Årsmelding 2017 Vest-Telemark Næringsforum

Transkript

1 Årsmelding 2017 Vest-Telemark Næringsforum

2 Dagleg leiar har ordet Samarbeid gir styrke kor går Vest-Telemark! VTNF er ei foreining for privat næringsliv i regionen, som skal fremje samarbeid og utvikling. Heilt sidan oppstarten i 2006 har ein hatt fokus på å løfte i lag. Sjå på dei utfordringane vi har som region, og dei moglegheitane regionen har dersom ein står saman. Eg meiner næringslivet i regionen er ganske tydelege på dette. Kommunegrenser har mindre betydning. Det er kvaliteten på tenester og tilbod, og evna til å få større satsingar til vår region, som er viktig. Sterke samarbeid gir resultat. Store prioriteringar innan samferdsel kjem som resultat av at ein har stilt seg bak ein samla strategi. Eg trur ikkje vi hadde hatt viktige satsingar som Århus-Gvammen utan at vi hadde vore sameinte og koordinerte. Dette bør inspirere til meir samarbeid ikkje mindre. Næringslivet i Vest-Telemark har visse ulemper. Lokalmarknaden er liten og vi har til dels lang veg til viktige marknader. Likevel opplever mange sterk vekst. Ein har evna å utnytte gode markander innan for eksempel reiseliv. Nasjonal spisskompetanse kan like gjerne vere lokalisert i Vest-Telemark som andre stader. Kostnadsnivået for å drive næringsverksemd i regionen er ofte lågare enn i bynære strøk. Dette gir eit konkurransefortrinn som mange verksemder har utnytta bra i Vest-Telemark. Men det er ikkje til å legge skjul på at vi står inne i ei sterk sentraliseringsbølgje. Vi skal derfor jobbe hardt gjennom ei rekkje tiltak for å sikre godt grunnlag for næringsverksemd og busetnad i Vest- Telemark framover. I dette biletet er det med ei viss bekymring vi ser ordskiftet mellom kommunane i regionen. Etter den store runden om kommunesamanslåing som enda med at alt blir som før, kan ein registrere at det er utfordrande å finne gode løysningar for regionale tiltak. Kommunane i Vest-Telemark kan motvirke ein fragmentert kommunestruktur dersom ein er gode på samarbeid. Då må alle gje litt for å få litt. VTNF vil oppfordre til meir samarbeid der ein set næringsliv og innbyggerar i fokus. Vi er ein felles bu- og arbeidsmarknadsregion. Vi treng kvarandre og dei marknadane heile regionen representerar. Med dette avsluttar eg med å understreke at VTNF ønskjer å vere eit godt verktøy for utvikling næringslivet i vår region. VTNF er det einaste felles talerøret næringslivet i regionen har. Vi håpar du som verksemd har nytte av det, og framleis vil stø opp om det arbeidet vi gjer i fellesskap! Olav A. Veum Dagleg leiar

3 Styret si melding for 2017 Vest-Telemark Næringsforum Vest-Telemark Næringsforum (VTNF) er eit næringspolitisk organ og ein møteplass for å fremje kompetanse og nettverksbygging mellom medlemmene. Medlemsgrunnlaget er private enkeltmannstiltak, verksemder/selskap, rådgjevingsmiljø, bankar og organisasjonar i Vest-Telemark. Vest-Telemark Næringsforum er organisert som ei foreining med eige styre. Styresamansetting 2017 Hans Vandaskog Nesheim, Styreleiar, Vinje Svein Kostveit, Styremedlem, Vinje. Åshild Reime, Styremedlem, Nissedal. Johan Straand, Styremedlem, Kviteseid. Morten Olav Dyrud, Styremedlem, Seljord Geir Helge Espedalen, Styremedlem, Seljord Bjønn Tveito, Styremedlem, Tokke Tor Gunnar Austjord, Fyresdal Verksemda 2017 har vore et aktivt år for Vest-Telemark Næringsforum. Økonomien i foreininga dimensjonerar aktiviteten. Per i dag har vi kun medlemskontingent som grunnfinansiering, men fleire strategiske prosjekt har bidratt til bra aktivitet gjennom året. Målet er at næringslivet i regionen skal ha eit talerør i viktige fora. Vi har delteke aktivt i fleire organ innanfor både næringsutviklinga i regionen og samferdsel. Rekneskapen viser ei resultat heilt i balanse. VTNF har ei avtale med Silva Consult AS, som har ansvaret for å stå for dagleg drift av foreininga. Arbeidet utførast på timesbasis ut frå kva ein har av tilgjengelege ressursar. Organisasjonen sitt ordinære årsmøte vart avhalde 26. juni 2017 på Quality Straand Hotel. Årsmøte vart forlenga med eit ope møte med stortingskandidatane frå regionen.

