Personal- og lønsutvalet 04.06.2003 Saksopplysningar: Uformell drøfting av ymse saker.
Sak 0014/03 LEIARAVTALER FOR OS KOMMUNE MØTEBOK Saksbehandler: Eva K. Røttingen Arkiv: 400 Arkivsaksnr.: 03/00173 Saksnr.: Utval Møtedato 0003/03 Personal- og lønsutvalet 20.01.2003 0014/03 Personal- og lønsutvalet 04.06.2003 Framlegg til vedtak/: Personal- og lønsutvalet godkjenner leiaravtaler for Os kommune datert.. Os, 22.05.2003 Eva K. Røttingen Side 3 av 11
Sak 0014/03 Vedlegg: 1. Leiaravtale for Os kommune for einingsleiarane 2. Leiaravtale for Os kommune for kommunaldirektørane Saksopplysningar: Eit av tiltaka i samband med utvikling av lønspolitikk for Os kommune er å få utarbeidd leiaravtaler. Desse avtalene skal danna grunnlaget for å kunna seia noko om innsats og resultat i samband med lønsvurdering. Men leiaravtalene seier også noko om ansvar og krav til leiarar i Os kommune, og kva leiarane kan venta av sin overordna. Ei prosjektgruppe har arbeidd ut framlegg til leiaravtale for kommunaldirektørane og leiaravtale for einingsleiarane. Prosjektgruppa har vore samansett slik: Eva K. Røttingen, prosjektleiar Jorunn Solberg Birgit Winsents Jonny Christensen Åse M. Gjerde Reidar Bremertun Då leiarforum hadde framlegg til leiaravtaler til drøfting vart gruppa supplert med Kirsten Ø. Tønnessen, Per Olav Sørås og Anne Valle. Desse har vore med sidan november 2002. Gruppa sitt framlegg er sendt ut på høyring med høyringsfrist 28. mai. Høyringsfråsegner og endeleg framlegg til vedtak må difor ettersendast. Side 4 av 11
Sak 0015/03 MØTEBOK PROSJEKT SJUKEFRÅVÆR - STATUS PR. MAI 2003 Saksbehandler: Eva K. Røttingen Arkiv: 461 Arkivsaksnr.: 03/00835 Saksnr.: Utval Møtedato 0010/03 Personal- og lønsutvalet 11.03.2003 0002/03 Arbeidsmiljøutval 17.03.2003 0015/03 Personal- og lønsutvalet 04.06.2003 Framlegg til vedtak: Personal- og lønsutvalet er blitt orientert om framdrifta i arbeidet i sjukefråværsprosjektet. Utvalet tar sjukefråværsoversikt for 1. kvartal 2003 til orientering. Os, 23.05.2003 Eva K. Røttingen
Sak 0015/03 Behandling i Arbeidsmiljøutval i møte 17.03.2003 Behandling i utvalget: Vedtak i samsvar med innstilling. Vedtak: Arbeidsmiljøutvalet som styringsgruppe, er blitt orientert om status for sjukefråværsprosjektet og har ingen merknader. Behandling i Personal- og lønsutvalet i møte 11.03.2003 Behandling i utvalget: Utveksling av synspunkt kring sjukefråværsproblematikken. Vedtak: Personal- og lønsutvalet ber om å bli orientert om arbeidet i sjukefråværsprosjektet og utviklinga i sjukefråværet. Side 6 av 11
Sak 0015/03 Vedlegg: 1. Sjukefråværsoversikt 1. kvartal 2003 (Laust vedlegg til dei faste medlemmene) 2. Os kommune er blitt IA verksemd (Laust vedlegg til dei faste medlemmene) Saksopplysningar: Os kommune vart ei IA (Inkluderande Arbeidsliv) verksemd 17.02.03. Prosjektgruppa i sjukefråværsprosjektet arbeider med gjennomføring av IA avtalen i kommunen. Det er utarbeidd lokale delmål for Os kommune: Med aktiv oppfølging, tilrettelegging og omsorg skal vi halda sjukefråværet på same nivå som i 2002, eller lågare. Med aktiv oppfølging, tilrettelegging og omsorg skal færre tilsette gå over på uførepensjon i 2003 enn i 2002. Gjennom individuell tilrettelegging skal fleire tilsette halda fram i arbeid etter fylte 62 år. Rutinane for oppfølging av sjukefråvær er reviderte, og arbeidet med å laga individuell oppfølgingsplan for alle med meir enn 8 vekers sjukefråvær er i gong. Ordninga med