Utviklingsavtale for 2014 og mellom. Sogn og Fjordane fylkeskommune og HAFS regionråd

Transkript

1 Utviklingsavtale for 2014 og 2015 mellom Sogn og Fjordane fylkeskommune og HAFS regionråd 1. Intensjon med avtalen Avtalen regulerer samarbeidet mellom Sogn og Fjordane fylkeskommune og HAFS regionråd på vegne av kommunane Gulen, Solund, Hyllestad, Askvoll og Fjaler. Avtalen skal vere ein plattform for å samordne planlegging, strategiutvikling, tiltak og gjennomføring av eit regionalt utviklingsarbeid for perioden Innanfor ramma til Regional planstrategi for Sogn og Fjordane , Regional plan for verdiskaping og Regionalt utviklingsarbeid i HAFS eit strateginotat peikar samarbeidsavtalen ut satsingsområde og tiltak i regionen. Sogn og Fjordane fylkeskommune og HAFS regionråd forpliktar seg til å samarbeide om gjennomføring og finansiering slik det går fram av denne avtalen. 2. Prosess HAFS regionråd vil arbeide vidare med utvikling av partnarskap for regional utvikling i samsvar med satsingsområda som ligg utviklingsavtalen. Begge partar kan ta initiativ til å etablere prosjekt og konkrete tiltak innafor satsingsområda. 3. Kort omtale av situasjonen i HAFS HAFS har relativt høg samla sysselsetting i dei såkalla basisnæringane (industri, landbruk, fiskeri og tekniske tenester). Dette er næringar der talet på arbeidsplassar går ned. Det har vore tydeleg vekst innan næringar som bygg og anlegg, forretningsmessig tenesteyting, finans, transport, agentur og eigedomsutvikling. Det har og vore litt vekst i servicenæringar som butikk, overnatting, servering og aktivitet. Det samla talet på arbeidsplassar i privat og offentleg sektor har auka det siste tiåret. Forklaringa på at HAFS-regionen har hatt folketalsnedgang i heile denne perioden, må difor finnast andre stader enn i talet på nye arbeidsplassar. I Telemarksforsking si rangering av bustadattraktivitet kjem HAFS ut langt nede på tabellen over vestlandsregionar. Bustadattraktivitet er her målt som reell tilflytting sett i høve til utviklinga i talet på arbeidsplassar. Dette skuldast nok mangel på større sentra og ein lite integrert indre bu- og

2 arbeidsmarknad. HAFS har betre integrasjon med arbeidsmarknader utanfor regionen enn internt i regionen. (Nordhordland og Sunnfjord) I nærings-nm ( Telemarksforsking si samanliknande analyse av korleis næringslivet utviklar seg i dei 83 ulike regionane) har HAFS gått frå å vere mellom dei svakaste regionane før finanskrisa ( ) til å vere mellom dei beste etter finanskrisa ( ). Regionen blir no plassert i kategorien av kommunar som har styrka næringsgrunnlaget, men framleis har låg eller negativ befolkningsvekst. Regionen er rangert over middels når det gjeld nyskaping i bedriftene, men når vi ser nyskapinga i lys av bransjestrukturen, dvs. kva innovasjonsgrad ein skulle forvente ut frå dei næringane som dominerer i HAFS, er regionen rangert på 5. plass i landet og som nr. 3 på Vestlandet: HAFS kommer svært godt ut når vi måler innovasjonsklima. Når vi tar hensyn til bransjestruktur og størrelse på bedriftene, er det en høy tilbøyelighet til å innovere i HAFS. HAFS er rangert på femteplass for innovasjonsklima (Telemarksforskning 2013) Næringslivet i HAFS er som i resten av Sogn og Fjordane særs internasjonalt retta. 50 % av bedriftene eksporterer til utlandet og 25 % har hovudmarknaden sin utanlands. Dette plasserer regionen på 3. plass i internasjonaliseringsgrad på Vestlandet (nr. 8 nasjonalt) HAFS har relativt lågt utdanningsnivå i befolkninga. Den historiske årsaka til dette er truleg næringsstrukturen med høg sysselsettingsgrad i primærnæringar og industri, men regionen gjer no store sprang oppover på denne rankinglista, og har forbetra posisjonen med 17 plassar sidan år Når det gjeld utvikling i befolkninga har regionen som heilskap ei negativ folketalsutvikling på om lag 90 personar i Figuren viser at det er fødselsunderskot (skuldast høg alder i folkesetnaden) og innanlandsk flytting som bidreg til resultatet. Regionen har lågare arbeidsinnvandring enn fleire andre stadar i fylket Fødselsoverskot 2. Utanlandsk innvandring 3. Netto innanlandsk flytting 4. Samla folketalsutvikling Konklusjon Konklusjonen er at HAFS har store utfordringar knytt til folketalsutvikling, næringsstruktur og geografi, men det er og tydelege positive vekstimpulsar både i besøksnæringar og regionale næringar som kan utnyttast for å betre situasjonen. Regionen er god på innovasjon, men bu- og arbeidsområda er enno for lite integrert. Folketalsutviklinga kan truleg påverkast positivt gjennom tiltak for å auke bustadattraktiviteten. Utdanningsnivået er på veg oppover, men dette er også heilt naudsynt for å møte utfordringane frå eit sterkt eksportretta næringsliv.

