Reguleringsplan E39 Romsdalsfjorden, parsell Vik - Julbøen. Utval Møtedato Utvalssak Planutvalet /2016

Transkript

1 VESTNES KOMMUNE Saksframlegg Arkiv: L12 Arkivsaksnr.: 2014/1255 Saksbehandlar: Jan Rune Jacobsen Dato: Reguleringsplan E39 Romsdalsfjorden, parsell Vik - Julbøen Utval Møtedato Utvalssak Planutvalet /2016 Saksprotokoll i Planutvalet Vedtak: I medhald av PBL godkjenner planutvalet at forslag til detaljreguleringsplan for ny E39 Romsdalsfjorden, parsell Vik Julbøen, datert , blir lagt ut til offentleg ettersyn, med føresetnad av at område #6 vert teke ut av planforslaget. Behandling: Forslag til endring (markert) framsett i møte av Knut Magne Flølo (Frp); I medhald av PBL godkjenner planutvalet at forslag til detaljreguleringsplan for ny E39 Romsdalsfjorden, parsell Vik Julbøen, datert , blir lagt ut til offentleg ettersyn, med føresetnad av at område #6 vert teke ut av planforslaget. Avrøysting: Innstillinga til administrasjonssjefen med forslag til endring framsett i møte av Knut Magne Flølo fekk 6 røyster for. Skafti Ingi Helgason (Sv) røysta mot. Administrasjonssjefen si innstilling I medhald av PBL godkjenner planutvalet at forslag til detaljreguleringsplan for ny E39 Romsdalsfjorden, parsell Vik Julbøen, datert , blir lagt ut til offentleg ettersyn.

2 SAKSUTGREIING: Bakgrunn: Planlegginga er eit ledd i den overordna målsettinga om betre vegstandard på E39 og inngår i den langsiktige visjonen om ferjefri E39 mellom Kristiansand og Trondheim. Målet er blant anna å redusere reisetida mellom Mørebyane og mellom Bergen og Trondheim. Som følgje av dette, er det utarbeidd konseptvalutgreiing (KVU) for E39 Ålesund-Bergsøya, som gir ei tilråding om kva system ein skal velje over Romsdalsfjorden og kvar vegtraseen skal gå. Samferdselsdepartementet har i brev av 8. mai 2014 fastsett at fjordkryssinga skal gå frå Vestnes over til Midsund og vidare over Julsundet inn mot Molde frå vest. Denne løysinga legg til rette for fastlandssamband til øyane i Midsund og Aukra kommunar, samt at gjennomgangstrafikk forbi sentrum i Molde blir ført i tunnel bak byen. Effektmåla i vedtatt KVU er fleire og i korte trekk: 1. Redusert reisetid mellom Ålesund og Molde osv. 2. Døgnopen E39 3. Auka pendlingsomland til byane innafor 45 min reisetid 4. Styrka nasjonal sykkelrute for ytre del av fylket med gode tilknytingar til lokalvegnettet 5. Oppretthalde/Styrke kollektivtilbod over Romsdalsfjorden Medverknad Oppstart av planarbeidet med planprogram vart varsla i brev datert til grunneigarar, organisasjonar og offentlege høyringsorgan. Samtidig vart oppstart av planarbeidet kunngjort i Romsdal Budstikke, Sunnmørsposten, Vestnesavisa og Øyavisa. I høyringsperioden vart det halde folkemøte i alle dei 3 kommunane i november Planforslaget blir sendt grunneigarar, organisasjonar og andre råka til uttale. Samtidig blir planen sendt til uttale hos offentlege høyringsinstansar. Det blir lagt opp til nye opne folkemøter i kvar av dei tre kommunane i løpet av høyringsperioden for å orientere om planforslaget. Fakta Statens vegvesen Region midt har i samarbeid med kommunane Molde, Midsund og Vestnes utarbeidd forslag til reguleringsplan for strekninga Vik-Julbøen, som er ein delparsell av ny E39 Ålesund-Molde. Strekninga utgjer ca. 22 km med firefelts veg, og inkluderer tunnel under Romsdalsfjorden, bru over Julsundet og kryssløysningar på Nautneset og i begge endepunkta. Det er rekna med trafikktal på kjøretøy pr døgn i Oppdatert kostnadsanslag er 16 mrd kroner med ein usikkerheit på 25 %. Byggetida er anslått til 6 