utvida eigenmelding gjeld frå 01.06.2003. IA og sjukefråværsoppfølging var tema på møte i leiarforum i mars. Prosjektgruppa har samla all informasjon i ei brosjyre som vert delt ut til alle tilsette. Medlemmene i prosjektgruppa deltar også på personalmøte i einingane for å informera og svara på spørsmål. Det vil også verta arrangert ei samling(korgafest) for langtidssjukemeldte. Sjukefråværsoversikt for 1. kvartal ligg no føre, og dei einingane som har høg fråværsprosent vil verta følgd opp spesielt. Prosjektgruppa vil utarbeida ein arbeidsmiljøtiltakspakke som skal vera til hjelp for einingsleiarane i sjukefråværsarbeidet. Det vert lagt vekt på at einingsleiarane skal få støtte, råd, rettleiing og hjelp i arbeidet. Side 7 av 11
Sak 0016/03 MØTEBOK STØTTEKONTAKTAR/TILSYNSFØRARAR - REVIDERING AV LØN/ARBEIDSFORHOLD Saksbehandler: Bjørg Haugene Arkiv: NAV Arkivsaksnr.: 03/02001 Saksnr.: Utval Møtedato 0016/03 Personal- og lønsutvalet 04.06.2003 Framlegg til vedtak: Støttekontaktar i Os kommune vert tilsette som arbeidstakarar og vert løna tilsvarande grunnløn for ufaglærte, f.t. årsløn kr 190.000,-. Det vert i tillegg utbetalt tillegg for ubekvem arbeidstid i samsvar med avtaleverket. Støttekontaktar under 18 år, vert løna som unge arbeidstakarar. I heilt spesielle høve, kan støttekontaktar verta løna som assistent/fagarbeidar. Tilsynsførar med min. 3-årig høgskuleutdanning vert tilsette som oppdragstakarar. Dei vert løna som Høgskuleutdanna med krav om ytterlegare spesialutdanning, med full ansiennitet. Frå 01.07.03 tilsvarer dette ei årsløn på kr 300.000,-. Det vert ikkje utbetalt tillegg for ubekvem arbeidstid. Meirkostnad for 2003 vert dekka inn ved bruk av post 1105.12090.4910, avsett til lønsoppgjer. Vedtaket gjeld frå 01.07.03. Os, 27. mai 2003 Bjørg Haugene Personalkonsulent
Sak 0016/03 Vedlegg: Støttekontakter oppdragstakere eller arbeidstakere? (B-09/97) Saksopplysningar: Bakgrunn for saka: Tidlegare vart løn for støttekontaktar fastett av KS sentralt. Løna var fram til 30.04.98 tilsvarande løn til ufaglærte, utan ansiennitet den gong ltr. 2. Frå 01.05.98 auka løna til ufaglærte til ltr. 7, seinare til ltr. 10 frå 01.05.00. KS fastsette ikkje lengre løna sentralt, og det har ikkje vore teke opp sak om dette hjå oss. Frå 01.05.02 vart det slutt på lønstrinn og vi har gått over til årsløn. Det er no vanskeleg å rekruttera og behalda gode støttekontaktar, difor må vi gjera noko med arbeidsforholdet. Det er og opp til den enkelte kommune og vurdera kva arbeidsforhold støttekontaktane skal ha, arbeidstakar eller oppdragstakar. Vi ønskjer difor i denne saka både å få avgjort tilsetjingsforhold og løn. Vi viser til kopi av rundskriv B-09/97. Som rundskrivet seier, er arbeidet som støttekontakt i eit grenseland mellom det å vera arbeidstakar og det å vera oppdragstakar. Vesentlege skilje mellom arbeidstakar og oppdragstakar er m.a. Plikt/ikkje plikt til å stilla personleg arbeidskraft til disposisjon Arbeidsgjevar si leiing og kontroll av arbeidet Kven som bestemmer arbeidstid, arbeidsplass og metode for utføring av arbeidet I Os kommune er støttekontaktane no arbeidstakarar, i Bergen kommune er dei oppdragstakarar. Bergen kommune grunngjev dette m.a. med at Forholdet mellom oppdragsgiver og oppdragstaker kjennetegnes ved at det er resultatet av arbeidet som har interesse for oppdragsgiveren, og at oppdragstaker vanligvis, i større eller mindre grad, har frihet til å foreta disposisjoner