Hetlevikåsen fjernvarmeanlegg i Loddefjord

Transkript

1 Rapport Hetlevikåsen fjernvarmeanlegg i Loddefjord Støyfagleg underlag til reguleringsplan Fasadeskisser for fjernvarmeanlegget, per Kjelde: Wiberg AS, Arkitektur & plan for BKK Varme AS desember 11

2 Rapport sider Voss Versjon Vår ref Sweco Norge AS, Voss _RIAKU_D doc Deres dato Arkiv Deres ref Inge Hommedal TIL KOPI TIL Asplan Viak AS BKK Varme AS Postboks 2304, Solheimsviken v/ Gunnar Hernborg 5824 Bergen Postboks Bergen Att.: Mats Mastervik Tittel Hetlevikåsen fjernvarmeanlegg i Loddefjord Støyfagleg underlag til reguleringsplan Samandrag BKK Varme AS planlegg ei lokal fjernvarmeutbyggjing i Loddefjord i Bergen kommune. Denne rapporten dannar støyfagleg underlag for fjernvarmeanlegg-delen av utbyggjinga og dekkjer støy frå drift av eit framtidig fjernvarmeanlegg. Arbeidet er gjort i tråd med gjeldande retningsline for støy i arealplanleggjing, T-1442 frå Miljøverndepartementet og Bergen kommune sine kommuneplanføresegner om støy. Etter ynskje frå oppdragsgjevar er det gjort tilleggsvurderingar ut frå Teknisk forskrift / NS Etter vår vurdering vil det vera rett å leggja krav til støy frå industri til grunn i denne saka. Anlegget vil få døgnkontinuerleg drift og dimensjonerande støyparameter vil vera støy på nattestid. Så framt vidare planleggjing, utføring og drift av fjernvarmeanlegget vert gjort på ein støymessig god måte vil det truleg vera greitt å tilfredsstilla gjeldande krav i T-1442 og Teknisk forskrift / NS 8175 til støy ved nærliggjande bustader. Planlagd vegtransport av brensel til anlegget vil utgjera få turar, og vil ikkje gje monalege tilskot til samla vegtrafikkstøy i området. Støy i høve til eventuelle park- og friluftsområde er ikkje vurdert. Denne revisjonen av rapporten tek føre seg mindre endringar i plassering av anlegget samt resultat av høyringsinnspel. A. Revisjon 2. Utarbeidd av Inge Hommedal E-post: inge.hommedal@sweco.no Tlf.: Sign. Internkontroll (Fagleg gjennomgang. Metodikk og føresetnader. Språk og presentasjon) Bernt Heggøy Sign. Rapportorginal med signaturar er arkivert hjå Sweco Norge AS Denne rapporten skal kopierast komplett Utdrag kan brukast etter skriftleg samtykke Sweco Norge AS, Voss Tvildesvegen 16D Telefon Voss Telefaks NO MVA

3 INNHALD 1. INNLEIING FØRESETNADER OG METODE... 4 Underlag... 4 Metode FAGUTTRYKK... 5 Akustikkfaglege uttrykk... 5 Forklaring... 5 Andre faguttrykk OFFENTLEGE FØRINGAR FOR STØY... 5 Nasjonale føringar... 5 Bergen kommune sine føringar... 7 Vurdering ANALYSE, VURDERINGAR OG STØYFAGLEGE FØRINGAR/KRAV... 7 Kortfatta skildring av tiltaket... 7 Dimensjonerande støykrav... 8 Vurderingar og støyfaglege føringar/krav... 8 Utrekningar av støy frå fjernvarmeanlegget i driftsfasen... 8 Krav til støy frå fjernvarmeanlegget i driftsfasen... 9 Støy frå vegtrafikk i området, sett i ljos av tiltaket... 9 Krav til støy i anleggs- og byggjefase KONKLUSJON AKTUELT FRAMTIDIG ARBEID REFERANSAR VEDLEGG A. Snitt gjennom planlagt fjernvarmeanlegg B. Ortofoto av Loddefjord, med indikert planområde for fjernvarmeanlegget C. Planavgrensing i høve til naboeigedomar D. Illustrasjonsplan av anlegget E. Dimensjonerande støysonekart for Hetlevikåsen fjernvarmeanlegg... 18