år. Prosjektet skal delvis finansierast av bompengar. Plassering av bomsnitt er ikkje avklara så langt, men dei tekniske innretningane kan uansett plasserast innafor regulert vegareal. Moderne tekniske løysingar legg til rette for automatiske innkrevjingssystem slik at ein ikkje må stoppe opp for betaling. Dette muleggjer samtidig differensiert innkrevjing ut frå kva vegstrekning du reelt nyttar. Bompengar har ikkje så mykje med arealplanen å gjere, men er ein vesentleg faktor i prosjektet. Bompengesatsane er ikkje kjent på dette tidspunktet. Grunnlaget for planforslaget er kommunedelplan og konsekvensutgreiing for E39 Vestnes- Molde, sist revidert Det er utarbeidd planprogram for reguleringsarbeidet på strekninga «E39 Vik - Julbøen». Planprogrammet er sist endra , og gir føringar for kva som skal vurderast i planarbeidet. Planprogrammet er stadfesta i alle dei tre kommunane planen omfattar. Vestnes kommune sit innspel til planprogrammet er vedlagt og inneheld m.a. presisering om at hurtigbåten må vere ein del av konseptet for kollektivtrafikken over fjorden. Planarbeidet omfattar fleire teknisk svært krevjande byggeobjekt. Over Julsundet er det tenkt ei hengebru med eit hovudspenn på ca meter, noko som gjer at brua vil bli den nest lengste av sitt slag i verda. Vidare vil kryssing av Romsdalsfjorden skje med ein dobbeltløpa tunnel med lengde på ca. 16 km. Største djupne under havnivå vil bli på ca. 358 m. Dette er også eit byggeobjekt som ein på verdsbasis har svært få reelle tilfelle å samanlikne seg med. Den

3 overordna bestillinga for ny E39 tek sikte på eit generelt fartsnivå på 110 km/t. Dette gjer at slike byggeobjekt blir svært krevjande med den topografi ein har i planområdet. Reguleringsarbeidet har derfor hatt høgt fokus på tekniske løysingar. Reguleringsplanen viser tiltaket, bruken av dei areala som blir råka og gir rettsleg grunnlag for gjennomføring av tiltak og utbygging, blant anna ved eventuell ekspropriasjon av grunn. Plankartet viser planfritt kryss med Fv 661 og vidareføring sørover til tunnelinnslag ved Ura. Dersom det blir vald ei anna lineføring vidare sørover, kan denne delen av planen bli endra på eit seinare tidspunkt, men dette er ikkje tema no. Det kan i praksis også bli aktuelt å bygge ny E39 etappevis, der Vik Julbøen utgjer 1 etappe. I så fall vil ikkje krysset på Vik bli bygd som vist i reguleringsforslaget, men i staden truleg ei rundkjøring som midlertidig løysing for tilknyting til Fv 661. Dette blir avgjort seinare og er heller ikkje tema no. Reguleringsplanforslaget viser også ein anleggsveg ned til Kjellneset og eit område på og utanfor neset til industri og kai. I anleggsfasen er det behov for transport av massar for utskiping til andre mottaksplassar, samtidig som det er behov for levering av varer til anlegget pr. båt. Kjellneset er strategisk plassert både i høve veganlegget og med tanke på etterbruk. På nordsida av krysset ved Fv661 er det teikna inn eit stort trafikkareal, med tanke på både kontrollplass for vegvesenet og park & ride for kollektivtrafikk. Vurdering: Ny E 39 gjennom Vestnes, med dimensjonar og tekniske løysingar som vist i planforslaget, er eit stort prosjekt i nær sagt i alle målestokkar. Det kan vere krevjande å ha oversikt over alle ringverknader og effektar dette kan få for Vestnes-samfunnet med mange mulege tema for vurdering. Adm.sjefen har derfor avgrensa si vurdering til 10 aktuelle tema og tek i hovudsak føre seg verknader for Vestnes-sida. Viser til planomtalen for andre aktuelle tema. Konseptvalet er gjort og planforslaget produsert i samsvar med konseptval og planprogram. Fordelane med dette konseptet er at både Gossen og Otrøya blir landfast, dersom sambandet over Kjerringsundet blir bygd, og at Molde sentrum blir kvitt gjennomgangstrafikken i bygatene. Planlagde bruer og fyllingar over Julsundet og Kjerringsundet blir spektakulære og attraktive veganlegg både for fastbuande og turistar generelt men også som sykkelrute. Løysingane bygger på kjent teknologi, sjølv om konseptet er teknisk svært utfordrande å bygge. Kritiske røyster er likevel til stades og ankepunktet er først og fremst den lange undersjøiske tunnelen, med tema som tryggleik, driftsutgifter, turisme og reisetid. Sjølv om kjent teknologi generelt kan vere ein fordel, er det også ein fare for at vi bygg morgondagens vegsystem med gamaldags teknologi. Med ledig offshore-kompetanse i landet kan det vere rett å sette større fart på utvikling av fjordkryssingsprosjekt på overflata. Dette kan gi både god marknadsføring og eksport av norsk teknologi, samtidig som ein får meir attraktive og framtidsretta løysingar i seinare fjordkryssingsprosjekt. Traseen vidare sørover er enda ikkje bestemt, men konseptet vil medføre lange tunnelar på landsida på begge sider av fjorden. Det meste av trafikken nordover fjorden har reisemål aust for Molde sentrum. Dermed er det forståeleg at verken Molde sentrum eller busettinga vest for byen vil ha denne gjennomgangstrafikken. Når konsekvensane såleis blir ein lang tunnel frå Julbøen og forbi Molde sentrum, kan det vere nærliggande å tolke dette som ein indikasjon på feil konseptval. Det vil uansett alltid vere både mange meiningar og mange konsekvensar med så store endringar som ny E39 medfører. Adm.sjefen vurderer på den eine sida at det er rett å synleggjere både fordelar og ulemper med ny E39. På den andre side presiserer adm.sjefen at konseptvalet er gjort og at det viktigaste no er å arbeide for mest muleg positive synergiar for både Vestnes-samfunnet og regionen med utgangspunktet i vedtatt konsept. Linjeføringa på Vestnes-sida er etter adm.sjefen si vurdering svært god. 2 km av vegen blir liggande i dagen, medan resten blir tunnel. Kryssingspunktet med Fv. 661 blir nokså nøyaktig

4 der Viåna kryssar fylkesvegen. Viåna må leggast om i nokre hundre meters lengde. Vidare medfører linjeføringa at 3 eigedomar nordaust for Viåna må innløysast, men gir samtidig god avstand til gardsbruka i vest. Dette er etter adm.sjefen si vurdering betre enn at bustadane blir liggande for nære den nye vegen. Linjeføringa opnar også for at industriområdet på Trohaugen kan utnyttast fullt ut og kanskje vel så det. Næringsutvikling, bygdeutvikling og sentrumsutvikling Ein stor positiv konsekvens av veganlegget, kan vere utvikling av nærområda rundt krysset. Dette kan bli eit nytt knutepunkt ala Digernes, med stort potensiale for næringsutvikling. Ein nøkkel til suksess for Vestnes ligg i bevisst å dirigere detaljhandel til sentrumsområdet og meir arealkrevjande næringar og industri til knutepunktet ved ny E39. Trohaugen er nemnt, men vidare utvikling aust for ny E39 i samsvar med intensjonane i kommuneplanens arealdel må vente til korridoren for vegarma til E136 og Tresfjordbrua er fastlagt. I mellomtida kan det vere aktuelt å vurdere om sektoren nord for Fv. 661 frå det regulerte trafikkarealet og mot Nyjordvegen kan nyttast til næringsformål. Dette må ein i alle tilfelle komme tilbake til uavhengig av denne plansaka. Sektoren vest for krysset er prega av aktivt landbruk og bør etter adm.sjefen si vurdering ikkje endrast. I lag med mange