STUDIEPLAN VIDAREUTDANNING FOR NORDIC COMPUTER FORENSICS INVESTIGATORS

Transkript

1 STUDIEPLAN VIDAREUTDANNING FOR NORDIC COMPUTER FORENSICS INVESTIGATORS 25 studiepoeng Godkjent i høgskolestyret 6. juni 2012 Revidert 27. juni 2013

2 1. Innleiing Datateknologi vert stadig viktigare i mange typar etterforsking. Dette gjeld både nye former for kriminalitet og tradisjonell kriminalitet som no vert utført ved hjelp av ny teknologi. Typiske døme er bruk av digitale medium og kommunikasjonsutstyr i samband med narkotikahandel, seksualbrotsverk, trugsmål og forfølging, menneskehandel og økonomisk kriminalitet. Digitalisert informasjon er svært sårbar, og det vert stilt høge krav til handsaming, analyse og rapportering for at informasjonen skal kunne nyttast som bevis i straffesaker. Den aukande bruken av informasjonsteknologi har skapt nye utfordringar med omsyn til lovverk og politifaglege metodar, både nasjonalt og internasjonalt. Det er soleis viktig å byggje kompetanse innanfor informasjons- og kommunikasjonsteknologien og politifaglege metodar på området. Vidareutdanningane for «Nordic Computer Forensics Investigators» skal medverke til dette. Utdanninga omfattar fleire modular. Dei to første er fellesmodular: Module 1: Nordic Computer Forensics Investigators introduction (5 studiepoeng) Module 2: Nordic Computer Forensics Investigators (25 studiepoeng) Module 3 A-F: Nordic Computer Forensics Investigators ulike spesialiseringar innanfor avgrensa emne (5 10 studiepoeng) 2. Føremål Utdanninga skal medverke til at etterforskinga av elektroniske spor vert utført på ein god måte som tek omsyn til rettstryggleik og personvern. Studieplan for vidareutdanning for Nordic Computer Forensics Investigators 2013 Side 1

3 3. Målgruppe og opptakskrav 3.1 Målgruppe Den primære målgruppa er polititilsette i Norden som har eller skal ha etterforsking av elektroniske spor som hovudoppgåve. Det er ein føresetnad at deltakarane vert valde ut i samsvar med dei lokale kompetanseplanane. Tilsette i nordiske statlege etatar / tilsyn som samarbeider med politiet, og som dagleg arbeider med eller skal arbeide med etterforsking av elektroniske spor, kan òg søkje. 3.2 Opptakskrav Søkjarane må vere tilsette i ein statleg etat ha bestått NCFI-innføringsmodulen (Nordic Computer Forensics Investigators) ha minst eitt års yrkespraksis etter grunnutdanning Søkjarane må anten dokumentere ålmenn studiekompetanse eller utdanning som svarar til minst 60 studiepoeng, eller ha realkompetanse som kan erstatte manglande formell kompetanse. 4. Læringsutbyte Generell kompetanse Etter avslutta utdanning kan studentane vise større innsikt og tryggleik i yrkesrolla ta sjølvstendig ansvar for oppgåver i etterforskinga identifisere og vurdere etiske dilemma i arbeidet sjå potensialet som elektroniske spor har i ei etterforsking sjå elektroniske spor i ein større førebyggings- og etterforskingssamanheng Studieplan for vidareutdanning for Nordic Computer Forensics Investigators 2013 Side 2

4 Kunnskapar Etter avslutta utdanning har studentane kunnskap om datateknologi elektroniske spor knytt til: o operativsystem o filsystem o Internett o nettverk o mobilt utstyr bruk av metodar og teknikkar i etterforskinga av elektroniske spor o fasar i etterforskinga av elektroniske spor o sikring av ulike lagringsmedium bruk av elektroniske spor i førebyggjande politiarbeid juridiske og etiske problemstillingar Ferdigheiter Etter avslutta utdanning kan studentane gjennomføre ei etterforsking av elektroniske spor vurdere og nytte relevante metodar og teknikkar i alle fasane av etterforskinga av elektroniske spor vurdere og grunngje avgjersler under etterforskinga nytte elektroniske spor som kan vere relevante for å førebyggje kriminelle handlingar 5. Organisering og arbeidskrav Studiet er lagt opp som deltidsstudium med samlingar og studiearbeid utanom samlingane, og skal i regelen gjennomførast på tolv månader. Utdanninga tek om lag 700 timar. Dette omfattar undervising, øvingsoppgåver, individuelt arbeid, gruppearbeid og litteraturstudium. Det vert lagt vekt på studentaktive læringsformer på nettet, mellom anna eit virtuelt datalaboratorium. Det vert lagt ut opptil 15 nettbaserte leksjonar. Studieplan for vidareutdanning for Nordic Computer Forensics Investigators 2013 Side 3

5 Arbeidsmåtane i studiet skal gje studentane godt læringsutbyte, og særleg klargjere sambandet mellom teori og praksis. Samlingane utgjer om lag 160 timar som kan fordelast over kortare eller lengre tid. Det er obligatorisk å delta på samlingane. Ei nettbasert læringsplattform vert nytta til administrering og pedagogisk gjennomføring av studiet. Arbeidskrav Arbeidskrav som må vere oppfylte og godkjende før studentane kan ta eksamen: Inntil 10 digitale testar knytte til definerte emne. Ei individuell oppgåve: Studentane skal vere til stades under ei rettsforhandling der elektroniske spor er ein vesentleg del av bevisføringa, og skrive eit refleksjonsnotat etterpå. Dersom dette er praktisk vanskeleg å gjennomføre, kan studentane etter avtale med den fagansvarlege intervjue ein statsadvokat om presentasjonen til dataetterforskaren i retten og kva aktoratet legg vekt på. Studentane skal deretter skrive eit refleksjonsnotat. 6. Vurdering Sluttvurderinga etter studiet er todelt: ei individuell fagoppgåve basert på ei sak ein individuell heimeeksamen over 8 timar Karakterane A til E vert nytta for bestått og F for ikkje bestått. Begge oppgåvene må godkjennast, og kvar oppgåve tel 50 prosent. Studieplan for vidareutdanning for Nordic Computer Forensics Investigators 2013 Side 4

6 7. Litteratur 1 Alt undervisingsmateriale i leksjonane er pensum Obligatorisk litteratur Altheide, C., Harlan C. (2011): Digital Forensics With Open Source Tools. USA: Syngress Publishing Inc, ISBN Harlan.C (2014): Windows Forensic Analysis Toolkit (4th Edition), USA: Syngress Publishing Inc, ISBN Marjie T. Britz (2013): Computer Forensics and Cyber Crime: An Introduction (3rd Edition), USA: Prentice Hall, ISBN-13: Pogue, C., Altheide, C. & Haverkos, T. (2008): UNIX and Linux Forensic Analysis DVD Toolkit. USA: Syngress Publishing Inc. Kva sider i bøkene som er pensum, vert presisert i kvar leksjon. Pensum skal vere maksimalt 1500 sider. 1 Pensum er revidert 6. september 2014 Studieplan for vidareutdanning for Nordic Computer Forensics Investigators 2013 Side 5