MØTEINNKALLING SAKLISTE. 55/14 14/850 Høyring - framlegg om å oppheve konsesjonslova og buplikta

Transkript

1 MØTEINNKALLING Utval: KOMMUNESTYRET Møtestad: Rådhuset Møtedato: Tid: Varamedlemmer møter berre etter nærare innkalling Sak nr. Arkivsak nr. Tittel 54/14 14/950 Møteplan for 1. halvår 2015 SAKLISTE 55/14 14/850 Høyring - framlegg om å oppheve konsesjonslova og buplikta 56/14 14/216 Forslag til ny felles forskrift om open brenning i kommunane i kommunane Sogndal, Leikanger, Luster, Balestrand og Vik 57/14 13/140 Trafikktryggleiks- og gatebruksplan 58/14 12/807 Kommunedelplan for idrett, friluftsliv og fysisk aktivitet - rullering av handlingsprogram 59/14 13/691 Reguleringsplan for Holmamyrane bustadområde - endeleg vedtak 60/14 14/882 BETALINGSSATSAR FOR BARNEHAGANE FOR /14 14/883 BETALINGSSATSAR FOR SFO 2015

2 62/14 14/884 BETALINGSSATSAR FOR KULTURSKULEN /14 14/942 Betaling for vaktmeisterteneste, matombringing og tryggleiksalarmar 64/14 14/947 Eigenbetaling for hjelp i heimen /14 14/867 Gebyrregulativ til Plan og bygningslova /14 14/875 GEBYR VATN, AVLØP OG FEIING/TILSYN 67/14 14/925 GEBYR SIMAS 68/14 14/938 LEIGESATSAR I BELEHALLI /14 14/939 REGULATIV FOR BRUK AV KOMMUNAL KAI /14 14/479 Budsjett 2015, økonomiplan /14 14/949 BUDSJETTENDRINGAR - BUDSJETT /14 13/688 Utvida grense for eigedomsskatt Val av takseringsprinsipp

3 YMSE Balestrand Harald N. Offerdal Ordførar

4 Sak 54/14 MØTEBOK Sak nr.: Utval Møtedato 84/14 Formannskapet /14 Kommunestyret Sakshandsamar: Trude Ytrelid Arkiv: 033 Arkivsaknr.: 14/950 Møteplan for 1. halvår 2015 Vedlegg: Møtekalender for politiske møter i Balestrand kommune 1. halvår 2015 Bakgrunn: Lovheimel: SAKSOPPLYSNINGAR VURDERING Det er så langt som mogleg teke omsyn til andre møte som ein har kjennskap til pr. dato. Det er vidare i samsvar med Fylkesmannen sin prosjektplan for gjennomføring av kommunereforma lagt opp til eit møte i kommunestyret i slutten av januar. I prosjektplanen er dette beskrive slik: Avklaringar av geografiske retningsval på bakgrunn av tilrettelagt kunnskapsgrunnlag og prosessar i enkeltkommunar og mellom kommunar - vedtak i kommunestyra innan Avklare om ein vil satse på ferdig prosess og vedtak innan desember 2015 eller juli vedtak i kommunestyra innan Saka vil gå rett til kommunestyret. Det er føresett at administrasjonen saman med styringsgruppa for reformarbeidet førebur saka i løpet av desember og første halvdel av januar Møtet i beredskapsrådet er utsett frå november 14. Ordføraren si tilråding: Vedlagde møteplan blir vedteken slik den ligg føre. Handsaming i Formannskapet: Formannskapet røysta over framlagd tilråding. Tilråding etter handsaming i Formannskapet: Vedlagde møteplan blir vedteken slik den ligg føre. Samrøystes.

5 Sak 55/14 MØTEBOK Sak nr.: Utval Møtedato 99/14 Formannskapet /14 Kommunestyret Sakshandsamar: Randi Dale Arkiv: 024 &13 Arkivsaknr.: 14/850 Høyring - framlegg om å oppheve konsesjonslova og buplikta Vedlegg: Oversendingsbrev frå Landbruks- og matdepartementet, datert Høyringsnotat, datert Saksopplysningar Regjeringa har i Sundvolden-plattforma lagt opp til omfattande endringar når det gjeld reglane om fast eigedom. Landbruks- og matdepartementet sender difor på høyring eit framlegg om å oppheve konsesjonslova (lov 28.november 2003 nr. 98 om konsesjon ved erverv av fast eigedom), samt einskilde paragrafar om buplikt i odelslova (lov av 28. juni 1974 nr. 58 om odelsretten og åsetesretten). Gjeldande rett - hovudreglane Konsesjonslova ( 1) har til føremål å regulere og kontrollere omsetninga av fast eigedom for å oppnå eit effektivt vern om landbruket sine produksjonsareal og slike eigar- og bruksforhold som er mest gagnleg for samfunnet, m.a for å tilgodesjå: 1. framtidige generasjonar sine behov. 2. landbruksnæringa. 3. behovet for utbyggingsgrunn. 4. hensynet til miljøet, allmenne naturverninteresser og friluftsinteresser. 5. hensynet til busetjinga. Lova sine reglar om konsesjon gjeld og stifting og overdraging av leigerett og anna liknande bruksrett over fast eigedom med mindre retten er stifta for ei tid av høgst 10 år, utan høve for brukaren til å krevje kontraktstida forlenga ut over dette tidsrommet ( 2). Det er ei rekkje eigedomsoverdragingar som ikkje treng konsesjon pga. eigedomen sin karakter, og dei mest vanlege er 1) ubebygd enkelttomt for bustad eller fritidshus dersom tomta ikkje er over 2 dekar og 2) bebygd eigedom, ikkje over 100 dekar, der fulldyrka og overflatedyrka jord ikkje er meir enn 25 dekar ( 4).

