Omtale av innleiarane

Transkript

1 Velkommen til Leiarkonferansen 2019! Første dag av konferansen vil vere felles for leiarane i skule og barnehage, medan vi deler oss i barnehage- eller skulespor dagen etter. Overordna tema for fellesdagen er læringsmiljø. Vi vil få høyre nyttige erfaringar frå fleire perspektiv som vonleg vil gje deltakarane viktige refleksjonar rundt temaet. I skulesporet dag to vil vi fokusere på fagfornyinga. Arbeidet har kome langt og vi nærmar oss implementeringsfasen med raske steg. Målet med dagen er at leiarane i skulen skal vere førebudde på det vidare arbeidet med fagfornyinga. I barnehagesporet dag to vil vi få eit innblikk i rapporten om barnehagelærarrolla, som vert eit viktig dokument i tida som kjem. Vi skal òg innom den nye rammeplanen, som framleis er aktuell. Implementeringsarbeidet er i full gang og vi vil få meir nyttig hjelp og nye refleksjonar rundt dette arbeidet. Omtale av innleiarane Camilla Otterlei Kunsten å møte ein bjørn mobbing i eit foreldreperspektiv Camilla Otterlei er lærar, forfattar og mor til tre barn. Ho og mannen opplevde det alle foreldre fryktar at barnet deira blei mobba først i barnehagen, sidan i skulen. I foredraget tek ho foreldreperspektivet og deler av deira erfaringar og tankar om mobbing og system som ikkje fungerer. For kva vil det seie å vere ein vaksen som ser? Kva kan konsekvensane for barnet, familien, ja heile læringsmiljøet vere dersom dei vaksne ikkje ser og grip inn? Og korleis møter vi bjørnen saman? Tittelen på foredraget er henta frå Otterlei si prisløna biletbok Kunsten å møte en bjørn, som utkom på Mangschou Forlag i 2015.

2 Aina Drage Aina Drage er mobbeombod i Sogn og Fjordane. Ho kjem frå Høyanger og har jobba som lærar på ulike trinn i Høyanger i 19 år. Det siste året har ho vore rådgjevar ved Fylkesmannen i Sogn og Fjordane og har jobba med skulemiljøsaker. Mobbeombodet er plassert i fylkesrådmannen sin stab og samarbeider tett med elev- og lærlingombodet i Sogn og Fjordane. Mobbeombodet jobbar for at alle barn og unge skal ha det trygt og godt i barnehagen og i barne- og ungdomsskulen. Ein viktig del av jobben er å vere med å førebyggje mobbing, følgje opp saker og vere tilgjengeleg som ein samtalepart for born, unge og foreldre/føresette. Hilde Valvik Menes - styrar Askedalen barnehage Utfordringar i leiarrolla knytt til inkluderande barnehagemiljø Hallgeir Hansen - rektor Firda vgs Refleksjonar rundt 9A i opplæringslova Simon Malkenes Kan styringssystem påverke læringsmiljøet? Simon Malkenes er fødd i Florø i Han er litteraturvitar og lektor og har sidan 2005 arbeidd ved Ulsrud vidaregåande skule. Malkenes har tidlegare utgitt fleire bøker, m.a. Bak fasaden i Osloskolen (2014). Våren 2018 fekk Malkenes tildelt varslarprisen Stockmanns Hammer for sitt "modige bidrag til å reise debatt om norsk utdanningspolitikk og situasjonen i Oslo-skolen" og Fritt Ords Honnørpris for sitt "kritiske søkelys på manglende ytringskultur i Oslo- skolen". I september 2018 fekk han og Skjervheim-prisen "som ei

3 anerkjenning av det arbeidet han har gjort, og som ei oppmuntring til han om å halde fram." Franz T. Gregersen Djupnelæring - framtidas læringsomgrep i skulen Frantz T. Gregersen er universitetslektor i pedagogikk ved Institutt for lærerutdanning ved NTNU og arbeider som seniorrådgjevar ved den ikkjekommersielle stiftelsen IMTEC. Han er utdanna allmennlærar med grunnfag i geografi, idrett og matematikk. I tillegg har han hovudfag i pedagogikk, med skuleutvikling som spesialfelt. Han har 20 års lærarerfaring frå grunnskule, vidaregåande skule og universitet i Norge og Danmark. Hans hovudfokus i dag er utvikling av djupnelæring i grunn- og vidaregåande skule. Ida Large Fagfornyinga - kva er viktig no og i tida framover? Ida Large er seniorrådgjevar i Divisjon for læring og vurdering i Utdanningsdirektoratet. Ho er utdanna cand. paed fra Universitetet i Oslo, og har jobba med praksisutvikling i over 20 år. Ho har mellom anna vore rektor på ein fagskule, jobba i Kunnskapsdepartementet med kvaliteten på fag- og svenneprøver, vore koordinator for den nasjonale satsinga på vurdering for læring og jobbar no med Fagfornyinga. Ida er oppteken av praksisutvikling i eit lærande samarbeid mellom universitet- og høgskulemiljøa, skulane og lærebedriftene, organisasjonane og utdanningsmyndigheitene.