4 1. INNLEIING Denne utgreiinga er utarbeidd av Sweco Norge AS - Voss (tidlegare Kilde Akustikk AS) på oppdrag frå Asplan Viak AS / BKK Varme AS og tek føre seg BKK Varme AS sin planlagde Hetlevikåsen fjernvarmeanlegg i Loddefjord i Bergen kommune. Denne 2. utgåva av utgreiinga kommenterer i noko mon høyringsmerknader som er komne inn i løpet av planarbeidet. Endra plassering av skorsteinen og andre justeringar av fjernvarmeanlegget er også inkluderte. Utgreiinga dannar støyfagleg underlag for fjernvarmeanlegg-delen av utbyggjinga og dekkjer støy frå drift av eit framtidig fjernvarmeanlegg. Arbeidet er gjort i tråd med gjeldande retningsline for støy i arealplanleggjing, T-1442 frå Miljøverndepartementet. Vår vurdering er at det er krava til støy frå industri i T-1442 (avsnitt 3.1) som skal vera førande i denne saka. Etter ynskje frå oppdragsgjevar er det likevel gjort tilleggsvurderingar ut frå Teknisk forskrift / NS Støy frå fjernfjernvarmeanlegget er tidlegare utgreidd utan desse tilleggsvurderingane 2. Gjeldande rapport er fullstendig, og kan lesast uavhengig av den tidlegare rapporten. Hovudføremålet med utgreiinga er å syna kva støykrav som lyt stillast til vidare planleggjing, utføring og drift av fjernvarmeanlegget. Deltema støy er også diskutert i tidlegare utført miljøvurdering av tiltaket 3. Gjeldande rapport er kortfatta og oppsummerer dei viktigaste aspekta i saka. Støy i høve til eventuelle park- og friluftsområde er ikkje vurdert. 2. FØRESETNADER OG METODE Underlag Metode Denne utgreiinga er tufta på underlag 4 og korrespondanse med Asplan Viak AS. Det er føresett leveranse av brensel med 1-2 vogntog per døgn, på vyrkedagar. Det vil vera sesongmessige variasjonar i dette, men samla omfang er oppgjeve til å vera om lag 400 vogntog per år. Det er vidare føresett at støy frå fjernvarmeanlegget om nettene vert jamn, utan tydelege toppar. Opplysningar om adresser og bygningstypar er henta frå Bergen kommune sitt digitale kartverk på Internett, Det er ikkje utført eiga støyfagleg synfaring i oppdraget. Utrekningar av støy er gjorde i tråd med den fellesnordiske metoden 5, implementert i rekneverktøyet NoMeS 6. Rapport Side 4 av 18

