Referat frå dialogmøte

Transkript

1 SOGN OG FJORDANE Dialogmøtet er heimla i rammeavtalen mellom Helse Førde HF og kommunane i Sogn og Fjordane. Deltakarar er styret og adm. direktør i helseføretaket og ein representant frå kommunane/fylkeskommunen primært frå politisk leiing, og i tillegg møter leiaren i rådmannsutvalet i KS. Referat frå dialogmøte Stad: Rica Sunnfjord hotell, Førde Til stades: Frå kommunane: - Frida Melvær, ordførar Askvoll kommune - Harald N. Offerdal, ordførar Balestrand kommune - Karl Vidar Førde, ordførar Bremanger kommune - Alfred Bjørlo, Eid kommune - Arve Helle, ordførar Fjaler kommune - Bengt Solheim-Olsen, ordførar Flora kommune - Olve Grotle, ordførar Førde kommune - Anders Ryssdal, ordførar Gloppen kommune - Halvard Oppedal, ordførar Gulen kommune - Jan Olav Gjerde, ordførar Hyllestad kommune - Petter Sortland, ordførar Høyanger kommune - Olav Lunden, ordførar Leikanger kommune - Harald Kvame, varaordførar Naustdal kommune - Ottar Nygård, ordførar Selje kommune - Jarle Aarvoll, ordførar Sogndal kommune - Ole Gunnar Krakhellen, ordførar Solund kommune Frå styret i Helse Førde: - Jorunn Ringstad, styreleiar - Agnes Landstad - Helge Bryne - Geir Berge Øverland - Atle Hamar - Liv Stave - Berit J. Hornnes - Randi Aven Andre: - Jenny Følling, fylkesstyreleiar i KS Sogn og Fjordane - John Bolstad, adm. direktør Helse Førde Sekretariat: - Vidar Roseth, samhandlingssjef Helse Førde - Terje Ulvedal, kommunikasjonssjef helse Førde Velkomst og innleiing Jorunn Ringstad, styreleiar i Helse Førde. Ringstad ønskte velkomen og orienterte om bakgrunn og opplegg for dialogmøtet.

2 Samhandlingsreforma kor står vi? Situasjonsrapport frå samarbeidsfylket. Innleiing ved Jan Helge Dale, kommuneoverlege i Flora kommune. Jan Helge Dale framheva at det i fylket er gjort mykje bra arbeid i samband med samhandlingsreforma. Det fungerer spesielt godt når det gjeld utskriving av pasientar som treng kommunale tenester, og kommunane gjer ein kjempejobb. På nokre samarbeidsområde som det blir satsa på, er fylket i front nasjonalt. Han gjorde greie for aktuell statistikk og resultata av ei undersøking av erfaringar og forbetringspunkt (som i første rekke er knytt til utskriving av pasientar). Dale informerte og frå ein vellukka erfaringskonferanse i starten av november. Han meinte at ein samla rapport knytt til denne konferansen gir eit faktagrunnlag som må brukast og følgjast opp framover. I den påfølgjande diskusjonen kom det fram at ein i hovudsak vurderer samhandlinga mellom helseføretaket og kommunane som god, og at ein fann undersøkinga som det vart referert til som interessant. Ordførar Alfred Bjørlo i Eid kommune stilte spørsmål ved at Helse Førde har hatt nedgang i tal liggedøgn før pasienten blir meldt utskrivingsklar, og at helseføretaket har færre liggedøgn enn gjennomsnittet for Helse Vest. På spørsmål om kvifor det er slik, peikte adm. dir. Jon Bolstad på fleire forhold: Det har vore ein reduksjon i tal senger og døgnopphald ved institusjonane og overgang til annan behandling, noko som blir vurdert som ei rett utvikling. I tillegg er det no ein annan kvalitet i dialogen mellom helseføretak og kommunar og ein ny dynamikk i tilrettelegging for utskriving. Kommunane er også i stand til meir enn før. Bolstad og styreleiar Jorunn Ringstad peikte også på at samhandlinga mellom sjukehusa no er betre. Ordførar Jarle Aarvoll i Sogndal kommune påpeikte at ein også bør få fram korleis situasjonen blir opplevd frå pasientane si side. Pasienttryggleik i Sogn og Fjordane. Tenesteutvikling for å sikre pasienttryggleik eit felles fokus. Innleiing ved Kari H. Furevik, leiar for pasientryggleiksprogrammet i Helse Førde og Marta Strandos, leiar for Utviklingssenter for sjukeheimar og heimetenester i Sogn og Fjordane. Det vart i innlegget gitt døme på hendingar som medfører mykje liding og store kostnader, og som bør unngåast: Trykksår, fallskader, infeksjonar og uheldig samverknad/biverknader av legemiddel. Det vart fokusert på behovet for eit systematisk samarbeid om pasienttryggleik, som eit ledd i den nasjonale pasienttryggleikskampanjen. I Sogn og Fjordane har ein gjennom prosjektet «Samhandling for betre pasienttryggleik» gjennomført forbetringsarbeid gjennom læringsnettverk. Eit eige prosjekt skal utgreie bruk av læringsnettverk som generell metode for utvikling av tenestene. Dette vil bli kobla til eit nettverk innan eldremedisin og eldreomsorg som vil bli etablert. Styreleiar Jorunn Ringstad i Helse Førde påpeikte at deling av kunnskap mellom spesialist- og kommunehelsetenesta er ein viktig nøkkel for å få til ei god utvikling. Adm. dir. Jon Bolstad vurderte Utviklingssenteret for sjukeheimar og heimetenester som ein viktig instans som kan lette samarbeid og koordinering. Han såg det som viktig at dette får nok kraft som eit

3 verktøy til fagleg styrking, stimulering og standardisering. Standardisering av prosedyreverk i kommunane viktig, når det ikkje er faglege grunnar til at det skal vere ulikt. Helsepersonell må ha tid til å vere med på å arbeide med pasienttryggleik. «God start» - korleis går det? Barseltilbod, svangerskapskontroll, polikliniske tenester, følgeteneste i Nordfjord og Sogn fungerer dette? Innleiing ved avd.sjef Tom Guldhav, Helse Førde. Tom Guldhav gjorde greie for prosessen med etablering av «God start»-modellen i kjølvatnet av nedlegging av fødeavdelinga ved Nordfjord sjukehus og fødestova ved Lærdal sjukehus. Han framheva m.a. desse suksesskriteria: Open dialog. Prosjektgruppa samarbeidde om kommunikasjon ut, talte med ei røyst. Alle kommunene deltok, fellesprosjekt. La ikke skjul på at nokre måtte reise lenger og at eit tilbod forsvant. Ærlighet. La ikkje press på kvinnene i val av fødestad. Liberal praksis med omsyn til å legge inn i påvente av fødsel. Hotell/pasienthotell. Kjenne geografien, utfordringane og ha ei vilje til å finne gode og trygge løysingar. Han informerte om kva som ligg i «God start»: Guldhav la vidare fram informasjon og statistikk som syner at tilbodet blir brukt og at det inneber ein klar meirverdi for brukarane, helseføretaket og kommunane. I den påfølgjande diskusjonen vart det frå Ottar Nygård, ordførar i Selje kommune, påpeikt at det er viktig å dokumentere dette tilbodet som har blitt bra («det nest beste»). Guldhav informerte om at det vil bli utarbeidd ei årsmelding for 2014 der også brukarperspektivet vil bli teke med. Ordførar Alfred Bjørlo i Eid kommune meinte dette har vore ein god prosess der ein har spelt på lokalt fagmiljø og hatt eit godt samarbeid mellom helseføretaket og kommunane. Nygård peikte og på at ordninga har ein god rekrutteringsmessig effekt ved at den bidreg til å sikre at kommunane har jordmorstillingar. Ordførar Jarle Aarvoll i Sogndal kommune var nøgd med at ordninga i Sogn blir brukt, også av ein del i Sogndal kommune. Styreleiar Jorunn Ringstad viste til mange gode tilbakemeldingar i høve «God start».