3 4. Innhald i avtalen for Utviklingsarbeidet vert avgrensa og konsentrert til fire tema/område. Områda er strategisk viktige for HAFS og det er mogleg å gjennomføre viktige tiltak innafor områda med dei avgrensa ressursane som står til rådvelde. Det er og lagt vekt på at kommunane i HAFS er tente med å løyse desse oppgåvene i eit partnarskap framfor å arbeide kvar for seg, og i partnarskap med andre lokale og regionale aktørar. HAFS regionråd pliktar å delta i relevant regionalt planarbeid, Dei fire prioriterte områda er: Å utgreie eit oganisatorisk samarbeid for å styrke omstillings- og utviklingsevna i regionen felles utviklingsorganisasjon i HAFS. Å samordne og gjennomføre felles rekrutterings- og profileringsarbeid under profilen Framtid i HAFS Å greie ut og marknadsføre samferdsleprosjekt som knyt regionen og kysten betre saman som felles bu- og arbeidsområde Å auke verdiskapinga av felles natur- og kulturarv 4.1 Felles utviklingsorganisasjon i HAFS: Arbeidet med felles utviklingsorganisasjon er no midt i forprosjektfasen. Kommunane Hyllestad, Askvoll, Fjaler og Solund har intensjonsavtale om å gjennomføre forprosjektet og deltek aktivt i prosessen. Gulen har allereie etablert ein slik organisasjon i samarbeid med Masfjorden. Dei ønskjer ikkje å delta i utgreiinga av ein ny organisasjon, men ser for seg at eit framtidig samarbeid mellom GMU og eit evt. HAFS Utvikling. Fylkeskommunen har vore aktiv medhjelpar i dette utgreiingsarbeidet. Ein mogleg felles utviklingsorganisasjon (og eit samarbeid med GMU) vil kunne vere ein viktig medspelar i omstillingsarbeidet i HAFS. Dersom organisasjonen vert skipa, vil det i den sårbare startfasen, i tillegg til å spele ei aktiv og synleg rolle i høve til næringslivet, vere særskilt viktig å ha ein god dialog med kommunane og få til god forankring i kommunale plandokument. Området bør difor arbeidast vidare med også i Framtid i HAFS Dette arbeidsområdet omfattar rekrutteringsarbeid, kopling mellom skule og næringsliv, arbeid med entreprenørskap i undervisninga og profilbygging. Nyskaping er avgjerande for framtida i ein region med mykje sysselsetting i bransjar som kan forvente reduksjon i talet på arbeidsplassar. HAFS kan ikkje forvente automatisk folketalsvekst som følgje av sentralisering eller forventa strukturendringar i næringslivet. I tillegg til å stimulere entreprenørskap i skulen vert vår felles utfordring å gjere arbeidsplassane våre kjende og attraktive for ungdommar både innanfor og utanfor regionen. Dette må skje ved å styrke samarbeidet mellom skule og næringsliv til og med vidaregåande skule, og aktiv marknadsføring av våre arbeidsplassar utanfor regionen.

4 Konkrete verkemiddel i dette arbeidet er Næringsreisa i HAFS, Framtidsfylket sine rekrutteringsmesser, Karrieremessa ved Dale Vidaregåande skule, HAFS-treffet i Bergen, entreprenørskapsarbeid og samarbeid om karriererettleiingstenesta Karriere HAFS. På dette feltet meiner vi at regionale ressursar er særskilt nyttige for å sikre samanheng og kontinuitet i utviklingsarbeidet. 4.3 Utgreiing og marknadsføring av samferdsleprosjekt som knyter regionen og kysten betre saman som felles bu- og arbeidsområde. For å finne ein region sin bustadattraktivitet analyserer Telemarksforsking utviklinga i talet på arbeidsplassar i høve til flyttetala. I denne analysen får HAFS dårlegare flyttetal enn det talet på nye arbeidsplassar skulle tilsei ( ) Dette gjev låg score på bustadattraktivitet. Dei to viktigaste forklaringsfaktorane på låg bustadattraktivitet i Sogn og Fjordane er låg intern arbeidsmarknadsintegrasjon og lågt folketal i utgangspunktet. HAFS-kommunane har møtt desse utfordringane gjennom å stå samla om regionen sine vegprioriteringar. Det tok lang tid før samarbeidet bar frukter, men i november 2010 opna Brandangersundbrua og i desember 2013 opna Dalsfjorsbrua. Dette er begge viktige byggeklossar for ein betre integrert bu- og arbeidsregion, men realisering av Kystvegen gjennom regionen og fastlandssamband for Ytre Solund og Atløy står framleis att som viktige uløyste prosjekt. Aktuelle tiltak i 2014 vil vere: å samarbeide med organisasjonen Kystvegen Ålesund Bergen om å utgreie og konseptualisere Kystvegtraséen gjennom Askvoll, Fjaler, Hyllestad, Solund og Gulen å få gjennomført ei mest mogeleg realistisk kost-nytte-analyse av dei to ferjeavløysingsprosjekta Ytre Steinsund og Atløysambandet. 4.4 Auka verdiskaping av felles kulturog naturarv Vekst i besøksnæringane og bustadsattraktivitet kan stimulerast gjennom auka handel, overnatting, aktivitetstilbod og servering. Her er handel den viktigaste næringa, men handelsveksten ser no ut til å ha flata ut både på landsplan og i Sogn og Fjordane. Overnatting og servering har hatt nedgang i Sogn og Fjordane, og dette skuldast nok høvesvis sterkare eksponering mot sviktande utanlandske marknader enn i andre regionar. HAFS har hittil hatt svakt utvikla besøksnæringar, men kan registrere ein betre vekst enn dei andre regionane på Vestlandet dei siste par åra. På dette feltet har vi dei siste åra hatt ei arbeidsdeling internt i regionen der destinasjonsselskap (Visit Fjordkysten AS) og tiltaksapparatet i kommunane har samarbeidd direkte med reiselivsbedriftene om produktutvikling og profilering. HAFS Regionråd har på si side vore prosjekteigar for meir langsiktig infrastrukturarbeid knytt til bruk og vern som Geologiprosjektet i HAFS og Kystarven var siste prosjektår for Kystarven. Geologiprosjektet har vorte gjennomført i tett samarbeid med Kvernsteinssenteret i Hyllestad og NGU i Trondheim. Kystarvprosjektet vert no sluttført med rekneskap og utarbeiding av sluttrapportar for dei ulike delprosjekta. Geologiprosjektet sin første fase vert også avslutta i HAFS Regionråd støtta i 2013 opp om Norsk Kystkulturakademi i Solund sin søknad om etablering av Kystparken i Solund. Søknaden

5 fekk støtte i dåverande KRD og i fylkeskommunen. I dette prosjektet ligg utgreiing av ein regional kulturog naturpark inne som eit delprosjekt. Aktuelle tiltak i 2014 og 2015 vil vere: vidare arbeid med ein regional kultur og naturpark i HAFS avslutte Geologiprosjektet i HAFS og føre geologisatsinga vidare gjennom arbeidet med den regionale kulturog naturparken 5. Budsjett/finansiering HAFS regionråd bidreg med xxx mill. kr kvart år i eigne midlar som går til utviklingsretta arbeid og prosjektkoordinering/-leiing. I tillegg kjem eigeninnsats i prosjekt og utviklingstiltak. Sogn og Fjordane fylkeskommune bidreg med kr pr. år. Fylkeskommunen tek atterhald om storleiken på bidrag for 2015, som vert avklart i budsjetthandsaminga for Utbetaling av tilskot vert gjort når årsrapport for året før er handsama i fylkeskommunen. Fylkeskommunen vil og stille med nøkkelpersonell i utviklingsarbeidet, etter nærare avtale. HAFS regionråd forpliktar seg til å planleggje, organisere og gjennomføre tiltak i tråd med intensjonane i avtalen. 6. Profilering Partane skal synleggjere at aktivitetar som er omfatta av denne avtalen, er ei felles satsing frå Sogn og Fjordane fylkeskommune og HAFS regionråd. 7. Deltaking Sogn og Fjordane fylkeskommune kan delta som observatør i møta i Sogn regionråd med fast representant frå administrasjonen. Politisk og administrativ leiing deltek i aktuelle saker etter nærare avtale. Det vert gjennomført eit årleg dialogmøte mellom Sogn og Fjordane fylkeskommune og HAFS regionråd for å drøfte avtale og utviklingsarbeidet i regionen. 8. Rapportering og evaluering HAFS regionråd skal sende ein årleg rapport til fylkeskommunen innan 15. februar, der alle tiltak som vert sett i verk i regi av utviklingsprogrammet skal sluttrapporterast /evaluerast. Sluttrapportar skal leggjast ved årsrapporten.

6 9. Tvistar Usemje som relaterer seg til administrasjon og koordinering vert å løyse på leiarnivå i samarbeidsorganisasjonane. Leikanger, Sogn og Fjordane fylkeskommune HAFS regionråd Svein Arne Skuggen Hoff fylkesdirektør Ole Gunnar Krakhellen leiar