Sakspapir. Saknr Utval Type Dato 022/2015 Formannskapet PS

Transkript

1 Sakspapir Saksbehandlar Arkiv ArkivsakID Sveinung Toft FA - N00, FA - Q31 14/704 Saknr Utval Type Dato 022/2015 Formannskapet PS Godkjenning av planprogram for bru over Masfjorden Vedlegg: Planprogram for bru over Masfjorden oktober revidert Fråsegn til oppstart og planprogram for reguleringsplan for bru over Masfjorden - Masfjorden kommune Planprogram-Bru over Masfjorden, brev fra Jon og Anne Birkeland Brev til Masfjorden Kommune Oppstart av planarbeid og framlegg til planprogram Innspel til varsel om oppstart av arbeid med områdereguleringsplan for bru over Masfjorden - Masfjorden kommu Merknader plan Til uttale - Oppstart - Bru over Masfjorden Uttale om oppstart av reguleringsplan - bru over Masfjorden Merknad til oppstart planarbeid og framlegg til planprogram for bru over Masfjorden Rådmannen sitt framlegg til vedtak: Planprogram for områdeplan bru over Masfjorden dagsett 2.februar 2015 vert i medhald av plan- og bygningslova sin 12-9, jf. 4-1 godkjent med følgjande endringar: Planområdet vert utvida langs fylkesveg 570 til grensa for områdeplanen for Sandnes, for å sikra framtidig areal til fortau/gang/ sykkelveg. Endring av framdriftsplan på i kap 4.3 sidan planområdet vert utvida. Saksopplysningar: Framlegg til planprogram for bru over Masfjorden vart handsama i formannskapet den

2 , sak 071/14. Vedtaket var samrøystes med følgjande tekst : Framlegg til planprogram for områdeplan bru over Masfjorden vert i medhald av plan- og bygningslova sin 12-9, jf. 4-1 sendt på høyring i 6 veker frå kunngjeringsdato. Same frist vert gjeve for å koma med innspel til planoppstarten. Den vart planprogrammet kunngjort med frist 5. desember 2014 for å koma med merknad. Grunneigarar og naboar fekk eigne brev, samt offentlege etatar m.fl. Nedunder vert saksutgreiinga i formannskapet den vist i kursivtekst. Etter dette vert innkomne merknader kort referert og rådmannen sine vurderingar kjem under kvar merknad. Fakta: F. sak 071/14: «Masfjorden kommune skal starte opp den formelle planprosessen for å erstatte kabelferja frå 2002 mellom Sandnes og Duesundøy med ny bru, og få ferjefri kryssing av Masfjorden. Prosjektet er hovudmål i kommuneplanperioden for Prosjektet kjem innanfor regelverket til plan- og bygningslova si forskrift om konsekvensutgreiing. Asplan Viak AS har vore engasjert av kommunen i eit forprosjekt som har hatt som føremål å avklare kva som vil vere den mest tenlege planprosessen i planarbeidet, plannivå, og behov for/krav til utgreiingar. Dette framlegget til planprogram er i stor grad basert på arbeidet til Asplan Viak, og foredla vidare av Masfjorden kommune. Masfjorden er med heimel i Hamne- og farvasslova 16 klassifisert som bi-lei i Forskrift av om farleier. For bi-leier som Masfjorden er tilrådd seglingshøgde 40 meter. På bakgrunn av lokale tilhøve og dagens trafikk i leia vert det sett på som realistisk å kunne vurdere seglingshøgde ned mot 30 meter. Hausten 2013 og våren 2014 har Masfjorden kommune hatt nær dialog med privat prosjekteringsføretak som meiner det kan byggjast ny type flytebru over Masfjorden, med sluse eller svingarm som kan opnast når større båtar skal passere. Ei slik flytebru kan sannsynlegvis byggjast rimelegare enn ei hengebru, og konseptet vil difor vera viktig få utgreidd i samband med ein reguleringsplan. Masfjorden kommune meiner at planarbeidet tidleg skal føra til at ein får hovudfokus på ein type bruløysing, og at dette må avklarast med grundige drøftingar med ulike fagmiljø både innan veg, brubygging og skipstrafikk m.fl. For vegtilknyting er det fastslått følgjande krav Vegstandard skal fastsettast etter ny handbok 017, U-Hø2 (tidlegare S1) Det skal dimensjonerast for maks 60 km/t skilta fart Skal ta omsyn til framtidig tunnel på Sandnessida Gang/sykkelvegtrase Prosjekt og planarbeid kjem innanfor regelverket til plan- og bygningslova om