5 3. FAGUTTRYKK Akustikkfaglege uttrykk Forklaring Årsmidla støynivå, L den, er eit langtidsmidla (døgn/år) støynivå der støybidraga om kveldane (19-23) er gjevne eit tillegg på 5 db og støybidraga om nettene (23-07) er gjevne eit tillegg på 10 db. Støyproduksjon om kveldane og nettene vert altså «straffa» med høvesvis 5 db og 10 db før samanlikning med tilrådde grenser, dette for å sikra betre vern mot m.a. søvnforstyrringar. Støynivå midla over netter, L natt (engelsk utrykk: L night ): Støynivå midla over nattperiodar (23-07). Maksimalt støynivå, L p,afmax : Høgaste støynivå som førekjem jamnleg. Maksimalt støynivå vert brukt m.a. for å vurdera risiko for søvnforstyrringar. Maksimale støynivå er kortvarige toppar, ikkje langtidsmidla støynivå. L den og L night er innførde med retningslina T-1442 (sjå nedanfor) i Noreg frå Støysonekartleggjing skal i hovudsak gjerast ved å syna L den i eigne temakart, som i denne rapporten. I dette tilfellet vil L den vera styrande for utbreiing av støysonene (sjå nedanfor). L den, L night og L p,afmax er A-vekta støynivå. A-vektinga jamnar ut at menneskeøyra er mindre vârt for basslyd enn for lyd i mellomliggjande frekvensområde NS 8175 (sjå nedanfor) opererer også med krav til C-vekta maksimalt støynivå, L p,cfmax. Andre faguttrykk Teknisk installasjon, (frå NS 8175): «Bygningsteknisk installasjon, utendørs eller innendørs, som ventilasjonsanlegg, heis, varmeanlegg, kjøleanlegg, sanitæranlegg, sentralstøvsuger, varmepumpe og andre lignende installasjoner som er nødvendige for bygningens drift.» 4. OFFENTLEGE FØRINGAR FOR STØY Nasjonale føringar Gjeldande støyretningsline Retningsline for handsaming av støy i arealplanlegging, T vart innført i januar I retningslina står det at der det skal koma ei ny støykjelde, t.d. ei industriverksemd, skal denne i utgangspunktet planleggjast slik at eksisterande støysensitive bygg (bustader, fritidsbustader, skular, barnehagar, institusjonar, osv.) ikkje ligg i område med høg støy (gul eller raud støysone) utan at det er vurdert om det er rimeleg ut frå andre planomsyn og/eller kostnadsomsyn. Støysonegrensene for støy frå industri er synte i tabell 1. Rapport Side 5 av 18

6 Tabell 1: Kriterer for soneinndeling. Alle tal oppgjevne i db som frittfeltverdiar. Støysone Støykjelde Gul Raud Utandørs støynivå, årsmidla Utandørs støynivå, i nattperioden kl Utandørs støynivå, årsmidla Utandørs støynivå, i nattperioden kl Industri, hamner og terminalar Utan impulslyd L den = 55 db Med impulslyd L den = 50 db L night = 45 db L 5AF = 60 db Utan impulslyd L den = 65 db Med impulslyd L den = 60 db L night = 55 db L 5AF = 80 db Yttergrensa for gul støysone i T-1442 er identisk med tilrådd øvre grense for støy frå industri i retningslina (sjå tabell 2 i T-1442). Denne tilrådde øvre grensa er ikkje rettsleg bindande. Krav til støynivå kan derimot verta rettsleg bindande om dei vert tekne inn i kommuneplan- eller reguleringsplanføresegner, sjå nedanfor. Merknad: Ein del personar vil vera plaga av støy også utanfor gul støysone. Ved yttergrensa for gul støysone vil såleis inntil 10 % av busette personar framleis vera sterkt plaga av støy. Etter T-1442 bør ein ta høgd for utvikling år fram i tid. Det er ikkje føresett auka støyutslepp frå fjernvarmeanlegget i denne tidsbolken. Om så skulle verta tilfelle bør dette handterast i framtidig planleggjing av eventuelle endringar i fjernvarmeanlegget. T-1442 tek ikkje føre seg støy frå tekniske installasjonar (sjå nedanfor). Teknisk forskrift / NS Støy frå tekniske installasjonar TEK, Plan- og bygningslova si tekniske forskrift, har i ein eigen standard NS 8175 gjeve grenser for tillateleg støy som kjem utanfrå og belastar nye bustader innandørs og på uteplassar. NS 8175 er samordna med planretningslina T-1442, dvs. grensene i T-1442 er gjort gjeldande for nye bustader. Sweco vurderer det slik at krav til støy frå ein ny teknisk installasjon til eksisterande bustader bør vera dei same som krav til støy frå eksisterande teknisk installasjon til nye bustader. Dette sjølv om ein slik situasjon ikkje er dekka i NS NS 8175 gjev i tabell 6 også høgaste tilletne grenseverdiar for maksimalt støynivå på uteareal og utanfor vindauge frå tekniske installasjonar i same bygning eller i annan bygning. For aktuell lydklasse C ser tabell 6 slik ut: Høgaste grenseverdi for maksimalt støynivå om natta (23-07): L p,afmax = 35 db Høgaste grenseverdi for maksimalt støynivå om kvelden (19-23): L p,afmax = 40 db Høgaste grenseverdi for maksimalt støynivå om dagen (07-19): L p,afmax = 45 db. Rapport Side 6 av 18

