Referat frå dialogmøte

Transkript

1 SOGN OG FJORDANE Dialogmøtet er heimla i rammeavtalen mellom Helse Førde HF og kommunane i Sogn og Fjordane. Deltakarar er styret og adm. direktør i helseføretaket og ein representant frå kommunane/fylkeskommunen primært frå politisk leiing, og i tillegg møter leiaren i rådmannsutvalet i KS. Brukarutvalet skal og vere representert i møtet. Referat frå dialogmøte Stad: Scandic Sunnfjord hotell, Førde Til stades: Frå kommunane/fylkeskommunen: - Frida Melvær, ordførar Askvoll kommune - Harald N. Offerdal, ordførar Balestrand kommune - Audun Åge Røys, ordførar Bremanger kommune - Alfred Bjørlo, ordførar Eid kommune - Ola Teigen, ordførar Flora kommune - Olve Grotle, ordførar Førde kommune - Anita Eide Kvamme, varaordførar Gaular kommune - Halvard Oppedal, ordførar Gulen kommune - Morten Askvik, ordførar Hyllestad kommune - Petter Sortland, ordførar Høyanger kommune - Oddmund Klakegg, ordførar Jølster kommune - Ivar Kvalen, ordførar Luster kommune - Jan Geir Solheim, ordførar Lærdal kommune - Håkon Myrvang, ordførar Naustdal kommune - Stein Robert Osdal, ordførar Selje kommune - Jarle Aarvoll, ordførar Sogndal kommune - Sven Flo, ordførar Stryn kommune - Olav Turvoll, ordførar Vik kommune - Nils Myklebust, varaordførar Vågsøy kommune - Jenny Følling, fylkesordførar Frå KS Sogn og Fjordane: - Harald N. Offerdal, leiar fylkesstyret - Terje Heggheim, leiar i rådmannsutvalet Frå styret i Helse Førde HF: - Jorunn Ringstad, styreleiar - Agnes Landstad, nestleiar - Helge Bryne - Harry Mowatt - Atle Hamar - Randi Aven - Geir Berge Øverland - Berit J. Hornnes - Elin Lysne (varamedlem)

2 Andre frå Helse Førde HF: - Jon Bolstad, administrerande direktør Frå brukarutvalet i Sogn og Fjordane: Sekretariat: - Gerd Bjørkedal, leiar - Vidar Roseth, samhandlingssjef Helse Førde - Terje Ulvedal, kommunikasjonssjef Helse Førde - Sølvi Olrich Sørebø, rådgjevar KS Sogn og Fjordane Velkomst og innleiing Jorunn Ringstad, styreleiar i Helse Førde, ønskte velkomen. Ho orienterte om føremålet med dialogmøtet og kva plass det har i ein samla samhandlingsstruktur i Sogn og Fjordane. Om pasienten fekk bestemme Innleiing ved Anne Kristin Kleiven, utviklingsdirektør i Helse Førde. Kleiven orienterte om Helse Førde sin verksemdsmessige utviklingsplan og korleis helseføretaket arbeider med oppfølging og gjennomføring av denne. Sentralt i planen står det å skape «pasientens helseteneste». Vesentlege element i dette er i større grad å organisere tenestene rundt pasientane og integrere somatiske tenester og psykisk helsevern. Ho kom og inn på den bygningsmessige utviklingsplanen for helseføretaket, som skal bidra til at føretaket blir i stand til å nå desse måla. Ho viste til at det er mange planlagde investeringsprosjekt på gang i landet, og at det er sentralt å nå fram og få lån på 1 mrd frå Helse- og omsorgsdepartementet. Kleiven trakk linja til primærhelsemeldinga, som seier at kommunane får det same oppdraget som spesialisthelsetenesta når det gjeld å skape «pasientens helseteneste». Utbyggingsplanane i Helse Førde er små i høve til andre helseføretak. Dette er naudsynte tiltak for å realisere måla om tenestene. Det er mange planlagde utbyggingstiltak i helseføretaka i landet. Det er viktig at fylket støttar opp om planane for at ein skal vinne fram og få lån på kring 1 mrd kroner frå Helse- og omsorgsdepartementet. Tenestene må vere nær og kome ut til pasienten. Ein må også ha med seg tilbodet om tenester der pasientar og brukarar bur. Det er viktig at både helseføretaket og kommunane bygger opp tenestene i psykisk helsevern på ein betre måte, at arbeidsfordelinga blir avklara og at samhandlinga blir enno betre. Det er viktig å integrere somatiske helsetenester og psykisk helsevern. Det bør vurderast eit eige felles seminar om dette. Det er viktig at fastlegane deltek i utviklinga av tenestene. Kommunane må samordne seg og sette av felles stillingsressursar på helseområdet. Fylkesmøtet i KS har samla seg om dette.