3 konsekvensutgreiing. Med grunnlaget som er lista over meiner Masfjorden kommune at alternative trasear og brutypar er tilstrekkeleg utgreidd til at ein kan gå direkte vidare med reguleringsplan, utan ytterlegare alternativsvurdering og eventuell kommunedelplan. Kommuneplan for Masfjorden vart vedteken i kommunestyret 31. mai Masfjorden kommune sitt hovudmål i planperioden er: «Bru over Masfjorden innan 2020» Prosjektet inneber å erstatte mellom Sandnes og Duesundøy med ny bru, og få ferjefri kryssing av Masfjorden for fylkesveg 570. Bru over Masfjorden har vore tema i fleire periodar heilt sidan traseen for noverande E39 vart utgreidd. I 1989 vart det utarbeidd fleire rapportar for alternative kryssingsmåtar og gjort ein trafikk- og konsekvensanalyse. Dagens vegsamband med ferje frå Masfjordnes til Duesund er frå siste del av 80-talet. I 2002 vart den tradisjonelle ferja erstatta med kabelferje og ferjekaien flytta frå Duesund til Duesundøy. Løysinga har vore meir tenleg enn det gamle ferjesambandet, men har likevel ikkje svara til forventningane til innbyggjarane, og dei behov innbyggjarane og næringslivet i deler av Gulen og Masfjorden kommune har for effektiv fjordkryssing over Masfjorden. Sidan 2006 har kommunen på ny sett ferjefri fjordkryssing på dagsorden, denne gong med kommunen si hovudutfordring som bakgrunn: Korleis snu den negative folketalsutviklinga i kommunen? I tillegg til dei lokale målsettingane vil brusambandet ha regionale verknader i aksen Gulen/Masfjorden Nordhordland/Bergen: Bru over Masfjorden vil venteleg: Binde saman Masfjorden kommune der ferjesambandet i dag er ein stor barriere for vidare utvikling og vekst Styrke kommunesenteret ved å auke tilgjenge til denne delen av Masfjorden. Bidra til betre vegsamband mellom Nordhordland / ytre Sogn og Bergensregionen Bidra til utvikling i næringsliv, arbeidsmarknad, sosialt og kulturelt samfunnsliv i Masfjorden / Gulen/ Ytre Sogn gjennom betre og ferjefritt vegsamband Etablere ferjefri avlasting og omkøyringsveg for E39 ved hendingar/stenging på strekninga Ostereidet Sognefjorden Styrke kvaliteten på offentlege tenestetilbod, og oppretthalde viktige tenestetilbod i denne delen av Hordaland og Ytre Sogn. Masfjorden kommune godkjente både kommuneplanen sin arealdel og samfunnsdel i kommunestyremøte den 31. mai Planstrategi for Masfjorden vart vedteke den Det vedlagde framlegget til planprogram inneheld detaljar knytt til sjølve planarbeidet, planavgrensing, planprosess og seier kva utgreiingsbehov som er naudsynt å sikra i

4 planlegginga. VURDERING Områdeplanar, som ikkje er i samsvar med overordna kommuneplan eller som vil medføra kostnader over terskelverdiar, skal handsamast etter forskrift om konsekvensutgreiing. Det er i plan- og bygningslova sin 4-1 krav om planprogram som skal avklare føremål, rammer og premisser for arbeidet, og skildre konsekvensar av eventuell utbygging. Det skal i planprogrammet gjerast greie for planarbeidet og skildre verknadene av ny utbygging og arealdisponering. Alternativ skal vurderast, og ein skal skildre kva for utgreiingar ein meiner er naudsynte for å kunne ta ei avgjerd. Det er dei delane av planen som set rammer for framtidig utbygging og som medfører endringar i forhold til eksisterande plan, som skal utgreiast. Planprogrammet skal og skildre opplegg for medverknad og informasjon kring planprosessen. Planprogrammet skal leggjast ut til offentleg høyring, i samband med kunngjering om oppstart av planarbeid, før programmet vert endeleg fastsett av kommunen. Det vert vist til plan- og bygningslova sin 12-9, med krav om minimum 6 veker uttalefrist til planprogram. I samband med høyringa av planprogrammet er det føremålsteneleg å varsla oppstart av planarbeidet. slik at begge desse prosessane går samstundes. Når planprogrammet har vore på høyring vil formannskapet få saka attende som eiga sak, og planprogrammet kan då korrigerast/ endrast om det er naudsynt. Det er ikkje knytt klagerett til endeleg vedtak om planprogram. Rådmannen vil vise til at planarbeid for bru over Masfjorden er teke med i planstrategien som vart vedteke i kommunestyret den , og at det hastar å få på plass ein reguleringsplan, for å sikra at kommuneplanen si hovudsatsing kan verta realisert. KONKLUSJON Rådmannen viser til at kommunestyret i møtet den 19.juni 2014 har gjort vedtak om oppstart av områdeplan og rår til at framlegg til planprogram for områdeplan bru over Masfjorden vert lagt ut til høyring. Det vert vist til plan- og bygningslova sin Merknader i samband med oppstart av planarbeidet: Det er i høyringsperioden kome inn følgjande merknader til oppstart av planarbeidet og til innhaldet i planprogrammet, og som nedunder vert kort referert. Breva vert lagt ved saka i sin heilskap. Rådmannen sine vurderingar kjem etter kvar merknad i kursivtekst. 1. Brev frå BKK dagsett , som ber om at det vert teke omsyn til deira anlegg som ligg innanfor planområdet, og nemner spesielt 22 kv sjøkabelen som går over fjorden i dette området.

