DEN KULTURELLE SKULESEKKEN I SOGN OG FJORDANE Referat frå møte med kulturkontaktane, april mai 2010

Transkript

1 1 DEN KULTURELLE SKULESEKKEN I SOGN OG FJORDANE Referat frå møte med kulturkontaktane, april mai 2010 I tida 27.april 4. mai vart det skipa til møte i regi av Sogn og Fjordane fylkeskommune, kulturavdelinga. Møta vart haldne i Lavik, Førde, på Nordfjordeid og Leikanger. Her møttest kulturkontaktar frå kommunane og skulane (grunnskulen) for å diskutere oppgåver og utveksle erfaringar knytt til arbeidet med Den kulturelle skulesekken. I tillegg til møta, var deltakarane også inviterte til å sjå ei DKS-framsyning. Dette fellesreferatet er tematisk ordna etter overskrifter/problemstillingane vi tok opp på møta. Til sist har vi teke med generelle innspel. Korleis arbeidet i kommunane/på skulane fungerer Arbeidet med Den kulturelle skulesekken fungerer svært ulikt rundt om i kommunane. I tillegg til gode rutinar, er det viktig at alle involverte tar eit medansvar. Svara og innspela under er utfyllande vurderingar knytte til fylkestilbodet i DKS. Gode døme frå skulane: Kulturkontakten legg ut lenkjer til ksys på eigne internettsider og involverer lærarar og andre brukarar av skulesidene i fylkestilbodet til DKS. Lærarar/leiing vurderer tilbod i høve målgruppe dersom talet tillet det, og utøvarane godkjenner utvida deltaking. Under framsyningane blir det teke mange bilde som blir nytta i samtalar i etterkant. Vi prøvar å bruke DKS for alt det er verd! Fleire innlemmar tilbod frå DKS i årsplanane til skulen. Vi brukar elevrådet ein god del til å følgje opp kunst- og kulturtilboda. Det er viktig å vere eit godt vertskap, og at dei vaksne er gode rollemodellar for korleis vi tek imot og takkar farvel til dei som kjem til skulen (mat og prat). Elevar som arrangørar fungerer veldig bra. Vil gjerne ha ny runde med kurs!

2 2 Mindre gode døme frå skulane/kommunane: Kulturkontakt på skule: Må ofte undervise når det kjem utøvarar på besøk. Det er eit stort problem å vere godt vertskap når kontaktpersonen spring imellom. Nokre kollegaer vil helst sleppe å delta med klassen, fordi det tar timar frå skikkeleg undervisning. Påminning om hendingar blir sendt til lærarane på e-post, men mange følgjer ikkje opp. Skulen har ikkje fellesmøte for lærarane, og kulturkontakten får difor ikkje informert kollegiet i plenum om det som skal skje. Lærarane er meir opptekne av å vise fram ei perfekt elevgruppe enn å la elevane få lov til å delta i kulturopplevinga. Elevåtferd er ein ting, men det kan vere eit problem at lærarar skapar dårleg stemning. Det beste publikumet er der lærarane sit saman med elevane og delar opplevinga. Der lærarane opptrer som ordensvakter, merkar vi det på publikum før vi startar. Sagt av Peder Opstad, Teater Grimsborken, på møtet for kulturkontaktar i Indre Sogn. Utfordringar/kva kulturkontaktane meiner kan bli betre: Lærarane må delta saman med elevane, ikkje opptre som ordensvakter under framsyningar o.a. Gi elevane ansvar som vertskap. Fleire bør gjere det! Evaluering kan ikkje oppsummerast av ein kulturkontakt som ikkje har vore der Peder Opstad om erfaring med elevarrangørar: Det som fungerer aller best er grupper på om lag seks elevar fordelt på fleire klassetrinn. Nokre med erfaring og nokre nye! (Pass på at ikkje verstingane får dei rollene, men at det får høg status å ha rolla som elevvert!) Har det status opplever elevane at det er viktig og dei gjer sitt beste fordi dei er stolte av si rolle.

