Saksframlegg. Kvinnherad kommune. Saksgang Saksnr Utval Møtedato Levekårskomiteen Omvikdalen skule. Kapasitet, krinsgrenser og skuleveg

Transkript

1 Saksframlegg Saksmappe Saksbehandlar 2018/ Anne Sofie Bjelland Kjeka Saksgang Saksnr Utval Møtedato Levekårskomiteen Omvikdalen skule. Kapasitet, krinsgrenser og skuleveg Innstilling frå rådmannen: Levekårskomiteen tek utgreiinga om romsituasjon og skuleveg/skuleskyss for elevane ved Omvikdalen skule til orientering og støttar rådmannen sine vurderingar i saka. Saksutgreiing: Bakgrunn for saka: Denne saka som gjeld kapasitetsproblem på Omvikdalen skule kjem opp på grunn av at skulen opplever å ha for lite areal til elevane som høyrer til der. Skulen manglar også god nok fysisk tilrettelegging til barn med særlege behov. I samband med dette bad skulen om å få ei ekstra brakke inn på skuleområdet med klasserom og grupperom til spesialundervisning. Saka vart utgreidd våren 2018 og det var forslag frå rådmannen om at det vert sett opp brakke på skuleområdet. Høyringsforslaget var til handsaming i levekårskomiteen og til høyring i skulekrinsen. Medan saka var til høyring, kom det krav frå FAU om skuleskyss for elevane i Lundsneset grunna utrygg skuleveg. Ekstra skuleskyss grunna trafikkfarleg skuleveg, er kostbart for kommunen og ville ført til omfattande økonomiske konsekvensar. Leige/innkjøp av brakke vil også føra til store omkostnader for kommunen, og økonomiplanen for legg opp til store økonomiske innsparingar. Lokal forskrift om krinsgrenser i, som er politisk vedteke, legg til grunn at elevar kan få tilbod ved naboskulen når ein skule er full og ikkje har kapasitet til fleire elevar. Ved ny handsaming av saka har ein gått djupare inn i elevtalet på Omvikdalen skule sett opp mot arealet på klasseromma. Det har også vore gjort ei ny vurdering på alternative tiltak for å få eit betre funksjonelt rom til spesialundervisninga. Lokale politiske vedtak Følgjande politiske vedtak i høve skulestruktur og skulekretsar i kommunen har verknad på denne saka: Sak nr. 2015/ Kommunedelplan for skulebruk Saka vart vedteken i kommunestyret dato: alternativet som vart vedteke handla om at skulestrukturen skulle fortsetja uendra. Sak nr. 2015/273 Lokal forskrift om krinsgrenser i. Vedlegg til kommunedelplan for skulebruk side 1

2 Saka vart vedteken i kommunestyret dato: Forskrifta inneheld grunnlag for skulekretsar og rutinar for sakshandsaming av enkeltvedtak, samt kartoversyn over alle vedtekne kretsar. Forskrifta inneheld også retningsliner om kapasitet. Miljøretta helsevern Godkjenning av barnehage/ skule vedtak / Vedtak om retting i medhald av lov om miljøretta helsevern / Vedtak om retting i medhald av lov om miljøretta helsevern /972 Utgreiing av saka I saksutgreiinga vert følgjande element vurdert; 1. Skulebygget og kapasitet 2. Skuleskyss og trafikkfarleg skuleveg 3. Elevtalet ved Malmanger og Omvikdalen skular 4. Barns beste 5. Vurderingar Lovgrunnlaget I utgreiinga av denne saka er det særskild to lovparagrafar i Opplæringslova som verkar inn. 8-1, handlar om retten til å gå på næraste skule og 13-4 omhandlar organiseringa av skuleskyss og ansvaret til Fylkesmannen ved usemje. 8-1.Skolen Grunnskoleelevane har rett til å gå på den skolen som ligg nærast eller ved den skolen i nærmiljøet som dei soknar til. Kommunen kan gi forskrifter om kva for skole dei ulike områda i kommunen soknar til. Kravet i 38 første leddet bokstav c i forvaltningslova om kunngjering i Norsk Lovtidend gjeld ikkje Ansvaret for skoleskyss m.m. Kommunen er ansvarleg for skyss av grunnskoleelevar og vaksne som har rett til skyss på grunn av særleg farleg eller vanskeleg skoleveg. Kommunen skal oppfylle retten til reisefølgje og tilsyn for grunnskoleelevar og vaksne. [Kommunen skal oppfylle retten til reisefølgje og tilsyn for førskolebarn, grunnskoleelevar og vaksne.] 1 Elles er fylkeskommunen ansvarleg for skyss, reisefølgje og tilsyn etter reglane i kapittel 7. Kommunane betaler refusjon etter persontakst for grunnskoleelevar og vaksne som blir skyssa av fylkeskommunen. Fylkeskommunen skal organisere skoleskyssen i samråd med kommunen. Dersom kommunen og fylkeskommunen ikkje blir samde om korleis skoleskyssen skal organiserast og finansierast, kan departementet gi pålegg. Departementet kan gi forskrifter om heimreiser, reisefølgje og opphald for dei som må innlosjerast for å få hjelp eller opplæring etter denne lova, dessutan forskrifter om skoleskyss, skyssgodtgjersle og heimfylket sitt ansvar for å refundere utgifter til skyss i samband med vidaregåande opplæring i eit anna fylke. Rundskriv frå Udir Utdanningsdirektoratet har i dette rundskrivet informert om kva sakshandsamingsreglar som gjeld for endring av skulestruktur og nedlegging av grunnskular. Barnekonvensjonen. Barnekonvensjonen er teken inn i norsk rett ved menneskerettsloven i 2003, og forpliktar kommunane til å leggja vekt på barns beste, mellom anna i saker om skulestruktur. Barnekonvensjonen artikkel 3 nr 1 er slik; «Ved alle handlingar som berører barn, enten de foretas av offentlige eller private velferdsorganisasjoner, domstoler, administrative myndigheter eller lovgivende organer, skal barnets beste være et grunnleggende hensyn.» side 2 Vegledar til miljøretta helsevern Veileder-til-forskrift-om-miljørettet-helsevern-i-barnehager-og-skoler-IS-2072.pdf

3 Omvikdalen skule - Skulebygget og kapasitet Omvikdalen skule er ein skule med gamal romstruktur. Ved utrekning av areal må ventilasjonsanlegget/aggregatet, hyller og skap som står i klasserommet trekkjast frå arealet. Undervisningspersonell (kvar lærar)skal også ha ein del av arealet i rommet. Dette finst det ikkje norm på, men rimeleg at dette er større enn arealnorm pr. elev, jf Arbeidsplassforskriften 2-1. Ut frå vegleiar til miljøretta helsevern 9 er anbefalt minstenorm for areal i eit undervisningsrom 2,0 m 2 pr. elev. Dersom det ikkje er rom med varierte arbeidsformer i nærleiken (grupperom t.d) bør arealnorma vera større, helst opp mot 2,5 m 2 pr. elev. Ved utrekning av areal på undervisningsrom må ei heilskapleg vurdering av ulike omsyn verta vurdert. Det kan dreie seg om inneklima, lys, akustikk, tryggleik, universell utforming, utforming av romma, kva rom som er i nærleiken. Kvart klasserom må vurderast kvar for seg. Miljøretta helsevern sitt vedtaket frå 2001 viser ikkje helseverngodkjenning med elevtal som maksimum elevtal som skulen er berekna for. Utrekning av kapasitet Ved utrekning av areal ved Omvikdalen skule har vi teke 2,5 m 2 pr elev som utgangspunkt som arealnorm. Denne norma er den som vert lagt til grunn dersom det ikkje er tilleggsrom i nærleiken til klasserommet. Vi la i tillegg til 4 m 2 for undervisningspersonell. Ventilasjonsanlegget som er i klasseromma er ikkje trekt frå arealet ved utrekninga. Tabellen under viser utrekning med tala vist ovanfor. Elevtala er for hausten Skulen driftar ein 6 delt-skule. Haust 2018 Klassetrinn Elevtal Rom Faktisk areal Minste arealnorm (2,5 m 2 pr elev og 4 m 2 pr undervisnings-personell) 1.klasse 14 A105 48,3 m 2 39 m 2 2. klasse 17 B205 58,8 m 2 46,4 m 2 3. klasse 14 B113 51,4 m 2 39,5 m 2 4.klasse 18 B202 56,3 m 2 49 m 2 5.klasse 11 A104 37,2 m 2 32,5 m 2 6.klasse og 7.klasse 18 (8+10) B m 2 48 m 2 Elevtalsutviklinga 2018/ / / / / /2024 Malmanger Omvikdalen Talgrunnlaget baserer seg på folkeregisteret og krinsgrensene henta ut frå Visma Flyt Skole 8.aug Detaljar i rekneark. Skuleveg og skuleskyss Elevar på 1. trinnet har i følgje Opplæringslova ein rett til gratis skuleskyss dersom skulevegen er meir enn 2 km og på trinnet ein rett når skulevegen er lengre enn 4 km. Avstanden vert målt frå dør til dør og kortaste farande veg. Kommunen kan, etter skjønn, innvilga skuleskyss grunna særleg trafikkfarleg skuleveg for kortare avstand enn 4 og 2 km dersom det etter ulike kriterier som mellom anna fartsgrense, oversikt, side 3

4 belysning, vegskulder, vegbreidde og eleven sin alder vert vurdert at vegen er ekstra farleg å ferdast på for barnet. Dette skal vera ei individuell vurdering med einskildvedtak. I utgreiinga av saka er kartet under utarbeidd for å gje oversikt over skuleveg og avstandar til skulane i Omvikdalen og Malmanger for elevane i Lundsneset/Seimshamrane Grå kartfarge = Malmanger skulekrins Lilla kartfarge = Omvikdalen skulekrins Omvikdalen skule. Blå strek indikerer 4 kilometer køyreveg frå skule. Gang/sykkelveg kan vere kortare eller lengre. Rosendal skule. Blå strek indikerer 4 kilometer køyreveg frå skule. Gang/sykkelveg kan vere kortare eller lengre. Krinsgrenser har fastsett forskrift for skulekrinsgrenser for heile kommunen. Det er såleis ikkje fritt skuleval. Det er nærskuleprinsippet som gjeld i høve fastsetjing av krinsgrensene. Dersom ein skule er full og ikkje har romkapasitet til å ta mot fleire elevar, seier forskrifta at elevar kan gå på næraste skule. Det skal såleis ikkje utløysa ekstra kostnader for kommunen dersom naboskulen har kapasitet. I Kvinnherad har dei aller fleste skulane svært god romkapasitet, så problemstillinga i Omvikdalen er spesiell og handlar nok om at bygda har hatt god tilgang på tomter og at mange unge familiar såleis har busett seg her dei siste åra. Det er også eit poeng at næraste skule, Malmanger skule, ligg svært nær, og faktisk i gåavstand for elevane frå Lundsneset/Seimshamrane. Malmanger skule har kapasitet til å ta mot elevane frå Lundsneset/Seimshamrane. Kartet under syner skulekrinsgrensa for Omvikdalen skule. Tabellen under syner barnetalet i 2018 i Lundsneset/Seimshamrane over (19 barn) og under(4 barn) skulealder. Nokre av barna går på Malmanger skule (6 av barna) og andre (13 av barna) går på Omvikdalen skule. Tal barn i Alder i 2018 barneskulealder Totalt 19 Tal barn i barnehagealder side 4

