Appkatalog og Software Center

Transkript

1 Forfatter: Godkjent: John Helge Grevstad Are Skotnes Jakob Bolstad Versjon: 1.0 Appkatalog og Software Center Introduksjon: Dette dokumentet gir ei innføring i Appkatalog og Software Center for System Center Configuration Manager 2012 (referert til som System Center, eller SCCM 2012, i dette dokumentet), meint for brukarar og 1. linje IT-Support. Appkatalogen og Software Center kan brukarane nytte for å sjølve installere programvare lagt tilgjengeleg for dei av Klientdrift, og som ikkje er installert på maskina som standard. Merk at Appkatalogen og Software Center er to ulike portalar/program, som samarbeider seg i mellom i prosessen med brukarinstallasjon av programvare på maskina. Det er viktig å kjenne til skilnaden mellom dei. Dokumentet er meint å gje informasjon om bruk av desse to portalane, og hjelp til sjølvhjelp. Ein skal ikkje trenge å lese heile dokumentet, men også kunne bruke det som oppslagsverk. Undervegs i teksten vil ein sjå felt som dette: Her vil bli vist informasjon som ein må vere ekstra oppmerksam på i den aktuelle teksten, eller årsaker til feil og korleis ein kan løyse desse.

2 SCCM - Appkatalog og Software Center Side 2 av 20 Innhold Introduksjon:... 1 Appkatalog... 3 Programkatalog... 4 Installasjon... 6 Godkjenning av programvare... 8 Mine programforespørsler Mine enheter Primærmaskin Mobile enheter Software Center Link til Appkatalog Tilgjengeleg programvare Installasjonsstatus Installert programvare Alternativ Oppdateringar... 19

3 SCCM - Appkatalog og Software Center Side 3 av 20 Appkatalog

4 SCCM - Appkatalog og Software Center Side 4 av 20 Appkatalog Appkatalogen er ein self-service-portal der brukarane sjølve kan hente og installere programvare på lokal maskin. Appkatalogen kan nåast på tre ulike sett: 1. Opne nettlesar og nytte utlagd link i verktøylinja 2. Opne nettlesar og skrive inn adresse sccm-ps.intern.mrfylke.no/appkatalog 3. Opne Software Center og nytte link der. Sjå avsnittet Link til Appkatalog under seksjonen Software Center. Appkatalogen nyttar Microsoft Silverlight-teknologi og vil ikkje fungere utan. Silverlight skal være installert som standard på maskiner rulla ut frå SCCM 2012 og vert oppdatert av Klientdrift. Appkatalogen nyttar Single Sign On, ein skal verte automatisk logga på. Om ein ikkje vert automatisk logga på, kontakt IT-Support (SCCM-drift). Programkatalog Etter pålogging kjem ein inn i Programkatalog-fana i Appkatalogen, der ein får lista opp alle program ein har tilgjenge til. Programfelt Søkefelt Kategorifelt

5 SCCM - Appkatalog og Software Center Side 5 av 20 I Programkatalogen kan ein søkje etter program eller nøkkelord i søkefeltet oppe til høgre, eller vise programma etter definerte kategoriar i kategorifeltet til venstre. I staden for kategoriar kan ein vise program etter utgjevar ved å klikke dette valet øvst i feltet. I programfeltet til høgre vil ein få ei oversikt over alle program i ein gitt kategori, og om ein klikkar på eller markerer eit program, vil ein få opp noko fleire detaljar om programmet nedst i feltet. Ein vil òg få ein link til fleire detaljar om programmet, og ein knapp for å installere. Merk at knappen vil seie Installer sjølv om programmet allereie er installert. Om ein trykkar på den og bekreftar at ein vil installere, (sjå avsnittet Installasjon under) vil Appkatalogen gjere eit søk på maskina og så gje beskjed om programmet allereie er installert. Det vil ikkje verte installert på nytt. - Unntak er om programmet i katalogen er ein nyare versjon enn det som er installert på maskina. Ein kan heller ikkje avinstallere program frå Appkatalogen, dette må ein gjere frå Software Center. (Sjå seksjonen Software Center) Om ein trykkjer på linken for meir detaljar nedst til venstre i programfeltet, får ein opp ei detaljside med beskriving, og noko tilleggsinformasjon om programpakken. Merk at enkelte program er reservert for enkelte avdelingar, desse avdelingane er då dei einaste som vil få opp slike program i katalogen, dei vil ikkje vere synleg for andre. Kontakt IT-Support (SCCM-drift) om du manglar program i katalogen.