6 Sak 55/14 Konsesjon er heller ikkje naudsynt når ervervar er i nær slekt eller er odelsberettiga til eigedomen ( 5). Ved erverv av bebygd eigedom der fulldyrka og overflatedyrka jord er meir enn 25 dekar, eller eigedomen består av meir enn 500 dekar produktiv skog, er konsesjonsfridomen avhengig av at ervervar buset seg på eigedomen innan 1 år og sjølv bur der i minst 5 år. Som bebygd eigedom reknar ein eigedom med bustadhus som er eller har vore brukt som heilårsbustad (lovpålagt buplikt). Tilhøve som det skal leggjast særleg vekt på ved handsaming av ein søknad om konsesjon for erverv av eigedom som skal nyttast til landbruksføremål ( 9): 1. om den avtalte prisen tilgodeser ei samfunnsmessig forsvarleg prisutvikling, 2. om ervervar sitt føremål vil ta i vare omsynet til busetjinga i området, 3. om ervervet inneber ei driftsmessig god løysing, 4. om ervervar vert vurdert som skikka til å drive eigedomen, 5. om ervervet tek i vare omsynet til heilskapleg ressursforvaltning og kulturlandskapet. Nedsett konsesjonsgrense for bebygd eigedom ( 7): For einskilde typar eigedomar kan kommunen ved eiga forskrift sette konsesjonsfridomen ut av kraft. Dette gjeld først og fremst bebygd eigedom som er eller har vore brukt som heilårsbustad. Utviding av konsesjonsplikta kan skje der kommunen sjølv ut frå lokale tilhøve, meiner det er naudsynt å hindre at hus som har vore nytta til heilårsbustad blir nytta til fritidshus. Ei «nullgrenseforskrift» vil i praksis bety at det vil vere buplikt på små eigedomar. Vilkår for konsesjon ( 11): Konsesjon kan etter lova gjevast på slike vilkår som ein ved kvart einskild høve finn påkravd av omsyn til dei føremål lova skal fremje. Det kan lempast på vilkåra etter søknad. Ein skal ut frå omsynet til busetjing, heilskapleg ressursforvaltning og kulturlandskap ta stilling til om det er påkravd å stille vilkår om buplikt, og om buplikta skal vere ei personleg plikt for eigar. Buplikt Buplikta kan delast inn i tre kategoriar; lovbestemt buplikt ( 5), buplikt som vilkår for å få konsesjon ( 11) og buplikt i kommunar med nedsett konsesjonsgrense ( 7). Eigar som har buplikt som omtalt ovanfor, skal ta eigedomen som sin reelle bustad. Det er vanleg å setje vilkår om buplikt ved erverv av landbrukseigedomar, og då slik at den nye eigaren skal busetje seg på eigedomen innan eitt år, og deretter sjølv bu på eigedomen i 5 år. Trongen for endring Regjeringa har i si politiske plattform understreka at eigedomsretten er ein grunnleggjande rett som bør styrkast. Som ein lekk i dette vil regjeringa styrke bonden sin rett til å disponere over eigen eigedom i tråd med eigne val og prioriteringar. Andre viktig mål for regjeringa er enklare reglar, mindre byråkrati og ei effektiv og moderne forvaltning. Konsesjonslova sine reglar verkar prisdempande og avgrensar seljar sin vilje til å leggje eigedomen ut for sal i ein open marknad. Reglane kan vere til hinder for ein effektiv marknad. Dette kan mellom anna få som følgje at rekruttering til næringa vert svekka og at det kan vere vanskeleg for aktive næringsutøvarar å få kjøpe tilleggsjord. Dette kan på sikt svekke moglegheitene for effektiv og rasjonell landbruksdrift. Gjeldande lovverk kan og dempe investeringslyst og dermed svekke driftsgrunnlaget på ein del eigedomar.

7 Sak 55/14 Det vert og vist til at handheving av reglane i konsesjonslova krev betydelege offentlege og private ressursar. Ressursbruken er i hovudsak knytta til systemet ein har i dag med eigenerklæringar om konsesjonsfridom, og kommunane og fylkesmennene si handsaming av konsesjonssaker. Også kontrollen med at reglane vert følgde krev ressursar. Forskingsresultat kan samla tyde på at det er usikkert korleis reglane om buplikt på landbrukseigedom verkar. I Prp. 124 L( ) har regjeringa gjort framlegg om å oppheve konsesjonslova 9 første ledd nr. 1. Framlegget inneber at det ved konsesjonsvurderinga ikkje lenger skal leggjast vekt på om den avtalte pris tek omsyn til ei samfunnsmessig forsvarleg prisutvikling ved erverv av landbrukseigedom. Innhaldet i lovframlegget Departementet gjer framlegg om at heile konsesjonslova vert oppheva. Dette inneber at erverv av fast eigedom ikkje lenger vil vere avhengig av løyve (konsesjon) frå det offentlege. Vidare inneber framlegget at det ikkje vil vere buplikt ved erverv av landbrukseigedom og at det heller ikkje kan fastesetjast forskrift om nedsett konsesjonsgrense (nullgrense). Konsekvensar Om det bør vere kontroll med omsetninga av eigedomar må etter departementet sitt syn, vurderast i lys av kva verdiar og interesser som det ut frå samfunnsutviklinga er trong for å ta i vare. Lovreguleringa bør ikkje gå lenger enn dette behovet tilseier. Kva praksis konsesjonslova sin reglar faktisk har ført til bør også leggjast til grunn. I praksis syner det seg at det er få avslag på konsesjon, noko som kan tyde på at kommunane ikkje meiner der er trong for å gripe inn i dei friviljuge avtalane med bruk av verkemiddel. Kommunane sin praksis trekkjer i retning av at trongen for kontroll med omsetning av landbrukseigedom er liten. På den andre sida kan ein ikkje sjå vekk frå at konsesjonslova har verknad for omsetninga fordi reglane finnast. Reglane legg dermed ein del premissar som ein del aktørar innrettar seg etter ved overdraging av konsesjonspliktige eigedomar. Ut frå momenta ovanfor og trongen for endring, meiner departementet at trongen for kontroll med omsetning av landbrukseigedomar ikkje lenger er tilstrekkeleg tungtvegande som argument for å oppretthalde konsesjonslova slik den er i dag. Den historiske utviklinga syner at reglane i gjeldande plan- og bygningslov og i jordlova er styrka som reiskap for å oppnå eit effektivt vern om landbruket sine produksjonsareal. Departementet meiner difor at konsesjonslova sine reglar for å sikre jordvern er svært liten, og at dette omsynet ikkje er tilstrekkeleg grunn til å oppretthalde lova. Føremålet med reglane om buplikt er å medverke til å oppretthalde og styrke busetjinga, ivareta omsynet til heilskapleg ressursforvaltning og kulturlandskap. Departementet legg til grunn at ei rekkje andre tilhøve enn buplikta har innverknad på kvar den einskilde vel å busetje seg. Døme på dette er moglegheitene for å skaffe seg arbeid og at eigarar av landbrukseigedom har sterke kulturelle og kjensleladde band til eigedomen. Desse tilhøva vil truleg i mange høve vere meir utslagsgjevande for val av bustad enn buplikta. Forskingsresultat viser samla sett at det er eit nokså opent spørsmål om reglane om buplikt på landbrukseigedomar verkar, eller om dei ikkje verkar etter sitt føremål. Reglane om buplikt innskrenkar eigar sitt rådevelde over eigedomen, buplikta kan vere prisdempande, den kan ha