andre interessentar har Vestnes kommune meldt si interesse for å ta imot ein del av massane frå tunnelanlegget. Hensikta er å kunne gjere nødvendig massutskifting for å utvide næringsområdet på Trohaugen, samt fylle ut aktuelle areal i kommunesenteret i samsvar med ny reguleringsplan for Helland. Ny E39 stadfestar Vestnes sin posisjon, ikkje berre midt i fylket, men også i skjeringspunktet mellom stamvegen nod-sør (E39) og stamvegen aust-vest (E136). Med raskare veg til arbeidsmarknadane både rundt Ålesund, Molde og i Rauma, ser adm.sjefen stort potensiale for vekst og bygdeutvikling i Vestnes generelt og i aksen Tomrefjord Helland - Vikebukt spesielt. På dei eine sida er denne effekten truleg avhengig av bompengesatsane, der effekten mest sannsynleg kan reknast som omvendt proporsjonal med storleiken på bompengane. På den andre sida er bompengane tenkt som eit forbigåande fenomen. Det kan vere krevjande for oss som lever i dag å planlegge og drive dugnad (betale bompengar) for ei framtid mange av oss kanskje ikkje får delta i. Likevel må vi løfte blikket og sjå at det kjem ei tid etter bompengane. Adm.sjefen er såleis optimistisk med tanke på bygdeutvikling, næringsutvikling og framtida for Helland som eit kompakt og attraktivt regionalt handelssenter og turmål på sørsida av fjorden. Kaianlegg Bygging av tunnel under Romsdalsfjorden vil generere eit stort volum med overskotsmasse, anslått til om lag 3,5 millionar m 3. Masseoverskotet er tenkt handtert ved å transportere mest mulig med båt/splittlekter. Dette som følgje av at slik transport er rasjonell til fleire av dei største potensielle mottakarane (for eksempel Kjerringsundet), og at ein samtidig (av trafikktryggingsog miljømessige årsaker) bør redusere belastninga av transport på eksisterande vegnett. I tillegg er det aktuelt å skipe inn materialar til anlegget som for eksempel armering mv. via kai nærast muleg anlegget. For å kunne transportere på sjø er ein avhengig av å etablere eigna kaianlegg på lokalitet som gir kortast mulig transport for steinmassane og andre materialleveransar. Etter adm.sjefen sitt syn er derfor Kjellneset eit naturleg val. Når storsamfunnet legg ressursar i å bygge slike fasilitetar, er det også ein naturleg tanke at dette kan bli ein permanent og positiv faktor for næringsutvikling i Vestnes. Kjellneset er strategisk godt plassert i fjordsystemet, sjølv om været av og til kan stå hardt på. Kaianlegg i nærleiken av Trohaugen næringsområde kan vere ein god kombinasjon i ei framtid der målet er å få meir transport over på kjøl. Industriområdet på landsida ved kaianlegget var først tenkt plassert noko lenger sør. I planforslaget er arealet justert så langt nord som muleg av omsyn til nærliggande busetnad. Ein konsekvens er innløysing av eigedom på nedsida av fylkesvegen. Kai og industriareal har etter adm.sjefen si vurdering ei form, plassering og konsekvens som er akseptabel. Fv Trafikktrygging

5 Det er gjennomført eigen trafikktryggingsinspeksjon på Fv661, særleg med tanke på at denne vegen (mellom Viåna og Vestnes) kan bli nytta som del av E39 i ein mellomfase. Med vesentleg auka trafikk, må det gjerast tiltak som etablering av gjennomgåande gang-/sykkelveg og utbering eller endring av ein del uheldige avkjørslar. Dette er gjort til eit rekkefølgekrav i føresegnene til planforslaget. Adm.sjefen er svært nøgd med at trafikktrygging langs Fv 661 blir godt ivaretatt og ser fram til nærare samarbeid med Statens vegvesen om oppfølging av dette. Reisetidsinnsparingar (Effektmål 1) Eit effektmål for E39 Vik Julbøen er