Samanslåing av sokn på Osterøy - høyringsutkast

Transkript

1 Dato Saksnummer Arkivnummer 414 Samanslåing av sokn på Osterøy - høyringsutkast Bakgrunn I 2017 fekk vi ei utfordring frå prosten i Åsane prosti. Han ba oss finne ut om det var mogeleg og interesse for å slå saman sokna på Osterøy til eitt sokn. Dette tok fellesrådet på alvor. Hausten 2017 blei tanken lufta på ein medarbeidarfest, der alle frivillige var invitert. Mange frå sokneråda var og til stades denne kvelden i Haus. Nokre veker seinare var det eit felles møte for alle dei 5 sokneråda, der dette var eigen sak. På nyåret blei tema presentert i Kyrkjehelsing, og det var i april i år endå eit felles møte for alle sokneråda, der vi drøfta saka. Kvart sokneråd har og snakka om tema og nokre har gitt uttrykk for kva dei konkluderer med. Fellesrådet handsama saka igjen i siste møte før sommaren Ut i frå dette, kan vi seie at tema om samanslåing av sokn er blitt kjent og folk har fått høve til å tenkje gjennom kva dei tenkjer om det. Det er tid for å sende saka ut på høyring. Det er no klart for å kalle inn til soknemøter, der soknemøta skal uttala seg. Saksgang når det gjeld samanslåing av sokn 1. Kyrkjeleg fellesråd er sakshandsamar. 2. Soknemøter og kommunen kan/skal uttale seg 3. Namnekonsulnettenesta skal uttale seg om nytt namn på soknet/a. 4. Bispedømerådet gjer vedtak i sak om samanslåing av sokn Saksutgreiing Osterøy er ein kommune med litt over innbyggjarar og i overkant av kyrkjemedlemmer. No er det 5 sokn her på Osterøy med følgjande medlemstal: Bruvik 306 Gjerstad 2112 Hamre 1888 Haus 1063 Hosanger

2 Alternativ vi har sett: 1. Slå saman alle sokna til eitt nytt sokn 2. Slå saman Hamre og Hosanger til eitt sokn, og dei tre andre til eitt. Då bruker vi same inndelinga som for prestetenesta og organistinndelinga 3. Slå saman Bruvik og Haus 4. Slå saman Hamre og Hosanger Alternativ 1: Fordelar: Færre personar må rekrutterast til å sitje i sokneråd (10+5), mot i kvart sokn i dag Eit felles kontor for verksemda Planlegging/fordeling av aktivitetar (m. a. gudstenester, trusopplæring, arrangement og konsertar) blir enklare Fordeling av kven som skal få offer kan bli breiare og kanskje meir rettferdig? Det blir færre soknerådsmøter (8-10 med eitt sokn, og ca med fem sokn), der sokneprest skal vere tilstades Soknerådet vil og få oppgåvene som i dag ligg til kyrkjeleg fellesråd. Det vil gje soknerådet meir makt og kontroll over kva som skal prioriterast av både aktivitet, drift og vedlikehald Medlemmene i fellesrådet har møtehonorar. Det vil og gjelde for soknerådsmedlemmane, om det blir eitt sokn. Trusopplæringa er allereie felles for alle sokna Rekneskapsarbeidet og innkallingar/referat til og frå møta vil bli utførd av administrasjonen. Ein slepp å ha sekretær og kasserar i soknerådet Felles kyrkjelydsblad og heimesider/facebook-sider, der soknerådet er ansvarleg for innhaldet Ulemper: Det kan bli vanskeleg å finne interesserte til å sitte i eit felles sokneråd. Det viser seg at ostringane er meir oppteken av bygda si enn av heile kommunen. Det kan bli vanskeleg å rekruttere folk til lokale oppgåver knytt til den einskilde kyrkja, når dei ikkje skal veljast for fire år(=»ta sin tørn»), men meir seie ja, heilt frivillig og uforpliktande. Valordninga opnar ikkje for at kvart av dei noverande sokna skal vere representert i eit framtidig samanslått sokn. Ein kan berre oppmode valkomitéen til å rekruttere breitt geografisk. Kulturforskjellane sokna imellom kan vere krevjande

