Høst Årsmelding 2010

Transkript

1 Årsmelding 2010

2 Vest- Telemark Næringsforum (VTNF) er eit næringspolitisk organ og ein møteplass for å fremje kompetanse og nettverksbygging mellom medlemmene. Medlemsgrunnlaget er private enkeltmannstiltak, verksemder/selskap, rådgjevingsmiljø, høgskulen, bankar og organisasjonar i Vest- Telemark. Vest- Telemark Næringsforum er organisert som ei foreining med eige styre. I meldingsåret 2010 har styret hatt følgjande samansetting: Gunnar Eilefstjønn, Styreleiar, (Seljord Sparebank, Seljord) Anne Lise V. Sandok, Nestleiar, (Ivistoga, Vinje) Arnt Helge Hauglid (Hauglid Engeneering, Kviteseid) Hege Homme Aarak (Haukåsen Hyttegrend, Nissedal) Johan Straand (Quality Straand Hotell, Vrådal) Arild Bondal, (Bondal Motor AS, Fyresdal) Morten Olav Dyrud, (Dyrud Elektro, Seljord) Hans Olav Kilen (Scana Mar- El, Dalen) Styret har handsama 30 saker i til saman 5 styremøter. I tillegg har enkeltpersonar eller delar av styret vore engasjert i ei rekkje enkeltsaker. God utvikling for næringslivet i 2010 Etterdønningane etter finanskrisa var i ferd med å avta når vi gjekk inn i Store delar av næringslivet har fått ein normalisert situasjon, sjølv om det framleis er marknader der ein ikkje har kome opp på same nivå som før finanskrisa. Ein ser også at dei store problema som enkelte verksemder fekk under krisa fyrst kom til uttrykk i Året vart derfor prega av ein relativt sett større del av konkursar enn vi har sett i Vest- Telemark tidlegare. Dette har også råka medlemmer i VTNF. Reiselivsnæringa, som er svært viktig for Vest- Telemark, har hatt eit år med noko vekst etter fleire år med nedgang i etterspurnaden. Også hytteutvikling/hyttebygging har tatt seg kraftig opp og er nå ein viktig motor for utvikling og aktivitet i fleire delar av Vest- Telemark. Til dømes er Vinje kommune den kommunen i landet med størst vekst i hyttebygging. Dette understrekar kor viktig denne næringa er for regionen, og aktiviteten skapar gode ringverknader for næringslivet rundt. Medlemssituasjon VTNF representerar nær 40 prosent av arbeidsplassane i privat sektor Sidan oppstart har medlemstalet auka jamt. I desember 2009 vedtok styre å fremje ein aktivitetskampanje for å auke medlemstalet. Denne vart i hovudsak gjennomført i starten av

3 Figuren under visar medlemssituasjonen fordelt på kommunar i Vest- Telemark. Talet på medlemsverksemder har passert 100 og nærmar seg 110. Verksemdene har til saman ca 1480 tilsette i sine verksemder, som tilsvarar snaut 40 % av dei tilsette i privat sektor i Vest- Telemark. Etter litt over 4,5 års virketid er VTNF nøgd med å representere ein såpass stor del av næringslivet i regionen. Målet er likevel vidare vekst. Dess fleire som står saman for styrke og samarbeid i VTNF, dess større gjennomslag og påverknadskraft bør foreininga kunne ha Det store planåret 2010 har på mange vis vore eit mellomår. Grunna mange regionale planprosessar som har tatt tid har fleire av dei regionalt viktige satsingane som VTNF har vore delaktige i latt vente på seg. Ein har i denne perioden avslutta viktige prosjekt frå førre strategiske næringsplan for Vest- Telemark. Strategisk næringsplan for Vest- Telemark Noverande strategisk næringsplan for regionen vart vedteken i 2007 og hadde virketid ut Rullering av denne vart faktisk sett i gang så tidleg som hausten 2009, men prosessen har tatt lang tid. Ein av grunnane til lengre prosess har vore ønske om ei betre forankring av planen særleg i kommunane. Ein etablerte derfor ei fast næringsgruppe til å arbeide med planen, som gjennom perioden har bestått av alle næringsansvarlege frå kommunane, VTNF, Telemark Fylkeskommune og VTNU (Vest- Telemark Næringsutvikling). 3

4 VTNF meiner det er svært positivt av næringssjefane i dei ulike kommunane no har kome saman i eit formalisert samarbeid. Vi har sidan oppstart vore opptatt av ei betre utvikling av rådgjevingstenesta i Vest- Telemark, og samarbeidet mellom kommunane er eit viktig steg i rett retning. Framlegg til ny strategisk næringsplan var klar i oktober /november 2010, etter at ein fyrst hadde vedteke dei strategiske hovudområda i Vest- Telemark Tinget i juni. VTNF har vore godt involvert i prosessen, og hadde dette opp som eige tema på årsmøtet i Vest- Telemark Rådet som er oppdragsgivar for planarbeidet vedtok å sende heile planen på høyring i kommunane og til VTNF. Dette vart gjort rett før årsskiftet. Planen vart vedteke av Rådet etter høyringsrunde no i starten av mars 2011, og er venta endeleg godkjent av Vest- Telemark Tingen i slutten av mars. Strategisk næringsplan for Vest- Telemark skisserar ei rekkje viktige strategiar under hovudmåla for regionen. Under desse strategiane er det foreslått tilsaman 14 ulike tiltak. Desse vil ha ulik prioritet, men ei rekkje av desse vil vere med å styrkje grunnlaget for næringslivet i regionen. VTNF har vore aktiv i arbeidet, og vil slik planen no foreligg ha eit hovudansvar for prosjekta Telejobb og Næringscluster i Vest- Telemark, samt delansvar for samferdselsprosjektet Vegen i Telemark. Dette vil vere direkte bedriftsretta prosjekt som ein håpar kan vere med på å legge til rette for lønsam vekst for verksemdene i regionen. Prosjektaktivitet er ein vesentleg del av VTNF sitt virke, og slik sett også avgjerande for foreiningas økonomi. Når prosessen med avklaring av ny strategisk næringsplan har tatt lengre tid enn tidlegare planlagt har dette også hatt konsekvensar for prosjektaktiviteten i VTNF og økonomisk inntjening i Utsiktene til betydeleg engasjement i nye prosjekt vil medføre stor aktivitet i VTNF i åra framover. Strategisk plan for nyskaping og innovasjon Parallelt med arbeidet kring Strategisk Nærinsgplan for Vest- Telemark, sette Telemark Fylkeskommune i gang eit arbeid med å lage ny plan for nyskaping- og næringsutvikling i Telemark. Denne prosessen starta tidleg i September 2010, og skulle vere ferdig ved utgangen av januar Det vart lagt opp til ein omfattande prosess med ei rekkje dialogmøter i heile fylket. VTNF v/dagleg leiar vart beden om å delta i arbeidsgruppa for denne planen som ein av representantane frå næringslivet i Telemark. VI takka ja til dette, og har fått jobbe tett på prosessen og hatt høve til å gje innspel. Planen vart lagt ut på høyring i midten av februar 2011, og vil danne grunnlag for prioritering av regionale utviklingsmidlar. Årleg fordelar/disponerar Telemark Fylkeskommune nær 100 mill kroner til utviklingsformål i fylket. Planen legg føringar for prioritering av desse, og skal følgast opp med årlege handlingsplanar. Sjølv om denne type planprosessar ofte blir svært omfattande meiner VTNF at det ligg fleire gode prioriteringar og strategiar i planen som vil vere viktige for Næringslivet i Vest- Telemark. Planen har mellom anna peika på at vidareutvikling av bedriftsnettverk som VTNF er ein hovudstrategi. 4