4 Den akuttmedisinske kjeda. Kva krav blir no sett til dei akuttmedisinske tenestene og kva endringar kan vere aktuelle? Innleiing ved fagdirektør Hans-Johan Breidablik, Helse Førde. Hans-Johan Breidablik tok for seg korleis dei akuttmedisinske tenestene bør fungere i ulike typar av hendingar sortert etter alvorsgrad. Han framheva at dei ulike deltenestene i kjeda må vurderast i ein samanheng, og ikkje isolert kvar for seg. Breidablik understreka vidare behovet for ei utvida akuttmedisinsk kjede, der fleire kommunale ressursar og eventuelt frivillige organisasjonar blir trekt inn lokalt (akutthjelparordning). Han minna og om at kommunal lege er fagleg ansvarleg til pasienten kjem fram til sjukehus. Han meinte at det vil vere svært viktig å betre samhandlinga i den akuttmedisinske kjeda og forankre dette i samarbeidsavtalar som det no blir arbeidd med. Breidablik avslutta med å informere om akuttutvalet sin delrapport. I diskusjonen etter innlegget vart det frå ordførar Ottar Nygård i Selje kommune stilt spørsmål om når ambulanseplanen vil kome og i kva form den vil kome. Adm. direktør Jon Bolstad vister til gjennomgangen til Hans-Johan Breidablik. I påvente av sentrale avklaringar som ein såg ville kome, var det - vanskeleg for Helse Førde å vere konkrete - vanskeleg for kommunane å uttale seg om ein plan Å behandle ein del av ei kjede er også krevjande. Ambisjonen i utgangspunktet var ein heilskapleg plan. Ein såg at ein ikkje kom i mål no, og fann at ein kunne starte med eit målbilde for å få fram retningane. Helse Førde kan ikkje seie no når ein har eit plandokument eller ein struktur. Ein ville ikkje sende ut noko som var vagt og vanskeleg for kommunane å forhalde seg til. Ein ser at dette ikkje vart ein god prosess. Det er beklageleg, men dette er komplisert. No trengst det litt tid til å restrukturere tankeprosessane. Det kjem ikkje til å skje mykje før eit stykke ut i Arbeidet må sjåast i samanheng med forskrift, primærhelsemeldinga, strategi 2030 Helse Vest og nasjonal helse- og sjukehusplan. Ottar Nygård svarte at han aksepterte dette, og spurte om det vil bli høyring når framlegg til ambulanseplan kjem. Dette vart stadfesta. Ordførar Olav Lunden i Leikanger kommune peikte m.a. på at «First responder» kom inn fordi det er for langt til ambulansen, og at dette vil bli ei ny og utfordrande oppgåve for kommunane. Det er vanskeleg å bruke brannmannskap som har mange oppgåver. Han meinte spesialisthelsetenesta må vere med meir enn ein tenker. Ordførar Harald Offerdal i Balestrand kommune understerka at målbildet la premissar for det framtidige tilbodet. Han såg at det er utfordringar med å lage ein prehospital plan no. «First responder» vil gi store ekstrautgifter som ein ikkje klarer å dekke i dag. Korleis kan ein organisere dette, og vil kommunane få tilført midlar? Offerdal avslutta med at han forventar at Helse Førde har ein tettare dialog med kommunane undervegs, og medan ein utarbeider planen.

5 Ordførar Frida Melvær i Askvoll kommune var glad for at saka vart trekt. Ho viste til at Askvoll saman med Solund og Gulen har hatt eit godt møte med Helse Førde i etterkant om båtambulansetenesta. Ho forsto at Helse Førde sitt arbeid er vanskeleg, men sa at dette også er vanskeleg for kommunane. Dei som har lengst veg blir pålagt kostnader og oppgåver som dei som er nær tenesta ikkje får i same grad. Kommunane har ikkje legar til å sikre maks. 40 minutt til legevakt, og det er dessutan oppmoda om å samarbeide om legevakt og ø-hjelp. Fylkesstyreleiar/fylkesvaraordførar Jenny Følling sa at det blir laga system som landet ikkje er bygd for. Ho viste til at KS har gitt uttale til akuttmedisinforskrifta. Harald Offerdal ønskte at ein diskuterte meir på same banehalvdel og at ein i lag finn ut korleis ein gjer dette best mogleg. Han meinte Helse Førde må sjå at det er utfordringar for kommunane. Frida Melvær opplyste at kommunen har ein fantastisk flink gjeng på øyane som utgjer lokale akutthjelparordningar. Sekvensen vart avrunda av møteleiar med at ein no må avvente og det er tid for dialog. Overgrepsmottak m.m. kort om status Informasjon ved dagleg leiar i Sunnfjord og ytre Sogn interkommunale legevakt (SYS IKL) Helse Ulvestad. Helge Ulvestad orienterte kort om overgrepsmottaket og historikken. Stortingsvedtak om at det skal vere delt ansvar der helseføretak har ansvaret for seksuelle overgrep og kommunane har ansvar for vald i nære relasjonar er stadfesta i statsbudsjettet for Det er teke sikte på gjennomføring av endringa frå Det er lagt opp til at robuste eksisterande mottak skal halde fram, og NKLM (Norsk senter for legevaktsmedisin) vil få ei rolle i denne vurderinga. Kommunane ser det som føremålstenleg med eit samarbeid med Helse Førde der ein har eitt felles mottak med felles sjukepleiarressurs, men kvar for seg står for legetilbodet. Helse Førde avventer m.a. styringssignal frå Helse Vest før ein går vidare på drøfting og avklaring av dette. Avslutning Fylkesstyreleiar i KS, Jenny Følling, avslutta møtet med å takka for oppmøte og deltaking Vidar Roseth referent