8 Sak 55/14 verknad for omsetning av landbrukseigedom, for investeringar i eigedomen og handheving av den krev både offentlege og private ressursar. På denne bakgrunn meiner departementet at dei omsyn som grunngjev trongen for buplikt ikkje er tilstrekkelege for å oppretthalde reglane om buplikt slik dei er ei dag. Føremålet med reglane om nedsett konsesjonsgrense (kommunal forskrift) inneber buplikt utanom landbruksområder for å hindre at hus som har vore brukt som heilårsbustad blir nytta til fritidshus. Ei utvikling der heilårsbustader blir brukt til fritidshus kan skje der heilårsbustadane, til dømes på grunn av lokalisering, er meir attraktive som fritidseigedomar enn som bustadeigedomar. Avhengig av omfanget kan ei slik utvikling få konsekvensar for busetjingsmønsteret, lokalmiljøet og bustadprisane, og kanskje og for kommunen sine skatteinntekter. Buplikta gjeld i desse høva for heile eigartida og verkar på det viset sterkt innskrenkande på eigar sitt rådvelde over eigedomen. Reglane har dermed ein prisdempande effekt ved omsetning av fast eigedom. Reglane krev ressursar til oppfølging og forsking syner at det er usikkert om reglane verkar. Ut frå ei samla vurdering meiner departementet at reglane om nedsett konsesjonsgrense bør opphevast. Vurdering/drøfting I 2004 vart alle konsesjonsavgjerder og alle avgjerder om buplikt lagt til kommunen som første instans. Administrasjonen stadfestar og på skjemaet «Eigenfråsegn om konsesjonsfridom», noko som er ei enkel rutinesak. I 2012 bestemte Landbruks- og matdepartementet at for bebygde, konsesjonspliktige landbrukseigedomar der kjøpesummen er under kr skulle prisvurdering utelatast. Dette medfører at prisvurdering ikkje vert gjennomført for dei fleste eigedomane som vert omsett her i kommunen. I Balestrand kommune er det handsama 5 søknader om konsesjon i åra Ein kan såleis ikkje sjå at momentet med ressursbruk bør vere avgjerande for kommunen sitt syn på framlegget om å oppheve konsesjonslova og reglane om buplikt. Kommunal forskrift om nedsett konsesjonsgrense var tidlegare aktuelt i Balestrand, men pr. i dag har kommunen ikkje sett trongen for å vedta eit slikt regelsett. Slik lovverket er i dag gjev det likevel rom for utøving av lokalt sjølvstyre og innføring av «nullgrenseforskrift» kan vere fornuftig i einskilde områder av landet. Pr. 1. september 2014 hadde 60 kommunar innført lokal forskrift og så langt ein kjenner til, ligg ingen av desse kommunane i Sogn og Fjordane. Hovudføremålet med konsesjonslova er å verne landbruksareal og oppretthalde landbruksproduksjon ved kjøp og sal av landbrukseigdomar. Konsesjonslova skal sørje for at samfunnet sine langsiktige behov vert tatt i vare, og tar omsyn til beste for miljø, busetjing, almenne naturverninteresser, utbyggjing og framtidige generasjonar sine behov. Konsesjonslova sikrar at landbrukseigedomar vert eigd av enkeltpersonar og ikkje selskap og den er grunnpilaren for familiejordbruket i landet vårt. Konsesjonslova er over 100 år (vedtatt i 1909) og føremålet den gang var å sikre at norske jordbruksareal ikkje vart kjøpt opp av utanlandske storkapitalistar. Dersom konsesjonslova vert oppheva slik Landbruks- og matdepartementet gjer framlegg om, vert det opna opp for at

9 Sak 55/14 store nasjonale og internasjonale selskap kan kjøpe opp store eigedomar/landareal til rekreasjon og til jakt, fiske, kraftutbyggjing osv. Buplikt Konsesjonslova sørjer for at den som overtek større jord- og skogbrukseigedomar må bu på garden i minst fem år. Føremålet med buplikta er å hindre at eigedomar over 100 dekar som vert kjøpt opp blir ubebudde eller kun brukt som fritidseigedom. Dette er også eit distriktspolitisk verkemiddel for å styrke busetjinga. Priskontroll Konsesjonslova skal sikre ei forsvarleg prisutvikling på landbrukseigedomar. Føremålet md priskontrollen er at eigedomar som skal nyttast til landbruk vert omsett til ein pris som bidreg til å realisere mål i landbrukspolitikken. Dette gjeld mål om å sikre rekruttering til næringa, å legge til rette for langsiktig god ressursforvaltning og legge til rette for stabile heiltids- og deltidsarbeidsplassar. Konklusjon Samla sett ser Balestrand kommune konsesjonslova og reglane om buplikt som svært viktig for å ha kontroll med omsetning av landbrukseigedomar og for å sikre samfunnet sine interesser på lang sikt. Gjennom konsesjonslova sikrar ein at landbrukseigedomar vert eigd av enkeltpersonar og ikkje selskap. Det er viktig med lokalt eigarskap og at landbrukseigedomar vert bebudde av eigarane sjølve. Buplikt er eit viktig verkemiddel for å oppretthalde busetjinga i store delar av landet og då særleg i distriktskommunar. Priskontrollen verkar i praksis prisdempande og gjer det mogleg for ungdom med interesse for landbruksnæringa, men gjerne utan mykje kapital, å kunne kjøpe landbrukseigedom. Landbruks- og matdepartemenet gjer framlegg om å oppheve eit lovverk som har verka i over 100 år utan å gå nære inn på kva konsekvensar dette kan føre til i framtida. Ein veit lite om korleis eigedomstilhøva og busetjinga ville vore utan at konsesjonslova hadde verka. Departementet sin argumentasjon for å fjerne lova er relativ enkel; omsynet til den private eigedomsretten og at den er ein grunnleggjande verdi i vårt samfunn, samt det som vert framstilt som forenkling og mindre landbruksbyråkrati. Rådmannen si tilråding: Balestrand kommune går i mot å oppheve konsesjonslova og reglane om buplikt slik Landbruks- og matdepartementet legg opp til i framlegget som er sendt på høyring. Kommunen ser det som svært viktig at ein oppretteheld konsesjonslova og reglane om buplikt slik at ein kan ta i vare samfunnet sine langsiktige behov med omsyn til matproduksjon, til miljøet, busetjing, allmenne naturverninteresser, utbygging og framtidige generasjonar. Handsaming i Formannskapet: Formannskapet røysta over framlagd tilråding.

10 Sak 55/14 Tilråding etter handsaming i Formannskapet: Balestrand kommune går i mot å oppheve konsesjonslova og reglane om buplikt slik Landbruks- og matdepartementet legg opp til i framlegget som er sendt på høyring. Kommunen ser det som svært viktig at ein oppretteheld konsesjonslova og reglane om buplikt slik at ein kan ta i vare samfunnet sine langsiktige behov med omsyn til matproduksjon, til miljøet, busetjing, almenne naturverninteresser, utbyggjing og framtidige generasjonar. Samrøystes.

11 Sak 56/14 MØTEBOK Sak nr.: Utval Møtedato 41/14 Formannskapet /14 Formannskapet /14 Kommunestyret /14 Formannskapet /14 Kommunestyret Sakshandsamar: Åge Skrede Arkivsaknr.: 14/216 Arkiv: M82 Forslag til ny felles forskrift om open brenning i kommunane i kommunane Sogndal, Leikanger, Luster, Balestrand og Vik Vedlegg: Forslag til felles forskrift Kart Nessane Kart Hamrane - Dragsvik Bakgrunn: Kommunestyresak 45/14, Lovheimel: Forureiningslova 9. SAKSOPPLYSNINGAR Sjå tidlegare saksframlegg. VURDERING På bakgrunn av handsaminga i formannskap/kommunestyre har ein endra på forslaget slik at ein føreslår at tekst merka med blått vert stroke. Når det gjeld hageavfall kan dette leverast på miljøstasjon. Rådmannen si tilråding: Forslag til ny felles føresegn om open brenning i kommunane Sogndal, Leikanger, Luster, Balestrand og Vik vert vedteken slik den ligg føre Handsaming i Formannskapet: Lars Trygve Sæle delte ut eit nytt framlegg til forskrift, og gjorde framlegg om at denne vert vedteken. Ny føresegn om Open brenning for Balestrand kommune vert vedteken i samråd med vedlagt forslag frå Balestrand Høgre.