5 Rådmannen tek merknaden til orientering, og meiner at dette vil verta ivareteke på vanleg måte. 2. Brev frå Fiskeridirektoratet av , som skriv om sitt ansvar og kjem med opplysningar om fiskeressursar i fjorden, og ber om at fiskeinteressene vert høyrt i planprosessen. Vidare ber ein om at ein kartlegg kva konsekvensar etablering av eit brusamband vil ha for akvakulturnæringa, då det er ei rekkje matfiskanlegg i fjorden, samt at det vert lagt til rette for at desse interessene får ta del i planleggingsarbeidet. Rådmannen tek merknaden til orientering, og meiner dette vil verta ivareteke slik planprogrammet er formulert. 3. Brev frå Fylkesmannen i Hordaland av , som skriv om folkehelseperspektivet og at alle planar krev god medverknad, og minner om naturmangfaldlova. Det vert og vist til at ROS analysen må nytta akseptkriteria som er i tråd med byggteknisk forskrift (TEK 10), og at ein må vurdera risiko både utanfor og innanfor planområdet. Rådmannen tek merknaden til orientering, og meiner at dette vil verta ivareteke slik planprogrammet er utforma. 4. Brev frå Statens Vegvesen av , som skriv at ei bru over Masfjorden truleg vil ha positive verknader både for busetnad og næringsverksemd i kommunen og omlandet i kring. Vidare skriv dei at prosjektet har ein slik dimensjon at det må gjennomførast ei konsekvensutgreiing. Dei meiner at innhald og omfang av områdeplanen og konsekvensutgreiinga krev eit tett samarbeid med Statens Vegvesen, slik det også har vore tidlegare. Dei vurderer difor å kunna vera representert i ulike møtesamanhengar og i vurdering av ulike tekniske moment i planprosessen. Ut over dette har dei ikkje økonomiske midlar eller ressursar til å gå djupare inn i prosjektet. Sidan dette er ein fylkesveg er det Hordaland fylkeskommune som eventuelt må stilla med økonomiske midlar til prosjektet. Vidare skriv dei at Statens Vegvesen ikkje kan vera del av ei prosjekt der det berre er ein aktør som kan gje tilbod på ei vare. Dei rår til at ein i reguleringsplanen set av ein korridor til flytebru i planen, og at ein ved ei slik tilnærming opnar for ulike

6 alternative løysingar på konseptet bru over Masfjorden. Dei skriv vidare at ei eventuell realisering av Masfjordbru vil det medføra ei trafikkauke, og at då vil ikkje den eksisterande vegen gjennom Sandnes sentrum vera tenleg. Difor meiner dei at ein må setja av ein korridor for framtidig tunnel aust for Sandnes sentrum, og at denne korridoren må vera ein del av områdeplanen. Rådmannen har vurdert innhaldet i brevet til Statens Vegvesen, og forstår synspunktet frå Statens Vegvesen om behovet for å sikra mjuke trafikantar forbi Sandnes. På bakgrunn av dette rår ein til at planområdet vert utvida i ei stripe langs fylkesvegen til grensa for den godkjente områdeplanen for Sandnes. Korridor for tunnel meiner ein er ivareteke i planområdet som alt er teikna inn i samband med planoppstarten. Dei andre merknadane frå Statens Vegvesen tek ein til orientering. Utvidinga av planområdet må i medhald av plan- og bygningslova kunngjerast i medhald av reglane gjeve i plan- og bygningslova sin Endringa av planområdet er vist på side 24 i planprogrammet av Brev frå Odin Utbygging av , som skriv at areal til bru og vegutbetring kan verka forringande for eigedomane innanfor byggjeområdet på Duesundøy, og meiner at spesielt ei høgbru vil verta øydeleggjande og skjemmande for dette området. På bakgrunn av dette rår føretaket til at ei planlegg for flytebru, og at tilkomstvegen her bør gå over parkeringsplassen og deretter gå inn på eksisterande veg over Duesundøya. Rådmannen har forståing for synspunkta og tek merknaden til orientering. 6. Brev frå NVE av , som skriv at dei ikkje har merknad til planframlegget. Rådmannen tek brevet til orientering.