7 Bergen kommune sine føringar Vurdering Bergen kommune har vedteke kommuneplanføresegner 8. I desse føresegnene vert m.a. dei tilrådde støygrensene i T-1442 rettsleg bindande forskrifter, ikkje retningsliner. Punkt 15 omhandlar støy og tek føre seg støy frå vegtrafikk og frå skinnegåande trafikk. For andre støykjelder, m.a. industri, er det synt til meir generelle reglar for utarbeiding av ROS-analyser. Slik Sweco Norge AS vurderer det fell støy frå fjernvarmeanlegget klart inn under støy frå drift av industrielle aktivitetar. Slik støy skal vurderast som støy frå industri (jfr. T- 1442). Etter ynskje frå oppdragsgjevar er støy frå fjernvarmeanlegget likevel her vurdert som støy frå teknisk installasjon (jfr. NS 8175/Teknisk forskrift). Desse krava er 10 db strengare. 5. ANALYSE, VURDERINGAR OG STØYFAGLEGE FØRINGAR/KRAV Kortfatta skildring av tiltaket Situasjon Fjernvarmeanlegget i Loddefjord er planlagt plassert i Hetlevikåsen, på ei kommunal tomt. Plassering og utforming går fram av skisser i vedlegg B, C og D samt framsida av denne rapporten. Fjernvarmeanlegget skal fyrast med flis/returvyrke som grunnlast og med lettolje/bioolje som spisslast. Maksimal samla termisk effekt vil vera om lag 14 MW og årleg levert energi i form av fjernvarme vil vera om lag 27,5 GWh. Mest utsette bustader vil vera rekkjehus søraust for planlagd varmesentral (Hetlevikåsen 196, m.fl.), rekkjehus nordvest for fjernvarmeanlegget (Hetlevikåsen 246, m.fl.) samt blokker nord for fjernvarmeanlegget (Vestre Vadmyra 2, m.fl.). Minste avstand frå skorsteinen på fjernvarmeanlegget til vindauge på bustad vil vera om lag 95 m. Støykjelder og drift Fjernvarmeanlegget vil vera eit kombinert anlegg med fyring frå flis/returvyrke og frå flytande brennstoff (lettolje og bio-olje). Dei viktigaste støykjeldene vil truleg vera frå luft/gasstraumar og frå lossing/transport internt i anlegget. Døme på slike kjelder vil vera: Skorsteinsopning Vifter og opningar for forbrenningsluft Transportsystem (inkludert lossing) av biobrenselet. Eventuelle damputslepp (impulsiv eller nær impulsiv støy) Dei ulike støykjeldene er kvalitativt diskuterte i tidlegare arbeid 1. Rapport Side 7 av 18

8 Dimensjonerande støykrav Sidan dette er eit anlegg som vil få døgerkontinuerleg drift, vil dimensjonerande støykrav (om ein vel å sjå på støykjelda som støy frå teknisk installasjon) vera nivået på nattestid, L P,AFmax (sjå ovanfor). Lossing av brensel vil føregå på dagtid, og vil såleis ikkje bidra til den nattlege støyen. Vifter og opningar for byggventilasjon vil truleg vera underordna for støybiletet. Vurderingar og støyfaglege føringar/krav Naudsynte krav til støy frå einskildkjelder vert bestemte av dei krava som lyt stillast til samla støy frå heile anlegget i driftsfasen. Med eit innebygd anlegg som her vil ein ha gode sjansar for å stetta strenge prosjektkrav til støyutslepp. Det vert føresett at fjernvarmeanlegget vert bygd i material som fører til at støy som trengjer ut gjennom veggar og tak tyder lite for det samla støybiletet. Dette vil truleg ikkje utløysa strenge krav til materialbruk normalt vil ein klara seg med ein lett, isolert ytterveggs- og takkonstruksjon. I prosjekteringa av bygget lyt det setjast av tilstrekkjeleg plass til dempekomponentar for demping av støy frå forbrenningsprosessen. Denne støytypen vert overført gjennom kanalar for røykgass og forbrenningsluft. Vifter til luftinntak og røykgassar lyt vera tilstrekkjeleg støysvake og bør vera utstyrde med lyddemparar. Eventuelle større opningar for kjøleluft og liknande bør liggja på fasade som vender mot sørvest slik at sjølve varmesentralbygget fungerer som skjerm for utsette bustader mot nord, aust og sør. Truleg vil skorsteinsopninga utgjera den dominerande lydkjelda. Skorsteinen får ei høgd på 33 m og får opninga på 88,5 m.o.h. eller lågare. Dette vert ei høg kjelde, som dermed strålar ut støy med lita naturleg terrengskjerming og likt i alle retningar. Støybiletet varierer då i lita grad med høgd over bakken og vil høyrest stort sett likt ut t.d. nær bakken og oppover bustadblokkfasadane. For andre kjelder, t.d. ventilasjonsopningar i fasadar vil lydeffekten variera med retning ettersom bygget vil skjerma mot desse støykjeldene. Infralyd (dvs. lyd med frekvensar under 20 Hz) vil ikkje vera eit problem ved dette fjernvarmeanlegget. Utrekningar av støy frå fjernvarmeanlegget i driftsfasen Det er etablert ein forenkla støymodell for anlegget ved at skorsteinen er sett som ei punktkjelde i dataprogrammet NoMeS 4.5. Inngangsdata for støymodellen er digitalt kartverk med høgder på terreng og bygningar. Vidare er det lagt inn lyddata for skorsteinen som gjev L P,AFmax = 35 db i mest utsette fasadepunkt på mest utsette bustad, med føresetnad om akustisk hard mark ved kjelda (skorsteinen) og akustisk mjuk mark i mellomområdet og i alle utrekningspunkta. Med føresetnad om medvind (i tråd med gjeldande fellesnordiske reknemåte) og L P,AFmax = 35 db i mest utsette fasadepunkt på mest utsette bustad tilsvarar det ein lydeffekt på skorsteinskjelda på L WA = 85 db. Vedlegg E syner eit støysonekart der kote for L P,AFmax = 35 db er synt. Denne koten vil vera dimensjonerande for framtidig støy frå fjernvarmeanlegget. NB! I vedlegg E er støybiletet 4 m over lokalt terreng synt, medan støyen i mest utsette fasadepunkt på mest utsette bustad er L P,AFmax = 35 db. Denne verdien (L P,AFmax = 35 db) er brukt for å finna dimensjonerande lydeffekt L WA = 85 db. Rapport Side 8 av 18