3 3 Korleis kultursekken i kommunen fungerer: Arbeidet med dei lokale DKS-tiltaka er ulikt organisert. Nokre stader fungerer kulturforuma slik dei er tenkt, andre stader er det skulane sjølve som organiserer det meste kvar for seg. Gode døme frå skulane/kommunane: Tilboda blir knytte til tema vi skal jobbe med. Den lokale skulesekken kan vere eit godt virkemiddel til å realisere dei estetiske satsingane på skulen. Rolla som kulturkontakt blir lagt til leiarfunksjon på alle skulane i vår kommune. Vi prøver å kombinere noko av aktiviteten i eit kulturskule - skulesamarbeid. Vi set opp ein meny, og erfaringane er at det gir stor fridom til den einskilde skule til å velje det dei synest høver best. Det å få ting til å passe inn i skulen sine planar og fag som elevane er engasjert i, avheng av prioriteringa til skulane. Skular som ikkje har program får ikkje pengar. Utgangspunktet frå starten var at det skulle vere førebuing til alle tilbod. Vi er ikkje strenge på det no, men det skal vere kvalitet på det som blir tilbode. Vi tel ikkje kostnader når vi planlegg, ser berre på pengar når det gjeld gjennomføring. DKS er eit av virkemidlane i kommunen sin plan om utvikling av borna sin identitet. To møte i året. I kulturforumet er skulekontaktar, kulturskulerektor og biblioteksjefen. Alle får dei same tilboda. Barnehagane er med. Like planar frå år til år, men stadig nye elevar som får nye tilbod. Viktig at vi er sjølvkritiske og skiftar ut/fornyar tilbod. Kommunen går inn med like stor del midlar som tilskotet frå tippemidlane. Har eit samarbeid med Folkeakademiet om forfattarar, og dei betalar reise m.m. Vi prøver å få til eit stort prosjekt på kvart steg som vi samkøyrer tre gongar i året. Elles har skulane sine eigne planar i tillegg til det som skjer i DKS. Systemet i kommunen er godt. Skulane får i framkant av planskriving om våren spørsmål om det er noko særskilt dei er interesserte i. Kulturforumet lagar eigen faldar (som gjerne også kunne ha innehalde fylkestilbodet). Kvar av dei tre skulane i kommunen utformar eit DKS-tilbod til dei to andre.

4 4 Mindre gode døme frå skulane/kommunane: Kommunen har ideelt sett ein god modell for lokal DKS, men er ikkje heilt operative for tida. Vi må supplere og erstatte folka i kulturforumet. Vi delar pengar ut til skulane, og ein av dei nyttar dei til å transportere elevar. Har aldri vore kalla inn til noko møte i kulturforum Travle lærarar gjer det vanskeleg å samle dei til møte i kulturforum. I vår kommune har det vore vanskeleg å i det heile få oppnemnt ein kulturkontakt ved einskilde skular. Utfordringar/kva kulturkontaktane meiner kan bli betre: Den fagleg ansvarlege i kommunen må setje dagsorden! Nokon må løfte arbeidet opp. Rektor og kulturkontakt: Det er ei utfordring å få kollegiet til å sjå moglegheiter og få dei til å samarbeide. Kulturkontakt kommune: Den største utfordringa er å få skuleleiinga med i planarbeidet. Langtidsplanlegging er viktig, for vår og ungane sin del. Vi ønskjer ei best mogleg førebuing! Transportutgiftene er vår utfordring! Om kulturforuma generelt; Viktig at kulturkontaktane på skulane får vere med i prosessen, for å halde engasjementet oppe! Dei må vere med og føreslå (og bestemme) kva som skal skje.

5 5 Korleis arbeidet til kulturkontaktane bør godtgjerast: Nokre kommunar/skular prioriterer ei eller annan form for godtgjering til dei som blir valt til å vere kulturkontakt, andre gjer det ikkje. Godtgjering i ei eller annan form er viktig for å halde oppe motivasjonen til dei som tek dette ansvaret. Det burde også vere slik at dei som er kulturkontaktar skal delta på DKS- tilboda. Gode døme frå skulane/kommunane: Kulturkontakt på ungdomsskule har ein halvtime avsett i veka til arbeidet med DKS og diverse andre ting som skjer på kulturfeltet (fører timar på det i tillegg). Deler ut informasjon til lærarane, tar det opp på morgonsamlinga måndag og oppdaterer elevarrangørane. Ein time møte med rektor om all kulturaktivitet ein gong i månaden. Alle kulturkontaktane får ca 6000 kroner i funksjonstillegg per år. Kulturkontakt på ungdomsskule har ein time på den ubundne tida per veke. Kommunen betalar 4000 kroner til kvar av kulturkontaktane. Alle kulturkontaktane i kommunen får ca 3000 kroner i året som godtgjering. Dei som gjer noko ekstra i kulturforumet, burde objektivt sett fått noko meir. Avspasere ein dag i semesteret som godtgjering for DKS-arbeid. Får funksjonstillegg og i tillegg nokre timar på arbeidsplanen. Mindre gode døme frå skulane/kommunane: Gjer mykje frivillig arbeid utan godtgjering Har noko tid avsett på eldreressurs. Generelt dårleg organisert i kommunen. Eg er ny og har ikkje fått spørsmål om godtgjering. Må av og til ha klasser og får ikkje sett tilbodet. Frå framsyninga Hando Kjendo (Teater Joker), basert på boka med same tittel av Tore Renberg.