5 Strategiprosess VTNF Etter årsmøtet i 2010 vedtok nytt styre i sitt konstituerande møte å gjennomgå strategien for VTNF. Ein sette derfor i gang ein prosess som enda opp med ein ny strategisk plan vedteken i styremøte i august Hovudtrekka i styrets strategi for vidare arbeid i VTNF er: Vidare satsing å vekst i medlemstal - det er eit mål å representere fleire Primært søke finansiering gjennom prosjekt. Utvide moglegheitane for tettare næringsmessig samarbeid. Stimulere til formalisert næringssamarbeid. Halde fram med gode tilbod innan kurs og kompetanse - lokalt til ein låg pris. Prioritere synleggjering av oppnådde resultat gjennom omtale og formidling av kva arbeid VTNF til ei kvar tid er delaktig i. Prosjekt som er avslutta i året Sidan oppstart av VTNF i 2006 har arbeidet med strategiske prosjekt i regional samanheng vore ein viktig del av aktiviteten og finansieringsgrunnlaget. Som nemnt tidlegare gjekk perioden for førre strategiske næringsplan ut i 2010, og VTNF hadde 3 prosjekt som vart avslutta formelt gjennom hausten Rekrutteringsprosjekt Rekrutteringsprosjektet for Vest- Telemark var eit viktig prosjekt for regionen i Strategisk Næringsplan for Bakgrunnen for tiltaket var situasjonen i arbeidsmarknaden i 2006/2007. Ei rekkje verksemder såg tilgang på kompetent arbeidskraft som ein av dei største utfordringane for eigen utvikling, lønnsemd og vekst. Prosjektet tok sikte på ein aktiv tilrettelegging for å bistå rekruttering av kompetent arbeidskraft. Prosjektet har hatt to grunnleggande element: NAV sitt arbeidsmarknadsnettverk skal ha ei sentral rolle, og arbeidet skal ha hovudfokus på å synleggjere Vest- Telemark som ein felles arbeidsmarknad. Prosjektets arbeid og strategiar har i stor grad blitt prega av ei finanskrise som førte til ei radikal endring i behovet for arbeidskraft. Det er lite som tydar på at det langsiktige behovet for kvalifisert arbeidskraft vil endre seg, men i prosjektets tidsrom frå har krisa som prega store delar av 2008 og 2009 hatt stor innverknad. Frå ein situasjon der alle verksemdene trengte fleire folk, fekk ein raskt ein situasjon med kraftig marknadsnedgang og vekst i tal på arbeidslause og permitteringar. På slutten av prosjektperioden i 2010 har dette på ny endra seg og ein ser ei tydeleg stabilisering og aukande behov for arbeidskraft. Dei langsiktige trendane med sterk skjeivfordeling i alderssamansettinga i arbeidsstokken, vil gjere at dette behovet er stort og aukande i tida framover. Aukande konkurranse om arbeidskraft saman med ei pågåande sentralisering, vil gjere behovet for aktiv rekruttering og marknadsføring av Vest- Telemark som ein felles arbeidsmarknad til ei viktig oppgåve også i framtida. 5

6 Prosjektaktivitetar Prosjektet har i stor grad følgd oppsett plan, men med større vekt på generell marknadsføring av ein felles arbeidsmarknad i regionen grunna finanskrisa. I hovudsak er aktiviteten gruppert etter følgjande: - Rekrutteringsoppfølging gjennom NAV Marknadsnettverk - Direktekontakt enkeltverksemder - Samarbeid med Bygdelivsmeklaren busettingsaktivitetar - Jobb- og yrkesmessa ved Vest- Telemark vidaregåande skule - Kommunekontakt - Utvikling og marknadsføring av Vest- Telemark som ein felles bu og arbeidsmarknadsregion - Annonsering - Vest- Telemark Treff - Utanlandsk arbeidskraft - EURES - Telejobb.no Gjennom løpande kontakt og arbeid gjennom NAV Marknadsnettverk i Vest- Telemark har ein hatt eit løpande fokus på nøkkelbedrifter i regionen. Ein har etablert status og kartlagt kompetansebehov. Gjennom ulike framstøt og tiltak er det gjennomført konkret rekrutteringsbistand. Ut over arbeidet gjennom NAV Marknadsnettverk har prosjektleiinga vore i direkte kontakt med private verksemder og kommunar i ulike rekrutteringssaker. I arbeidet med å synleggjere Vest- Telemark som ein felles arbeidsmarknadsregione har ein gjennomført ulike tiltak. Medarrangør av yrkesmessa ved Vest- Telemark Vidaregåande Skule, Samarbeidstiltak med Bygdelivsmeklaren som Vest- Telemark- Treff samt utvikling av nettportalen Telejobb.no er nokre døme. Fokus på å få fram mangfaldet i arbeidsmarknaden har vore sentralt for å nå målsettinga om å legge til rette for "familiepakker", der ofte 2 vaksne skal ha ein god jobb ved tilflytting. I slike tilfelle har det vore sentralt å sjå på tvers av kommunegrenser. Perspektivet etter prosjektets slutt er fleire. Vi konstaterar at arbeidet med utvikling av ein felles arbeidsmarknad for Vest- Telemark vil vere ein hovudutfordring i åra framover. Generelt er tilgangen på attraktive arbeidsplassar eit vesentleg punkt for å sikre busetting og tilflytting. Ved å synleggjere ein samla arbeidsmarknad, både for offentleg og privat sektor, vil mangfald, moglegheitar og attraksjon auke. Dette saman med den enorme utfordringa vi ser i høve til alderssamansettinga av arbeidsstokken gir slik prosjektet ser det tre hovudutfordringar: - Store grupper trer ut av arbeidslivet dei kommande åra som resultat av alderssamansettinga. Dette vil skape stort behov for rekruttering frå ei aldersgruppe med langt færre yngre. - Skal ein evne å tiltrekke seg arbeidskraft til store behov som pleie/omsorg, skule og helse, må det parallelt vere ein attraktiv arbeidsmarknad i privat sektor. Kompetansearbeidsplassar vil vere svært viktig. 6