12 Sak 56/14 Råmund Nyhammer gjorde følgjande framlegg Forslag til ny felles føresegn om open brenningi kommunane Sogndal, Leikanger, Luster, Balestrand og Vik vert vedteken slik den ligg føre med unnatak av 5, punkta e og g. Punkt e får følgjande ordlyd St. Hansbål og Olsokbål, under føresetnad at det vert brukt reint og tørt trevirke. Brannvesenet skal varslast, jf. forskrift om brannførebyggande tiltak og tilsyn av 26. juni 2002 nr 847 Punkt f får følgjande ordlyd Halmbrenning og kvistbrenning i jordbruket utfor tettbygd strok. (Forbodet gjeld i kartfesta område). Brannvesenet skal varslast, jf. forskrift om brannførebyggande tiltak og tilsyn av 26. juni 2002 nr 847 Det vert først røysta over framlegg frå Lars Trygve Sæle som fall med 2 mot 3 røyster. Deretter vart det røysta over framegg frå Råmund Nyhammer som fall med 1 mot 4 røyster. Så rådmannen si tilråding som fall med 2 mot 3 røyster. Til slutt vart det røysta alternativt over framlegg få rådmannen og framlegg frå Lars Trygve Sæle. Tilråding frå rådmannen vart tilrådd med 3 mot 2 røyster. Det vart deretter røysta alternativt over framlegg frå rådmannen og framlegg frå Råmund Nyhammer. Rådmannen si tilråding vart då tilrådd med 4 mot 1 røyst. Tilråding etter handsaming i Formannskapet: Forslag til ny felles føresegn om open brenning i kommunane Sogndal, Leikanger, Luster, Balestrand og Vik vert vedteken slik den ligg føre Tilrådd (4 mot 1).

13 Sak 57/14 MØTEBOK Sak nr.: Utval Møtedato 3/13 Formannskapet /14 Formannskapet /14 Formannskapet /14 Kommunestyret Sakshandsamar: Arne Abrahamsen Arkivsaknr.: 13/140 Arkiv: 144 Q14 Trafikktryggleiks- og gatebruksplan Vedlegg: Trafikktryggleiks og gatebruksplan, sept Handlingsprogram, Uttaler Harald Tjugum, Sagatun barnehage, Terje Sæle og Terese Solvorn, Balestrand næringsforum, Kunstbygda Balestrand, Sjøtun Camping, Nabolaget i Kaivegen, Kong Beles veg og Lærargata sentralt, Anders H. Balevik, Nessane grendalag, Bakgrunn: Formannskapssak 63/14, Brev om og annonsering av høyring av planen, Lovheimel: Plan og bygningslova SAKSOPPLYSNINGAR Trafikktryggleiks- og gatebruksplan, sept vart handsama og lagt ut på høyring i sak 63/14 i formannskapsmøte den Det vart helde eit ope møte om planen den Det er i høyringsperioden kome inn i alt 8 uttaler til planen. Desse er lagt ved. Merknadene er vurdert tematisk etter innhald i planen. Trafikktryggleiks- og gatebruksplan vert i denne saka lagt fram for endeleg godkjenning. Kommunestyret gjer etter tilråding frå formannskapet vedtak i saka..

14 Sak 57/14 VURDERING Gjennomgang av uttalene knytt opp mot ulike tema (kapittel) i planutkastet: 5.1 Skilting Sjøtun Camping Meiner 30 km/t skilt i Sjøtunvegen kan takast vekk då det er soneskilting i sentrumsområdet. Vidare at blindvegskilt bør flyttast lengre opp i same veg. Vurdering Samd i dette. Det bør i tillegg skiltast for snuplass i enden av Sjøtunvegen. Sjøtun Camping, Harald Tjugum og Balestrand næringsforum Meiner parkeringsplasser i sentrumsområdet bør skiltast med underskilt med camping forbode eller tidsavgrensing. Vurdering Camping forbode er ikkje eit normert skilt som Statens vegvesen vil godkjenne som trafikkregulerande skilt. Avgrensing av parkering må skje med tidsavgrensing som underskilt. Det er vurdert som fornuftig å ha tidsavgrensing på 4 timar i sentrum, samt skilte dette som sone på fylkesvegen ned mot sentrum (Kaivegen) frå området etter avkjøringa til Kong Beles veg. Oppheving av sone vert ved krysset ved Nilsens plass. For følgjande parkeringsplassar meiner ein i tillegg at det bør bli innført 2 timersparkering i tidsrommet 22:00-06:00; Lunde friområde, Sagatun skule, og Hittunsfjøra friområde. 5.3 Fartsreduserande tiltak Sjøtun Camping Meiner innteikna fartshump på Villavegen ved Sjøtun Camping kjem nær avkjøring til campingplassen. Vurdering Er ca. 20 meter frå avkjøringa Vurderer dette til å vere ei grei plassering i høve avkjøring og andre fartshumpar. Vert også detaljustering av plassering før bygging. Anders H. Balevik Lurer på om det er naudsynt med 9 fartshumpar i Kong Beles veg/villavegen. Meiner vegbana bør senkast ved hans eigedom, og at dette kan gjerast i samband med legging av fartshump. Vurdering Skal ein ha fartshumpar er 9 stk. eit minimum. Statens vegvesen tilrår ein avstand ned mot 75 meter ved 30 km/t. Denne planen omhandlar i utgangspunktet ikkje vegtekniske forhold. Senking av veg betyr at vegbana over eit lengre område må senkast for å få ein jamn horisontal kurvatur. Terje Sæle og Terese Solvorn Meiner det bør vere to ekstra fartshumpar i Fjærestadvegen i tråd med vedlagd kartskisse. Vurdering Er samd i dette. Det bør i tillegg vere ytterlegare ein fartshump innom krysset til Granliavegen for ikkje å få ei for lang strekning mellom fartshumpane her. 5.4 Merking av fotgjengarovergangar Sjøtun Camping