4 Nokre høgdepunkt frå VTNF året 2017 Vest Telemark Konferansen Vest-Telemark konferansen er ein viktig møtearena for næringslivet i regionen. I 2017 bidro vi til ei ekstra satsing på konferansen, der det i forkant av sjølve møtet vart arrangera ein leverandørutviklingskonferanse i samarbeid med NHO. Svært godt besøk tydar på at dette er av stor interesse. VTNF meiner det offentlege i kraft av å vere stor innkjøpar av varer og tenester, må bruke denne makta også til å utvikle lokalt næringsliv. (Sjå eige punkt). Samferdsel/infrastruktur VTNF har jobba aktivt for samferdselspolitiske saker sidan oppstart i Gjennom deltaking i ulike arenaer samt kommunikasjon av kor viktig samferdsel er for næringslivet i Vest-Telemark, har vi medverka i påverkingsarbeidet. VTNF er ein aktiv partner i NHO sitt transportutval som øver press gjennom sine kanalar. Vi har gjennom 2017 også deltatt på Arena Samferdsel i regionen, der heile fylket samlast for å gjere prioriteringar innan samferdselssektoren. I 2017 var det særleg innspill til nasjonal transportplan som var viktige. I tillegg til dei store satsingane på riksvegprosjekta på E134 og RV 41 bidrog vi til at fokus på Fylkesvegnettet kom inn som ein del av høyringa. For næringslivet i Vest-Telemark er dette vegnettet av stor betydning i høve til transportkostnader kvar enkelt må handtere. Samarbeid med NHO Telemark VNTF har eit tett og godt samarbeid med NHO. I løpet av 2017 har den regionale delen av organisasjonen blitt omorganisert, med ei samanslåing av avdelingane i Vestfold og Telemark. Styret i VTNF var opptatt av at ein ikkje må miste fokus på heile regionen når den veks. Vi har i den samanheng hatt eigne møter og fekk også høve til å presentere VTNF for ny adm dir i eige møte i oktober Rasjonelle strukturar og større einingar sparer kostnader og er bra for næringslivet. VTNF vil sørge for at næringslivet i Vest-Telemark

5 framleis blir synleg i NHO samanheng, og samstundes sikre at det gode samarbeidet held fram. HMS kurs for leiarar i februar og november Vi arrangerte HMS kurs for leiare i Fyresdal Næringshage i februar og i Seljord Næringshage i november. Vi skulle også arrangere tilsvarande i Vinje, men her var det få påmeldte. Kurshaldar var Signe Greivstad, i Signe Greivstad AS. Totalt var det 15 deltakarar i Fyresdal og 10 deltakarer i Seljord. Kurset hadde fylgjande innhald; «Kurset gir obligatorisk opplæring i helse, miljø og sikkerhet basert på krav i arbeidsmiljøloven (arbeidsmiljøloven 3-5). Vi gir deg et oversikt på krav, samt tips for hvordan krav i arbeidsmiljøloven kan være nyttig for din virksomhet». Kurset tilfredsstiller kravene i arbeidsmiljøloven 3-5 og innholdet er basert på arbeidstilsynets veiledning om «Arbeidsgivers plikt til å gjennomgå opplæring i helse-, miljø- og sikkerhetsarbeid» (bestillings nr. 588)