7 - Skal ein lukkast med å utvikle arbeidsmarknaden og attraksjonskrafta må ein synleggjere mangfaldet i heile regionen. Dette vil vere den viktigaste faktoren for å sikre busetting. Oppsummering - rekrutteringsprosjektet Prosjektet har vist eit stort behov for utvikling av regionens samla arbeidsmarknad samt synleggjering av dette. Direkte rekruttering mot enkeltbedrifter er viktig, men fangast godt opp av NAV si løpande verksemd. Rekrutteringsbistand utover bistand frå NAV er nok best egna for profesjonelle rekrutteringsbyrå med eigne kandidatbasar. Arbeidet med å kople interesse for tilflytting med behov for arbeidskraft vil vere sentralt i tida framover. I dette perspektivet har prosjektet lukkast med å skape fokus og utvikle nye kanalar for synleggjering og marknadsføring. Rekrutteringsprosjektet har hatt ein bevisst strategi om å bygge opp kring eksisterande arenaer i strategisk samarbeid. Både Yrkesmessa ved Dalen og Vest- Telemark Treffet er gode døme på at dette er fruktbart. Prosjektet har nådd sine mål, med dei korrigeringar som finanskrisa medførte. Ein har også lukkast å trekke eit viktig etat som NAV inn i tettare dialog med viktige brukargrupper. Arbeidet med å utvikle Vest- Telemark som ein felles attraktiv bu- og arbeidsmarknadsregion er imedan langt frå fullført og må halde fram om ein skal lukkast å sikre busetting og grunnlag for lønsamt næringsliv i regionen. Fagnettverk Prosjekt - Fagnettverk for produksjons og vekstbedrifter har vore eit av tiltaka under Strategisk Tiltaksområde 6 - Vekstnæringar og Knoppskyting i Strategisk Næringsplan for Vest- Telemark Vest- Telemark Næringsforum har hatt ansvaret for å gjennomføre prosjektet med utgangspunkt i sin funksjon som næringsforum for regionen, knytt til naturlege samarbeidsaktivitetar som knytter bedrifter saman. Prosjektaktivitetane har såleis vore knytt til ein del av det naturlege arbeidet i VTNF. Prosjektaktivitetar I prosjektomtala var det målsett at ein skulle gjennomføre 3 møter per år (i ein 2 årsperiode) med minimum 25 deltakerar. Ved oppsummering av prosjektet kunne ein konstatere at prosjektet hadde lagt til rette, deltatt som medarrangør eller vore direkte engasjert i til saman ca. 15 arrangement som var direkte knytta til målsettinga gjennom prosjektperioden frå : - Vi har hatt 3 møtedagar for informasjon om virkemiddelordningar (vår 2008, haust 2009 og haust 2010). Dette i samarbeid med Innovasjon Norge, og enkelte andre kompetansemiljø (Bl.a. Plan 1) - Det har tilsaman vore arrangert 3 ulike opne temakveldar som har vore opne for alle 7

8 næringsdrivande i Vest- Telemark i samband med årsmøte i VTNF. Tema har vore motivasjon, strategisk Foresight- analyse av næringspotensialet i Vest- Telemark og kapitaltilgang. - Det har vore arrangert fleire møter knytt politiske rammevilkår mellom anna i forkant av valet i Det er arrangert fleire minder møter, bl.a. frukostmøter der ein har invitert til samtaler og informasjonsutveksling. - Det er arrangert møter med enkeltaktørar for å vurdere klyngeutvikling innan felta: Innkjøpssamarbeid, Reiselivssamarbeid og Kompetanseforum. - Næringssamarbeid har vore tema på 4-6 direkte møter med næringslag i dei ulike kommunane i løpet av perioden. VT Konferansen. Prosjektet har lagt vekt på å bygge opp kring etablerte møteplassar, men med tanke på å stimulere til auka samarbeid mellom næringsaktørar på desse. Gjennom deltaking i arbeidsgruppa for Vest- Telemark konferansen fekk ein særleg for konferansen i 2010 sett fokus på utvikling gjennom klyngedannelse og samarbeid. Dette som grunnlag for vidare samarbeid. Clusterutvikling Prosjektet har vore kontaktledd mot utvikling av formalisert klyngeutvikling i Telemark. Gjennom innleiande kontakt med VRI programmet i Telemark, der dette er eit hovudtema, har næringssamarbeidet i regi av VTNF fått status som eit av 8 sentrale næringsnettverk i fylket. Via prosjektet er det innleia kontakt med Arbeidsforskningsinstituttet (AFI) som har gitt råd i høve til samarbeid. Dette vil vidareførast ved ei satsing i eit hovudprosjekt som kjem i samband med ny strategisk næringsplan (Næringscluster i Vest- Telemark). VTNF har også gjennom samarbeidsforumet SIViT (Samhandlingsforum for Innovasjon og Nyskaping i Telemark) lagt til rette for ein tett kontakt mellom andre bedriftsnettverk i fylket. Samarbeidet har skjedd i tett kontakt med særleg NHO Telemark, som er delaktig i fleire andre nettverk i fylke, bl.a. Industricluster Grenland (ICG) og STIG (Samarbeidende industribedrifter i Grenland). Kompetansefokus: I tillegg til etablering av møteplassar og samhandling med andre regionale nettverk, har prosjektet hatt fokus på å skape samhandlingsarenaer gjennom kompetansehevande tiltak. Ein har mellom anna lagt til rette for kurs innan HMS for leierar, Kurs i pensjonsreform, oppfølging av sjukemelde etc. Tanken har vore å samle verksemder som kunne dele erfaringar kring generelle tema for vidare å kunne utvikle eventuelle samarbeidsformer. Det har også vore gjort forsøk på å samle oppslutning kring krus i ledelse, økonomistyring og kommunikasjon i samarbeid med bl.a. BI, men ein har ikkje lukkast å få stor nok oppslutning. Identifisering av moglege næringsnettverk Ein del av prosjektet har vore ei kvalitativ vurdering av potensielle næringsklynger i regionen. Ein har ved gjennomgang av medlemsregister i VTNF samt generell vurdering av 8

9 foretaksregisteret, kunne identifisere 8-10 moglege fagklynger. Desse vil det vere naturleg å vidarefølge i eit eventuelt større klyngeprosjekt. Oppsummering - prosjekt fagnettverk Prosjektet Fagnettverk for produksjons- og vekstbedrifter har primært vore eit prosjekt for å legge til rette for auka næringssamarbeid i regionen. I forhold til dei økonomiske rammene for prosjektet må ein rekne det nærast som ein forstudie. Prosjektet har likevel lagt grunnlag for ei auka satsing på utvikling gjennom næringsnettverk og klynger. Prosjektet har vore ein viktig del av VTNF sitt generelle arbeid med å utvikle eit betre fungerande næringsnettverk i regionen. Sentrale føringar for næringsutvikling peikar klart på at utvikling gjennom partnerskap, samhandling og næringsklynger er prioritert. Vi meiner prosjektet har avdekka eit klart potensiale blant ei rekkje fagfelt i Vest- Telemark for denne tilnærminga. Resultata frå prosjektet er foreslått vidareført i prosjektet "Næringscluster i Vest- Telemark" som er omtala i forslag til Strategisk Næringsplan for Vest- Telemark Informasjon- og organisasjon Heimesida har vore i aktiv bruk i 2010, og er den viktigaste informasjonskanalen frå VTNF. I 2010 vart det publisera 44 nyhetssaker på heimesidene. Kvar nyhetspublisering følgjast opp med eit nyhetsbrev som går til over 200 motakarar. VTNF merkar stadig større merksemd rundt aktiviteten og vil halde fram med ei offensiv informasjonsverksemd. Ein har i løpet av 2010 også hatt god mediedekning, og gode oppslag om fleire viktige saker mellom anna samferdsel. Årsmøtet i VTNF samla nær 40 medlemsverksemder til møte i Vrådal. Tema var framtidsperspektiv for næringsutvikling i Vest- Telemark, der vi bl.a. gjennomførte ei såkalla Foersight- analyse med bistand frå Lars Ueland Kobro i Telemarksforsning. Næringspolitikk VTNF er til ei kvar tid involvert i ei rekkje næringspolitiske saker av betydning for næringslivet i Vest- Telemark. Ein engasjerar seg enten gjennom arbeidsprosessar eller i direkte høyringar. Ei av dei sakene som har fått stor merksemd i 2010 har vore arbeidet med ny politistruktur for Vest- Telemark. Politimeisteren i Telemark valgte å sette ned ei arbeidsgruppe for å greie ut denne problemstilinga i februar VTNF vart invitert til vere observatør til gruppa, og deltok på fleire møter gjennom vår / sommar Innstillinga frå gruppa vart lagt fram i august 2010, og konkludera med at ein burde slå saman alle lensmannskontora i Vest- Telemark, organisere det som ei teneste og lokalisere dette til Kviteseid. 9

10 Arbeidet og konklusjonane har møtt stort engasjement, også blant medlemmene i VTNF. Saka er lagt ut til høyring, med frist 1. april Samferdsel Arbeidet med samferdselsspørsmål er den klart viktigaste næringspolitiske enkeltsaka VTNF jobbar med. I tett samarbeid med NHO Telemark, der VTNF har plass i NHO sitt transportutval, har ein i 2009 forsøkt å fremme næringslivets syn i vegspørsmål i ei rekkje fora, miljø og instansar. VTNF konstaterar at det ber frukter å sikre ein omforeint strategi for samferdselssatsingar i Telemark. Ved framlegg av Nasjonal Transportplan kom prosjektet Århus Gvammen inn som fullfinansiert prosjekt i fyrste del av planperioden. Dette sikrar oppstart av dette svært viktige prosjektet, så sant NTP blir finansiert over statsbudsjettet. Fokus framover blir å sikre slik finansiering. Telemark Fylkeskommune har overtatt ein stor del av det tidlegare riksvegnettet i regionen. Alle riksvegar som ikkje var stamvegar har no blitt nye fylkesvegar. VTNF har vore aktive inn mot fylkeskommunen for å sikre prioritering av viktige vegar i Vest- Telemark. Det har vore fleire dialogmøter der ein har lukkast med å få til klare prioriteringar knytt til dei viktigaste vegane i regionen. I Fylkeskommunen sin handlingsplan for fylkesvegnettet som vart utarbeida i 2010, ligg det inne prioritering av Fv 355 frå Tjønnefoss til Krossli og Fv 38 frå Dalen til Åmot. Begge desse vegane har no kome inn med budsjettmidlar, og ein forventar oppstart på ei opprusting av Fv 355 allereie i Rutevis Plan Rv 41 Ved omklassifisering av øvrig riksvegnett til fylkesvegnett vart tidlegare RV 41 frå Kristiansand til Brunkeberg oppklassifisert til Riksveg i nytt nett. Vegen har ikkje vore prioritert i Nasjonal Transportplan førebels, men Statens vegvesen har sett i gang eit arbeid med ein rutevis plan for strekninga Brunkeberg til Aust- Agder grense. VTNF har kjempa for denne vegens status og trekt fram at han har stor næringsmessig betydning. I samband med utgreiing av Rutevis plan fekk også VTNF i oppdrag å greie ut vegens næringsmessige betydning. Dette arbeidet vart gjennomført i august /september 2010, og dokumenterar ein del konkret transportarbeid som skjer over vegen. Samandraget frå utgreiinga er lagt inn i planen. Gjennom ein tett kontakt med sentrale transportbrukerar fekk ein dokumentert at vegen har stor næringsmessig betydning. NHO sitt transportutval I tilegg til det særskilde fokuset ein har på samferdsel i Vest- Telemark, der særleg samarbeidet med VTNU og Haukelivegen AS er bra, øver VTNF også påvirking og engasjement gjennom deltaking i NHO sitt transportutval. Utvalet møtes 4-5 gonger per år og er eit viktig talerør i samferdselsspørsmål på vegne av næringslivet i heile Telemark. 10