9 Støysonekartet i vedlegg E ligg også ved rapporten som separat PDF-fil for utskrift i større format. Krav til høgaste avgjevne lydeffekt for skorsteinen vert altså L WA = 85 db. Det er likevel ikkje tilrådeleg å prosjektera for ein så høg lydeffekt. Dette fordi ein med L WA = 85 db manglar m.a. tryggleiksmargin og margin for eventuelle framtidige endringar. Krav til støy frå fjernvarmeanlegget i driftsfasen Frå drøftinga ovanfor ser ein at det er tilrådeleg å dimensjonera skorsteinen med ein avgjeven lydeffekt, L WA, på 79 db eller lågare. Med vanleg førekomande lydspekter for støy frå skorsteinsopningar vil også krav i NS 8175 for C-vekta maksimalnivå (L p,cfmax ) verta tilfredsstilte. Andre lydkjelder (ventilasjonsopningar, osv., som diskuterte ovanfor) må vera minst 10 db svakare enn skorsteinskjelda for ikkje å gje monalege bidrag til den samla støyen. Som nemnt i kapittel 4 vil støykrava skjerpast med inntil 5 db om dominerande støykjelder i fjernvarmeanlegget får tydelege reintonar eller impulsiv støy. Støy frå lossing av biobrensel ved heilt eller delvis opne portar i bygget vil neppe utgjera noko praktisk eller formelt problem. Dette kan likevel stilla høgare krav til prosjektering av støynivå inni bygget, for å unngå sjenerande nivå av prosesstøy ved utsette bustader. Portar og andre opningar bør vera lukka når det ikkje førekjem lossing. Støy frå vegtrafikk i området, sett i ljos av tiltaket Denne delen av Hetlevikåsen er prega av lokaltrafikk. Like aust for planlagd varmesentral ligg det ei snu-sløyfe for buss. Per i dag er det om lag 20 bussavgangar i døgeret frå denne. Nasjonal vegdatabank oppgjev at Hetlevikåsen sør for denne sløyfa har ein årsdøgertrafikk (ÅDT) = 1500 køyretøy/døger, med ein skilta fart på 50 km/t. Så framt brenselsleveransen vert som føresett, med 1-2 vogntog per dag, vil denne ikkje gje monalege tilskot til vegtrafikkstøyen i området. Vegtrafikkstøy er difor ikkje omtala vidare her. Krav til støy i anleggs- og byggjefase Støyretningslina T-1442 gjev også grenser for byggje- og anleggsstøy (BA-støy). Grensene er graderte etter kor lenge anleggs- og byggjeperioden varer. Reglane for byggje- og anleggsstøy legg stor vekt på god informasjon og kommunikasjon med naboskapet om anleggsarbeida. Det er kjent at BA-støy har stort potensiale for å uroa, større enn for dei fleste andre typar støy. God kommunikasjon aukar toleransen for støy og førebyggjer uttrykte støyplager. Støy frå større BA-aktivitetar skal prognoserast på førehand, og fylgjer for driftstid og eventuelle støyreduserande tiltak skal vurderast før anleggsstart. Det skal vera ei form for internkontroll (støyfagleg dokumentasjon av situasjonen, logg for kommunikasjon og aktivitet, m.m.) som sikrar at reglane vert fylgde. Rapport Side 9 av 18

10 Støygrensene er minst strenge på dagtid, og intensjonen bak støyreglane er at ein i stor grad lyt godta aktivitet på dagtid. Kompromiss som tillet praktisk utføring av BAarbeidet bør godtakast for dagperioden. Støyande aktivitet om kveldane og nettene har strengare grense og det bør ikkje kompromissast i same grad som på dagtid. Arbeid om nettene skal i utgangspunktet berre utførast når det er strengt naudsynt. Krav til støy frå anleggsarbeid om natta er tydeleg strengare enn dag og kveld. Støyande prosessar (t.d. spunting, steinknusing og steinhandtering) bør difor ikkje føregå om nettene. Reglane for BA-støy har status som rettleiing i T-1442, men føresegnene kan gjerast juridisk bindande gjennom: 1. Arbeidskontraktar, 2. reguleringsføresegner (Plan- og bygningslova), 3. vedtak av miljøstyresmakt etter Forurensningslova (t.d. frå Fylkesmannen si miljøvernavdeling), eller 4. gjennom vedtak frå lokal helsestyresmakt (altså etter Kommunehelsetenestelova). Jamfør tabell 4, tabell 5 og tabell 6 i T-1442 for aktuelle støygrenser og gradering etter kor lenge anlegget varer. 6. KONKLUSJON Det er føresett at støy frå fjernvarmeanlegget om nettene vert jamn, utan tydelege toppar. Slik Sweco Norge AS vurderer det fell støy frå fjernvarmeanlegget klart inn under støy frå drift av industrielle aktivitetar. Slik støy skal vurderast som støy frå industri (jfr. T-1442). Etter ynskje frå oppdragsgjevar er støy frå fjernvarmeanlegget likevel her vurdert og dimensjonert som støy frå teknisk installasjon (jfr. NS 8175/Teknisk forskrift). Desse krava er 10 db strengare. Det er tilrådeleg å dimensjonera skorsteinen med ein avgjeven lydeffekt, L WA, på 79 db eller lågare. Andre lydkjelder (ventilasjonsopningar, osv., som diskuterte ovanfor) må vera minst 10 db svakare enn skorsteinskjelda for ikkje å gje monalege bidrag til den samla støyen. Støy frå lossing av biobrensel ved heilt eller delvis opne portar i bygget vil neppe utgjera noko praktisk eller formelt problem, sidan lossinga vil vera einskildhendingar med liten påverknad av støynivået midla over døgeret. Ein bør likevel vurdera om lossinga vil stilla høgare praktiske krav til prosjektering av støynivå inni bygget, for å unngå sjenerande nivå av prosesstøy ved utsette bustader når portane er opne. Portar og andre opningar bør vera lukka når det ikkje førekjem lossing, dette gjeld særskilt om natta. Så framt desse støykrava vert ivaretekne i vidare planleggjing av fjernvarmeanlegget vil det truleg vera rimeleg greitt å tilfredsstilla krav i Teknisk forskrift / NS 8175 om støy frå teknisk installasjon, dette gjeld også krav til C-vekta maksimalnivå. Marginen opp til industristøykrav vert i så fall god. Infralyd vil ikkje vera eit problem ved dette fjernvarmeanlegget. Rapport Side 10 av 18