6 SCCM - Appkatalog og Software Center Side 6 av 20 I eksemplet over vert det gitt informasjon om - Kven som har utgitt programmet (produsent). - Kva kategoriar programmet har blitt lagt i. - Kva versjon av programmet pakken inneheld. - Om det krevst søknad til, og godkjenning av, ein lisensansvarleg før du får tilgong til å installere programmet (sjå underpunktet Godkjenning av programvare under). - Nøkkelord ein kan søkje etter i søkjefeltet i programkatalogoversikta. - kva programpakke denne pakken erstattar, om nokon. Den gamle versjonen eller det andre programmet vert oppgradert eller avinstallert om denne pakken vert installert. - Link til dokumentasjon, supportsider, eller FAQ om programmet, frå utgjevar. Merk at slike sider kan være på engelsk. Ein vil òg ha ein knapp for å kunne installere programmet direkte frå denne informasjonssida. Installasjon Når ein klikkar på INSTALLER -knappen, anten i programfeltet eller på detalj-sida, vil ein først få ein advarsel: Om ein vel NEI, vil dialogboksen lukke seg, og ein kjem tilbake til sida ein var på. Ingenting meir vil skje. Om ein vel JA, vil Appkatalogen gå gjennom installasjonsprosedyrer: Ikkje lukk denne før den er ferdig, elles vil installasjonen verte avbroten.

7 SCCM - Appkatalog og Software Center Side 7 av 20 Om ein får feilmelding om at programinstallasjonen ikkje har starta, kan dette ha fleire grunnar: Det vanlegaste er at maskina brukaren vil installere programpakken på, ikkje er ei av brukaren sine primærmaskiner (sjå underpunktet Primærmaskin under avsnittet Mine enheter). I nokre tilfelle er det lagt inn krav til maskinvare, slik som ledig diskkapasitet. Når prosessen er ferdig, og ingen feil er oppdaga, vil installasjonen byrje. Ein vil få beskjed i statuslinja ved sida av klokka på lokal maskin at systemet startar nedlasting av nødvendige filer og installasjon: Klikkar ein på denne meldinga, vil ein åpne Software Center der ein kan følgje installasjonen. (Sjå avsnittet Installasjonsstatus i seksjonen Software Center for meir informasjon). Når installasjonen er ferdig, vil ein få ein beskjed på skjermen om dette:

8 SCCM - Appkatalog og Software Center Side 8 av 20 I fall det krevst at ein startar maskina på nytt før programmet kan nyttast, vil ein få beskjed om dette: Godkjenning av programvare Nokre programpakkar er lisensierte, og krev godkjenning av avdelinga sin lisensansvarleg før du får tilgong til å installere pakken. Ein kan sjå om det krevst godkjenning for å kunne installere programpakken under Krever godkjenning, anten i programfeltet: -eller i detalj-sida: I tillegg vil ikkje INSTALLER -knappen vere tilgjengeleg, men vere erstatta med ein FORESPØRSEL - knapp: Å få installert eit program som krev godkjenning er ein prosess som tek fleire steg, og involverer både Programkatalog-fana og Mine programforespørsler-fana i Appkatalogen.

9 SCCM - Appkatalog og Software Center Side 9 av 20 Steg 1. Om du har behov for programvare som krev godkjenning, må du først sende ein førespurnad (Forespørsel) til lisensansvarlig for godkjenning. Dette gjerast ved å trykke FORESPØRSEL -knappen som er der INSTALLER -knappen vanlegvis hadde vore. Ein får då opp eit skjema ein må fylle ut for det aktuelle programmet: Ein må her fylle ut ei årsak til at ein ynskjer tilgong til programvara. Denne teksta vil verte sendt til lisensansvarleg. Skriv gjerne også namnet ditt her, det lettar arbeidet for lisensansvarleg. Merk at ein er nøydd til å fylle ut årsaka for å kunne sende inn skjemaet. -knappen er ikkje tilgjengeleg før noko er skrive i Årsak-feltet. Etter at førespurnaden er sendt, vil han verte lagt i fana Mine programforespørsler i Appkatalogen (sjå Mine programforespørsler-avsnittet under for meir informasjon). Steg 2. Lisensansvarleg går gjennom førespurnaden, og godkjenner eller avviser denne. Merk at grunna avgrensingar i dagens System Center, vil du ikkje få noko varsel om at førespurnaden har blitt godkjent, verken på e-post eller på anna vis enn på Mine programforespørsler-fana. Du må difor sjekke denne ofte om du har førespurnadar til behandling, og så sjølv starte installasjonen. Steg 3. Du vil sjå at førespurnaden har blitt godkjent i Mine programforespørsler-fana, saman med kommentarar frå lisensansvarleg. Du vil no kunne gå til Programkatalog-fana og ha den vanlege INSTALLER knappen tilgjengeleg for programmet, og så starte installasjonen (sjå underpunktet Installasjon over for meir informasjon).