15 Sak 57/14 Meiner fotgjengarovergang frå Sjøtunsvegen over Villavegen mot Gamle Sagatun som er føreslegen fjerna, bør vere her framleis. Vurdering Fotgjengarovergangen vart etablert når det var folkebibliotek og barnehage-/førskuleavdeling i Gamle Sagatun skule. Desse funksjonane er vekke, og det er ikkje spesielt mykje gangtrafikk her i høve til andre stader på vegen. Ein meiner difor at føresetnadene i planen bør ligge fast. Nabolaget i Kaivegen, Kong Beles veg og Lærargata sentralt. Meiner det bør vere ein fotgjengarovergang over Kong Beles veg ved Lærargata på sida mot Bøyum pensjonat. Meiner også at det bør vurderast å setje opp ein spegel her. Vurdering Samd i dette. Gjer at det vert ekstra skilting av fotgjengarovergangen også. Når det gjeld merking er det teke med 4 fortgjengarovergangar i sentrum. Det vil dekke dei to som er i Kong Beles veg og dei to i gata ved Norsk reiselivsmuseum. I tillegg er det tre fotgjengarovergangar på fylkesvegen ned til sentrum som er Statens vegvesen/fylkeskommunen sitt ansvar å merke opp. 5.5 Merking av parkeringsplassar Balestrand næringsforum Meiner det er viktig å prioritere merking av parkeringsplassar i sentrum. Dette for å få orden på parkering, og også funksjonar som varelevering m.m. Vurdering Samd i dette. 5.6 Merking av kjørebane Kunstbygda Balestrand Lanserer eit kunstprosjekt som viser veg til ulike turistattraksjonar med fargekart/fargespor. Vurdering Kan vere spennande, men treng å konkretiserast før det vert teke stilling til. Bør eventuelt jobbast vidare med før tiltak vert innarbeida. 5.8 Bussparkering Balestrand næringsforum Ynskjer ytterlegare tilrettelegging for bussparkering med omsyn på behov for mellom anna Norsk Reiselivsmuseum. Vurdering Bør vurderast vidare. Kan også løysast av verksemder som har busstrafikk. Anders H. Balevik Ser ikkje at det er problem med bussparkering langs vegen ved rådhuset. Vurdering Er vurdert som ei løysing ein ikkje ynskjer pga. at parkerte bussar i tillegg til å ta delar av kjørebana gjev redusert sikt, og med det at det skapar trafikkfarlege situasjonar. Nabolaget i Kaivegen, Kong Beles veg og Lærargata sentralt. Meiner det er fornuftig at det ikkje er bussparkering med rådhuset. Meiner at det heller ikkje bør vere bussparkering ved Bygdahuset då krysset mellom Kong Beles veg og Lærargata er trongt. Meiner bussparkering bør vere med Gamle Essoen.

16 Sak 57/14 Vurdering Gamle Essoen var vurdert som busstopp i samband med anleggsperioden for Norsk Reiselivsmuseum. Denne plassen var då gått vekk frå pga. vanskeleg ut- og innkjøring. Plassen er ikkje djup nok til å få god sving inn på vegen. Denne plassen er også føresett nytta til ordinær parkering for sentrum, noko det vil vere trong for. På bakgrunn av dette vil ein tilrå at bussparkering på Holmamyrane ligg fast i planen. 5.8 Busstopp lang fylkesveg Nessane grendalag Ynskjer betre tilrettelegging av 5 ulike busstopp på Nessane - Nokkaneset. Påpeiker skilting til sambrukshus, plassering av områdeskilt for Nessane og sikring ved tunnel langs Fv 55. Vurdering Etablering av slike busstopp langs fylkesvegnettet vert gjort av Statens vegvesen. Ein busstopp på nedsida vegen ved Nokkaneset vart føresett flytta av Statens vegvesen etter trafikktryggleiksynfaring i Når det gjeld utforming av slike små busstopp er Statens vegvesen gått vekk frå å bygge ordinære busslommer. Det vert i staden føreset at bussen stopper i vegen, medan det vert ei minimal tilrettelegging i vegkant der ein kan vente på bussen. Dersom det er trong for ytterligare utbetring der ein venter på bussen med t.d. betre plass, lys m.m. må dette til vanleg bli ordna lokalt i samråd med vegvesenet. Det er sett opp eit forslag til ein rammepott på kr til slik tilrettelegging, då i første rekke med tanke på busstopp der det er skuleskyss. Busstopp ved Nessane kan vurderast innanfor ei slik ramme om det vert prioritert midlar til det. Skilting langs fylkesveg til t.d. Sambrukshus og er ikkje tema i kommunen sin trafikktryggleiksplan. Det same gjeld sikring langs Fv 55 og tunnelane her Gatelys Sagatun barnehage Ynskjer ytterlegare gatelys ved parkeringsplassen ved til barnehagen. Vurdering Det vert i første omgang skifta til armatur med betre lys i eksisterande stolpar. Situasjonen vert vurdert etter det Andre tiltak einvegskjøring i gateløpet ved Norsk reiselivsmuseum. Balestrand næringsforum Ynskjer primært gågate framføre museet. Om ein vel einvegskjøring meiner Balestrand næringsforum at kjøreretning bør vere ned mot kaia, og at busstoppen ved Holmatunet vert flytt til andre sida av vegen ved servicebygget. Nabolaget i Kaivegen, Kong Beles veg og Lærargata sentralt. Meiner bussar og andre tunge kjøretøy må kunne snu nede i sentrum, og med det nytte fylkesvegen (Kaivegen) begge vegar. Vurdering Har vurdert permanent rundkjøring og gågate tidlegare. Dette har ein gått vekk frå. Det er fleire grunnar til dette. Mellom anna kan ikkje planlagt gangvegløysing framom dei gamle kaibygga gjennomførast. Ei rundkjøringsløysing har også vist seg svært sårbar då feilparkerte bilar i rundkjøringa har blokkert all kjøretrafikk, og med det snuplass for store kjøretøy/bussar. Bussjåførane har ut i frå dette frårådd løysinga. Løysinga er også sterkt frårådd frå Norsk Reiselivsmuseum som ynskjer gjennomkjøring i gateløpet, mellom anna pga. varelevering.

17 Sak 57/14 Når det gjeld einvegskjøring har tilbakemeldingane vore udelt positive sett opp i mot tovegstrafikk som i dag. Dette gjev betre plass til fortau og gåande. Når det gjeld retning på einvegskjøringa er dette ei avgjerd som kan gjerast om relativt enkelt. Vurderingane som ligg til grunn for vald løysing med einvegskjøring opp frå sentrum/kaia, er at alle store kjøretøy der sjåføren ikkje er kjend i Balestrand naturleg vil kjøre ned i sentrum langs fylkesvegen (Kaivegen). Er einvegskjøringa motsett, må desse kjøretøya snu nede i sentrumsområdet. Dette kan vere svært krevjande, og også trafikkfarleg på sommartid med mykje trafikk og folk i sentrum. Ein er samd i at vegkrysset mellom Kaivegen og Kong Beles veg er noko trongt. Det er likevel fullt mogeleg å køyre dette krysset slik det er i dag. Ein vi difor, ut frå ei samla vurdering, tilrå at løysinga i planen vert liggande fast. Kunstbygda Balestrand Meiner ein bør nytte «Shared Spaces» som modell for einvegskjøringa. Dette vi seie ingen avgrensing av trafikkantar, skilting eller oppmerking, men ferdsel basert kontakt og samhandling mellom dei som ferdast. Vurdering Planane for gateløpet er fastsette. Ein er også usikker om ein så kort og lausriven distanse med slik tilrettelegging med mangel på regulering vil fungere i praksis. Ein vil tilrå at dei fastsette planane ligg fast. - Nilsens plass ny utforming Nabolaget i Kaivegen, Kong Beles veg og Lærargata sentralt. Meiner ein bør bygge om denne plassen slik at parkeringsplassane vert fjerna, gangvegen vert lagt rundt og at det vert eit parkmessig arrangement inn mot fjellet. Vurdering Dette er ein god idé! Utforming av dette området er ikkje optimal med kombinasjon av gangveg og parkering. Tilkomsten for gåande langs Kong Beles veg som skal vidare i retning av Helesenteret er heller ikkje heilt god, og gjer til at dei gåande oftast går gjennom krysset og ikkje langs gangvegen slik som tenkt. Dette prosjektet kan med fordel vurderast og planleggast vidare! - Parkeringsløysing i sentrum Nabolaget i Kaivegen, Kong Beles veg og Lærargata sentralt. Meiner ein bør nytte eigedom gbnr 10/86 som er lagt ut for sal til å bygge eit parkeringsanlegg i 2 etasjar samt hageanlegg. Vurdering Er eit spenstig innspel. Omfanget er slik at det ikkje kan ligge innanfor rammene til denne planen, men det kan vere ein ide som kan vurderast vidare i samspel med eigarane. Ein tek difor ikkje nærare stilling til dette her. - Sykkelparkering Kunstbygda Balestrand Meiner ein må tilrettelegge for nye og attraktive sykkelparkeringar i sentrum og andre sentrale punkt. Vurdering Dette er ein god ide, men som krev noko meir planlegging og samhandling med mellom andre eigarar av bygg der det kan vere aktuelt å etablere slike sykkelparkeringar. Det er og mykje spennande når det gjeld utforming for slike anlegg/tiltak. Dette prosjektet bør konkretiserast vidare.

