Kommentar frå Naturvernforbundet vedrørande blåsesand i Ulsteinvik

Transkript

1 Kommentar frå Naturvernforbundet vedrørande blåsesand i Ulsteinvik (Basert på opplysningane i artikkelen nedanfor.) Brukt blåsesand inneheld komponentar av det som er sandblåst, og er å rekne som spesialavfall til noko anna er dokumentert. Spesialavfall skal innleverast til godkjent mottak, og verksemda skal kunne vise kvittering for kva som er levert. Ei verksemd som driv med sandblåsing skal difor kunne dokumentere innlevering av ei mengde brukt blåsesand som er noko større enn innkjøp av ny blåsesand, sidan brukt blåsesand inneheld komponent av det som er sandblåst. Ved sandblåsing er det følgjeleg krav om ordningar som gjer at ein kan samle opp brukt blåsesand. Ei lense som avgrensar området der brukt blåsesand søkk til botn er ikkje ei slik løysing. Det normale vil vere ei tørrdokk. Om slikt arbeid blir gjort på sjøen, må ein ha duk under som kan tømast. Då må ein også rekne med behov for reinsing av vatn som er komen i kontakt med blåsesanda. Det er mange hamnar i Noreg som er mykje ureina. Ein stor del av ureininga skuldast ymse stoff brukt i skipsindustrien, der sjøen har vore rekna som avfallsplass. Samfunnet saman med dei verksemdene som ikkje er konkurs eller borte brukar millionar kvart år på å rydde opp i dette, slik at ein i framtida kan ete fisk og anna sjømat også frå hamnebassenget. Kleven bør vere ei seriøs verksemd. Naturvernforbundet tykkjer det er ei underleg haldning som kjem fram i denne saka, og ber om at Kleven tar fatt i dette og får på plass rutinar som held mål straks. Vi ber om at Kleven held oss underretta om dette arbeidet. Samtidig kan Kleven underrette Fylkesmannen og Miljødirektoratet om det same. Aktuelle lover og forskrifter: Forskrift om systematisk helse-, miljø- og sikkerhetsarbeid i virksomheter (Internkontrollforskriften) 5 første ledd. Vidare 5 ledda 6,7 og 8. Vidare ureiningsforskrifta Overflatebehandling av skip/installasjoner Det er ikke tillatt for virksomheten å drive overflatebehandling av skip/installasjoner i sjøen dersom det medfører forurensende utslipp til sjø, jf Tiltak for å hindre utslipp av miljøskadelige stoffer For å forhindre forurensning til det ytre miljø, skal virksomheter som driver overflatebehandling utføre arbeidene under tildekking eller, der dette ikke er mulig, gjennomføre andre tiltak som begrenser utslippene. Brukt blåsesand og avvirket materiale samt overflødig materiale fra påføringer skal samles opp. Oppsamlet materiale skal leveres godkjent mottak Utslipp til luft

2 Utslipp av støv/partikler fra blåserensing av metallkonstruksjoner skal ikke medføre at mengde nedfallsstøv overstiger 5 g/m² i løpet av 30 dager. Dette gjelder mineralsk andel målt ved nærmeste nabo, eller annen nabo som eventuelt blir mer utsatt. Utslipp av støv fra punktkilder skal ikke ha høyere støvkonsentrasjon enn 50 mg/nm³ som timemiddel Utslipp til vann Utslipp av prioriterte stoffer (jf. vedlegg 1) til vann skal begrenses mest mulig, og er kun tillatt dersom det skjer på en slik måte at utslippene er uten miljømessig betydning, jf b. Ved blåserensing/høytrykkspyling av overflater påført begroingshindrende midler skal det utvises særskilt aktsomhet for å begrense utslipp av miljøskadelige stoffer. Denne kommentaren kjem frå fylkeslaget i Naturvernforbundet etter førespurnad frå lokallaget. Øystein Folden Leiar, Naturvernforbundet i Møre og Romsdal Kopi: Fylkesmannen i Møre og Romsdal Miljødirektoratet Naturvernforbundet i Ytre søre Sunnmøre Kleven (post@kleven.no)

3 Her kan ein sjå delar av utsleppet av blåsestøvet markert med raudt. FOTO: EIRIK HUSØY Utslepp frå Kleven Blåsestøv forureina i Lyngnesvika i Ulsteinvik. Lensa hang og slang bak båten. NYHENDE EIRIKHUSØY Mobil: Publisert: :00 Sist oppdatert: :00

4 Måndag kveld kunne folk på Hasund og Strandabøen observere eit gult flak som såg ut som eit målingsflak, som seiv ut frå skipsbeddingen på Kleven verft. Kleven er i gong med målinga av eit nytt skip, og i samband med dette, foregår det både sandblåsing og sprøytemåling av skipet. Fleire ringte inn til Vikebladet Vestposten måndags kveld og var irriterte over forureininga, og rapportane gjekk på at det var snakk om sprøytemåling frå arbeidet som Kleven held på med. No viser det seg at det er snakk om avfall frå sandblåsing. Ikkje første gong Ifølge naboar er det ikkje første gong at det har skjedd. Dei ser seg lei av denne typen forureining frå Kleven. Slik har det vore i mange år. Dei har alle tide ei unnskyldning, seier naboane, som helst ikkje vil stå fram med namn. Beklagar Konsernsjef i Kleven, Ståle Rasmussen, seier at utsleppet ikkje representerar nokon stor miljøtrussel. Eg har snakka med produksjonsleiinga. Det dei seier er at det har vore eit beklageleg, men forholdsvis lite utslepp av blåsesand, seier konsernsjefen. Det er ikkje giftig, det er ikkje farleg. Men det skal ikkje førekomme. Kleven er ei sertifisert miljøbedrift. Kor miljøskadeleg er eit slikt utslepp?

5 Eg vil ikkje seie at det er noko miljøskadeleg. Støvet legg seg på overflata av vatnet ei lita stund, før det søkk. Så det er visuelt verre enn det er forureinande sånn sett, seier konsernsjefen. Han rettar også ei beklaging til naboane. Det skal ikkje skje, så vi beklagar det. Eg skal sørge for at produksjonen går gjennom rutinene, og at vi skjerpar dei inn. Lensa svikta Lensa som skulle stoppe avfallet frå arbeidet av skipet, hang og slang bak skipet. Lensa var berre festa på eine sida då Vikebladet Vestposten observerte hendinga. Det foregår noko sandblåsings- og malearbeid på beddingen her. Støvet fell ned, og når det blir flo, tek sjøen med seg støvet i akterkant av beddingen. Der var det ei lense som hadde svikta, seier Rasmussen. Er dette vanleg? Eg trur ikkje dette er vanleg. Her er jo sand og grus, og når det er vind, og det bles ut over sjøen, så kan det sjå ut som det er forureining. Dette er ei ekstraordinær hending slik vi ser det, seier Rasmussen.