10 SCCM - Appkatalog og Software Center Side 10 av 20 Mine programforespørsler I denne fana vil ein ha ei liste over førespurnader som har blitt sendt inn for godkjenning av lisensansvarleg for det aktuelle programmet, eller allereie har blitt godkjent: En kan her sjå detalj-sida om programmet, om ein klikkar på det blå programnamnet i det nedste feltet. Ein kan sjå siste kommentarar som er gitt, avbryte førespurnaden, eller sjå logg over når status har endra seg og tilhøyrande kommentarar. Om ein avbryt førespurnaden, må ein sende inn ein ny førespurnad om ein fortsatt ynskjer å få installere programmet. Etter at ein førespurnad har blitt godkjent, vil status endre seg til Godkjent og ein vil sjå kommentar frå saksbehandlar i kommentarfeltet:

11 SCCM - Appkatalog og Software Center Side 11 av 20 Loggen vil no innehalde dato for førespurnaden, og din kommentar, samt dato for godkjenning og lisensansvarleg sin kommentar: Programmet er no tilgjengeleg for installasjon. Det er dessverre ikkje automatikk i at det vert installert med det same førespurnaden er godkjent, du må sjølv gå til Programkatalog-fana og manuelt starte installasjon: Programmet har no fått Nei under Krever godkjenning, og FORESPØRSEL -knappen er endra til ein INSTALLER -knapp. Ein kan no installere programmet som forklart under Installasjon-avsnittet over.

12 SCCM - Appkatalog og Software Center Side 12 av 20 Mine enheter I denne fana har du oversikt over om maskina ein nyttar i augneblikket er primærmaskin (sjå underpunkt Primærmaskin under), og eventuelle mobile einingar som er registrert på deg. Vi har ikkje implementert støtte for mobile einingar i vår løysing per dags dato. Primærmaskin Primærmaskin eller primær datamaskin vil seie ei maskin som ein brukar nyttar svært ofte eller oftast. Ein brukar kan ha meir enn ei primærmaskin. Noko programvare kan vere satt til å berre kunne installerast på ei primærmaskin. Du må då sjå til og kanskje oppgi i denne fana under Denne datamaskinen at maskina du no sit på, er ei primærmaskin. Du kan oppgi dette ved å sette kryss for Jeg bruker denne datamaskinen regelmessig : Mobile enheter Denne funksjonen vert ikkje nytta i Møre og Romsdal fylkeskommune.

13 SCCM - Appkatalog og Software Center Side 13 av 20 Software Center

14 SCCM - Appkatalog og Software Center Side 14 av 20 Software Center Software Center er agenten som tek seg av installasjo n og avinstallasjon av software frå Appkatalogen og System Center på lokal maskin. Brukarane kan nytte denne til å fylgje med på installasjonsprosessen, reinstallere eller avinstallere programvare han har installert frå Appkatalogen, og sjå eller endre innstillingar for maskina hans mot System Center. Software Center kan nåast på fleire ulike sett. To av desse er: 1. På Startmenyen: Opne Startmenyen, og enten søk etter «Software Center» («Programvaresenter» på norsk), eller gå til Alle programmer, mappa «Microsoft System Center 2012 R2» og vel Software Center («Programvaresenter») derifrå. 2. Klikke på meldingsbobla når ein programinstallasjon startar: (Sjå underavsnittet Installasjon i seksjonen Appkatalog) Merk at om ein prøver å opne Software Center rett etter at maskina har starta og ein har logga på, kan ein få feilmelding: Dette kjem av at agenten som utgjer Software Center, treng litt tid å starte etter at maskina har starta. Vent nokre minutt, og prøv igjen. Link til Appkatalog Øvst til høgre i Programvaresentervindauget, men berre i fanene Tilgjengeleg programvare og Installasjonsstatus, ligg det ein link under søkefeltet: Ved å klikke på denne linken, opnar nettlesaren seg og går til Appkatalogen. Sjå seksjonen Appkatalog for meir informasjon om bruk av denne.

15 SCCM - Appkatalog og Software Center Side 15 av 20 Tilgjengeleg programvare Denne fana vil berre vere tilgjengeleg om du har programvare tilgjengeleg for installasjon på maskina som tidlegare har vore installert frå Appkatalogen, tidlegare har feila under installasjon, eller som Klientdrift har gjort tilgjengeleg direkte til spesifikke datamaskiner. Merk at lista over program kan variere, og ikkje nødvendigvis er utfyllande for kva program og applikasjonar ein har eller har hatt installert på maskina. Ein vil alltid ha ei utfyllande oversikt over tilgjengeleg programvare i Appkatalogen (sjå seksjonen Appkatalog). Når ein klikkar (markerer) eit program, får ein opp detaljar om programmet i det nedste feltet. Informasjonen her er den same som ein får opp i Appkatalogen, med nokre tillegg (sjå avsnittet Programkatalog i seksjonen Appkatalog). Den ekstra informasjonen er mellom anna kor mykje data ein må laste ned (Download size), kor lang tid det er rekna med at installasjonen vil ta (Estimated time), og om maskina må startast på nytt etter installasjonen (Restart required). Ein kan markere (krysse av) for fleire program, og installere dei samla. Etter å ha markert eitt eller fleire program, kan ein starte installasjonsprosessen ved å trykkje på INSTALLER -knappen.

16 SCCM - Appkatalog og Software Center Side 16 av 20 Installasjonsstatus I denne fana vil ein få informasjon om status for program og applikasjonar som ventar på å verte installert, held på å installere, eller nett er ferdig å installere. Når ein klikkar på (markerer) eit program, får ein opp detaljar om programmet i det nedste feltet. Informasjonen her er den same som ein får opp i Appkatalogen, med nokre tillegg (sjå avsnittet Programkatalog i seksjonen Appkatalog). Den ekstra informasjonen er mellom anna kor mykje data ein må laste ned (Download size), kor lang tid det er rekna med det står att av installasjonen (Estimated time), og om maskina må startast på nytt etter installasjonen (Restart required). Om ein installasjon mislykkast, vil Status i detaljfeltet vise «Feilet» («Failed») som ein blå link. Ein kan prøve å starte installasjonen på nytt ved å trykke på -knappen nedst til høgre. Om det feilar enno ein gong, kan ein klikke på «Feilet» («Failed») linken. Ein får då opp ei dialogboks med informasjon om kvifor installasjonen var mislukka. I dialogboksa vil ein ha eit felt med «Mer informasjon» («More information») nedst med ei nedoverpil til høgre. Om ein klikkar på dette feltet, vil ein få opp feilmeldinga frå systemet (sjå eksempel til høgre). Denne rapporterer du til IT-Support saman med kva programpakke det gjeld, for å få assistanse.

17 SCCM - Appkatalog og Software Center Side 17 av 20 Installert programvare I denne fana vil ein få informasjon om program og applikasjonar som er installert på maskina. Når ein klikkar på (markerer) eit program, får ein opp detaljar om programmet i det nedste feltet. Informasjonen her er den same som ein får opp i Appkatalogen (sjå avsnittet Programkatalog i seksjonen Appkatalog), med den ekstra informasjonen om kor mykje data programmet tek på disk (Download size). Ein har her òg moglegheit til å avinstallere programvare frå maskina, ved å trykke knappen. Merk at nokre program kan være installert av Klientdrift, og desse kan ikkje avinstallerast. Knappen for å avinstallere er då grå:

18 SCCM - Appkatalog og Software Center Side 18 av 20 Alternativ I denne fana kan ein sjå og sette innstillingar som gjeld for maskina mot SCCM. Ein står sjølv fritt til å endre innstillingane. Merk at nokre av innstillingane er styrt av Klientdrift, og kan ikkje endrast.

19 SCCM - Appkatalog og Software Center Side 19 av 20 Oppdateringar Klientdrift vil til ulike tidspunkt publisere oppdateringar og nye versjonar av programvare. Ein vil få merknad om dette i systemfeltet i Windows: Klikkar ein på denne advarselen, får ein opp ei dialogboks der ein får meir informasjon: Ved å trykke «Vis detaljer» («View details»), får ein opp hovudvindauget til Software Center, og fana Installasjonsstatus. Her kan ein sjå detaljar om kvar oppdatering, og starte installeringane etter behov. Trykkjer ein Remind me later vil ein få ei påminning seinare. Nokre gonger vil programvareoppdateringar ha liknande dialogbokser. Følg rettleiingane på skjermen.

20 SCCM - Appkatalog og Software Center Side 20 av 20 Sjå følgjande link for e-læring om Appkatalog og Software Center: QR-kode: Link til Appkatalogen: QR-kode: 8. juni 2015