18 Sak 57/14 Planen var lagt til høyring utan eit prioritert handlingsprogram (HP). Budsjettsituasjonen til kommunen gjer det også svært vanskeleg å få gjennomført store tiltak dei næraste åra. Handlingsprogrammet er frå rådmannen si side no sett opp med små tiltak for 2015, og som truleg kan gjennomførast innanfor driftsbudsjettet slik det no ligg føre. For resten av økonomiplanperioden er det ikkje samsvar med økonomiplanen. Desse tiltaka må i så fall tilpassast ved neste års budsjetthandsaming. Nokre gode innspel treng å bli planlagt nærare før dei eventuelt vert teke inn som konkrete tiltak i planen. Det er difor i ei samla tilråding frå rådmannen også føreslege å kunne jobbe vidare med nokre prosjekt. Rådmannen si tilråding: Balestrand kommune vedtek Trafikktryggleiks- og gatebruksplan for Balestrand kommune i samsvar med vedlagt planframlegg sept. 2014, og med følgjande endringar som vert teke inn i plandokument og plankart skilt og merkeplan: 5.1 Skilting 30 km/t skilt i Sjøtunvegen vert teke vekk då det er soneskilting i sentrumsområdet. Blindvegskilt vert flytta lengre opp i Sjøtunvegen. Det vert skilta for snuplass i enden av Sjøtunvegen. Det vert skilta med tidsavgrensing for parkering på 4 timar i sentrum, samt skilta med soneskilt på fylkesvegen ned mot sentrum (Kaivegen) frå området etter avkjøringa til Kong Beles veg. Oppheving av sone vert ved krysset ved Nilsens plass. For følgjande parkeringsplassar vert skilta 2 timersparkering i tidsrommet 22:00-06:00; Lunde friområde, Sagatun skule, og Hittunsfjøra friområde. Det vert skilta for ny fotgjengarovergang ved Kong Beles veg ved Lærargata. Det vert skilta for einvegskjøring og innkjøring forbode for gateløpet ved Norsk Reiselivsmuseum. 5.3 Fartsreduserande tiltak Det vert lagt inn 3 ekstra fartshumpar i Fjærestadvegen/Skåsheimsvegen. 5.4 Merking av fotgjengarovergangar Fotgjengarovergangar med skilting i over Kong Beles veg ved Lærargata på sida mot Bøyum pensjonat, og ved overgang mot Gamle Essoen vert teikna inn på plankart skilt og merkeplan Gatelys Det vert skifta lysarmatur i eksisterande stoplar ved parkeringsplassen til Sagatun barnehage. Dersom dette ikkje gjev tilstrekkeleg lys vert det sett opp ekstra lysstolpe ved inngangsporten.. Handlingsprogrammet vert vedteke i samsvar med vedlagt HP, Det vert retningsgjevande for gjennomføring for åra Følgjande prosjekt vert teke høgde å jobbe vidare med, i samspel med aktuelle instansar, med tanke på å innarbeide dei i planen ved kommande rulleringar av planen: Sykkelparkering Konkret lokalisering og utforming. Kunstprosjekt vegvisarar som fargespor. Utforming av Nilsens plass.

19 Sak 57/14 Handsaming i Formannskapet: Formannskapet røysta over framlagd tilråding. Tilråding etter handsaming i Formannskapet: Balestrand kommune vedtek Trafikktryggleiks- og gatebruksplan for Balestrand kommune i samsvar med vedlagt planframlegg sept. 2014, og med følgjande endringar som vert teke inn i plandokument og plankart skilt og merkeplan: 5.1 Skilting 30 km/t skilt i Sjøtunvegen vert teke vekk då det er soneskilting i sentrumsområdet. Blindvegskilt vert flytta lengre opp i Sjøtunvegen. Det vert skilta for snuplass i enden av Sjøtunvegen. Det vert skilta med tidsavgrensing for parkering på 4 timar i sentrum, samt skilta med soneskilt på fylkesvegen ned mot sentrum (Kaivegen) frå området etter avkjøringa til Kong Beles veg. Oppheving av sone vert ved krysset ved Nilsens plass. For følgjande parkeringsplassar vert skilta 2 timersparkering i tidsrommet 22:00-06:00; Lunde friområde, Sagatun skule, og Hittunsfjøra friområde. Det vert skilta for ny fotgjengarovergang ved Kong Beles veg ved Lærargata. Det vert skilta for einvegskjøring og innkjøring forbode for gateløpet ved Norsk Reiselivsmuseum. 5.3 Fartsreduserande tiltak Det vert lagt inn 3 ekstra fartshumpar i Fjærestadvegen/Skåsheimsvegen. 5.4 Merking av fotgjengarovergangar Fotgjengarovergangar med skilting i over Kong Beles veg ved Lærargata på sida mot Bøyum pensjonat, og ved overgang mot Gamle Essoen vert teikna inn på plankart skilt og merkeplan Gatelys Det vert skifta lysarmatur i eksisterande stoplar ved parkeringsplassen til Sagatun barnehage. Dersom dette ikkje gjev tilstrekkeleg lys vert det sett opp ekstra lysstolpe ved inngangsporten.. Handlingsprogrammet vert vedteke i samsvar med vedlagt HP, Det vert retningsgjevande for gjennomføring for åra Følgjande prosjekt vert teke høgde å jobbe vidare med, i samspel med aktuelle instansar, med tanke på å innarbeide dei i planen ved kommande rulleringar av planen: Sykkelparkering Konkret lokalisering og utforming. Kunstprosjekt vegvisarar som fargespor. Utforming av Nilsens plass. Samrøystes.