4 Eli Gundersen Gerd Sylvi Steinnes Å planlegge for framtida - lokalt arbeid med fagfornyinga med særleg vekt på formålsparagrafen og overordna del Eli Gundersen arbeider som rettleiar i Utdanningsdirektoratet. Ho har vore skulesjef i Stavanger kommune i 13 år, avdelingsleiar på kommunenivå i Sandnes kommune, leiar og hovudtillitsvald i Utdanningsforbundet og lærar både på barnesteget og ungdomssteget. Eli Gundersen har hovudfag i pedagogikk frå Universitetet i Oslo og er også utdanna lærar. Ho har sete som medlem i Ludvigsenutvalet og har forelese om fagfornyinga og «Fremtidens skole». Barnehagelærarrolla i ulike spenningsfelt Gerd Sylvi Steinnes har mange års erfaring frå arbeid i barnehage, som pedagogisk leiar og styrar. Dei seinare åra har ho undervist ved Høgskulen i Volda, hovudsakleg i førskule/barnehagelærarutdanning, styrarutdanning og i rettleiarutdanning. Steinnes har hovudfag i pedagogikk frå UIO og er førsteamanuensis i profesjonsteori. Ho disputerte i 2014 ved HiOA. Avhandlinga med tittelen «Profesjonalitet under press?» handlar om førskulelærarar si meistring av rolla i lys av kvalifisering til yrket og arbeidsdelinga med assistentane. Avhandlinga viser korleis barnehagelærar kan oppleve ulike former for press i rolla. Steinnes er oppteken av å bidra til ei bevisstgjering av barnehagelærarar sin kompetanse, slik at denne kan gjerast synleg for barn, foreldre, medarbeidarar og samfunnet elles. Saman med Liv Torunn Eik har Steinnes gjennnomført eit toårig prosjekt om vurdering, initiert og finansiert av Utdanningsforbundet, i

5 samarbeid med to barnehagar. Ho har også gjennomført eit forskingsarbeid om kvalifisering til læraryrka, saman med Peder Haug. Steinnes er medforfattar av boka «Barnehagelæreres profesjonslæring», som blei lansert på Fagbokforlaget i januar Ho var medlem i Ekspertgruppa om barnehagelærarrolla, som leverte sin rapport til kunnskapsministeren i desember Marit Bøe Marit Bøe er førsteamanuensis ved Universitetet i Sørøst-Norge der ho blant anna underviser i tema leiing og pedagogisk utviklingsarbeid, både i masterutdanning, styrarutdanning og vidareutdanning for barnehagelærarar. Ho har arbeidd 17 år i barnehage. I 2016 disputerte ho med tittelen på doktorgraden: Personalledelse som hybride praksiser et kvalitativt og tolkende skyggestudie av pedagogiske ledere i barnehagen. Det siste halvanna året har ho vore leiar av sekretariatet for ekspertgruppa om barnehagelærarrolla. Turi Pålerud Sjå og forstå barn om vurdering i barnehagen Turi Pålerud arbeider som politisk rådgjevar i Utdanningsforbundet. Er barnehagelærar, fagpedagog og har skrive artiklar og bøker for og om barnehagelærarar.

6 Rune Holmedal Forskingsbasert endringsarbeid eit leiaransvar? Ei gjennomgåande utfordring når det gjeld endringsarbeid og implementering av ny kunnskap som skal føre til betre pedagogisk praksis, er rammevilkåra våre. Vi er pressa på tid og ressursar. Korleis kan vi handtere dette best mogleg? Rune Holmedal er verksemdsleiar i Heia barnehage og har lang erfaring som leiar innafor privat og kommunal sektor. Han har jobba i mange år innan barnevern og barnehage. Rune er opptatt av at endringsarbeid skal vere fundert i forsking og kunnskap, og ikkje synsing. Han er ein tydeleg og nærværande leiar som har fokus på kvalitet i barnehagen. Foredraget tar utgangspunkt i eit utviklingsarbeid der målet var å betre kvaliteten på språkstimuleringa i barnehagen han leier.