5 Barn sitt beste Barnekonvensjonen, eller FN sin konvensjon om barn sine rettar, gjev barn i alle land som har slutta seg til konvensjonen, rettar på mange ulike område. Konvensjonen slår fast at det skal takast grunnleggjande omsyn til barnet sitt beste ved alle handlingar som vedkjem barn. I tillegg har barn rett til å bli høyrde og til å kunna gje uttrykk for meningane sine i alle forhold som vedkjem barnet. Kva som er barn sitt beste må såleis vektleggjast i ei sak som gjeld deira daglege oppgåver og aktivitet. Vurderingar Omvikdalen skule har hatt auke i elevtal dei siste åra og denne auken vil så langt me ser fortsetja dei første åra. Skulen har kapasitetsproblem, men etter dei undersøkingar som er gjort etter at saka kom opp, vert situasjonen vurdert slik at kapasiteten vil vera god nok i perioden elevtalet er på det høgaste nivået. (Sjå tabell over) Desse vurderingane er gjort i samarbeid mellom skuleeigar, tekniske tenester, skuleleiinga, representant for vernetenesta og miljøretta helsevern. Gruppa meiner også at eit betre rom til elevar med trong for særskild tilrettelegging også kan organiserast innafor eksisterande rammer. Skulen vil få ekstra ressursar frå sentralt for å utstyra dette rommet. Bygget til Omvikdalen skule er gamalt og lite tilpassa moderne skuledrift. Skulen er likevel ein populær skule som føresette og heile bygda støttar opp om. har nytta store ressursar på dei fysiske tilhøva ved skulen og vedlikehald dei siste åra. Skulen står fram som veldriven, godt vedlikehalden, ryddig og godt organisert. Forskrift om skulekretsar i legg føringar for at elevane kan gå på andre skular enn nærskulen når det oppstår kapasitetsproblem. I området rundt Lundssvingane/Seimshamrane går nokre elevar på Omvikdalen skule medan andre går på Malmanger. Lundsneset/Seimshamrane ligg om lag midt mellom Omvikdalen og Malmanger skular, og det er få meter som avgjer kva som er nærskulen til borna her. På sikt kan det kanskje bli aktuelt å ta dei to bygdene med på råd om det kunne vore aktuelt å få ein felles skule for heile området ein stad på strekkja Omvikdalen - Rosendal. Rådmannen ser for seg at tida kanskje ikkje er moden for det enno. Når det gjeld skuleveg er det slik at elevar som bur i Lundssvingane/Seimshamrane har under 4 km skuleveg om dei går på skule i Omvikdalen eller Malmanger. Elevar på trinnet har såleis ikkje rett på skuleskyss etter kriteria i Opplæringslova på 4. km. Kvaliteten på skulevegen er svært ulik til dei to skulane. Etter at den nye vegen med gang- og sykkelsti forbi Lundsneset vart opna våren 2018 har elevane til Malmanger skule fått ein flott og sikker skuleveg med ein standard som er høgt over det som er vanleg for skuleveg i kommunen. Kommunen vil setja i gang eit planleggingsarbeid for å få ny gang- og sykkelsti mot sør på hovudvegen mot Omvikdalen. Det vil likevel ta nokre år før denne står ferdig og dette er avhengig av at det vert sett av midlar. Vegen som elevane ferdast på no har 60 sone, er delvis opplyst, er oversiktleg, men elevane må over ei bru der det ikkje er passering for bilar og der det ofte er eit uoversiktleg trafikkbilete. Det er likevel eit anna alternativ som kan nyttast og det er Landavegen, fylkesveg 40. Her er det 50 sone med mindre trafikk og heilt klart eit tryggare alternativ som elevane kan nytta som skuleveg. Det er kortaste farande veg som skal reknast som skuleveg. Ved fleire skular i kommunen forventar ein at elevane går på stiar for å få den kortaste og tryggaste skulevegen. I høve prinsippet om likskap, som er viktig i all forvaltning, må elevane frå Lundsneset såleis kunna nytta Landavegen og kryssa elva lengre oppe i dalen. Konklusjonen på utgreiinga er såleis at Omvikdalen skule kan driva vidare som før i og med at kapasiteten og stoleiken på lokala er innafor det som vert tilrådd i veiledaren for miljøretta helsevern for skular Når det gjeld skulevegen vil den bli trygga med gang- og sykkelsti ein gang i framtida. Til dette er gjort oppmodar ein elevane om å nytta seg av Landavegen som skuleveg. Skulle det vera barn i området Lundsneset/Seimshamrane som ynskjer å gå på Malmanger skule for å få ein svært god og side 5

6 tilrettelagt skuleveg, vil kommunen innfri slike søknader så lenge det er kapasitet på Malmanger skule. Elevtalet på Malmanger skule går nedover og kapasiteten der er god. Vidare ynskjer rådmannen å peika på at det er under planlegging eit nytt byggefelt i området rundt Seimshamrane. Eventuelle barn i dette feltet vil ha Omvikdalen som nærskule, men vil liggja heilt på grensa til Malmanger skule. Dersom levekårskomiteen har synspunkt på om det burde vore ei krinsgrenseendring i dette området for å ivareta god nok kapasitet og skuleveg for desse borna er rådmannen interessert i politiske signal på dette. Økonomisk konsekvens: Miljømessig konsekvens: Vedlegg: side 6