20 Sak 58/14 MØTEBOK Sak nr.: Utval Møtedato 32/12 Utval for plan og utvikling /12 Formannskapet /12 Kommunestyret /13 Utval for plan og utvikling /13 Formannskapet /13 Kommunestyret /14 Formannskapet /14 Kommunestyret Sakshandsamar: Arne Abrahamsen Arkivsaknr.: 12/807 Arkiv: 143 C20 Kommunedelplan for idrett, friluftsliv og fysisk aktivitet - rullering av handlingsprogram Vedlegg: Framlegg til handlingsprogram, Gjeldande handlingsprogram, Plandokument - Kommunedelplan for idrett, friluftsliv og fysisk aktivitet for Balestrand kommune , Bakgrunn: Brev til lag og organisasjonar, Lovheimel: Plan og bygningslova 11-2 SAKSOPPLYSNINGAR Kommunedelplan for idrett, friluftsliv og fysisk aktivitet for Balestrand kommune gjeld for åra Det er med andre ord siste år av planperioden i 2015, og med det siste rullering av handlingsprogrammet. Framlegg til handlingsprogram har vore sendt ut til uttale til lag og organisasjonar. Det har ikkje kome inn merknader. VURDERING Status for tiltak i planen for 2014 er vist i vedlagt framlegg til endring av handlingsprogram. Her er avslutta prosjekt merka med grå skravur, prosjekt som er påbegynt og vert avslutta i 2014/15 merka med grønn skravur, medan 3 prosjekt merka med gul skravur ikkje er sett i gang. Kort vurdering av aktiviteten i 2014: Opprusting utstyr i Belehalli Har vore gjennomført i 2013 i samråd med Sygna vidaregåande skule, Sagatun skule og Balestrand idrettslag. I 2014 vart det innkjøpt nye baketballkorger, balansebenkar og nokre matter. Bør nytte minimum ein slik sum av driftsbudsjettet (kr ) til opprusting av utstyr pr. år.

21 Sak 58/14 Hittunsfjøra friområde Prosjektet er igangsett. Kan søkje spelemidlar til toalett/servicebygg for anlegget. Dette er planlagt gjennomført i 2015 og er viktig er med i planen. Løyving vert flytta til Friområde Kvamsøy, fase 4 Er igangsett. Litt restarbeid att. Rest av økonomiske midlane er sett av på balansekonto då det ikkje er aktuelt å søkje spelemidlar i Kastsektor kule Kreklingen. Ikkje gjennomført i Rest av økonomiske midlane er sett av på balansekonto slik at tiltaket kan bli gjennomført. Leirduebane i Esebotn Fekk ikkje spelemidlar i 2013, og fekk ikkje søkt i 2014 pga. formelle forhold. Balestrand Jeger og Fiskarlag har jobba vidare med planar /søknad og ynskjer å søkje på nytt i Prosjektet er føreslege flytta til Klatrepark - Kreklingen Fekk spelemidlar i Er påbegynt men vert ikkje ferdigstilt før i Rest av økonomiske midlane er sett av på balansekonto då det ikkje er aktuelt å søkje ytterlegare spelemidlar i Tursti - Orrabenkstien Fekk spelemidlar i Ikkje gjennomført i Rest av økonomiske midlar er sett av på balansekonto då det ikkje er aktuelt å søkje ytterlegare spelemidlar i Det er berre føreslege å legge inn eitt nytt tiltak i Detter prosjektet går på betre tilrettelegging og merking av tursti til Keipen. Dette er eit prosjekt knytt til topptursatsinga som det har vore jobba med i Det er utarbeida ein forvaltningsplan for tiltaket. Kommunen sin innsats er avgrensa til kr som er omdisponerte midlar frå ikkje gjennomført tiltak i Lunde bustadfelt. Som det går fram av vedlagt handlingsprogram vart ein del større tiltak allereie i 2013 flytt ut i tid, og må ev. vurderast ved hovudrullering av kommunedelplanen neste år. Rådmannen si tilråding: Balestrand kommune vedtek i medhald av Plan og bygningslova 11-2 revisjon av handlingsprogram til Kommunedelplan for idrett, friluftsliv og fysisk aktivitet i samsvar med vedlagt framlegg til handlingsprogram Handsaming i Formannskapet: Formannskapet røysta over framlagd tilråding. Tilråding etter handsaming i Formannskapet: Balestrand kommune vedtek i medhald av Plan og bygningslova 11-2 revisjon av handlingsprogram til Kommunedelplan for idrett, friluftsliv og fysisk aktivitet i samsvar med vedlagt framlegg til handlingsprogram Samrøystes.

22 Sak 59/14 MØTEBOK Sak nr.: Utval Møtedato 65/14 Formannskapet /14 Formannskapet /14 Kommunestyret Sakshandsamar: Arne Abrahamsen Arkivsaknr.: 13/691 Arkiv: L12 Reguleringsplan for Holmamyrane bustadområde - endeleg vedtak Vedlegg: Reguleringsplan for Holmamyrane Bustadområde, ROS- analyse for Holmamyrane bustadområde Uttaler NVE, region vest, Fylkesmannen, Statens vegvesen, Kunstbygda Balestrand AS, Sigurd Kvikne m.fl, Bakgrunn: Formannskapssak 65/14, Brev, samt kunngjering av utlegging til off.ettersyn/høyring, 24,09.14 Geoteknisk rapport Holmamyrane bustadområde, Sweco Rapport frå kulturminneregistrering for Holmamyrane bustadområde, Sogn og Fjordane fylkeskommune, kulturavdelinga Brev samt kunngjering om igangsetting av arbeid med reguleringsplan for Holmamyrane bustadområde, Lovheimel: Plan og Bygningsloven SAKSOPPLYSNINGAR Bakgrunn og føresetnader Planområdet ligg i Balestrand sentrum og er i dag dels dekka av «Reguleringsplan for Holmamyrane Aust » og dels av «Reguleringsplan for Balestrand sentrum - Holmamyrane Føremålet med planarbeidet er å legge til rette for utbygging av området til bustader. I gjeldande reguleringsplanar er også området regulert til utbyggingsområde med hovudvekt på bustader, og framlagt utkast til reguleringsplan endrar i liten grad arealbruk fastsett i desse to gjeldande i reguleringsplanane.

23 Sak 59/14 Ved oppstart vart det varsla at ein gjennom planarbeidet ville legge opp til å justere den detaljsituasjonen som gjeld i dag, opp i mot konkrete utbyggingsplanar. Målet har vore å optimalisere bruken av området med omsyn på god arealutnytting og attraktive buløysingar. Føresetnadene var at det skulle bli lagt opp til rekke- og tunløysingar og ev. småblokkliknande utbygging. Innleiande faglege utgreiingar I samband med oppstart av planarbeidet vart det gjort følgjande faglege utgreiingar: Kulturminneregistreringar Ved oppstart vart det stilt krav om kulturminneregistreringar i medhald av Kulturminnelova. Desse vart utført hausten 2013 og dokumentert i Rapport frå kulturminneregistrering for Holmamyrane bustadområde, Sogn og Fjordane fylkeskommune, kulturavdelinga Konklusjonane i denne rapporten var at det ikkje var funn av kulturminne, og at området ut i frå dette kunne nyttast til utbyggingsføremål. Grunnundersøkingar I samarbeid med utbyggar vart det i ein tidleg fase av planarbeidet avgjort å gjennomføre grunnundersøkingar av området. Dette vart gjort ut i frå Plan og bygningslova sine generelle krav til trygg byggegrunn, samt at grunnforhold vil kunne vere avgjerande for om og korleis eit område kan utbyggast. Arbeida vart gjennomført kring årsskiftet 2013/2014 og konklusjonane dokumentert i Geoteknisk rapport Holmamyrane bustadområde, Sweco Konklusjonane frå denne rapporten viste at området kunne byggast ut, men med bestemt utføring og med lette trehuskonstruksjonar i delar av planområdet. Planarbeid I samband med avklaringar/avtale med Nordbohus Sogn AS som utbyggar av Holmamyrane bustadområde, vart det også avtalt at dei utarbeider reguleringsplanforslag og tilhøyrande ROS-vurdering for planområdet. Planforslaget som ligg føre tek utgangspunkt i Nordbohus Sogn AS sin situasjonsplan for utbygging av området. Planforslaget har vore drøfta og gjennomgått med administrasjonen i Balestrand kommune. Det vert vist til vedlagd plandokument og ROS analyse. Høyring og offentleg ettersyn Formannskapet handsama sak om utlegging av planforslaget til offentleg ettersyn og sende denne på høyring i tidsrommet I denne perioden er det kome inn 5 uttaler. Desse uttalene er vedlagt saka, og er kort gjengjeve og vurdert under. Reguleringsplanen vert i denne saka lagt fram for endeleg godkjenning. Kommunestyret gjer etter tilråding frå formannskapet vedtak i saka.

24 Sak 59/14 VURDERING Vurdering av innkomne merknader: NVE, region vest Har ingen merknader til planen. Fylkesmannen Meiner det må bli lagt inn eige leikeområde for barn i planen og viser til rikspolitisk retningsline og temarettleiar T-2/2008 og T Har elles ikkje merknader til planframlegget. Vurdering Det er lagt opp til at det vert etablert leikeareal inne på dei einskilde tuna. Dei er ikkje merkt av på plankartet då det vil binde opp detaljert utforming av tuna. Dette er viktig for at dei framtidige eigarane/utbyggar skal kunne utforme ein detaljert situasjonsplan for kvart tun. Det er derimot fornuftig å ta inn krav om leikeareal i føresegnene, slik at det som er tenkt også vert fastsett her. Statens vegvesen Har merknader om at det bør vere snuplassar for vegane V2 og V4, og at desse bør koplast til kommunal veg ved framtidig utnytting av områda nord og sør for planområdet. Meiner at utbygging vil føre til framtidig press på kryss til fylkesveg og at ein må søke om løyve til utvida bruk. Minner elles om kommunen sitt ansvar å sjå til at støykrav er tilfredstillande. Vurdering Vegane V2 og V4 er tenkt som framtidige tilknytingsvegar for utbygging av områda mot sør og nord, nettopp for å kunne kople tilkomsten for desse områda til kommunal veg og ikkje til Fv. 55. Desse vil ikkje bli bygde før slik utbygging eventuelt finn stad, og snuplass er då eventuelt tenkt å komme i enden av vegane inne på desse områda. For V2 er det ut frå terrengmessige omsyn i alle høve ikkje aktuelt med snuplass i enden, medan dette kan vere mogeleg for V4. Samla tilrår ein ikkje å legge inn snuplassar på nokre av desse vegane. Bustadområda i denne planen får berre avkjøring til kommunal veg, og det vil ikkje vere aktuelt med løyve eller avkjøring direkte til Fv. 55. Støy er vurdert i planen. Kunstbygda Balestrand Meiner hus typane burde vore lagt ut saman med reguleringsplanen. Meiner bygga er uheldige arkitektonisk og omtalar dei som brakkebebyggelse. Meiner vidare at det er unødvendig og uheldig at alle bygg på tomta skal ha einsarta form og fargeval, og meiner det er tilstrekkeleg å avgrense det til kvart delfelt. Vurdering Reguleringsplan er eit juridisk bindande dokument som gjev rammer for vidare utbygging og utnytting av areala planen gjeld for. Det er i planen lagt opp til å ha eit visst rom for vidare detaljering i situasjonsplan og i konkrete byggesøknader. Førebelse prospekt av bygg er ikkje ein del av reguleringsplanen, og bør då ikkje følgje denne. Prospekta er likevel godt allment kjende, og det er ut i frå dette mogeleg å ha innspel til slike type bygg og utforming generelt. Ynskjer kommunen å styre utbygginga i ei arkitektonisk retning eller hindre ein viss type bygg slik Kunstbygda ynskjer i sin uttale, må det setjast meir detaljerte krav til utforming i føresegnene og/eller bli utforma bindande illustrasjonar Utgangspunktet for planarbeidet er eit ynskje om tett utbygging med småblokkliknade utbygging på opp til tre etasjar. Både Bygdahuset og Kringsjå som nære naboar utgjer slike bygningsvolum/form. Grunntilhøva tillèt derimot berre lettare trehuskonstruksjonar på delar av området, og med det bygg med mindre volum/storleik. Dette har vore førande for rammene for utbygging som er lagt i reguleringsplanen. Når det gjeld utforming må ein finne ein balanse mellom krav til utrykk/utforming og gjennomførbarheit. Området er noko tilbaketrekt mot riksvegen. Dette gjer at området toler ein annan struktur og utforming enn villabebyggelsen med klassiske einebustadar og ofte store hagar som er vanleg i området elles. Det er viktig ved ei vurdering av dette å ha med seg at det samla utrykket av

25 Sak 59/14 området vert gjeve av både bygga, strukturen i tuna, møblering av tuna og forming av uteareala og vegetasjon. Det eksakte utrykket av bygga vil kunne bli justert og utvikla fram til bygging, og ikkje minst for seinare byggesteg. Det same gjeld for forming av uteareala innan kvart tun. Det er ikkje slik at alle 3 tuna er føresett å skulle ha lik utforming, men slik som Kunstbygda også ynskjer, at kvar tomt/tun skal ha ein samanheng i form og fargeval. Ut i frå utgangspunktet for planarbeidet, og vurderingane som er lagt til grunn, vert det ikkje tilrådd å gjere endring av planen på dette punktet. Sigurd Kvikne m.fl Viser til uttalen frå Kunstbygda Balestrand og sluttar seg til uttalen til denne. Vurdering Sjå vurderingane knytt til uttalen til Kunstbygda Balestrand. Rådmannen si tilråding: Balestrand kommune vedtek med heimel i Plan- og bygningslova Reguleringsplan for Holmamyrane bustadområde med følgjande endringar: Det vert teke inn i føresegnene som nytt 2.10 punkt under 2: Det skal bli tilrettelagt leikeområde for barn inne på kvart tun. Dette skal bli vist i situasjonsplan for tunet som skal følgje byggesøknadene. Handsaming i Formannskapet: Formannskapet røysta over framlagd tilråding. Tilråding etter handsaming i Formannskapet: Balestrand kommune vedtek med heimel i Plan- og bygningslova Reguleringsplan for Holmamyrane bustadområde med følgjande endringar: Det vert teke inn i føresegnene som nytt 2.10 punkt under 2: Det skal bli tilrettelagt leikeområde for barn inne på kvart tun. Dette skal bli vist i situasjonsplan for tunet som skal følgje byggesøknadene. Samrøystes.