6 Byregionsprosjektet ByR Vest-Telemark VTNF har gjennom 2017 deltatt i det såkalla Næringshagekonsortiet i Vest-Telemark som vart vald som delleverandør av tenester til prosjektet Byregionsprosjektet i Vest-Telemark (ByR) I prosjektet har VTNF hatt ansvaret for delprosjektet «offentleg og privat samarbeid». Resultatmålet var å avdekke metodar som bidrar til innovasjon og leverandørutvikling i Vest- Telemark, finne moglegheiter for betre dialog og informasjonsutveksling mellom offentlige og private aktørar i Vest-Telemar og korleis Næringshagane bidra til auka verdiskaping i Vest- Telemark. VTNF har også hatt for ei kartlegging av viktige arenaer, møteplassar i regionen, samt lagt til rette for Vest-Telemark Online Kafe. I teksten under er det omtala nærmare litt av aktiviteten i dei ulike tiltaka.

7 Vest-Telemark Online kafé januar til oktober Vest-Telemark Online Kafé var ei kursrekkje på 5*2 samlingar som tok opp aktuelle tema for næringslivet i Vest-Telemark innanfor ulike område innan digital synlegheit. Samlingane vart arrangert med 2 parallelle sesjonar, ein i Fyresdal Næringshage og ein i Telemark Næringshage i Kviteseid. Totalt 10 samlingar + ei samling nr 11/«bonussamling» i Tokke. Vest-Telemark Online Kafé vart sett i gang som ein del av ByR Vest-Telemark. Tema for samlingane var som vist i tabellen under: Kick off! Korleis lukkas med di digitale marknadsføring? Edison Wolfram Kva er rett innhald til nettsida di? Skodde Studio og Hilde Haugen, Dataservice Rjukan Storytelling. Me kan ikkje forvente å kunne konkurrere på pris i Vest-Telemark, me må fokusere på dei gode historiane Kjersti Kaasa og Linn Sigrid Bratland Sosiale media Netthandel frå Vest-Telemark Elise Landa Omsland, Sense kommunikasjon og Line Omland Eilevstjønn, Vest-Telemark blad Shopscience v/ Arnstein Berg Korleis bli Konge eller Dronning på sosiale media? Elise Landa Omsland, Sense Kommunikasjon Målgruppa var næringslivet i Vest-Telemark. Totalt meldte 35 personar seg på til heile kursrekkja, 15 i Fyresdal og 20 i Kviteseid. Totalt 35 deltakarer fordelt på 30 ulike verksemder. Totalt hadde vi 15 drop-in deltakarar gjennom kursrekkja. På bonussamlinga i Tokke på hausten var det Ca 60 deltakarar.

8 Temadel/formiddagsseminar Vest-Telemark Konferansen Temadel på VT konferansen vart lagt opp med det mål at det skulle bidra til auka kompetanse for korleis ein kan auke verdiskapa i regionen. Tema for formiddagsseminar som hadde temaet; Anskaffelser, drivkraften for regionen sin utvikling. Noko av målsetting var at det offentlige skulle nytte metodikken «innovative anskaffelser» i framtidige prosjekt. Det vart i samband med samlinga utarbeida to samfunnsregnskap. Eit for FAUN Naturforvaltning (Fyresdal) og eit for Dyrud Elektro (Seljord). Dette for i tal å vise kor mykje lokale verksemder bidreg til kommunane i form av skatter og avgifter. Det var totalt 80 deltakarer på samlinga, ein mix frå offentlege og private verksemder. Samlinga vart sett i gang som ein del av ByR Vest-Telemark.