6 6 Utfordringar/kva kan bli betre: Kommunane treng hjelp til å løfte statusen til rolla som kulturkontakt. Godtgjering burde vore forhandla fram i lokale forhandlingar for alle involverte. Fri frå undervisning i samband med besøk burde vere sjølvsagt. Ein time eller to når det kjem nokon fire-seks gongar i året, er lite i forhold til skulen sitt totale budsjett. Når inspektør tar rolla som kulturkontakt, står ein friare i bruk av tid. Alle bør uansett får dekka deltaking på DKS-konferansen. Ein representant for rektorane meinte at mange kulturkontaktar skildrar den ideelle kvardagen, men at det ikkje alltid er så enkelt å la kulturkontakten delta. Evaluering må skrivast av dei som deltek på dei ulike hendingane, meinte vedkomande. Kanskje bør det uansett vere klassekontakten som evaluerar i samarbeid med sine elevar. Ein av kulturkontaktane fortalde at på hans skule er det alltid klasselærarane som skriv evalueringane i samarbeid med elevane. Så sender kulturkontakten inn evalueringane. Om fylkeskommunen sin informasjon: Informasjon som gjeld tilbodet komande skuleår bør konsekvent sendast ut til skulane innan 1.juni. Turneane skal vere klare (datofesta turneplanar) 10.august for haustsemesteret, og 1.desember for vårsemesteret. Tilbakemeldingar frå skulane/kommunane: Heimesida sfj.ksys.no fungerer godt. Informasjonen treng ikkje kome tidlegare. Dersom det er mykje førearbeid, tar eg som kulturkontakt det opp på saklista til lærarmøte og kulturkontakten informerer. Er inne på ksys og får informasjonen ut i god tid. E-post i forkant er veldig bra, om ein har gløymt noko. Bør kome minst ei veke før, kanskje 3-4 veker før! Alle må få tilsendt e-post som fortel når dei kan vente informasjon om nytt årsprogram, og om når turneane skal ligge klare før kvart semester. Lag lenkje til ksys. Skulen vidareformidlar informasjon og legg meldingar om einskilde hendingar ut på fronter. Då ligg det der som ei påminning heile tida, og lærarane ser ho kvar dag. Informasjonen er god, og kjem i god tid. Kvaliteten er berre heilt topp.

7 7 Utfordringar/kva kan bli betre etter kulturkontaktane si meining: Når de sender påminning til skulane, send også kopi til kontaktane i kommunane! Det er viktig at informasjonen på ksys er kortfatta og ikkje blir repetert fleire stader! Konferanse / kulturtorg: Fylkeskommunen, i samarbeid med Fylkesmannen, skipar til ein to-dagars konferanse. Dag 1 inneheld kurs og kulturkveld med ulike opplevingar og kulturtapas. Dag 2 er sjølve konferansedagen med fellesføredrag, diskusjonar, presentasjonar/kortkurs og dialog. Tilbakemeldingar frå skulane/kommunane: Kulturopplevingar er viktig. Hald på dagens modell. Det handlar gjerne om å finne ein inspirator, både ein utøvar og ein kommune (slik gjer vi det hos oss) Vi må få med fleire kulturkontaktar og rektorar. Det er viktig at mange er med, som brenn for det same og som kveikjer kvarandre. Hugs at alle kulturkontaktane i kommunane får post om å minne skulane om å delta på konferansen. Rektor som deltok i fjor: - Dag 1 kome eg ganske sliten etter undervisning, og etter dag 2 reiste eg heim som eit nytt menneske. Frå DKS-konferansen Lærarkurs knytt til ustillinga Då fjellet blei oppdaga.

8 8 Generelt om DKS ifølgje skulane/kommunane: Programmet frå fylket er veldig bra. Vi på skulane må gjere vår jobb best mogleg! Nyttig med møte som dette. Vi kan kanskje ha vårmøte i regionane kvart år, og så kan det vere ulikt kven som har høve til å delta. Det er lurt å ha ei framsyning i samband med regionmøta. Ta det heilt i starten av turneperioden, slik at lærarane ikkje har sett framsyninga før. Økonomi er viktig. Det er eit veldig tap at fylket ikkje dekkjer transportpengar til musea lenger. Vi har ikkje lenger råd til å sende elevane til museet. Har minst av dans i lokal DKS, kan gjerne få meir av det i fylkestilbodet. Følgjande innspel til innhald vart nemnde: - Få med ein rockeartist eller fleire som får til aktivitetar med elevar. - Ha gjerne med meir visuell kunst, jf. ho som arbeidde med leire. NB! Lærarane må få betre informasjon frå kulturkontaktane - i god tid, slik at dei kan gjere eit best mogleg førebuingsarbeid med elevane. Innspel elles til innhald: - Kunsthandverk og få vere med og lage ting. - Bakkejekta veldig populært. - Konsertar med deltaking er midt i blinken. - Vi kan gå ut over klassetrinn som er anbefalt når vi meiner det passar. - Vi bør få noko fast på Gulatinget. Ein skule etterlyste forfattarbesøk; tilbod om høgtlesing eller liknande for å engasjere leselysta. Kan også gjerne vere ein produksjon. Frå regionmøte med kulturkontaktane i Sunnfjord, på Flatene skule, 4. mai 2010 Ref. Margrethe Henden Aaraas/DKS-gruppa Førde