11 Årsresultat 2010 økonomi og finansiering VTNF er finansiert gjennom følgjande kjelder: - Medlemskontigent - Prosjektinntekter VTNF fekk ei rekkje tilskot ved oppstart. Desse midlane er no utløyst. Medlemskontigent er i Dette er ei auke på og stammar frå auka medlemstal. Resultatrekneskapen viser eit samla negativt årsresultat (etter finansinntekter) på kroner. I rekneskapet blir dette dekt frå anna eigekapital. Ny eigekapital pr blir etter dette Mykje av grunnen til det negative årsresultatet for 2010 er utsett oppstart av nye strategiske prosjekt slik det er omtala tidlegare i årsmeldinga. Saman med budsjettert medlemskontigent samt inntektsgrunnlaget som ligg i foreiningas prosjektportefølge, er det føresetnad for vidare drift av VTNF i Det er framleis uavklart om ein lukkast å finansiere nye prosjekt fullt ut, men tilbakemeldingane på dei konkrete prosjekta VTNF er tiltenkt ei rolle i tilseier at ein kan forvente at dette vil skape inntektsgrunnlag for vidare drift. Vest- Telemark rådet har også vedtatt at VTNF er ein viktig del av det regionale samarbeidet i Vest- Telemark. Det er ei særleg hyggeleg anerkjenning av foreiningas verksemd. Dette har også medført at VTNF får ei grunnfinansiering på kroner i Arbeidsmiljø VTNF har fast tilsett dagleg leiar i 80 % stilling. Foreininga disponerar kontor i Sparebanken Sør sine lokale i Fyresdal. Arbeidsmiljøet reknast som godt. VTNF jobbar også aktivt ovanfor sine medlemmer i høve til arbeidsmiljø/hms. Likestilling Kvinner og menn har like rettar i VTNF. Med kun ein person fast tilsett blir det tilfeldig om arbeidsstokken er mann eller kvinne. Styret i VTNF har i meldingsåret vore samansett av 6 menn og 2 kvinner. Ytre miljø VTNF har i lita eller ingen grad verksemd som påvirkar det ytre miljø utover vanleg energiforbruk knytt til reise og kontorhald. Framtidsutsikter Styret og dagleg leiar er godt nøgd med utviktinga i VTNF. I løpet av relativt kort tid er foreininga godt etablert og har blitt ein regional aktør. Næringslivet visar samfunnsansvar og engasjement ved å samarbeide om ei felles røst frå Vest- Telemark. Dette blir lagt merke til! I tida framover vil ein ytterlegare auke fokuset på medlemsengasjement og medlemsnytte. Verksemdene som engasjerar seg i VTNF må sjå at dette gjev resultat og har verdi. Styret håpar vi kan engasjere endå fleire i 2011, og saman bygge VTNF til eit sterkt fellesskap og talerøyr for næringslivet i Vest- Telemark. Vi vil med det oppfordre alle medlemmer til å engasjere seg. Bruk foreininga di, og prøv gjerne å engasjere andre. 11

12 Seljord 17. mars 2011 Gunnar Eilefstjønn Hans Olav Kilen Morten Olav Dyrud Styreleiar Styremedlem Styremedlem Anne Lise V. Sandok Arnt Helge Hauglid Johan Straand Nestleiar Styremedlem Styremedlem Arild Bondal Hege Homme Aarak Olav A. Veum Styremedlem Styremedlem Dagleg Leiar 12