3 Alternativ 2: Fordelar: Færre personar må rekrutterast til å sitje i sokneråd (16+8) Ein kan halda fram med den inndelinga som har vore for prestetenesta. Prestane vil få færre soknerådsmøter å bruke arbeidstida på. Ulemper: Prestane får ein del meir arbeid med å samordne aktivitetane, når to ulike sokneråd skal bestemme. Trusopplæringa må arbeide/planleggje/samordne ut mot to sokneråd. Valordninga opnar ikkje for at kvart av dei noverande sokna skal vere representert i eit framtidig samanslått sokn. Ein kan berre oppmode valkomitéen til å rekruttere breitt geografisk. Kulturforskjellane sokna imellom kan vere krevjande Sokna må halda fram med eigen sekretær og kasserar. Det vil ikkje bli betalt møtehonorar, slik det ville blitt med eit sokneråd. Alternativ 3 og 4 Fordelar og ulemper: Det vil bli mykje likt alternativ to, berre i mindre skala. Konsekvensar for tilsette: Prestetenesta blir enklare med eitt sokn. Det blir ein som har hovudansvaret for planlegging, saman med soknerådet, og administrerer presteressursane. Med to fem sokn vil det vere to likestilte sokneprestar. Det skapar fort utfordringar, når dei og skal samhandle med fleire sokneråd. Trusopplæringa fungerer fint i dag, sjølv om Helga må samhandle med fem sokn. Men det er noko enklare om det berre hadde vore eitt sokn. Trusopplæringsrådet har representantar frå kvart sokn i dag, og fungerer bra. Osterøy er definert som ei trusopplæringseining, og mottar støtte for alle medlemmer mellom 0 og 18 år. Den norske kyrkja på Osterøy har i dag eitt kontor, der heile staben er samla. Kyrkjeverja og konsulenten fungerer som sekretariat for kyrkjelydane Organistane har ei fordeling på sokn, men fungerer på tvers av desse grensene i det daglege. Drift av kyrkjene held fram Det er viktig å presisere at når vi no ønskjer å slå saman sokna på Osterøy til eitt sokn eller finn ei anna samansetting av sokn, vil vi halde oppe drifta i alle dei 5 kyrkjene. Det vil framleis haldast gudstenester, vigsler og gravferder i kyrkjene. Mange av dei andre aktivitetane i kyrkjene vil og halda fram.

4 I kvar kyrkje vil vi etablere ein kyrkje komité eller ei gruppe (2-4 personar) som får ansvar for å vere tekstlesarar/klokkarar og ei gruppe (3-6 personar) som kan ta oppgåva med å vere kyrkjevertar. Soknerådet/sokneråda har ansvar for å etablere desse gruppene og sørgje for at det kjem inn nye personar, om nokon vel å trekkje seg ut. Dette vil vere frivillige, som sjølv vel kor lenge dei vil vere med. Eit sokneråd og fellesråd Leiing av sokn er lagt til to råd. Soknerådet har sitt mandat frå 9 i kyrkjelova medan fellesrådet har sitt mandat i 14. Slår vi saman dei 5 sokna på Osterøy til eitt sokn, vil soknet og fellesrådet vere samansett av dei same personane. Einaste forskjell vil vere at fellesrådet skal ha med ein kommunal representant. Mødene kan vere felles, men dei to råda må ha kvar sitt sakskart og protokoll. Med eit felles sokneråd og fellesråd vil all aktivitet knytt til drift, vedlikehald og det indre kristelige livet i soknet vere samla på dei same hender. Administrasjonen vil bli enklare. Informasjonsflyten og post mellom og til/frå sokneråd/fellesråd vil bli enklare. Ein vil opprette eit budsjett/rekneskap for det nye felles soknet, der ein etablerar einingar for kvar kyrkje og aktivitet. Midlar som sokna har i dag, kan gå inn som kapital i felles sokneråd, medan noko kan vere avsett til inventar eller anna og skal sjølvsagt tilhøyre den aktuelle kyrkja. Eit eksempel på det siste er ofring/innsamling til nytt piano og arbeid med å få fram steinalteret i Hamre kyrkje. Namn på nytt sokn/sokna Osterøy kyrkjeleg fellesråd meiner at Osterøy sokn må vere det mest naturlege namnet, om ein går inn for eitt sokn, men ein er open for alle forslag. Konsekvensar for kommunen Vi ser ikkje nokon konsekvensar for kommunen. Kommunen fører rekneskap for både fellesråd og sokneråd i dag. Her blir ingen endring. Sokneråda har lite bruk for noko som ligg innanfor avtalen fellesrådet har med kommunen. Det nye rådet vil heller ikkje trenge noko av dette. Endringa til eit sokn vil ikkje endre tal på tilsette, og behov for kontorplassar. Samarbeid heller enn samanslåing? Eit alternativ til samanslåing av sokn, kan vere å satse meir på samarbeid sokna imellom. Alle fem sokna kan tidvis møtast til fellessamlingar, slik dei gjer ein gong i året i dag. Ein kan og velje andre samarbeidsløysingar. Det er opp til sokna kva dei vil samarbeide om. Oppgåvene finn ein i paragraf 9 i kyrkjelova. Det må vere utgangspunktet for kva ein vil fokusere på.

5 Soknemøtet skal uttala seg om: 1) Slå saman sokna til eitt nytt sokn 2) Slå saman Hamre og Hosanger til eitt sokn og Bruvik, Gjerstad og Haus til eitt 3) Slå saman Bruvik og Haus 4) Slå saman Hamre og Hosanger 5) Ingen endring Namn på nytt/nye sokn? Osterøy sokn eller Hamre sokn eller. (alt. 1) Hamre sokn og Gjerstad sokn eller. (alt. 2) Haus sokn eller Bruvik sokn eller.(alt. 3) Hamre sokn eller Hosanger sokn eller (alt. 4) Kyrkjeverja sitt forslag til vedtak: Fellesrådet oppmodar sokneråda om å kalle inn til soknemøter, der dei handsamar ovannemnde saksutgreiing og gjer uttale om kva alternativ dei vel, og kva det nye/dei nye namna skal vere. Edvin Bratli, kyrkjeverje Vedtak i kyrkjeleg fellesråd: