FÅ VERDA HEIM TIL DEG. NÅR DU VIL. TUSSAFIBER KOPLING AV RUTER. Fritz!Box

Transkript

1 FÅ VERDA HEIM TIL DEG. NÅR DU VIL. TUSSAFIBER KOPLING AV RUTER Fritz!Box

2 2

3 TUSSAFIBER MONTERINGSRETTLEIING FOR INTERNETT OG TELEFONI Denne rettleiinga skal hjelpe deg å kome raskt og enkelt i gang med Internett og telefoni. Vi tilrår at du les gjennom heftet før du startar, og at du følgjer instruksjonane nøye. Får du problem kan du bruke sjekklista på side 10 for å finne ei løysing. Dersom du framleis står fast, kan du kontakte kundesenteret for å få hjelp. Før montering 4 Montering 6 Aktivere trådlaust nettverk på Fritz!Box 8 Kundeservice 9 Sjekkliste ved problem 10

4 TUSSAFIBER FØR MONTERING Opne pakken du har motteke og sjå etter at du har fått alt utstyret du ser på biletet nedanfor. Dersom du ser at noko manglar kan du kontakte Tussa sitt kundesenter, som vil sende deg det du saknar. Ruter (biletet kan avvike noko då rettleiinga er felles for fleire ruter-modellar) Nettverkskabel Telefonkabel Straumforsyning 4

5 Merk deg følgjande: Internett-abonnementet ditt må vere aktivt før telefonnummeret ditt blir flytta. Du får melding om kva dato dette skjer. Du må ha eit nettverkskort i PC-en din for å bruke internett. Knappar på toppen av ruteren DECT - for tilkopling/registrering av trådlause telefonar. Inntil 6 trådlause telefonar som støttar DECT-standarden kan koplast til Fritz-boksen. Sjå korleis du koplar til telefon ved hjelp av DECT-knappen i eige kapittel. WLAN - På/av-knapp for trådlaust nettverk. 5

6 TUSSAFIBER MONTERING AV RUTER Følg skissa under og dei nummererte punkta på neste side så unngår du problem under monteringa. Fibermodem Ruter

7 1 Kople ein nettverkskabel frå kontakten Ethernet 1 på fibermodemet til kontakten merkt LAN1 på ruteren. Treng du ekstra nettverkskabel kan du kjøpe denne i butikkar som sel tele- og dataprodukt. 2 Kople straumforsyninga til ruteren, og sett stikkontakten i veggen. Ruteren er klar til bruk når Power -lyset er på. 3 Om du ikkje ønskjer trådlaust samband mellom PC og ruter koplar du ein nettverkskabel (gul )til PC og til ein av dei 3 kontaktane merkt LAN2-4 på ruteren. MONTERING MED TELEFONI 4 Set telefonkabelen i kontakten merkt FON 1 på ruteren dersom du har bestilt Tussafiber med telefoni. 7

8 TUSSAFIBER AKTIVERE TRÅDLAUST NETTVERK PÅ RUTEREN Ruteren har trådlaus funksjonalitet slått på som standard. Du kan kople PC-en din til det trådlause nettet ved å følgje denne rettleiinga Under ruteren din finn du WPA-koden. Skriv inn denne koden når du blir spurt om å oppgi nettverksnøkkel under tilkoplinga til nettverket. 1 2 Her kan du notere WPA-koden din: 1 Opne oversikta over trådlause nettverk på PC-en din og prøv å kople til det trådlause nettverket ditt. Det er vanleg at du finn dette i verktylinja nedst i høgre hjørne. Namnet til nettverket står under ruteren, til dømes FRITZ!Box Fon WLAN Tala i namnet variere ut frå kva ruter-modell du har fått. 2 Det trådlause nettverket er sikra med såkalla WPA-kryptering. For å kople deg til må du difor leggje inn ein WPA-kode på alle maskiner som skal nytte det trådlause nettverket. Du finn WPA-koden på undersida av ruteren og på ein klistrelapp i quick-guiden som er lagt ved ruteren. PC-en skal no vere klar med trådlaust samband. (Hugs å aktivere trådlaus-knappen på PC-en din). 8

9 KUNDESERVICE Erfarne medarbeidarar på Tussa Kundesenter er klare til å hjelpe deg dersom du får problem. Vi gjer merksam på at kundesenteret ikkje har høve til å yte kundestøtte for tenester som ikkje er leverte av Tussa. Dette gjeld t.d. trådlause ruterar, PC-ar og programvare (til dømes antivirus), brannmurar m.m. frå andre leverandørar. Dersom du treng hjelp til denne type ting, kan du kontakte leverandøren av utstyret, tenesta eller programvara direkte. Vi har dyktige medarbeidarar som kan hjelpe deg med dei fleste spørsmål knytt til Tussa og Tussafiber. Dersom det er spesielle tekniske årsaker til at du har problem, er det ikkje sikkert at kundesenteret kan løyse saka di på staden. I slike tilfelle blir saka di sendt vidare til Tussa si eiga teknikargruppe. ORD OG UTTRYKK Ruter: utstyr som overfører signal frå datamaskina til heimesentral. Fibermodem (tidlegare kalla Heimesentral): omformar lyssignal frå fiberen til datasignal Ethernet: eit namn på den dominerande teknologien for lokale datanettverk. Dei vanlegaste hastigheitene er 10, 100 og 1000 Mbit/sekund (sjå LAN). LAN - Local Area Network: eit lokalt kommunikasjonsnettverk med printerar, datamaskiner, fil-serverar osb. WLAN - Wireless LAN (trådlaust nettverk) Nettverkskort: ei eining i datamaskina som gjer at ho kan kommunisere med ruter og andre datamaskiner. Kan også vere kopla til utvendig på maskina. RJ-45: namnet på pluggen som sit på nettverkskablar (større enn ein telefonplugg). IP-adresse: den unike elektroniske adressa til ei datamaskin som er kopla til internett. 9

10 TUSSAFIBER SJEKKLISTE VED PROBLEM Dersom du har problem med å få internett eller telefoni til å fungere, set vi pris på om du sjølv sjekkar desse punkta før du kontaktar kundeservice. 1. SLÅ AV OG PÅ RUTEREN, FIBERMODEMET OG PC-EN Slå av og på ruteren slik at han kan prøve å kople seg til fibermodemet og PC-en igjen. Slå av og på PC-en slik at han under omstarten eventuelt kan oppdage ruteren som er kopla til han. 2. KONTROLLER LAMPANE PÅ RUTEREN På ruteren din er det fleire lampar på toppen som signaliserer om ruteren har kontakt med mellom anna heimesentral og PC. Ved å sjå kva for lampar som lyser, kan du finne ut kvar feilen ev. ligg. Lampeoversikt for Fritz Box Power - Søkjer kontakt (blinkar). Ruteren er tilkopla og klar til bruk (lyser) Internet - Lyser når breibandstelefoni er i bruk Fixed Line - Ikkje i bruk! WLAN - Søkjer WLAN-instillingar (blinkar). WLAN-instillingar er aktive (lyser) Info - Feil (raudt lys) 3. KOPLE PC-EN DIREKTE TIL RUTEREN Dersom du har ein trådlaus ruter eller andre typar utstyr mellom ruter og PC-en, fjernar du dette. Så koplar du PC-en direkte til ruteren sin LAN- eller Internet-utgang med ein nettverkskabel og ser om du får kontakt. Dersom du no får tilgang til internett, er det truleg feil i innstillingane i utstyret som var kopla mellom PC-en og ruteren. 4. KONTROLLER NETTVERKSINNSTILLINGANE PÅ PC-EN På neste side finn du nettverksinnstillingane du skal bruke i ulike Windows-versjonar. Kontrollér at innstillingane på maskina di stemmer overeins med det som står der. 10

11 PC MED WINDOWS 7 - Klikk på Start (Windows-logo nede til venstre). - Klikk deretter på Kontrollpanel - Klikk på Nettverk og Internett i ruta som kjem opp. - Klikk deretter på Nettverks- og delingssenter (Viss du har endra visinga til å bli sortert som ikon, går du direkte på Nettverks- og delingssenter ). - Klikk så på Endre innstillinger for nettverkskort i margen til høgre. - Høgreklikk på ikonet for Lokal tilkobling og vel Egenskaper i menyen. - Her vel du Internet Protocol version 4 i lista og trykkjer på Egenskaper - Vel Motta IP-adresse automatisk og Motta DNS-serveradresse automatisk. - Klikk på OK og steng alle opne vindauge. Du skal no kunne kople deg til Internett. PC MED WINDOWS 8/10 - Trykk på Windows-tasten på tastaturet for å bringe opp tiles-menyen i Windows 8 - Skriv inn ordet kontrollpanel og trykk enter - Trykk på ikonet Nettverk og Internett - Trykk på ikonet Nettverks- og delingssenter - Trykk på menyvalet Endre innstillinger for nettverkskort i menyen til venstre - Høgreklikk på ikonet for Lokal tilkobling og vel Egenskaper i menyen - Her vel du Internet Protocol version 4 i lista og trykkjer på Egenskaper - Vel Motta IP-adresse automatisk og Motta DNS-serveradresse automatisk - Klikk på OK og steng alle opne vindauge. Du skal no kunne kople deg til Internett. MAC/OSX - Klikk på Apple/Eple-ikonet i menylinja (øvst til venstre) - Vel Systemvalg i menyen - Klikk på Nettverk - Klikk på nettverkskortet i menyen til venstre - Sjekk at valet Konfigurer IPv4 er sett til Med DHCP - Klikk Bruk nede til høgre i vindauget - Lukk vindauget. Du skal no kunne kople deg til Internett. 11

12 TUSSAFIBER ØNSKJER DU MEIR INFORMASJON? Ring kundesenteret vårt på tlf , tussa.no