9

10 Dialogkonferanse mai Leilegheitsprosjektet Husstøyl og rehabilitering av Kviteseid skule var to uavhengige byggeprosjekt. Vi inviterte leverandørar til dialogkonferanse for å presentere prosjektet og få innspel på moglegheiter og løysingar for å realisere prosjekta. Dialogkonferanse er eit ledd i å gjennomføre ein innovativ anskaffelse, og denne type dialog med leverandører i ein eige konferanse var den fyrste i Telemark. Målet er å få betre løysingar for brukarane, billegare løysingar for det offentlege og at det kan gje lokal næringsutvikling- og vekst. I prosjektet Husstøyl blei det skissert eit behov for å bygge eit bærekraftig, fleksibelt leilegheitsbygg for utleige. I prosjektet Kviteseid skule var målet at rehabiliteringa av skulen skulle bidra til at skulen dekker dagens og framtidas krav til plass, luftkvalitet og ein miljøvennlig og energieffektiv oppvarming. Dialogkonferansen og tilhøyrande dokumenter vart kunngjort på Doffin. Samlinga vart sett i gang som ein del av ByR Vest-Telemark og var eit samarbeid med Kviteseid kommune, Bygg i Tre Telemark og Nasjonalt Program for leverandørutvikling. Totalt var det 35 deltakarar på dialogkonferansen, dei fleste leverandørar men også kommunar som var interessert i metoden. Studietur for kommunane i Telemark til Trebyen Trondheim 1-2 november gjennomførte vi ein studietur til Trebyen Trondheim. Målet var å gje kommunar og tilknytta aktørar kunnskap om innovative anskaffelser og bærekraftig byggeri. Turen vart arrangert av ByR i samarbeid med Bygg i Tre Telemark og Nasjonalt Program for leverandørutvikling. Totalt var det 50 deltakarar, der 3 var frå Telemark.

11 John Kjell Lien frå Fyresdal Kommune og Leif Arne Rasmussen, rådgjevar ny skole Hjartdal Kommune. Nye Lade skole i bakgrunn. Kurs i offentlege anskaffelser november Offentlig sektor i Vest-Telemark kjøper varer og tenester for mange millionar i året. Skal næringslivet levere tilbod til det offentlige må de kjenne regelverket. På bakgrunn av dette arrangerte vi kurs Korleis bli en god leverandør til det offentlege. Planen var å arrangere like kurs i Nissedal, Åmot, Seljord og Vrådal. Dessverre var det berre 4 påmeldte til kurset i Nissedal og desse vart overflytta til Vrådal. I Åmot var det tilsvarande låg påmelding. Kurset vart derfor flyttea til Tokke der vi hadde totalt 15 deltakarar. Kurset vart halde i Seljord med 12 deltakarar og i Vrådal med 18 deltakarar. Alle deltakarane var frå privat sektor. Kursa vart sett i gang som ein del av ByR Vest-Telemark.

12 Informasjon og kommunikasjon Kommunikasjon og informasjon er ein viktig aktivitet i VTNF. Vi har eit etablert system med nyheitsbrev 8-10 gonger i året som går til om lag 300 mottakarar. I tillegg brukar ein heimesida og noko sosiale mediar. Bruken av digitale medie og nyheitsbrev har auka i Medlemmane Medlemstalet har det siste året halde seg stabilt med noko tilvekst av nye verksemder. Medlemsverksemdene, som no tel mellom 90 og 100 verksemder, har til saman nær 1400 tilsette i sine verksemder, som tilsvarar snaut 40 % av dei tilsette i privat sektor i Vest- Telemark. Årsrekneskapen 2017 VTNF er finansiert gjennom følgjande kjelder: - Medlemskontingent - Prosjektinntekter Årsrekneskapen viser eit overskot (etter finansinntekter) på kroner på 689 kroner. VTNF hadde ei samla omsetning på kroner, som er ein vekst på om lag frå året før. I rekneskapen er resultatet overført anna eigenkapital. Eigenkapital pr vert etter disponering av årets resultat Føresetnad om vidare drift Styret legg fram årsmelding og rekneskap under føresetnad om vidare drift. Likestilling Kvinner og menn har like rettar i VTNF. Styret i VTNF har i meldingsåret vore samansett av sju menn og ei kvinner.

13 Arbeidsmiljø VTNF har ingen fast tilsette, men leiger inn kapasitet til drift av organisasjonen frå konsulentselskapet Silva Consult AS som held til i Fyresdal Næringshage. Generelt reknar ein arbeidsmiljøet i foreininga som godt. VTNF jobbar også aktivt ovanfor sine medlemmer i høve kompetanseheving innan arbeidsmiljø/hms. Ytre miljø VTNF har i lita eller inga grad verksemd som påverkar det ytre miljø utover vanleg energiforbruk knytt til reise og kontorhald.