11 7. AKTUELT FRAMTIDIG ARBEID Så snart nøyaktig plassering, utforming og støyutslepp frå eit (detaljprosjektert) anlegg er kjende, bør tiltakshavar på eige iniativ få utarbeidd eit støysonekart, jfr. avsnitt i gjeldande støyretningsline T-1442 frå Miljøverndepartementet. Dette kartet, saman med tilhøyrande dokumentasjon skal så overleverast til Bergen kommune, som så bør samanstilla det med tilsvarande kart for andre støykjelder i området. På den måten vil støyutbreiinga frå fjernvarmeanlegget vera kjend og framtidig arealbruk i området kan dermed tilpassast. Rapport Side 11 av 18

12 REFERANSAR 1 Norsk Standard NS 8175:2008, «Lydforhold i bygninger. Lydklasser for ulike bygningstyper», Standard Norge Rapport frå Kilde Akustikk AS, dagsett «Miljøvurdering av fjernvarme: Varmesentral Loddefjord», rapport med referansenummer 29631, løpenummer 0001, revisjon E02, dagsett frå foreninga Norsk Energi. 4 M.a. digitalkart med terreng (1 m kotar), bygningar, vegliner, osv. som fila «521551Kart-3D.dwg» motteken «Environmentalt noise from industrial plants. General prediction method.» Report no. 32. Lydteknisk laboratorium, Lyngby, Danmark Versjon 4.5, underversjon dagsett Retningslinje for behandling av støy i arealplanlegging. T Miljøverndepartementet, Bystyrevedtak i Bergen kommune , sak Reviderte Rapport Side 12 av 18

13 VEDLEGG

14 VEDLEGG A. Snitt gjennom planlagt fjernvarmeanlegg Snitt gjennom planlagt fjernvarmeanlegg, med kotehøgder, per Toppen av skorsteinen får ei maksimal kotehøgd 88,5 m (ikkje synt på skissa). Kjelde: Wiberg AS, Arkitektur & plan. Rapport Side 14 av 18

15 Hetlevikåsen fjernvarmeanlegg i Loddefjord. Støyfagleg underlag til reguleringsplan VEDLEGG B. Ortofoto av Loddefjord, med indikert planområde for fjernvarmeanlegget NB! Jamfør vedlegg C for korrekt utstrekning av planområdet Rapport Side 15 av 18

16 Hetlevikåsen fjernvarmeanlegg i Loddefjord. Støyfagleg underlag til reguleringsplan VEDLEGG C. Planavgrensing i høve til naboeigedomar Rapport Side 16 av 18

17 VEDLEGG D. Illustrasjonsplan av anlegget Rapport Side 17 av 18

18 VEDLEGG E. Dimensjonerande støysonekart for Hetlevikåsen fjernvarmeanlegg N Rapport Side 18 av 18