innspart reisetid Molde Vestnes på 24 minutt. Målet er sett i forhold til ferjetilbodet i I dagens reisetid er gjennomsnittleg ventetid på ferja rekna inn i tidsbruken. Adm.sjefen meiner det er misvisande å vise til dagens ferjetilbod som samanlikningsgrunnlag og påpeikar at ein også opererer med estimerte framtidige trafikktal. Utan ny E39 er det pårekneleg at ferjetilbodet må styrkast med 15 eller 20 minutts avgangsintervall. I tillegg må også hurtigbåttilbodet takast med. Innsparing og tidsbruk vil variere utifrå kva som er det geografiske utgangspunktet på reisa. Med ny E39 blir det om lag 4 mil frå sentrum til sentrum Molde Vestnes. Det er då rimeleg å anta at det blir noko redusert reisetid med privatbil frå den vestlege delen av kommunen samanlikna med dagens ferjetilbod, men at det faktisk kan blir lengre tid for reiser frå sentrale og austlege del av kommunen. Dette er moment som gir tyngde til kravet om å oppretthalde hurtigbåtruta. Døgnopen E39 (Effektmål 2) Med tunnel under fjorden og bru over Julsundet blir sør- og nordsida av Romsdalsfjorden landfast og folket kan reise når dei vil. For Vestnes sitt vedkomande er det nok dette effektmålet som tydelegast blir oppnådd. Bu- og arbeidsmarknad (Effektmål 3) E39 Romsdalsfjorden vil generelt binde arbeidsmarknadane nord og sør for Romsdalsfjorden tettare saman og legge grunnlag for ein større samanhengande arbeidsmarknad i Møre og Romsdal (sjå også vurdering av effektmål 5 om muleg verknad i Vestnes). Samtidig får næringslivet nye lokaliseringsmulegheiter, noko som igjen kan påverke busettingsmønsteret. I 2012 publiserte TØI en rapport om «Potensiale for regionforstørring» i Norge. Rapporten viser at nytt vegnett vil gjere at store deler av Vestnes får potensiale for befolkningsvekst, mens det med dagens vegnett berre er Helland som har eit potensiale. Det kan nemnast at berekna samfunnsnytte av delprosjektet gir avgrensa informasjonsverdi. Gjennom å sjå på heile strekninga E39 Ålesund - Molde ein ser ein dei verkeleg store samfunnsverknadane, sjølv om ein klart ser potensiale for auke i arbeidsmarknad og endra busettingsmønster også for delprosjektet E39 Romsdalsfjorden. Sykkelruter (Effektmål 4) Ein stamveg med motorvegstandard, som samtidig i stor grad består av ein ca. 16 km lang undersjøisk tunnel og ei hengebru med samla lengde på nesten 2 km, gir i utgangspunktet ingen mulegheit for sjølvstendig langsgåande ferdsel for mjuke trafikantar. Tilbod til slike trafikantgrupper skal ifølge Vegnormalene ikkje leggast langs motorvegen, men langs parallellført lokalvegsystem. I dette tilfellet har ein av naturlege årsakar ikkje noko slikt lokalvegsystem. Det er søkt om og godkjent fråvik for å etablere gang-/sykkelveg som del av brua over Julsundet. Dette er foreslått etablert som en kombinert trase for gåande/syklande saman med saktegåande kjøretøy (traktor/moped mv.). Gangvegen over brua vil få ei breidde på 4,5 m, og traseen vil kunne bli signalregulert for å unngå møtande trafikk av større kjøretøy. Det vil ikkje være mulig å støyskjerme traseen over brua av omsyn til aerodynamiske verknader på hengebrua. I tunnelen vil det ikkje være tillat med ferdsel for gåande/syklande. I den grad gåande/syklande har behov for å krysse Romsdalsfjorden vil alternativa være ferjesambandet Dryna-Brattvåg (som er definert som Nasjonal sykkelvegtrase), hurtigbåt Molde Vestnes (føresett at tilbodet blir oppretthalde) og med buss. I komande anbodsrundar for busstrafikk vil det være aktuelt å definere krav om at bussene skal kunne ta med eit gitt tal syklar.