3 Det har blitt utvikla ein god dialog mellom kommunane og helseføretaket. Helse Førde har løyst ting på ein god måte etter den uroa ein har hatt. Satsinga på utvikling og utbygging og den tenkinga som ligg til grunn har ein full støtte for. Hjelp til offer for overgrep og vald Innleiing ved Helge Ulvestad, dagleg leiar i Sunnfjord og ytre Sogn interkommunale legevakt (SYS IKL). Helge Ulvestad orienterte om noko av bakgrunnen for saka. Frå årsskiftet vil ansvaret vere delt, slik at kommunane vil ha ansvar for tenester knytt til vald i nære i relasjonar og helseføretaket vil ha ansvar for tenester i høve seksuelle overgrep. Han gjorde greie for modellen som er tenkt med eit samarbeid mellom Helse Førde og SYS IKL. Ulvestad peikte på faktorar som tilseier at det vil vere fornuftig å samarbeide om eitt felles mottak for desse tenestene i Sogn og Fjordane. Behovet for ein god beredskap i høve vald i nære relasjonar og dei farlegaste sakene vart understreka. Ein vurderer at det kan vere kring 25 saker i løpet av eit år der det trengst medisinsk undersøking. Når det gjeld seksuelle overgrep er omfanget stipulert til kring 15 saker i året. Ulvestad informerte om krava til tidsbruk og kompetanse knytt til undersøkingar og rettsmedisinsk dokumentasjon. Han kom vidare inn på dei positive sidene ved å få eit barnehus til Sogn og Fjordane, og peikte på ei mogeleg lokalisering i tilknyting til overgrepsmottak i nytt bygg ved Førde sentralsjukehus. Tom Guldhav, avdelingssjef ved Kvinneklinikken i Helse Førde supplerte Ulvestad. Han kom inn på at når det er eit lågt tal overgrep som skal handterast i Helse Førde gir dette utfordringar. Vald i nære relasjonar og seksuelle overgrep heng ofte saman. Gjennom eit samarbeid kan ein oppnå god kompetanse, god sporsikring og ei god oppfølging av ofra. Å handtere dette på ein god måte vil vere viktig for å unngå seinare problem som må ivaretakast, m.a. i høve til psykiske lidingar. Det har også betydning i høve til straffesakene, der ein kan unngå at saker blir henlagt på grunn av bevisets stilling. Sjølv om omfanget ikkje er stort, er tenestene svært viktige for dei det gjeld. Fylkesstyret og fylkesmøtet i KS har gått inn for at det blir etablert eit barnehus i Førde. Dei som blir utsette for vald og overgrep vil då slippe å måtte reise til Bergen. Miljøet ein skal bygge opp må stå i forhold til tal saker. Det tileier at ein må samordne tenestene, ikkje etablere isolerte fagmiljø. SYS IKL har god kompetanse, m.a. sjukepleiarar med vidareutdanning innan psykisk helse. Det kan no vere mogeleg å få eit barnehus i Sogn og Fjordane, og det vil vere ein stor fordel å unngå å måtte reise til Bergen og Ålesund. SYS IKL bør lage ei framstilling av ein modell som er enkel å forstå, slik at ein kan bruke dette i sin argumentasjon når ein skal ta det vidare. KS sitt initiativ er prisverdig. Politiet si røyst vil vere viktig, og ein må lytte til fagmiljø og brukarar.

4 SYS IKL har behov for å få eit formelt oppdrag. Saka står på dagsorden i neste møte i rådmannsutvalet i KS. Eit barnehus bør koblast på eit tilbod i høve vald i nære relasjonar/seksuelle overgrep. Vi må betre oppfølginga av dei svakaste og dei mest utsette og ikkje skusle vekk dei framlagde løysingane på dette. Helse Førde er med på dette, som er ei god investering. Ein god barndom varer heile livet. Barnehuset i Bergen er ikkje nødvendigvis med på dette, og ein må difor gjere dette med fullt trykk. Inn i framtida med nye metodar Innleiing ved rådgjevar Emma Bjørnsen, Helse Førde. Emma Bjørnsen innleia med dei utfordringane helsetenestene står overfor i åra framover, som tilseier at det er eit stort behov for å finne fram til nye metodar og arbeide på andre måtar. Ho gjorde greie for måla med det felles telemedisinprosjektet i fylket. Bjørnsen peikte på at det er viktig å breidde det som blir prøvd ut i heile helseføretaket og heile fylket, og i den samanhengen er det viktig at ein tilrettelegg med naudsynt utstyr. Ho informerte vidare om nye område der ein prøver ut bruk av video/telemedisin. Bjørnsen fortalde og om Årdal kommune sin bruk av denne teknologien som eit døme. Ein film om bruk av telemedisin i slagbehandlinga (teleslag) vart vist. Marit Solheim, forskingsleiar ved Senter for helseforsking innleia om annan bruk av teknologi. Ho tok for seg nokre døme på prosjekt som involverer ingeniørfag og helsefag. Stein Joar Hegland, dekan ved Avdeling for ingeniør- og naturfag ved Høgskulen i Sogn og Fjordane, informerte om forsking med relevans for helse og velferdsteknologi og kom inn på nokre konkrete døme. Dette er spennande tankar. Klarer ein å få legane med i å utvikle tenestene med bruk av ny teknologi? Fastlegane bør sjå verdien av å samhandle med andre. Det finst mange ressursar i Sogn og Fjordane, men dei finn ofte ikkje kvarandre. Det er mykje ein ikkje veit om, kanskje fordi ein ikkje har kultur for å dele eller fordi ein ikkje veit om kvarandre. Om ein finn ein måte å «riste i hop» heile Sogn og Fjordane på vil det gi store muligheter. Open post Sølvi Olrich Sørebø tok opp fire tema: - I høve til primærhelsemeldinga er KS oppteken er at oppgåveoverføring til kommunane må fullfinansierast. - Innan psykisk helse og rus ser ein behov for fleire brukarstyrte plassar. - Det må forskast i og med kommunane, ikkje berre på dei.

5 - KS Læring er ein portal for kompetanseutveksling, og her er det no under utvikling eit samarbeid med Helse Førde, slik at kommunane kan få tilgang til aktuelle e-læringskurs. Jenny Følling informerte om at fylkesstyret i KS gjorde vedtak den om virtuell alarmsentral og ønskje om å koble dette til AMK. Politidirektoratet er positive til dette. Avslutning Fylkesstyreleiar i KS, Jenny Følling, avslutta med at dialogmøtet er i ferd med å finne si form. Ho takka for oppmøte og deltaking Vidar Roseth referent