knyttet til oppdraget, blant annet når det gjelder innhold og omfang. Oppdragsgiver vil som hovedregel ikke ha styringsrett, adgang til å føre løpende tilsyn med eller gi instruks om utførelsen av oppdraget, utover det å beskrive selve oppdraget og legge rammebetingelser. Direktoratet for arbeidstilsynet viser til 3 i arbeidsmiljølova som definerer begrepet arbeidstakar slik enhver som utfører arbeid i annens tjeneste. Etter å ha vurdert same punkta som Odd Friberg listar opp i rundskrivet som ligg ved, og avgrensa begrepet støttekontakt til personer som gir veiledning støtte og omsorg til personer med tilpasningsvansker, psykiske problemer, sykdom o.s.v. konkluderer dei med at støttekontakter er arbeidstakarar i forhold til kommunen, då kommunen har høve til å gje konkret instruksjon om korleis støttekontaktane skal utføra arbeidet. Side 9 av 11
Sak 0016/03 Som arbeidstakarar tener støttekontaktane opp feriepengar og har sjukepengerettar på vanleg måte. Oppdragstakarar tener ikkje opp feriepengar og vil heller ikkje få løn ved sjukdom før det har gått 16 dagar, då dei kan få sjukepengar frå folketrygda. Konklusjon: Vi vil rå til at støttekontaktane i Os kommune held fram som arbeidstakarar, då dei elles vil få dårlegare vilkår enn dei har i dag. Løn som støttekontakt: Då KS ga råd om kva løn støttekontaktane burde få., var det ltr. 2 (tillsvara fram til 01.05.02 kr 79,95 pr. time)som då tilsvara grunnløn for ufaglærte utan ansiennitet. I tillegg har dei fått utbetalt tillegg for ubekvem arbeidstid på vanleg måte. Om vi følgjer dette prinsippet om at løna vert knytt til ufaglærte utan ansiennitet, skulle årsløna etter 1. mai 2002 vore kr 190.000,-, timeløn kr 97,44 pr. time for støttekontaktar over 18 år. Om vi har støttekontaktar under 18 år., må dei lønast som ung arbeidstakar. Tilråding: Støttekontaktar vert med verknad frå 01.07.03 løna som ufaglærte utan opptent ansiennitet, f.t. kr 97,44 pr. time. Dei får utbetalt tillegg for ubekvem arbeidstid i tråd med dette. I heilt spesielle høve kan støttekontaktar verta løna som assistent/fagarbeidar. Dei vert då løna som arbeidstakar på vanleg måte. Tilsynsførar løn/arbeidsforhold: Tilsynsførarar har til no vore anten arbeidstakar eller oppdragstakar. Arbeidsdirektoratet rår til at dei vert rekna som oppdragstakarar. Tilsynsførarar med høgskulekompetanse har som arbeidstakarar vore løna i lønsrammekode 10.1 ltr. 23 31, + tillegg for ubekvem arbeidstid, oppdragstakarar direkte i ltr. 33. Etter sentrale forhandlingar frå 01.05.03 tilsvarer dette løn som Stillinger med krav om høgskoleutdanning. Det vert stilt store krav til ein tilsynsførar og skal difor i utgangspunktet ha minimum 3-årig høgskuleutdanning. På grunn av type arbeid, vil vi tilsetja dei som oppdragstakarar. Dei skal ikkje ha tillegg for ubekvem arbeidstid, vi vil difor leggja inn rom for dette i den faste løna. Vi vil difor plassera dei i rammen for Høgskuleutdanna med krav om ytterlegare spesialutdanning, med 10 års ansiennitet. Frå 01.07.03 tilsvarar det ei årsløn på kr 300.000,- (kr 153,85 pr. time). Dei årlege økonomiske konsekvensane: Ved overgang til å løna støttekontaktar som ufaglærte med årsløn kr 190.000,- og tilsynsførarar med årsløn kr 300.000,-, vil den årlege meirkostnaden for Os kommune bli avrunda kr 180.000,-. Meirkostnad for 2003, kr 90.000,- vert dekka inn ved bruk av post 1105.12090.4910 avsett til lønsoppgjer. Side 10 av 11
Side 11 av 11 Sak 0016/03