6 Konsekvensen av ny E 39 og sambandet over Kjerringsundet vil bli eit fantastisk tilbod om sykkelruter frå Molde og utover øyriket i Aukra og Midsund, men som for Vestnes-sida i praksis blir tungvindt å ta del i. Det er heller ikkje gitt at ny E39 kan konkurrere med ferja når det gjeld attraktivitet for dei som syklar ved pendling mellom Molde og Vestnes Kollektivtrafikk (Effektmål 5) Gjennom høyring av planprogrammet har Vestnes kommune tydeleg kommunisert viktigheita av hurtigbåtens vidare eksistens. Statens vegvesen er ikkje eigar eller drivar av hurtigbåten og kan såleis ikkje gje lovnadar om framtidig tilbod. Ny E39 vil gje andre krav til og mulegheiter for kollektivtrafikken over Romsdalsfjorden. Spesielt blir strekninga Molde-Vestnes endra. Frå å ha eit sentrum-sentrum tilbod med båt og eit høgfrekvent ferjetilbod skal tilbodet løysast med båt og buss eller berre med buss. Det kan etablerast gode tilbod både med buss og med båt. Berre båten kan vinne over bilen i reisetid, men for brukarane vil både buss og båt vere eit gunstig val, særleg så lenge det er bompengar på vegen. Flest muleg kollektivreisande på strekninga er også i tråd med staten sitt mål om nullvekst i bruk av privatbil i byområde. Dessutan; for Vestnes og Rauma kommunar vil eit godt kollektivtilbod vere ein føresetnad for at dei også i framtida skal vere ein del av eit felles bu-, arbeids- og servicemarknad med Molde, både på grunn av bompengar på strekninga Molde- Vestnes og på grunn av den reisetid og frekvens buss og hurtigbåt vil kunne tilby i forhold til bil. Trafikkinntektene på kollektivtrafikk dekkjer ikkje driftsutgiftene verken for buss eller hurtigbåt. Høg lokaltrafikk vil likevel vere eit argument for både å skape og oppretthalde eit godt gjennomgåande kollektivtilbod til nytte for heile regionen. Det er Møre og Romsdal fylkeskommune som har ansvaret for buss- og båtrutene. Ein er avhengig av politisk vilje og økonomisk evne til å finansiere desse. Adm.sjefen legg stor vekt på at hurtigbåten må vere ein del av kollektivtilbodet også i ei framtid med ny E39. Etter adm.sjefen si vurdering er dette vesentleg for at Molde skal oppretthalde sin attraktivitet som del av vår skule- og arbeidsmarknad. Utan hurtigbåt vil truleg Vestnesingane i større grad vende seg sørover og bort frå Molde. Det er planlagt busslommer ved krysset på Vik, lagt på ramper eller lokalvegsystem der fartsnivået tillet slik plassering. For at kollektivtilbod langs E39 (ekspressbuss mv.) skal være attraktivt er det av stor betydning at stoppestaden er bygd og utforma slik at ein minimerer tidsheftet ved kvar stopp. Det er også viktig å etablere busslommer slik at dei reisande får kortast muleg strekning å gå mellom lommene og til/frå parkeringsplass (park & ride). Alle busslommer skal utformast i samsvar med gjeldande krav om universell utforming. Planforslaget varetek desse momenta, men om det blir meir eller mindre attraktivt å reise kollektivt med buss til/frå Vik enn å bruke ferje og hurtigbåt er eit ope spørsmål. Oppsummering Med utgangspunkt i vedtatt konsept, vurderer adm.sjefen det framlagde planforslaget som nær optimalt med tanke på linjeføring, arealdisponering og konsekvensar av dette. Ny E39 gir store mulegheiter for næringsutvikling ved knutepunktet på Vik med tilgang til kai på Kjellneset. Sjølv om ein må pårekna at potensialet for vekst i bygdeutvikling og busetting er mindre i bompengeperioden, er det likevel rett å ha eit meir langsiktig perspektiv på dette. Effekten vil heller ikkje vere like tydeleg eller god for Vestnes, som for regionen generelt, når det gjeld reisetidsinnsparingar, utvikling av felles bu- og arbeidsmarknad med Molde og gang- /sykkeltilbod over fjorden. Nettopp derfor er det viktig å oppretthalde hurtigbåtdrifta som ein del av kollektivtilbodet og arbeide for politisk vilje og forståing for dette i fylkeskommunen. I det store biletet vil positiv utvikling av regionen også vere eit gode for Vestnes. No gjeld det å maksimere dei positive effektane ny E39 kan føre med seg for Vestnes kommune. Særutskrift til: Statens vegvesen

7 Vedlegg: 1 E39 Kryssing Romsdalsfjorden - oversending av reguleringsplanforslag for utlegging til offentleg ettersyn 2 E39 Vik-Julbøen - Innspel til reguleringsplanen på Vik frå Vestnes kommune frå Statens vegvesen 3 Planomtale_E39 Vik-Julbøen 29_04_ Vestnes_nivå 2 5 Vestnes_tunnel 6 Reguleringsføresegner_E39 Vik-Julbøen-Vestnes kommune 02_05_ E39 Vik - Julbøen - kryssing Romsdalsfjorden - oversending av vedtatt planprogram 9 Særutskrift - Reguleringsplan E39 - Romsdalsfjorden - Planprogram 10 Planprogram 10 E 39 Romsdalsfjorden - brev frå Samferdselsdepartementet til Vegdirektoratet