7 7. Brev frå Kystverket Vest av , som skriv at dei ikkje har spesielle merknader til sjølve planprogrammet, og legg vekt på at det skal skje ei grundig drøfting med omsyn på bruløysing og det som gjeld omsynet til skipstrafikk med meir. Rådmannen tek merknaden til orientering og vil leggja vekt på god medverknad i høve Kystverket. 8. Brev frå Jon & Anne Birkeland av , som skriv at dei rår til 0-alternativet (ikkje bru), då det vil gjera at dei får behalda hytta si på gnr. 30 bnr. 13. Det nest beste alternativet er bru som går til eksisterande ferjekai på Sandnes. Dei meiner at alternativet med landingstad deira hytte vil vera det verste, og peiker på at då vil dei krevja økonomisk kompensasjon. Til slutt kjem dei med mange argument mot å byggja bru, og viser til planar om ytre kystveg via Leirvåg/Sløvåg og opprusting av E39 m.m. Rådmannen forstår at det kan vera vanskeleg å få ei bru over hytteeigedomen sin, eller i nærleiken av denne. Likevel meiner ein det er rett å vektleggja dei målsettingane som er nedfelt i kommuneplanen til Masfjorden om å byggja bru over Masfjorden, og at ein på denne staden bør prioritera viktig infrastruktur for heile lokalsamfunnet framføre private arealinteresser. Den vidare planprosessen vil visa kva trase som vert vald, og her må samfunnsøkonomiske interesser verta vegd opp mot andre arealinteresser og andre ønskjer. Ut frå dette ser ein ikkje grunn til å gjera endring på planprogrammet i høve denne merknaden. 9. Brev frå Hordaland fylkeskommune av , som skriv at planarbeidet må vektleggja verknaden for akvakulturaktiviteten i området, med hovudvekt på lokalitetar innanfor brua. Vidare må det leggjast vekt på landskapstilpassing, på born og unge sine interesser, på friluftslivet og kulturminneverdiane i området. Med omsyn på kulturminneverdiane vert det peikt på at freda kulturminne bør visast på plankartet, og at undersøkingsplikta knytt til kulturminnelova må utførast i samband med planarbeidet. Fylkeskommunen skriv vidare at ei bru er i samsvar med målsetingar gjeve i Regional næringsplan for Hordaland , samt at ein er positiv at ein har fokus på kollektivtransporten i planarbeidet. Dei ber om

8 at Skyss vert involvert i planarbeidet. Rådmannen meiner at fylkeskommunen kjem med mange gode innspel og tek dette til etterretning, slik at det vert følgt opp vidare. Konklusjon Etter høyringsrunden ser rådmannen at framlegget til planprogrammet kan gå uendra til godkjenning i formannskapet, med to unnatak. Det eine er at plangrensa vert utvida langs fylkesveg 570 fram til grensa for områdeplanen for Sandnes. Ein rår til at ei planområdet her omfattar naudsynt areal til å utbetra eksisterande fylkesveg med areal til gang/sykkelveg eller fortau. Utvidinga av planområdet må kunngjerast på vanleg måte til dei det gjeld, jf. reglane i plan- og bygningslova sin Den andre endringa er at framdriftsplanen i kap 4.3. må justerast noko på grunn av utvidinga av planområdet. Formannskapet - 022/2015 FS - behandling: Ordførar Karstein Totland gjekk gjennom saka. Saka vart drøfta. Røysting: Framlegg til vedtak frå rådmannen vart samrøystes vedteke. FS - vedtak: Planprogram for områdeplan bru over Masfjorden dagsett 2.februar 2015 vert i medhald av plan- og bygningslova sin 12-9, jf. 4-1 godkjent med følgjande endringar: Planområdet vert utvida langs fylkesveg 570 til grensa for områdeplanen for Sandnes, for å sikra framtidig areal til fortau/gang/ sykkelveg. Endring av framdriftsplan på i kap 4.3 sidan planområdet vert utvida.

9